|
هـــآم لــلــبـــنـــآت *_^
السلام عليكم و رحمة الله كيفكم و كيف أحوال الصيام معكم إن شالله تكونو لسه طالع الكم حس:ShababSmile221: المهم بدون طول كلام زي ما بتعرفو الحمد لله الهمة برمضان غير شكل اللهم زد و بارك و طبعا كل وحد فينا بتحاول يكون إلها أكبر عدد من الختمات بهالشهر المبارك بس بتيجي على كل وحدة منا فترة بالشهر*-^ بتمنعها عن آداء كثير اشيا كانت بتعملها قبل.. هالمسأله انا بحتث فيها قبل و بطبقها من كذا سنة.. يعني { هل يجوز للحائض لمس المصحف و قرائته اثناء فترة الحيض؟} هالمسألة لقيت فيها اجوبة بجواز قراءة المصحف للحائض لكن بدون لمسه يعني ممكن تستعمل حائل لقراءة القران الكريم. انا غالبا أستعمل المصحف الي عندي بالموبايل و بهيك ما بكون حرمت نفسي من الاجر و كمان ما بيروح علي البرنامج الي عاملاه مشان الختمات.. ولو زرتو موقع الاسلام سؤال و جواب للشيخ محمد صالح المنجد راح تلاقو أجوبة كافية.. أنا حبيت احط هالموضوع مشان الي ما بتعرف تعرف و ما يروح عليها برنامج الختمات و الحفظ كمان.. و طبعا اي وحدة فيكم عندها شي يؤكد او ينفي الي قلتو يا ريث ما تبخل علينا ووفقنا الله و إياكم لصالح الاعمال و الي لقاء آخر:ShababSmile221: |
رد: هـــآم لــلــبـــنـــآت*-^
أهــا
وانا سمعت هيك من زمان ! بس في شيوخ قالوا حرام تقرأ فيه وهي حائض أو حتى تدخل المسجد ! الواحد بتطل يعرف شو يعمل ههههه بس استعمال الجوال فكرة :d شووكرن ^^ |
رد: هـــآم لــلــبـــنـــآت*-^
أموولة .. موضوعك مهم كتير ممممـ انا بستعمل المصحف يلي على الانترنت .. متل المصحف العادي .. وبهيك ما بكون ضيعت شي عليّ .. بس سبحان الله .. لما الواحد بيمسك المصحف ويلمسو بإيديه .. عنجد غير ! وبعدين ما دام الوحدة مش لامسة القرآن فما فيها شي .. بالعكس .. اللسان لازم يضل معطّر بذكر الله :] // يعطيكي العافية حبيبتي أمل ما ننحرم يا رب :ShababSmile224: |
رد: هـــآم لــلــبـــنـــآت*-^
للي بتحب تقرأ قرآن عن طريق الانترنت .. فهل موقوع روعـة والله .. بنصحكن تخلوا هل موقع بالمفضلة عندكن لانو بيلزم :) تفضلـوا .. http://www.quranflash.com/quranflash.html و الله يتقبل منكن صالح الأعمال :ShababSmile224: |
رد: هـــآم لــلــبـــنـــآت*-^
مشكورة امل عالموضوع
و أنا بعرف إنها مسألة خلافية لكن بالمذهب الشافعي فيجوز لها أن تقرأ بحائل |
رد: هـــآم لــلــبـــنـــآت*-^
دخلت رمضان هالسنة وعندي نية كبيرة اختم عدد معين بس ودخلت وهيي معي يعني ما بصير :ShababSmile223: خلص واحد رمضان .. اسمعت حلقة قصص القران الاولى عمرو خالد بكلامه - الله يجزيه الخير - قهرني وحمسني :ShababSmile223: حسيت حالي حقيرة لأني لهديك اللحظة مش فاتحة المصحف بالحجة هاي بعديها اجيت ع شباب فلسطين ولقيت ارقام بتفرفح القلب :ShababSmile111: قلت شو يا ريحانة.. بعدين معك .. بدي اضل اتفرج والاجر بروح عليي والناس بتسبقني !!!! :ShababSmile239: قمت قرات جزء هديك الليله .. وبلشت اقرا الحمدلله اثنائها خلصت 5 اجزاء ... هي مين كاينة لحتى تحرمني الاجر :ShababSmile108: شكرا حبوبتي ع الموضوع فعلا بوقته ... ما حد يعمل متلي اقراو لا تردو عليها :ShababSmile240: :ShababSmile116: |
رد: هـــآم لــلــبـــنـــآت*-^
الي بعرفه يا امل ومتأكدة منه ان شاء الله .. انه يجوز لمسه حتى من وراء حجاب ادا كان الغرض من ذلك ضرورة ملحة كامتحان مثلا .. او ادا كانت محفظة في مسجد وما بتقدر تنقطع عن الطلبة اما ادا كان بقصد العبادة والثواب لا يجوز ممكن تسمعيه من راديو او مسجل بس ما بتقدري تقرأيه قراءة عادية ولكي لا يضيع عنك اجر رمضان يمكن التعويض عن ذلك بالادعية والاستغفار والله اعلم || ان شاء الله اكون افدتكم ~ |
رد: هـــآم لــلــبـــنـــآت*-^
متل ما قالوا الصبايا ^^ هلأ في طرق كتيرة الحمد لله ما بتضيع الاجر الله يقدرنا يا رب ويتقبل منا .. يسلمو هالايدين حبيبتي :) |
رد: هـــآم لــلــبـــنـــآت*-^
يسلمو كتير ع الملعومة وجزاك الله كل خير وفي ميزان حسناتك يا رب يسلمو يا عسل ^^ |
رد: هـــآم لــلــبـــنـــآت*-^
اقتباس:
ما احلاه اسراااء .. يسلمو حبيبتي كتير .. حفظتو عندي .. وبالنسبه لحكيكم اغلبو صحيح وسمعت فيه .. كمان كانت الابله تحكيلنا البسو كفات بايديكو .. بصير .. تسلمي امل .. ما قصرتي .. |
| الساعة الآن 09:55 AM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas