|
بكفي تقصــيــــر يا شبــــاب فلسطــــين
السلام عليكم ورحمة الله وبركاته اخواني واخواتي الكرام حابب اناقش معكم مووضوع والموضوع هوا انوا الكل فينا ببعرف انوا قسم نور الاسلام ما في حد بيفوته من الاعضاء الا اكم واحد معدودين علي الاصابع وانا حابب اعرف هل السبب موجود في المشرفين بتوع القسم الي هما قسامي غزة واسيرة النجوم واحنا مقصرين في القسم هاد او مش معطيينه حقه الكافي اول هل الحق بييجي علي الاعضاء يعني التقصير منهم هما الي ما بفوتوا القسم وهاد القدس مهمش دائما علي عكس الاقسام الثانية مثلا قسم الالعاب او النكت بتلاقي الاعضاء موجودين هناك باستمرار فانا الي بطلبه منكم انكوا كل واحد يحكي فيكم اي فكرة حتي ننهض بالقسم واكيد ربنا يجزيكم الخير ممكن تكون فكرتك هي السبب بالرقي بالقسم ونريد من القسم الاسلامي ان يكون قسم نشيط جدا ونحن نبتغي الاجر من وراء ذلك فلا تقصروا اخواني في الرد علي موضوعي ما راح تخسر شي باضافتك معلومة ولو بسيطة وانا انتظر ارائكم ومقترحاتكم للنهوض بالقسم الاسلامي وتاكدوا يا اخواني اي راي راح نوخده بعين الاعتبار حتي الكل يكون اله الفضل في النهوض بالقسم وربنا يبارك فيكم لا تبخل علينا برايك |
رد: بكفي تقصــيــــر يا شبــــاب فلسطــــين
اه والله صدقت اخي
والله احنا مقصرين والله مش عارفة شو ارد عليك غير الله يسامحنا على تقصير |
رد: بكفي تقصــيــــر يا شبــــاب فلسطــــين
فعلا اخي قسامي غزة نحنا بنشوف تقصير كبير في قسم نور الاسلام واكيد نحنا ما بدنا يعتذروا لينا على تقصيرهم ولكن بدنا ياهم يساهمو باقتراحات واراء للنهوض بالقسم للأحسن واكيد فكرة حلوة اخي طرحتها انت هون مشان نستفيد من الاعضاء وشكرا اخي على المبادرة الحلوة وبتمنى الاعضاء ما يعملو حالهم مانهم شايفين ويشاركونا على الاقل باقتراحاتهم وفي انتظارهم مشان نعمل بافكارهم يمكن هنا شايفين شي نحنا مانا شايفينو ويسلمو كمان مرة |
رد: بكفي تقصــيــــر يا شبــــاب فلسطــــين
أخوى قسامى رفح حياك الله وشكرا على المبادرة ..
أنا دخلت هذا المنتدى وانجذبت لاسمه ( شباب فلسطين ) توقعته يكون موقع وطنى دينى بالكامل .. طلع موقع عادى بتقدر اتقول نصو عادى - لبنان وايران بتحتفل بيوم القدس العالمى واحنا شبابنا بيحضروا باب الحارة ويتنشطوا فى منتديات النكت والمسخرة . وبيهجروا المنتديات الوطنية والدينية .. فى كل رمضان التنظيمات بتعمل اقل شى عملية بتزلزل اليهود .. بس رمضان هادا مش شايف عمليات خاالص .. الظاهر انو حتى التنظيمات التهت فى مسلسل باب الحارة .. ههههههههه - بس انا مستغرب من شغلة .. فى حديث للرسول يقول فيه بما معناه ان النصر يأتى من قوم جبارين من بيت المقدس واكناف بيت المقدس يظلوا يجاهدوا وينصروا الاسلام ليوم الدين .. لكن استغفر الله العظيم هذا الحديث مش راضى يدخل عقلى لأنى كل يوم ازداد يقينا انو النصر لم ولن يأتى من شباب فلسطين . |
رد: بكفي تقصــيــــر يا شبــــاب فلسطــــين
معك حق اخي
بجد الكل مقسر بحق قسم نور الاسلام وانا ما عندي اي اقتراح حالياً ان شاء الله بكون لي عودة ^^ يعطيك العافيه |
رد: بكفي تقصــيــــر يا شبــــاب فلسطــــين
النفس بطبيعتها البشرية بتميل للدنيا ,, لهيكـ بتلاحظ انو احنا بعاد عن نور الاسلام مع اني بحاول ادخل بين كل فترة وفترة ,,,!!! فكرتي هيي ,, جائزة :: لأكثر الداخلين ع منتدى نور الاسلام بتمنى تعجبكم الفكرة ,, موضوع بستحق النقاش اخي قسامي شكرا الك خالص احترامي |
رد: بكفي تقصــيــــر يا شبــــاب فلسطــــين
اقتباس:
والله يا اختي كتبت الموضوع هاد لاني شايف التقصير الكبير للقسم هاد وانا بس حابب اسمع مقترحاتكم لعلنا معا وسويا نلاقي الحل المناسب احتي ننهض بالقسم الاسلامي واي فكرة او اي شغلة اكتبيها هون حتي نستفيد منها ومشكورة علي مرورك |
رد: بكفي تقصــيــــر يا شبــــاب فلسطــــين
اقتباس:
اقتباس:
وهاد جملة جوهرية حكتيها |
رد: بكفي تقصــيــــر يا شبــــاب فلسطــــين
يا اخ قسامي
كلنا مقصرين بحقو لكن انتا ما دورت على السبب الصحيح والي هو انتا والاخت اسيرة انتو اكثر اثنين مقصرين بحقو دايما وجودكم في مواضيع اخرى ما بشوفكم الا نادر بمواضيع اسلاميه بالله لمن ما تفوتو مين بدو يفوتو لمن اسيرة 24 ساعة وانتا 24 ساعة في اقسام اخرى والضحك مغطي على نور الاسلامي فكيف بدنا ندخلووو ان دخلتو انا بدخلو لاستفيد مش ارد وانا اسف لكلامي بس بردو من حقي اوجهلك رأي لحتى يصير تصليح خيو وتحيتي الك وربنا يوفقكم |
رد: بكفي تقصــيــــر يا شبــــاب فلسطــــين
عن جد والله احنا كتيييييييييييير مقصرين في هالقسم..
والله الكل.....>>>>يادوب اكم من واحد عم بيشتغلو فيه الله يجزيهم الخير... كلامك صح 1000000000%..... انا بقترح انو يكون في مسابقات وعناوين تجذب العضو أكتر وأكتر والمواضيع ما تتكرر ... بتمنى التفاعل من الجميع وانا معاكم اكييييد.... تقبلـ مروريـ عزيزيـ قساميـ....:icon26: :icon26: |
رد: بكفي تقصــيــــر يا شبــــاب فلسطــــين
اقتباس:
سامحني عالرد خيوووو و هدي أعصابكـ...:icon26: :icon26: |
رد: بكفي تقصــيــــر يا شبــــاب فلسطــــين
اقتباس:
مشكور اخي علي مرورك وانا صراحة بقدر صراحتك بالموضوع هاد اخي الكريم احترم رايك انوا انا والاخت اسيرة مقصرين بس يا اخي ما بنزل اي موضوع بنور الاسلام الا برد عليه انا والاخت اسيرة وهاد بيدل علي انوا في متابعة يومية للقسم ونادر ما ينزل موضوع ما باكون رادد فيه وبعدين يا اخي انت ادخلوا حتي تستفيد مش اذا كنت موجود انا والاخت اسيرة اكيد يا اخي انا هاخذ بردك انا اصلا نزلت الموضوع هاد حتي اسمع رايكم وانتقادكم لمشرفين القسم الاسلامي وان شاء الله كلنا ايد علي ايد بننهض بالقسم ومشكور كمان مرة علي صراحتك وربنا يقدرنا وننشط القسم الاسلامي |
رد: بكفي تقصــيــــر يا شبــــاب فلسطــــين
هابدا ردى بقول رسول الله صلى الله عليه وسلم (( من دل على خير فله مثل أجر فاعله ))
كلامك صحيح يا قسامى كلنا مقصرين فى حق قسم نور الاسلام بعكس الاقسام الاخرى مع انو اى دقيقة بنقضيها فية لينا فيها اجر وثواب دة طبعا غير الفائدة اللهم اجعلنا ممن يسارعون للخيرات ويتسابقون ويتنافسون نحو كسب الأجر العظيم والحسنات انا عندى اقتراح وهو انة نعمل وسام لاكثر عضو بيشارك فى القسم ودة ممكن يكون كل مدة معينة متفق عليها يمكن دة يحفز الاعضاء اكتر على دخول القسم والمشاركة وان شاء الله تكون فاتحة خير |
رد: بكفي تقصــيــــر يا شبــــاب فلسطــــين
اقتباس:
يا اهلا بيك اخي القاعدة الحمد لله يا اخي الموقع هاد شباب فلسطين هو موقع اسلامي واكبر دليل ما بنسمح تنزل بيه الاغاني الماجنة او صور المغنيين والمغنيات وهذه صور الفسوق اكيد يا اخي الكفار هم يهتموا بدينهم مع انوا هو دين باطل ويا اخي بالنسبة للعمليات الي تصير اكيد المقاومة الها اسلوب في الرد علي الاحتلال او تنتظر الفرصة واحنا ما نقدر الا انوا ندعي الهم وما نشكك بيهم لانهم اشرف منا جميعا وان شاء الله يا اخي النصر جاي بشباب الامة ونسال الله ان يهديهم وان يقوي المقاومة وان يرحم شهدائنا اقتباس:
باذن الله سيكون النصر من السواعد المتوضئة السواعد التي باعت الدنيا برخيص من اجل رفعة الدين والوطن مشكور اخي علي مرورك |
رد: بكفي تقصــيــــر يا شبــــاب فلسطــــين
و الله بالنسبة إلي لسة في أقسام كتير بالمنتدى ما دخلتها...
بالنسبة لقسم نور الإسلام... أحياناً بيكون العيب في طريئة طرح الموضوع و لكن في الغالب العيب فينا... بالنسبة للمواضيع...لاحظت في بعضها الإطالة...ناهيك عن الخط الصغير...و السطور المتراصة...و هدا بدوره بيتعب النظر كتير... برأيي الواحد لما يفوت منتدى بيكون قصده الترفيه عن نفسه...طبعاً هدا لا يمنع إنه ينزل و يرد على مواضع بالقسم...بالعكس هو المستفيد الأول و الاخير...لكن لما يدخل الواحد و يئعد دقايق يقرأ بموضوع واحد..سدئوني ما بتزبط معه... طبعاً إحنا عند التبرير ما في أشطر منا... على العموم...أنا بقترح إنه المواضيع تنطرح بشكل مبسط...سلس...مختصر..بيصل للقارئ بسرعة...بحيث لما يقرأه ياخد الخلاصة...مش يضل ساعة يقرأ بموضوع ..و طول ما هو بيقرأ يشوف ئديش ضايل (صحيح أنا بعمل هيك) و بالآخر يكتب "جزاك الله كل خير"... و بتمنى من كل عضو بينزل موضوع إنه يعمل شوية تنسيق...يعني يزبط الخط شوية...يغمئه إذا كان فاتح...إلخ...التنسيق حياخد منك أقل من دئيئة بس حيريح قارئ الموضوع و حيخليه يقرأ موضوعك و هوا مرتاح نفسياً مش بفعفص في عنيه... اذا أجي على بالي شي تاني برجع... أتمنى أن أكون قد أفدت..و ما تئلت... |
رد: بكفي تقصــيــــر يا شبــــاب فلسطــــين
اااااااخ بس ياما حاولت ايام ماكنت مشرفه على القسم الاسلامي ..
وحاولت احط مواضيع بتجذب القارئ بس مافي فايده.. انا برائيي انو نسوي موضوع عن اشراط الساعه..ونخلي كل عضو يدخل يحط الشرط اللي تحقق بزماننا الحالي من اشراط الساعه ومعاه صوره لهشي اللي تحقق.سوا كان سياسي او اجتماعي او او ... يعني مثلا الرسول صلى الله عليه وسلم قال انو اخر الزمان راح يصير فيه فشو السمنه .يعني راح تنتشر السمنه.يجيب العضو هالحديث وتفاصيل الموضوع مع الصوره اللي بيتكلم عنها الحديث...او مثلا التطاول في البنيان واللي هو صار الحين مع الحديث وصوره المباني اللي الحين منتشره بكل بلد.. يعني لو نسوي متل البحث .ويكونون كل الاعضاء مشتركين فيه..راح يكون فيه حماس.. ومو بس بموضوع اشراط الساعه بكل المواضيع المتعلقه بديننا الاسلامي راح يكون فيه نشاط للاعضاء.. هذي افكاري وانتم شوفوا وقرروا.. |
رد: بكفي تقصــيــــر يا شبــــاب فلسطــــين
اقتباس:
مشكورة اختي اميرة علي مرورك اكيد يا اختي التقصير علي الجميع مش علي شخص بعينوا وان شاء الله بترجعي النا بافكار جديدة واهلا وسهلا بيكي بكل وقت وربنا يوفق الجميع |
رد: بكفي تقصــيــــر يا شبــــاب فلسطــــين
اقتباس:
يا اختي فلسطينية والله ما بدنا اعتذار على تقصير بالنسبة للتقصير الكل مقصر ولكن بنتمنى تشاركونا بارائكم اي شي يجي في بالكم حطوه ونحنا ناخدوه بجدية مطلقه يسلمو اختي على المرور الطيب منك وفي انتظارك ان وقع في بالك اي فكرة تسلمي |
رد: بكفي تقصــيــــر يا شبــــاب فلسطــــين
اقتباس:
الله يعطيكي ألف عافية... هده النقطة مهمة كتييير...التشويق... يعني بساطة...سلاسة...و تشويق... الله يعين المشرفين.. |
رد: بكفي تقصــيــــر يا شبــــاب فلسطــــين
اقتباس:
ايش رايكم يامشرفين!! اذا تبغوا انا ابدأ بالموضوع ...... |
رد: بكفي تقصــيــــر يا شبــــاب فلسطــــين
اقتباس:
اها اختي مزبوط كلامك اختي ريحانة القلب النفس البشرية بتميل للمواضيع الضحك والفرفشة بس يا اختي ما ننسي كمان القسم الاسلامي وبالنسبة لفكرتك احنا شغالين عليها ان شاءالله انا والاخت اسيرة وعما قريب الموضوع هينزل ونورتي اختي ريحانة واكيد رايك عجبنا واي راي تاني ما تنسي تكتبيه حتي نستفيد منو ومن اراء باقي الاعضاء نورتي اختي ومشكورة |
رد: بكفي تقصــيــــر يا شبــــاب فلسطــــين
اقتباس:
يا اخي الا ميجي النصر من شباب فلسطين ومن شباب الامة ويا اخي هاد حديت نبوي ما مسموح الشك فيه ولا 0 في المية وبعدين اللي انت شايفو من يوم احتلت فلسطين لهلا شو بتحكي عنو الشهداء والمقاومين والشباب الفلسطينين اللي راحت ارواحهم مشان وطنهم شو بتحكي عنهم على العموم يا اخي انت شوف المنتدى منيح وبعدين احكم مو منيح تحكم من اول نظرة ولازم تعطي لكل شي وقتو مو تحكي هيك بس وتحكم على نظرة سطحية مشكور يا اخي ومقبول منك الرد دمت بسلام |
رد: بكفي تقصــيــــر يا شبــــاب فلسطــــين
اقتباس:
للاسف كلنا مقصرين مزبوط اختي هما الي يفوتوا القسم هاد اكم واحد ومعدودين علي الاصابع بالنسبة للمسابقات ان شاءا لله هيكون قريبا المسابقات هاد وبالنسبة للمواضيع المكررة كل موضوع بيكون مكرر بنحذف علي الفور ومشكورة علي اقتراحك هاد اختي منورة بمروك اختي الرمش الحساس وننتظر تفاعلك |
رد: بكفي تقصــيــــر يا شبــــاب فلسطــــين
اقتباس:
سلمتي اختي اميرة فلسطين ونحنا في انتظار اي فكرة لالك منورة اختي |
رد: بكفي تقصــيــــر يا شبــــاب فلسطــــين
اقتباس:
اها وهيك كنا راح نعمل وبنفكر انو نعمل جائزة بس نخلي كل شي بوقتو وجاري العمل في الفكرة تسملي اختي ريحانة القلب وفي انتظار ارا ء اخرى ومشكورة على الفكرة الجميله منك سلمت |
رد: بكفي تقصــيــــر يا شبــــاب فلسطــــين
اقتباس:
بالفعل مهما عملنا بنضل مقصرين ناحية القسم تبعنا بس يا اخي انت لو تدخل بس تطلع عليه راح تلاقي انو ليل نهار القسم مراقب وما بنترك موضوع مهما كان الا وبنقراه وبنستفيد منو وبنرد عليه اما بالنسبة للمواضيع فانا بحاول استفيد واقرا اكتر وبحب اشجع الاعضاء بالرد على مواضيعهم احسن من اني اضل احط مواضيع اللي بالنهاية ممكن ما يقراها حدا والله يا اخي ساعات بلاقي مواضيع رغم انها كتير مهمه بلاقيها نازلة للاسفل وبحاول اطلعها ساعتها بس بيدخلوها الاعضاء يعني بشوف انو الرد والاستفادة من مواضيع الاعضاء اهم بكتير اما بالنسبه لحط مواضيع فانا بحاول ادور على شي مهم وما نو موضوع قبل هيك مشان تعم الافادة على العموم ادا شايفنا انت نحنا مقصرين فعلى راسنا رايك ونحنا ما حطينا هالموضوع الا مشان نسمع انتقاداتكم وارائكم ومن عيوني اخي راح احاول اعمل اكتر واكتر |
رد: بكفي تقصــيــــر يا شبــــاب فلسطــــين
اقتباس:
اها وهاد اللي لازم يكون لازم تكون مسابقات مهمة وبتمنى تعملو انتو التانيين همتكم يسلمو اختي الرمش الحساس ما انحرم منك |
رد: بكفي تقصــيــــر يا شبــــاب فلسطــــين
اقتباس:
مو مشكله اختي هو رايو هيك بس ياريت يصير يدخل هلا للقسم ويشوف ادا مقصرين نحنا او لا على العموم هاد الموضوع ما محطوط غير لاجل انتقاداتكم وارائكم واي شي على عينا وراسنا دمت اخيتي |
رد: بكفي تقصــيــــر يا شبــــاب فلسطــــين
بصرااحة الكل مأصر وانا اولكووووو مابعرف و السبب
|
رد: بكفي تقصــيــــر يا شبــــاب فلسطــــين
اقتباس:
اكيييييد اختي فكرة كتير حلوة ومتل اللي طرحتها الاخت ريحانة القلب ونحنا جاري العمل يف هاي الفكرة تسلمي اختي على الاقتراح الجميل منك سلمت يا طيبه :icon26: |
رد: بكفي تقصــيــــر يا شبــــاب فلسطــــين
صحيح والله ...
احنا كتيير مقصرين بهاد القسم... مع انوا هوة اللي في الخير النا .... ومن ناحية المشرفين... لا والله اشهد بالله... انكم اديتوا الامانه... وجزاكم الله الف خير... ان شاء الله مانعود للتقصير... موفق قسامي ... يعطيك عافيه... انت وعزيزتي اسيرة ... الله معكم.... |
رد: بكفي تقصــيــــر يا شبــــاب فلسطــــين
والله صدقت يا قسامي غزة
واعتقد ما ضل كلام ولا اقول اكتر من الي حكوه الاعضاء يسلمو وفكرتك حلوة |
رد: بكفي تقصــيــــر يا شبــــاب فلسطــــين
اقتباس:
اختي مو معصب لا بالعكس هادي بس خيتي لا تنسي انو مشرفين القسم هما الي بحفزو الاعضاء ليدخلو القسم يعني لسبب ما وطبعا انا ما بلوم الاخ قسامي والاخت اسيرة بهذا الموضوع ولكن بردو بوجه انتقاد لحتى يكون في تعديل لهالامر ولكن يجب تكون في افكار جديدة الي تخلي الاعضاء يفوتو القسم ويحبوه اكثر واكثر وربنا يوفقنا جميعا ويهدينا الى الطريق الصحيح تحيتي الك اختي رمش |
رد: بكفي تقصــيــــر يا شبــــاب فلسطــــين
اقتباس:
تسلم اخي قسامي وياريت تسامحني بردو كلنا مقصرين لكن اخي لازم بردو انتا والاخت اسيرة تعملو افكار جديدة تخلي الاعضاء يفوتو هالقسم ويحبوه وربنا يجيب الي فيه الخير ويهدينا جميعا تحيتي الك اخي قسامي |
رد: بكفي تقصــيــــر يا شبــــاب فلسطــــين
تقصير
صحيح |
رد: بكفي تقصــيــــر يا شبــــاب فلسطــــين
الحين احنا بدل مانتعارك مع بعض لازم نشجع بعض وبعد كل قرصه تعليمه وخلاص.... ماقلتولي وش رايكم برأيي الاول اللي بالصفحه التانيه.؟؟؟شكلوا ماعجبكم؟؟
|
رد: بكفي تقصــيــــر يا شبــــاب فلسطــــين
السلام عليكم ورحمة الله وبركاتة صح حكيك بس انا بقترح انو لو كل يوم يكون على عضو يحضر موضيع جميلة وقصيرة وفيها فائدة ويكون في تصويت لاحلى موضيع واكثر مناقشة في المنتدى حتى يحصل على وسام ولول شعار صغير ممكن |
رد: بكفي تقصــيــــر يا شبــــاب فلسطــــين
كلامك 100%
ممممممممم شو في افكار افكاري ضايعه كنت برس ب5 اختبارات انشاءالله بفكر وبرجع باذنه تعالى وبارك الله فيك يا اخي على مثابرتك بتقدم الكمنتدى وبالتحديد قسم نور الاسلام يللي كتير من الاعضاء متجاهلينو^^ تحياتي والي رجعه |
رد: بكفي تقصــيــــر يا شبــــاب فلسطــــين
اقتباس:
اها عندك حق اختي باسمة اكيد هاد من احد الاسباب وهي الاطالة في المواضيع وعدم تنسيقها في الكتابه فبتمنى يراعو الاعضاء هاي النقطة واكيد راح نحط قوانين للقسم جديدة مشان الاعضاء يفهموها اكتر وان شاء الله ترقبو باذن المولى افكار جديدة للقسم دمت بسلام اختي باسمة :s (43): |
رد: بكفي تقصــيــــر يا شبــــاب فلسطــــين
اقتباس:
اها فكرة حلوة اختي وان شاء الله راح نفكر فيها اكتر ونبتدي في العمل فيها جزاك الله الف خير اختي المسلممة وان شاء الله عما قريب هاي الافكار كلها راح تطبق ان شاء الله عما قريب هلا عم نجمع وراح نبتدي فيها فكرة فكرة دمت بسلام :icon26: |
| الساعة الآن 10:41 AM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas