|
اغنية حلي عنا يا مدارس كاملة
مرحبا شباب وصبايا
كيفكم انشاء الله بخير جبتلكم اليوم كلمات لاغنية حلي عنا يا مدارس وانشاء الله تعجبكم حلي عنا يا مدارس: أحمااااااااااااااد مالك؟؟ قوم عالمدرسة ولا تعبان بديش اروح قوم ولا طيب طيب هياني قايم تصيحيش شو هاد.. بعدين مع المدرسة هاي.. ولِك... حلي عنا يا مدارس..!!! حلي عنا يا مدارس بدناش تعلمينا زهقنا من المدارس وعفنا اواعينا زهقتنا من المدارس وحياتك اعتقينا تا نشوف حياتنا يلا خلصينا كل يوم بفيق الساعة سبعة بقوم بلبس اواعيي بسرعة بفرك سناني بسلم عجيراني بنزل بشتري من الدكانة بصل عالمدرسة الساعة تماني بلاقي الحارس مستني واقف بمسك حالي وبضلني لافف بروح من الجهة الشرقية بوابة منيحة بهاش شومريي بتوّصّل عالساحة الرئيسية بوصل عالمدرسة بالنظام بلاقي.. استاز بف باف بصّفّن فيي منيح وبطّلّع بعينيي بطّلّع عإجري وبلف حوالي دغري بقول راحت عليي بالآخر بقلي اشلح سنسالك احسن ما توكل كف عمنخارك وانا بقولو شو فش حدا قبالك باكل كف وبفوت عالصف حلي عنا يا مدارس بدناش تعلمينا زهقنا من المدارس وعفنا اواعينا زهقتنا من المدارس وحياتك اعتقينا تا نشوف حياتنا يلا خلصينا قاعد بالصف تعبان يئسان نفسي اروّح والله جعان نفسي اروّح ياخي نعسان وعنا اسه استاو غسان جاي يعلمنا جغرافيا ان شاء الله يا رب توخدك المافيا خلص تعبت يإست زهقت رن الجرس كيفّت رن الجرس وهاي استراحة وهون بتبلش عندي الراحة بروح بقعد على بنك الساحة وبقعد بطّلّع عهديكا الناحة صبايا مأدبات يا عيني يا ليلي صبايا ازا بتقعد معهن يا ويلي شباب شايفي حالا عالفاضي كل الليل قاعدين عند ماضي بنات عم تردح للمعلمات شباب مزح تقيل مع البنات مزح ايدين وضرب بالكف وكلو قاعد بزبط رنات بلفونات حلي عنا يا مدارس بدناش تعلمينا زهقنا من المدارس وعفنا اواعينا زهقتنا من المدارس وحياتك اعتقينا تا نشوف حياتنا يلا خلصينا ولعت طوشة وفيها سكاكين والبنات يا حرام ياي خايفين والمعلمين مش فاضيين مع بعض مشغولين وشباب واقفين عم بحمسوا التنين رن الجرس بنرجع للصفوف يعني مترجع الضجة وضرب لكفوف بنقعد نستنى ساعة وساعتين شو بدنا نعمل هيانا مستنين اجتني فكرة بدي اهرب بدي ازرق بمسك الشنطة دغري وبمرق بعمل حالي رايح عالحمام بروح بدعسها اوفر يا سلام وعالطريق من العطلة الابدية ان شاء الله يا رب قنبلة ذرّية تفجر المدرسة والمديرية وبالذات مدرسة بنات جنين التانوية وتخليها زي الملوخية بطلع عالبيت بقولولي تعال بنزل بتفتل وبروح بنام بفيق تاني يوم نفس الموال حلي عنا يا مدارس بدناش تعلمينا زهقنا من المدارس وعفنا اواعينا زهقتنا من المدارس وحياتك اعتقينا تا نشوف حياتنا يلا خلصينا ان شاء الله عجبتكم وسنة دراسية حلوة وناجحة للجميع طبعا مش انا صاحبتها منئولة من مؤلف فلسطيني شاب:b::b::s (43): |
رد: اغنية حلي عنا يا مدارس كاملة
هههههههههههههه والله لسة قبل شوي كنت اسمع فيها
حليييييييييييييييييي عنا يا مدارس ههههههههه |
رد: اغنية حلي عنا يا مدارس كاملة
ههههههههههههههههههههههه ما احلاها بتجنن عنجد يا مدارس خلص بكفي زهقنا هههههههه يسلمو ايديك كتير حلوة ^_^ |
رد: اغنية حلي عنا يا مدارس كاملة
مشكورات على مروركم حبيباتي روان ونووور
من كتر ما زهئت من المدرسة عملت الموضوع |
رد: اغنية حلي عنا يا مدارس كاملة
هههههههههههه والله بتفرط ضحك... يسلمو يا قمر... |
رد: اغنية حلي عنا يا مدارس كاملة
الله يسلمك يا عسل يا وايت كات
|
رد: اغنية حلي عنا يا مدارس كاملة
هههههههه
كلمات كتير حلوة الحمد لله ارتحنا من المدرسة بس لسة فيه جامعة ربنا يوفقا يسلمو على المجهود الحلو اختي ربنا يوفقك |
رد: اغنية حلي عنا يا مدارس كاملة
ولكم بدي الاغنية
بدي اسمعها عجبتني كلماااااااااااااااااتها |
رد: اغنية حلي عنا يا مدارس كاملة
مشكورين على مروركم القلب الطيب وحورية
حورية غيها كيف ما بدك مافي لحن محدد |
رد: اغنية حلي عنا يا مدارس كاملة
هههههههههههههههههههههههههههههه ه
حلى عنا يا مدراس منيحة والله المدارس حلوة لكن المرسين مو حلوين خاصة استاذ الرياضيات مشكورة اختي الغالية على قلوبنا ( فلسطينية والراس مرفوع ) |
رد: اغنية حلي عنا يا مدارس كاملة
ههههههههه
اكيد المدرسة حلوة ومنيحة والاحلى كمان الاضرابات هههههه مشكور على مرورك ابو محمد (خالد)؟ |
رد: اغنية حلي عنا يا مدارس كاملة
تحياتي الك اختي العزيزة
لكن موجودة صوت لاني نفسي اسمعها والله |
رد: اغنية حلي عنا يا مدارس كاملة
صحيح حلوة لما يكون في اضرابات
لكن لما يكون المدير غايب بيكون احلى |
رد: اغنية حلي عنا يا مدارس كاملة
لا لما اتكون المديرة غايبة عادي عنا
المعلمات بس بفرحوا وباخدو راحتهم بس لما اتكون معلمة ولا تنتين غايبات اكيد بنفرح |
| الساعة الآن 11:40 AM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas