|
مكالمة غريبة !!
السلام عليكم و رحمة الله و بركاته:
من عادتي أني لا ارد على أرقام غريبة و لكن بعض صديقاتي أحيانا يتصلن من جوال والدها أم امها عندما لايكون معها رصيد فأصبحت أرد على الأرقام الغريبة إذا تكرر إتصالها بالأمس اتصل رقم غريب 3 مرات قبل أن أرد قلت : السلام عليكم قال : و عليكم السلام صمت طويل (انتظرت ان يقول من هو )قال:ألوووووووووو قلت السلام عليكم قال : يأختي انت بعتيلي رسالة قلت ليس معي رصيد لأبعث رسالة قال:الرسلة من موقع حسابي و فيها " السلام عليكم أنا آسفة لأني ما قدرت أكلمك أنا محتاجة تدعيلي(قراها بصيغة المذكر):icon6: ثم فصلت الخط ....... خلال أقل من دقيقتين اتصل 3مرات ثم رددت عليه قلت السلام عليكم أنا آسفة الرسالة و صلت لك بالخطأ قد أرسلتها لصديقة مع السلامة قال لحظة :أنا كنت أكلمك مش عيب تفصلي الخط قلت آسفة :icon28: قال لأ عنجد عيب قلت الصوت مش واضح (أريد إنهاء المكالمة):icon28::icon28: قال يا أختي يعني كيف بتبعتي رسالة بالخطأ؟؟ قلت يظهر اني تخربط برقم وأنا آسفة على الخطأ قاطعني قال ياختي إنت عارفة شباب اليوم أغلبهم طايشين و أنت صبية يعني تاكدي من الرقم قبل ما تبعتي قلت شكرا عالنصيحة مع السلامةقال : بعد هالمكالمة و ما بدك تعرفيني على حالك!!!:icon8::icon8::icon8: و بعد هالمكالمة اللي أنا نادمة عليها مكالمات لم يرد عليها 20 مكالمة هذا غير الوقت الي اغلقت الجوال و عملته وضع طيران شو رايكم؟؟ شو الحل مع هيك أشكال؟؟؟ |
رد: مكالمة غريبة!!!
عنجد شو هاد لزقة انا لو مكانها رديت عليه مرة وتنين وتلاتة بس مو اكتر
بعدين بعصب . . . ممكن قلو وبعدين معك لك ماعم تفهم خلص بعتى بلغلط ومشى الحال . . وبس يعصبني ويستفزني اكتر . . ممكن قلو انت واحد قليل زوء لانو عنجد قهرني لزقة لزقة . . . شو الحل مع هيك أشكال؟؟ أنو الحل عادي جدا ممكن يا ماترد ع الرقم نفسو او اذا اجاها رقم غريب ما ترد عليه انا لما حدا بدقلي ع جوالي رقم مابعرفوا مابرد لو يضل يرن لبكرا . . . او ممكن تغير رقمها كلو . . . بس بس انو الواحد لازم يشوف الرقم قبل مايبعت متل ما قال هو بس احيانا الواحد بيبعت بالغلط منقوم مندبق فيه . . . |
رد: مكالمة غريبة!!!
اقتباس:
أنا عنجد كتير متضايقة من هذا الشئ و المصيبة أنو ما رديت بعد هذه المكالمة لكن الإتصالات لسه مستمرة و في رقم جديد كمان!!! |
رد: مكالمة غريبة!!!
اقتباس:
متل ماقلت ممكن يكون اتصل من رقم تاني مشان ماتعرفيه . . . طيب غيري رقمك يعني رقم التفون كلوا انا عندي حل تاني بس قليلي شو بيصير معك |
رد: مكالمة غريبة!!!
اتصل مرات كتير و طلبت من أخي الكبير يرد وما رد
حطيت الجوال عنده و ظله يرن لما زهق رد عليه و قال الشب : آسف الرقم غلط فكرتك ابو محمد لو كنت من اللي بخبوا عن أهلهم و بخاف كان استغل هذا لبشئ و ظلوا يتصل لكن الحمد لله ما رن |
رد: مكالمة غريبة!!!
دمعه اسى .. ما تعطي الموضوع اكبر من حجمو ,,
ومو محتاجة تغيري رقمك وتتصلي من رقم تاني وهاي الئصص ... كل ما يتصل اعطي الموبايل لأخوكي وخليه يرد عليه .. وسدئيني ما رح يرجع يتصل ,, ع ضمانتي ^.* ديري بالك يا عسل وانتي بتنئلي ارقام ^^ |
رد: مكالمة غريبة!!!
اقتباس:
:showoff: زي مـا قـالت أختي أمـاني .. أختي دمـعة أسـى .. لا تـاخذي ببـالك .. عشـان واحد مـا بـسوى و لا فرنـك و الله يحفظك .. إن شـاء الله تحيتـي لكِ |
رد: مكالمة غريبة !!
بتصير هاي الشغلاات كتيير
واذا بدك في كل مرة تغيري رقم جوالك ,, ما رح تخلصي ,, انسي الموضوع ,,, وكل ما حاول هو او امثالوا انهم يتصلوا فيكي اعطيه لاخوكي الكبير ,,, وشوفي كيف مو ممكن يرجع ...بعين الله سلاااام* |
رد: مكالمة غريبة !!
بديك حل عملي ان شاء الله يريحك من هيك اشكال شو نوع جوالك ؟!
أنا كتير بجننوني من كتر ما بيرنوا علي لكن ببرنامج بخلي الجوال يحلق لهم من غير ما اعرف مطلقا |
رد: مكالمة غريبة !!
ههههه الله يهديه بسيطة خيتوا كتير بتصير مفروض ما خليتيله اي فرصة حتى لاي كلمة : انا لو مكان اخوكي .. كان طلت قرارهـ وعلقتهـ في البزنس سنتر ( مكان تسوف في الصين .. هع ) .. وخليته عبرة لمن يعتبر ولا يعتبر كمان : لكن بسيطة خيتو .. بتهون ويمكن اخوكي حب ينهيها من غير مشاكل : تقبلي مروري ورأيي في امان الله |
رد: مكالمة غريبة !!
وانا كمان هيك رأيي انو كل ما يتصل اعطي موبايلك لأخوكي ومرة على مرة رح يزهق هاللزقة
اف عنجد اشي بيقرف بس انتي انتبهي وانتي بتنقلي الارقام حبيبتي وبصراحة المفروض ما اعطيتي بالاتصال اي فرصة للحكي يلا معلش بس انتبهي لغيرها بعين الله ! تحياتي وكل المحبة والاحترام :s (43): |
رد: مكالمة غريبة !!
عادي حبيبتي بتصير كتير
احيانا في ارقام بتزعجني بترن اكتر من 60 مرة باليوم اصحى الصبح الئي 30 مس كول ومسجات انو ممكن اتعرف ومشان الله ردي علي وهالحركات ونفس الشخص كان يرن من ارقام متعددة بس الحل اكيد عندك انو ما تردي الي بدو ياكي ضروري يبعتلك مسج يوضحكلك مين هو ازا كان حدا من صاحباتك ورن من رقم غريب اما الي بيعمل ازعاجات اخرتو يزهئ ما راح يضل اكتر من شهر يعني لو شاف مافي اي رد منك مريت بهيك فترات وما كانت اتضل اكتر من شهر كنت اتركو يرن لحتى يفئع ويتعب مو مشكلة يعني وفي حل تاني انو تطلعي على شركة الاتصالات تبعتو وتئدمي بلاغ خطي مع دليل انو في ازاعجات متكررة والشركة بتبعتلو تنبيه وازا ضل بعد التنبيه يسبب ازعاج راح ينفصل الخط وتمنعو الشركة من اقتناء خط مرة جديدة من عندها انتي الي عليكي تعمليه انو ما تحسسيه الا انك منزعجة وا انك مهتمة وسدئيني بيزهئ |
رد: مكالمة غريبة !!
أعطي الرقم لأخوك وبقل قيمة ابوه هههههههه
|
رد: مكالمة غريبة !!
يوه مالو هاد :wacko: اول شي عامل فيها محترم ولازم تتأكدي وابصر شو بعدين لزء بسماكي :icon11: انفصام :icon8: عادي ماتشغلي حالك ولاتتوتري ولاشي يااااااااما صارت معي واسماله عندي 4 اخوان جاهزين للرد :showoff: اسمعي شوفي وئت بكون اخوكي معصب ومش طايئ حالو احكيلو يرد عشان يفش غلو فيه ومايخلي كلمه الا يحكيها :icon11: منها اخوكي بروء وهداك بيحل عنك :s (43): |
رد: مكالمة غريبة !!
اختي والله الحل الوحيد بيعينك الله اشتري رقم جديد وما توثقي بحد حتى اقرب الناس الك وخلي رقم مع ناس محددين متلي وهيك بتخلصي ربي يساعدك وان شالله ما حتكوني الا مرتاحة
جربي وشوفي قديش حترتاحي تفبلي مروري لك كل الاحترام |
رد: مكالمة غريبة !!
يا جماعة يمكن اخوها يفهمها غلط شو بيعرفنا يمكن هالشب يعمل شي غير متوقع ويتبلاها متل ما قلتلك غيري رقمك وتوكلي ع الله
|
رد: مكالمة غريبة !!
اقتباس:
مزبوط متل ماقالت ليمار روحي على شركة الاتصالات تبعتو وقدمي بلاغ احسن حل والله ويمكن من اول تنبيه ماعاد يتصل عليكي . . . ولك بتعرفي الله راضي عليه بس لو كان علق معي والله لشرشح ابوه وابو ابوه لخليه يتوب بس يرن ع شي بنت |
رد: مكالمة غريبة !!
ههههههه
صار معي كتير :s بالآخير ما بمشو غير بكلمهـ الشرطهـ ! الإشي الوحيد إلي بخآفو منو ! الله يعيننآ .. .. يسلمو ع الطرح . =) |
رد: مكالمة غريبة !!
مزبوط متل ماقالت مرمر
بخافوا من الشرطة لانو رح يصير اسمهم خريجين حبوس هيك بيتخيلوا والله لازم تشوفي حل جذري دمعى |
رد: مكالمة غريبة !!
الله سترها هالمرة ما حتجنا لا شرطة ولا شركة اتصالات
ما عاد يتصل كتير زي قبل لأني أغلب الوقت مسكرة الجوال واللي بدها إياني من صحباتي بكلمها عالتلففون آسفة شغلتكم معي خاصة روح الصباح |
رد: مكالمة غريبة !!
انا صارت معي كان يتصل باليوم100مره
وغير المسجات اللي حتى ماقراتهم الحل مارديت عليه جهازي كان اما صامت او مغلق ولما كان يرن ماكنت اسكر عليه عشان مايفكرها لعبه وبالاخر مل بعدين لما تعطي اخوك بصيروا بيتخانئوا وهداك بيتسلى حتى مره بنت اللي اتصلت وبتحكي اني رنيت عليها وانا نفس الشي ماعندي رصيد يعني لازم ننتبه والله بعييييييين انشاالله على فكره هو بيحكي اشيا غريبه عشان يشد انتباهك ويصير عندك فضول لتعرفي شو بدو |
رد: مكالمة غريبة !!
اقتباس:
لا ولا يهمك دمعى ولو نحنا لبعض خاصة بهيك مواقف . . }{:s (43):}{ |
رد: مكالمة غريبة !!
الله يخليكي يا رب
|
رد: مكالمة غريبة !!
انا لو محلها بعطي التلفون لابوي وبعديها مستحيل يرجع
طبعا بعد ما يسمعو ا الي في النصيب |
رد: مكالمة غريبة !!
وعليكم الســلام ورحمة الله وبركاته بسيطة حبيبتى بتصير كتير انا رأي تعطى التليفون لوالدك او اخوكِ هو يرد بعدها اكيد هفكر مليون مرة قبل ما يتصل إحترامى :) |
رد: مكالمة غريبة !!
ناس ما بتفهم ,بسبب انتشار الفساد الأخلاقى بين الشباب العرب |
رد: مكالمة غريبة !!
ازا هيك عنجد لزقه لو انا مكانك بحكيلو ازا ضليتك ترن بتصل بالشرطه وازا كمان مره رد رن بحكي لبابا او لاخوي وعنجد انو ما بستحي قال شو بحكي انتي صبيه ولازم تتاكدي من الرقم وهو بحكيلها ما بدك تتعرفي عنجد عصبني وانا هون :ShababSmile164: |
| الساعة الآن 03:24 AM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas