منتديات شباب فلسطين - حوار عادي بين افراد عائلة !

منتديات شباب فلسطين (https://shabab.ps/vb/index.php)

- إسـتـرآحــة الـمـنـتـدى (https://shabab.ps/vb/forumdisplay.php?f=24)

- - حوار عادي بين افراد عائلة ! (https://shabab.ps/vb/showthread.php?t=100816)

حوار عادي بين افراد عائلة !

الأب مخاطب الابن : تعال وله

الابن و بكل براءة : نعم

الأب :نعامة ترفصك ... تعال وله

الابن : ليش شو سويت؟

الأب : سواك ضريب يخلع رقبتك

الابن : شو فيه؟

الام : شاوي يشوي عضمك ....رد على ابوك بأدب وله

الابن : هوه انا حكيت شي؟

الأب:حكحكوا جنابك بالعصايه اوقف عدل يا حيوان

الابن : حاضر

الأم :يحضروا على قبرك انشالله .... لما ابوك يحكي انت بتخرس

الابن :أخرس؟

الأب : ايوه ان شالله خرْسِه

الابن: ماشي

الأم: أجاك مشش بركبك ما تقوم منه انشالله

الابن :مشش ؟؟؟ شو هاذا المشش؟؟

الأب: اما إنك قليل حيا ...وبترد على امك كمان ؟ هات العصاي وتعال وله

الابن: انا رديت على امي؟ يمّـه احكي كلمه

الأم: مَوَا يمزع نيـعـك وله ....حكيتلك اخرس

الابن الان اصبح مغلوب على امره ومش فاهم ايش الموضوع وصمت

الأب: أما جيل قليل حيا...احكي وله ... مالك انخرست

الابن : شو احكي؟ اذا حكيت بتقولوا عني قليل حيا وبتشوفوني غلط

الام :حيه الي تقرصك انشالله .... قلتلك تأدب وانت بتحكي مع ابوك

الأب : ايش "بتشوفوني غلط" هاي ... شايفنا عميان ولا حول ؟

الابن : لا اله الا الله

الأم : الله يوخذك انشالله .... يا ريتني خلفت ابن الجيران ولا انت

الأب: انا مش عارف هاذا الولد متى بده يصير زلمه...دايما فاظحني بين الرجال

الابن: طيب شو اعمل عشان تشوفني زلمه ؟

الأب: قلتلك اخرس وله

الابن: يا الله ... يا الله ... يا جماعه شو مالكوا ... شو فيه ؟

الأم: آه صحيح انت ليش ناديت عالولد يا زلمه ؟

الأب :بتصدقي يا مره اني نسيت.... نسّاني شو كنت بدي منه هالكلب

الاب : خلص روح ارجع على غرفتك يا حيوان.

The End! J