مشكلة ظهرت بعد الزواج وتحتاج الي حلولكم
 

http://rooosana.ps/Down.php?d=sPo3


كيف حالكم اخواني واخواتي الكرام

حوالي قبل 3 شهور في الي صاحبي تزوج ومن بعدها بطل يبين
ومبارح شفته وقعدنا نحكي انا واياه
وبصراحة حكالي عن موضوع هوا مزعجه جدا ومش عارف كيف يتصروف وبحكيلي شو الحل
وانا حكيت الوا الحل بوجهة نظري بس حابب اسمع رأيكم بخصوص هالموضوع

بحكيلي لما بديت أعلن للجميع انوا بدي أتزوج بدأت المشاكل بالنسبة لي
والمشاكل عبارة عن انوا عماتوا يعني خوات ابوه بدهم يزوجوه بناتهم
هما تنتين وانا بعرف انوا رافض الزواج من قريبة الوا
وما في كلام علي بنات عمتوا بس هوا مش حابب يتزوج من قرايبوا
وما بدو يوجع راسوا بهيك مواضيع
والامر تطور انوا أبوه وقف في وجهوا طبعا هاد بايعاز من عمانوا انهم ما بدهم ياه يتزوج غريبة
والمهم الموضوع مشي وهوا تحداهم في النهاية ومشي الي براسوا
والموضوع ما انتهي لحد هوون

طبعا الي حكيتوا هاد مقدمة للمووضوع اما الموضوع الرئيسي هوا انوا لما صاروا عماتوا
ييجوا يزوروه طبعا ما بشوف منهم غير التكشيرة
وبالخصووووووص في وجه زوجته
وقاعدات الها زي الحماوات وما بتشوف منوا غير التكشيرة
طبعا هوا ساكن في شقة عند اهلوا وكتير عماتوا بزوروهم
ولما يروحوا عماتوا بتدخل زوجتوا بغرفتها وبتقعد تبكي
لانها شايفة معاملة سئية جداً من عماتوا
مع انوا البنت ما الها بكيد النسوين هاد
وهاد الموضوع عامل اله أزمة بصراحة

فكان جوابي علي هاد المووضوع
حكيت الوا خلي زوجتك تعاملهم بما يرضي الله يعني لما ييجوا تقدم الهم الواجب
وتقعد معهم وتضحك في وجهم وما تكشر
وانها ترد الاساءة بالحسني
وانا متاكد لو استمرت هيك راح تغير مواقفهم

فرد عليه وهاد هوا الي بيصير
بس زوجتوا مش مستحمله هاد الوضع مع انوا حكي لعماتوا هاد قسمة ونصيب ونصيبي هاد البنت
كمان نسيت احكي شغلة انوا لما يروح يزور خواتوا او المقربين منوا
اخته مثلا بتحكي الوا انوا عمتوا حاكية زوجتك في ايش احسن من بنتي
ولسا بنتي احسن منها
وكل ما يروح مشوار يروح متنكد
حتي انوا بحكيلي الي خاطر اطخهم واتريح منهم
وامه مريضة كتير ومش قادرة تناهد في عماتوا وبتحكيلوا اصبر وسيبك منهم
بس الواقع يختلف عن الكلام

فانا اترك لكم ساحة النقاش واي رد ممكن الاقيه مقنع هأنقله الوا واحكيه الوا

رد: مشكلة ظهرت بعد الزواج وتحتاج الي حلولكم
 

والله ياخوي هالموضايع مواضيع الزواج والاقارب ... مواضيع كبيرة وتحتاج الى دقة وتفكير مناسب .... واعتقد ان رايك واقتراحك عليه هو الانسب لهالموضوع .... وعسى الله يعينه ... ويوفقه

مشكور اخوي

رد: مشكلة ظهرت بعد الزواج وتحتاج الي حلولكم
 

رد: مشكلة ظهرت بعد الزواج وتحتاج الي حلولكم
 

رد: مشكلة ظهرت بعد الزواج وتحتاج الي حلولكم
 

الواحد لما يشوف مصيبة غيره بتهون عليه مصيبته

رأي مثل ما حكيت أخي قسامي
وهاد نصيبه لازم يصبرو على عماتوا
وربنا يوفقهم وتنحل المشكله
كل التحيه

رد: مشكلة ظهرت بعد الزواج وتحتاج الي حلولكم
 

رد: مشكلة ظهرت بعد الزواج وتحتاج الي حلولكم
 

كااااااااااااارثة قسامي متل مشكلتي تقريبا كانت عمتو بدها تزوجني لابنها الافندي وبس رفضت عملت لي فرح
وكبرت القصة مع كل عمامي وصارت العدوات في العيلة ليش بنتك ملك خانوم ترفض ابني؟؟؟وليش مدري شو؟؟؟

هااااااااااااااااي قسمة ونصيب وهو تزوج عسنة الله ورسولو يصل رحمو اه ، بس يوضع حد جذري للموضوع وواااااااااااااااااضح انو اخترت فلانة وانتهى الأمر وتزوجتها وخلصنا مافي داعي للقيل والقال لازم يحط حد لهالحكي مرتو مالهاذنب وهو ياخد موقف جاد منهم

والله المستعااااااااااااااااااااااااااااا ن

رد: مشكلة ظهرت بعد الزواج وتحتاج الي حلولكم
 

برأيي انو يشرح لعماتو وجهه نظرو ويحكيلهم انو المشكلة مو ببنات العم
وانها المشكلة نظرتو من الزواج من الاقارب
وغير هيك يخلي زوجتو تزور عماتو وتتصاحب مع بنات عمتو ازا بيقدرو
يعني ازا كانو البنات راضيين واتصاحبت زوجتو معهم
ما في دعي يضلو عماتو زعلانين
يعني لو يقعد معهم يوم لحالو هو وعماتو بدون مرتو وبنات عماتو ويحكي معهم ويطيب خاطرهم ويحكيلهم انو مرتو ما بسير يعاملوها هيك لانو ما الها ذنب ومن هالحكي ..
وان شاء الله ازا عماتو فهمو عليه وكبرو مخهم (بدون اهانة ) بتنحل المشكلة
بس ع كل الله يهديهم
يعطيك العافية قسامي :)

رد: مشكلة ظهرت بعد الزواج وتحتاج الي حلولكم
 

أول شي لازم نعرف القاعدة الذهبية عند الأمهات
" القرد بعين أمه غزال


طكيب لو بناتها ما في زيهم ليش لهلأ ما حد انبلى فيهم!!!!

الله يعينها

هلأ تعاملهم بالحسنى

ما زبط تعاملهم بغير الحسنى

في ناس ما بتيجي إلا بالعين الحمرا

رد: مشكلة ظهرت بعد الزواج وتحتاج الي حلولكم