|
.{ حدثـني جدي عـن فلسطيـن || ::ألحان الحرية:: }.
السلام عليكم ورحمة الله وبركاته .. } http://rooosana.ps/Down.php?d=9NIF تحية لكم أحبتي ..ملؤها "عبق من تاريخ بلادنا".. تحية معطرة بمجد أجدادنا وتاريخهم العريق.. دائماً وأبداً فلسطين تجمعنا .. لكنها اليوم تجمعنا بطريقة مختلفة ! هنـــــــــــــــــــا سنقوم كل أسبوع بإستضافة أحد أحبتنا من الأعضاء .. ليخبرنا بتلك الروايات التي كنا نسمعها -ومازلنا- من أجدادنا.. http://rooosana.ps/Down.php?d=ENzgK بعضها قصص للمجد والبطولة والبعض الآخر فيه الحنين والشوق والجديد..تلك القصص التي لا تخلو من الفكاهة قد نصدق بعضها ولا نصدق البعض الآخر .{ هنـــــــــــا }. يمكنكم وعلى غير العادة أن تتحدثوا بالعامية (في سرد بعض القصص فقط) أما الردود تكون كما عهدتكم بالفصحى كما نرجو أن لا يقوم أحد بالرد إلا بعد إنتهاء الضيف من سرد قصصه فالأصل عدم المقاطعة .. كما يجب أت تتسم الردود بجدية لا تمنع الفكاهة ولكنها تمنع الدردشة.. هيا أحبتي إنطلقو وإسئلوا أجدادكم وجداتكم أمهاتكم وآبائكم عن تلك القصص وتعالوا هنا لتسرودوها لنا بكل حب ~ // ... ضيوفنا السابقين ... :: أبو يقين :: :: أبوخالد-ياسين :: أخيراً مع ضيفتنا الثالثة :: ألحان الحرية :: |
رد: .{ حدثـني جدي عـن فلسطيـن || أبو يقيـن }.
اقتباس:
إننا متشوقون لسماع تلك القصص دورك في الطريق:s (43): >>رح احذف الرد لن ممنوع نرد إلا لما يخلص الضيف بس ما هنتي علي ردك كتيير معبر و أول رد<< يا جمـــاعة ممنوع نرد إلا بعد ما يخلص ضيفنا سرد القصص.. وكل رد رح ينحذف ^.^ تحياتي للجميع .. وألف شكر لــــ " إسراء الفلسطينية" لمساهتمتا الفعالة بالموضوع.. هي بتعرف شو عملت:icon31::s (43): |
رد: .{ حدثـني جدي عـن فلسطيـن || أبو يقيـن }.
بسم اللهـ الرحمن الرحيم
يسعدني أن أكون الأول في سرد بعض القصص التي حدثها لي جدي اسماعيل قصة 1 في يوم من الأيام وحينما كانت أفراد العائلة متجمعهـ بجانب جدي وملتفين حولهـ سأل الجد كم دونوم كان الك يا حج قال آآآآآخ يا سيد واللهـ يا سيد أنا ما كان الي أخوة أنا بقيت وحيد بقينا والله أنا وأبوي وأمي وكانت حالتنا يا سيد يعني بقينا من الأغنيا يا سيد كان النا 70 دونوم في البطاني الغربي بقيت يا سيد دايما في الارض بقيت واللهـ حينتها شب أشتغل في هالارض كان اكتير من الدونمات عنا مزروعة زيتون والغالبية الباقية بركان (برتقال) أم ايش هالبرتكان أي هوي البرتكان تاع اليوم برتكان واللهـ يا سيد كانت حبة البرتكانه سكر عسل والريحهـ يا سيد واللهـ انها برتكان برتكان واللهــ يا سيد بكيت أضلني آكل برتكان لما أنسطح وفي آخر القصة شو قال الحج واللهـ العظيم (ولا انتا وياه زهكتوني ولا روح جيبلي سيكارة من العلبة وتاعال) سلام مع قصة أخرى |
رد: .{ حدثـني جدي عـن فلسطيـن || أبو يقيـن }.
بسم اللهـ الرحمن الرحيم
قصة 2 زواج سيدي سألنا سيدي كيف اتعرفت على ستي وبتحبها ولا كيف قال واللهـ يا سيد أنا بقيت أعرف الحجة الله يرحمها من وأحنا اصغار ( أساسا هما قرايب ) بقيت واللهـ أحبها كتير اللهـ يرحمها بقينا أنا واياها بنغني أغاني شعبية حلوه كتير بالزات الدلعونا اتزوجنا يا سيد وجبنا أول ولد عمكوا محمد الله يرحمهـ (عمي انفقد في حرب أيلول الأسود في ال67 ) وستكو ماتت اللهـ يرحمها في مصر واندفنت في رفح المصريهـ سلام مع قصة جديدة |
رد: .{ حدثـني جدي عـن فلسطيـن || أبو يقيـن }.
يعطيك العافية أخي .. أبو يقين .. .][ انتهى الأسبوع بكل أسف ][. هلأ كل الأعضاء بيقدروا يردو على قصص أبو يقين .. لحد يوم الجمعة بنختار الروائي الآخر : ) |
رد: .{ حدثـني جدي عـن فلسطيـن || أبو يقيـن }.
.. أبو يقين .. شكرا لأول من سرد لنا قصص جده .. يبدو أن كل شيء في ذلك الوقت مختلفاً .. كانت الألفة والمودة أكبر .. كان الحب أعظم يوم أن كان لجدك وجدتك .. حتى البرتقال كان مختلفاً ! ! وتبقى جذور الحنين حتى تنبت أزهار العودة .. كل التحية لك أخي أبو يقين : ) تمنينا لو سمعنا منك المزيد من القصص .. |
رد: .{ حدثـني جدي عـن فلسطيـن || أبو يقيـن }.
اقتباس:
وأنا جاااهز يا جماعهـ على أيا استقسار |
رد: .{ حدثـني جدي عـن فلسطيـن || أبو يقيـن }.
اقتباس:
واللهـ متأسف أختي ابنة الشتات واللهـ بقيت مضغوط بس وعد لو اوقعت مرهـ تانيهت بالموضوع رااااح تزهقوا مني قصص |
رد: .{ حدثـني جدي عـن فلسطيـن || أبو يقيـن }.
فـكرة روعــة بجد ...!!
ابنـة الشتات + اسراء بارك الله فيـكون صبايـا ... ابو يقين ... بجد قصـتين روعة ... خاصة تبع البرتقال ^_^ يسـلمو كتير الك .. بانتـظار التالي ..^_^ ارق تحية .. |
رد: .{ حدثـني جدي عـن فلسطيـن || أبو يقيـن }.
اقتباس:
بنت الشام واللهـ كان في ويد أسمعكوا أكتر من هيكـ بس واللهـ بقيت مضغوط بالزووور لما كتبلكم هالقصتين بس واللهـ كان عندي أكتر من هيكـ |
رد: .{ حدثـني جدي عـن فلسطيـن || أبو يقيـن }.
هل التحدث بالفصحى اجباري ؟!
أحم راح ارجع احكي بالعامية لأني مش فاهمة يعني لازم نحكي بالغة العربية او كيف ؟ أبو يقين .. عنجد قصص روعة .. و ما في احلى من حكي الاجداد خصوصا ً اذا كان عن فلسطين .. يعطيك العافية خيو =) ابنة الشتات +اسراء يعطيكم ألف عافية =) |
رد: .{ حدثـني جدي عـن فلسطيـن || ::أبو خالد:: }.
يعطيكم ألف عافية يا جماعة .. اليوم إحنا مع ضيفنا التاني .. الأخ ::: أبو خالد ::: تفضل أبو خالد .. إنت روائي هالأسبوع : ) |
رد: .{ حدثـني جدي عـن فلسطيـن || ::أبو خالد:: }.
الذين يشاهدون محتوى الموضوع الآن : 2 ( الأعضاء 2 والزوار 0) ابنة الشتات, Abu Khaled الله أكبر ولله الحمد الله أكبر ولله الحمد أخيييييييييييييييييراً شفت الموضوع .. منور أخي بإنتظار رواياتك |
رد: .{ حدثـني جدي عـن فلسطيـن || ::أبو خالد:: }.
اقتباس:
هههههههههههه أنا آسفـ أختي ابنة الشتاتـ لم انتبهـ .. على كل حال .. أشكركـ أختي الكريمة على دعوتكـ لي .. و أن شاء اللهـ لن أقصر |
رد: .{ حدثـني جدي عـن فلسطيـن || ::أبو خالد:: }.
حياك الله أخي .. الأسبــــــــــــــــوع إلك .. وإحنا بحاجة لكل التراث كل شي بتعرفه بكل تفاصيلو .. أساسا قصص الختيارة حلاتها بتفاصيلها .. وقيمتها أكيد .. كلنا آذان صاغيـــــــــــــــــــــــــــــــ ة |
رد: .{ حدثـني جدي عـن فلسطيـن || ::أبو خالد:: }.
بسم اللهـ الرحمن الرحيم
( قصة الذهبـ ) هذهـ القصة قالتها لنا أمي الغالية ( حدثتـ معها ) .. بتقول .. كانتـ ستكو ( جدتي .. اللهـ يرحمها ) لما تنفتح سيرة الوطن .. كانتـ تقول : و اللهـ دفتـ الذهبـ تحتـ الشجرة !! فكانتـ أمي تستغربـ و تقلها : وين تحتـ الشجرة ؟؟ ( قصدها أي شجرة ) ستي : تحتـ شجرتنا !! [ علمتني القصة ] القصة .. أن دلتـ على شيء فإنها تدل على حكاية طويلة .. حكاية شعبـٍ يحمل في قلبهـ الأمل .. أمل العودة .. حكاية صمود المرأة الفلسطينية .. . . :s (43): |
رد: .{ حدثـني جدي عـن فلسطيـن || ::أبو خالد:: }.
أسمحي لي أختي ابنة الشتاتـ أن أقدم هذهـ الخاطرة ..
التي لربما تفرج عن جزءٍ قليلٍ عما تحملهـ نفسي .. ××××× :: خاطرة :: فلسطين .. ماذا عساي أن أقول في .. أجدادكـ الذين نقشو رمز العزة في نفوس أطفالكـ .. و رجالكـ الذين علمو الجهاد لشبابكـ .. و نسائكـ اللواتي حبسن الدموع على شهدائكـ .. فلسطين .. كنتـ و مازلتي في صميم القلبـ و الوجداني .. ××××× انتظروني في قصة آخرى .. |
رد: .{ حدثـني جدي عـن فلسطيـن || ::أبو خالد:: }.
عدنا .. :icon31:
سأحدثكم عن ما سمعتهـ من أبي - اللهـ يحفظهـ - .. ( تعبـ و تعبـ .. و صمود ) كنا أنا و أخي مجتمعين عند والدي .. و كنا نتحدثـ عن عدة مواضيع .. إلى أن أبحر فينا والدي في ذكرياتهـ .. عندما كان صغيراً .. والدي - اللهـ يحفظهـ - يتيم الأبـ .. لم يرى أباهـ .. فحكمتـ عليهـ هذهـ الظروفـ بأن يتعبـ و هو صغير لم يتجاوز المرحلة الإعدادية .. المهم .. كان والدي يدرس في الصباح و يعمل في المساء .. و بسببـ الاحتلال .. كانتـ المدارس بعيدة عن بيتـ والدي .. فكانتـ المسافة بين البيتـ و المدرسة تقدر بحوالي 6 أو 7 كيلومتر .. و في عهدهم لم تكن هناكـ سيارة منتشرة أبو حتى باصاتـ .. فلهذا .. كان يمشي في اليوم أكثر من 12 كليومتر !! و ما أن يرجع إلى البيتـ حتى يتناول الغذاء .. و الأدهى أن هذا الغذاء هو عبارة عن صلصة فقط .. و بعد الغذاء .. يستعد للعمل .. ماذا تتوقعون عملهـ ؟؟ علمهـ هو أن يحمل حجر البناء ( الطابوق ) !! فكان الاحتلال يخنقهم من جهة .. و كانتـ الظروفـ لا ترحمهم من جهة آخرى .. و مع كل هذا و ذاكـ .. كان الصبر موجودٌ و كان الصمود موجودٌ .. . . [ القصة علمتني ] رغم كل الظروفـ و كل الصعابـ .. يبقى الصمود موجودٌ فينا .. و غيوم اليأس تتبدد .. لكي تظهر شمس الحرية . . :s (43): |
رد: .{ حدثـني جدي عـن فلسطيـن || ::أبو خالد:: }.
:: خاطرة ::
فلسطين .. سألوني عنكي ؟؟ فأجبتهم .. هي بلدي أفديها بدمي و روحي .. و سأعود إليها .. مهما طال الزمن .. و كُلي شوقٌ و حنين .. |
رد: .{ حدثـني جدي عـن فلسطيـن || ::أبو خالد:: }.
( تسلية )
تطرقنا في الحديثـ مع والدي .. فسألناهـ .. بماذا كان يلعبـ في صغرهـ ( أنواع الألعابـ ) ؟؟ فأجابـ .. أنهـ لم يكن لديهـ وقتٌـ للعبـ بسببـ الظروفـ .. و لكن في إجازاتـ .. كان يلعبـ بـ ( القلول ) http://files.shabab.ps/vb/images_cas...180747Ddka.jpg كانتـ هي اللعبة المميزة في زمانهم .. و الطريفـ في الأمر أنا والدي كان يقول .. أنهـ حريفـ في هذهـ اللعبة .. و عمتي تقول أنهـ كلما خسر يصنع مشكلة .. و عندما نخبرهـ بما قالتهـ عمتي .. ينظر إلينا بنظراتـ لا يمكننا تفسيرها .. :icon6: ثم نبدأ بالضحكـ من نظراتهـ .. . . :s (43): |
رد: .{ حدثـني جدي عـن فلسطيـن || ::أبو خالد:: }.
موضوع رائع جدا بكل ما تحمله الكلمات ليس هنا أجمل و لاأروع من عبق تاريخ آبائنا و أجدادنا بل هو الوقود المحرك لأجيال اليوم بارك الله فيك أخيتي على هذا الطرح المميز و لكل من اشترك بالموضوع لو سمحتم عندي سؤال: هل يجب سرد قصص فقط عن الحبيبة فلسطين؟ بارك الله فيكم:s (43): |
رد: .{ حدثـني جدي عـن فلسطيـن || ::أبو خالد:: }.
السلام عليكم
يجب علينا ان نقوم بحفظ التاريخ الشفهي الذي يعرفه كبار السن حتى تبقى ذاكرة الايام في رؤوسنا ونسمع قصص فلسطين القديمه التي كانت ايام كانت فلسطين حره . |
رد: .{ حدثـني جدي عـن فلسطيـن || ::أبو خالد:: }.
موضوع روعه
ابو خالد جد اتأثرت وانا بقرأ باللي كتبتو منور :) |
رد: .{ حدثـني جدي عـن فلسطيـن || ::أبو خالد:: }.
واللهـ القصص روعة خيو ..
كل شي في ريحة تراب فلسطين بيكون حلو .. يعطيك الف عافية =) |
رد: .{ حدثـني جدي عـن فلسطيـن || ::أبو خالد:: }.
الســـــــــلام عليكم .. اقتباس:
الكل خير وبركة ^.^ اقتباس:
ولكن أخي هذا الموضوع ليس لذكر تاريخ النصر .. إنما . هي تفاصيل احياة اليومية الصغيرة .. التي تحمل بطياتها ما تحمله من الحنين |
رد: .{ حدثـني جدي عـن فلسطيـن || ::أبو خالد:: }.
:: يآسين :: قصص وخواطر مؤثرة .. وأكثر ما لفتني في طروحك أنك تأتي بالعبرة بعد أن تذكر القصة : ) ونبقى على أمل أن نعود إلى بلادنا.. |
رد: .{ حدثـني جدي عـن فلسطيـن || ::أبو خالد:: }.
بدون مقدمات .. ألــــــــــــــ ح ـــــــــــــــــان الـــــــــــــ ح ــــــــــــــــــرية .. روائية هذا الأسبوع : ) |
رد: .{ حدثـني جدي عـن فلسطيـن || ::ألحان الحرية:: }.
السلام عليكم ,,
أشكركـ غاليتي على استضافتكـ لي .. و أشكر الأخ ياسين و الأخ أبو يقين على مجهودهم المميز في نقل قصص الاجداد لنا .. لي عودة .. ففي جعبتي الكثير أرق التـ ح ـايــا =) |
رد: .{ حدثـني جدي عـن فلسطيـن || ::ألحان الحرية:: }.
ـهههههههههههههههههههههههههههههههههـ
يا ويلي انا نسيت اني هون يلا مش شمكلة هلأ ببلش و اعزروني ع التأخير |
رد: .{ حدثـني جدي عـن فلسطيـن || ::ألحان الحرية:: }.
بسم الله الرحمن الرحيم ..
راح ابلش بقصة كانت تحكيلي اياها ستي و انا صغيرة عشان انام بسرعة ستي الله يخليلي اياها و يحفظها هي اللي ربتني فانا كنت شيطانة و كنت اغلبها كتير لمّا انام .,. فـ كانت تحكيلي قصة ابو رجل مسلوخة و قصة أبو كيس ابو رجل مسلوخة هو واحد رجله مسلوخة و بيجي باليل و ازا بيشوف ولد صغير مش نايم بيسلخله رجلو زي رجل الخروف و أبو كيس هو واحد بيلبس برتقالي و بيحمل بايدو كيس و برضو بيجي من الشباك باليل ازا بيشوف اي صغير مش نايم بيحطو بالكيس و بيهرب .. و انا استنتجت انه ابو كيس هو عامل النظافة تبع البلدية و هون صورة ملتقطة لأبو كيس متلبسا ً لقيتها ع النت http://www.alqnas.com/vb/attachment....1&d=1187059503 |
رد: .{ حدثـني جدي عـن فلسطيـن || ::ألحان الحرية:: }.
http://files.shabab.ps/vb/images_cas...2137317wk6.jpg و هلأ خلصنا من حكايات الرعب http://files.shabab.ps/vb/images_cas...213731EamV.gif بس لساتنا بالشيطنة .. ستّي لما كانت صغيرة كانت شقية متلي :P و هالقصة بتأكد ,, لمّا ستي كانت صغيرة يعني تقريبا ً 4 أو 5 سنوات كان في زلمة عندو مراجيح جنب بيتهم .. و كان يركب الصغار عليها بس لازم يدفعوله و ستّي امها ما خلتها تروح و ما رضيت تعطيها مصاري راحت ستي الزكية قطفت الفلفل اللي زارعينو في الدار و اعطته للزلمة مشان يركبها بالمراجيح و لما رجعت ع البيت امها عاقبتها شر عقاب :P و من الفلفل اللي كان مزروع ببيتهم نستنتج انه بيت ستي كان بغزة :P |
رد: .{ حدثـني جدي عـن فلسطيـن || ::ألحان الحرية:: }.
عــــدنــــــا أوتشي هلأ بدنا نقلب الشريط ع الوش التاني سيدي يعني جدّي الله يحميه و يخليلي اياه و يطول بعمره و يقويه احكو آمين ,. سيدو انسان رائع و مكافح بحياتهـ و اكتر انسان بفتخر فيه قيمه بتعجبني .. و كتير قلبو طيب .. و حنون ,, خصوصا ً ع اخوانهـ سيدي من قرية المحرّقة و كان عند اهل سيدي غنمات فكان هو يروح يرعاهم و بنفس الوقت ياخد كتبه معاه يدرس ع بال ما هما ياكلو و مرة لما حكيت هيك صارو بنات من صفي يضحكو بس لأنهم جاهلين و الرعي شغلة اشتغلو فيها كل الانبياء عليهم السلام .. المهم .. سيدو كبر و اخد دورات محاسبة و صار محاسب و بالـ67 اجا سيدي ع الامارات http://files.shabab.ps/vb/images_cas...213807Vfen.gif و كان في انتداب بريطاني بالامارات .. و اشتغل هون و بعدين اتقاعد و اشتغل مؤذن بالمسجد لأنه صوته عالي و واضح و بنفس الوقت صار يشتغل عند صاحب الو .. و لسا قبل 3 اسابيع اتقاعد من عند صاحبو .. حكايات سيدي عن غزة و عن فلسطين عمرها ما بتنتهي كل ما يحكيلي شي بحس حالي انه بدي اعرف اكتر و انه لسا في كتير شغلات ما عرفتها .. و بس.. |
رد: .{ حدثـني جدي عـن فلسطيـن || ::ألحان الحرية:: }.
نتوقف مع فاصل اعلاني ..
و أحلى صحن سماقية من النت .. http://files.shabab.ps/vb/images_cas...213808VTxe.jpg |
رد: .{ حدثـني جدي عـن فلسطيـن || ::ألحان الحرية:: }.
.. عدنا بعد غياب طويل !
بعرف انه صارلي سنة بالموضوع بس خلص هلأ راح اخلص ^^ بدي أحكي عن لاحداث يلي حكولي اياها ستي و جدي و خوالي عن حرب 67 و كيف تغيرت حياتهم فيها .. أول شي كانو يجو يهود يستفسرو عن كم واحد بالبيت و ياخدو احصائيات ... و كانو يجو يهود مهاجرين ! ستّي بتقلي انه كانت تشوف يهود اشكال و الوان اشي هنود اشي من روسيا اشي من امريكا و من الاحداث يلي حكالي اياها خالي .. انهم حفرو زي نفق بالارض عشان يقعدو فيه لو صار قصف بيسموه "استـgـام" هيك حكاها خالي ما بعرف ازا بتختلف باللهجات .. و لمّا بدأو القصف .. الناس فكروهم طيارات عربية .. و كان في دبابات فـ الناس صارو يركضو وراهم لأنهم كانو رافعين اعلام دول عربية ! بس طلعو يهود! و صارو يطخو ع الناس و ستي بوقتها كانت بتعمل محاشي راحت اخدت ولادها و صينية المحاشي و نزلت بالاستـgـام و بعدين سيدي راح ع الكويت و لحقوه ستي و اولادها يلي هما امي و خوالي عن طريق الضفة بعدين ع الاردن عن طريق جسر الملك حسين و بعدين ع الكويت و من الكويت للامارات و طبعا ً الطريق كانت صعبة خصوصا ً انه كان مع ستي ولاد صغار اكبرهم 6 سنين و اصغرهم سنة و نص .. و من الاشياء يلي بتقهر يلي صارت معهم انه في جندي لمّا شاف خوالي و امي بيعيطو و ستي بتسكت فيهم راح رمالها كبريته و حكالها احرقي حالك انتي و اولادك ! المهم قعدو ستي و سيدي و اولادهم بالكويت اسبوع.. و اجو ع الامارات.. بالاول في واحد صاحب سيدي عرض عليه انه يعطيه الجنسية الاماراتية بس سيدي ما رضي ع اساس انه راجع ع غزة و لهلأ سيدي ما رجع غير زيارات قصيرة ..! و الله بيعلم متى يرجع سيدي و متى نرجع احنا ! |
رد: .{ حدثـني جدي عـن فلسطيـن || ::ألحان الحرية:: }.
حدثني جدّي عن فلسطين .. أحضرت لجدي خريطة .. زينت بـ علم فلسطين .. أمسكـ بها .. و أخذ يشرح لي عن ارض ٍ سلبت .. فجال بي في ارجائها .. و قال هنا القدس و هنا يافا .. و هناك نسيم بحر عكّا .. و هنا توضأت من طبريا ..و في الأقصى صليت .. و من برتقال الشمال ارتشفت الرحيق .. و تحت ظلال اشجار الزيتون جلست .. و في حضن فلسطين تربيت .. و أخذ يحدثني و يحدثني .. فقد زار جدّي كل الأماكن .. و تحدثنا طويلا ً بين سؤال منّي و جواب ٍ منه .. و ختم حديثهـ بدمعة أخفاها حتى ان احدا ً غيري لم يلحظها .. و قال :- (واللهـ فلسطين ما بتتعوض) دمتم بحفظ الرحمن .. أرق التـ ح ـايا http://www.yesmeenah.com/smiles/smil...rt%20(108).gif |
رد: .{ حدثـني جدي عـن فلسطيـن || ::ألحان الحرية:: }.
اقتباس:
اقتباس:
:icon5::icon5::icon5: :icon5::icon5::icon5: فلسطين ياوجع العمر ،، ياحلوة أحلى من البدر ،، روحي تروح فداكي:icon5: توتي قصصك حلوة كنت بتمنى تحكي أكتر:b: جزاك الله خير بجد استمتعت معك :s (43): |
رد: .{ حدثـني جدي عـن فلسطيـن || ::ألحان الحرية:: }.
بنسمع قصص من ستاتنا وسيادنا بتبكي عنجد
لما مكانو يعمل اليهود حظر تجول وكيف كانو يطلعو بالجبال وولادهم الصغار وبيوتهم تنقصف ،، ان شاء الله حكاياتنا لأحفادنا بتكون لما فلسطين تتحرر ويرجعو الها اهلها يعطيكي العافية الحان |
رد: .{ حدثـني جدي عـن فلسطيـن || ::ألحان الحرية:: }.
:(
|
رد: .{ حدثـني جدي عـن فلسطيـن || ::ألحان الحرية:: }.
اقتباس:
واللهـ مرورك الأحلى ,, منورهـ =) |
رد: .{ حدثـني جدي عـن فلسطيـن || ::ألحان الحرية:: }.
اقتباس:
و بتكون بفلسطين .. تسلمي ع مرورك الرائع .. منورهـ |
| الساعة الآن 10:49 PM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas