|
فياض فـِ واد .. وإحنا فـِ واد ..
يا صباح يا عليم يا رزاء يا كريم .. اليوم تكاسي العمومي في الضفه مضربين .. وأبل يومين دوائر السير، وامبارح المعلمين .. والله هالشعب المسكين صار مش عارف من وين يتلئى الضربات .. لما بمشي بالحاره بصّبح عالناس وبتفرج في وجوههم ما بشوف حتى ابتسامه الكل مهموم .. الكل طفران .. الكل زهئان .. ولما بسأل واحد: شو أخبارك؟؟ بيجاوب الحمد لله على كل حال .. هينا عايشيين!!! وبيتنهد هيييه .. الله يفرجها....
ولما بسألو : شو رأيك بالأوضاع؟ بيجاوب: والله هالسلطة مش جايبتها البر .. بدها تشَحِدنا الملح!! ولسه طلعلنا في السحبه أُصة برائة الزمة.... بدهم ايانا ما نفكر غير برغيف الخُبز .. يلعن أبو ( ...........) اليوم إللي شوفناهم فيه... الناس آعدين بموتوا وفياض بيحكي لسه في فرصة كبيره للسلام!!!! شو هالعالم هاي؟؟!!! ما فهموا لهلأ إنو اليهود ما بدهم سلام !!!!! والله الولد إللي بحضن إمه صار فاهم اليهود!!!!! شو بدي احكي لأحكي .. الله يغير هالحال .. ويفرجينا غير هالوجوه.... |
رد: فياض فـِ واد .. وإحنا فـِ واد ..
{وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ}
فياض وشلته ناس بعات ضميرها قبل ما تبيع الوطن .. حسبنا الله ونعم الوكيل عليهم ... القصة بدها شوية صبر .. وبإذن الله النصر قررررريب .. خلي أملك بالله كبيييييييييييييييييييير ...وأيقن بأن دعوة المظلوم مستجاااابة^.* ( لا إله إلا أنت سبحانك إني كنت من الظالمين ) |
رد: فياض فـِ واد .. وإحنا فـِ واد ..
اقتباس:
فاهميـــن اليهــود 100% بس الخاين طول عمرو بيضلو خــاين ,, وما بيقدر يغير شي مزروع في نفســو وما بيقــدر يحكي في وجــه أسيــأدو ومعلمينوو "اليهـــود" .. بعيـــن الله ع كــل حـــال ,, الله يجيب الي فيه الخيـــر لعنة الله على فيــاض واعوانه وعلــى كل من أيــده ,, لعنـــة الله على اليهـــود وأعوانهـــم وكل من أيـــدهم .. لا إله إلا أنت سبحانك إني كنت من الظالمين .. وامبارح الــ ........ فياض الغيــر شرعــي عم بطالب في حمــاس أنها ما تـ تدخل في المعـــابر ... لكان هو شو دخلو الهامل ,, الغيــر شرعي ,, الله يا رب ينصرك يا حمـــاس ويا رب يا حمـــاس ما توافقــي على شروط اتفاقيــة المعـــابر القـــديمة ... *_^ |
رد: فياض فـِ واد .. وإحنا فـِ واد ..
و الله فياض بالو فاضي بدو ينهب الشعب و على عينك يا تاجر
|
مروركم طيب
Bir
طبعاً أملنا بالله .. ولا هالشعب المسكين شو إللي بيصبروا غير هيك.. عجبتني ( أحب الصالحين ولست منهم) تسلمي عالمرور.. Abu-nour حماس أثبتت أنها أقوى من كل المؤامرات .. زي ما غيرت حرب حزيران في جنوب لبنان كل المخططات .. كمان ثبات حماس وإزالة الحدود في رفح غير كل المخططات .. أحنا ما بنراهن على أي رجل أمريكي .. أحنا بنراهن على حقنا العقائدي والتارخي .. وعلى المقاومة الأسطورية .. وإحنا والأرض بائيين والإحتلال إلى جهنم وبئس المصير.. ساندرا قانون براءة الذمة غير قانوني أصلاً .. والأولى ملاحقة ذمة المسؤول !!! على فياض أن ينزل من الڤيلا للشارع .. أو يترجل من مرسيدس ال ڤي ي بي .. أو يتزحزح من خلف مكتب السلڤر .. حتى يفهم شيء بسيط من هموم الشعب .. ومستلزمات حياته اليوميه .. لا أن يفيض علينا بقوانين تثقل كاهلنا وتزيد من ويلاتنا .. |
رد: فياض فـِ واد .. وإحنا فـِ واد ..
بسبب هالحكومة في الضفة ....
ارتفعت الأسعار بشكل جنوني .... اهل الضفة كلهم بيشكو من الوضع .... لما كانت حكومة فلسطين المنتخبة برئاسة حماس رغم انو كان عليها حصار ، بس الاسعار ما تغيرت .... لكن هلأ فش حصار والمليارات عم تفوت الضفة ورغم ذلك العيشة ما بتتحسن ولا بتنزل الأسعار ، بالعكس تماماً .... هادا غير الفلتان الأمني بالضفة ( حاميها حراميها ) ........ والمشاكل ، انتو بس افتحو على اذاعات الضفة واسمعوا المشاكل وكيف الناس كلهم بيشكو من الوضع .... |
رد: فياض فـِ واد .. وإحنا فـِ واد ..
حسبي الله على الظالم وبس
|
رد: فياض فـِ واد .. وإحنا فـِ واد ..
الله ينور طريق الايمان ،،
والحق منتصر ،، |
رد: فياض فـِ واد .. وإحنا فـِ واد ..
تسلموووووو على الموضوع الحلو وانشاء الله بيعجب الجميييييع |
رد: فياض فـِ واد .. وإحنا فـِ واد ..
مـــــــا بعد الضيق إلا الفـــــــــــــــــــــــــــ رج
وأسأل الله أن يكون الفرج قريب |
رد: فياض فـِ واد .. وإحنا فـِ واد ..
بجد كلامك ميه بالميه الله يعينا على هل الوضع الله يفرجها
تقبل مروري |
رد: فياض فـِ واد .. وإحنا فـِ واد ..
فياض!!
ههههههههههههههه الله ياخده و يريحنا منه يا رب *** حسبي الله عليهم واحد واحد حسبي الله على كل واحد ببيع ارضه و بلده و وطنه عشان كم دولار الله ينتقملنا منهم و يعجل بنصر الاسلام ياااااااااارب :) |
مرور طيب من الجميع
واضح إنو الكل شاعر بالشعب إلا رئيس الوزارء سلام فياض!!!!:wacko:
لم يفهم بعد أن قيادة الشعب واجبها الدفاع عن هموم المواطن !!! وأن القيادة السليمة كالسمكة لا تعيش إلا في بحر الجماهير... لسه كيف لو عرفتوا عن السلطة ( ملف الإحتكار):icon8: شركة جوال تملكها قيادة السلطة وتحصل على أغلى ثمن للدقيقة!!! وما أن حاول آخرين إنشاء شركة جديدة للإتصالات الخلوية ( الوطنية) حتى وضعت السلطة كل العراقيل أمامها وهي ليومنا لم تُمنح التراخيص اللازمه!!!!!!! شركة الإتصالات الفلسطينية ( السلكية) تمتلكها قيادة السلطة كشركة خاصة!!!! شركات الكهرباء في معظم محافظات الضفة هي شركات خاصة تمتلكها قيادات السلطة!!! شركة يونيبال تمتلكها قيادات السلطة ولديها وكالات أساسية كالدخان الأجبني ما عدى الفرنسي، وسلع عالمية مثل الإريال، هيد آند شولدرز.... (الخ) ثلاجات الخضار والفواكة الضخمة تمتلكها قيادات السلطة!!! حتى مديونيات البلديات اشترتها شركات خاصة تمتلكها قيادات السلطة!!!!!!! هذا قليلٌ من كثير عن ملف الفساد وإلإحتكار .. قيادات همها حساب البنك في سويسرا،، وأسعار الأسهم في البورصة .. وفي أوقات الفراغ وجبة كاڤيار على الإفطار في الإنتر كونتيننتال!!!!!! |
رد: فياض فـِ واد .. وإحنا فـِ واد ..
والله الي شفوه ماحد شافو ,,
الله يفرجها عليهم يارب ,, مابعد الضيق الا الفرج انشاء الله .. |
رد: فياض فـِ واد .. وإحنا فـِ واد ..
اقتباس:
|
رد: فياض فـِ واد .. وإحنا فـِ واد ..
الأماني الفلسطينية ،،،، عااشقة حماس .. تسلمو عالمرور وآمين..
|
رد: فياض فـِ واد .. وإحنا فـِ واد ..
اقتباس:
الحكومة اللاشرعية حكومة فياض افندي كل يوم لهي طلعتلنا بقرار جديد والطالع بالسحبة جديد برائة الذمة بالزبط متل ما قلت احنا بواد وفياض بواد .... يعني في الضفة الضغوطات مش بس بتيجي من اليهود كمان من اتباعه الخاينين الي بعاملو الشعب كأعداء الهم بس بتهمهم مصلحتهم ومصلحة انهم يشكلوا سلام مع الصهاينة ومش راضيين يستوعبوا انو ارضنا اخذت بالقوة فلازم ترجع بالقوة الله يخزيهم ... بجيهم يوم الله أكبر منهم حكومتنا الاصلية والغالية هي حكومة غالينا هنية والي مش عاجبة ينصرف يجعلوا ما عجبه ان شاء الله تفرج علينا وننتصر ع الاعداء واتباعهم اشكرك أخي ع الكلام الواقعي والي بجيبها عنوان الموضوع يغنى عن التعريف ربي يوفقك :s (43): |
رد: فياض فـِ واد .. وإحنا فـِ واد ..
نسمة بلادي .. تسلمي عالمرور .. والله يجبر بخاطرك:s (43):
|
| الساعة الآن 11:42 AM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas