:sh148: مرحبا صبايا :sh148:


كل عام و انتو بخير بمناسبة رمضان..


طبعا بما انو الدنيا رمضان ..

عسولة فاتت عالمطبخ :showoff: تعمل بسبوسة..


و بلشت أخلط بالمواد .. و مش عارفة كيف رح تطلع معي..

و طول ما أنا بعمل فيها .... كنت أحكي الله يستر ما يمسكوها علي..

ازا طلعت مش زاكية..



و بعد ما عملتها .. و خلطتها .. و حطيتها بالصينية و طلعتها من الفرن..

طلعت ...:ja62:




طلعت يما ما أزكاها أزكى من العسل...


بس ما طلعت بسبوسة.. طلعت صنية جوز الهند.. يلا ما أفرئت كتييير... :b:



و حبيييت أشاركم الوصفة.. تفضلو..

المكونات..

2 كوب سميد..

1 كوب سكر..

1 و نصف كوب جوز الهند..

4 أو 3 بيضات ..

1 علبة لبن حجم متوسط...

ملعقة كبيرة باكنغ باودر..

كاسة صغيرة زيت ألي... زيت ذرة يعني

ملعقة فانيلا ...


طريقة العمل..

اخلطي جميع المكونات مع بعض .. ما عدا السميد و جوز الهند..

لمدة 3 دقتئق..

و بعدين حطي السميد و اخلطيه.. و بعدين حطي المبروش..

حطي الخلطة في صنية الخبز..

و بعدين حطيها بالفرن لمدة ربع ساعة..

بعد ما اطلعيها .. قطعيها و حطي عليها قطر(شراب)... و رشي عليها جوز الهند..

و صحة وهنا..

بنصحكو تجربوها... لأنها كتييير طيبة عنجد


و اللي بتعملها تصورها و تورينا اياها كاثبات..

و الله بطلع معي اشي منييح ..:showoff: