| صفحة 1 من 4 | 1 | 2 | 3 | > | الصفحة الأخيرة » |
|
|
.•°• ][ الجولة الثانية من‘‘ لآلئ الجنـان‘‘ تلاوة للقرآن + شغل جمـاعي ][.•°•
http://rooosana.ps/Down.php?d=zRu2 بسم الله الرحمن الرحيم هـون الموضوع الأصلى لشرح مشروع لآلئ لكل الي ما تابعونـا من الأول .. كيفكن يا لآلئ .. بداية بحب أوجه أغلى تحية حب وتقدير لكل البنات الي تابعوا معنـا المشروع فعلا طلعتوا لآلئ .. وجواهر .. مكنونة .. اليـوم رح نبدا جولة جديدة من مشروعنــا .. والحمدلله كلنـا أنهيـنـا تلاوة جزء من القرآن بالعشرة ايام الي مروا .. الله يتقبل مننـا جميـعـاً .. كـان المفروض انه نزيد ورد .. على تلاوة القرآن .. لكن قلنـا بما انه فترة امتحانـات .. خليـنـا هلأ ع تلاوة القرآن وبس نخلص كلنا امتحانـات .. بنزيد ع تلاوة القرآن .. لكن هالمرة عنـا تحضير جمـاعي .. لذكرى النكبة .. نحضر موضوع بإسم لآلئ كلنـا سوا ! بداية قبل ما نحكي ع تحضير موضوع " ذكرى النكبة " رح نزّل برنامج تلاوة القرآن للجولة التانيه .. البرنامج :: 2 5 :: 23 - 24 3 5 :: 25 - 26 4 5 :: 27 - 28 5 5 :: 29 - 30 6 5 :: 31 - 32 7 5 :: 33 - 34 8 5 :: 35 - 36 9 5 :: 37 - 38 105 :: 39 - 40 115 :: 41 - 42 والله يتقبل سلف يا رب // .. نبدا بالنسبة للتحضير لذكرى النكبة .. الافكار كلها الي رح نحضرها سوا رح تنزل بإسم المجموعة تاعتنـا بموضوع واحد بإذن الله .. على فقرات .. في عدة أفكـار .. رح نشتغل عليها .. هون من هون لعشر ايام لازم تكون كل الأفكار مكتملة ومش ناقص الا التنفيذ .. عشان ينزل الموضوع بيوم ذكرى النكبة .. في أفكـار موجودة ما عليـنـا الا انه نزبطها سوا .. والي بعد عندهـا افكـار تانيه تنضاف تقولنـا ياها .. عشان نشتغل عليها سوا .. ! الأفكـار المحتاجة لعمل للعمل والتحضير .. 1 - موضوع اساسي يتلكم عن المناسبة .. على مبدأ خير الكلام ما قل ودل .. ( وعدتنا ابنة الشتات تتكفل فيه ) = يعني مشي حاله بإذن الله 2 - بدنا شعر صغير جدا ً .. من وحي المناسبة 3 - تحضير كم واجب عملي عليـنـا كأفراد تجاه قضيتنا .. كل اللي عندها فكرة .. بتشوف انها ممكن نخدم فيها قضيتنا تكتب هون وبنجمعهم أخر شي .. 4 - انا حضرت رنـات موبايل فلسطينية .. شي 15 مقطع ،، مش ناقص الا أرفعهم .. الي بتحس عندها رنـات فلسطينية .. مقاطع كمـان تبقى تحطلي ياهم هون لاضيفهم للمجموعه .. 5 - بدنا البنـات الي بتعرف تصمم .. كل وحدة تعمل تصميم من وحي المناسبة .. يعني بدنـا شي 3 تصاميم .. 6 - على باقي البنـات الي ما بيعرفو يصممو .. يكتبوا النـا هون شعارات عن ذكرى النكبة .. وعن العودة عشان المصممـات يختــاروا أجملها ويستعملوهـا على التصاميم .. أو ممكن نستمعلها بشي تـاني بالموضوع ! 7 - فقرة " إحيـاء ذكرى النكبة حول العالم " كل بنت صار عندهم بالبلد الي هي فيهـا .. نشاط لإحياء ذكرى النكبة تجيب النا صور او معلومـات .. أو ممكن تفتشو على النت .. عن نشاط البلدان والجاليات الفلسطينية بذكرى النكبة // هــاي الفقـرات الي هلأ جاهزة .. الي عندهـا أكفـار تانيه ممكن تجمل موضوع الذكرى .. تكتبها هون .. عشـان نشتغل عليها سوا .. وما تنسوا الطلبـات اللي فوق عشـان .. بعد 10 أيام الأفكـار حاضرة مش ناقصة الا التنفيذ ! بانتـظـار أفكاركن .. وأرائكن .. وشغلكن وجهودكن يا صبايا ومن بكرا بيكون متابعتنـــــا لبرنامج التلاوة بإذن الله :s (43)::s (43): http://rooosana.ps/Down.php?d=lvnJ |
رد: .•°• ][ الجولة الثانية من‘‘ لآلئ الجنـان‘‘ تلاوة للقرآن + شغل جمـاعي ][.•°•
انا متل ما بتعرفي حأساعد بالفقرة السابعة ..
