|
&& أكتب موقـــف طريــف مـــر في حياتــــكـ &&
تمـــر في حياتنــــا ،،
مواقفـــ طريفهــ ،، تستحق المشاركهــ ،، لحــظاتــ مدهشـــهــ ،، لحظاتــ غريبهــ ،، تلتقطها بعدسه الحيـاهــ ،، وتسطرهــا بقلمــكـــ الرائعــ ،، :s (43)::s (43): |
رد: && أكتب موقـــف طريــف مـــر في حياتــــكـ &&
فكرة حلوة..
مممممم مرة كنت آعدة عم بتغدى ع الأرض.. و كان الغدى بامية.. بعد ما شبعت وانا آيمة راح أخويا دفشني فوقعت ع الصحن و وشي صار كلو بامية.. حئيئة كان موقف محرج لإنو كنا عند خالي و كانو كل ولاد خالي و خالاتي آعدين.. طبعا كلهم فرطوا عليا ضحك... كلوا طبعا بسبب أخويا.. :) |
رد: && أكتب موقـــف طريــف مـــر في حياتــــكـ &&
اقتباس:
هههههه .. عنجد موقف محرج .. يسلمو ع المرور والمشاركة مرام .. :s (43): |
رد: && أكتب موقـــف طريــف مـــر في حياتــــكـ &&
موضوضوع حلو كتير يسلمو ايديك
مرة بالمدرسة بحصة الطبخ بمجموعتي كنا بدنا نطبخ كعكة الشوكولا طبعا انا القائدة فأنا اللي عملت كل شي وطبخت كل شي بس خلصنا حبيت ادوئها حاولت اعبر انها زاكية بس كتيييييييييييييييييير مالحة بدل ما تكون طعمها حلو طلعت انا جايبة بدل السكر ملح هههه بس شكلها كان زابط وبشهي رحنا كبيناها بالزبالة تعيش وتاكل زيها |
رد: && أكتب موقـــف طريــف مـــر في حياتــــكـ &&
اقتباس:
|
رد: && أكتب موقـــف طريــف مـــر في حياتــــكـ &&
الموضوع حلو خيي
بس اعتقد انه هون مو مكانه لانه مافيه اي شي للمناقشة مجرد مواقف بيسردها العضو وممكن يكون عليها تعليق وممكن لا يعني مافي جو نقاشي .. عموما مشكور خيي .. |
رد: && أكتب موقـــف طريــف مـــر في حياتــــكـ &&
اقتباس:
بس هاد مش موضوع للنكت .. يعني مواقف طريفة .. عرفتي كيف .. يسلمو ع المرور خيتو حنان.. نورتي :s (43): |
رد: && أكتب موقـــف طريــف مـــر في حياتــــكـ &&
بس في المنتدى العام اخي
وهيدا عااام يعني هو اولى بموضوع مثل هيك وباعتذر اذا ازعجك تدخلي بس كل همي النظام ليس الا .. |
رد: && أكتب موقـــف طريــف مـــر في حياتــــكـ &&
الله يعطيك العافية دايما مواضيعك تحفة رح اذكر لكم اكتر من موقف شي بضحك وشي محرج وهيك مرة كنت ماشية بالشارع وقفنا جمب محل لحمة انا بموت رعبة من القطط وطبعا الشارع مليان رجال واقفة جمب اختي عم تشتري والا القطة فوق رجلي واسمع صوتي ياالله انحرجت كتتتتتتتتتتتتتتتير كتير والشارع مليان رجال وجهي حمر وحالتي بالويلة ومشيت راسي بالارض و مشيت بسرعة كتير استحيت بجد كلو الشارع مليان كان يالله ما بنساها مرة صار معي موقف كنت في معرض بنابلس للمنتجات الغذائية والفلسطينية عم بحكي مع صاحبتي المهم الا صاحبتي راحت تشرب مي وبتحكي معي وانا عم بتفرج كنت وجيت ارجع لورا فكرت انها صاحبتي اجت وقفت وراي جيت اوقع مسكت فيها احسن لا اوقع ولا هي مش صاحبتي واحد شب جاي واقف وراي يالله يومها متتت ويالله عينك ماتشوف والله خرجت من المعرض سرت اعيط ومعصبة ههههههههههههههههه هبل حرمت اروح على المعرض هاد وتاسفت واعتذرت بجد خزوة وهربت من المعرض بسرعة وصاحبتي فارطة علي من الضحك وانا معصبة وهيك تضحك علي لحد هلا بتذكرني فيها ومرة الله يعزكم كنت رايحة لعرس صاحبتي وناسية المحفظة بالبيت ومش منتبهة وطلعت بالتكسي وادور بالشنطة وين المصاري الله اكبر فش غير مصاري اردني ما بينشرا فيهم غير من عمان لسا المصيبة ياريت ورق كان مشيو المهم كان معي دينار حديد مش ورق قلتله تفضل قلي شوهاد قلتله متاسفة والله انا مش من هون من الاردن وناسية المحفظة رفض ياخد وقلي مسامحك بس انا ما قبلت واعطيته اياه هههههههه يعني ما بيشتري غير من الاردن الله يعطيك العافية اذا صار معي شي موقف تاني برجع بحكيلكم اياه ان شاء الله |
رد: && أكتب موقـــف طريــف مـــر في حياتــــكـ &&
مرة كنت بدي أمسك ايد سيتي عشان أساعدها بطلعة الدرج بنفق مشاه
و كان النفق زحمة.....و بالغلط مسكت ايد وحدة موقف بالمرة ستي فكرتني بعرفها و خذلك مع مين وقعت...يالله الله سترها و يسلموو على الموضوع |
رد: && أكتب موقـــف طريــف مـــر في حياتــــكـ &&
الموقف
كنت مره فى السوق انا وماما وفجاة ما بلاقى الا واحد على البركه الله يهديه ويشفيه مسك بأيدى وحكالى اما بتعطينى رقم جوالك او بسرقك من مامتك وانا وجهى صار الوان وارتعبت بطلع من المحل لحقنى رجعت تانى لحقنى كمان قام شب المحل طردو ونادا كم واحد يا خدو لبرا يسلمو على الموضوع |
رد: && أكتب موقـــف طريــف مـــر في حياتــــكـ &&
اقتباس:
يسلمو خيتو .. ما ننحرم من مشاركاتك .. |
رد: && أكتب موقـــف طريــف مـــر في حياتــــكـ &&
حلو
هادا مرة كنت متأخرة بمحاضرة بالجامعة المهم فتت ركد على القاعة وازا القاعة مليانة كلها ومافي مكان الا بالاااااااااخر كان الصف الاخير كلو شباب لئيت قبل الصف الاخير كرسي فاضي بين شباب كمان ئلت يلا امري لله رحت ئعدت زي المؤدبة المهم انا بالعادة بلبس نضارات بالمحاضرات وبس خلص بحطهن على راسي كان شب ئاعد وراي شايفني بكتب بكتب ما بعرف بدو يتحركش ولا شو طول المحاضرة لو سمحتي تنئليني هاي الكلمة الي على الطرف الي فوق على اليمين وما بعرف شو وانا انئلو المهم باخر المحاضرة انا خلصت كتابة ئمت النضارات ورفعتهم على راسي الا الشب بيرجع وبحكيلي نئليني رجعت لبست النضرات بس ما بعرف ما شفت شي الرؤيا كانت غير واضحة ارفع وازبط بالنضارات على الفاضي حكيت للي ئداامي ممكن تنئل الشب الي ورا اتطلع فيي وصار يضحك صفنت انا انو شو في الا الشب الي وراي الي كنت بنئلو بئلي لو سمحتي عينك وائعة كانت عدسة من النضارات وائعة وانا مو منتبهة ولابسة النضارات بتطلع بالشب وعين اه وعين لا يا حرام مسك حالو لحتى ما يضحك بس طلع من المحاضرة لئيتو فطسان برى ضحك وكل الصف الي ورا كان يضحك علي منزري بضحك كان وانا ضحكت كمان على هبلي وبس وشكرا على الموضوع |
رد: && أكتب موقـــف طريــف مـــر في حياتــــكـ &&
اقتباس:
|
| الساعة الآن 10:28 PM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas