قصة بنت ترفع الضغط!!!
 

السلام عليكم ورحمة الله وبركاته




هذه مكالمة مع بنت صغيرة ترفع الضغط تابعو معي

التلفون يرن ...



الطفلة : الوووو



الامراة : الووو مرحبا



الطفلة : اهلين..



الامراة : وين الوالدة ؟



الطفلة : فش عنا وحدة والدة..



الامراة : له له عيب عليك... لا سمح الله الله يخليلكم اياها..



الطفلة : شو لا سمح الله ما لا سمح الله.... بقوليك فش عنا والدة....



الامراة : اه ... قديش عمرك يا شاطرة؟؟



الطفلة : وشو عرفك اني شاطرة...



الامراة : تضحك وتقول .. مبين عليك خفيفة دم..



الطفلة : انت الي خفيفة دم... اوعي تقولي عني هيك...



الامراة : مبين عليك زغيرة؟



الطفلة : انا اطول منك......



الامراة : طيب يلا اعطيني ماما...



الطفلة : ليش هي امك عنا؟؟



الامراة : خلص نادي امك...



الطفلة : فش عند امي نادي..



الامراة : الله يصبرني...



الطفلة : يصبرك مع شوك ولا بدون شوك؟



الامراة : تصرخ " اعطيني حدا كبيرررر"



الطفلة : كبير , بالحجم ولا بالطول ولا بالعمر..



الامراة : اعطيني واحد برميل احكي معووو..



الطفلة : استغفر الله العظيم بدك تحكي مع برميل.. بس البرميل جماد..



الامراة : هسا باجي عندك.. اعطيني حدا كبير...



الطفلة : تجيش عندي لانو عندي صاحباتي بلكي لما روحو جيتي بكون احسن...



الامراة : طيب بس لو اشوفيك لاعمل منك بطاطا..



الطفلة : بطاطا مسلوقة ولا شوي بالفرن؟



الامراة : احسنلك اسكتي لانك زعلتيني..



الطفله : مين الي زعل تيني وليش التين اصلا بزعل؟



الامراة : بكفي زودتيها عاد ..



الطفله : وين عاد الى بيته ؟



الامراة : اه الى بيته .. مبسوطة..



الطفلة : الصراحة مش مبسوطة .. في اشي مزعلني..



الامراة : خليه يزعلك بلكي فقعتي زي البالون..



الطفلة : شو لون البالون الي بلكي فقعت زيو؟؟



الامراة : تصرخ باعلى صوتها.. " وين الوالــــــدة ؟؟؟ "..



فتاخذ الام التلفون من الطفلة ..



وتقول الووووو.. مين معي..



الامراة : ول علينا .. شو هالبنت هاي اطلعت لي قرن براسي..



الام : قرن ايش , قرن الغزال ولا قرن موز..



الامراة : زي دايما رايقة وبتحبي تمزحي .. لع اطلعتلي قرن ثور ...



الام : شو حجمه الثور؟



الامراة تغلق السماعة.. وتذهب الى بيت صديقتها.. ترن الجرس...



فتقول الام للطفلة : روحي شوفي مين على الباب...



تركض الطفلة نحو الباب.......

تجلب كرسي وتصعد عليه ثم تنظر الى اعلى الباب وتقول

فش حدا على الباب في وحدة وراه..



فتقول الام : خلص خليها ترن على الجرس قد ما بدها..



الطفلة : اي جرس؟ جرس المدرسة؟؟؟



الام : لع جرس الدار..



الطفلة : جرس دارنا هاي ولا الدار الجديدة الي بدنا نبنيها..



الام : لع جرس دار الجيران..



الطفلة : ليش في عند الجيران جرس وحول واركب على الفرس..

وعلى هالموال ..... ليل نهار..

رد: قصة بنت ترفع الضغط!!!
 

ههههههههههههههههههههههههههه

:icon11::icon11:

لو هادى البنت عندى كان طعجيتها:icon28:

رد: قصة بنت ترفع الضغط!!!
 

شكرا على الرد وعطرت الصفحة بوجودك

رد: قصة بنت ترفع الضغط!!!
 

ههههههههههههههههه يا ويلي عليها فقعت مرارتها
ههههههههههههههههههه القصة حلوة كتير متلك يا قمر
بدي اسئلك انتي من وين ؟
انا من القدس انتي منها؟
بس لفت انتباهي يعني عشان كاتبة عاشقة القدس

رد: قصة بنت ترفع الضغط!!!
 

ههههههههههههههههههههه
والله ضحكتيني و أنا ما الي نفس أضحك..
ههههههههه
والله البنت طالعه لامها..
بجيبو الجلطه..

رد: قصة بنت ترفع الضغط!!!
 

رد: قصة بنت ترفع الضغط!!!
 

نعم انا من القدس شكرا على دخولك ومشاركتك بموضوعي مع تحياتي**

رد: قصة بنت ترفع الضغط!!!
 

شكرا على الردود اللي بتسطل و على مروركم اللي بجنن كلكم زووووق من تحت لفوووق***مع تحياتي

رد: قصة بنت ترفع الضغط!!!
 

هلا تشرفت بمعرفتك عاشقة
يعني طلعتي بنت بلدي هه

رد: قصة بنت ترفع الضغط!!!
 

هلا و الله فيكي

رد: قصة بنت ترفع الضغط!!!