منتديات شباب فلسطين - ونعود اليكم من جديد بموضوع مثير للاهتمام

بداية السلام عليكم ورحمة الله

:icon26:كيفكم شباب فلسطين والله مشتاق كتير ليكم :icon26:

حبيت ارجع لكم بموضوع مثير للاهتمام وهو

الدوافع

http://files.shabab.ps/vb/images_cas...080837t2Ug.jpg

عمرك سمعت عن حد بيشتغل في مكان كويس ومع كده سابه؟
عمرك بدأت نشاط وبعدين سبته عشان مش عايز تستمر؟
إيه اللي بيخلينا نعمل حاجة ونكون متحمسين ليها جدا، وحاجات تانية بنعملها واحنا مش طايقينها؟
الجواب حاجه واحدة بس.. الدوافع
**********
أحيانا بنفقد الدافع اللي يخلينا عايزين حاجة معينة.. ولما نفقد الدافع بنفقد الرغبة في تحقيق الشيء ده
الباحثين اكتشفوا ازاي نقوّي الدوافع بتاعتنا وازاي نقدر نوجد دافع قوي يخلينا تحقق اللي احنا عايزينه
ايه ده.. هو ينفع؟؟
ايوه ينفع ياجميل.. تعالى نعرف الحكاية من أولها
**********
ما هي الدوافع؟
الدوافع هي الحاجة اللي بتخلق عندك الرغبة القوية إنك تنجح في أي نشاط بتعمله
و الدوافع نوعين

1-
الدوافع الخارجية
هي الدوافع اللي موجودة حواليك واللي مالكش سيطرة عليها
مثلا: تشجيع الآخرين
من أهم الدوافع اللي بتخلينا ننجح هي تشجيع الناس اللي حوالينا.. كل ما بننجح أكتر الناس بتتقبلنا وتشجعنا أكتر وأكتر
و النوع ده من الدوافع بيكون تأثيره قوي لكن مشكلته انه مؤقت وبتكون تحت رحمة الناس اللي حواليك
يعني لو الناس اللي حواليك توقفوا عن تشجيعك ممكن توقف عن الإنجاز.. لأن الدافع اللي خلاك تعمل كده توقف

http://files.shabab.ps/vb/images_cas...080838P5VR.jpg

لاعب تنس شهير كان دايما يلعب الماتش والمدرب بتاعه بيتفرج عليه وبيشجعه.. كان اللاعب ده بيلعب عشان يسعد المدرب ويخليه يشعر بالفخر بيه
تخيل لو المدرب ده ماحضرش الماتش في يوم أو حتى مات.. تخيل أداء اللاعب ده هايكون ازاي؟
أكيد مش زي الأول مش كده؟

http://files.shabab.ps/vb/images_cas...080838P5VR.jpg

واحد كان متعود ينجح عشان يرضي والده ووالدته.. تخيل لا قدر الله لو حصل لهم حاجه.. هل مستواه الدراسي هايفضل زي ما هو؟
أكيد لأ.. مش كده؟

كل الأمثلة اللي فاتت دي الدوافع فيها خارجية.. يعني معتمده على شخص أو ظروف خارجية محيطة بيك.. والحاجات دي انت مش متحكم فيها طبعا

2-
الدوافع الداخلية
هي الدوافع الموجودة جواك انت.. بتكون عايز تنجح عشان ترضي نفسك انت والرغبات الموجودة جواك انت
ميزة الدوافع الداخلية انها مستمرة في الزمن وبتكون متحكم فيها تماما ومش بتكون تحت رحمة حد.. بتكون نابعة من جواك انت عشان كده بيكون لها قوة كبيرة جدا

http://files.shabab.ps/vb/images_cas...080838P5VR.jpg

تكون عايز تنجح مثلا عشان عندك الرغبة في الانجاز.. بتشعر بسعادة أكبر وانت حاسس انك ناجح.. بغض النظر عن أي حد حواليك

http://files.shabab.ps/vb/images_cas...080838P5VR.jpg

بتكون عايز تنجح عشان قيم عليا موجودة جواك انت وعايز تحققها
و لما تحققها بتحس بروعة الإنجاز اللي حققته

http://files.shabab.ps/vb/images_cas...080838P5VR.jpg

والت ديزني.. رسم فار صغير على ورقة وجري بيه على مراته وقال لها: الفار ده هايحققلنا ثروة
طبعا افتكرته عبيط! وأكيد الناس اللي حواليه حاولوا انهم يحبطوه ويقنعوه بسخافة حلمه ده.. لكنه كان مصرّ عشان الدافع بتاعه مكانش تشجيع الناس اللي حواليه وتقبلهم له.. لكن كان الدافع اللي بيحركه دافع داخلي جواه.. كان عايز ينجح عشان هو عايز ينجح.. مش عشان يرضي أي حد حواليه
و طبعا ديزني لاند موجودة حتى الآن وشخصيات ديزني مالية مجلات العالم ونجاحه محدش يقدر ينكره
**********

http://files.shabab.ps/vb/images_cas...080839cIa5.jpg

خلي الدافع للنجاح دافع داخلي
انجح عشان انت عايز تنجح مش عشان أي حد حواليك
حس بروعة الإنجاز والمميزات اللي هايحققهالك
فكر في النجاح كرغبة داخلية ليك انت
انجح عشان انت عايز تنجح
لأن ده هايشعرك انت بالسعادة
لو خليت الدوافع بتاعتك داخلية هاتكون دوافع أقوى وأعمق وعمرها ما هاتختفي..لأنها مش مرتبطة بحد تاني غيرك
لو عايز تنجز أي حاجة اكتبها في ورقة
و بعدين اكتب عشر مميزات هاتعود عليك لما تنجز الحاجة دي
لما تكتب المميزات وتفكر فيها وتتأملها، دا هايخلق عندك الرغبة في تحقيقها ويخلق عندك دافع داخلي يحركك عشان تنجز اللي نفسك فيه
**********
آخر الكلام
خلّي دوافعك داخلية مش خارجية
و لاحظ الطاقة اللي هاتتولد جواك لتحقيق أحلامك
**********