|
هل متابعة الرسوم المتحركه والأنيمي...تخلف؟وصغر في العمر؟وقلة عقل؟
السلام عليكم.......أنا من أكثر من يحب الأنيمي.....وبصراحه كل ما حد يعرف هاض الشي بحكي عني مجنون...وإني لساني ولد صغير.......ومن هاض الكلام..
طيب ليش ؟؟ كلنا تابعنا الرسوم المتحركه صح؟؟والكل بعرف شو الأنيمي...هل يعقل إنا نستهزئ في اللي بحبوها بس بكونوا فوق ال15 سنه؟؟ أنا بنظري الأنيمي أحسن من المسلسلات البشريه لعدة أسباب........أولها إنها ممتعه أكثر..وأحلى بكثير..ما بتلاقي فيها حكي فاضي وفلسفه من الممثلين... أتمنى إنكم تتفاعلوا....وشكراً لكم |
رد: هل متابعة الرسوم المتحركه والأنيمي...تخلف؟وصغر في العمر؟وقلة عقل؟
اوك انا معك من ناحيت انو الكل تقريييييبا بتابع رسوم متحركا
وانا من هادول الناس كتتتتتير بحب الرسوم بيحكولي نفس الشي هبله صغيره انتي مستحيل تكبري مين في الجامعه بيحضر رسوم!!! ومن هاد الكلام بس بصراحه انا ما عرفت شو الأنيمي...!!! هي يعني نوع من الرسوم !!! والله الرسوم كلو نوع واحد ع حد علمي ؛) بس بدي اضيف شغله انو الي بتابع الرسوم متحركه مو صغير ولا اهبل بس الواحد بحب يعيش ع البرائه و المتعه بس يعني اغلبيه المسلسلات الي بنتابعها يا نكد يا حكي فاضي يا قلت ادب يا سياسه وانا وحده ما بحب كل هاي الشغلات شكرا لطرح الموضوع اختك تقبل ردي |
رد: هل متابعة الرسوم المتحركه والأنيمي...تخلف؟وصغر في العمر؟وقلة عقل؟
انا واحد من الناس ما بتابع رسوم متحركة
حتى تقدر تقول ما بتابع التلفزيون بالمرة او اي مسلسل غير المسلسل الوحيد اجتياح جنين وطبعا هالمسلسل لو ما بحكي عن فلسطين ما تابعتو وبرضو كمان مش تتابع يعني مرة بحضر مرة بحضرش حسب لكن من الممكن انو في لحظة من اللحظات لو كان التلفزيون فاتح وانا بقلب بالمحطات احضر رسوم متحركة لكن فقط للمتعة الوقتيه مش اكثر يعني بس اني اتفرج دون اي تتابع فلذلك تعال اسئلني عن شخصيات مش حعرف الا ان في شخصية كرتونية رسمت شي في عقلي لكن اخي افلام الكرتون الها مظار اكثر من الحقيقية تعال للاطفال من عمر 15 لل10 سنين اسالهم شو الي خلاكم تحبو الافلام الكرتونية مش حيعرف يجاوب وانتا نفسك ابصر تعرف تجاوب لكن انا حقلك في هالفترة اخي فترة مراهقة وهي الفترة الانسان بستقبل كل اشكال الحياة وطبعا افلام الكرتون اشكال غريبة اصطناعية غير حقيقية تعال للي بتابعو افلام الكرتون بإستمرار احكي معهم راح تلاقي حكيهم حكي اطفال شفت سانشي كودو شو ساوى وكل كلامهم عن الكرتون حتى لو ما كان عن الكرتون راح يكون مقتبس من افلام الكرتون ولا شو رايك وطبعا حتى الي بتابعو افلام وبتابعو مسلسلات اغلب كلامهم عنهن في الوقت الحالي الاغلب بيحضر باب الحارة وانا واحد من الي بكره هالمسلسل لاجل كثر كلام الناس عنو يعني مثال امبارح كانو شباب اصحابي عندي قاعدين ففتحو التلفزيون فتحولي على باب الحارة قلتلهم خليكو قاعدين بس تخلص هيني في الصالة رنو علي هههههههه لاني خلص ما بدي اتابعها او ما دخلت في مخي تعال لو تابعنا فلم سهرة في الليل راح تلاقي الفلم اطبع فينا اشوية لكن في لحظة حينتسي لكن افلام الكرتون والمسلسلات والبرامج التلفزيونية كلها هي بتسبب في الانسان سرع ليعرف شو نهايتها وكل انسان فضولي حيظل يتابعها وكل يوم بزيد تطبع من هي الافلام وكثير اسمعنا قصص عن وفاة بسبب افلام الكرتون وخصوصا عند الاطفال يعني مثال لهذا الحكي اسمعنا قصة طفل عمرو 5 سنوات كان متابع للبيكمون في يوم من الايام طلع على سطح البيت ونط تقليد لبيكاتشو شفت كيف خواطر افلام الكرتون وطبعا انا اخي مش مستعد ادخل بنقاش مع اصحاب افلام الكرتون لانو اغلب متابعين هي الافلام بعد اذنك واحترامي الكم تفكيرهم حيكون محدود فالحياة مش بس افلام كرتون ومسلسلات وبرامج وتلفزيون ونت الحياة شغل وجهد وعمل وترفيه لكن مش نمسك اشي ونترك الباقي العقل بيتعب من هذا الامر فلازم التغير من وقت لاخر وتسلم اخي وتحيتي الك وربنا يوفقك ^^ |
رد: هل متابعة الرسوم المتحركه والأنيمي...تخلف؟وصغر في العمر؟وقلة عقل؟
أختي ليي ريان..أو سيمون...أو دانكن....بنفع أنتوني D: شكراً لك ولردك.....وبرأيي حكيك صحيح إنه المسلسلات كلها إما سياسه أو قلة أدب أو حكي فاضي.....وأنا برأيي كل المسلسلات نفس القصص..وخصوصاً المسلسلات العربيه..معظمها نفس القصه........شكراً لمرورك....آه نسيت...الأنيمي هي الرسوم اليابانيه اللي بتكون أشكالهم حلوه مثل كورابيكا D:...
أما إنت أخي ابن فلسطين.....ليش اللي بتابع أفلام كرتون بتلاقي حكيهم حكي أطفال؟؟معقول؟؟طيب شو رأيك إنه في اليابان في معهد خاص للأنيمي..يعني الرسوم اليابانيه...وكمان بعتمدوا عالأنيمي أكثر من المسلسلات..ليش؟؟تحكيش كل اليابان عقولهم صغار..وكل حكيهم حكي أطفال.....أنا برأيي إنها الدوله اللي بتعمل هيك هي الفهمانه..... وبالنسبه إلى إنه إنه كلام الناس اللي بتابعوا الأنيمي رح يكون مقتبس من أفلام الأطفال(عقولتك أطفال) ... الناس العاديين بكون كل كلامهم مقتبس من مسلسلاتهم الممله...صح ولا لأ؟؟.......ومين أحسن؟؟يكون مسلسلك كله براءه وطفوله...ولا يكون إشي ممل ونفس القصه بس الوجوه بتختلف؟؟ولا الواحد يحبس حاله وما يتابع لا هاض ولا هاض؟؟ أما قصة إنك بتبقى مرتبط فيه وبدك تتابعه لنهايته..وإنه بياخد عقلك فأنا أعترض...لأنه أنا على سبيل المثال بتابع الأنيمي عن طريق الإنترنت..وما بقعد عالتلفزيون...عالتلفزيون تابعت بس مسلسل القناص.....وحتى كملته على النت....أما قصة اللي نط عن السطح بدو يقلد بيكاتشو......خليني أصححلك القصه.مش بيكاتشو...بدو يقلد سوبرمان..سمعت فيها...وسوبر مان مش شخصيه كرتونيه..ظهر فيلم سوبر مان قبل ما يظهر الكرتون..شو يعني؟؟يعني إنها القصه تقليد للفلم...والرسوم المتحركه ما إلها دخل......صح ولا لأ؟؟؟؟؟؟؟؟؟ أما قصة إنه اللي بتابع هاي الأفلام رح يكون تفكيره محدود.....فأنا ما بتوقع إنه كلامك صحيح..مع احترامي إلك..بس هل يعقل إنك تحصر تفكيرهم بس عشان بتابعوا الأفلام والمسلسلات الكرتونيه و المسلسلات الممله؟؟ طيب إنت طول الوقت قدام الكمبيوتر...صار تفكيرك محدود إنه تفكيرك كله بس للكمبيوتر؟؟طيب لعلمك...الناس اللي بكونوا في المدارس...لو تلاحظ إنهم الأوائل بكونو هم المحترمين..وأكثرهم بتابعوا أنيمي...طيب كيف صار تفكيرهم محدود؟؟والفيزياء والرياضيات والعلوم كلها والدراسه كلها....ما بدها تفكير؟؟؟لا بدها تفكير أكبر من اللي بتتصوره...بس في معظم الأحيان بكونوا الأوائل عالمدارس معظمهم بحب الأنيمي والرسوم المتحركه وبتابعها أكثر من المسلسلات الممله........وشكراً لك أخي على مرورك وجزاك الله كل خير.....شكراً كثير..........وإذا بدك أنا برن علي وانت في الصاله!!!! D: |
رد: هل متابعة الرسوم المتحركه والأنيمي...تخلف؟وصغر في العمر؟وقلة عقل؟
مش غلط متابعه افلام الكرتون لكن مش بهوس و جنون بالرسوم المتحركة
عن نفسي انا ما بتابع بس لو كنت ملانه و لقيت اشي عجبني ممكن احضره و بحب اشكال الانيمي كصور او يعني شكلهم بيعجبني لكن ما بحب اتابع مسلسلات الانيمي و بنظري انو متابعين افلام الكرتون ناس عاديين و تفكيرهم عادي بدليل انه اللي صنع هذه الرسومات كبير و ليس طفل و ممكن شخص عجبته اشكالهم او مثلا القصه او اي شي بالفلم عشان هيك بيحضرو و اللي بيحضرو افلام كرتون غالبا ما يكون خيالهم واسع و هما تفكيرهم عادي مافي اشي غلط و في اليابان بعض مسلسلات الانيمي تصنع خصوصا للكبار و هاي وجهة نظري فقط و اكيد في اختلاف شكرا اخي لطرحك |
رد: هل متابعة الرسوم المتحركه والأنيمي...تخلف؟وصغر في العمر؟وقلة عقل؟
حكيك صحيح أختي.....شكراً لمشاركتك....بس بتوقعش إنه في متابعين بتابعوا بهوس وجنون...يعني مثلاً مش معقول أروح أتابع كل إشي إسمه أنيمي بس لأنه أنيمي....لا القصه إلها دخل...والرسومات كمان.....وشكراً كمان مره على وجهة نظرك D:
|
رد: هل متابعة الرسوم المتحركه والأنيمي...تخلف؟وصغر في العمر؟وقلة عقل؟
اكيد انو انا هلا ما بتابع الكرتون كل حلقه بحلقتها بس بحب احضرو بدل ما اتبع مسلسل غبي !!!
او ندكي او او او .... يعني المتابعه مو الادمان يعني انا شفت كتير ناس وهاد غلط هاد راي انا وشكرا لطرح الموضوع اختك |
رد: هل متابعة الرسوم المتحركه والأنيمي...تخلف؟وصغر في العمر؟وقلة عقل؟
شكراً لمشاركتك كمان مره أختي بلو......
|
رد: هل متابعة الرسوم المتحركه والأنيمي...تخلف؟وصغر في العمر؟وقلة عقل؟
لسلام عليكم.......أنا من أكثر من يحب الأنيمي.....وبصراحه كل ما حد يعرف هاض الشي بحكي عني مجنون...وإني لساني ولد صغير.......ومن هاض الكلام..
طيب ليش ؟؟ كلنا تابعنا الرسوم المتحركه صح؟؟والكل بعرف شو الأنيمي...هل يعقل إنا نستهزئ في اللي بحبوها بس بكونوا فوق ال15 سنه؟؟ أنا بنظري الأنيمي أحسن من المسلسلات البشريه لعدة أسباب........أولها إنها ممتعه أكثر..وأحلى بكثير..ما بتلاقي فيها حكي فاضي وفلسفه من الممثلين... انا الصراحة طقريبا مبتفرجش غير على كرتون و المسلسلات البشرية قليل اوى بس على فكرة الكرتون مش معمول للصغيرين بس على شان فى كراتين كتييييييير يعنى معمولة مخصوص للكبار عندك قناة ديزنى كلها كرتين للكبار و مفيش غير فقرة للأطفال و على فكرة ماما الى هيا ممتى بتتفرج على ديزنى ذى مسلسل طرزان على ديزنى ماما بتتفرج علية قبلى يعنى ملهاش دعوة بالسن و على فكرة انا شفت كذة فلم انمى عن الحرب و الحياة وصعوبتها و الله افلام محدش يقدر يسيطر نفسو ادمها انا ببكى من الافلام دى و الله ببكى ذى فلم اسمو لحن الحياة طقريبا مش فاكرة بس و الله بكيت و بابا كتير بيقعد يطريق عليا ويقولى انتى صغيرة على شان تتفرجى على الكرتون و على فكرة الكرتين مش بتعرض هبل يعنى بتعرض قصص و حجات بتحصل فى الحياة و بتكون مفيدة اكتر من المسلسلات الحقيقية و على فكرة الكرتون بطبعتو بينمى الذكاء على شان المخرج بيوقف الحلقة على جزء مشوق فى تفكير لاكن المسلسلات العادية بتتفرج على اول حلقة من المسلسل بتبقى عارف اية الى هيحصل دة هيتجوز دة و دة هيموت و دة هيطلق و دة هيبقى غنى يعنى معروفة سورى طولت فى الكلام بس لو اتكلمت عشر صفحات مش هخلص الكلام بردو عن الكرتون تسلم ايدك اخى سامى على الموضوع:s (43): و الله يوفقك اخى:showoff: ا |
رد: هل متابعة الرسوم المتحركه والأنيمي...تخلف؟وصغر في العمر؟وقلة عقل؟
حكيك صحيح أختي ..... المسلسلات كلها ممله..و98% منها نفس القصه...وبالنسبه لتنمية الذكاء...فما عليكم إلا إنكم تتابعوا المحقق كونان..ومفكرة الموت....وشوفو شو رح تستفيدوا خبرات ذهنيه...وخصوصاً إنهم المؤلفين يابانيين...أما المسلسلات البشريه...فكلها مثل ما حكت أختنا سولمارس نفس القصه...هضاك تجوز وهضاك رح يموت وهضاك رح يطللق..وهضاك شافله هذيك وهذيك راحت عند هضاك وبس...ما في تجديد بتاااااتاً...بس المسلسلات اللي بحترمها اللي بتكون تاريخيه...لأنه فيها إحياء للعقل البشري العربي......شكراً لمرورك أختي
|
رد: هل متابعة الرسوم المتحركه والأنيمي...تخلف؟وصغر في العمر؟وقلة عقل؟
ايوة كفية كونان الواحد بيبقا قاعد ادامو مش عارف راسو من رجلو:wacko: و بتقعد طول الحلقة تفكر تفكير عمرك ما هتلاقية فى مسلسل حقيقى يعنى تشغيل مخ مش كرسى ولا دسك بيتفرج وخلاص:b: |
رد: هل متابعة الرسوم المتحركه والأنيمي...تخلف؟وصغر في العمر؟وقلة عقل؟
حكيك صح؟؟؟؟وإذا بدك كمان في أنيمي إسمه مفكرة الموت....كله تفكير وذكاء مش طبيعي.....وفعلاً الواحد بكون يفكر وهو يتابع بنفس الوقت....مش جماد وقاعد؟؟
شكراً كمان مره عالتعليق |
رد: هل متابعة الرسوم المتحركه والأنيمي...تخلف؟وصغر في العمر؟وقلة عقل؟
مممم اصلا انا بأيي انو الاينيمي مش المفروض الزغار يحضروه يعني انو خصيصا للكبار يكون !!!
كتير من صحباتي بحبو الاينيمي الياباني ومهووسين فيه ... وبحاولو يعطوني حلئات وانا خلس مش مقتنعة فيه وابدا مش حاباه :( وانا هيك ابل ما اعرفو الاينيمي منيح كنت احكيلهم كبرولي عئلاتكو ما حد بالتانوي ومولع بالرسوم بهيك شكل ,, بس جرت احضر حلئة تأكدت تماما انو مش صغر عئل ... وانتا يا خيي سامي شكلك من هالنوع ,, يعطيك العافية على الطرح الحلو ^^ |
رد: هل متابعة الرسوم المتحركه والأنيمي...تخلف؟وصغر في العمر؟وقلة عقل؟
شكرا يا سامي - الاحمد على طرح الموضوع
لانع كتيير حلو وبستاهل المناقشة وبرايي انه لو الواحد يشوف الرسوم عمرها ا بتكون شي غلط سواء كان كبير ولا صغير لانه شي طبيعي في ناس كتييير بشوفوا النمي سواء كبار او صغار وما بتفرق لانه شغلة عادية وبالعكس احسن من انك تشوف مسلسلات وبعدين بابا يلي عمره تقريبا54 العمر كله اله ان شاء الله بحضر معنا وحتى ام بابا بتحضر معنا عادي وانا عني بتابع علطووووووول ومو عيب ولا لازم تكون صغير مشان تحضر الانمي اما المسلسلات مو كلها متل ما قلته بالعكس في مسلسلات حلو الواحد بضر انه يحضرها متل باب الحارة والتغريبة الفلسطينية و ليالي الصالحية ملاحظة لسامي - الاحمد: أنا بحب كورابيكا بس بحب كيلوا اكتر لانه احلى |
رد: هل متابعة الرسوم المتحركه والأنيمي...تخلف؟وصغر في العمر؟وقلة عقل؟
انا من اكتر متابعي الكرتون
والمسلسلات ما بحضر غير مسلسل يللي هو باب الحاره والكرتون احلى بمليون مره من المسلسلات وهو ابدا منو تخلف و...... على العكس و احسن من الكلام الفاضي للمسلسلات ويعطيك العافيه |
رد: هل متابعة الرسوم المتحركه والأنيمي...تخلف؟وصغر في العمر؟وقلة عقل؟
اقتباس:
اقتباس:
أما كورابيكا...فأنا بصراحه بحب كورابيكا وكيلوا أكثر من جون...و مرات بنسب حالي لعيلة زولديك..:showoff:...بس شكل كورابيكا أحلى لأنه أهدا من كيلوا...أما كيلوا الثاني حلو وبحبه كثيييييييييييييييييير........شكراً عالتعليق:matrix: |
رد: هل متابعة الرسوم المتحركه والأنيمي...تخلف؟وصغر في العمر؟وقلة عقل؟
والله معك حق الاتنين احلى من جون
لكن انا بحب كورابيكا لما تصير عيونه حمرة ويستخدم السلاسل اما كيلوا امووووووووووووووووووووووووووووووووو وووووووووووووووووور بموت فيه |
رد: هل متابعة الرسوم المتحركه والأنيمي...تخلف؟وصغر في العمر؟وقلة عقل؟
اتريك عصبي يا سامي الاحمد
خلص ما بنفع الحوا معك يا ابني الحوار فيه روح رياضية مو مشاكل وبعدين انت قابض من مسلسلات الانامي انا من راي التلفزيون كلو ما بلزم والله انا تلفزيون بغرفتي ما بفتحو الا ان جبت اسطوانة دفدي او سيدي اغاني او ان فتحت الديجتل بقلب على كرة قدم بقلب هين وهين وبزهق وبطفيه يعني مو مغرم تلفزيون |
رد: هل متابعة الرسوم المتحركه والأنيمي...تخلف؟وصغر في العمر؟وقلة عقل؟
اقتباس:
سلمات أبو الشباب....شو عصبي؟؟لا عصبي ولا شي:showoff: ..... أصلاً عجبني إنك شاركت هيك...خليتني أحرك لساني كثير..قصدي أصابعي:showoff: ..... والله بصراحه المواضيع اللي بحب أحكي فيها قلييييييييييييييييييله جداً.....وشكراً كمان مره عالمرور اقتباس:
اقتباس:
آه......أحلى شي لما كورابيكا تقاتل ضد هيسوكا...في الحلقات الأولى.....وأحلى شي كمان لما كان حامل عينين قبيلته وماشي بعيط.......والله حلو دائماً هالشب......يا ريت لو إني مثله:icon5:.... أما كيلوا أحلى شي لما تيجيه الحاله...أعتقد إنك فهمتيني شو يعني الحاله...يعني لما يبطل يعرف صاحب من عدو...مثلا الحلقه اللي تقاتل فيها مع البنت اللي أجت تثأر وحكا إنه قتلها أسهل من قتل أرنب..:showoff: ....... وكمان حلو لما يقعد يتهبل.....ولما يصير مثل البس(القط) .... مثل لما راح يشتري كل الـ(بسكوت) عقولته.....والله الثاني حلو كثييييييير....بس جون بحسه مفلسف كثير وثقيل دم وإنه لا يقهر....وليوريو كمان خفيف دم......بس عالقمه كورابيكا وكيلوا(مقعد الرئاسه من مقعدين:icon31:) شكراً عالمشاركه |
رد: هل متابعة الرسوم المتحركه والأنيمي...تخلف؟وصغر في العمر؟وقلة عقل؟
اه فهمت قصدك وبتذكر الحلقات لاني حضرت كل حلقاته لكن جون الحلو فيه لما يتقاتل مع حد ويستخدم عصايته بعجبني وقته لكن بحسه بنفس الوقت غبي
ولا تنسى كمان هيسوكا فظييييييييع وبااااااااااااااااااااااااااااااااا اارد وبتذكر في حلقة لما كانوا هما الاربعة في اختبار ومر يوريو وكورابيكا وجون على وحده عجوز سالتهم سؤال لو كان اختك وامك في خطر ولازم تساعد واحد مين تختار؟ ويوريو عصب وكان حيضربها حالحلقة كانت بتجنن اما حالة كيلوا بصير شكله بخوف لكن بعجبني كورابيكا لما تصير عيونه حمر |
رد: هل متابعة الرسوم المتحركه والأنيمي...تخلف؟وصغر في العمر؟وقلة عقل؟
آآآآه.....بتذكر الحلقه هاي......وعجبني كمان تفكير كورابيكا السريع إنه ضل ساكت......وتعرفي؟؟هيسوكا كمان بحبه كثييييييييييييييييييييييييييير..... ....بس صحيح إنه مرات بزودها بثقلة دمه...بس مرات بكون دمه خفيف.......يا الله شو حلو هالمسلسل.....إنت تابعتيه كله؟؟؟أنا نزلته بس لا ما حضرته...إن شاء الله في الأيام القادمه.....شكراً لك
|
رد: هل متابعة الرسوم المتحركه والأنيمي...تخلف؟وصغر في العمر؟وقلة عقل؟
أكيد حضرته كله اصلا انا بعشق القناص لانه بصراحة مسلسل مو طبيعي بجننننننننننننننننننننننننن لكن في اكم من حلقة في الآخر ما حضرتهم فاتوني بس بصراحة أحلى مسلسل شفته..بس قلي عندك صور لالهم ولا لا
|
رد: هل متابعة الرسوم المتحركه والأنيمي...تخلف؟وصغر في العمر؟وقلة عقل؟
عن جد إنه أحلى مسلسل...أنا عجبني عالآآآآآآآآآآآخر....وأكثر مسلسل بحبه...تابعت مفكرة الموت بس لأ القناص أحلى...تابعت بليتش..بس برضو القناص أحلى.....أما الصور فأنا عندي صور كثييييييييييييييييييييييييييييييييي ييير كثير كثير كثير للقناص.....في حطيت موضوع في قسم الكرتون.....أعتقد إنك ما شفتيه..وإذا بدك كمان صور عندي.....بعطيكي اياهم...موجودات على السبيس تبعي
MSN Space http://Kurutaa.spaces.live.com |
رد: هل متابعة الرسوم المتحركه والأنيمي...تخلف؟وصغر في العمر؟وقلة عقل؟
يسلمووووووووو سامي الاحمد والله ما قصرت الصور بجننوا كان
من زمان حكيت انه عندك هالصور وخاصة كيلوا على كل يسلمووووووووووو والله لا يحرمنا منك |
رد: هل متابعة الرسوم المتحركه والأنيمي...تخلف؟وصغر في العمر؟وقلة عقل؟
ههههه....الله يسلمك....بس والله مش كل الصور هاي...حطيت عدد محدود منها عالموقع......شكراً لك
|
رد: هل متابعة الرسوم المتحركه والأنيمي...تخلف؟وصغر في العمر؟وقلة عقل؟
العفو .. تعى كل يوم..لاحظت هالشغلة بس على فكرة هاي الصور اغلبهم ما عندي وانا عندي صور ما ليقتهم عندك
الا قلي صحيح اتزكرت معقول انه كورابيكل بنت وقال سمعت انه بنت وحيتزوج يوريو..صحيح هالحكي |
رد: هل متابعة الرسوم المتحركه والأنيمي...تخلف؟وصغر في العمر؟وقلة عقل؟
لا لا لا لا لا....ما في منه هاض الحكي بتاااااااااااااااااااااتاً.......أع تقد إنه قصدك عن الصور المزيفه....لا مش يوشيهيرو اللي راسم هاي الصور.....هدول شوية حيوانات عجبوا على كورابيكا وعملوه بنت...بس هو رجل...وما في منه بتاااااااتاً.....وأنا قاعد بكمل في القناص وما في شي من هاض الحكي.......
بالنسبه للصور اللي عندك..بتقدري ترفعيهم عالنت؟إذا فيها غلبه بلاها.......وشكراً لك كمان مره |
رد: هل متابعة الرسوم المتحركه والأنيمي...تخلف؟وصغر في العمر؟وقلة عقل؟
احكي رأيي اه
انا من اشد المعجبين والمتابعين لافلام الكرتون توم وجيري كونان ريمي يعني كتير ما بدي اعد لان مش راح نخلص اليوم هههههههههه انا من صغري متابعة لهادي الافلام وما بطلت اتابع وانا بشوف ان مش عيب ابدا بل بالعكس كل شخص حر باللي يتابعه وباللي بيجي على باله مشكووور اخي سامي الاحمد على الموضوع مع التحية |
رد: هل متابعة الرسوم المتحركه والأنيمي...تخلف؟وصغر في العمر؟وقلة عقل؟
لا ولا يهمك يا سامي الاحمد لا تعب ولا شي مرة انت ومرة انا
قريب بنزلهم ولا يهمك وبعطيك خبر وقت ما انزلهم كل عام وانت بخير وريحتني مشان كورابيكاااااااااااااااااا |
رد: هل متابعة الرسوم المتحركه والأنيمي...تخلف؟وصغر في العمر؟وقلة عقل؟
اقتباس:
العفو أختي......وشكراً لمرورك.....وفعلاً مش لازم نحكي عنها قلة عقل أو صغر أو هيك شي...الناس أذواق...شكراً كمان مره:showoff: |
رد: هل متابعة الرسوم المتحركه والأنيمي...تخلف؟وصغر في العمر؟وقلة عقل؟
اقتباس:
شكراً كثيييييييييييييير إلك أختي...وجزاكي الله كل خير.....أما بالنسبه لكورابيكا فكل العفو......لا تخافي أبداً...أنا واياه قضينا عمر مع بعض...ومتأكد إنه واحد:showoff: |
رد: هل متابعة الرسوم المتحركه والأنيمي...تخلف؟وصغر في العمر؟وقلة عقل؟
هاي سامي الاحمد..كيفك.. أبشرك نزلتك الصور اللي طلبتهم مني. موجودين في قسم الصور.. بعنوان حبايبييييي حتى اني بالغلط نزلت الموضوع مرتين وهم فوق ال15 صورة .. اتهنى يا عم مين ادك.. واي خدمة تانية انا موجودة
|
رد: هل متابعة الرسوم المتحركه والأنيمي...تخلف؟وصغر في العمر؟وقلة عقل؟
حلو انه الانسان يضل شي عنده من الطفوله انا لهلا ازا كنت بقلب ب التلفزيون وشفت توم وجيري بحضره وبضحك عليه كمان
بس اكيد كل شي اله وقته ابن فلسطين ردك كان جميل ومنطقي بس كمان ما بعتئد انه ممكن الاطفال يقلد الكرتون ممكن في نوعيات من الكرتون فيها مبالغة واغلبها خيالية بس ما لازم توصل انه الاطفال يقلدوا |
رد: هل متابعة الرسوم المتحركه والأنيمي...تخلف؟وصغر في العمر؟وقلة عقل؟
لا مو صغر عقل
انا اموت بعض مسلاسلات الكرتون ومنها القنااااااااااااص ... خاصة كيلوا وبعدين بتضل احسن من غيرهااا يعني انا اتفرج على الكرتون ويضل احسن بكتيييييييير من الاغاني يالي فيها غضب الله بس اهم شي انو ماضل طول الوقت على التلفزيون :icon11::s (43): شكرااا اخي سامي |
رد: هل متابعة الرسوم المتحركه والأنيمي...تخلف؟وصغر في العمر؟وقلة عقل؟
القصة لما تزيد عن حدها ... تصير مضيعة وقت
و ما في اصغر و اتفه من عقل اللي بيضيع وقته صغر و كبر العقل مش متعلق بالسن ... بل باهتماماته اخي سامي انتا بتحكي عن اليابان انها بتعمل الصح لما تفتح مراكز لتعليم الانمي طيب ما اختلفنا بس ممكن تحكيلي بعد شو فتحوا هالمراكز ؟؟؟ بعد ما تطوروا في مجالات تانية اهم بكتير من الانمي و القصص الخيالية اللي معبيين فيها عقول الصغار و الكبار في نظري في اشياء اهم بكتير من مشاهدة و متابعة الانمي ... لكل واحد الحق انه يحضر فلم كرتون احيانا بس للترفيه ... لكن انه الشغلة تصير ادمان و اهتمام كامل مرفوضة بشدة طيب هلا اراهن على انه معظم الشغوفين بافلام الانمي ما بيعرفو ابسط امور دينهم اسألك سؤال و يا ريت تجاوب عليه بسرعة و من غير اللجوء للمستر جوجل ما هي فرائض الصلاة ؟ ابسط سؤال متعلق بفريضة بتعملها 5 مرات في اليوم لازم تجاوب عليه بسرعة تقدر؟ لا اعتقد انك حتجاوب فورا من غير تخمين و ان جاوبت فالسواد الاعظم من الشباب اللي مدمنين افلام كرتون ما رح يجاوبوا مع اني لو سألت عن شخصية كرتونية اتلقى الجواب قبل ما انهي السؤال انا مش بس بنتقد افلام الكرتون ... بل انتقد كل المسلسلات و البرامج اللي ما الها لزمة كل شي اله وقته ... و كل شيء بقدره ... و لو انه الشباب اللي في مثل عمرك اهتموا بدينهم و بتعلم تاريخهم بنفس الشغف على الانمي و البرامج التانية لكنا تفوقنا على اليابان و كل الدول المتطورة انا اوافق رأي اخي ابن فلسطين بشأن افلام الكرتون صحيح الطفل الصغير ما رح نحرمه من الرسوم المتحركة ... لكن لازم اختيارها بعناية ... و ابتداءًا من سن 10-11 لازم يبدأ يتخلى عنها ... و يفهم انه بدأ يكبر و عقله بحاجة للاهتمام بأشياء اكبر من مجرد الانمي و الرسوم المتحركة اشكرك على الطرح |
رد: هل متابعة الرسوم المتحركه والأنيمي...تخلف؟وصغر في العمر؟وقلة عقل؟
اقتباس:
اقتباس:
اقتباس:
|
رد: هل متابعة الرسوم المتحركه والأنيمي...تخلف؟وصغر في العمر؟وقلة عقل؟
السلام عليكم ورحمة الله وبركاته...
أعتقد إنه في تحيه في الإسلام وهي (السلام عليكم).... حكيك صح إنه القصه لما تزيد عن حدها بتصير مضيعه للوقت..بس ما في إشي زايد عن حده....أنا مش حاكي إنه الناس اللي بدمنوا وبتركوش التلفزيون والكمبيوتر وبمارسوش نشاطاتهم الدينيه والدنيويه عشان الأنيمي إنهم محترمين وفهمانين... لا...هم بنظري أقذر من القذاره نفسها...وأنا الناس اللي بقصدهم هم الناس اللي بسخروا عن اللي بتابعش غير الأنيمي...سواء كان بإدمان أو بغير إدمان...أما اليابان....فهي فعلاً فتحت معهد الأنيمي هاض...وهو إشي صح.. تعرفي ليش صح؟؟لأنه عنا هون في (لوطن العربي) فاتحين مليـــــــــــــــــــــون معهد.....لشو؟؟واحد لتعليم الأغاني الفاجره..والثاني لتتمثيل..ولعمل الأفلام والمسلسلات العربيه الساقطه(مش قاصد المسلسلات اللي بتحكي عن الإسلام والمسلمين ) ... ولأنهم (العرب) مش سائلين باهتمامات أولادهم...تخيلي لو الوطن العربي عمل معاهد أنيمي أو رسوم متحركه .. ودرب على عمل الرسوم المتحركه اللي بتصور بطولات العرب والمسلمين و بتنصر الإسلام وبتعلم أركان الإسلام والإيمان للأطفال,,,,,شو بطلعو؟؟مش بطلعوا أكثر إشي بحبوه اللي شافوه وهم أطفــــــــــال؟؟أما أطفال العرب اليوم...جيبي بنت سنتين بتصير تغنيلك أغاني فاسقه...من شو؟؟لأنه أكثر إشي بتشوفه عالتلفزيون الممثلين والممثلات والحكي الفاضي...والأصل إنه الشعب يعتني بالأطفال لأنهم شباب المستقبل..ولو عملو مثل ما حكيت شوفي شو شطلعوا شباب العرب.....مش كان شبابنا إحنا حالياً عالقمه؟؟؟بس للأسف...معظم الشباب...بنختزي فيهم......في أنيمي مخصص بصور حروب اليابان و خصوصاً الحرب العالميه الثانيه..وبصورلك لما انقصفت هيروشيما وناجازاكي نووي ومن هالحكي...طيب روحي لمعظم شباب اليابان اللي في أعمارنا وأكبر شوي...بتلاقيهم كلهم تقريباً ما بطيقوا إشي إسمه أمريكا...وبتلاقيهم حافظين تاريخهم عن غيب....لأنهم شافوه وعرفوه وهم صغار..أما عنا...فبعطونا تاريخنا بدروس وبلقنونا اياه تلقين......... بالنسبه لمعرفة أبسط أمور ديننا.....سؤالك اللي سألتيه أنا اعتبرته إهانــــــــــه.....وهل يعقل إنه واحد ما يعرف فرائض وأركان الصلاه من وضوء وتكبيرة إحرام واستقبال قبله و نيه وخشوع وركوع وسجود وغيره وغيره.....لو حد سألك اياها ما بتعتبريها إهانه؟؟... أنا بحتقر الناس اللي بتفكريهم هيك....بقدسوا الأنيمي وبعرفوش شو هو دينهم...بس بتوقعش إنه الإسلام حث على إنه الواحد يتهم الناس بعدم معرفتهم أمور دينهم و إقرارهم بإنهم مش رح يعرفوا......بس على كل حال أنا رح أمررها هالمره...وبعتبرك ما حكيتي إشي.... أما رأي ابن فلسطين....فأنا مثل ما حكيت فوق إنه فعلاً لازم الواحد يختارها بعنايه...بس مش إلزامي إن يتركها بعد سن 10-11 سنه....والأصل ما يتركها....إنت حكيتي إنه صغر وكبر العقل مش متعلقه في السن...كيف حكيتي كمان مره في الأخير إنه لازم يفهم إنه (كبر) ولازم يهتم بأشياء ثانيه....أنا مش حاكي إنه الواحد لازم يكرس كل وقته وحياته للأنيمي...أنا اللي حكيته إنه اللي بتابعو الأنيمي مش صغار عقل...وإنه عقلهم كبير مثله مثل أي عقل خلقه الله...حتى أنا متأكد إنه متابعة (بعض) أنواع الأنيمي بنمي الذكاء والأفكار اللي عنده....بس برضو بحدود...ومش لازم ينسى كل أمور دينه ونشاطاته عشان الأنيمي...أما مش إنه صار 12 أو 15 سنه معناها كبر وصار لازم يفهم إنه كبر وخليه يهتم باهتمامات ملائمه لسنه........ شكراً على مرورك |
رد: هل متابعة الرسوم المتحركه والأنيمي...تخلف؟وصغر في العمر؟وقلة عقل؟
اقتباس:
و عليكم السلام و رحمة الله و بركاته ... اسفين ع الرد على الموضوع من غير السلام عليكم :b: اقتباس:
اخي انا قلت انه غلط لما تصير ادمان و اهتمام كامل و بالنسبة لليابان انا ما حكمت ان كان شيء صح او غلط ... بس طلبت منك تفكر ... هما عملوا هالمعهد بعد شو ؟؟؟ بعد ما تطوروا و تفوقوا في مجالات تــــــــــــــــانية ... و حقهم يعملوا هيك معهد ما داموا يكسبوا من هالافلام ملايين الدولارات .. و ما داموا تفوقوا في مجالات تانية بعيدة كل البعد عن الانمي اقتباس:
دخلت في موضوع تاني اخي كون العرب فاتحين معاهد ما الها لزمة ما بيعني انه اي اشي بيعمله غيرنا صح اوافقك اخي في انه لو العرب صوروا بطولات العرب و المسلمين للاطفال من خلال الانمي لكان شيء جيد لكن انتا في موضوعك بتحكي عن متابعة انمي غير اللي بنتمناه لاطفال العرب و المسلمين :b: و بناء على ذلك كان ردي على الموضوع و كوننا بنتمنى لاطفالنا انمي و افلام كرتون بهالمستوى ما بيعني انه من المحمود نتابع افلام اليابان و انا ما بعتبر الانمي بديل جيد للي بيقدمه الاعلام العربي و شبابنا ما رح يكون في القمة الا لما يرجع لدينه و يهتم اكتر لنهضة امته اقتباس:
بس برجع و بحكي عن موضوعك من البداية ... انت حكيت عن الانمي بشكل عام ... و اظن انه معظم افلام الانمي ما بتحكي عن التاريخ ولا شي ... معظمها قصص خيالية صح ولا لا ؟ طيب انا لما بتفرجها شو رح استفيد ؟؟؟ اقتباس:
قلت انك لو جاوبت ... فالسواد الاعظم ما حيجاوب انا طرحت هالسؤال على غيرك ... بس كان عندو ادمان من نوع تاني - الكورة - و جوابك مش كامل و ملخبط و مش مرتب :b: و في فرق بين واجبات الصلاة و فرائض الصلاة انتبه ... الفرائض هي : - النية - تكبيرة الاحرام - القيام في الفرض - قراءة الفاتحة - الركوع - الرفع من الركوع - السجود - القعود الاخير و التشهد فيه - و السلام هاد هو الجواب اللي كان لازم تعرفه و الاهانة الحقيقية هي انه المسلم ما يعرفها ^^ على العموم مش هادا موضوعنا اقتباس:
اقتباس:
و انا ما اتهمتك والله ... لانك فعلا ما كنت عارف الجواب ... و كنت متأكدة من هيك اشي و يا اخي ما تعتبرها اهانة ولا شيء من هذا القبيل ... بل اعتبرها اختبار لالك خليه يعرفك بمعلوماتك ... بتعرف شخصيات الانمي اكثر من ابسط امور دينك ... و كلنا بنتعلم ... و كلنا جاهلين بكتير اشياء من ديننا ^^ اقتباس:
اقتباس:
و لسا على رأيي انه الطفل لما يدخل في سن 10-11 لازم يبدأ يقلل من مشاهداته لافلام الكرتون و يخلي اهتماماته اكبر من هيك ... هاي داخلة في مجال التربية ^^ و يا اخي مش بس افلام الكرتون اللي مضيعة وقت شبابنا ... بل و كتير برامج تانية و مسلسلات و غيره و غيره ... الاعلام كله على بعضه غلط ... ما عدا بعض القنوات الاسلامية ... و هي معروفة و لهلأ مش شايفة اي فايدة اجتنا من افلام الكرتون ... معضمها بتعرض الثقافة الغربية او قصص خيالية و يبقى هادا رأيي الشخصي ^^ اشكرك |
رد: هل متابعة الرسوم المتحركه والأنيمي...تخلف؟وصغر في العمر؟وقلة عقل؟
عفوا سامحوني يا جماعة على الدخول بينكم
لكن يا سامي الاحمد كل واحد عنده رايه بجوز نور زودتها شوي لكن ما بصير انت وهي تتعدوا الحدود في الكلام وتفوته الاهانة والاستحقار تناقشوا لكن بطريقة احسن من هالطريقة عشان ما حد يكره حد |
رد: هل متابعة الرسوم المتحركه والأنيمي...تخلف؟وصغر في العمر؟وقلة عقل؟
اقتباس:
لكن الظاهر انه الاخ سامي عصب شوي و فهمها غلط ^^ و أنا شايفة أنه ما حد فينا تجاوز الحدود بالعكس ... بنتناقش باحترام و كل واحد فينا مقدر وجهة نظر التاني :) |
| الساعة الآن 11:40 AM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas