منتديات شباب فلسطين - عهالحالة لازم تباركولي!!!

منتديات شباب فلسطين (https://shabab.ps/vb/index.php)

- ملتقـــى الأحبــــة (https://shabab.ps/vb/forumdisplay.php?f=55)

- - عهالحالة لازم تباركولي!!! (https://shabab.ps/vb/showthread.php?t=106965)

عهالحالة لازم تباركولي!!!

مرحبا شباب صبايا، كيفكو؟؟؟؟؟

منورين، واكيد لالكو مشتاقين!

بتعرفوا شو صار اليوم مع لالا-فلسطين 48.
اليوم هواخر يوم لالنا بالكلية قبل العيد، فعملنا حفلة بمناسبة عيد الاضحى وكان من بين فقرات الحفلة فقرة توزيع منح على الطلاب المتفوقين زي كل سنة.

وانا اليوم اخدت منحة بقيمة 1500 شيكل لاني من مسار الممتازين في الكلية ومعدلي كان فوق الـ 95 (معدلي بالزبط كان 95.26).

لع ومش بس هيك كمان في على الطريق 5500 شيكل رح اوخدهم لانو اول اشي معدلي فوق الـ 95 ولانو علامة دمج البجروت (التوجيهي) مع علامة امتحان البسيخومتري (امتحان القياس النفسي) فوق الـ 600.

لع ومش بس هيك هاد غير اني بتعلم على حساب الكلية ووزارة المعارف باسرائيل لاني من مسار الممتازين، فرح يفوت على حسابي 5500 بشهر 3 او لحد شهر 5، هاد المبلغ بيتحول لتسديد اقساط التعليم اللي انا معفية منها.

حلو هالشعور انك تاخد مرتبة شرف وتفوق وتحافظ على المعدل الاول (للسنة التانية على التوالي وانا محافظة على المرتبة الاولى بتخصصي، وعقبال سنتي التالتة والاخيرة يا رب)، بس الحلو اكتر انك تقبض مصاري مقابل هاي المرتبة!!!!!!!!

عقبالكو يا رب، وبتمنالكو التميز الدائم!!

وعيدوا منيح وانبسطوا، مع العلم انو اسوأ عيد بالدنيا رح يمر علي، الله يستر من هالعيد كيف بدو يمر، بس اول عاخر رح اعيش كل لحزة مكتوبلي اعيشها!

تحياتي للجميع وكل عاموانتو بخير...
بنت بلادكو..
لالا-فلسطين 48.