منتديات شباب فلسطين - بــــابــــا&مــــامــــا،،،،بــــح ــــبــــكــــم

منتديات شباب فلسطين (https://shabab.ps/vb/index.php)

- ملتقـــى الأحبــــة (https://shabab.ps/vb/forumdisplay.php?f=55)

بــــابــــا&مــــامــــا،،،،بــــح ــــبــــكــــم

http://files.shabab.ps/vb/images_cas...155615wfMT.gif

بدي أطلب منكم شغلتين قبل قراءة الموضوع

{أول شي}
شغلو السماعات

{تاني شي}
بتمنى من كل واحد بدخل عالموضوع ما يلقي نظرة عابرة ويروح...
الموضوع كتير حساس ومهم بالنسبة إلي
وبتمنى تقرأو كل كلمة فيه هوة صح طويل بس هاد الموضوع بيعنيلي كتير

وشكرا الكم

http://files.shabab.ps/vb/images_cas...155616vc6g.gif

أبي الغالي

تحية طيبة .. يا والدي الطيب
الله يطول عمرك يا غالي يا حبيب
أكتبلك رسالة حب
يا غالي يا أطيب أب
يا اللي رضالك عليا
أحلى وأغلى هدية

http://files.shabab.ps/vb/images_cas...155618IE8d.gif

أمي الغالية

يا حلو اسمي على لسانك إذا ناديتي بإسمي...
أجيكي كلي علشانك وأقول للوالدة سمي...
على إيدك أنا اتربيت غيرك والله ما حبيت...
شمعة ونورت هالبيت أنسى بشوفتك همي...
***يا أغلى انسانة يا أمي***
إذا انتي دعيتيلي أحس ان السما تمطر...
أحس بدربي لما أمشي يصير بدعوتك أخضر...
أنا اتعلمت منك الحب واتعلمت كيف أنحب...
إذا أيامي صار فيها هم بشوفتك ينتهي همي...
***يا أغلى انسانة يا أمي***

http://files.shabab.ps/vb/images_cas...155616vc6g.gif

بابا وماما.. أغلى شخصين عندي بالدنيا كلها حبيت أكتبلكم عنهم وأحكيلكم عنهم شوي...
ورح يكون هاد الموضوع أحلى وأهم مواضيعي في المنتدى....

طبعا البعض منكم مش كلكم بعرفو انه بابا وماما سافرو واليوم بكملو 13 يوم غايبين عني..
إفتقدتهم كتير.. قد ما وصفت أو حكيت عن النقص اللي حاسسته من غيرهم ما رح أوفيهم ..

سافرو يوم الخميس2008/2/7

راحو على سوريا سفرة اضطرارية في شغلة بدهم يخلصوها ويرجعو رح يرجعو الخميس مو هاد الجاي اللي بعده..

طولو كتير .. مش عارفة كيف ح أستنى ليوم الخميس وكيف رح تكون نفسيتي وكيف رح تكون أعصابي..

متعلقة فيهم كتير مش متعودة انهم يسافرو ويتركونا.. بالذات بهاي الفترة ما كنت بدي اياهم يسافرو لأني كتير محتاجيتهم بس اضطرو يسافرو :icon5:

من أول يوم سافرو فيه لهلأ وأنا أعصابي مشدودة بجد إفتقدتهم كتير..

http://files.shabab.ps/vb/images_cas...155618IE8d.gif

اشتأتلهم كتير

اشتأت لبابا وشقاوتي وحركاتي الزعرة مع بابا والهبل اللي كنت أتهبله على بابا
والقهوة اللي كنت أعملها لبابا، كان دايما بعد المغرب يرجع عالبيت وأول كلمة يحكيها (حورية اعمليلي قهوة)أنا اتعودت أسمع هالكلمة كل يوم بهاد الوقت ..
اتعودت اعمله القهوة كل يوم هوة وماما ..
طبعا ما بشربو القهوة إلا من إيدي<<كزابة لا تصدقوني

والله بجد صح انهم بشربو القهوة عادي من أي حدا بس دايما بحكو هالكلمة (قهوة حورية مافي متلها)ويعني بالبيت ما بحبو القهوة إلا مني يعني كل يوم بعد المغرب بتعذب أنا:b:
لأني متعودة أول ما أشوف بابا فات عالبيت أروح أعمله هوة وماما قهوة بس هلأ(ما بعمل لحدا):icon5:

http://files.shabab.ps/vb/images_cas...155618IE8d.gif

بجد شعور مش حلو ..( يمكن ما رح تفهموني .. بس قلتلكم مهما حكيت ما رح أقدر أحكي اللي بقلبي)

على سيرة القهوة اسمعو هالموقف...:matrix:

http://files.shabab.ps/vb/images_cas...155618IE8d.gif

مرة اجى بابا عالبيت وطبعا كالعادة بده قهوة ، بهداك اليوم أنا كنت مالي نفس أعمل شي، ورحت غصبن عني عملت القهوة..
طبعا طلعت القهوة مو بس ما بتنشرب :icon11: حتى منظرها ما بنشاف:showoff:
شي طبيعي لأني عاملتها من غير نفس، وتعالو شوفو شكل بابا وماما أول ما شربوها(طبعا أكلت بهدلة مرتبة على هالقهوة)

بعدها ضل أبوي أسبوع ما يطلب مني قهوة :showoff:

طبعا أنا نفسيتي تعبت، إتأثرت بصراحة صح كنت زعلانة عشان البهدلة اللي أكلتها ، هوة أنا أكلتها من ماما بابا بعادته ما ببهدل ولا بصيح وبالذات علي أنا:showoff:
بس يومتها حط فنجان القهوة وقام:b:
طبعا أنا أثرت فيي كتير هالحركة ومن بعدها بطلت أعمل القهوة من غير نفس وحتى لو ماكان الي نفس بجيب النفس بدبرها من تحت الأرض

بس عشان ماما وبابا ما يشربوها من حدا غيري، وصرت أعمل القهوة أطيب من أول والحمد لله اتحسنت الفكرة اللي أخدوها على قهوتي اللي من غير نفس:showoff:

وما زالو بحكو عن قهوتي طيبة وعملولي دعاية بين الناس وصارو كل ما يجي عنا ضيوف يطلبو القهوة مني( بيني وبينكم ما بحب أعملها الا لبابا وماما)

http://files.shabab.ps/vb/images_cas...155616vc6g.gif

اشتأت لماما..وبهادل ماما.. صح انها كانت تبهدلنا عالطالعة والنازلة بس والله والله البيت من غيرها ماله طعم

من غير صوتها ومن غير بهدلتها والله إني اتعودت عليها وحتى على بهادلها..وكنت انبسط عليها لما تعصب..

ودايما بتناقر معها عن جد إتعودت عليها وعلى مقاهرتها
دايما كنا أنا وبابا نضل نقاهر فيها وننرفزها
ماما بطبعها بتعصب بسرعة
فلما كانت تبهدلني أنا أضل أضحك مش عشان ما عندي احساس
بس عشان بحبها بكل مافيها حتى لما تبهدل
وأنا يعني ما بقصر كنت أعمل حركات عشان أخليها تصيح علي وتبهدلني (والله بهدلتها بتجنن)وأضل أقاهر فيها عشان تعصب وبعدين أروح أراضيها..بجنن شكلها وهية معصبة

http://www.u11p.com/folder2/U11P_AluoE3RvYN.GIF

أحيانا بتدايئ وبزعل إذا صيحت علي
وأكثر شي بقهرني لما تصيح علي وبعد شوي تيجي تحكي معي ولا كأنها عملت شي
بس والله على قلبي زي العسل
هلأ افتقدت هالحركات كلها، افتقدت صوت ماما وحسها في البيت مهما كان بكفي إنه تكون موجودة بالبيت وأمتع عيني بشوفتها
بحبها ببهادلها،بعصبيتها،بطيبتها، بكل مافيها

مجتاجيتها كتير وأصعب شعور أحتاج لماما وأكون بدي أحكي معها وما ألاقيها
أول مرة بحياتي بشعر هالشعور(الله يرجعلي اياها هية وبابا بالسلامة يارب)
http://files.shabab.ps/vb/images_cas...155618IE8d.gif

بابا انسان هادي كتير.. وبنفس الوقت فرفوش كتير
يعني بحياتي كلها ما صيح علي إلا مرة وحدة ومستحيل أنساها هالمرة
كانت من فترة قريبة يعني يمكن قبل ما يسافرو بأسبوعين
صار موقف هيك وصيح علي بهداك اليوم ضليت للصبح وأنا أبكي
كانت أول مرة بحياتي ببكي بسبب بابا
مع انه الموقف كان طريف وعادي كتير إنه يصيح علي عشانه بس يومتها إتأثرت كتير لأنه أول مرة بصيح علي ومش متعودة أنا بالذات من بين كل أخواتي إنه بابا يصيح علي

http://www.u11p.com/folder2/U11P_AluoE3RvYN.GIF

يعني هوة مو مدحا بحالي بس الحق يقال
كان دايما يحكي حورية الوحيدة من بين كل أخواتها ما تعبتني وما بتغلبني بشي:icon15:
هالبنت رايقة وهادية
اشتأت لهالحكي من بابا:icon5: وينك يا بابا..

لو ضليت أحكي عن ماما وبابا ما رح أخلص عشان هيك رح أختصر.....

http://files.shabab.ps/vb/images_cas...155618IE8d.gif

بابا وماما حبوني
علموني وربوني
ياربي خلي بابا
والماما نور عيونييييييي

>>فاصل اعلاني:icon11:
دايما بغنيلهم هالغنية لما يجي على بالي أتهبل عليهم
http://files.shabab.ps/vb/images_cas...155618IE8d.gif

بكره أي حدا بسألني مين بتحبي أكتر أمك ولا أبوكي

بعمري ما فكرت أقارن بينهم بحب ماما كتير وبحب بابا كتير

بنظري بابا وماما أروع أم وأب بالدنيا كلها

بحسد حالي عليهم .. وبحمد الله وبشكره في اليوم ألف مرة انه عندي أب وأم متلهم
بحسد حالي لما أشوف الأباء والأمهات التانيين كيف بعاملو ولادهم بتكون معاملتهم مو منيحة

بحمد الله انه عندي أب وأم زي ماما وبابا مافي متلهم بالدنيا كلها الله لا يحرمني منهم

http://files.shabab.ps/vb/images_cas...155623Yezr.gif

كتير منكم رح يحكو اني ببالغ بس والله ما عم ببالغ

وهالحكي اللي حكيتو كله ولسا ما حكيت شي
مش متعودة أبدا أقعد بالبيت وما يكونو مماما وبابا موجودين

مش متعودة يمر يوم وما أشوفهم فيه

كيف هلأ (3 أسابيع رح يمرو)أصعب 3 أسابيع بحياتي

http://files.shabab.ps/vb/images_cas...155616vc6g.gif

بهالمناسبة هاي الأيام كتير أعصابي مشدودة
بتمنى إذا زعلت أي حدا بهاي الفترة أو عصبت على حدا لا تزعلو مني
صايرة أعصب كتير بهالفترة بليز ما بدي حدا يزعل مني إتحملوني بس بهاي الفترة
صاير دمي تئيل وزنخة بس والله مو بإيدي

http://files.shabab.ps/vb/images_cas...155618IE8d.gif

وأصلا أصلا أصلا انتو المفروض هلأ تدلعوني وتحطوني بعيونكم وما تزعلوني
عشان ماما وبابا مسافرين
ولازم كمان أي شي بطلبه تجيبولي اياه مالي دخل:showoff:
http://files.shabab.ps/vb/images_cas...155618IE8d.gif

طبعا عم بخطر ببالكم انه أنا يا أكبر وحدة بأخواتي يا أصغر وحدة:icon26:

بحب أبشركم أنا لا هيك ولا هيك
أنا أصلا جاي مكاني غلط بين أخواتي

يعني عندي 6 أكبر مني في منهم متجوزين وعندي 2 أصغر مني
(شفتو كيف مكاني غلط):matrix:

http://files.shabab.ps/vb/images_cas...155618IE8d.gif

اللي أصغر مني ولد وبنت الولد دلوع بابا والبنت دلوعة ماما
بس أنا محظوظة أكتر منهم:showoff:
لأني دلوعة بابا وماما
يعني التنين بدلعوني
يا الله شو اشتأتلهم بس مع هيك انا مش دلوعة>>لااااااااااحظو

http://files.shabab.ps/vb/images_cas...155618IE8d.gif

قولكم بكونو اشتائولي:icon11:
(ما احلاهم ما يشتائولي والله بخرب الدنيا):showoff:

http://files.shabab.ps/vb/images_cas...155618IE8d.gif
هاد الموضوع رح أورجيه لماما وبابا بس يرجعو لأنه مهم كتير بالنسبة الي

إدعولهم يرجعو بالسلامة ويرجعو ينورو البيت

وأهم شي إدعولهم يجيبولي هدايا كتير معهم:showoff:
>>>>>>> حبيت أعمل جو لأني عارفة كتير منكم رح يتأثرو بالموضوع:b:

http://files.shabab.ps/vb/images_cas...155616vc6g.gif

وأخيرا

شكر خاص لوردة الأقصى اللي تعبت معي كتير بالموضوع وساعدتني فيه(طبعا خالتها وجوز خالتها لازم تتوصى فيهم)

شكر خاص لأحان الحرية ونسرينا الفلسطينية

بشكر كل اللي فاتو عالموضوع وقرأوه

بشكر كل اللي ردو عليه

بشكر كل اللي وقفو معاي بهاي الفترة

بشكر كل اللي سألو عن ماما وبابا وبضلهم يدعولهم والله بنبسط كل ما يسألوني عنهم

http://files.shabab.ps/vb/images_cas...155623Yezr.gif

وأحلى بوسة لماما وبابا

http://files.shabab.ps/vb/images_cas...155628oCg5.gif

تحيتي ودعواتي الكم

بنوتتكم،،،هبولتكم،،،غنوجتكم

ح و ر ي ة ف ل س ط ي ن :icon26: