منتديات شباب فلسطين

فن التذمـر !

يبدو أنه في كل مرة تحاول فيها أن تقوم بعمل معين تجد نقصاً في المساعدة من بني البشر ..
لكن عندما يتعلق الأمر بالشكوى والتذمر .. تجد الكثير من المتطوعين !

-يع ! مش حاببته بالمرة !
-مش حاسة انك بتبالغي شوي ؟
-طيب طيب طيب !! بس هو مش حلو للعلم .. مش بالمستوى يعني !

كأنه في كل مرة يحاول فيها شخص ما أن يقوم بمشروع معين لهذه الأمة - سواء على أرض الواقع أو عبر شبكة الانترنت – يجد أمامه ألف وألف ذام وناقد ( من أقوى نوع ) لعملهِ .. نقد وذم بدون معالم !

-يا زلمة هاد الشغل ما بناسبنا
- شو القصد ؟
-يا أخي اللي بتعمله ما بفيد ما بنفع ما بجي من وراه اشي

-من أي ناحية ؟
-شغلك مش مرتب ، ما عندك تنظيم ولا تخطيط ، سياستك اللي ناوي تنتهجها رح تفشل أكيد ، فكرتك ما بتمشي عنا خيو ..

-امم طيب .. عندك نصيحة معينة ؟
-الغي الغي .. انسانا من ذكائك هلاء

إذن .. لماذا يحب النّاس التذمر ؟!

ببساطة .. لأنه سهل http://files.shabab.ps/vb/images_cas...105326Ml2t.gif !

في كل محاولاتك لتقوم بالابتكار او انتهاج منهج معين من أجل الحصول على نتائج أفضل ، تجد في طريقك نقد لاذع من القريب قبل الغريب ..

المشكلة ليست في أننا لا نملك الأفكار ! نحن نعاني من نقص الأشخاص الذين هم على استعداد لوضع جهد وطاقة لتطبيق هذه الأفكار على أرض الواقع ..

طيب .. هل كل فكرة نبتكرها يشترط أن تنجح ؟http://files.shabab.ps/vb/images_cas...105326KWbQ.gif
طبعاً لاء !

هل ستنجح الفكرة دون أي أخطاء ؟http://files.shabab.ps/vb/images_cas...105326KWbQ.gif
على الأغلب .. لاء !

اذا انتقدك أحدهم نقد [ بناء ] ضمن نطاق عملك ، في نقطة واضحة ومحددة ، مع اسداء نصيحة واضحة ومعينة تتمحور حول نفس الموضوع .. فهذا جيد ..

وإذا كان نفس الشخص يرغب بتسخير وقته وجهده من أجل مساعدتك وانجاح عملك .. فهذا ممتاز !

إنما لسوء الحظ ، هذا ليس ما يحدث على أرض الواقع ..http://files.shabab.ps/vb/images_cas...105327efpI.gif
نعم هناك قلّة تجدهم من تلك الفئة لكن الاغلبية تتحدث بغير ذلك .. الأغلبية تنتقد ، وتتنحى بعيداً ( وقت الجد ) ..

أحياناً عندما تبدأ مشروع تطويري معين ( للمسجد مثلاً ) تبدأ الضجة من حولك في طرح الأفكار ..
بدنا نقيم وبدنا نحط .. بدنا نجيب ونشتري ، ونعمل وندفع .. الخ

وفور سؤالك عن المتطوعين لتطبيق هذه الأفكار ..
فجأة .. يـســـــود الصّــــمت .. صمت مميت !

- ماشي ، اللي بعده في الطابور يتفضل ..
- السلام عليكم يا اخي .. دهان المسجد يا اخي قديم كتيير يا اخي .. الدهان قديم .. اقدم من الناس اللي بصلوا بالمسجد يا اخي
- جزاك الله خير .. بصراحة عنا دهان جديد ناويين يدهنه بس بدنا متطوعين يقوموا بالمهمة .. ممكن انا وياك لما يكون عندك وقت فـراغ نـر.....
-لا لا لا .. ما عندي وقت فراغ يا اخي ! ما عندي ..
-بس كان عندك وقت فراغ توقف ساعة كاملة بالطابور تستنى علشان تخبرنا شكواك وشو مش عاجبك !
-ايش ؟؟ -
مش عندك وقت فراغ ؟
-ايش ؟؟ http://files.shabab.ps/vb/images_cas...105327vKTz.gif
-فجأة بطلت تسمع ؟!
.. ماشي .. اللي بعده يتفضل

-السلام عليكم .. يا اخي دورة التجويد للصغار بالقران مش صح ، بعملوهم تجويد غلط
-طيب ، بتعرف علم التجويد منيح ؟
-يـه ! طبعــاً !!!
-اذن ممكن تساعدنا بتعليم الاولاد التجويد السليم في وقت فراغك ؟
-ايش ؟؟ http://files.shabab.ps/vb/images_cas...105327vKTz.gif
-سألتك إذا بإمكانك تساعد بتعليم الأولاد في وقت فراغك ؟
-نعم ؟؟ مش سامع !http://files.shabab.ps/vb/images_cas...105327vKTz.gif

الموضوع طرحته من باب العبرة والتوعية وتوضيح بعض التصرفات التي قد لا يدري صاحبها عنها !
وربما هي دعوة للبدء ببذل الجهود في سبيل تطبيق الأفكار بدلاً من التذمر طوال الوقت ..

تنظر حولك وتجد الكثير من المشاكل .. بإمكانك ان تجلس وتتحدث كيف أن كل شيء سيء ومقرف ..
أو بإمكانك أن تبدأ بالتغيير والمساعدة بإحداثه ..

جهد صغير على جهد صغير .. بإمكاننا أن نصنع الكثير
وهذه الشبكة خير دليل !

،،

ما نسبة اقتناعكم بالحديث أعلاه ؟

هل من إضافات ؟ مناقشات ؟