|
نقــاش :: طلــعــت النا في السحبــة ( الآل والئلنا ) والتصنــع !!
السلام عليكم ورحمة الله وبركاته ،، شو رايك بانتزاع حرف ( القــاف ) من اللغــة العربيـــة ،، وخصــوصا ً هـالشي بنتشــر عند معظم البنات في الانترنت هاليوم .. يعني في الكلام ماشي حالو ما حدا بحكي شي عنو .. لكن في الكتابـــة كمان !! هالشي بكون فقــط مش طبيعي .. معناة الكلام مغالاة مش طبيعية يمكن يكون الها أكثر من تفسير .. انه هالشخص يعرف الي قباله انو بحكي بالآل والئلنا (( الحضارة والاتيكيت )) يعني صارت الحكايــة انو هالبنت راقيــة ( رائية ) أو هالشب راقي ( رائي ) لما يحكي بهيك لغه .. لأنو ازا كانت طبيعــة الإنسان يحكي ( بالآل والئلنا ) أكيد طبيعته يكتبها بالقاف .. لأنو أكيد ما مرق ( مرء ) امتحان وكتتب فيه بهادي الصيــغة أو بالحياة كلها ما بتكتب هيك .. احنا بنفتخر بلغتنا العربية مثل ما هيي ،، واحنا بنتشرف بأصولنا العربية و الإسلامية .. الي مبني على حروفها القرآن الكريم ( القرآن ومش الئرآن ) .. أتمنى انو تكون عزتنا بدينا مش بالاتيكيت .. وحلو حرف القاف على الأقل أول حرف من كلمة ( قلب ) .. ولو قلبنا حرف القاف لـ ( كاف ) بتصير مشكلة طبعا ً .. لهيك عزته في أصلــه .. ولازم تكون عزتنــا في أصلـــنا ،، والي شد انتباهي اكثر لهشي انو بعض الاعضاء كانو يكتبو بالأول بالـ ( قاف ) أما هلقيــت ما بعرف شو الي اتغيـــر !! كأنو اتطبعـــوا من جديد في هاللغــة وهاد ان دل ما بدل الا عن مصداقيــة كلامي .. بس ما تكون شوية دلع مش أكثر ولا أقــل .. حلو الإنسان بطبيعته مهما كانت كيفيته والتصنع بالمرة مش حلو .. ومحلاه من هيك تصنع .. موضوعنا مووضعين ( التصنع ~ وحرف القاف ( ئصدي الئاف ) ،، والله يسترنا من الجاي لســا .. .. كل الاحتــرام .. :s (43): :s (43): |
رد: نقــاش :: طلــعــت النا في السحبــة ( الآل والئلنا ) والتصنــع !!
كلامك كلو 100% صح ..
وهالشي كتييير منتشر بينـا احنا البنات ... وعن جد شي بقهر ... إنو احنا بدون شي لهجتنا بعيدة عن اللغة العربية الفصحى ... كمان نغير حروفها ...!!! أصلا الكتابة ( بالآل والئلنا ) صعبة كتير .. فما بعرف شو الميزة اللي فيها !!! .. يسلمو ايديك أخي ع الموضوع المهم جداً .. واللي لازم ننتبهلوا قبل فوات الأوان .. وأكيد لازم نفتخر بلغتتـا .. أعظم لغة لأعظم دين ... لغة القرآن الكريم ... ونحـافظ عليها ... يعطيك العافية اخي ... والله يجزيك الخير ... :icon31::icon31: |
رد: نقــاش :: طلــعــت النا في السحبــة ( الآل والئلنا ) والتصنــع !!
أهااا لفته حلوة والله يا محمود يعني شو هلأ أكيد لغتنا العربية الأصيلة هي الأساس لا شك بس كمان يعني كلو واحد الو لهجته الي بيحكي بلآل والي بيكي بالقال والي بيحكي والكال وبطبيعة الحال والواحد بيحكي بهجته بس كماان في أشيا مبالغ فيها مثلا يعني بالنسبة الي لما بدي أحكي (الآن) بحكي هلأ وبكتبها كمان هلأ مش هلق! بحسها دفشة ازا بتنكتب هلق اما في كلمااات تانية يعني بحسها مياصة ازا بتنكتب بالالف مثلا ازا بيكتبو (ئلبي) بدل (قلبي) >>مياصة! وبالنهاية شو رايكم نعمل حملة نحيي فيها اللغة العربية الفصحة الأصيلة ؟ فكرة مو^_^ |
رد: نقــاش :: طلــعــت النا في السحبــة ( الآل والئلنا ) والتصنــع !!
احتراماتي اخ محمود .. انا بخالفك في الرأي وبعتقد انو من حق اي بنت او شب يختار اللهجة اللي بحبها وبرتاح انو يحكيها .. حتى في الكتابة حلو انو البنات يتدلعوا وهالشي صفة فيهم .. ما فيها شي .. .. تحياتي
|
رد: نقــاش :: طلــعــت النا في السحبــة ( الآل والئلنا ) والتصنــع !!
مشكور اخي بارك الله فيك
موضوع حلو ويستحق النقاش فيه انا كثير بشوف ناس بحكو عادي بس على الايميل بالآل انا من جهتي ما بحكي بدل هسه او الان لانو في ناس ما بحبوها هلأ ومش دائما يعني الناس الي بحسهم ما رح يفهمو غير هلأ بكتبها وبس مشكور |
رد: نقــاش :: طلــعــت النا في السحبــة ( الآل والئلنا ) والتصنــع !!
وأنا معك في كلامك 100%
لو أحد أجنبي بدك تعلموا اللغة كيف راح يتعلم الكتابة طبعا ماراح يتعلمها الا باللغة الأصلية مش كمان نقعد نحرف في اللغة العربية لأنوا الها أصولوها ومفاهيكها ومعروفة انها لغة العرب الفاتحين مش نروح احنا نفتح حروف جديدة ونقلب في الكلمات بحس البنات بغيروا وبتصنعوا بحالهم كتير الشاطر الي بعتز بأصلوا مهما يكون هوا في أي مكان البنات بروحوا بدبوا كلوا دلعهم وبقعدوا يتصنعوا طبعا مو كل البنات وطبعا بالنسبة الي مابتتدخل عقلي الا البنت لأنوا أولها بحرفوا في حارف القاف لآل راح يتزود الاشي في المستقبل طولت في الكلام أنا مابحب أحكي كتير بس البرم أخدني خير الكلام ماقل ودّل يعطيك العافية أخي محمود موضوعك في وقتوا |
رد: نقــاش :: طلــعــت النا في السحبــة ( الآل والئلنا ) والتصنــع !!
كلامك سليم وتمام 100 % يا محمود ..
مع انه عنـدي شك انه بعض البنـات لما يحكوا هيك ما بكون قصدهم تصنع أو دلع .. أو يتبرؤا من حرف القـاف .. بس في مجموعـات تانيه فعلا التصنع راكبها ركب .. وهول الي بيقهروا هاي إذا البنـات .. فشو حال الشبـاب ؟! ( يا وردي ) هلأ البنـات الي بيحكوا بهالطريقة بدون ما ينتبهوا انها مياعه .. أو إنهـا مش حلوة بحقهم .. لازم ينتبهوا لهالأمر .. اما الصنف التـاني اللي بيتقمص هالشخصية المايعه تقمص .. فلازم يحسنوا من نفسهم كتير كتير أمور قبل ما يحسنوا هاي الشغله .. لأنه الواحد يركب على حاله شخصيه بالقوة .. دليل ضعف .. بالذات .. وعشان يعوض عنهـا بسلك هيك طرق .. والله يصلح الأحوال .. و على قولة حنين اقتباس:
أصلا من ضمن الأشيا الي بتقهرني بنظامنـا هون بالمنتدى انه كلنـا بنحكي بالعامية بكل المواضيع .. وانا أولكم .. وعشـان هيك عجتني فكرة ابنة الشتـات .. يا ريت تطبق .. وانا أول المساهمين فيهـا لغتنـا لازم نفتخـر فيـهـا .. ونحييـهـا بينـنـا .. مش نبعدهـا عنـنـا أكتر .. الله يصلح الأحوال .. يعطيك العافيه محمود .. وابنة الشـتـات يالا شدي الهمة بالمشروع .. نحن معك بإذن الله واذا ما حدا طبق .. محمود بيعمل برمجة للمنتدى انه كل كلامنـا يتحول للفصحى تلقائيـا خصـوصـي الـ ( ئـ ) ههههههههه |
رد: نقــاش :: طلــعــت النا في السحبــة ( الآل والئلنا ) والتصنــع !!
اقتباس:
بس منيح انك قولت تدلع .. بس يا أخي من حقها تدلع في بيتها .. عند زوجهــا .. مو بين الناس ،، خدش الحياء من خدش الدين .. في النهــاية باخد من كلامك , انو مجرد ( دلع ) ،، وبمــا انو دلع مش لازم يدوم ،، احترامي :s (43): |
رد: نقــاش :: طلــعــت النا في السحبــة ( الآل والئلنا ) والتصنــع !!
اقتباس:
ولا يليق ببنـات المسلمين قال تعـالى : { ولا يخضعن بالقول فيطمع الذي في قلبه مرض وقلن قولاً معروفاً } صدق الله العظيم وهالكلام بينطبق سواء كـان بالحقيقة أو على النـت .. |
رد: نقــاش :: طلــعــت النا في السحبــة ( الآل والئلنا ) والتصنــع !!
أخ محمود شكرا على الرد .. بس في نقطة اهم حابب استفسر عنها .. وهي استغرابي من انو الموضوع مثبت .. مع اتو موضوع بسيط .. ومش مستاهل
التثبيت ، حابب اعرف منك مقياس تثبيت المواضيع هل بعتمد على اهمية الموضوع او اهمية العضو اللي بكتبوا ؟؟؟ بنتظر الاجابة شكرا لئلك |
رد: نقــاش :: طلــعــت النا في السحبــة ( الآل والئلنا ) والتصنــع !!
بتقدر تسأل هيك سؤال في منتدى الاستفسارات والكل رح يجاوبك ..
أو في منتدى الدعم الفني والشكاوي ،، أما هون فيه موضوع اله قضية الها احترامها ولازم ياخد حقو في النقاش بدون تغيير وجهة الموضوع ,, بعتذر عن الإجابـــة ( ولما تحط الموضوع المناسب في المكان المناسب ) بعطيك حقك في الرد أكثر من ما يكون في مكانه .. .. وبكل الأحوال هالموضوع أكيد أهم من موضوع اسمه (( عاقب عضو وفوتو ع السجن !! )) الي بعتبر فقط تضييع للوقت ،، .. لكن رح اجاوبك لأني بدي أجاوبك ومشان الموضوع يمشي بمغزاه .. الفرق بين الناس انو فيه مواضيع منسوخة و فيه مواضيع مكتوبة .. ثاني شي هالقضية مهمة جدا ً ، ولو انها في نظرك مش مستاهلة لكن هالشي بتعلق بنظرتك للأشياء ( نظرتك الخاصة فقط ) وهالشي برجع لشخصيتك .. وبما انك أديت رايك في الموضوع - اترك المجال لغيرك يناقشو هالقضية - وبعتقد انو أهمية الموضوع هيي الي خلتك ترد عليه والا لو ما كان مستاهل لو ما فتت ترد عليه ^_* ،، .. وبهيك بكون خلصت هالنقطة الي زعجتك انو أهمية الموضوع هيي الي بتحدد التثبيت أو لاء .. وهالشي الي بقدره مشرف القسم ^_^ ،، وبما انها قضية تخص الأصالة الي هيي بنظرنا مهمـة جدا ً ،، لهيك بنتثبـــو ، ولو عندك استفسار حطو في محلو لنجاوبك عليه ،، |
رد: نقــاش :: طلــعــت النا في السحبــة ( الآل والئلنا ) والتصنــع !!
حنين الروح ،، أبنة الشتات ،، الفتاة المشرقة ،، ضوء القمر ،،
نورتو ومشاركتكم بتدل ع مدى حرصكم .. وابنة الشتات مبادرة حلوة والله وفعلا ً مشروع ممتاز وانا معكم فيه .. احترامي للجميع .. |
رد: نقــاش :: طلــعــت النا في السحبــة ( الآل والئلنا ) والتصنــع !!
موضوع مهم معك حئ :icon11: // حق بس احياناً الواحد منا مابكون قاصد هـ الشي .. // بقصد البنت طبعاً يعني الكلمة بتطلع عفوية ,, ومابكون الهدف من وراها زي ما بتحكي أما النوع الي انتي بتقصده ,, فامعك حق بكل كلمة |
رد: نقــاش :: طلــعــت النا في السحبــة ( الآل والئلنا ) والتصنــع !!
أخ محمود ...شكرا كتير على الاهتمام والرد .. بس انت خلطت الاوراق ببعض بطريقة غير صحيحة ..
اول شي .. انا كنت بقصد بكلمة .. مش مهم .. انو الموضوع عادي .. يعني مجرد موضوع للمناقشة من الوزن الخفيف ومش قضية شائكة .. متل مناقشة الوضع في فلسطين او الحل الامثل للقضية الفلسطينية .. او ما شابه .. او مش موضوع متجدد متل العاب الكلمات .. واللي بتعتمد على اجابة كل شخص وبناء عليها بتحدد السؤال اللي بعده .. وموضوعي .. اللي انت ذكرته ( عاقب عضو ) كان من هادا المنطلق المتجدد .. عموما .. انا بشوف انو في مشاركات كتير اهم وكانت بتستحق التثبيت .. بس لو كان اصحابها بتمتعوا بصلاحيات ادارية متلك .. ومهمتك كمدير للمنتدى تعطي لهديك المواضيع حقها في الظهور والتقييم والتثبيت.. قبل ما تثبت موضوعك من اول دقيقة .. وشكرا كتير .. عزيزي |
رد: نقــاش :: طلــعــت النا في السحبــة ( الآل والئلنا ) والتصنــع !!
والله يا اخي محمود هوه مش ئصة تصنع او دلع !!
هوه بس الواحد منا بيكتب الكلمة متل ما بيلفظها .. وانا عارفة وما بنكر انو غلط .. وانو المفروض نكتب باللغة العربية ... ودايما الحج لما يكون آعد حدي وبشوف ردودي بيحكيلي اكتبي باللغه العربية الفصحى .. بس انا بلائي لغة الكتابة اللي متعوده احكي فيها اكتبها هيه اسهل .. و هيه بتطلع لحالها بدون اي تفكير .. وما ئصدي والله من كتابتها الدلع او التصنع ... ^.^ الله يعطيك العافية على طرحك لهل موضوع المهم :) |
رد: نقــاش :: طلــعــت النا في السحبــة ( الآل والئلنا ) والتصنــع !!
هههههههههه
صحيح كلامك يا مان وانا برضوا نفس الشي بعاني من الئال والئيل يعني مش عارف كيف البنات خاصه انا نفسي بحد من هده الشغله وتحياتي الك يا مان |
رد: نقــاش :: طلــعــت النا في السحبــة ( الآل والئلنا ) والتصنــع !!
يختي علي انا
^_^ |
رد: نقــاش :: طلــعــت النا في السحبــة ( الآل والئلنا ) والتصنــع !!
كلامك كلو صح 100%
و أكيد كلنا منفتخر بلغتنا ،، و بالنسبة الي ،، قليل لأستعمـل الـئـ بدل القـ بالكتابة بس بالحكي بستعمل الئـ ،، و هاد شي طبيعي لانو كل واحد عندو لهجتو الخاصة فيه ،، و يلي متعود عليها و حتى مش بكل الكلمات بيقدر الواحد يغير القـ بالـئـ ،، يعني على القليلة بالكتابة الواحد يداري شوي :) ،، و الصرآحة انا استفدت كتير من ورا المنتدى ،، خصوصي من ورا المواضيع يلي بتنكتب باللغة العربية الفصحة لاني ما بتعلم اللغة العربية الأصلية بالمستوى العالي يلي ببلادنا بعلموه و لانو من ورا المنتدى ،، صرت أقرأ عربي أكتر بكتير عن ما كنت أقرأ قبل ،، فحسيت انو صار في عندي تغير في كلمات عمري ما كنت أسمعها .. بس عرفتها و حفظتها و صرت أستعملها ،، و أكيد انا مبسوطة بهل شي كتير :) لأنها لغتنا ،، يلي لازم كل مسلم يكون فخور فيها ،، ،، بتشكرك خيي محمود على موضوعك المهم ،، يعطيك الف عافية :) |
رد: نقــاش :: طلــعــت النا في السحبــة ( الآل والئلنا ) والتصنــع !!
معكـ حقـ بكل كلمــة
و لكن انا عن نفسي ما بكتبـ بحرف الظاد ,, الا لأني حاسة انو فعلا بين اهلي وكأني في البيت قاعدة وبتكلم مع اهلي وبعدين في كثير اعظاء بفكــرو انها بياخة مش اكثر بس هو واقعــي الاسري والتراثي , مع اني ما بلفظها بالظاد القوية زي ما بنسمعها في اخواننا في الاردن لا بتكون ظا خفيفة ومايلة للذال !! وبحمد ربي طبعا مليون مررررررة !! لانو في كثير من اهلنا .. حط تحت اهلنا عشر خطوط تغيرو وترقــو وصارو ( يحكو بــ الآلتلا و الآلتلي ) وفتحت عني على وسعهن لما شفتهــم بكتبو كلمة ( عنـــــجد ) هاظا اللي فالقني في الموظوع بحالو بس برجع اذكّــر انو كتابتي بالمنتدى وكتابة كثير اعظاء بترجع للراحة النفسية اللي بنحس فيها في المنتدى وكأننا في الدار قاعدين حتى مش كأننا هو اكيــد !! .. اما عن موظوعكـ تاع الآلؤولاتـ تاعـكـ !! بكرهـ اي حد يقعد يتفلسف قدامي ويقول طريقة كلام مش تابعة الو !! يعني اللي بقصدو تمدن كثير شباب وصبايا في المنتدى مع اني واثقة كل الوثوق انهم على عكس هيك طريقة في الكلام !! موظوعـ ملفتــ و حلو النقاش فيهــ سلمتـ مخيخــاتكـ يمّــاآ ^_* |
رد: نقــاش :: طلــعــت النا في السحبــة ( الآل والئلنا ) والتصنــع !!
موضوع حلو ومهم ^^ أنا مني و علي لهجتي و لهجة كل عيلتي و كل قرايبي بالهمزة يعني "ء" بس مش كل الكلمات في كلمات ما بتطلع معي الا بالقاف و بكره اللي بحكوها بالهمزة اما بالنسبة للكتابه و لا عمري بفكر اكتب بالهمزة!! لانه لغتي العربي بغض النظر عن لهجتي!! وبس :) يسلمو محمود |
رد: نقــاش :: طلــعــت النا في السحبــة ( الآل والئلنا ) والتصنــع !!
امممم
ليك اخ محمود من الممكن صح كلامك بس انا عندي وجهة نزر ناتيه و هيي نحنا ما حذفنا حرف القاف من اللغه بس هيك نحنا بنحكي اما من ناحة الكتابه لما القى او في حاجه انو اكتب بل ق بكتب و لتصحيح معلومه يلي بحكي بلال ما رح يكون بحكي الئران نحنا بنحكي القران عادي و هاد دليل ع انو نحنا ما شلنا الحرف بلمره بنستخدمووو بس في كلمات نحنا ربينا عليها و هيك بتنحكى و لما اكتب كتير من الاحيان بكتب بعفويه يعني ما بنتبه انو الق و الك و الاأ و ممكن هي مو حلوه ع الشب اها صح معك حق >> ق بس انا بلائي انو هاي لهجات بتختلف من منطقهـ لاخرى و ع العموم تسلم ع الموضوع بس لانو معروف عنا نحنا يل فسطنيه انو المدن بحكو بل أ و بعض الفلحيه ب كـ و البعض ب ق يعني ليش ما عترضت ع يلي بحكو بل كـ ؟؟ و متل ما حكيت قبل انو لما اكون بحاجه لانو اكتب حرف ال ق كرمال وضح يلي عم بكتبوو تيفهم عليي يلي قبالي و ما تنفهم غلط متل ما وضحت في حرف ال كـ في كلمة _ قلب _ و كمان القهوه الكهوي الأهوه كل الطرق تؤدي الي روما يعني رح تنفهم لانو نحنا بنكون عارفين كيف بحكي اصلا هاد العضو او الشخص و رح يوصل المعني من معنى الكلام ع العموم تسلم طرح مميز |
رد: نقــاش :: طلــعــت النا في السحبــة ( الآل والئلنا ) والتصنــع !!
معك حق اخي محمود
هو تصنع ودلع بس يعني الواحد ازا بحكي بالأل عنجد على الاقل يكتب بالقاف بس كمان متل ما قالت بلو جيرل الكاف انقلبت عند الفلاحين كاف وقرآن ما بنحكيها الئرآن وما شلنا حرف القاف بالمرة من اللغة العربية ومن حكينا طرح مميز يسلموو ايديك اخي محمود |
رد: نقــاش :: طلــعــت النا في السحبــة ( الآل والئلنا ) والتصنــع !!
امممممممممممم,, القصة مش قصة دلع و لا شي,, بس احنا هان بالمنتدى بنحكي بالعامية ,, يعني لغة البيت ,, و اللي بيحكي فيها كأنو بيحكي صوتا ,, يعني ما أفرقت ,, بس اذا كنا بنحكي عربية فصحة,, و قلبنا الحروف ,, و قتها بنعتب ,, يعني مثلا فوت منتدى خليجي و شوف كيف بيحكو ؟؟ بيحكو بلغتهم,, القاف بتصير جيم ! الجيم بتصير ياء ,, و هكذا ,, بتهيألي قلب الحروف مو هو المشكلة ,, المشكلة استخدام كلمات تانية ما الها بالعربية ,, و دمجها بالعربية,, هاي مشكلة ,, يعني مثلا استخدام بعض الكلمات الانجليزية ,, أوكي ,, يا مان ,, نايس .... و كتيير غيرها,, فأنا برأيي انو هاي الظاهرة انتشرت بسبب استخدام العامية ليس الا,, و لانها من طبيعة البيئة اللي احنا عيشين فيها ,, أنا ما بحكي انو هاد الشي مو غلط,, بس بنفس الوقت احنا اللي فتحنا المجال لانو بنكتب بالعامية ,, مو بالفصحى,, و بعدين عفوا يعني بس في شباب كمان بيحكو هيك :b: يعني هيك رايي ,,:matrix: بتمنى تكون الفكرة وصلت,, تقبلو مروري ,, و شكرا أخ محمود للطرح ,, :s (43): |
رد: نقــاش :: طلــعــت النا في السحبــة ( الآل والئلنا ) والتصنــع !!
اقتباس:
|
رد: نقــاش :: طلــعــت النا في السحبــة ( الآل والئلنا ) والتصنــع !!
حلــو ..
لفتة نظــر حلــوة .. لكــن بنفــس الوقـــت .. انه اللي بيكون يحكي الشي وطبيعته هيـكـ من الطبيعي انه يكتبه متل ما بيحكيه .. يعني لو توسعنا شوي .. ممكن نلاقي كلمات بالعامية بنكتبها احنا هون وهيي الها معنى بالفصحةى .. والمفروض نستخدمها بالفصحة ..!! برضو هـاد دفــن للغـة .. لكـــن المشكلــة بتكـــون لمـا يصيــر مبالغة بالشغلة .. وتكون عشان شي معين .. بالاول وبالاخير .. الصـح انه نحكي بلغة القاف .. لكـــن ما في اعتراض بالدرجة هـاد ازا كـان الشي بس مجرد طبيعة تعودوا عليهـا .. تسلـم محمود على الطرح المتميز .. تقبـل مروري :) |
رد: نقــاش :: طلــعــت النا في السحبــة ( الآل والئلنا ) والتصنــع !!
رح أناقش بمنطلق العامية واللي بتضمن الئال والئلنا
والطرف الاخر اللغة العربية الفصحى أنا اللي بلاحظوو انه أغلب الاعضاء طريقة كلامهم بكافة المواضيع باللغة العامية ....طيب احنا ليش ما سألنا نفسنا انه ليش الاعضاء بستخدمو العامية في ردودهم ؟؟؟ جو المنتدى بزات نفسو هو اللي خلاهم يتكلمو بالعامية رح أعطيك مثال مرة عضو سجل بالمنتدى وكانت كل ردوده عربية فصحى بعد أكمن يوم الزلمة صار يحكي بالعامية !!!وكمان أنا من أول ما سجلت بالمنتدى نفس الشي كانت أغلب ردودي عربية فصحى وتلقائيا صرت ألاحظ اني كتير صرت أستخدم العامية بالاضافة انه موااضيع المنتدى بتلعب دور كبير في طريقة الرد يعني مش منطق موضوع كلو مسخرة وضحك أروح أرد عليه بالعربية الفصحى وللأسف الاعضاء أغلب توجهم لهيك مواضيع والامر من هيك انه هادي المواضيع غزت المنتدى ونسيوا المواضيع الهامة والقيمة واللي بتخص القضية الفلسطينية بل والشريعة الحياة.....!! بنلاحظ انو موضوع أبدا مش مستاهل تافه يعني... !!بتحصل عدد الصفحات من كتر ما الاعضاء بردو عليه تجاوزت العشر صفحات بينما موضوع قيم والهدف الاساسي منه الثقافة العامة يا دوب 2_3 يردو عليه فطبيعي يكون لجوء الاعضاء للعامية ولما عضو جديد يسجل في المنتدى بحكي خلص هيهم بحكو بالعامية خليني أدلع عليهم.... فجو المنتدى أعطاهم حافز أساسي للتمادي بعض الشيء ...... ثانيا :_ انه في أعضاء ما بتقنوا اللغة العربية الفصحى لانه الفصحى مش سهلة بدها اتقان وبدها مصطلحات قوية وبلاقي اسهل الو يستخدم العامية بس نسيو نقطة مهمة انه احنا انفسنا لو بدنا نمي لغتنا العربية الفصحى الشغلة بتبذر منا احنا ولو حاولنا أكتر من جهدنا ساعيتها عربيتنا بتطور للتي هي أحسن بس الاعضاء ما عندهم هاد التفكير لهيك بنلاحظ الساحات الفلسطينية ابدا ما فيها اقبال والمواضيع الثقافية حتى ساحة الشريعة و الحياة مهجورة يعني هون السبب شو يا ترى؟! انه الاعضاء داخلين بمنطلق التسلية وليس للاستفادة والفائدة (طبعا مش الكل) ثالثا:_ في اعضاء لما يستخدمو العامية بزودوها كتيير وبخص بالذكر البنات يعني أول تسجيلي بالمنتدى كلمة انصدمت من خلال كتابتها الي هي( تيب) للترجمة بمعنى ( طيب )بطل حرف الطاء موجود في الكيبورد !!! يعني مش لهدرجة النعومة والدلع وكل ما اشوف حدا كاتبها بجد بفرط ع حالي من الضحك بحسها نكتة والغريب في الامر وفي الفترة هادي بالزات الشباب نفسهم صاروا ينعمو بحالهم !! وين الرجولة رااحت ؟؟!! والبنت لازم تكون ع قد حالها تكون رااكزة بكلامها !!؟؟ رابعا:_ بالنسبة لاقتراح ابنة الشتات كتير عجبني نعمل برنامج لتنمية العربية الفصحى عنا وانا رح أكون من أول المساهمين في هادي الفكرة متل ما أثرت علينا العامية بالاول وصارت أغلب ردودنا بالعامية وتركنا الفصحى لازم احنا واللي بتقن الفصحى نعمل تأثير عليهم و كل واحد يبدأ بمعالجة نفسوا .... أنا مني وعليّ أبدا ما تخليت عن العربية الفصحى الموضوع القيم والمميز هو فقط من يستحق انه الرد يكون عليه بالفصحى ..... وشكراااا ع الموضوع تقبل مروري^^ |
رد: نقــاش :: طلــعــت النا في السحبــة ( الآل والئلنا ) والتصنــع !!
مبدرة حلوة منك ومعك حق بس اليوم بنات دلع عاميهن وهبل كمان يعني صور حزن * حزن واكتئاب وما بعجبهن عجب ولا صيام برجب تزعلوش صبايا هاي حقيقة فيكن اصلا انسينى دينا وغرب عامينى يسلمو خيو محمود |
رد: نقــاش :: طلــعــت النا في السحبــة ( الآل والئلنا ) والتصنــع !!
والله تسلم فعلا يا محمود على اثارتك للموضوع دة لانة فعلا بغاية الاهمية
انا لاحظت كتير هنا اعضاء او بالاخص عضوات بدون ذكر اسماء بيتعمدوا الكتابة بطريقة الال والئلنا على رايك وما ادرى اية يعنى وجهة نظرهم فى كدة هل هو نوع من الاستظراف وخفة الدم ولا الدلع المصطنع احنا حقيقى فى مصر كل كلامنا بننطقة كدة وانا عن نفسى حرف القاف ضايع عندى بس فى كتاباتى با راعى انها تكون كتابة صحيحة وطبقا للغتنا العربية وبغض النظر عن لهجتى او طريقة كلامى وربنا يرحمنا من افعال السفهاء منا كل الاحترام محمود |
رد: نقــاش :: طلــعــت النا في السحبــة ( الآل والئلنا ) والتصنــع !!
نقــاشك أخي مميز بالنسبة الي قبل ما ادخل منتدى شباب فلسطين كنت ما ارد ع المنتديات الا بالفصحى بصراحة كنت احس انها بتعمل حاجز اتقيل بين الاعضاء احيانا ومش دائما .. بس من ناحية تانية لغتي كانت اقوى .. وكنت استفيد بس شو ما صار ما بتوصل انو اعبر بـ ئـ ,, بالحكي العادي بلفظها ئـ اما كتابة مو زابطة ..! بتقلل من قيمة الكلام .. وبتعب القارئ ,, لأنو بدو يتهجى .. ( بتصير معي كتير ) شكرا الك محمود جزيت خيرا ... |
رد: نقــاش :: طلــعــت النا في السحبــة ( الآل والئلنا ) والتصنــع !!
أنين ،،
يسلمو لمرورك يا حئ ،، .... هلا الأماني الفلسطينية ،، عفكرة انا بحكي بشكل عام وما خصصت ،، ومش الكل بتصنع لاني وضحت كلامي فوق عن فئة معينة ،، عارضت كتاباتكم ، وانتقدت الي بتصنعو .. أما ،، احنا بنحكي في العامية بس ما حذفنا حروف من اللغــة ^_^ بتختلف اللهجة العامية عن الكتابة بالعامية ،، لأنو اللهجــة اسلوب اما الكتابة تعبير ووصف .. وعفكرة كتابة حرف القاف أسهل ،، لأنو حرف ع الكيبورد ،، لكن كل حروف الهمزة بدها ( شفت + زر ثاني ) ،، وعلى الأقل العامية أقرب للعربية الفصحــة ،، .. الصمت رفيق الصحراء ،، نورت يا بركة ،، .. اسراء الفلسطينية ،، ^_^ كثير حلو الكلام الي بتقوليه والحمد لله ,, كلامك ببسط والله يرفع من شانك ., ... صدى الصمت حلوة الـ ( الآلؤولاتـ ) بالعافية لهجيتها ،، هههههههههه يا صدى الصمت اكرهيهم كلهم .. يعطيك العافية ،، |
رد: نقــاش :: طلــعــت النا في السحبــة ( الآل والئلنا ) والتصنــع !!
صاحبــة القلم الحزين ،،
أيوة هي الكلام الي بنحكى ^_^ والله يسلمك ويوفقك يا رب ،، |
رد: نقــاش :: طلــعــت النا في السحبــة ( الآل والئلنا ) والتصنــع !!
باختصار يا بلو جيرل ،،
( الي بحكي قرآن وما بلفظها ئرآن ) بقدر يحكي كل شي بالقاف ،، وزي ما قولت أعتقد أسهل بالكتابة ،، وبما انك ما بفهمتي كلامي ،، لانو انا مش معارض ع اللهجة زي ما انتي بتفكري ,, انا معارض عن اسلوب كتابة اللهجة ×( الكتابة بس )× |
رد: نقــاش :: طلــعــت النا في السحبــة ( الآل والئلنا ) والتصنــع !!
فلسطينية والراس مرفوع 100% ،،
كمان انا بشدد ع كلامك وبوافقك في الررآي فيه ،، كل احترامي لك .. |
رد: نقــاش :: طلــعــت النا في السحبــة ( الآل والئلنا ) والتصنــع !!
انا ضد انو الانسان يغير لهجتو ولا لسبب من الاسباب
وانو كل انسان لازم يعتز باصلو ويكون واثق من نفسه شكرا عالموضوع |
رد: نقــاش :: طلــعــت النا في السحبــة ( الآل والئلنا ) والتصنــع !!
:icon9:
|
رد: نقــاش :: طلــعــت النا في السحبــة ( الآل والئلنا ) والتصنــع !!
السلام عليكم... بس اول شي بدي علق ع نفس يلي علقة عليه نسمة بلادي الا وهي كلمت طيب الي تحولت بقدرة قادر لتيب هههههههههههههههههههههه أنا كمان انصدمت فيها :b: واتني شي بدي أحكيه وهو الأهم شكرا كتير لكل الي أيدو مشروع احياء اللغة العربية وفعلا انا جدية فيه بس هلأ ما فيني بلش لأنو شي شهر زمان ورح اسافر شهرين زمن:wacko: وحابة انو لما ابلش اكمل وقبل هاي المدرة رح اكون معجوقة شوي :icon5: بس على الأقل فينا نبلش هيك عشوائيا انو نبدى نرد بالفصحى ع المواضيع الجدي منها على الاقل لحد ما يبلش المشروع بشكل فعلي :icon9: كان المفروض أرد بالفصحى هون^_^ |
رد: نقــاش :: طلــعــت النا في السحبــة ( الآل والئلنا ) والتصنــع !!
م م م م
تمام صديقي العزيز و انا معاك في الي حكيتو بس ما بعرف ليش الناس و بالذات كتير البنات حكيهم بكون هيك مشان يعملوا حالهم اتيكيت بس الله يهديهم و يحكوا طبيعي |
رد: نقــاش :: طلــعــت النا في السحبــة ( الآل والئلنا ) والتصنــع !!
الصراحة انا بخالفك يا محمود
الشخص مو ادا بحكي بالآل والئيل مو يعني راقي او انو بتصنع هادا الشي بطبيعتو حسب المجتمع اللي هو في بعدين في بعض الكمات اللي انت كاتبها ما حدا بيحكيها من الال والئيل متل الئرئان وليش علقت ع الئيل والال وما علقت ع الكاف والجاف في سبب محدد ؟؟ مع كل احترامي الك بس هادي وجهة نظري |
رد: نقــاش :: طلــعــت النا في السحبــة ( الآل والئلنا ) والتصنــع !!
اقتباس:
بس لانو هادي لغة من اللغات العربية المحرفة متل الكاف في ئال بعدين هادي اللغة النابلسية يا حلوين مش انو انا مع او ضد بس انو ليش هادي اللغة بالذات صح في ناس بتصنعو وما بحكو بطبيعتهم بس في ناس همة هيك اهلهم كانو بيحكو هيك والمجتمع حوليهم هيك فصارو يحكو هيك مع احتلرامي لوجهات نظر الجميع |
رد: نقــاش :: طلــعــت النا في السحبــة ( الآل والئلنا ) والتصنــع !!
ممكن لكن ما في احلى من اللغة العربية الفصحى
|
| الساعة الآن 01:07 AM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas