|
سؤال لجميع الفلسطينيين في الخليج
IMPORTANT
Hello All, I have a Question for all the Palestinians who are living the GCC countries: Why do you, as a Palestinian immigrant in the GCC state, retain a strong sense of national loyalty towards the “Palestinian Cause”, al qadiye el falistinye? You know that the issue will not be solved anytime soon, nevertheless you invest your energy and resources to further a cause of a land that you might very well not visit at all.. This is my research question for a history class and I would love to hear your opinions. Thanks الى كل الفلسطينيون الذين ولدوا و تربوا في الخليج: لماذا تشعر بالاخلاص نحو القضية الفلسطينية علما انك تدرك ان الموضوع لن يحل في وقتنا هذا؟ لماذا لاتختار التوطين أو التجنيس في بلد قد يوفر لك كل حاجاتك المادية و المعنوية؟ نرى الكثير من اللبنانيين المهاجرين يفعلون ذلك في أميركا، فرنسا و أميركا الجنوبية؟ هذا هو السؤال الأساسي في بحث أعمل عليه حاليا. أود أن أسمع آرائكم الطيبة ومشكورون سلام |
رد: سؤال لجميع الفلسطينيين في الخليج
يعطيك العافية عالأسئلة المميزة والنادرة
رح ارجع ارد عليها عن اذنك يا عسل |
رد: سؤال لجميع الفلسطينيين في الخليج
انا الي رجعة للموضوع ان شاء الله
بس وراي دراسة الحين :( |
رد: سؤال لجميع الفلسطينيين في الخليج
الفلسطيين بس ^_^ |
رد: سؤال لجميع الفلسطينيين في الخليج
صحيح انه احنااا ولدنا بالخليج و تربينااا فيها ,,بس أكيد ما في أي بلد بيعوض الواحد عن بلده اللي
ولدو أجداده و أباؤه فيهاا ,,و انا عن نفسي بموووت و بعشق التراااب الي ببلدي الغاالي و ما بتوقع يوصل حبي بنفس الدرجة لأي بلد تاااني ... يسلمو حبيبتي فتااة من سوريا ع السؤاال الحلو ... |
رد: سؤال لجميع الفلسطينيين في الخليج
مشكورة على الطرح بس أنا ما انولدت في فلسطين
بس بعتقدت السبب اخلاصهم للقضضية الفلسطنية |
رد: سؤال لجميع الفلسطينيين في الخليج
اقتباس:
تسلم تمك شهيدة .. كلام صح 100 بالمية .. يعطيكي العافيه فتاة من سوريا .. ما ننحرم من جديدك المميز .. |
رد: سؤال لجميع الفلسطينيين في الخليج
الله يسلمك حساام ...
منور .. |
رد: سؤال لجميع الفلسطينيين في الخليج
بلدي الاصلي كالماء وانا كالسمكة
اذا خرجت منها اموت واذا بقيت فيها احيا لا شيء افضل من بلدي وارضي ووطني ولا ارتاح الا اذا كنت ببلدي وفلسطين ارضنا وقضيتنا ولا تنازل عنها ما حيينا |
رد: سؤال لجميع الفلسطينيين في الخليج
السلآم عليكم و الرحمهـ
كيفك خيتوو ؟؟ ان شــآآ الله بخير حطي حــآآلك بمحلنــآ .. كيف بالله عليكي ما يكون عندك اخلآص لقضيتك و لوطنك المسلوب ؟؟ هالشي متاصل و مزروع بقلب كل واحد فلسطيني بنولد و الاخلآص و الحب موجود فيه صح الموضوع ما رح ينحل حاليا بس مافي مانع نحاول نخلي الاوضاع اريح و قابلة للعيش بالنسبة للتجنيس ازا انعرضت الجنسية الاماراتية علي بــآآخدها ليش لآء لانو بلآقي الامان يلي بفتش عليه هون .. و الاوضــآآع ممتازة و بس نرجع بلآدنا وقتهــآآ ما بكون داعي لهالجنسية يسلمو كتير ع الطرح اكل مني ارق تحيهـ تقبلي مروري |
رد: سؤال لجميع الفلسطينيين في الخليج
انا بحكي انو الا متير اسباب واول سبب
انو اجدادنا وارايبنا حيكونو بفلسطين انا بحكي من تجربة لاني اتولدت بالسعودية وعشت هناك 10 سنين وبعرف شو الي خلانا نا جي هون مشكورة عالطرح |
رد: سؤال لجميع الفلسطينيين في الخليج
شوفي يا أختي ..صحيح انا احنا انولدنا بالخليج ..ومعظم دول الخليج كويسة ...بس خصيصا بالبلد الي انا عايشة فيها بلاقي اهانات ومسبات كتييييييييييييرة من قبل معظم الناس ..المعلمين ..الطلبة ..الجيران ..وهاد الاشي الي بيخليني مصرة اروح وارجع لبلدي لو بدو يروح ثمنها عمري كلو وروحي ..بس حرام بيعاملونا كويس بس مش كلهم بعدين انا عن حالي كيف بدي اعيش بمجتمع لابيحكي نفس لهجتي ولا عاداتهم زي عاداتي ...ولا ..ولا ويمكن الي ماتربى على حب بلدو مابتفرق معو ..بس الي عندو ام زي امي وابو زي ابي وسيد زي سيدي الا مايحن لبلدو ...بعدين بدك الصرااااحة بهاد الموضوع ..الجيل هاد معظموا مابهتم لبلدو ..بس شوفي سيدك وسيدي ..بتخلو عن روحهم منشان يروحوها ..وعلى فكرة اعيش وسط احوال مضطربة ..ولا اعيش وسط ذل واهانة ..وشكراااااا كتيييييير على الموضوع ... |
رد: سؤال لجميع الفلسطينيين في الخليج
يســـلموو فتاة سوريا ع أسئلتك
و انا اكييد رايي ما راح يختلف كتييير عن راي البااقيين بس حابه احكي انه انا مو متخيله حالي لو بيوم من الايام اني ممكن اتخلي عن فلسطين او احكي بدي اي جنسيه بدل عنها والجنسية يلي بدها تمنعني من اني افوت ع فلسطين الله معها وما بدنا اياها ما في شي بعوض عن الوطن خاصه ازا كان هالوطن فلسطين دمــوع الغربة وأشواااك العوده بتعجبني فيكي وطنيتك وحبك لفلسطييين دمتــم |
رد: سؤال لجميع الفلسطينيين في الخليج
السلام عليكم ... الحقيقة.. لا أدري لماذا وجهت سؤالك لنا فلسطينييون الخليج دوناً عن فلسطينين الشتات ككل بغض النظر عن الاجئين الذين ما زالو يسكنون في المخيمات.. أختي.. الفلسطيني يبقى فلسطيني في الداخل والخارج ... وكما قال الرنتيسي-رحمه الله- أن لا فرق بين حيفا ويافا .. الخليل والجليل ..نابلس والقدس ...... كذلك نحن نقول أنه لا فرق بين فلسطينين الخليج وفلسطينيين أوروبا ... ما يربطنا بفلسطين أكبر وأعظم من الأوراق والوثائق .. أكبر وأعظن من بعدنا عنها أو سكننا فيها .... فلسطين ..لا أدري صدقاً كيف أعرفها لك لكنها شيئ ما أغلى منا ويسكن فينا .. عزيزتي .. كل فلسطيني وكل مهتم بالقضية ..يستطيع أن يخدمها بالموقع الذي هو فيه.. وليس لأحد فضل على أحد والمنة لله عز وجل ... أما بالنسبة للجنسية الخليجية .. فإن دول الخليج ككل لا تمنح جنسيتها لأحد.. فيما عدا البحرين ..فهي تمنح الجنسية لمن يسكن فيها مدة تعادل15 سنة .. وذلك للظروف السياسية التي تعيشها المملكة .. وأخيراً أختي .. أود أن تكوني على يقين-مثلنا تماماً- أن العودة حق لا يختفي بتتالي الأجيال ... |
رد: سؤال لجميع الفلسطينيين في الخليج
انا ردي نفس رد شهيدة القصى و الواحد ما ابيقدر ينسى بلدو مهما كان انا هلى هاجرت من الكويت بس الواحد بضل في حنين في حياتو
|
رد: سؤال لجميع الفلسطينيين في الخليج
انا ولدت في الخليج وعشت فيها سنوات منيح مانفجرت من الخنقة ههههههههههههههههههههههههههههه
الي امهون علي اني كل سنه والحمد الله بزور فلسطين هاي اكبر نعمة الله بعين ومهما صار انا بمووووووووووووووت على بلدي وماراح انساها ودائما مزروعة في قلبي مشكووووووووورة حبيبتي فتاة سوريا على الموضوع ماننحرم منه وتقبلي مروري |
رد: سؤال لجميع الفلسطينيين في الخليج
مرحباااااا
اول شي بدي اقولو انو في غلط بحكيك يعني والله انا بشوف الفلسطيني قبل كل العالم هو المواطن العربي الي تشرد والي تعذب دون عن كل العرب فكان الجواز الفلسطيني او كونو فلسطيني يسببلو مأسي ومشاكل الها اول ما الها اخر من صعوبة سفر لصعوبة الحصول على اقامة في اي دوله عشان هيك بتلاقي نص الفلسطينيه أردنين او معهم جوازات امريكيه _ استراليه _ وغيرو انا اهل امي فلسطينيه كلهم معهم جوازات امريكيه وكنديه + الاردنيه اكيد المهم النقطة الي بتهم انو بالعكس الفلسطنيه مش انو برفضو التوطين بالعكس اتحادكي تقدمي لفلسطينيه اي جنسيه اخرى ويقول لأ ولي بقول لأ بس لمدة دقيقه لأنهم والله يكون بعوونهم بعانو من قصة الجواز الفلسطيني يعني بتعرفي شغله كل الفلسطنيه الي بلخليج ليش الهم ولاء لفلسطين لأنو بلاد الخليج مستحيل توطنهم وازا بدها توطن منهم الي بكون جد جد جد جد جد جد ابو بالخليج عشان هيك بتلاقي الهم ولاء لفلسطين لكن تعي شوفي الي عايشين بأمريكا او ليش نبعد الي بالأردن اسأليهم انت من وين بقلك انا اردني من المكان الي فلان ويمكن يتزكر يقلك اصلي فلسطيني يعني (( الأردن اولاً عندو ))) لووووول يعني بأختصار انا بقلك انو بالعكس اي واحد مسطووول لو مين ما يكون عراقي فلسطيني او حتى عربي لو تيجلو فرصة جواز وتوطين ببلد افضل ما رح يقوول لأ يعني دخيل الله هلأ القوميه والوطنيه مهما كانت بالشخص رح بفضل مصلحتو الشخصيه والدليل متل ما قلتلي البنانين وانا بزيد عليهم الفلسطينه والعراقين عنجد يعني بلاش نحكي بطريقه ثوريه وطريقه خياليه الله يكون بعون كل فلسطيني خارج وطنوا وداخل وطنو لأنو والله بعني بشووف كيف بتعذبو ( لما رحت دبي وبمصر وبلبنان اووه لبنان قصة تانيه هاي او حتى عنا بالأردن مع انو بكون الي بعطلو شغلتو متلو فلسطيني قصدي اصلو فلسطيني ) حتى بتوضيف اخر خيار الفلسطيني واتحدا الي بلخليج يقول لأ لأنو في كتير عالم مو قادره تشتغل بالسوديه وقطر والكويت لأنهم فلسطنينه الله يساعدهم وانا بشووف انو معهم حق يرضو بتوطنوا ويوخدو جوازات اخرى تسلمي |
رد: سؤال لجميع الفلسطينيين في الخليج
الحمد لله انا معفي من الاجابة لاني عايش بفلسطين ومكيف فيها
فلسطين أحلى دولة والله مع انه في احتلال ومصايب لكن احسن من الدول التانية واسألوا الاخ ابو النور راح مصر ليدرس هناك إسألوه شوو صار فيه هناك المسكين بيقول مع انه في فغزة حصار شديد لكن احسن من مصر واحسن من ميت مصر ومع السلام عليكو |
رد: سؤال لجميع الفلسطينيين في الخليج
مرحبا....
اول شي انا عضو جديد هون وهاي ان شاء الله رح تكون اول رد بالمنتدى اللي شفت عنوانه باعلان وحبيت اشاركم فيه. طبعا كلنا عشنا بره وما شفنا فلسطين بس كل اللي بنعرفو انو نحنا فلسطينية ومن الغريب انو أمنية اي واحد فينا انو يرجع على فلسطين او حتى يزورها مجرد زيارة مع العلم انو بيكون عايش في بلد احسن من فلسطين كدخل وحياه اجتماعية. هون انا بشوف دور كبير للأهل بالموضوع, طبعا الأغلبية منا ومنهم انا بتذكر مثلا لما كنت صغير كان ابوي يحكيلي انت فلسطيني وبلدنا اسمها كذا او حتى لما يجي حدا يسألني انت من وين؟ على طول تلاقي الرد فلسطيني, هون الفكرة اللي بدي اوصلها انو الأهل هم اللي زرعوا حب الوطن بأبنائهم من هم صغار مو متل اي حدا تاني وما تناسوا بيوم من الايام فلسطين. كل الاحترام ل بنت من سوريا وشكرا كتير على الموضوع معلش انا لسا ما عملت توقيع ولا شي يدوب عملت تسجيل :wacko: شكرا كتير >>>>>>>>>>>>>>>>>>>>>>>>>>>>>>>>>>> >>>>>>>>>>>>>>>> |
رد: سؤال لجميع الفلسطينيين في الخليج
بسم الله الرحمن الرحيم,,
اختي العزيزه اشكرك على سوالك اولا, ولكن لي تعقيب على سوالك قبل ان ابدأ باجابتك ,, طرحك لقضيه هامه وكبيره كالقضيه الفلسطينيه يجب ان يكون عاما" وشاملا لاأي مغترب فلسطيني أبتعد عن فلسطين, في اي بلد كان,.. سواء قد تغرب بالخليج او باي بلد اخر, فانتي تنسبي قضيه كبيره (ككل) الى فئه معينه (جزء) من الفلسطينين., وهذا بحد ذاته ليس صحيحا,, أما عن سر شعورنا واخلاصنا اتجاه قضيتنا الفلسطينيه , فيا ليت الكلمات تعطي فلسطين حقها,, حب الوطن والتمسك به والاخلاص له هو غريزه مقدسه,ظلت تدعو لها الامم, وتسعا الى تحصيلها في النفوس,, فالاخلاص لقضيتنا والتمسك بها وحبنا لوطننا, هو من اشرف الغايات التي حث عليها ديننا الحنيف.. فحب الوطن والاخلاص له هو شعور فطري غريزي يعم الكائنات الحيه جميعا ,, ويستوي فيها الانسان والحيوان,, اذا ليس من الضروري ان يكون الوطن جنه وروضه من رياض الجنه مفعمه بالجمال الطبيعي حتى يتعلق بها الانسان,, تبقا فلسطين في عيون أبنائها عزيزه,, وغاليه,, صدق الشاعر حين قال: كم منزلا في الارض يالفه الفتى. وحنينه ابدا لاول منزل,, كيف لا اخلص لوطني فلسطين ؟ وهو العش الذي ترعرعت,, وتربيت ,ونمأت فيه,, واستنشقت هواه وطني اني اصحو وأذكرك في فمي,. واذا غمضت فأنت في احداقي,, كيف لا اخلص لوطني فلسطين؟ وقد ذكرت ارض فلسطين في أطهر الكتب واعجزها,, وطني لو شغلت بالخلد عنه,, نازعتني اليه بالخلد نفسي,, أما بالنسبه انو القضيه لن تحل في وقتنا هذا.. انا اقول انو النصر قريب باذن الله,, فاسرائيل الان بدأت تدخل في مرحله الشيخوخه,, وتخطوو حثيثه باتجاه نهايتها, وهي شيخوخه تنطبق على الدول كما تنطبق على الافراد,..وعليه فأن كل ما ستفعله اسرائيل سيندرج تحت هذا الاطااار, فالنتيجه( سقوطها) لن تتغير,,, قال تعالى (ولكل امه اجل, فاذا جاء اجلهم لا يستاخرون ساعه ولا يستقدمون ) ومن اهم معالم هذه الشيخوخه انهزام اسراائيل في عدوانها على لبنان والقضااائ على المقاومه اللبنانيه.وفي نفس الوقت عجزت اسراائيل عن سحق المقاومه الفلسطينيه التي اصبحت كابوسا يؤرق اسرائيل ويستفحل خطره عليها.. اما لاخر نقطه في سوالك (اختيار التوطين في بلد اخر يوفر احتياجاتك) فهذه مسأله نسبيه,. تختلف من شخص الى اخر,, يبقا الاساااس الا وهو اخلاااصنا وايماننا وتمسكنا بقضيتنا.. . الكثير من الفلسطينين لديهم جنسيات اخرى اوروبيه وعربيه وهذا لا يعني انهم تخلو عن قضيتهم او عن وطنهم,, العبره في كل ذلك ( هو التمسك بحق العوده للوطن ) حتى ولو اختلفت الجنسيه,, فلسطين دائما في البااال,, وما زال في ذكراكي الف حلم والف امل,, واملي ان تعودي الى كياننا الذي ما زال جرحه راعفا ما دام هناك صهيوني,وما دام هناك اطفال يموتون.وارض مقدسه تستوطن من غرباء, فلسطين انت دائما وابدا في الباال وفتح قريب موعود بأذن الله :icon26: |
رد: سؤال لجميع الفلسطينيين في الخليج
اقتباس:
معلش كلامك مش منطقي أبدا مستعجلة انا طالعة عالمعهد بس أرجع بنحكي ^_^ |
رد: سؤال لجميع الفلسطينيين في الخليج
صحيح انا انولدت واتربيت بالخليج لكن نفسي ارجع لبلدي الغالية فلسطين ايلي انا بعشق ترابها وخضراها وناسها لانها بلدي ايلي انا منها واصلي منها مهما كنت بعيدة عنها بالآخر رح ارجعلها ولازم اكمل حياتي فيها.
موفئة في بحثك اختيارك للموضوع رائع وعجبني تقبلي مروري. تحياتي |
رد: سؤال لجميع الفلسطينيين في الخليج
مشكورين جميعا على ردودكم... لقد فتحت أبوابا فكرية كبيرة لم ألحظها من قبل...
للأخ من رومانيا: سؤال بحثي يجب أن يركز على منطقة جغرافية واحدة أو ظاهرة اجتماعية واحدة...لذلك لأستطيع أن أدرس الحالة النفسية، الاجتماعية و السياسية لكل الفلسطينيون كافة... وخصوصا أن التصرف الاجتماعي للجالية الفلسطينية في الخليج مختلف تماما عن ذلك في باقي الدول العربية... أنني لا أشير باصبع الاتهام على أي أحد ولكنني أؤمن أن سبب رئيسي للتكتل الفلسطيني الاجتماعي في الخليج هو طبيعة المجتمع الخليجي نفسه. المجتمع الخليجي تقليدي ومحافظ بطبعه، انه يختلف عن مجتمع بلاد الشام المعروف بانفتاحه الفكري. عدم قدرة الخليجيون على استيعاب المأساة الفلسطينية وبعدهم الثقافي، والجغرافي، والتاريخي و الاجتماعي هو سبب رئيسي في ابعاد الفلسطينيون عن مجتمعهم. هذه ليست الحال في الأردن وسوريا و حتى لبنان. كما أنها ليست الحال مع المهاجرين في أميركا و أوروبا الذين غالبا يشعرون بقدر أكبر من الحرية في المشاركة في المجتمع المضيف. أرجو أن يكون هذا توضيحا مناسبا عن أفكاري و مشكورين والله على آرائكم. |
| الساعة الآن 10:31 PM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas