|
علاقة الاباء بالأبناء ... الى أين ..!!
السلام عليكم ورحمة الله وبركاته
سلاماً لو ارتقى الى السماء لكان قمرا منيراً ... ولو نزل على الأرض لكساها سندسا وحريرياً ولو امتزج بماء البحر لجعل ملحها الأُجاج عذبا فراتاً سلسبيلا وبعد,,, فكرت بأفضل مكان لطرح هذا الموضوع فلم أجد الا منتدى الشباب خصوصا ان الموضوع يمس الشباب وان كانت الحلقة غير مكتملة لعدم وجود الاباء هنا .. لكن لا بأس .. الجود بما هو موجود وعندي ثقة بمصداقية الشباب في طرحهم ... الشباب يعني (الذكور والاناث) ... أتذكر كلمة للشيخ الغزالي رحمة الله عليه حين قال "الأبناء جواهر" ... ويزيد استغرابي عندما أجد بعض الاباء يتعاملو كالحدادين مع هذه الجواهر ... أستغرب أكثر ممن يقول بأن أولادي اغلى ما أملك ... ونجده في المقابل يقدم الكلام الطيب اللطيف المهذب للغريب .. اما أولاده فلا يكاد يقدم لهم شيءا من ذلك ... بعض الاباء والأمهات يغلب عليهم طابع الدكتاتورية ... وكان لسان حالهم يقول "ما أريكم الا ما أرى" .. وبعض الاباء غلب عليهم الطابع العسكري .. وبعضهم نجده محقق يذكرني تشارلك هومز ... وقلة قليلة من هيقادرة على المحاورة وتبادل الاراء .. الموضوع هنا ليس باب للعصيان او العقوق .. أعوذ بالله .. لكنه باب لمعرفة العلاقة بيننا وبين ابائنا اين هي والى اين وصلت ؟؟ وهل انت راضي عن علاقتك بوالديك ... في هذه اللحظة ؟؟ والنتذكر ان رضى الله من رضى الوالدين ... أخوكم |
رد: علاقة الاباء بالأبناء ... الى أين ..!!
السلام عليكم ورحمه الله وبركاته
انا اول وحده رح ارد على هذا الموضوع موضوع جدا رائع ومهم في نفس الوقت انا الحمد لله راضي عن تعامل ابي وامي معي ولكن هناك ربما اشياء لا يتقبلها الابن من والديه او ربما ايام يعني في هذا الوقت انا راضي عن ابي وامي وسأل الله ان يكونو هم كذلك راضون عني ولكن في بعض اليام تمر علينا بأن احد الوالدين لا يعجبه افعالنا وعمالنا وانت تحاول ان تفكر كيف سأرضيهم وانت مقتنع ان عملك صحيح وهم يعتبرونه خاطئ فتخاف في هذا الوقت من العقوق لانو اذا ما وافقتهم على الي بدهم اياه بعتبروه عقوق وذا وافقتهم وانت مش راضي مشكله بالنسبه الك ومشكور اخي |
رد: علاقة الاباء بالأبناء ... الى أين ..!!
انا راضــية معظـــم الاحـــيان بـــس مـو كــــل التــــصرفات يعني مستحيل انو نحـــــــب كل شي بتـــصرفات اهلــــنا يعني في تصرفات بحســــها بتـضايــــقني مو اكـــــــــــــتر ويسلمو ايديك على الموضوع لأنه من زمان لازم نحكي فيه |
رد: علاقة الاباء بالأبناء ... الى أين ..!!
طبعا الوالدين كل ما يفعلوه يكون من اجل مصلحة الابناء .. ولكن بعض الاشياء يظنوها انها في مصلحة ابنائهم ولكن .. يكون عكس ذلك . ولا يستشيرون ابنائهم ..
ولكن انا راضي غالبا .. ولله الحمد تحياتي وتسلم على الموضوع |
رد: علاقة الاباء بالأبناء ... الى أين ..!!
اقتباس:
|
رد: علاقة الاباء بالأبناء ... الى أين ..!!
وكان لسان حالهم يقول "ما أريكم الا ما أرى"
لااااا هده ما معك حق فيها...بالمرااا مهما كانت العلاقة متوترة بين الآباء و الأبناء...ما أظن إنها تصل لدرجة إنه قلب الأب يحقد على ولاده... ممكن يكون في آباء معاملتهم صعبة و طبعهم عصبي كتيير ... فهالحالة الأولاد لازم يتجنبو المواجهة معهم...من باب الاحترام و كمان من شان الأمور ما تتطور ... "هل أنت راض عن علاقتك بوالديك؟" الحمد لله... |
رد: علاقة الاباء بالأبناء ... الى أين ..!!
اقتباس:
اقتباس:
|
رد: علاقة الاباء بالأبناء ... الى أين ..!!
اقتباس:
الموضوع ليس ظاهرة لكنه موجود للأسف .. بعض الاباء يحاكم الابناء بناء على ظروف زمانه السابق لا على ظروف الواقع الحالي .. والأصل ان يراعي الاباء الاختلاف بينهم وبين أبنائهم .. بين الفترة الي همي كانو فيها شباب وبين هاي الفترة الي فيها أبنائهم شباب .. يمكن انت شعرتي انه احنا بنتهم أهلك وهذا غير صحيح .. لكن انا من خلال تجربتي المتواضعة صدقيني هناك الكثير من الاباء الي بيقررو عن ابنائهم كل شيء ... لدرجة انهم ممكن يقررو شو يلبس وشو يوكل وفي المستقبل مين يتجوز ووو .. غير عن المشاكل الاسرية التي لا تنتهي ... غير عن عدم رضى الأهل عن ابنهم لو شو ما عمل ... الموضوع موجود وكما قلت سابقا الموضوع ليش دعوة للعقوق لا سمح الله ... أعوذ بالله ان يكون كذلك .. لكنه موضوع لحل المشاكل وطرح حلول وانا على ثقة انه في كثير دخلو الموضوع وخجلو يشاركو .. لكن انا بدعوهم يسجلو بمعرف جديد ويطرحو مشكلتهم وان شاء الله مافي مشكلة ما الها حل !! البيوت مليانة بلاوي يا جماعة .. وفي ناس مش لاقية مين تشكيلها .. واحنا هنا فتحنا الباب .. ومثل ما قلت الي خجلان ممكن يسجل بعضوية جديدة ومافي حدا رح يعرفه :s (43): أخوكم |
رد: علاقة الاباء بالأبناء ... الى أين ..!!
اقتباس:
صح أنا معكـ بالنقطه ,, الأهل بحكموا على زمنهم الوضع بتغير من يووم ليووم فاكيف من جيل لجيل ..! : بالنسه لـ علاقتي مع أهلي للأسف مش لهنااك ,, وأنا مابلومهم أبداً والحمدالله , اهلي متفهمين أكتير بس الغلط مش منهم :s (43): |
رد: علاقة الاباء بالأبناء ... الى أين ..!!
اقتباس:
لكن الظغط يولد الانفجار ،، في اشياء ممكن تعديها و تسكتي عليها ،، لكن بعد فترة بتصيري ما بتقدري تتحملي زي ما حكى اخونا احمد في امهات و آباء عندهم طابع الدكتاتورية و فعلا بالنسبة الهم رأيهم بس هو اللي صحيح زد على ذلك المشاكل الاسرية اللي تنغص عيشة الواحد .. هذا المزيج بيولد انفجار يعني المواجهة بتصير شيء محتم و يمكن نتائجها تكون سلبية و يمكن تكون ايجابية مثلا انا من اربع سنين كنت اهضم كل شيء ،، زي ما حكيتي عشان ما تصير في مواجهة و من باب الاحترام للاهل و التقدير و و و ... لكن الان صار هذا الشيء مستحيل ،، و ان حصل و تم خلاف بيني و بين امي مثلا ممكن احكيلها معك حق ،، لكن في النهاية بعمل اللي براسي و اللي انا شايفاه صح بصراحة مشكلتي مش مع والدي ،، لأنه رغم عدم تدينه هو انسان متفهم و متقبل لآراء غيره و بحل كل اموره بالحوار الهادئ .. و ما عمري دخلت في صدام معه الا لما قررت اترك المدرسة مشكلتي مع امي اكثر شيء ،، و اللي شخصيتها متسلطة بعض الشيء و صعب جدا بل و احيانا مستحيل تغير رأيها و ان كان خاطئ هيك شخصيتها ،، عصبية و مزاجها متقلب ،، و احيانا بقول في نفسي اني اقتنعت بالمثل - ارضاء الناس غاية لا تدرك - من خلال امي !! صعب ارضائها ،، و صعب اقناعها بالتغيير الحاصل بين جيلها و بين جيلنا الحالي و الاصعب في هذا كله انها تتقبل فكرة انه الانسان في مرحلة معينة ما لازم تتدخل في كل اموره من اكله لشربه لملبسه انا اجزم انه امي مثال بسيط جدا بين امثلة كثيرة جدا ،، للاسف موجودة انا اقدر امي و احبها و احترمها لو شو ما عملت ،، لكن في حدود ما لازم تتجاوزها اقتباس:
بسبب اللي ذكرته فوق و بسبب التوتر الموجود في البيت حاليا ،، و بسبب انعدام الحوار و التواصل ^^ اشكرك على طرح الموضوع |
رد: علاقة الاباء بالأبناء ... الى أين ..!!
أنا علاقتي بماما و بابا هيك و هيك... يعني مش كتيييير يعني مش راضية عنها....:( بس طبعا الحمدلله ع كل حال.... شكرااا كتيييير ع الموضوع.. تحيااااتي...^^ |
رد: علاقة الاباء بالأبناء ... الى أين ..!!
اقتباس:
|
رد: علاقة الاباء بالأبناء ... الى أين ..!!
اقتباس:
ان شاء الله الأوضاع تتحسن .. تكلمنا سابقا عن مشكلتك والحلول كانت مطروحة لكن للأسف ما تم التطبيق بشكل كامل .. لكن انا واثق انك قادرة على لملمة الأسرة وتغيير الاوضاع .. يا جماعة والكلام للجميع بيوتنا الأصل انها تتحول لجنة .. وليس لجحيم .. انا استغرب من الكثير من البيوت والكثير من الأزواج أو الزوجات الي بيختلفو والخلاف يولد خلاف والاتفاق صعب ومستحيل ناسيين او متناسيين وبالذات الزوجة .. انه هذا زوجها ورفيقها بالجنة ..!! في كل شيء يا اخوة هناك رابح وخاسر الا في العلاقات بين الزوجين .. هنا اما ان يربح الطرفان أو ان يخصر الطرفان .. ولا اظن ان هناك أحد يحب الخسارة ... حولوا بيوتكم الى جنة .. حولوها الىة جنة من جنان الدنيا لتفخروا بها يوم تلقون الله .. ربنا اكيد لا يرضى عن العلاقات الجافة والسيئة في بيوتنا بين الأزواج ... عموما الموضوع طويل .. الي هو علاقة الزوجييتن ببعض .. والي فعليا تنعكس على علاقة الأبناء بهم .. انا عندي اقتراح وهو ان نأتي باحدى الامهات أو الايباء في المنتدى ونناقشهم بهذا الموضوع ... ما رايكم دام فضلكم .. :-) أخوكم |
رد: علاقة الاباء بالأبناء ... الى أين ..!!
موضوع مميز فعلا اخي من وجه نظري الخاصة شو ما كان الوالد والوالدة بيعملوا بابنائهم شو ما عملو .. يعني لا تقلي ظلم ولا غيرو الابن لازم يرضى بانو امو وابو هيك .. ويصبر ويحاول يرضيهم .. ببساطة انت ابنهم مو هم ولادك لأنو الاهل الهم نظرتهم جربو الحياة خاضوها ,,, فعرفوها اكتر منا شو خبرة 18 سنة والا 20 والا حتى 30 جنب خبرة 50 و 60 سنة برأي الاهل نعمة او ابتلاء من ربنا لازم الواحد يصبر عليهم .. ويحاول يرضيهم بكل السبل .. ويحترم وجه نظرهم .. انا ما بحكيلك انو اهلي مثاليين لا بالعكس امي وابي كتير كبار وبدهم ايانا نعيش زمنهم صحيح انا اتغلبت لحتى اعرفت مفتاح رضاهم لكني وصلتلو .. وقدرت اقنعهم بالامور الي ما عرفوها وبنفس الوقت اورجيهم الفساد فيها واني ابعيدة عنو لأن هم بالاخر شو بدهم غير انو يطمنو ع ولادهم .. ويطمنو ع تربايتهم .. الحمدلله علاقتي معهم صارت ممتازة .. يعطيك العافية اخي احمد نقاش مميز .. |
رد: علاقة الاباء بالأبناء ... الى أين ..!!
اقتباس:
اهلا فيكي اختي ... وان شاء الله العلاقة بتصير من أحسن لأحسن ... كل بيت في شمعة .. كوني انت الشمعة .. |
رد: علاقة الاباء بالأبناء ... الى أين ..!!
اقتباس:
انا بدي أسئلك مجرد أسئلة خفيفة .. 1- ما رايك في اب يطلب مهر عالي من خطاب ابنته حتى كبرت وشح الطالبون لها ؟؟... في النهاية البنت راحت للقاضي عشان تشكيلو انهم أهلها سلبوها حق من حقوقها ... ايش رأيك بالبنت وبالأب ؟.. 2- تخيلي بنت في ال 20 .. وتقدم لها رجل بالأربعين ولا دين ولا اخلاق . اللهم غني .. وأهلها موافقين .. وبدهم يجبروها على الزواج من هذا الرجل ... انت لو مكان البنت هل بتوافقي كنوع من ارضاء الأهل مع عدم اقتناعك بالرجل... ؟ 3- تخيلي بنت في مجتمع لبرالي علماني يرفض الحجاب .. قررت تتحجب وأهلها حاربوها لاختيارها .. هل تخلع الحجاب ارضاء لهم .. ؟ 4- تخيلي بنت والدها مدمن خمر ... هل نأمن ان تعيش في بيته ومثل ما بنعرف الخمر يذهب بالعقل ؟؟ حطي حالك محلها لا سمح الله .. عندي امثلة كثيرة .. والي حبيت أوصله انه البيوت مش بالمثالية الي انت حكيتي عنها وانه عائلتك الله يحفظها مش مراية بتعكس المجتمع ... والشواهد كثيرة .. لذلك قضية التعميم مرفوضة .. اقتباس:
انا مثلا بختلف مع والدي في امور منها في السياسة ومنها في اتخاذ القرارات وغيره .. هل هذا يعني انني ابن عاق .. هل الأصل أن أكون ممسوح الشخصية لكي أكون بار بوالدي .. بالتأكيد لأ :-) عموما أنتظر ردك على القصص الي ذكرتها وحطي خحالك مكان البنت ... ايش حيكون موقفك أختي .. شكرا الك على المشاركة المميزة .. أحمد |
رد: علاقة الاباء بالأبناء ... الى أين ..!!
بالمناسبة كل القصص الي ذكرتها سابقا حقيقية وحاصلة .. وعندي غيرها العشرات للأسف ... لكن ما ذكرت كان أحدث ما مر علي من الفتيات ... أسئل الله ان يفك كربهن .. امين
|
رد: علاقة الاباء بالأبناء ... الى أين ..!!
اقتباس:
عدم طاعتي لوالدي لا تعني الاساءة لهم ! للاسف الدارج هلأ من شبابنا بطل ابن يحترم ابوه بالمرة !!! اقتباس:
لا اخي انت افهمتني غلط انا ما بقصد اني انظلم لهــاي الدرجة الكبيرة وطلم الآباء لأبنائهم لا يعني اساءة الابناء لآبآئهم وازا هم ظلموا ربنا بحاسبهم .. اكيد بكل الحالات الي انت ذكرتها هون للبنت حق تتصرف وما رح تكون عاقة لو قالت هاد واحد ما بخاف الله ما بدي اتزوجو ! وما رح تكون عاقة لو لبست الحجاب غصبن عن ابوها .. ! اخي انا ما بقصد الامور المصيرية الي للابن حق اختيارها بحياتو بقصد امور حياتيه مثلا اب رفض انو ابنو يدرس برا .. الو وجه نظر .. ليش ما يقدرها الابن .. وليش ما يناقشو فيها .. ! ام رفضت بنتها تطلع مع س من صحباتها لـ س من الاماكن ليش هون بناتنا بطلعو كل حقوق الابناء وبطلعو الام ظالمة ! مع انو الام الها وجهة نظر .. وشايفة المجتمع .. ! اقتباس:
بس اخي دينّا واضح ( وبالوالدين احسانا ) ما بحكيلك امشي بحياتك كلها ع هواهم بس فهمهم رايك بدون عقوق .. حاول توصل معهم لنقطة تواصل نقطة بلتقي فيها رايك ورايهم .. اكيد في بالمجتمع آباء ظالمين واكيد عائلتي مو مراية و( برّوا ابنائكم تبركم ) .. لكن المعروف والي بفهمو انو الابن لازم ( يحسن ) لوالديه .. اعمل الي عليك بالنهاية كل منهم رح يتحاسب ع تقصيره اقتباس:
انا حكيت انو في كتييير اختلافات بيني وبين اهلي ورغم هيك لا اعد حالي عاقة ! انا ما قلت انو تمسح شخصيتك وتمشي وراهم متل الاعمى بس وصل وجهة نظرك باسلوب يستوعبو ابوك ولو ما استوعبو .. بالكلمة الحلوة بتقدر ترضيه وتعمل الي براسك ! وفي اكتير امور ما بقدر ابوي يستوعبها لأنو ع ايامو ما كانت موجوده بس قدرت اني ارضيه واعملها رح اعطيك مثال ابوي عقليتو انو البنت ما تدرس .. !!!! هيك هو .. هيك اتربى وعاش .. وكانت مشكلتي الفرق الشاسع (كوني بالاخير جاي ) بيني وبينهم بالعمر لكني درست :) .. باسلوب ما اقنعتو .. حاولت احسسو انو انت صح .. بس هلأ العلم سلاح للبنت انا ما بقول لحالي قدرت اقنعو ولا بسهوله ! بردو خواتي الكبار لما اجو يدرسو عانو معه .. وبردو قدرو يقنعوه .. وهلأ وصلو للدراسات العُـليا ولله الحمد .. يعني اخي انا ما مسحت شخصيتي ودرست الي بدي ايا وهو راضي ومبسوط وبضحك .. من غير ما ازعلو واعصبو وارفع ضغطو .. وربنا قال ( وان جاهداك على ان تشرك بي ما ليس لك به علم , فلا تطعهما وصاحبهما في الدنيا معروفا واتبع سبيل من اناب اليّ ) سورة لقمان اية 15 لاحظ ,,, ما قلك ارفع صوتك وعصب واترك البلد وسافر ما قلك اعمل وثيقة بـ حقوق الابناء .. وعلمها لاهلك .. ما قلك علمهم كيف يتصرفوا !! قلك لا تطعهما .. وصاحبهما .. ! اقتباس:
هاد كان ردي العفو اخي وبشكرك ع ردك وبتمنى انو وجهة نظري وصلتك صح :) يعطيك العافية .. |
رد: علاقة الاباء بالأبناء ... الى أين ..!!
يسلمو اخي على الطرح القيم
انا من ناحيتي راضي عن تعامل اهلى معي ولكن من يعارض تعامل أهله معه لربما الاباء معذورين لأنه يقول ان هذا من باب المحافظة على ابني اغلى ما أملك ولكن في رأيي الا يكون عنده تمادي |
رد: علاقة الاباء بالأبناء ... الى أين ..!!
اقتباس:
اقتباس:
اقتباس:
تصوري مثلا شاب طول بعرض ورايح يعمل مقابلة بشركة فلانية وجايب معاه والده !! انا شخصيا مرة شب هيك عمل بمقابلة عملتها معاه ... كان والده بيجاوب عنه مرات مثل وين درست و و و .. المهم الشب رفضته وحطيت في بند الثقة بالنفس صفر زيرو يعني :-) الغريب والمصيبة انه الأهل صفو نوعين على الأغلب .. اهل مهمليين وأهل متشددين ومتسلطين .. قلة قليلة الي معتدلة وبتمشي على مبدأ لكل مقام مقال ... انا مثلا والدي بيتعامل معنا حسب شخصية الابن .. يعني مثلا معي انا غير عن مع أخواني ... مع اخواني بصراحة في نوع من محاولة السيطرة لكن الحمد لله خفت كثير بعد زواج اخوي وهاليومين جاية بنت اخوي الأولى .. يعني اول حفيدة فبطل في مجال للسيطرة .. لكن سبحان الله الي فيه عادة بتضل فيه .. يمكن نوع الحياة الي عاشها والدي انه مان نسؤول عن اسرة من سن ال 9 سنوات هو الي حول شخصيتهع الى شخصية قيادية بشكل مبارغ فيه .. يمكن لكن معي انا مثلا الحكي هذا غير موجود ... مع العلم انه هوي الي رباني على ان تكون شخصيتي قيادية ... في النهاية شكرا اختي على كلامك الطيب وان شاء الله ربنا يجزيكي الخير في أهلك ... |
رد: علاقة الاباء بالأبناء ... الى أين ..!!
هو لو بدك تتفرج ع المجتمع مليان .. اشكال والوان .. ! متل ما انت ذكرت اب بسيطر ! او اب مرمي بالشارع مش ملاقي ابن يحتويه يعني مليان قصص بتشيب ! بس لأنو بر الوالدين قضية حساسة ولأنو اي خلل فيها يعتبر كبيييرة مش اشي سهل لهيك انا كتييير بحط الحق ع الابناء .. وبدقق شوي ع حق الاباء يعني اي غضب ولو بنفس الوالد او الوالدة يعتبر ذنب الك (لاسمح الله ) ومن الموبقااات اقتباس:
والشكر الك ع اثارة موضوع مهم وحساس متل هيك وربنا يجزيك مثله واكثر :) .. |
رد: علاقة الاباء بالأبناء ... الى أين ..!!
موضوع قيم وفاق الممتاز
الي عودة اكيد ان شاء المولى تحيتي |
رد: علاقة الاباء بالأبناء ... الى أين ..!!
أول شي هاي مش اول مرة بدخل أشوف الموضع بس كل مرة كنت اٌرأشوي وأنشغل وأرد أطلع وهكذا!! هلأ ازا بدنا نيجي عمجتمعاتنا فيها كتير وقليل الصالح والطالح وكل شي ... الأصل بتحديد هاي العلاقة مدى ترابطها وقوتها بيعتمد ع الآباء في الدرجة الأولى لأنو همن الي بربو طفلهم وهم الي بعاملوه او بالحوار أو بالضرب او بدون لا هاي ولا هاي ! العامل الأساسي لنجاح أي اسرة وتكوين علاقة جيدة او ممتازة بين الهل والابداء هو الحوار ولا شي بينفع غير الحوار والتواصل يعني عن طريق حوار بين الاب/ام و ابن/بنت خلال اي موضوع من مواضيح الحياة بتنحل أكبر مشكلة ومش بس المشاكل يعني مش معقول اب وابن ما يتواصلو ولا يحكو بس تصير في مشكلة يقوموا يحكوا! مش مقنع هاد الكلام أبداً.. لازم يكون حكي بكل موضوع سواء عام أو خاص سواء مواضيع اجتماعية سياسية دينية أي شي وبالنسبة للمشاكل كل شي بينحل بالعقل والتروي بس لازم نعالج جذور المشكلة مو نتائجها! وبحب أضيف شي ما بنختلف عليه أبداً انو الأصل هو ارضاء الله عز وجل والي بتتحقق جزئية من ارضائه عن طريق طاعة الوالدين وأخيرا باجي لعلاقتي بأهلي الحمد لله منيحة يعني كلنا بالدار 4 بابا وماما واخوي وانا هلأ ماما مرات كتير بتفتقد انو تكون امي :d يعني صاحبات أكتر هههههههههههههههههه مرت اتخافنقنا خناقة كبيرة الله لا يعيدها بس شو قال ماما بتحكي حسيت بامومتي !! لما راضيتها يعني ^^ وانا بابا مخوخنا بتيجي ع بعض صح بنختلف بالسياسة مرات وبيقهرني بس الاما يكون في نقطة التقاء بحكيش انو علاقتي فيهم مثالية لأ المشاكل موجودة بكل بيت الحمد لله وفش أكتر منها كمان بس الي بشوف مصايب الناس بتهون عليه مصيبته! يسلمو أخي أحمد عطرح هيك موضوع قيم الله يجزيك الخير |
رد: علاقة الاباء بالأبناء ... الى أين ..!!
اقتباس:
اقتباس:
|
رد: علاقة الاباء بالأبناء ... الى أين ..!!
اقتباس:
كلام جميل وان شاء الله بتستمر علاقتك مع اهلك بهذه الفعالية ... خصوصا انكم عيلة صغيرة ما شاء الله :-) بالنسبة لعلاقتك بأمك بذكر قبل سنوات طويلة ما كنت انادي امي غير باسمها :icon11: كنا أصدقاء :matrix: |
رد: علاقة الاباء بالأبناء ... الى أين ..!!
السلام عليكم ورحمة الله وبركاته
سلاماً لو ارتقى الى السماء لكان قمرا منيراً ... ولو نزل على الأرض لكساها سندسا وحريرياً ولو امتزج بماء البحر لجعل ملحها الأُجاج عذبا فراتاً سلسبيلا ---------------------------------------------- مقدمة رااائعة عجبتني ....... وعليكم السلام ورحمة الله وبركاتة ملئ السماوات والارض وملئ ما بينهما وملئ ما شاء الله من شيئ بعد تانيا : انا والحمد لله كنت راضية كتير بعلاقتي سواء مع امي ومع ابي .. كنت دايما مطيعة لالهم نتشاور بوجهات نظرنا وناخد بالرأي اللي نجتمع عليه حتى لو كان من اختي الزغيرة .. داما يحسسونا انو نحنا كل شي وانو احنا كل حياتهم ولحتى الان بشعر انهم معي رغم بعدهم وباخد برأي امي بكل شي حتى لو كان بسيط ... لما احتار بشغله عطول بلجألهم .. ولما اعمل شي غلط مستحيل اخبيها , وبكون متأكده انو رح اتبهدل وهتنئل ئيمتي بس بكون مرتاحه (-: لانوو مافي غير امي وابي اللي بخافو علي وبيعرفو مصلحتي.. وكمان بظن ماحد رح يئول شي مو حلو بحئ أهلووو بيضلوووو اغلى الناس.. كنت اتدايئ بس بابا ما يرضى يودينا عند صديقاتنا عبيتهم .. وأعد ابكي .. بس كبرت شوي صرت افهم وجة نظروو واحترمها بس لا مانع من شوية زن هههه تحياتي الك اخي احمد ايكس عموضوعك الرائع بتمنى الك التوفيق ... |
رد: علاقة الاباء بالأبناء ... الى أين ..!!
اقتباس:
ان شاء الله على طول بتضل علاقتك بأهلك بالرومانسية الي كتبتيها ... يعني شوي كنت حتكتبي شعر .. وشوي كمان كنت حنزل دمعة بس حقتها ههه ان شاء الله عن قريب بتجتمعي بأهلك ... واتأكدي انه مش بس أهلك بتهمهم مصلحتك وانه في كثير بهمهم مصلحتك وبخافو عليكي ... أحمد |
| الساعة الآن 11:16 AM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas