|
ملك..مشكلتي مالها حل...
مسا الخير شباب وصبايا انا عندي مشكلة مش عارفة احلها ...ومش لائية لها حل ابدا... انا مابعرف احكي لحد لا بخجل... يعني حد بدو يطلع بجي بحكي ملك لاتحكي لا وتعي معي بروح....( مع انو بكون هلكاااااااااااااااانة وتعبانة بس بروح) ملك بدي اخد هالشغلة ولاتحكي لا...وطبعا بعطيها وخلص ميمي اومي نتعشى بكون مابدي اكل ...بس برضو باوم باكل عشان ما ازعلها ملك تعي عندي بدي احكي مع حد ...وبكون مش نايمة من يومين وبتروح ملك لعند صحبتها تسمعها بجي حد من العيلة بحكي ميمي اومي نطلع بدنا نجيب اشيا ...وبتروح ملك وهي ساكتة واحيان كتير بكون مااااااااااااااااااابدي ولا قااااااااااااااااااااااااادرة اصلا بس مابحكي لا بخجل ومابحب ارفض لحد شي وهالشغلة خلت كتيييييييييييييييييرناس تستوطي حيطي وتستغلني وتزودها معي كتييييييييييييييير بس مابعرف احكي لا ومبارح قلبلت اخصائية نفسية جايبها لاتعامل معها بشغلي اعدت معي نص ساعة حكينا بمواضيع كتير وهي طالعة من مكتبي حكت ملك : ماتكوني لطيفة زيادة عن اللازم مش عارفة شو اعمل وكيف اتصرف مشكلتي مابحب اخجل حد او ارفض لحد شي مهما كانت اسبابي، تعبانة ، زهانة ، مرهقة ، بس بدي بطل هيك لانو عنجد تعبت وزهات مابعرف اذا فاهمين علي او لا بس انا بدي اخلص من الهشغلة عنجد... |
رد: ملك..مشكلتي مالها حل...
مشاكلك كتير يا ملك
بس انا مستعجل كتير هلا بس بدي احكيلك شغلة قبل ما اروح لازم تكون الك شخصية قوية انا ما بدي اروح مشوار ليش انجبر اوروح وانا هلكان تعب يعني ما فيها شي لو احكي للشخص الي بدو ياني روح معاه اني تعبان ومش هيصير اشي بس لازم انتي يا ملك مو احنا الي نحدد شخصيتك لازم انتي الي تحددي شخصيتك وما تكون حيطتك واطية ولي رجعة للموضوع تاني |
رد: ملك..مشكلتي مالها حل...
لا عادي
لا تاخدي عبالك كتير وما تتقربي من الاخصائية لانها ممكن تئزيكي بحكي ما بهمك والله يجبلك الله فيه الخير |
رد: ملك..مشكلتي مالها حل...
له له قسامي وانا بحكي انكم خواتي...ماتفكر بعمل هيك عن ضعف او قلة حيلة بس مابحب خجل حد او ارفض لحد شي
حبيبتي انا قابلتها عشان حتمعل عندي دورة وبالصدفة كنا بنحكي عن الدنيا والناس حكت لي هيك وبس مش انو انا حبيت اروح لها |
رد: ملك..مشكلتي مالها حل...
حبيبتي ملوكة
لا يكلف الله نفسا إلا وسعها أنتي ما تزعلي حد و ما تتعبي حالك مش دايما تلبي طلبات الناس و لا دايما تطنشي و آخر شي ما في أحلى من أن أكون سبب في سعادة الآخرين و بعدين خلي مشاكلك تخلص |
رد: ملك..مشكلتي مالها حل...
حبيبتي ملك هي مش مشكله يعني هاد ازا بدل على شي بدل على زوقك .. بس هي شي بضرك انتي يعني مثل ما قلتي بتكوني تعبانه وبتيجي على نفسك كتير احيان مع انو لو قلتي لهحدا انو ما بتقدري مارح يزعل .. وان زعل بكون ما عندو سالفه
يعني انا كثر بفقس ناس وبحلقلهم بس بطريقه لبقه وبأدب بحيث ما يزعلو وهيك انا بكون مرتاحه وهما مش راح يموتو من دوني او لو ما حكيت معهم يعني ... حاولي تتخلي شووي عن طيبتك والادب الزايد هاد ههههههه |
رد: ملك..مشكلتي مالها حل...
مرحبا ... ام الوليد الكلام الي قلتيه مو مشكله بالعكس ياريت منك اتنين ^_^ شي حلو انك تكوني اجتماعيه وحبابه وبتراعي الاخرين لكن لابد وبكل لطف تمتنعي او ترفضي وهما ماراح يزعلو ابدااااا منك لانهم مجربينك وراح يفهمو عليكي مثلا بتيجي وحده ...يلا نطلع عالسوق قوليلها : والله احلى طلعه معك بس ياخساره حاسه رجلي بجعوني من كتر الشغل شو رايك بكره هيك الكلام الاول راح يبسطها ويحسسها انك مهتمه لكن ظروفك حتمنعك بعدين بتخافي بكره الجيران يصيرو يجوكي لما يعرفو انك مابترفضي لحد طلب ^_^ اسفه طوووووووووولت |
رد: ملك..مشكلتي مالها حل...
الطيبة هي طبع في الإنسان ولا يستطيع أن يغيرها
و طيبة القلب والشفافيه ماهي مشكلة عزيزتي والطيبه صفه تواجدت برسولنا صلى الله عليه وسلم فكيف نحن نقول انها مشكله هنيا لكي قلبكي الطيب لكي مني اجمل تحيه واحلى سلام |
رد: ملك..مشكلتي مالها حل...
اقتباس:
اقتباس:
له له يا ام الوليد وانا شكيت لا سمح الله فيكي او شككت فيكي احنا هون اخوة وما في فرق بيتا انا كنت بمزح معك لما قلت الك انوا مشاكلك كتير مهوا هون المشكلة انك لما تضلك ما تحبي تخجلي حدا هون بيصير المشكلة بس انا قصدت من كلامي انوا لازم لما ما يكون ببالك االطلعة ما لازم تطلعيها وبس ما تفهمي كلامي غلط :ShababSmile240: |
رد: ملك..مشكلتي مالها حل...
ممممممم
ملووكة .. هلأ انتي عودي حالك .. مشان حالك يعني .. انه ازا حدا طلب منك شغلة و انتي تعبانة او مو جاي ع بالك قوليله سامحيني بس عنجد كتير تعبانة او هيك يعني .. و راح تتعودي مع الزمن و انا بقلك طيبة القلب الكتير هالايام ما بتنفع مع الناس بيصيرو بدهم يستغلوكي بأي شكل .. و اللهـ يوفقك =) |
| الساعة الآن 07:17 PM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas