منتديات شباب فلسطين - قصيده للحكومة / شقيم الركاع / للجعفري وعلاوي والمالكي ومقتدى وعموري

بعد ان نشر احد الاخوة قصيد عن البرلمانيين للشاعر ملا عبود الكرخي

خطر في بالي ان اكتب عن بعض الاسماء التي ظلمت العراق والعراقيين

والركاع يرمز الى العراق والعراقيين

شقيم الركاع من ديرة عفج

--------------------------
شقيم الركاع من علاوي

محيل وغدار مثل الواوي

طايح بوادي العمالة وهاوي

والجذب يا ناس صايرله علج
--------------------

شقيم الركاع من الجعفري

كاولي وملعون وكبر سرسري

يبيع بينا وللمناصب يشتري

جم رخيص الحمل اجيوب الورج
------------------------

شقيم الركاع من المالكي

بس طويل السان ويصفط حجي

عدمن احنا من الحكومة نشتكي

شوك فوك الرمد بعيوني يشج
---------------------------

شقيم الركاع من عموري

والشعب جم مره طكه بوري

يضحك على الناس هوه ونوري

على اجروح الناس ومكثر الدبج
---------------------------

شقيم الركاع من القائد !

بكل شوارعنا يتامى تشاهد

وجم فقير بطن بيته كاعد

لزكو البمبه على بابة علج
------------------------

شقيم الركاع من هذا الصغير

وللحقير انظلمه لو كلنا حقير

جاب وكتة طائفي وبوق الصفير

خنجر السانه وبالديرة يدج
-----------------------

وشرد اسولفك على الزيباري

بالوزارة شعرفه وشداري

لا يصادق لا يعرف يعادي

بس يعرف استاد بالعلبه يحج