وين انت يا حـــــــــمدان امـك تناديـك = وراك مـا تسمـع شكايـا وندايـــــــا

يا مسندي قلبي على الدوم يطريـك = ما غبت عن عيني وطيفك سمايـا

هذي ثلاث سنيــــن والعينتبكيـــــك = ما شفت زولك زايـر يـا ضنايــــــــــا

تذكر حياتي يـوم اشيلــــك واداريــك = والاعبـك دايـم وتمشـي ورايــــــا

ترقد على صوتي وحضني يدفيـــــك = ما غيرك احدٍ ساكن فـي حشايـــا

واليا مرضت اسهر بقربك واداريـــــك = ما ذوق طعم النوم صبـح ومسايــا

ياما عطيتك من حنانـي وبعطيــــــك = تكبـر وتكبـر بالأمـل يـا منايـــــــــــا

لكن خساره بعتني اليـوم وشفيـــك = واخلصت للزوجه وانا لي شقايـــــا

انا ادري انها قاسيـه مـــــا تخليــــك = قالت عجـوزك مـا ابيهـا معايـــــــــا

خليتني وسط المصحه وانا ارجيـــك = هذا جزا المعروف وهـذا جزايـــــــا

يـا ليتنــــــــــي خدامـة بيـن اياديـك = من شان اشوفك كل يوم برضايــــا

مشكور يا ولدي وتشكر مسـاعيـك = وادعـي لـك الله دايـم بالهدايــــــــا

حمدان يا حمـدان امـــــك توصيـتـك = اخاف من تلحق تشـوف الوصايـــــا

اوصيت دكتور المصحــــه بيعطيـــك = رسالتـي واحروفهـا مـن بكايـــــــــا

وان مت لا تبخل علـــي بدعاويــــك = واطلب لي الغفران وهـذا رجايــــــا

وامطر تراب القبر بدموع عينيــــــك = ما عـاد ينفعـك النـدم والنعايـــــــــا

المشاركة الأصلية كتبت بواسطة دموع الحنين (المشاركة 1438563) يا حراااااام الله كبير وما بنسى حدا يسلمووو بو جاسم الله يهدي الناس

المشاركة الأصلية كتبت بواسطة الشاعر لطفي الياسيني (المشاركة 1438678) بسم الله الرحمن الرحيم والصلاة والسلام على سيد المرسلين سيدنا محمد صلى الله عليه وسلم ان كل مفردات ثقافتي لا تفيك حقك من الشكر والتقدير يا استاذ جامعتي الاكاديمية باحترام تلميذك ابي مازن