و اذا شفت اني بقدر اساعد بالاشياء التانية ما رح أقصر بس بدنا همتكن يا بنـــااات .. عشــان يصير موضوع حلو و مميز من أحلى لآلــئ :icon26: .. و ان شاء الله كمان مكفيين ببرنامج التلاوة :) الله يقدرنا ع فعل الخير يا رب .. نـانـا حبيبتي .. يعطيكي الف الف عافية الله يجزيكي كل خير :icon26::icon26: |
رد: .•°• ][ الجولة الثانية من‘‘ لآلئ الجنـان‘‘ تلاوة للقرآن + شغل جمـاعي ][.•°•
حبيبــة قلبـي ننــوش يعطيكـي الـف عافيـة يـا رب ان شـاء اللــه كـل وحـدة فينـا بكـون الهـا نشاطهـا ودورهـا بالموضـوع ونقــدر نعمــل موضــوع حلــو وكـامل متكــامل ..! تسلميلنــا يــا رب .. واللــه يجـازيكي الـف خيـر يــا رب :icon26: |
رد: .•°• ][ الجولة الثانية من‘‘ لآلئ الجنـان‘‘ تلاوة للقرآن + شغل جمـاعي ][.•°•
تسلميلي سوستي ..
مـاشي حبيبتي .. الله يفتح عليك ِ وعليـنـا .. |
رد: .•°• ][ الجولة الثانية من‘‘ لآلئ الجنـان‘‘ تلاوة للقرآن + شغل جمـاعي ][.•°•
بينك روز .. آمين الله يسمع منك ..
حبيبة قلبي نورتي يا غاليه والله |
رد: .•°• ][ الجولة الثانية من‘‘ لآلئ الجنـان‘‘ تلاوة للقرآن + شغل جمـاعي ][.•°•
طيب يا صبايا ... الشغل فوق بفكر انه نقسمه على مجموعـات ..
يعني كل وحده تدخل تشوف بشو بتقدر تســــاعد وتقول انا بساعد بهالعمل . وعلى هيك بنصير مجموعـات والشغل أرتب ! .. هلأ بدنا مجموعه .. لـ 1 - مجموعه لتجميـع أفكـار واجبة عليـنـا كأفراد بتخدم قضيتنـا 2 - مجموعه لتأليف شعارات .. عشان التصاميم الي بدنا نعملهـا .. 3 - مجموعه تجيب إلنـا من النت .. فعاليات الجاليـات الفلسطينية .. في احياء ذكرى النكبة للي .. ما صار عندهم إحياء في البلد الي همي فيها وقدرو يجيبوا النا صور بنفسهم .. وباقي النقـاط بنشتغل عليها كلنـا .. بس حاليـا بدنا كل وحده تشوف بأي شي ممكن تساعد لنقدر نكون المجموعـات |
رد: .•°• ][ الجولة الثانية من‘‘ لآلئ الجنـان‘‘ تلاوة للقرآن + شغل جمـاعي ][.•°•
انا بدي تكسييير رااااس
اولا لانو ما قدرت اقرا القران الي كان قبل بس رح اقراو كلو بيوم واحد وان شاء الله بمشي معكم وان شاء الله رح حاول ساعدكم بالشغل الجماعي بس رح اطر اجيب من النت لانو هون ما في عنا احتفالات بس رح احاول ^^ واعذروني وعاقبوني ع تقصيري |
رد: .•°• ][ الجولة الثانية من‘‘ لآلئ الجنـان‘‘ تلاوة للقرآن + شغل جمـاعي ][.•°•
انا رح اساعد بهـاي بأذن الله 3 - مجموعه تجيب إلنـا من النت .. فعاليات الجاليـات الفلسطينية .. في احياء ذكرى النكبة للي .. ما صار عندهم وان شاء الله بقدر اساعد بالباقي كمان :) .. |
رد: .•°• ][ الجولة الثانية من‘‘ لآلئ الجنـان‘‘ تلاوة للقرآن + شغل جمـاعي ][.•°•
حلو كتييييييييييييييييير .... ياريت تضموني لمجموعة تلاوة القرآن لأنو معلمتنا الله يهديها حصة القرآن الوحيدة إلي عنا ياها بالدوام بالاسبوع ما بتعطينا ياها وبتخلينا نقرأ يمكن مرة بالشهر ... والواحد منا هالإيام ما عاد يفرق بين الساعة والشهر لأنو كلو واحد ....
اما بالنسبة لاحياء ذكرى النكبة فمابعرف بالزبط بشو بقدر ساعد هلأ حتى قرأت الموضوع ... بشوف شو بيصير معي من هلأ لبكرا ... |
رد: .•°• ][ الجولة الثانية من‘‘ لآلئ الجنـان‘‘ تلاوة للقرآن + شغل جمـاعي ][.•°•
3 - مجموعه تجيب إلنـا من النت .. فعاليات الجاليـات الفلسطينية .. في احياء ذكرى النكبة للي .. ما صار عندهم
وانا رح احاول اساعد بهاي ^^ |
رد: .•°• ][ الجولة الثانية من‘‘ لآلئ الجنـان‘‘ تلاوة للقرآن + شغل جمـاعي ][.•°•
تسلميلي يا ناانا ما اروع افكارك
رح احاول اساعد قد ما بقدر بالاول رح اجبلك كم مقطع للموبايل وتاني اشي الشعر عم بدور عن شعر مرتب ان شا الله الاقيه وباقي النقاط رح احاول اعمل منها وبعتزر عن تأخيري الاسبوع الماضي بس انتي عارفة الزمن ! :( دعواتــكم :s (43): |
رد: .•°• ][ الجولة الثانية من‘‘ لآلئ الجنـان‘‘ تلاوة للقرآن + شغل جمـاعي ][.•°•
تسلمييلي نانتـــي.:icon26:.
بجد بحب أشكركـ على تعبكـ وجهودكـ الرائـــع.. في ميزان حسناتكـ حبيبتي...:icon26: الله يجزيكي ألف خير.. والله يحفظكـ...ما شا الله عليكيييييي... <<<<<<<<حاسة حالي بحكي زي العجايز!!:b: ههههههههههههه كووووووووووووول.. تسلميليييييي انا رح اشاركـ طبعااااا بس مش عارفة شو اختار من بين النقاط....رح حاول اد مافيي.. بس فترة امتحانااااااااااااااااااااات عنااااااااا:icon5::icon5: كووووووووووووووووووووول.. تسلميليييييييييييي...:icon26: أحلــــى لآلئ.........والله بحبكـــــــــــــــــم..:icon5::ico n26: :s (43)::icon26::s (43): |
رد: .•°• ][ الجولة الثانية من‘‘ لآلئ الجنـان‘‘ تلاوة للقرآن + شغل جمـاعي ][.•°•
شكلنا كلنا رح نروح نجيب من النت عن الفعاليات
احنا ما صار عنا شي وبدور على شعارات بس مو لاقيه شعاراتهم مو حلوه او ما بتمس القلب يعني كلام جامد رح ادور واجيبلكم ياه باختصار لانه مكتوب كلام كتير وانشالله نخلص ويطلع مشروع حلو لانه يد الله مع الجماعه |
رد: .•°• ][ الجولة الثانية من‘‘ لآلئ الجنـان‘‘ تلاوة للقرآن + شغل جمـاعي ][.•°•
اول شي عنا بالسويد طبعا بحضروا عن كثب للذكرى وبشترك فيها الروابط الفلسطينيه فيها
ومنها: رابطة استكهولم ورابطة نورشوبنج ورابطة سودرتاليا والجمعية الفلسطينية للدفاع عن حق العودة (اوبسالا) طبعا هاد مو بس همه ما ذكروا اكتر من هيك اما الدينمارك فعاملين شي حلو هي الخيمه الي فاتحينها http://files.shabab.ps/vb/images_cas...051019XTLv.jpg بهادي الخيمه فاتحين متل معرض للتورات الفلسطيني اه هو بالعاصمه وبوزعوا في منشورات و كتب من إصدار المنتدى الفلسطيني في الدنمارك تطالب بمساندة حق الفلسطينيين في العودة إلى أرضهم. اما الفعاليات فرح تكون كالتالي عرض لبعض الفعاليات المتوقعة في مدينة أرهوس: · 1 أيار حوار حول الذكرى الستون للنكبة ، معلومات وصور وموسيقى وخيمة تضامن. · 5 أيار مايو ندوة حول استخدام اسرائيل للتعذيب عند الساعة السابعة والنصف مساءا بمشاركة سوس نيلسن منسقة الشرق الاوسط في مركز اعادة تأهيل ضحايا التعذيب في U-huset Klosterport 4 c , 3 sal · 14 أيار ندوة تحت عنوان " 60 عاما على النكبة وامكانية الحل السلمي" U-huset Klosterport 4 c , 3 sal · الساعة السابعة والنصف بمشاركة عدد من الاخصائيين والمحاضرين ومناقشة مؤتمر أنابوليس. · 15 أيار يوم النكبة الفلسطينية، مظاهرة عند الساعة الخامسة مساءا في Stor Torv وسط آرهوس. اما شعارهم: "ستون عاما وللعوده اقرب" |
رد: .•°• ][ الجولة الثانية من‘‘ لآلئ الجنـان‘‘ تلاوة للقرآن + شغل جمـاعي ][.•°•
بالنروج
اول شي اتفقوا على عده اشياء اول شي انه العمل الجماعي هو مقدمه للنجاح والاستمراريه وكان الاجتماع يوم 19 ابريل في مدينه لارفك وحضر معهم شاكر الجياب مندوب عن السفاره الفلسطينيه هناك ووزع عليهم بعض المواد الاعلاميه بالمناسبه اه قبل ما يوزع عليهم القى كلمه واتفقوا على التالي: اولا: تاسيس مكتب تنفيذي للفعاليات الفلسطينيه ليضم كافه الفعاليات بالنروج على اساس العمل اللامركزي ثانيا: ابدت الجاليه الفلسطينيه ومقرها اوسلو استعدادها لاستضافه اللقاء التاني للمكتب التنفيدي والاعلان عن كافه التفاصيل الفنيه ثالثا: تؤكد الفعاليات الفلسطينيه دعمها الكامل وتايدها الغير مشروط بشرعيه الهيئه الاداريه للجاليه الفلسطينيه وبتعلن انه الجاليه القديمه في النروج وهيئتها الاداريه بما معناه انه ما الها اي عمل واي شي بصدر عنها ما اله علاقه بالفعاليات رابعا: تجدد الجاليه الجديده دعوتها الحازمه على دعوه رئيس الجاليه القديمه خامسا: يطالب المكتب التنفيذي كل فلسطيني على ارض النروج بالتواصل مع هيئتها الشرعيه والتعاون الكامل سادسا: قرروا انه احياء ذكرى النكبه الي بصادف 15 ايار بس ما رح يحيوها بهاد اليوم رح يحيوها 24 ايار ويكون بكافه المدن النروجيه وكمان رح يكون في تنسيق كامل بينهم وبين جميع الفعاليات بالمدن ليكون احياء الدكرى ناجح بالكامل سابعا: بدعوا المؤتمرون كافه اطراف الوطن الي تحكيم العقل ولغه الحوار والجلوس الي طاوله واحده واعاده فتح البيت الفلسطيني على اسس سليمه وتجاوز المرحله الدقيقه التي يمر بها شعبنا في فلسطين. بس ما قدرت اجيب صور لانه حقوقهم محفوضه للموقع وكمان الحكي محفوض بس نقلته من موقع الجاليه الفلسطينيه في النروج بس لليوم وان شاء الله وبكره برجع لانه اليوم تعبت وعيوني بوجعوني من كتر ما بكيت اليوم بنات ادعولي اشتقت لماما كتير حاسه حالي عمري 3 سنين واخدوني من حضنها الله لا يدوق هاد الاحساس لحد وشوي بصيرلي سنه ما شفتها |
رد: .•°• ][ الجولة الثانية من‘‘ لآلئ الجنـان‘‘ تلاوة للقرآن + شغل جمـاعي ][.•°•
تم الحمد لله ص23+24
وانا حابب اشارك والله يوفقنا ويوفقكن يارب |
رد: .•°• ][ الجولة الثانية من‘‘ لآلئ الجنـان‘‘ تلاوة للقرآن + شغل جمـاعي ][.•°•
يـا كـوكباً لأنين القلبِ يَسْتَـمِعُ *** قفْ صوب حيفا وقل أنَّى سنجتمعُ
بـلَّغْ حنيناً إلى النسناسِ إنَّ بهِ *** ذكرى حبيبٍ رماهُ الدهرُ والقَطَعُ اولا هذا شعار لمن يريد عمل تصميم فلسطين حكاية لم تنتهي .... لا أدري هل هي قصه أم حكاية ولا أدري قد تكون رواية حتى أنني لا اعرف ما هي البداية ومتى سوف تكون النهاية أنني اتكلم عن حكاية فلسطين لقد بدأت من عشرات السنين ما اعرفه انه رحل احتلال وجاء احتلال وشعبنا صامد ينتظر الاستقلال كل يوم يموت شهيد طفل وشيخ وحفيد والجوع كل يوم يزيد والفقر أصبح شديد وشعبنا يعيش وحيد الجميع مشغولون بالفرح والعيد رحل ياسين وياسر شعبنا لم يكن أبدا خاسر قطعوا الكهرباء حرموه من الماء ولكن هناك رب بالسماء يثبتهم لعدم الإنحاء يعلمون أن يوم النصر قريب سوف يُفك فيه اسَر الحبيب ويرحل عن أرضهم الحيوان الغريب سوف يأتي نهار ويزال ذلك الجدار والجميع سوف يعود للبيت والدار سوف تعود فلسطين كما كانت والجميع سوف ينسى كيف عانت وروح الشهداء وقتها ستكون قد هانت وساعة عودتنا تكون قد حانت والورود والأزهار تكون تفتحت و بانت سوف تزال من عيون الامهات الدموع سوف تضأ للفرح الشموع الجميع سوف يسمع ندائي سياسي ولاجئ و فدائي لنغني سويا نشيد بلادي كمان هذا على شكل شعر بتقدروا تستفيدو منو في البرنامج منقول |
رد: .•°• ][ الجولة الثانية من‘‘ لآلئ الجنـان‘‘ تلاوة للقرآن + شغل جمـاعي ][.•°•
بالنسبة للتلاوة مستمرين باذن الله
أما موضوع النكبة ... تعرفي ناناتي انا كنت داخة النت لحتى ابحث ع موضوع عن النكبة لاني محتاجة موضوع لانو بدنا نعمل حفل احياء بمناسبة النكبة وانا بدي ألقي كلمة ... فقررت اني انا أكتب موضوع وانظمو ..... وانا خلوني بتأليف الشعارات ورح كمان أبحث عن قصيدة في النت أو يمكن انا أألفها ان شاء الله كل هاد بنظمو وبتعطوني رأيكم فيه الموضوع الي رح أكتبه مش بالضروري تحطوه لانو انا بدي أكتبه لحتى القي في الحفل وان شاء الله كمان بستفيد منكم... والله يوفقنا لما يحبه ويرضاه |
رد: .•°• ][ الجولة الثانية من‘‘ لآلئ الجنـان‘‘ تلاوة للقرآن + شغل جمـاعي ][.•°•
نسيم الروح +الفتاة المشرقة
مواضيعكم حلوووووة الله يعطيكم الف عافية |
رد: .•°• ][ الجولة الثانية من‘‘ لآلئ الجنـان‘‘ تلاوة للقرآن + شغل جمـاعي ][.•°•
مشكوره نسمه بلادي
|
رد: .•°• ][ الجولة الثانية من‘‘ لآلئ الجنـان‘‘ تلاوة للقرآن + شغل جمـاعي ][.•°•
الله يعطيكم الف عافية .. نانا .. انا ان شاء الله بساعدكم ضمن المجموعة التالتة ... وحسب وقتي .. بما انو امتحاناتنا النهائية قربت ... ان شاء الله رح احاول قد ما اقدر إني اساعد بباقي الأفكار .. الله يقدرني على مشاركتكم بهالمشروع الرائع .. والله يجزيكم الخير يا أحلى صبايا ...:s (43)::icon26: ^.^ .. |
رد: .•°• ][ الجولة الثانية من‘‘ لآلئ الجنـان‘‘ تلاوة للقرآن + شغل جمـاعي ][.•°•
http://files.shabab.ps/vb/images_cas...090104CjQg.jpg
إنني الهائمة في حب موطنــــــــي رغم أني ما عرفته يوما في مبعــــــدي بيد أنني حالمة بعودتـــــــي ومهما حاولوا إقصائـــــي وبالتعويض ( المدّعى ) إسكاتي !! فإنني لن أنحنــي * * * وقولوا للعالم وأسمعوهم الأنين أسمعوهم الحقيقة وقولوا لهم لم يكن هروبا أو تفريطا بل كانت مؤامرةً بها أحاطونــا!! ثم أوهمونــا ...؟! فسلاحنا جردونــا ؟؟!... بقرارِ جامعةٍ عربيةٍِ لعينـا ؟؟! قراراً كان مشؤومـــا في ظلِ اجتياحٍ واغتصابٍ لأعراضِنا وتنكيلا ؟! قولوا لهم بأن المجازرَ والتنكيل َ يُمكن أن تهونَ لكنها الأعراضُ والكراماتُ التي لا تهونَ !!!!! أوهمونا أنها خمسة عشر يوماً ولن تطولا ؟؟ لكنها باتت ستة عقودا ؟؟! *** فأنا إن نسيتُ لحظةً غُربتي وحبَ موطني فإن الحنين بين أضلعي وفكري الذي حار معي لن يتوانا أن يذكرني بما أنساني !!!! قصيدة منقولة |
رد: .•°• ][ الجولة الثانية من‘‘ لآلئ الجنـان‘‘ تلاوة للقرآن + شغل جمـاعي ][.•°•
وهي كمان قصيدة منقولة
/ / سنعود وربي سنعود في يوم الحسم الموعود سنعود نزلزل اعداء ونفجر فيهم بارود وسنلقي شعلا من نار لنمزق جمع الطاغوت ساعود ليفرح اولادى وازيل جدارا وسدود فالحق يعود لاصحابه وعد القران المشهود فطريق العزة يجمعنا والعزم الهادر يزرعنا شوكا فى حلق الطغيان لنريهم انا سنعود سنعود وربي سنعود |
رد: .•°• ][ الجولة الثانية من‘‘ لآلئ الجنـان‘‘ تلاوة للقرآن + شغل جمـاعي ][.•°•
الموضوع تاع الصور عن النكبة كان في بس 4 صور و الباقي
اناضفتهم للموضوع نفسو لحتى يكون أفضل أشمل بنفس الوقت ازا بدكم كمان صور بدور وبجيب ؟؟؟ |
رد: .•°• ][ الجولة الثانية من‘‘ لآلئ الجنـان‘‘ تلاوة للقرآن + شغل جمـاعي ][.•°•
انا كمان راح اشارك حسب مااقدر
لأنو داخلين فامتحانات هادا تصميم انا كنت عملته من فترة هو مو كتير معبر بس لو فضيت راح ساهم باذن الله http://rooosana.ps/Down.php?d=iC0q |
رد: .•°• ][ الجولة الثانية من‘‘ لآلئ الجنـان‘‘ تلاوة للقرآن + شغل جمـاعي ][.•°•
اقتباس:
عشان تحسي بالمتعه :icon7: وناطرين شغلك يا عسل بدنا نشوفك دايما هون :s (43): |
رد: .•°• ][ الجولة الثانية من‘‘ لآلئ الجنـان‘‘ تلاوة للقرآن + شغل جمـاعي ][.•°•
اقتباس:
الله يفتح عليكي :s (43): |
رد: .•°• ][ الجولة الثانية من‘‘ لآلئ الجنـان‘‘ تلاوة للقرآن + شغل جمـاعي ][.•°•
اقتباس:
خلص اعتبري حالك معنـا ... بس لحقي الجزء الأول .. عشان تكوني معنـا بالتلاوة .. لأنه نحن دخلنا بالجزء التانـي ... بانتظارك .. وحطي توقيع لآلئ بتوقيعك .. :s (43): نورتي يا قمر // ضو القمر .. ماشي حبيبتي .. بانتظارك |
رد: .•°• ][ الجولة الثانية من‘‘ لآلئ الجنـان‘‘ تلاوة للقرآن + شغل جمـاعي ][.•°•
ريحاانة القلب
تسلميلي يا غاليـــة .. بانتــظارك .. إذا ما لقيتي الشعر .. أظن هلأ جابت نسمة قصيدتين ممكن يوفو بالمهمة ! يعطيك ِ العافيه سلف يا قمر // رموشتي .. تسلميلي يا قمر ،، الله يفتح عليك ِ يا رب .. بانتظار ابداعك :P // نسيــــم الروح يسعدلي ياكي .. أيوة هيـــك .. هلأ نحن رح ناخد معلومـات بسيطة وصورة أو صورتين .. يسلمو إيديك ِ بجد روعه ! يعطيك الف عافيه |
رد: .•°• ][ الجولة الثانية من‘‘ لآلئ الجنـان‘‘ تلاوة للقرآن + شغل جمـاعي ][.•°•
الفتـاة المشرقة
الله يفتح عليك ِ ويتقبل منك حبيبتي .. ويسلمو كتــــير عالقصيدة .. فيها جمل ممكن نستخدمهـا كشعارات .. الله يسعدك يا رب .. |
رد: .•°• ][ الجولة الثانية من‘‘ لآلئ الجنـان‘‘ تلاوة للقرآن + شغل جمـاعي ][.•°•
حنين الروح
ماشي يا قمر .. الله يسعدك ويفتح عليك ِ بانتظارك // نسمة بلادي .. روعه × روعه القصائد بتـــجنن مؤثرة كتير .. والصور كمـان ضرورية جدا ً .. تسلميلي .. الله يجزيكي الخــيـــــر يـــــــارب .. وما ننحرم منك .. |
رد: .•°• ][ الجولة الثانية من‘‘ لآلئ الجنـان‘‘ تلاوة للقرآن + شغل جمـاعي ][.•°•
اقتباس:
بكفي انه شغلك إيديك ِ خلص تم اعتماده بين التصاميم الي رح تنزل إن شاء الله الله يسعدك ويفتح عليك ِ :s (43): |
رد: .•°• ][ الجولة الثانية من‘‘ لآلئ الجنـان‘‘ تلاوة للقرآن + شغل جمـاعي ][.•°•
.. تمــت التــلاوة اليــوم الحمــد للـــه .. تسلمولــي يــا رب .. شغلكــم روعــة ما شـاء اللــه عليكــم اللــه يعطيكــم الـف عافيـة يـا رب .. |
رد: .•°• ][ الجولة الثانية من‘‘ لآلئ الجنـان‘‘ تلاوة للقرآن + شغل جمـاعي ][.•°•
آسفة عالتأخير اعذروني
ننوش بالنسبة للرنات الفلسطينية انا عندي كم رنة هيك انشاء الله بالليل رح انزلهم هون وعندي رنة السلام الوطني الفلسطيني شو رأيك انزلها ؟؟؟؟؟؟؟؟؟؟ |
رد: .•°• ][ الجولة الثانية من‘‘ لآلئ الجنـان‘‘ تلاوة للقرآن + شغل جمـاعي ][.•°•
الله يتقبل بينك حبيبة قلبي
// حوريتي .. يس نزلي يا عسل .. اي شي بتلاقي مناسب .. للمناسبة الي معمول عشانها الموضوع من رنـات جيبيه .. يعطيكي ألف عافيه يا قمر |
رد: .•°• ][ الجولة الثانية من‘‘ لآلئ الجنـان‘‘ تلاوة للقرآن + شغل جمـاعي ][.•°•
السلام عليكم صبايا أنا شفت الموضع مبارح بس ما قدرت أرد بس اليوم جاي وجايبتلكم شغلي معي متل ما حكتلكم نانا مقدمة الموضع علي وغير هيك فقرتين عن النكبة وحدة معلومات وحدة مشاعر وهيك اقل من 1/2 ساعة بكونو بين إديكم ان شاء الله وموفين |
رد: .•°• ][ الجولة الثانية من‘‘ لآلئ الجنـان‘‘ تلاوة للقرآن + شغل جمـاعي ][.•°•
السلام عليكم .... هاي أول موضوع إن شاء الله رح يكون مقدمة لموضعنا باسم لآلئ الجنان 7 7 7 7 7 " 60 " بم يذكركم هذا العدد ؟ قد يقول البعض إنه عدد الدقائق في الساعة،، أو يقول آخرون إنه عدد الثواني في الدقيقة الواحدة ... أما نحن وبصفتنا مجموعة لآلئ الجنان،، فإن يذكرنا هذا العدد بشيء إنما يذكرنا بمرور ستون عاماً على عام النكبة (1948 مـ) ! ستون عاماً على عام غير حياتنا!! ومن هنا جاء واجبنا في تقديم أقل القليل وأبسط الواجبات تجاه قضيتنا الإسلامية الفلسطينية العادلة ... أحبتنا،، في هذا الموضوع سنأخذكم بعدة محطات نحيي فيها ذكرى نكبتنا الستون سائليين المولى عز وجل أن يحوز على رضاكم .. وأن لا تتجدد فينا النكبة .. ::::::::::::::::::::::: طبعا صبايا أي تعديل أو اضافة خبروني |
رد: .•°• ][ الجولة الثانية من‘‘ لآلئ الجنـان‘‘ تلاوة للقرآن + شغل جمـاعي ][.•°•
وهاي يا صباي فقرة المعلومات وهي مختصرة زيادة عن اللزوم ^_^ لقد سمى العرب حرب1948 بعام النكبة بيد أن اليهود سموها حرب الاستقلال حيث هاجر الفلسطينيون من ديارهم وقامت دولة إسرائيلية على أرض فلسطين في 15/5/1948 وبدل أن يحتفل الفلسطينيون بانتهاء الانتداب البريطاني على أراضيهم جاء تحقيق وعد بلفور بإقامة وطن قومي للشعب اليهودي على أرض فلسطين ! وعلى الرغم استبسال الجيوش العربية بقتال إسرائيل .. إلا أن المعارك توجهت إلى مسارا ً آخر وهزمت الجيوش العربية وأجريت هدنة جديدة مع اليهود اعترف العرب فيها بنكبتهم! كمان متنل ما حكييت من شوي اي تعديل او اضافة احكولي وازا حاسيين انو المعلومااات مش وافية احكولي بزيد شوية معلومات يعني هاي متل ما بيحكو مختصر مفيد (م1) |
رد: .•°• ][ الجولة الثانية من‘‘ لآلئ الجنـان‘‘ تلاوة للقرآن + شغل جمـاعي ][.•°•
واخيرا الفقرة الي فيها مشاعرنا ربما هو عام .. أو عامان .. أو لعلهم عشرة أعوام .. كلا إنهم ستون عاماً .. وما زالت تتجدد فينا النكبة كل يوم ألف مرة!! ستون عاماً مضت على اندحار الانتداب البريطاني من أرضنا،، على احتلال اليهود لأرضنا !! ستون عاماً مضت ودموعنا لم تجف بعد فما زال الألم يعتصر أحشائنا .. وما زال الحنين يؤرقنا وها هي الأجيال حكايات الأجداد ذكرياتهم وأحلامهم بعودة الماضي التليد.. وها هي فلسطين الحبيبة تكبر في أعماقنا ،، فمتى ترانا نعود ونقبل ثراها الغالي؟ متى نكبر فيها؟؟ ونكبر معها؟؟ كم مرة سنحيي ذكرى النكبة ومازلنا نعيشها؟!! غداً.. أو بعد غد ،، ستشرق شمس عودتنا ،، وتتفتح الأزهار ابتهالاً بقدومنا.. غداً سنسجد سجدة فاتحين في أحضان أقصانا المبارك.. والله كانت مشاعري جياشة وأن بكتب فيها وكان عندي كتير كتير كلام بس كل ما اكتب سطر احكي بكفي يا بنت حسب توصيات نانا :D وبرضو اي تعديل او اضافة خبروني حاضرة أنا |
| الساعة الآن 09:10 PM. |
|
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas