|
شاركونا نهفات الاطفال
السلام عليكم ورحمة الله وبركاته.. أضع بين يديكم بعضا من مواقف الغالي ابن أختي ذو الخمسة أعوام مجنن أمه ومجننا معاها الله يخليه النا يارب أرجو أن تتقبلوها نبدأ بالموقف الاول: مرة كنت طالعة أفتح الباب لما إجو يزورونا قلتله مين عند الباب قالي أفتحي وتعرفي مين (طبعا يستهبل وهاي كلمته لاي واحد يقوله مين عند الباب)... الموقف الثاني: الي ولد خاله تقريبا عمره ثلاث عشر سنه موعاجبه أسمة بده يغيره والاسم يلي اختاره نفس أسم ابن اختي هذا مهند(هاي الحكي قبل المسلسل يلي عامليله ضجة) وحصل التغيير ومهند كل يوم مسمي نفسه بأسم وأكثر اسم حبه وليد وكل من شافه يحكيلة اليوم شو أسمك حكتله خالتي ام مهند يلي غيراسمه شو أسمك الثاني قال الها لا مشان تغيري اسم ابنك الثاني وتسميه مثلي اسمي (انسان شايف حاله) الموقف الثالث: أمه بدها تدخلة التمهيدي وبالطريق شافو المدرسة يلي ناوين يدخلوه فيها وحكوله هاي مدرستك حكالهم هو هذي المدرسة يلي بدي أدرس فيها(قصده يكون هو المعلم) الموقف الربع:مرة حضر حفلة مع أختي يلي تكون خالته لما رجع لأمة يحكيلها ماما كل البنات يقولوا لخالتوه مهند حلو (شايف حلاته بالمرة) يحكي من خياله ما فيه حدا قال عنه هيك الموقف الخامس : مرة حيباتوا عندنا قالتله أختي الصغيرة تعال نام عندي حكى لأمه خالتي اليوم محضوضه قالت اله ليش قال حنام عندها(والله شايف حاله) يمكن ماراح تعجبكو او تحسوها عاديه اوكمان بايخه لكن احببت انكم تشاركوني الابتسامة ويلي عنده مواقف من احبابنا الصغاريحكي ولا يتردد لان تصرفاتهم البريئه تبرد ع القلب ودمتم بود.. |
رد: شاركونا نهفات الاطفال
تسلمي ريحانة كتير نايس .. ما ننحرم
|
رد: شاركونا نهفات الاطفال
ههههههههههههه
الو اهلين عمو ايــاد بحكيلك هوي مش هووون ههههههههههههههههههه شكراا ريحانــهـ يعطيكـِ الف عافيــهـ |
رد: شاركونا نهفات الاطفال
في كتيرررررر نهفات
مش متذكر اشي هسة بس جد انا بحشش على الصغار |
رد: شاركونا نهفات الاطفال
اقتباس:
الله يسلمك خيي منور |
رد: شاركونا نهفات الاطفال
اقتباس:
العفو خيو الله يعافيك ع المرور منور |
رد: شاركونا نهفات الاطفال
اقتباس:
مرورك بيكفي دمت سالما |
رد: شاركونا نهفات الاطفال
^_^
والله الاطفال مافي مثلهم روعة مجنونة اطفال انا |
رد: شاركونا نهفات الاطفال
اقتباس:
أشكر لك مرورك أختي العزيزة |
رد: شاركونا نهفات الاطفال
حركات الاطفال بجننو
يسلمووووو |
رد: شاركونا نهفات الاطفال
ههههههههههه احنا ماشاء الله عنا 15 حفيد وحفيدة وكل نهفة الهم ولا اختها اول الشي التوم عاهد وعمر مرة وهمه صغار عمرها 3 سنين بالليل عم بدو ر امهم عليهم دورت بكل البيت وما لقتهم وين ياحزرتكم ؟؟؟ والا همه قاعدين بفرن الخبز الكبير الله ستر انو مطفي اه وولاد خواتي التوم هدول ماما بالمرة ما بتفرقهم مرة بتحكي مع عمر بتفكرو عاهد بتقولو انت مين بقلها عاهد بتخوت والا بتقولو اخوك عمر تيس مش شاطر بالمرة انت الشاطر والمنيح والي بتسمع الكلام وهاتي يضحك يقلها انا عمر هههههههههههههه ابن اختي كبير الاحفاد احمد كان وهو عمره 2 ينام عنا على طوللللل من هو صغير كل ما يجي ابوه يروحو يعمل حاله نايم وبس يرن الجرس يقعد يشخر بالتخت ويقول انا نايم منشان ما يروح ابن اختي الحج ايمن مابيقعد غير تحت الطاولة وبس يشوف الكيندر مابعود بيتركها وين ما تدوري عليه ياتحت التخت يياالطربيزة ومرة اختي كان نايم ايمن على الفرشة على الارض المهم الدنيا ليل وهو حرك كتير فاتت على الغرفة عم بعيط وين راح الصبي وبعيط والمهم تدور مالقيتو والا شافتو تحت التخت وبعيط موت وسحبتو وبالاخر لما ردت نيمتو رد رجع تحت التخت ابن اختي ياسين مرة نازل يشتري مع اخوه طاهر مافتح الباب الا وحدة لابسة نقاب اسود باسود واسمعوا صوتو ويقول حراااااااااااااااااااااامي ويعيط اسماء عمرها سنتين لما كانت تنام عندي مرة فقت على كف منها ومرة فقت كاسة مي على وجي وكانت دايما تعمل فيني عمايل والله ورجتني الويل وما بتنام غير عندي بس موعودة يسير شي في منها ابراهيم باميركا مو هون المهم عمره سنتين راح مع امه على المكتبة وقعدته امه على جهة الالعاب والا وحدة اجت مع بنتها عمرها 4 سنوات قام وشدلها شعرها والبنت تصيح مع انها اكبر منو بكتير فضحها لاختي بالمكتبة وكمان مابحب البنات وبيضربهم دايما وين ما يشوفهم حسام هاد تحفة كتير اول شي كل ما نزل عند دار سيدو والا بضرب عمتو وبقلها انتي دددددد مسكينة سكتتلو بضل يضربها لعمتو وهي عمرها 14 سنة وبعدين بيمسك القطة وبقلها حبيبي وبشدها بخنقها وبيرمها بعدين قبل فترة ستو بدور عليه والا جايب صابون ومي وبيحمم القطة الصغيرة وهي عمرها شهر ههههههههههههههه الارنب يلي عند بيت سيدو بمسكه من ادنيه وبقلو دددددددد العصافير بجننهم والو نهفة في الحضانة اول ماراح عليها اول يوم لسا بيدخل من الباب والا ضارب بنت كفين هههههههه مرة بنت اختي ضاعت بقولولها وين بيتكم بتقلها في جمب بيتنا حاوية زبالة كبيرة او لونها بني هههههههههههههههههههههههه بس لقينها كانت جمب بيتنا بس فضحتنا يعني تحفهم ونهفاتهم كتيرة يعني هي الي تذكرتو بس اتذكر ان شاء الله شي تاني اكيد مارح ابخل عليكم يسلمو يابنوتتنا الغالية على موضوعك الحلو |
رد: شاركونا نهفات الاطفال
ياي عليكي ياحبيتي اسلام
شجعتيني ردودك دوم متميزه والله بتشجعي الواحد انا لما اشوف ردودك بنبسط عليها والله احفادكم نهفات ع الآخر بصراحة كل وحدة احلى من التاني عجبتني اسماء فرطت عليها من الضحك وكل المواقف يلي حكتيها لزيزه دمت حبيبتي بحفظ الرحمن ماننحرم |
| الساعة الآن 10:27 PM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas