|
الحب شيء ، وليس كل شيء .... بقلم : مؤيد
http://files.shabab.ps/vb/images_cas...192013CHXw.gif أهلا ً وسهلاً بكم .... سأتناول اليوم موضوع مهم جداً لنا كشباب وفتيات ، موضوع يشغل بال الكثيرين ، حتى ان البعض اعتبره الرئة التي لا يقدر الإنسان وأن يعيش بدونها .... http://files.shabab.ps/vb/images_cas...192013LoPw.gif لا بد أن نتخلص من الأوهام التي زرعها فينا المستعمر الغربي لثقافتنا ، فما من مسلسل ولا فيلم ولا أغنية الا وأن صور لنا بأن الحب هو الغاية من الحياة ، وأنه بدون الحب ما فائدة العيش ، فأصبحنا نسمع الذي ينتحر والتي تنتحر لاعتقادها انه لا يمكنها العيش بدون حب ، ونسمع بقصص وغرائب وكأن الحياة لا يوجد فيها غير الحب ... فما عاد الاستعمار الغربي استعمار عسكر وحرب ، اصبح استعمار لعقولنا وهذا هو الأخطر من الحرب ... http://files.shabab.ps/vb/images_cas...192013I3nb.gif المتلقي للإعلام الغربي وخاصة الفتيات للأسف تم زرع هذه الأفكار بهم ، كي يعيش الشاب والفتاة في مجتمعنا لا هم له الا حبيبه ، فلا هم له بشيء آخر ، لا يلقي بالاً لأحد ولا يهتم حتى في مستقبله أو مستقبل أمته ونهضتها ، فليمت كل الناس في نظره فالهم لديه ان يبقى وحبيبه فقط ... http://files.shabab.ps/vb/images_cas...1923015CPZ.gif غزو عقولنا حتى نصبح شباب وفتيات فارغين فكرياً وثقافياً عبر ما يسمونه بالحب ( والحب أسمى من أن يستخدم كأداة هدم وانحلال وانحراف وكأدة تسلية ومتعة واشباع رغبات ) ، وكرس ذلك أكثر الإعلام العربي الذي خدم الفكر الغربي لأبعد الحدود وبقصد منه عبر الأفلام التي تدعي الرومانسية والمسلسلات والأغاني التي دخلت كل بيت ... نحن لا نقول أن الحب هو أمر غير مرغوب به ، بل هو أمر جميل ، بل هو من نعم الله علينا لو عرفنا حقيقة الحب ولو أحسنا فهمه واستخدامه ، الحب الذي يدوم ولا ينتهي ، الحب البناء الذي هو يكون عامل بناء في المجتمع لا عامل هدم وتخلف ... http://files.shabab.ps/vb/images_cas...192301GBPV.gif إن كل ما نراه اليوم من فشل للعلاقات العاطفية بين شبابنا وفتياتنا ، ما هو إلا نتيجة حتمية لحالة التخلف التي وصلنا لنا ، ولحالة السخافة في تصورنا السطحي للحب ومعانيه وأهدافه السامية ... فأصبحنا نحب ونعشق وكل يوم انسان آخر ، أصبح كل انسان يعدد في علاقاته العاطفية ويحب كل مدة ومدة حباً جديداً ، وكأن الحب أصبح كالسيجارة متى مللنا منها ألقيناها وبحثنا عن أخرى وهكذا ... http://files.shabab.ps/vb/images_cas...1923018ecB.gif سبب فشلها هو نظرتنا وتفسيرنا للحب نفسه ، وتعلقنا في الشكل والمظهر بالنسبة لمن نحب ، وعدم الاهتمام بالجوهر والمضمون في اختيار الشخص المناسب والإنسان الذي يستحق منا الحب ، فنرى أن اختيارنا للحب أصبح هو مجرد شروط ما ان توفرت في الشخص حتى نقع في حبه وغرامه ، يعجبنا انسان فنقع في حبه ، يعجبنا شكله وحركاته و تسريحة شعره وادعاءاته الكاذبة بأنه رومانسي ، نصدق هذه النماذج وننخدع بالمظاهر والكلمات الجميلة التي يتفنن الكاذب في صياغتها ، وتلك اعجبتنا حركاتها وشكلها وما ترتديه ، هكذا اصبح الحب ، حب من اجل المظاهر حب من أجل الشكليات التي هي أمور فانية لا تدوم ، فجمال الشاب ووسامته ولطف لسانه هذه ما هي الا بفترة مؤقتة ثم لا يلبث حتى يغير ردائه الكاذب الذي ارتداه كالأفعى تماماً اذ تغير جلدها بعد ان تمل وان تكتفي وتأخذ حاجتها ... ومن أسباب فشل علاقات الحب ، بعد الزواج ، هو الملل والروتين ، فالبعض يكون قد أحب وعشق قبل الزواج ، فبعد الزواج لن يجد شيئاً جديداً قد تغير ، فمن كان يتغزل في حببيته ومن كانت تتغزل في حبيبها قبل الزواج ، ومن كانوا يسهرون الليالي على الهواتف النقالة يتبادلون كلام الحب والغزل ، لن يجدوا شيئاً جديداً بعد زواجهم فيصيبهم الملل والروتين ولن يكرروا ما قد فعلوه قبل الزواج ، فاحذروا من هذه المخالفات قبل الزواج فإن أصارها سلبية ومدمرة لعلاقة الحب بعد الزواج .. http://files.shabab.ps/vb/images_cas...192302j8N4.gif أو أصبحنا نعشق من أجل الشكل والقناع ، وما يلبث الطرفين من بعد مدة يكشف كل منه على حقيقته بعد ان يمروا ببعض الظروف، وعلى ان ما كان يحمله كل منهما من شعارات وعبارات عن الحب ما كان الا كذباً ... فسرعان ما ينتهي كل شيء ويتحول لصبح حقداً ... نسينا أن العلاقات الصحيحة في الحب هي علاقات تبنى وتستمر اذا ما بنيت على أساس صحيح ، على أساس الدين وعلى اساس ان ما يتبع الحب تكوين اسرة ومصاعب وظروف ستواجه هذا الحب مستقبلا ً غير الظروف التي كانت سابقاً ، فلنحسن الاختيار لإننا لا نعرف هل سيصمد هذا الحب او ينهار ، فإن الشكل والجمال والمال فاني ، وتبقى الأخلاق وانما الأمم الأخلاق ، ويبقى الجوهر والمضمون والثقافة الصحيحة هي الحامية لكل حب صحيح وهي الحاضنة له ... http://files.shabab.ps/vb/images_cas...192014zI9F.gif ولنعلم أن الذي أحببناه اليوم قد نكره غداً ، لماذا ؟ ... لإن العقل وطريقة التفكير والنظرة للأخر تتغير مع تغير الزمان والمكان ... فمن أحببته في مرحلة المراهقة ستكتشف في مرحلة النضج أن تفكيرك ونظرتك للأمور ومفاهيمك وثقافتك قد تغيرت ... فالحب جزء من الحياة ، وليس كل الحياة ، فانتهاء الحب لا يجب ان يعني انتهاء حياة انسان ، فهذا ضرب من الانتحار النفسي والسلبية والسوداوية في النظرة إلى الحياة ... إن أساس وجودنا في هذه الحياة هي لنعبد الله ولننهض بالدين وبالأمة وحينها يعم الحب كل أرجاء المعمورة ويعم الحب و السلام العالم بأسره ، ومن يعتقد غير هذا الاعتقاد وقع في مأزق وتضاد مع ما خلقنا الله من أجله ، قد يصل هذا التضاد ليصطدم مع العقيدة الإسلامية في اساس الحياة واساس الوجود في هذه الدنيا ... http://files.shabab.ps/vb/images_cas...192014ud97.gif عذراً على الإطالة ... :s (43): |
رد: الحب شيء ، وليس كل شيء .... بقلم : مؤيد
موضوعك مهم مؤيـــد ..
الحب شاغل بال كتير من الشباب والصبايا .. في مرحلة معينة من العمر .. وبفوتو بعلاقات كتير لحتى يلاقو حبيبهم .. وكل علاقة بتكون افشل من التانية .. كلو تضيع وقت على الفاضي .. وبالنهاية بكتشفوا انو كلو كزب في كزب .. بعد ما يكونو ضيعو احلى سنين عمرهم في الركض ورا سراب .. انا مش ضد الحب .. لكن الحب اسمى واعلى من انو يكون مجرد اعجاب بين الشب والبنت الاغاني والمسلسلات هالايام اعطت فكره انو الحب متل التيك اوي .. في خمس دقايق بتحب وبعدها بتترك .. واقع حزين للشباب العربي اللي هم امل المستقبل .. تسلم اخوي وما ننحرم من جديدك .. |
رد: الحب شيء ، وليس كل شيء .... بقلم : مؤيد
اقتباس:
هو شاغل بال الكل في كل العمر ..... والانسان والانسانة الفارغين دينياً وفكرياً وثقافياً يقعون في حماقات ومشاكل لعدم وعيهم في حقيقة الحب .... ولسجذاجتهم في اختيار من يحبون .... فكيف لفتاة احبت شاب من الشارع او من ازقة الجامعات ان يكتب لحبها النجاح ، وكيف لشاب ان يكون علاقة حب ناجحة وهو يختار فتاة من الشارع او من مكالمات الجوال ... ان ما يفعلونه ما هو الا مجرد اشباع رغبات وعواطف ... واذا كان كل هم الشاب والفتاة هو الحب ، فماذا وضعوا لمستقبلهم ومستقبل أمتهم وأولادهم من بعدهم ؟؟؟ .... احسنت فيما قلت السيف عدي ... منور موضوعي ... :s (43): |
رد: الحب شيء ، وليس كل شيء .... بقلم : مؤيد
أحم ,,
موضوع مميز اخي مؤيد للنقاش ,, أنا برأيي هاد يلي هالايام بيصير هاد مش حب ,, هاد اشباع شهوات !! و كلو كزب و حكي فاضي كل شب بيروح يدورلو ع صبية و بيحكيلها بحبك بس عشان يحكي قدام صحابو يا عالم انا مصاحب وحدة !! نفس الشي صاير مع البنات بس البنات اشباع عاطفتهم ,, في كتير صبايا ما بيلاقو الحب من الاهل ,, بيروحو بيلتجأو لهالوهم يلي اسمه الحب ,, و بيصدقو ,, لأنهم ساذجات نادر كتير الحب بـ ايامنا ,, و انا برأيي ,, مافي حياة للانسان من غير حب ,, بس طبعا ً ما بقصد هالحب ,, انا بقصد انه ما في حياة للانسان من غير حب الله و هو اسمى حب,, و الحب في الله و هو اسمى مشاعر البشر بين بعضهم ,, و بشوف حب الله & الحب في الله كفيلين يسدو اي فراغ عاطفي :) أو اي فراغ بالحياة اصلا ً بارك الله فيك اخي على هذا النقاش الرائع |
رد: الحب شيء ، وليس كل شيء .... بقلم : مؤيد
سبقتني بالحكي اخي :)
مش مشكلة :) |
رد: الحب شيء ، وليس كل شيء .... بقلم : مؤيد
اقتباس:
الشب متل ما تفضلتي بيحب للتباهي انو حقق ذاته وانو محبوب ، والبنت كذلك ... وسرعان ما يفشل الحب الكاذب ويتبخر ومن بعده تسود الدنيا في وجه الحبيبين ... ويمكن تصير امور سلبية بتوصل للعزلة بعد قصة حب فاشلة او مدمرة .... والحب أكيد بكون روعة لو كان على اساس صحيح .... بس اليوم وفي عصر المادة والرأسمال ، صار الحب وسيلة مبنية على اساس منفعي احياناً ... وفقدت المعنويات قيمتها امام الماديات .... أشكرك لك مشاركتك الرائعة الحان الحرية ... :s (43): |
رد: الحب شيء ، وليس كل شيء .... بقلم : مؤيد
ممتاز يا مؤيد ،، بالنسبـة لهلموضوع ،، رح أطرق على دور وزارة الإعلام السعودية على حسب ما سمعت .. أن الداعم الأساسي لمسلسل ( نور ) هو الحكومة السعودية بأسهم كبيرة .. والسبب : نبذ روح العنف من الشباب المسلم ،، ووضع قيم الرومانسية وحب الحياة .. بالعربي هدم المبادئ الفكرية الإسلامية بدواعي كاذبـهـ تدعى العنف الفكري ،، العنف الفكري بدايته قصص العشق والغرام ،، ومن ثم الانتقام .. اها تعقيب بسيط على موضوع نشر هالقصص بين الشباب المسلم ،، --------------- لكن الأصعب من هيك ، لما الشخص يحس حالو ،، خان نفســو و خــان أهلــو وخــان الإنسانة الي بده يتزوجهــا ،، بأنـه طلع كلمــة ثمنهـا غالــي لإنسانة غير زوجتهـ ،، (( بحبـــــك )) هالكمــلــة ما بتطلع من القلب إلا مرة وحدة ،، وإن طلعـــت ما بتطلع إلا لإنسان واحد بس ،، حافظو عليها فهيي كنز المستقبل ومفتاح الحياة السعيدة .. الكلمة مش بعدد حروفهــا ، الكلمة بأحاسيسهـا وبمشاعرهــا وبكينونتها و أثرها ع الفرد ،، وإن طلعت مش لازم تطلع الا بالحــلال ،، تدنيس هالكلمة من تدنيس النفس ، وجمال روقنهـا في عزتهـا ومدى إخلاصهــا ،، لهيك الإنسان يفكر مليون مرة قبل ما يطلعهــا ،، تعجبك إنسانة .. بدك تتزوجهــا ،، ما تحكيلهــا بحبك .. أستنى اليوم الي بجي فيه النصيب .. وتكون فيه زوجتكـ بشرع الله :) هالكلمة رح تكون أحلى و أحلى .. فش فيها خوف ، فش فيها وازع التسلية .. مكفي انها حلال .. غلطـة و 99.9% من الشباب بوقعــوا فيهــا والندم ما بنفع .. وكلامي عن الشباب بشمل ( الشباب والصبايا ) ،، كل انسان ربنا لما خلقه حط فيه هالغريزة ، لكن الدين الإسلامي سيرها وقيمهـا ،، مشان ما يكون تصرف الإنسان تصرف حيواني ( مثل الغرب ما بدهم ) ، بالعكس يكون تصرف أخلاقي .. .............. أحلى شي في الدنيا الحب ،، الحب بشرع ربنــا :) خليني أحكي بتفاصيـله ،، انك تحب انســانة و تكون زوجتكـ تصونك وتصونهـا ،، عمرها ما بتخونك .. فش فرصة للخيــانة لأنها زوجتكـ ،، ويا قلبي عليك .. ما أحلى هالشعور ، وما أروع هالرومانسيــة .. بحبـــــك ^_^ ،، كلمــة بتمحي الغم وبتبني عماير السعادة ،، بتحيي قلب وبترسم بسمــة .. مكفي الهم مالو مكان ،، والله يا إنسان كنوز الدنيا كرمتلك .. وآخ لو كنت معذب شايل همك بإيدك ، السعادة تلفك بشوفة أغلى انسان .. عموما ً من القلب والله سلام ،، هيك الدنيا ،، حلوة وبحلاتها مالها حدود ،، الحب بطفي نار الغضب ،، انك تتزوج انسانه تحبك وتحبهــا ،، رح تشيل كل الحواجز يلي بتبني عقبات السعادة الموصوله .. في الحياة الزوجيـــة ،، .............. مؤيد كلامك رائع ،، وبتمنى منك تكتب موضوع إسمو { كلام في الحب } ،، لو بدك أكتبه أنا بكتبه ههههههههه ،، بحكي عن الحب في شرع الرحمن .. وسر السعادة في العلاقة الزوجيـــة ،، احترامي لك موضوعك في غاية الروعه والأهميــة ،، |
رد: الحب شيء ، وليس كل شيء .... بقلم : مؤيد
وقفت بها كيما تمر لعلني..أخالسها التسليم إن لم تسلم
ولما رأتني والوشاة تحدرت..مدامعها خوفا ولم تتكلم مساكين أهل العشق ما كنت أشتري..جميع حياة العاشقين بدرهم بوركت اخي مؤيد وكل من قدم مشاركة |
رد: الحب شيء ، وليس كل شيء .... بقلم : مؤيد
بداية أخ مؤيد هل تعتقد أن الحب بين شخصين ثقافة يكتسبها الإنسان؟ هل تعتقد أن الحب الحقيقي يأتي أو يوجد على أرض الواقع سبهللا؟؟ وهل تعتقد أن الحب يكون قرارا اجباريا يجب اتخاذه والتخطيط له مسبقا !! وهل تعتقد كذلك أن الإنسان يختار لون وشكل وطول ووزن من يحب..! الحب يا عزيزي ارتداد جميل للفطرة .. الحب شيء لا تختصره أقلامنا ولا حتى كلماتنا الحب عاطفة خُلقت يوم خلق الله هذا الكون الحب هو تلاقي الأرواح وهو اتصال بين النفوس في أصل عالمها العلوي وكان مما قرأته في الحب أنه دَقَّت معانيه لجلالتها عن أن توصف فلا تدرك حقيقتها إلا بالمعاناة وليس بمنكر في الديانة ولا بمحظور في الشريعة ، إذ القلوب بيد الله.. الحب موجود منذ مئات السنين وفي شتى العصور في الجاهلية وما قبلها وكذلك في عهد النبي عليه منا أفضل الصلاة وأتم التسليم وليس الإستعمار هو من علمنا أو من سيعلمنا كيف يكون الحب..! كما أسلفت هو ارتداد طبيعي للفطرة ولا يُكتسب أو يُتعلم ولكن دعنا نقول أن الغرب يحاول أن يُجردنا من فطرتنا الطبيعية بتجريدنا من عاطفة الحب الطاهر السامي وتبديلنا هذه العاطفة بالعلاقات السطحية السريعة التي لا تمت للحب بأي صلة..! لكن .. أنا لست هنا بصدد الدفاع عن تلكم العلاقات السطحية التي هي كانت ولا زالت السبب الرئيسي في تغيير فكر ة الناس عن العاطفة الطبيعية الفطرية هذه العلاقات السطحية كل الهدف منها ملء الفراغ العاطفي والجنسي لدى الطرفين بأي وسيلة كانت وبأسرع وقت ممكن ..! أنا هنا للدفاع عن الحب العفيف وكم أتمنى في حديثنا عن الحب أن نفصل ونفرق بينه وبين تلك العلاقات المشبوهة والمشوهة لصورة الحب أصلا! أخي العزيز مؤيد لي عودة أخرى بإذن الله ودمتم بود:s (43): |
رد: الحب شيء ، وليس كل شيء .... بقلم : مؤيد
صح 100 %
انو الحب استحوذ على تفكير كتير من الاشخاص من حولنا .. و ممكن يوهمو نفسهم اهنم بحبو و هو يلي بكون اعجاب جست ات الحب شي اكبر من يلي بنحكي عنو .. الحب .. لازم يتواجد في حياتنا .. بس مو متل ما الكل بعتبر الحب .. يلي هوي العشق و الهوى .. نو في محبهـ .. حلوه كتير بين الناس .. ممكن نغفل عنها عشان نحقق او ندور ع وهم .. شي زرعو فينا الاعلام .. انا ما صدق بوجود الحب هاي الايام ... و السبب كترت الكزب و كترت الحكي الفاضي ازا فينا نحكي عنو .. يلي بنشوفو في التي في & الافلام .. كلو حكي فاضي و هبل هاد وهم .. و هاي هي الحرب الخفيه .. حلو الحب .. بس هوي مو كل شي .. و من غيرو ما رح نموت .. و كلنا لحقين نحب و نتحب في حلال ربنا .. بتمنى من الشباب هلاء يصحى .. مو ضروري تنضرب ع راسك عشان تصحى .. و المشكله في ناس بياخدو الضربه و بروحو يعاجوها قصه تانيه .. عشان ينسو .. عارفه طلعت عن الموضوع كتير .. بس .. الحب موجود .. و غير موجود .. و كل شي بقتو حلو .. و ع فكره اغلب الشباب فاهمين الحب .. مفهوم خاطئ .. و يا ريت الكل يستوعب .. جد مبادره حلوه .. و مو عرفه شو احكي .. ايد وحده ما بتسقف .. الله يعطيك الف عافيه .. و ما تخد برائي انا عارفه انو اهبل .. ههههههههههههههههههههههه يسلمو عمو ارق تحيهـ |
رد: الحب شيء ، وليس كل شيء .... بقلم : مؤيد
الحب اجمل شي بالحياه بس يا ترى كل انسان او انسانه قالها حس فيها؟صرنا بهالأيام نتلعب بعواطفنا ومشاعرنا منشان نقلد الغرب وما نكون متخلفين ربنا سبحانه وتعالى لما خلق حوا خلقها من ضلع ادم وضلعوا الايسر من جهة القلب منشان يحفضها ويحبها وما خلى حتى يشعر بوجع منشان ما يكرها بيوم بس للاسف بايامنا حتى الزواج والارتباط المقدس صار مصلحه ونسبة الطلاق كبيره وكلو بيقلك ما قدرت حبها اوتحبوا الحب تضحيه الحب عطاء بس للاسف بايامنا كلو أخد لولا حبنا لارضنا وربنا ودينا الي هم اسمى حب بالوجود ما بقينا صامدين وكتير بشكرك أخ محمود لردك ويا ريت الكل ياخد بكلامك وانا اسفه أخ مؤيد ردي متواضع بالنسبه لموضوعك تسلم ايدك وما تحرمنا من هيك مواضيع
|
رد: الحب شيء ، وليس كل شيء .... بقلم : مؤيد
يسلمو ايديك يا مؤيد على هالموضوع المهم
الله يرحم ايام الحب العفيف الطاهر واحلى شي بالحب برائتوبس للاسف صار صعب نلاقي بهالايام بعد ما صار مجرد تسلية وتتغير جو واهم اشي انو نعرف الشباب العربي على الحب كيف بكون ونوعي البنات لحتى يعرفو انو لما حد بحبك بحترمك وبحافظ عليك وبكون كل همو حمايتك وحماية سمعتك وغير هيك ما بكون حب ولا بمدلو بصلةاكيد تحياتي وتقبل مروري |
رد: الحب شيء ، وليس كل شيء .... بقلم : مؤيد
اقتباس:
مشاركتك هي المكمل لحديثي ... فعلا ً الحب أثمن شيء ، لذلك لا يجب أن نتفوه وان نخون قبل الزواج وان نحب عشرات المرات قبل الزواج ، فمن اعتاد على تجديد العلاقات الغرامية ، فسيكرر ذلك حتى بعد زواجه ويخون ثم يخون .... جزاك الله كل خير .... بحد مشاركة ولا اروع من هيك ... او بالأحرى هي موضوع كامل وليست مجرد مشاركة .. تسلم محمود ... وما عندي مانع في حال رغبت في تغيير العنوان .... :s (43): |
رد: الحب شيء ، وليس كل شيء .... بقلم : مؤيد
اقتباس:
اهلا بك روح الأقصى ... :s (43): |
رد: الحب شيء ، وليس كل شيء .... بقلم : مؤيد
اقتباس:
يعني هلأ تنين شب وبنت ما عمرهم شافو بعض ومن أول ثانية راحو وقعو في حب ؟؟ يعني مش لهدرجة برضو ... ممكن تكون نظرة اعجاب بس مش مرة وحدة وصدفة يصير حب ، هذا ما اسمو حب ، هذا هبل .... نحنا خلقنا الله وفينا الإرادة ، مخيرين مش مسيرين ، وفي النا عقل وبنقدر نتحكم في عواطفنا ونكون عقلانيين ، اما انو قصة شب حب بنت من اول نظرة بالشارع ، ما بتدخل راسي بصراحة ، الأمور مش هيك عشوائية ... ممكن ما يسمى بالحب من النظرة الأولى حب قصير الأمد ، لإنو ما انبنى على اساس قوي وعلى اقتناع وعلى حب بناء على أمور ومراحل معينة .... هذه وجهة نظري ... واحترم وجهة نظرك كثيراً ... ويسلمو الك عالمشاركة أنثى ... :s (43): |
رد: الحب شيء ، وليس كل شيء .... بقلم : مؤيد
اقتباس:
اهلا وسهلاً ^.^ ... رأيك من وجهة نظري كمان .... يعني فعلا ً كترة الشي بتقلل من قيمته ، لما يكتر الشي بتقل قيمته ، عشان هيك الحب برضو نفس الشي ازا بتكتر علاقات الحب والتجارب العاطفية بيفقد الحب معانيه وقيمته عند هذا الانسان ... ومتل ما حكيتي اللي بحب قبل الزواج بروح بيفشل حبه ، بدور على حب جديد لحتى ينسى الحب اللي قبله ، كإنو الشغلة لعبة ، كل ما يفشل حب بدور على غيره ، وبقضي عمره تايه لا بفيد نفسه ولا بينهض في نفسه ولا في أمته وبلده ... وما تحكي عن حالك هبلة ، بعيد الشر ، اوعك تعيديها وترجعي تحكيها ... كل الاحترام الك ولرأيك ... :s (43): |
رد: الحب شيء ، وليس كل شيء .... بقلم : مؤيد
اقتباس:
فشل العلاقات العاطفية حتى بعد الزواج سببه الفشل في فهم الحب ونظرة الإنسان لمن احب وفلسفته في الحب ... فمن هو فاشل في اختيار من يحب ومن هو فاشل في اختيار الطريقة الصحيحة والآمنة في الحب ، سيواجه مصائب ... تقبلي احترامي وتقديري لكِ عاشقة تراب القدس .. :s (43): |
رد: الحب شيء ، وليس كل شيء .... بقلم : مؤيد
اقتباس:
لازم ما نفقد الأمل ^.^ ... بس الدور علينا نحنا نعرف الحب صح ونحب صح .... عنا شرع الله دلنا على السعادة والمحبة والمودة الأبدية ... واللي بيمشي في طريق غير طريق شرع ربنا ، رح يعيش تعيس ... وانا معك بكل اللي حكتيه ... تسلم ايديكِ мίsş вε ηίcέ لمشاركتك ... :s (43): |
رد: الحب شيء ، وليس كل شيء .... بقلم : مؤيد
الصراحة ما عاد الي شي احكيه
بعد اللي ابدعت في حكيه خيي مؤيد وكمان خيي محمود.. والله لو حكيت فعلا شي راح يكون مجرد تكرار نحنا في غنى عنه كل الاحترام والتقدير >>> حـــنــــــان |
رد: الحب شيء ، وليس كل شيء .... بقلم : مؤيد
اقتباس:
شكرا لك أخي العزيز مؤيد ولكن ! لماذ اختزلت كل أنواع الحب في نوع واحد ..؟ الحب من نظرة واحدة ما هو إلا أحد أنواع الحب ولكنه قد يحصل به أن يكون حبا حقيقيا وصادقا ينتهي بعقد الزواج والحياة السعيدة المطمئنة و قد يقع فيه سرعة الفناء ولكن ذلك لا يمنعه من أن يكون أحد ضروب الحب..! أما باقي الأنواع فهي كما أوردها ابن حزم الأندلسي ((رحمه الله)) في رسالته ــ طوق الحمامة ــ وهي: ــ الحب في النوم ــ الحب بالوصف ــ الحب من نظرة واحدة ــ وهذا ما ذكرته فقط ــ ــ الحب بالمطاولة ــ الحب عن طريق صفة لم يستحسن بعدها غيرها مما يخالفها وقد ذكر كل هذه الأنواع وقد خبر بها وحصلت في عهده رحمه الله.. اقتباس:
ولكن القلوب بيد الله كما هو الخلق بيده عز جاره وجل ثناؤه الحب بلية يبتلي الله بها بعض خلقه ..! وحينما تُبتلى لن يكون لإرادتك القدرة على التمرد على الواقع الذي فُرض عليك!! إذن ستقع مجبورا مرغما ومتلذذا بهذه المعاناة إن كنت صادقاً في هذا الحب..! وكما قال محمد عليه الصلاة والسلام روحي ونفسي له الفدا : (( الأرواح جنودٌ مجندة ٌما تَعَارف منها ائْتَلَف وما تَنَاكَر منها اختلف ))*. مستمتعةٌ بهذا الحوار.. دمتم بود.. وتقبل أخي مؤيد تحيتي واحترامي :s (43)::s (43)::s (43): ـــــــــــــــــــــــــــــــــــ ــــــــــــــــــــ على الهامش.. اختلاف الرأي لا يُفسد في الود قضية.. *ورد الحديث في الجزء الرابع من "" صحيح مسلم "" |
رد: الحب شيء ، وليس كل شيء .... بقلم : مؤيد
موضوع مهم مؤيد
بس انا برايي انو في شي اسمو حب بس مو الحب اللي بزمنا هاد مشكور |
رد: الحب شيء ، وليس كل شيء .... بقلم : مؤيد
لا أعلم إن كان من المسموح مناقشة الإدارة ..! على العموم أعتقد أن لديكم أخ محمود من رحابة الصدر ما يكفي للسماح لنا.. اقتباس:
أنت تتحدث من منظور اقتصر على كون المُحب متزوج .. أنا أعتقد والكل كذلك أنها ستكون خيانة إذا وُجهت لغير الزوجة لأن هذا الشخص متزوج! ولكن قد نلتمس له العذر من ناحية بعض الظروف والضغوطات التي قد تحيط به ..! الحب حينما يطرق بابك فأنت لاتتحكم في ذلك .. هي مشاعر قد تتغلب على إرادتك وإذا كانت صادقة فإنه يحصل بها الزواج إذا قدر لهما الله ذلك.. حتى وإن لم يحصل الزواج ألا يكفينا أنها خرجت بصدق للشخص الذي أحببت فعلا..! أريد أن تلتفت أنني أتحدث عن الحب الصادق الذي تكون نهايته بالزواج والذي بني على أساس أن يُختتم كذلك بالزواج وليس عن العلاقات العابرة والتي يكون لها أي هدف آخر غير الزواج..! اقتباس:
ولكن قلوب العباد بين إصبعين من أصابع الرحمن يقلبها كيف يشاء..! قد يكون هذا الشخص غير جدير بهذا الحب قد انسحب ثم وفي غمرة الأحداث أجد من يستحق!! هكذا الدنيا دائما..! اقتباس:
كلمة بحبك كلنا نعلم كم هي نفيسة وغالية ولكن هذه الكلمة متى قيلت بصدق وللإنسان ــ أو الإنسانة ــوالذي أثق به و الذي أريد منه أن يكون شريكا لي في هذه الحياة فأنا أعتقد ولست أملك حقا في الإجازة والإفتاء أنها ليست بمحظور في الشريعة الغراء..! اقتباس:
سيرها ووضع لها الضوابط أنا معك في هذه النقطة ولكن كيف؟؟ الجواب: أمر بالزواج وحث على تزويج المتحابين إذن لم ينكر هذه العاطفة واعتبرها موجودة..! اقتباس:
أن تتزوج ممن تحب معنى ذلك أنك بسطت أسباب السعادة المستقبلية.. سيدي العزيز دع الأمور تجري في أعنتها الحب لا يختصر بكلماتٍ نلقيها هنا وهناك..... هو شعور عظيم....لا يُوصف..! الأخ الكريم محمود تقبل احترامي أنتظر ردكم ودمتم بود:s (43)::s (43)::s (43): |
رد: الحب شيء ، وليس كل شيء .... بقلم : مؤيد
لـــــــي رجعه ان شاء الله
بس موضوعك جذبني |
رد: الحب شيء ، وليس كل شيء .... بقلم : مؤيد
بصراحه موضوع كتير مهم انو يتناقش
لانو بصراحه كل من هب ودب صار يحب الحب خفت موازينو وقيمتو هالايام هادا بدون نقاش زمان الحب كان الو قيمتو و معايرو وشروطو الي الله سبحانو حطها وتوجها بالزواج .. حاليا شبابنا وبناتنا غرقانين بايشي اسمو حب بس هوه للاسف وهم او مجرد مشاعر مزيفه اغلبها لتضيعه الوقت مش اكتر انا طولت عليك بالحكي يعطيك العافيه... |
رد: الحب شيء ، وليس كل شيء .... بقلم : مؤيد
اول شي مشكور ع الموضوع
تاني شي صح الحب موجود هلأ يعني ما بنقدر نحكي انو ما حد جرب الحب حتى لو ما جربو مصيرو يجرب هل انا رح احكي عن تجربتي انا حبيت بس مو من او لنظرة هههه ولا من اول كلمة من حديث طال كتير صح انو كان الشب محترم وعندو وجهات نظر حلوة كتير ومقنعه واقنعني بأشياء كتيرة و هو اكتر شخص ممكن اشكروو لانه عمل اشي مش ممكن انساه صحاني من غيبوبه وفتح عيوني لاشياء كتيرة بحياتي .........بس كنت حاسه اني بعمل اشي غلط ...... واحساسا مو منيح لما حد يحس انو بيعمل اشي غلط وحرام وهو عارف هدا الشي واخيرا قررت اني ابعد عنو طبعا بأرادتي واذا كان مقدر النا نتلاقى اكيد رح نتلاقه ولهلأ الحب موجود واكيد في حب عفيف متل ايام زمان ..... ما اختفى يعني لسه في بنات او شباب ما بينخدعو ومشاعرهم ما بتتغير مهماا طال الزمن هلأ صارت البنت او الشب اول ما تحب ع طول تتزوج وبسن صغير يعني وهي صغيرة بعمر 15 سنه بتكون متزوجه بس ما بأيد بالمرة انو تتزوج البنت بعمر صغير لانها بتكون في سن مراهقة يعني مشاعرها بتتغير بالنهايه هذا رأي وكل واحد الو وجهة نظر مشكور خيو ع موضوعك |
رد: الحب شيء ، وليس كل شيء .... بقلم : مؤيد
وينكم يا جماعة الموضوع صار بالصفحة الثانية لم يكتمل النقاش بعد !! دمتم بود.. |
| الساعة الآن 09:25 PM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas