|
لمـــاذا تصمــت الفــتاة عـــند التحــرش بهـــا؟
السلام عليكم ورحمة اللة وبركاتة ((لمـاذا تصمـــت الفتــاة عند التحرش بهــا؟؟)) خجل1: سؤال يحتـاج إلى إجابــــة سـؤال .. تبـادر إلــى ذهن الجميع .. وتساءلــوا حقاً لماذا تصمت؟!! . . قصـــص كثيـره.. توضح صحة هــذا الأمـــــر ومهمـإ كـان نـوع االتحرش .. فـ إنالصمت يكون سيــد الموقـف..!! .. هــل خـوفـ .. أم ضعف أم رضا..؟!!! . . فتـاة تحرش بهـا أخـاها .. فـ رفضت إخبار أهلهـا بـ الأمر..!! . . وأخرى تـــأتيهـامكالمات ورسائــل مــن شخــص لاتعرفـه.. فـ رفضــت إخبـار أحـد بـ الأمر . . فتــــــاة تعرضـت لـ الاغتصاب .. ولـــم تخبـر أحد .. فـ ضاع مستقبلها.. وضاعت حيـاتهـا ولجــأت إلـى الانتحار .. لـكــن كــل محاولاتها باءت بـ الفشـل..!! .. سؤالي هنـا ... مــا الــذي يــدفــع الفتـاة لـ الصمــــــت عند التحـرش بها..؟!!!. .. هـل هو الخـوف..؟!! أم الضعف..؟!! أم الـرضا..؟!! . أتـرك الإجــابــــــة لـ مــن يعــرف الأسبـاب .. .. .. .. بانتظار ارائـــــكم تحيـــاتي بصمـــت برينسيس سوسو |
رد: لمـــاذا تصمــت الفــتاة عـــند التحــرش بهـــا؟
موضوع مهم
اعتقد انه خوف و خجل .. زد على ذلك انه مجتمعنا يلقي باللائمة دوما على البنت .. حتى و ان كانت بريئة هذا الموضوع ما بينحكى عنه مع اولادنا في الاسر .. و ما في توعية .. مع انه في هذا الزمن ضروري نحذر الاولاد من هيك مواقف و نعلمهم كيف يتعاملوا معها لذلك البنت بتنشأ في هذا الجو .. عيب الحكي في هالموضوع .. و حرام و مش عارفة ايش فعشان ما حدا يتهمها بتسكت .. و تتعزب لحالها // موضوع مهم اشكرك |
رد: لمـــاذا تصمــت الفــتاة عـــند التحــرش بهـــا؟
شوفي يا خيتي البنات انواع : في منهم بيسكت , وفي منهم بشلح الجزمة الله يعزك وع راس يلي تحرش فيهم : اما الصموت .. ف هو نوع من الارتباك مصحوب ببعض من الخجل : والله اعلم : شكرا كتير ع الموضوع وفي امان الله |
رد: لمـــاذا تصمــت الفــتاة عـــند التحــرش بهـــا؟
القصهـ كلهــآ قصهـ خجل من حــآلهــآ ..
وقتـ ما حدآ يتحرش بالبنت و يلمس خصوصيــآتهـــآ بتحس بالاهانة و الخجل من حاالها ما بتقدر تتكلم لانهــآ بتلوم نفســهــآ و بتفكر الغلط منهــآ مع انو ابدآ مو غلطهــآ انو وآحد مريض نفسي قربـ منهــــآآ و طبعــآ متلـ ما زكرتوا بتحس لو خبرتـ حدآ من اهلها رح يلوموهــــأإأ .. و رح يوقع كلـ شي ع رآسهــآ فليش تتكلم ؟؟ مجتمعنــآ ما بشجع اي حدآ انو يكونـ صريح .. ... غير هيك ممكن الي تحرش فيهــآ يكون من قرآيبهــآ .. فكلآمهــآ عنو و انها تقول انو تحرش فيهــآ رح يعمل كتير مشــآكل و مشاحناتـ بين العيلهـ .. يمكن عم تحاولـ تتجنب هالشي .. .. باختصــآر هالتجربهـ اسوأ تجربهـ ممكن اي بنت تمر فيهــآآ و ممكن برضو تعقدهــآ نفسيـــآآ .. و الي بفكر و بقول رح اتكلم انا لو تعرضتـ هالموقف لا يستعجلـ بحكمو ابدآ .. انك تقول هيكـ هتكون ردهـ فعلكـ قبل ما تتعرض للموقف مختلف كتير لمن تنحط بالموقف و يصيرلكـ .. مشكورهـ ع طرحكـ |
رد: لمـــاذا تصمــت الفــتاة عـــند التحــرش بهـــا؟
هلا انا متل ماقالت نور الهدى
بس كمان ممكن اذا كانت ماشية وتحركش فيها وهيا ماشية بكون مو تعبيراً اللو او مابدها تعطيه وجه وفي كتير اسباب تانية ومتل ماقال تحدوهــ في البنات انواع او بتخجل من الناس اللي حوليها او بتخاف تقول لالها ويفكروها ابصر شو مع انو مابكون في شي من هاد كلو . . بس انا مو النوع يلي بخلي الشب يتحركش فيني واضل ساكتة يعني مثلا لما كون ماشية وبيجي واحد من هدول الشباب الصايعين الضايعين لا مابسكتلو ع سبيل الذكر مرة كنت ماشية انا وخالتي بدي اروح انا وياها لعندا عالبيت واجا واحد وتحركش فينا متل هالدول الشباب الصيع والله ماسكتلو شرشحتو مسحت فيه الارض ، قلتوا ياعديم الشرف ياعديم الاخلاق يلي مابتستحي ع دمك انت ماعندك خوات بنات ولاه ومن الذي منو بس طبعا ضمن الحدود لانو وقتها كنا رح نوصل البيت ولسا لاحقنا . . . بالفعل سؤال جميل انشاء الله كون اقدرت ارد ع السؤال |
رد: لمـــاذا تصمــت الفــتاة عـــند التحــرش بهـــا؟
[quote=نور الهدى;1296626]موضوع مهم
اعتقد انه خوف و خجل .. زد على ذلك انه مجتمعنا يلقي باللائمة دوما على البنت .. حتى و ان كانت بريئة هذا الموضوع ما بينحكى عنه مع اولادنا في الاسر .. و ما في توعية .. مع انه في هذا الزمن ضروري نحذر الاولاد من هيك مواقف و نعلمهم كيف يتعاملوا معها لذلك البنت بتنشأ في هذا الجو .. عيب الحكي في هالموضوع .. و حرام و مش عارفة ايش فعشان ما حدا يتهمها بتسكت .. و تتعزب لحالها // موضوع مهم صح معك حق وطبعا بيرجع لبيئة البنت يللي عايشة فيها .. ومعك حق صار لازم نوعي اولادنا على هالشي .... تسلمي نور الهـــدي .. من،،ورة:s (43): |
رد: لمـــاذا تصمــت الفــتاة عـــند التحــرش بهـــا؟
اقتباس:
صح معك حق خييو .. منــور الموضــــــــوع :icon31::icon31::icon31: |
رد: لمـــاذا تصمــت الفــتاة عـــند التحــرش بهـــا؟
اقتباس:
يسلم تمك على هالحكي فعلا مجتمعنا مابيشجع الواحد يكون صريح معهم خصوصا العائلات الي بتكون متشددة كتير كتييييييييييييييييير بشكل مش طبيعي .. وعنجد كتير بعرف ناس وبسمع قصص انو اللي تحرشو فيهم بكون مثلا ابن عمهم ابن خالتهم حتى ممكن اخووهم سمعت قصة كمان .. وبالاخير بطلع كلشي ع راس البنت زي ماقلتييي .. والشب بيطلع بريء ولا كأنو عامل شي .. ويسلموا كتير عالمرور نورتييي عسووولة |
رد: لمـــاذا تصمــت الفــتاة عـــند التحــرش بهـــا؟
اقتباس:
يسلملي القووييي انا هما الشباب يللي متل هيك بدهم الواحد يشرشحهم .. ماتسكتي عن حقك يعني لو سكتيلو هالمرة ممكن يرجع يعيدها تاني وتالت مررة بس لو وقفتيه عند حده مارح يرجع وحيخاف منك .. وزي ماقلتي لازم كل شااب قبل مايعمل هالشغلة يفكر انو في عندو اخت وزي ماعملت فبناات الناس حييجي يوم من الايام وحاد يعمل بأختك هيك زي المثل بقول كما تدين تدان ياستي لو ضلينا نحكي لبكرة مش حنخلص .. يسلموا كتييييييييييييييييييييييير عالمرور منووووووووووووورة خيتو :s (43): |
رد: لمـــاذا تصمــت الفــتاة عـــند التحــرش بهـــا؟
والله موضوع رائع وفريد من نوعه في هاد القسم
بالنسبه لهادي القضيه ففي عوامل كثيره بتخلي البنت تتراجع وتحسب الف حساب .. يعني ببساطه لو اي شب هون بالمنتدى معنا اجت اختو قالتلو انا هيك هيك صارلي واحد تعرضلي او واحد رمى كلام علي ... لو مهما كان واعي وبستوعب وبقدر يمتص غضبو ,, رح يطلع بأختو انو شو هاد اختي بتتعاكس يعني رح يقلها تعالي جاي غيري لبسك الخ وكتير منا احنا البنات لو صار موقف واظطرو يقلو للشحط الي جنبهم بتنكد الطلعه او بشكل عام هي بتتضرر يعني يا اما رح يفقعوها خناقه يا اما رح ينسب عليها من اخوها او ابوها او غيرو خطر على بالي موقف صار من فتره قريبه بأحد المجمعات بمصر كانت في بنت حلوه بتمشي وعادي لابسه حجاب متلها متل باقي بنات مصر والبنت ما فيها شي غير انها حلوه قام شب تعرضلها بطريقه قليله ادب , اجت البنت ردت عليه بنفس الطريقه قدام كل العالم والشب هاد صارو وجهو بالالوان .. وقصدي من هادي القصه انو على حسب البنت وتفكيرها وتربايتها والمجتمع الي البنت بتعيش فيه |
رد: لمـــاذا تصمــت الفــتاة عـــند التحــرش بهـــا؟
السلام عليكم موضوع جميل فعلاً هذا الملاحظ وبـكثرة هـالأياام أعتقد أنه الخوووف من الفضيحة وكذلك الخووف مما سـيكون ويحصل من قبل الاسرة بها لكن أذا سكتت وسكتت رااااح تصبح وتمسي على تحرش لكن علقة أو علقتين احسن من أنها تصبح وتمسي على ذلك ومشكوووره مره ثانيه على الموضوع |
رد: لمـــاذا تصمــت الفــتاة عـــند التحــرش بهـــا؟
انا رايحه اقلكم السبب الرئيسي ... السبب هوه واكيد .. انو عدم فتح قنوات لسماع الام لمشاكل ابنتهااا
يجب ان يكون هنالك جسر قوي ومتين بين الام والفتاه وبذلك ينتهي كل معالم التحرش الاسري |
رد: لمـــاذا تصمــت الفــتاة عـــند التحــرش بهـــا؟
بداية أشكر لك طرح هذا الموضوع الذي لا يطرح في مجتمعاتنا إلا ماندر
لا يخفى عليكم أن بعض المجتمعات تعاني من الكبت والتضييق وخنق الشباب .. وبما أن الوازع الديني مفقود سنجد أنفسنا أمام العديد العديد من المشاكل والتي منها التحرش.. ومن ثم السكوت عن ذلك. لقد لخصتِ أختي ذلك الموضوع بأسباب منها الخجل .. ولكن ما هو سبب ذلك الخجل .. الخجل ببساطة موجود لأن مجتمعاتنا العربية الشرقية تخشى دائما من العار والفضيحة حتى لو لحق الفتاة ما لحقها من آثار نفسية المهم سمعة العائلة .. يا أختي هناك من يقتل أخته لمجرد أنها اُغتصبت ولم تستطع الدفاع عن نفسها .. ويقتلها وهو يعلم أنها أطهر فتيات الأرض ولكن سمعة العائلة توجب عليه ذلك الشيء .. أن يغسل عاره بالدم .. مع أنه متعلم ومثقف .. ولكن ذلك لا يسمن ولا يغني من جوع..! فكيف تستطيع الفتيات مواجهة ذلك في ظل هذه المجتمعات الظالمة للجميع وخصوصا الفتاة .! تعرفين .. أن التحرش في المجتمعات الغربية التي لا تفقه من ديننا شيئا تُرفع فيه القضايا ويؤدي إلى سجن المتهم لكننا نحن العرب نفضل السكوت على أن يأخذ العدل مجراه .. |
رد: لمـــاذا تصمــت الفــتاة عـــند التحــرش بهـــا؟
.............. تسلمي على الموضوع الرائع....
اولا يا عيونييي......هما الشباب السبب والبنات كمان ...... يعني ..شو صار معي ان العبايه حقتي ساده مافيه ولان زخرفه..وبلبس نقاب... وماشيه في وطالعه من المدرسه وقرفانه حياتييييييييييي واشويه وحد يطلع راسو من شياك السياره ويقول يا حلوه انتي حلوه...موت من الرعبهههههههههههه ...وسرت ارجف رجف وقفت في نفس المكان الي كنت فيه وصار يحكيلي اركبي اركبيي انا خلص اغمي عليه من الرعبههه صرت اجري في الشارع زي المجنونه............هع الله يعنيييي ان شاء ويصبرنااا ويهدينااااا يعني المهم الخوف والخجل تسلمي |
رد: لمـــاذا تصمــت الفــتاة عـــند التحــرش بهـــا؟
يعنى الاسباب اللى حكيتوها كلها صحيحة نظرا لانها طالعة من بنات مجربة الموضوع وانا بضيف سبب اعتقد انو كمان صحيح وهو نقص الجرأة طيب شو بصير اذا وقفتى وشلحتى اللى برجلك وعلى وجهو شو بصير؟كمان انتى بدك تحطيلى حد لانو هيضل يجرى وراكى
|
رد: لمـــاذا تصمــت الفــتاة عـــند التحــرش بهـــا؟
اقتباس:
الموضوع هو .. لماذا تسكت وتلملم الموضوع حينما يحدث هذا التحرش حتى لو دافعت عن نفسها لماذا لا تخبر أهلها .. لماذا لا ترفع قضية مثلا .. هذا هو القصد .. أما بالنسبة لما تحدثت عنه .. أجد أن أغلب الفتيات لا يلجأن لذلك الأمر لأن الفتاة ضعيفة .. وتكون في ظرف ترتبك جدا ويصعب التفكير جيدا .! |
رد: لمـــاذا تصمــت الفــتاة عـــند التحــرش بهـــا؟
اولا انا ما قرأت ولا رد لانهم طوال كتير
ما بعرف إذا حد رد متلي بس انا بقولكم وعن خبرة وما حد ينكر وهاد الكلام موجه للبنات إلي بقولوا بتشلح الجزمة وبتضربوا اذا البنت عاكسها شب جميل وشخصية بتتلون وبتكون من جواها طايرة من الفرحة ،، اما إذا عاكسها شب ما عنده في بيته أصلا مرايا لانه بخاف يشوف حاله ،، بتقلب الدنيا انه كيف هاد الشب يسترجي يطلع فيها هاد لاغلبيت البنات إلا اكيد البنات الملتزمات حق الإلتزام وانا بهنيهم على إيمانياتهم لا تزعلوا يا اخوات هاي آراء |
رد: لمـــاذا تصمــت الفــتاة عـــند التحــرش بهـــا؟
اقتباس:
الموضوع يتحدث عن لماذا تصمت الفتاة عن حقها حينما يتم التحرش بها وليس لماذا لا تدافع عن نفسها .؟ كإنه الموضوع لأنه بيمس الفتيات أعجبكم أن تلقوا التهم واللوم عليهن .. وهو أساسا لا يريد أن يعرف وجهة نظركم في سلوك الفتاة والشاب هو فقط يريد أن يعرف لماذا يتم لفلفة موضوع التحرش ولا يتم رفع قضية وإلخ. أرجو أن تقرأوا الموضوع جيدا قبل أن تحرروا المشاركة. |
رد: لمـــاذا تصمــت الفــتاة عـــند التحــرش بهـــا؟
اقتباس:
تسلمي عالموضوع :s (43): |
رد: لمـــاذا تصمــت الفــتاة عـــند التحــرش بهـــا؟
السلام عليكم ورحمه الله وبركاته ,,~
في البداية يسلمو ع الموضوع موضوع واقعي ومحسوس اما رايي ... انا بقول انو سبب صمت الفتاه ,, هو اما الرضى (وهاد لضعيفات الايمان) واما الخوف ... وطبعا الخوف بيكون اما من الشب نفسو واما من النتائج اللي رايحه تصير .. او من نظرة اللي حولها واما الخجل ... في كتير من الفتيات بخجلن من مجرد انو واحد يعاكسهن ,,, وطبعا اذا حد عاكسهن ما بيكون ردة فعلهن فيه اي نوع من التعنيف ولو جينا لردة الفعل رقم 2 ( وهي الخوف) يعني انا حكيت انو مرات بيكون الخوف من العاقبة والنتيجه ,,, ف مثلا احنا العام صار قصه طويلة عريضة بالبلد راح نتيجتها قتل روح بريئه ... اللي انقتل واحد كان يفزع بين العيلتين واتشردت عيلة القاتل بما فيها الاعمام والعمات والاقارب وكل هاد سببو (غمزه)شفتو ليش الواحد بيخاف مثلا انا لو صارلي هاد الموقف مع العلم انو كثير بيصير ومع اي قتاه ,, راح اضل ساكتة ومكملة طريقي ... واذا زاد الشي عن حدو بتصرف معي بنفسي .. حينها بيكون فعلا بيستحق الشبشب ع راسو ..(اعزكم الله ) وفي نقطة مهمة ... كتير بنات بيتعرضن للتلطيش وبيضلن ساكتات ,,, والشب او غيرو من الناس اللي بيشاهدوا الموقف بيعتقدوا انو البنت ساكتة لانها راضية ... مع العلم انها مرات بتتجنب الحكي لاحد السببين الاخرين وفي النهاية ( الله يستر على كل بنات المسلمين ) |
رد: لمـــاذا تصمــت الفــتاة عـــند التحــرش بهـــا؟
هذا رايي بالاضافة الى راي ملاك .. سليم 100%
|
رد: لمـــاذا تصمــت الفــتاة عـــند التحــرش بهـــا؟
هلئ انــآ الي فهمتو من الموضوع انو التعرض للتحرش الجنسي ..
مو الحركشــآتـ و المعــآكســآتـ .. لانو لو بنتكلم عن التحرش الجنسي فالوضع بختلفـ تماما عن المعاكســآتـ و ردي كــآنـ بنــآء ع انو بنتكلم عن التحرش الجنسي .. |
رد: لمـــاذا تصمــت الفــتاة عـــند التحــرش بهـــا؟
يا حجة أنثى انا بدي اوضحلك انه اصلا الموضوع غلط
لانه هما ما بلفوها خوف على العار بلفوها لانهم عاجبهم الوضع واتحدى اي بنت ما بترضى واحد جميل يعاكسها إلا المتزمات على الآخر وهدول بظن انهم مو من غزة |
رد: لمـــاذا تصمــت الفــتاة عـــند التحــرش بهـــا؟
تصمت من هول سفاح الاقارب و هول الصدمه وخوفا من الفضيحه .. يمكن هيك
|
رد: لمـــاذا تصمــت الفــتاة عـــند التحــرش بهـــا؟
موضوع جميل لن أستطيع أعمم على جميع البنات فمن البنات من يخجل ويصمت ومنهم من ترد ولا تسكت على حقها.. المشكلة أن الشباب يتحرشون بالفتاة سواء كانت تلبس لباس شرعي أو بدون حجاب يعني على الجهتين ما بتسلم من لسان هالشباب .. يعني أنا كتير بسمع كلمات من هالشباب " الصايعين " يعني شو يا حلو ،، عسل ،، وكلام مزوق يعني كلمة وعلى الماشي . أكيد بكون متدايئة بس ما بوقف في الشارع وبصير أردحله بخجل بضلني مكملة في طريقي وبيني وبين حالي بقول بعد ما أسب عليهم .. الله يهديكم :) أما موضوع الاغتصاب ويللي ذكرتيه بختلف اختلاف كلي على موضوع التطقيس اللي ذكرته فهو موضوع كبير لكن متل ماذكرت اما خوف او خجل من الفتاة بيكون لكن ما أظن رضا يعني ما بتكون الواحدة مبسوطة ؟! |
رد: لمـــاذا تصمــت الفــتاة عـــند التحــرش بهـــا؟
اقتباس:
لنفرض أن الفتاة ليست كما تدعي .. وأن الشاب إضافة إلى وقاحته لديه دمامة في الخلقة لنفرض مثلا أن التحرش تحول من تحرش بالكلام وامتد إلى التحرش بالجسد ولم تكن الفتاة راضية عن ذلك أبدا ثم تطور الأمر إلى الاغتصاب .. ولم تستطع بأي حال أن تدافع عن جسدها وتحميه وبعد انتهاء هذه المصيبة .. ضاع حقها وضاع مستقبلها ومع ذلك صمتت عن حقها هل لك أن تعطينا رأيك في حالة كهذه .. وما هي أسباب الصمت هنــا. |
رد: لمـــاذا تصمــت الفــتاة عـــند التحــرش بهـــا؟
اقتباس:
مش كل البنات هيك ولا كل الشباب هيك |
رد: لمـــاذا تصمــت الفــتاة عـــند التحــرش بهـــا؟
مافهت ردك منيح سيف العرب .. اللي فهمته منك بس إنو اكيد مو كل البنات هيك ولا كل الشباب هيك في شباب يعني أخلاقهم رفيعة ومحترمة وعندهم خوات بخافوا عليهم وفي العكس !! |
رد: لمـــاذا تصمــت الفــتاة عـــند التحــرش بهـــا؟
اقتباس:
طبعا مارح اسكتلو ومتل ماقلتي يمكن يرجع يعيدها مرة وتنين وعشرة وخاصة شاف انو انا ساكتلو طيب هم مابفكرو انو ممكن اذا عملو بالبنات هيك يجي واحد ويعمل بالخواتهم البنات نفس الشي لا وساعتها رح يعمل حالو صاحب شرف وكرامة :s (43): |
رد: لمـــاذا تصمــت الفــتاة عـــند التحــرش بهـــا؟
هو صراحة في انواع من البنات وفي انواح من التحرش
يعني في بنات ما بيسكتو لانهم عارفين انهم ما غلطو وعارفين انو الشخص اللي غلط معهم لازم يتعاقب وياكل اللي بيستحقو بس ممكن يسكتو ببعض الاحيان لمجرد اهمال يعني لما حدا يعاكسهم بيسكتو عشان يبينو لهادا الشخص اللي بعاكسهم انو واحد تافه وما الو قيمة لحتى يتطلعو عليه او يردو اما السكوت فهو ممكن خوف من ردة المجتمع خصوصا انو مجتمعنا منغلق شوي وكمان ممكن خجل وارتباك من الموضوع وممكن كمان يكون انو ما في شخص تفتحلو قلبها وتحكيلو او انو ما في شخص يتقبل الموضوع وا ممكن الخوف من انو يتغير تعامل الاهل والاصدقاء معها ع كل هادي وجهه نظر وتوقعات والله اعلم ^^ مشكورة ع الموضوع المهم وع الطرح المميز :) :s (43)::s (43): |
رد: لمـــاذا تصمــت الفــتاة عـــند التحــرش بهـــا؟
صدقت خيو تحدوه انا رايي مكن رايك
بس في بنات شخصيتهم ضعيفة وبخافو يحكو لحد وفي كمان بنات بخافو يحكو لعدة اسباب مثلا انو ابوهم متعصب واذا عرف انو في حد متحرش ببنتو بعمل مشكلة كبيرة او بحط الحق على البنت ف كل هاد اكيد بكون ناتج عن الخوف والتوتر ما ننحرم |
رد: لمـــاذا تصمــت الفــتاة عـــند التحــرش بهـــا؟
تسلموا يارب على ارائكم الراائعة والي بجد تستحق رفع القبعات لها .. وبحترم رأي كل واحد فيكـــم واللـه مشكلاتنا كتيرة ياعالم .. الله بعيين يااااارب ويهدي شبابنا وبناتنا الى الطريق الصالح ... ويبعد عن بناتنا كل شر .. تسلمولي كلكم |
رد: لمـــاذا تصمــت الفــتاة عـــند التحــرش بهـــا؟
الي بتصمت بتكون هبله وشخصيتها ضعيفه
|
رد: لمـــاذا تصمــت الفــتاة عـــند التحــرش بهـــا؟
مممم بحترم رأيك بس هالسبب بكون من الاهل نفسو ويسلموا عالمرور |
| الساعة الآن 08:56 AM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas