|
هل الهدية مقياس الانسان الزائر ؟!
بسم الله الرحمن الرحيم السلام عليكم ورحمة الله قضية اثارت استغرابي على مدار هذا الشهر الفضيل كلنا يعلم في هذا الشهر تكثر الاعمال الصالحة حتى ننال اعلى المراتب برحمة الواحد الاحد ومن هذه الاعمال صلة الرحم وفي كل زيارة تحمل الهدايا على مختلف انواعها " حلويات .. فواكه .. شوكولاتة " ولي نصيب الفواكه من الهدايا ما اريد ان اصل اليه ان اغلب الزبائن يحرص كل الحرص على ان تكون الهدية " محرزة " حتى لا يقال عنه كذا وكذا فمثلا احد الزبائن يقول : يلا ملي الظرف اصلا الناس اللي رايح عليهم بيطلعوا شو حامل بإيدك قبل ما يطلعوا في الناس اللي بتزورهم وآخر يقول : بدي فاكهة بتعد كثير يعني عشان الظرف يبين ملان عشان ما يحكوا عني اما النساء في البيوت فحدث ولا حرج الاولى : شفتي مين اجا علينا .. ابو فلان الثالنية : بجد .. المهم شو جاب معه اكيد حاجة محرزة الاولى : الله يخيبه جايب بس هديتين مش مستاهلة حملهم والان هل الهدية مقياس الانسان وهل لنا الحق ان ننظر لحجم الهدية حتى اذا قمنا برد الزيارة نحمل معنا هدية بنفس القيمة ننتظر آرائكم :ShababSmile229: |
رد: هل الهدية مقياس الانسان الزائر ؟!
هههههههههههه
اكيد الهدية مو مقياس بس متل ما بتعرف اخي انو عندنا وانا كتير بسمعها بالبلد انو الواحد بوخد ع اساس قيمتو بس بالنهاية بكفي انو الواحد اتذكرك بزيارة هاي اكبر هدية وما بدنا منو شي يسلمو خيي الطيب ع الموضوع لاتحرمنا |
رد: هل الهدية مقياس الانسان الزائر ؟!
معك حئ كتير ي نآس هيك !
بكونو يستنو المناسبات عشان الهدايـآ :ShababSmile221: لا طبعاً مو حجم الهديه ولائيمتها بقرر المهم انو يتزكر وهادا اهم شي حتى لو شي بسييط :: انا بس خلصت توجيهي اخوي الزغير جبلي مصاصة بنص ريال :ShababSmile221: مسكين عطاني ياها وهوا خجلان بس والله شفتها اد النيا منو ولهلا عندي عشان ازكرو فيها بس يسير شب :ShababSmile229: يسلمو خيي =) |
رد: هل الهدية مقياس الانسان الزائر ؟!
طبعا لامو مقياس اكييييييييييييييييد المهم انو تذكر وتعب حالو وكلف نفسو وجابها مهما كانت بسيطة ، والهدية مش بقيمتها وقال الحبيب المصطفى تهادوا تحابوا...بس الي بعمل هيك بكون انسان مادي بحت مابتعني لو العلاقات الانسانية شي
|
رد: هل الهدية مقياس الانسان الزائر ؟!
اممم طبــعا لا الهــديهـ مو مقيــاس بــس للأســف هــذا اللي نشــوفــهـ فـي مجــتمعنا ويمــكن الهــديهـ حــلو وجــودها مــهما كانت بــسيطـهـ فــي الــزياره الاولــى فقــط او المــناسبــات،،،
احــيانا تسعــدني هــدايا بسيــطه جدا عبــاره عن ورد او عطر مــن غــلاة اصــحابها وفي هــدايا ثمــينه بس ما تعــنيلي شي ابــدا القيــمة والاعتــبار للشخــص هو المــقياس مو الهــديـهـ .. يعــطيــكـ العــافيهـ اخــوي عالمــوضـوع :) |
رد: هل الهدية مقياس الانسان الزائر ؟!
الهدية مو مقياس بالمرة الواحد يطلع انوا هادة الشخص قدرك وزارك واتذكرك في الخير بس عنا في غزة كل قصصهم والله لسة ضايل علينا زيارات ومابعرف شو بدي أودي اشي محرز هههههههه بس يمكن الوضع الاقتصادي الي احنا في ، أو يمكن في صفة عنا بغزة الناس شايفة حالها على بعض كتير :) مشكور |
رد: هل الهدية مقياس الانسان الزائر ؟!
اقتباس:
لو كل الناس ماشية على هاد المنطق كان الحال غير هالحال يسلمو اختي على رايك ربنا يحفظك |
رد: هل الهدية مقياس الانسان الزائر ؟!
اقتباس:
ههههههههه الله يخليلك اخوكي الصغير ويكثر من هداياه مشكورة اختي على مرورك ربنا يحفظك |
رد: هل الهدية مقياس الانسان الزائر ؟!
اكيد كل انسان بقدم مقداره ..
|
اكيد اكيد كل .. ^^
مشكووووووووووووووووووور القلب الطيب على الموضوع النهفة تسلم يارب |
| الساعة الآن 07:56 AM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas