منتديات شباب فلسطين - الضمير العربي والانسانية الغربية في حوار شيق

بسم الله الرحمن الرحيم

الضمير العربي و الانسانية الغربية في حوار شيق بين حالاتي الغربة في بلاد اوربا والاقامة في بلدان العرب كان هذا الحوار الشيق

الضمير العربي : ليش يا ابناء فلسطين تركت ارض العرب؟
الانسانية الغربية : ههههههه وين بتنادي وعلى مين سكرتوا ابوابكم بوجوهم وبتنادوا عليهم كمان .

الضمير العربي : انت الي صنعتوا الحدود سايكس البريطاني وبيكو الفرنسي ، وهسة جايين تحتضنوهم .
الانسانية الغربية: كم مرة عرضنا عليكم توطينهم في بلدانكم وانت ما رضيتوا بحجة لاينسوا وطنهم شو يا ضمير ليش عم بتغالط نفسك .

الضمير العربي : يا انسانية انتوا الي صنعتوا الكيان الصهيوني وانتوا عم بتحتضنوا الفلسطينين لالغاء حق العودة مش خاطر انهم تعذبوا واضطهدوا.
الانسانية الغربية: ياضمير احنا صحيح كان النا ايد لكن انتوا الي كبرتوا اسرائيل وحمتوها .

الضمير العربي : بلدانا مفتوحة لكل العرب ودارنا دارهم.
الانسانية الغربية : ايوة مفتوحة لكل العرب بس للفلسطينين ممنوع والدليل انو ليبيا طردتهم وفي العراق قتلوا وعذبوا وووووووو الى اخره .

الضمير العربي : بالعكس صدورنا مفتوحة للجميع.
الانسانية الغربية : اه سجونكم مفتوحة للاعتقال يا يا ضموري .

الضمير العربي : بلاش تغلطي يا انسانية يا كذابة يلي بتهجري الناس عشان ترضي اسرائيل .
الانسانية الغربية: انا بمنحهم راتب وسكن وجواز سفر وانت ياضمير شو منحتهم ، قلق وخوف.

الضمير العربي : انت لا انسانية ولا شي انت منظمات صهيونية بتهجر الفلسطينين ومعروف مين بدعمها .
الانسانية الغربية : هذا حكي جرايد يا ضمير احنا وجدنا لانتشال المشردين .

الضمير العربي : هههههه والله ضحكتيني لانتشال المشردين ومين كان سبب تشريدهم الا انتوا في اوربا.
الانسانية الغربية : يا ضمير قصر لسانك حكامكم هم الي شردوا الفلسطينية .

الضمير العربي : صك عالموضوع ولا جيب سيرة الحكام الا يستر عليك يالله انا رايح .
الانسانية الغربية : وين يا ضمير وين رحت وينك تعال.

الضمير العربي : لا انا رايح مش ناقص انام بالسجن بكفي الي انسجنتوا ستين سنة والاقامة الجبرية المفروضة علي ....
وانتهى النقاش الشيق والشعب ما بين الضمير العربي و الانسانية الغربية مترندح ومتشردح ومتسفلك ومتنيل ومتغرب .