|
دعاء الأم على ولدها !
السلام عليكم
قال الرسول _صلى الله عليه وسلم_ " ثلاث دعوات مستجابات لا شك فيهن : دعوة الوالد على ولده، ودعوة المسافر، ودعوة المظلوم ) دعاء الأم على ولدها أمر في غاية الخطورة .. إذا كانت الأم ظالمة على ولدها هل إذا دعت عليه يكون دعاؤها مستجاباً؟ شو بإمكان الشخص اللي دايما إمو بتدعي عليه بأقل سبب او بدون سبب ..ودعوات قاسية جدا ..لدرجة انو الدعوات تستجاب وكل شي بحب يعملو هالشخص بيخرب ..وان كان ممتاز بدراسته وفجأة صار يجيب علامات ابدا مش من مستواه الحقيقي ... يعني شو ذنب هالشخص او شو بإمكانه يعمل برأيكم ؟!!! |
رد: دعاء الأم على ولدها !
والله مصيبة ! للاسف في امهات هيك عنجد وبشوفهم بكون الابن ما عمل شي بيستحق كل هالدعاوي بس بتضل تدعي وبتحس الدعوة طالعه من قلبها هيك وهي مو عارفه انه الله ممكن يستجيب دعاها بأي لحظة شي مؤسف بالفعل . . ! شو الحل ؟! ينبه امه على هالشي وبكل صراحه . . وازا ما عنده الجرأة يحكيلها هالشي يخلي اي حدا يحكيلها . . لانه والله حرام :s وطبعا ما يعمل اشياء مستفزه وبتدايقها او اشياء بتخليها تدعي عليه . . يعني يتجنب الاشياء اللي بتدايقها وبتعصبها ! وطبعا الله عالم بالقلوب وبالنوايا . . وما بيرضى بالظلم :) // يسلمو فارس الوطن عالموضوع . . يعطيك العافية اخي . . |
رد: دعاء الأم على ولدها !
موضوع مهم
هالشي عايشته شخصيا .. لكن الحمد لله حلينا هالمشكلة ^^ امي الله يكرمها من النوع العصبي .. يعني على اقل شي بتعصب و بتصير تدعي و من هالاشياء مع انه احيانا الموضوع ما بكون مستاهل .. حتى انها اوقات بتكون هي الغلطانة الحمد لله ولا وحدة من دعاويها تحققت :icon11: و الا كنت في عداد الموتى الآن :b: // الطريقة لحل هالموضوع هو المصارحة + طاعتها + مجاملتها يعني كلمة حلوة من هون و هون .. هدية مفاجئة .. ازا طلبت شي ع الفور يتنفذ و من هالاشياء اشياء بسيطة تلين العلاقة يعني بتصير الام بتحس بالاهتمام .. و بصير اي شي بعمله ابنها حلو في نظرها ( مش كلشي كلشي برضو .. لكن في غالب الاحيان :icon11: ) // ازا الام من النوع العنيد جدا .. و الابن مطيع و بار .. فـ على حد علمي دعائها على ابنها مش مستجاب .. لأنه ظلم الله يصلح الجميع // اشكرك على الموضوع المهم :) |
رد: دعاء الأم على ولدها !
:icon9:
مصيبه الام الي هيك يعني المفروض الام مصدر الحنان مش تدعي عل الطالعه والنازله والله انا بعرف بنات امهاتهم هيك وسمعتهم وهما بدعو :b: الله يهديها بس الولد المفروض يداري امو ويبالغ ببرها يعني يهتم بكل التفاصيل الي ممكن تدايئها وانشاله قلبها بحن وبتتزكر انو من لحمها ودمها مش للدعاء عليه بلكي تعود لسانها يصير يدعيلو مش عليه :icon8: اصلا حرام ومابصير وانشاله ازا كان الولد مظلوم الله ماحيستجيبلها قال رسول الله صلى الله عليه وسلم : لا تدعوا على أنفسكم، ولا تدعوا على أولادكم .. في نهي بالحديث لانو طبعا ممكن يستجاب الدعاء حتى لو الولد مطلوم ف كل الموضوع برجع للام يعني ممكن الولد يقعد معها ويفهمها انو هل الشي بيدايئو ويحكيلها الحديث هادا ويبينلها انو كتير شغلات مسكره بوجهو من تحت دعائها وانشاله بالاخر بتلين مابظن في ام بتحب تتسكر بوجه ولدها بس يمكن لسانها متعود :icon9: يسلمو خيي فارس :s (43): |
رد: دعاء الأم على ولدها !
تسلم اخي فارس
النسوان عنا بالحارة الدعاء عندهم مثل الدواء .. قبل الفطور وعلى الغدا وقبل النوم .. ^^ ربنا يهديهم |
رد: دعاء الأم على ولدها !
بصراحة ما شفت امهات هيك وان شاء الله ما بشوف،،، ربنا ما بيرضى بالظلم وبعدين مهما دعت الام على ابنها ما بيكون من قلبها ولو صار لازم الابن يحاول يطري علاقتو بإمو عشان يكسبها لانو ما في بعد الام بالدنيا كلها
يعطيك العافية فارس ،،، دمت متميزا دوما |
رد: دعاء الأم على ولدها !
انا بتوقع الام مهما دعت على ابنها ما بكون من قلبها
والله يهدي الجميع |
رد: دعاء الأم على ولدها !
اقتباس:
مشكوورة لمرورك .. والله يسلمك ..ويعافي روحك نورتي .. |
رد: دعاء الأم على ولدها !
موضوع في غاية الروعة وانشالله ما حد بمر بهيك موقف
مشكور فارس على الموضوع الرائع |
رد: دعاء الأم على ولدها !
:icon31:
اقتباس:
طاعتها و مجاملتها ... ان شاء الله ربنا يحفظك .. شكرا لمرورك :icon31: |
رد: دعاء الأم على ولدها !
اقتباس:
قرأته قبل التعديل // الله يرضي امك و يرضى عليك .. :s (43): |
رد: دعاء الأم على ولدها !
شكرا لمروركم .. لكن للآسف هالشي واقعي والله بستجيب كل الدعوات ..ظالم مظلوم بستجيب |
| الساعة الآن 10:27 PM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas