|
حدث في غزة
بسم الله الرحمن الرحيم اليوم : الاحد التاريخ 2007/11/4 الحدث:: كانو ثلاث فتيات اخوة اشقاء (ج) و (إ) و (ح) اثنتان منهما بيدرسوا في جامعة القدس المفتوحة بغزة والاخت الثالثة ام لاربعة اولاد وبنتين منهم الاطفال ومنهم الشباب من يدرس في الجامعة ... ما حدث.. كانت الثلاث شقيقات يسرن في الشارع في امان الله في شارع الرمال بغزة وفي ما هن يقطعن الشارع اذا بسيارة جيب من القوة التنفيذية تسير بسرعة جنونية في شارع من اكثر شوارع مدينة غزة ازدحاما (يوم خطاب اسماعيل هنية ) سرعة غير مقبولة وغير مراعية لحرمات الانسان وحقه في السير بأمان في الشارع صدمت السيارة الثلاث شقيقات مرة واحدة طارو في الجو ونزلو على الرصيف ارتطاما المأساة :: ماتت الاخت الكبرى (ح) على الفور وهي الام وللصدفة البحتة (زوجها شافها وهي بتطير في الهواء وبترجع ترتطم بالرصيف ) اما الاختان (ج) و (إ) واحدة منهن في العناية المركزة مع غيبوبة وكسر في الحوض واضرار في الرأس وهي بين الحياة والموت والثانية كسر في الحوض ايضا وكسوووور كثيرة في معظم انحاء الجسم ........ وهي لا تعرف بعد ان اختها قد توفيت رغم تأكدها من ذلك بعد حيث انها قد رأتها تطير وتعاود السقوط من جديد من جهتها القوة التنفيذية تحاول اغلاق ملف القضية ومن جهتهم اهل الضحايا يرفضون فتح بيت عزاء حتى الآن حتى تجد العدالة طريقها حاليا جامعة القدس المفتوحة معلنة التعليق القصة الآن كاملة في مشفى الشفاء بغزة وللصدفة البحته عن مأساة هذه العائلة ان الاب قد توفي قبل شهر والام (ام الفتيات الثلاثة ) اصيبت بجلطة بعد وفاة زوجها ... و أحد اخوة الفتيات استشهد في الاحداث انا لله وانا اليه راجعون وحسبنا الله ونعم الوكيل كتبت هذه القصة بنفسي لانني اعرف الفتاتين اللتين يدرسان في الجامعة ولا يرضيني ان يضيع حق هؤلاء الفتيات وان يطوى ملف القضية مع التحية :icon5::icon5::icon5: |
رد: ذهب الضمير وعتت هذه القوة في الارض فسادا(رجاءا الكل يقرأ الموضوع ) حدث في غزة
الساكت عن الحق شيطان اخرس
وانا لن اسكت عن نقل هذه المأساة ولم ارتاح الا عندما كتبت القصة لانهم يحاولون طمس الحقيقة الله يهديهم وحسبنا الله ونعم الوكيل |
رد: ذهب الضمير وعتت هذه القوة في الارض فسادا(رجاءا الكل يقرأ الموضوع ) حدث في غزة
يييييييييي
قراتو هادا الخبر والله اني تنكدت مبارح ميرسي حبيبتبي |
رد: ذهب الضمير وعتت هذه القوة في الارض فسادا(رجاءا الكل يقرأ الموضوع ) حدث في غزة
لا حول ولا قوة الا بالله الله يعينهم يارب ويكون في عونهم
يسسلمو الك كتيير |
رد: ذهب الضمير وعتت هذه القوة في الارض فسادا(رجاءا الكل يقرأ الموضوع ) حدث في غزة
اقتباس:
كيف لو انك كمان بتعرفي البنات الله يشفيهم يا رب يسلموو حبيبتي على مرورك منورة :s (43): |
رد: ذهب الضمير وعتت هذه القوة في الارض فسادا(رجاءا الكل يقرأ الموضوع ) حدث في غزة
اقتباس:
يسلمووو على مرورك يا عسولة منورة :s (43): |
رد: ذهب الضمير وعتت هذه القوة في الارض فسادا(رجاءا الكل يقرأ الموضوع ) حدث في غزة
لا حول ولا قوة الا بالله ..
لازم ينتبهوا لهيك أمور والله الله يســــامحهم ويهديهم .. ولو أنــه قضــــاء وقــدر .. أولا وأخيرا بس بمـا إنهـا سيارة شرطة لازم يكون عندهم انتباه أكتر من غيرهم الله يهديهم يا رب .. ويكون في عون هالعيله .. ويصبرهم .. اقتباس:
سبق وصاير حوادث مــتل هيك واتصرفو معهم التصرف القانوني واللازم !! اما لو كلامك صحيح .. يبقى الله يهديهم والله .. ويبين الحق .. لو يوصل الأمر للقوّاد ما بيرضو هيك .. !! بس ان شاء الله ,, همي أصحاب ديـن .. وبيبقى الحادث .. خطـأ عن طريق الخطأ وليس عن طريق العمـد .. بس لازم كل واحد ياخد جزاؤو !! الله يكون بعون الي اتأزو .. ويهدي هالشباب كلهم يا رب |
رد: ذهب الضمير وعتت هذه القوة في الارض فسادا(رجاءا الكل يقرأ الموضوع ) حدث في غزة
حسبنا اللــــــه ونعم الوكيـــــــــــــــل
وانا لله وانا اليه راجعون |
رد: ذهب الضمير وعتت هذه القوة في الارض فسادا(رجاءا الكل يقرأ الموضوع ) حدث في غزة
لا حول ولا قوة الا بالله
والله هاي هي مأساه بحد ذاتها انا لله وانا اليه راجعون |
رد: ذهب الضمير وعتت هذه القوة في الارض فسادا(رجاءا الكل يقرأ الموضوع ) حدث في غزة
لا حول ولا قوة الا بالله نسال الله ان يرحمهم بالفعل كما قالت الاخت دموع الرحيل انوا يجب اخذ الحذر في الطريق لانوا خاصة في غزة ما يصير السرعة الزائدة لانها مكتظة بالسكان وانتي يا اختي ذكرتي انوا القوة تحاول غلق الملف ما اظن الخبر هاد صحيح لانوا يا اختي هدول الهم حق انهم يوخذوا الدية الشرعية وكتير بتصير احداث من النوع هاد ويا اختي بالنسبة للعنوان الي كاتباه اي ضمير الذي ذهب واي فساد الي تحكي عنوا هاد الاحداث كل واحد معرض الها واكيد ما صدموهم عمدا اختي كوني موضوعية في نقلك للاخبار احنا وافقناكي الراي انوا ما يصح هاد العمل ولازم يوخدوا حذرهم اما العنوان الي كاتباه ما يصح تتهميهم بالفساد فالقوة التنفيذية حققت في غزة عن الذي عجز عنه الكثير من تحقيقه |
رد: ذهب الضمير وعتت هذه القوة في الارض فسادا(رجاءا الكل يقرأ الموضوع ) حدث في غزة
اقتباس:
مرورك وكلامك على راسي وفعلا ممكن تصير احداث متل هيك بالغلط ولكن يا اخي انا ما حطيت العنوان هيك في اكتر من حادثة بتدل على هيك يا اخي قسامي قبل فترة تقريبا اسبوعين شاب في الثانوي منتمي للقوة التنفيذية اعتدى على استاذه في المدرسة بالضرب..... وفي حوادث كتير متل هيك بتصير انا مش ضد اي جهة او مع جهة تانية انا بعرف الضحايا يا اخي قسامي وبعرف شو حاولو الجناة انهم يعملو وفعلا قد حاولو انهم يغلقو الملف ولكن الخبر انتشر الآن يعني خلاص غير ممكن انو يغلق والحمد لله انا من جديد بأكد انا متت قهر على الفتيات لاني بعرفهم ومتت قهر من اللامبالاة اللي صارت (مع انها اكيد قضاء وقدر) ولكن كان لابد ان يكون هناط بعض الحذر في الطرقات ... في غزة اخي قسامي في بعض افراد هذه القوة التنفيذية (وانا اقصد اكيد ضعاف النفوس ) اصبحو لا يحترمون احد من الناس ولا حتى اساتذتهم ومعلميهم الله يهدي الجميع ويوفق الشعب الفلسطيني ويهديه دايما بتنور اخي قسامي غزة دمت بخير اخي |
رد: ذهب الضمير وعتت هذه القوة في الارض فسادا(رجاءا الكل يقرأ الموضوع ) حدث في غزة
اقتباس:
اختي العزيزة دموع الرحيل كلامك كلو صحيح ولا تعليق عليه انا معاكي بكل حرف كتبتيه الله يهدي الجميع ويصلح شباب الامة ربنا يجيب اللي فيه الخير وكل انسان في الارض ياخد حقه والعدل اللي بيستحقه نحنا لانطمح الا ان يكون هناك امن وامان وراحة بال للكل يسلموووو حبيبتي على مرورك ومنورة :s (43): |
رد: ذهب الضمير وعتت هذه القوة في الارض فسادا(رجاءا الكل يقرأ الموضوع ) حدث في غزة
اقتباس:
ربنا يهدي الجميع يا رب ويا رب يصير الوضع للأحسن يسلموووو اختي على مرورك ومنورة :s (43): |
رد: ذهب الضمير وعتت هذه القوة في الارض فسادا(رجاءا الكل يقرأ الموضوع ) حدث في غزة
اقتباس:
معاكي حق اختي العزيزة يسلمووو لمرورك وتعاطفك اختي منورة اختي :s (43): |
رد: ذهب الضمير وعتت هذه القوة في الارض فسادا(رجاءا الكل يقرأ الموضوع ) حدث في غزة
اقتباس:
اختي الكريمة انا اوافقك الراي في معظم كلامك واعرف انوا هناك اخطاء تحصل من بعض افراد القوة التنفيذية والتي لا تعبر الا عنهم شخصيا ويعني انا معاشر افراد القوة هاد وبعرفهم منيح وبعرف شو الي بيصير كتير وانا معك انوا في منهم يعملوااخطاء بس يا اختي مش معني هيك انوا الخطا هاد يعبر عن كل القوة ولازم كل واحد فينا بخطئ واي خطا بيصير من التنفيذية يتم معالجته بشكل جدي واكيد مش لازم هاد يصير منهم وربنا يصلح الحال يا اختي الكريمة وانا مقدر شعورد وفاهم كلامك جدا ومتفهمه ايضا ونسال الله انوا ربنا يهديهم للخير وربنا ينور مقدارك اختي وعلي كلامك الزوق اختي بطلب منك انك تغيري العنوان وتشيلي كلمة عتت في الارض فساد |
رد: ذهب الضمير وعتت هذه القوة في الارض فسادا(رجاءا الكل يقرأ الموضوع ) حدث في غزة
الله يهدي الجميع اختي
والله يرحمها ياارب ويصبر اهلها ياارب |
رد: ذهب الضمير وعتت هذه القوة في الارض فسادا(رجاءا الكل يقرأ الموضوع ) حدث في غزة
اقتباس:
اوك اخي العزيز قسامي وانا كمان موافقة على كلامك اخي قسامي لعيونك بنغير العنوان بتموووون اخي قسامي وربنا يجيب اللي فيه الخير :s (43)::s (43)::s (43): |
رد: ذهب الضمير وعتت هذه القوة في الارض فسادا(رجاءا الكل يقرأ الموضوع ) حدث في غزة
اقتباس:
الله يسلمكلك عيونك يارب وما ننحرم منك يارب الله يخليكي اكيد ربنا يجيب الي فيه الخير |
رد: ذهب الضمير وعتت هذه القوة في الارض فسادا(رجاءا الكل يقرأ الموضوع ) حدث في غزة
لاحول ولاقوة الا بالله وان اليه راجعون
بس أنا بعرف يانايت انهم فاتحين عزا أنا شفت العزا بعيني قريب منا الله يعينهم لاحول ولاقوة الا بالله وان ايه راجعون |
رد: حدث في غزة
مــاشي ،، تم تعديل عنوان الموضوع
لأنـه حرام نظلم الكل .. الي بقدمو الكتير مشـان أخطـاء البعض .. ويجب الاشارة انه التنفيذية او بالأحرى الشرطة خليـط من عدة فصائل ^^ الله يكرمك حبيبتي نــايت .. زوق والله يا قمر وربنا يفرجهـــا http://shabab.ps/vb/images/smilies/s%20(43).gif |
رد: ذهب الضمير وعتت هذه القوة في الارض فسادا(رجاءا الكل يقرأ الموضوع ) حدث في غزة
اقتباس:
الله يسمع منك يسلمووو على مرورك اختي منورة :s (43): |
رد: حدث في غزة
الله يرحمها يارب ويشفى الى بالمستشفى والله يكون بعون اهلهم يارب لا حول ولا قوة الا بالله |
رد: ذهب الضمير وعتت هذه القوة في الارض فسادا(رجاءا الكل يقرأ الموضوع ) حدث في غزة
اقتباس:
اوكي حبيبتي الموووضوووع صارلو كام يووم اكيد في اشياء تغيرت يمكن يكونو فتحو عزا ويا ريت يكونو فتحوووه على العموووم الله يعينهم يسلمووو اختي على مرووورك منورة :s (43): |
رد: حدث في غزة
اقتباس:
والله انك انت الزوق تسلميلي يا رب منورة حبيبتي دايما وابدا :s (43)::s (43)::s (43): |
رد: حدث في غزة
اقتباس:
يا رب يا اختي يا رب يسلمووو على مرورك اختي منورة :s (43): |
رد: حدث في غزة
الله يحميهم ويوفقهم يا رب
وشكرا اختي لنقلك للقصة انا اول مرة بسمع فيها تقبلي مروري |
رد: حدث في غزة
حسبي الله ونعم الوكيل
|
رد: حدث في غزة
حسبنا الله ونعم الوكيل ...
أنا برأيي أن يعاقب من فعل هذا .... وتصفية القوة من كل من يخرق القانون !! وشكراً ... |
رد: حدث في غزة
لكل قاعدة شواذ واصحاب الدين ما بحبوا الظلم وان شاء الله كل مين الو حق بيوخدوا وما في زي القوة التنفيذية لأنها عملت الي ما قدر يعملوا اصحاب النفوذ
|
رد: حدث في غزة
لاحول ولا قوة الا بالله
انا لله وانا اليه راجعون الله يصبرهم سلامي |
رد: حدث في غزة
بالأول اخت نايت كوين الي حكيتي عنهم بكونو قرايبي :)
بالأول تم فتح بيت عزاء في معسكر جباليا بالقرب من منزل والد زوج المرحومة ، الي هوي (( أبو حاتم شـ )) ،، وانا حضرت أيام العزاء كاملة وكان مبارح آخر يوم .. بالنسبة انو التنفيذية تحاول اغلاق ملف القضية ، هالشي مستحيل :) أول شي التزم نواب المجلس التشريعي بزيارة محل العزاء .. وأكدوا على مواساة العائلة ، ورح يفتحو ملف تحقيق اختي بالموضوع وسيأخد القانون محله ، ولو تم اغلاق ملف القضية ،، القصة بتصير عائلية وهالشي ما رح يرضوه أهل (( المجرم )) لأنهم في النهاية رح يتحملو المسئولية كاملة على أعمال التهور الي صارت ورح تكبر القضية ما رح تصغر .. اختي الكريمة الخطأ كاملا ً من القوة التنفيذية بس ما كان شي متعمد ولا كان قصدهم يصير هيك حادث ،، لكن الشخص الي كان راكب الجيب متهور جدا ً والمفروض ما يركب جيبات :) .. وعلى الحكومة تثبيت الموقف ومعاقبة الجاني ، فهي المسئولة عن حماية ابناء الوطن وعاقبة من يتجاوز قوانين السير مسئوليتهم .. |
رد: حدث في غزة
السلام عليكم ورحمة الله وبركاتة
كان الله في عونكم وانا لله وانا الية راجعون اخي محمود وهذا قدر وكتوب بس برضوا لازم يوخذ القانون مجراه ويا اختي ما بصير تنقلي خبر وانتي ما بتعرفي بكل التفاصيل لانو هيك رح تزيد المشاكل وبعدين ولا يمكن انها الشرطة تسكت على هيك موضوع مهما كانت هذة الشرطة |
رد: حدث في غزة
الله يرحم الى ماتت والله يشفى الى مرض
الى صار خطا غير متعمد ويا اختي نايت التنفيذية ما بتحاول تغلق هالموضوع مشكورة على الموضوع |
رد: حدث في غزة
مرحبااااااااااا للجميع
انا لما احكي كلمة بكون سمعتها ومتأكدة منها ولكل اللي حكا ان التنفيذية ما بتحاول تغلق ملف القضيه بيكون مجرد تخمين من عنده والحقيقة الكاملة ما ممكن تكون معروفة لدى الجميع يعني المهم ان الظالم لازم ياخد جزاؤه ولازم الكل ينسى انتتماءاته السياسية في هيك قضايا تخص الشعب وامنه انا بالاول وبالاخر ما بيهمني اني ادافع عن حد ضد حد ولكن الحقيقة معروفة والدليل موجود وشكراااا للجميع |
رد: حدث في غزة
اقتباس:
وعليكم السلام اختي ولكن انا بعرف بالتفاصيل ولو اجينا للحق ما حد راح يعرف ( تفاصيل التفاصيل )مهما حاول لازم تعرفي بهيك وان اي شي تغير بيكون نتيجة لبعض الملابسات او مرور كام يوم غير كام حدث مشكورة اختي على مرورك منورة |
رد: حدث في غزة
اقتباس:
وبكرر انا اول ما عرفت ان هادي الحادثة صارت ماهمني سوى نقل الحقيقة وانا عرفت وبعرف ان في كتير مرات بيحاولو انهم يغلقو ملف القضيه ببساطة لان كتير مرات بيقرروا يتنازلوا عن ضميرهم ..... اخي محمود انا ما ممكن اكون مهتمة بالتفاصيل السيااااااااااااااسية اكتر من اهتمامي لحياة الفتيات الجامعيات اللي انا بعرفهم وكل شي بيحاولو هلا انهم يعملوه واجب عليهم انهم يعملوه انا ما في علاقة قرابة بتوصلني بالضحايا ولكن هناك علاقات انسانية :) وممكن الكلام هادة ازا ما انوضع الو حد يصير شي دارج وتصير حياة الناس بلا قيمة ولذلك فإن النقطة الاهم ان المجرمين يتعاقبو واعتقد ان الكل متفق على هالنقطة :) مشكووور اخي محمود على مرورك دمت بخير اخي |
رد: حدث في غزة
اقتباس:
مشكووووور على مرورك اخي دمت بخير |
رد: حدث في غزة
اقتباس:
مشكووووووورة على مرورك اختي منورة |
رد: حدث في غزة
اقتباس:
مشكوووووووووور اخي على مرورك منور |
رد: حدث في غزة
اقتباس:
لازم القاون يكون اله دور اكبر من هيك (بصراحة ) عند معافبة المجرمين مشكووور اخي على مرورك |
| الساعة الآن 09:26 PM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas