|
@@ هل يحق للأهل أن....؟؟!! @@
السلام عليكم و رحمة الله و بركاته كيفكم يا شعب؟ ان شاء الله تشويسين؟؟ المهم عندي سؤال و بدي أسمع رأيكم فيه و اللي هو هل يحق للأهل تفتيش جوالات أبنائهم؟!.. سؤال يطرح نفسه بعد أن أصبح الجوال شي مهم وكل صغير وكبير يستخدمه وأصبح ذات أهميه كبيره وله كثير من التصرفات السليمة والغير سلميه والسؤال هو:- هل يحق للأهل التفتيش بجوالات أبنائهم؟! أم أن الحرية قفص مقدس لا يمكن دخول الغير له..! حط حالك مكان الأبن أولاً و مكان الوالدين ثانياً والرجاء تعطوني ارائكم وتعليقاتكم و شكرا مسبقا غلبتكم معي :s (43): |
رد: @@ هل يحق للأهل أن....؟؟!! @@
هل يحق للأهل تفتيش جوالات أبنائهم؟!..
بيحق الهم ببعض الحالات حط حالك مكان الأبن أولاً هيك الابن راح يفقد ثقة اهله فيه و بعدين مش حلوة في حقه و مكان الوالدين ثانياً و كمان الاهل بتخاف علي اولادها برأي اذا الاهل مش واثقين من ابنهم يفتشوا جواله بس بدون علمه علشان ما يفقد ثقة اهله و كمان يطمن عليه اهله ,, و كمان الثقة الزايدة للاهل مش كويسة لانو الي بيزيد عن حده بينقلب ضده تسلمي صاحبة القلم الحزينة علي الموضوع |
رد: @@ هل يحق للأهل أن....؟؟!! @@
يحق اذا كان ابنائهم بسن عدم المسؤوليه ومن منطلق الحرص على ابنائهم .. ولا يحق لابنائهم تفسير الامر انو تدخل بحرياتهم الشخصيه .والنظر للموضوع من منطلق الحرص وتخوفات الانزلاق لانحراف مغريات الحياه...
يسلمو صاحبة القلم الحزين |
رد: @@ هل يحق للأهل أن....؟؟!! @@
لنوش طوني ابو جودة شكرا لكم لمروركم في موضوعي و ادلاء رأيكم و ترك بصمتكم هنا دمتم لنا ^_^ |
رد: @@ هل يحق للأهل أن....؟؟!! @@
أنا بشوف انو من حقهم ^^ لانو مو دايما الاولاد بكونوا على قد المسؤاليه والثقه |
رد: @@ هل يحق للأهل أن....؟؟!! @@
اسمعي كلووووووو برجع لثقة الاهل فيكي او فيه
يعني مثلا اخويا بسمع اني بشيش و بشرب دخان ما بيجي يحكي معي و لا شي و لا يفتح الموضوع لانوووو واثق فيا ما راح اعمل شغلة مثل هيك وبالنسبة للجوال مثل هيك بردووووووووووووووو مشكووووووووووووورة علي الطرح الحلو و المميز |
رد: @@ هل يحق للأهل أن....؟؟!! @@
انا لم اقدر واعرف انو ابني مش قد المسئولية بلا منو هالجوال ليغير نظرتى اتجاهو
وبقول "واثق الخطوة يمشي ملكا" يعنى يترك الجوال باي مكان وما يخاف ازا حد فكر مسكو وبالاخص الاهل والا التفتيش مسموح للاصدقاء والاهل لا ؟؟؟ وبعدين انتى قلتى لما طرحتى الموضوع اهم الاسباب اللى حتؤدي للتفتيش وله كثير من التصرفات السليمة والغير سلميه والا احنا بدنا الاهل يقدروونا واحنا صغار .وما بدنا الابناء يقدرو حرص الاهل عليهم . تحياتى لك وشكرا عالموضوع |
رد: @@ هل يحق للأهل أن....؟؟!! @@
صراحه بابا ما بفتش بلفوني
لانو بيثق فيي لو حطيت حالي محل الابن بدو يرجع لكيف هو الابن مادب مش مادب وهيك اذا كان بخاف من انو يشوف ابو البلفون اذا انا برايي لازم يشوفو عشان يعرف شو مخبي واذا العكس الكلام بالعكس اما لو كنت الاب حلو اطمئن على ولادي على فين بتصلو وهيك لانو ممكن ينصحهم بالمكالامات اذا يحق للوالدين انهم يفتشو بلفون ابنهم شكرا كتير عالموضوع |
رد: @@ هل يحق للأهل أن....؟؟!! @@
موضوع مهم شكرا لطرحه اخت (صاحبة القلم الحزين)
انا برأي ان على الاباء ان يبرزوا ذكاؤهم هنا ويراقبوا جوال الابناء دون ان يشعروا مثلا يطلب الاب من الابن جواله لسسب ما ويفتشه هذا اذا كان قد شك في امر ما بابنه اما عدا ذالك فهناك خصوصية للابناء يجب ان تراعى وتحترم من قبل الاباء |
رد: @@ هل يحق للأهل أن....؟؟!! @@
اول شي يسلمو اختي صاحبة القلم عالموضوع الحلو
تاني شي انا مع انو الأهل يفتشوجولالت ابنائهم بس من غير علمهم لانه هاد من حقهم ومن ناحية الابن بشوف انو عادي بالأخير هدول اهله وهما ادرى فيه وبتربايته واخلاقه مهما كانو واثقين فيه لازم متابعة الأهل من فنرة لفترة وللضرورة احكام تحياتي |
رد: @@ هل يحق للأهل أن....؟؟!! @@
اختلفت الآراء
و تضاربت الأفكار بين مؤيد و معارض يسلموو كتير الكم كلكم }}}}}}{{{{{{{{{ أنين عاشق المستحيل فراشة القمر سويت جيرل عبق الياسمين حورية فلسطين **** نورتوا كلكم ^_^ |
رد: @@ هل يحق للأهل أن....؟؟!! @@
انا اهلي مش من النوع افتش ويدخل فينا كتير بس في اوئات ماما بتمسك الموبايل وبتعد بتلعب فيه بس بردو من حئ الاهل يفتشوا مش كل لولاد فيهم ثقة
اما ازا كنت محل الابن انا بالنسبة الي عادي بس ممكن في ولاد يعصبوا ويحسوها تدخل فيها وعدم ثقة يسسلمو الك |
رد: @@ هل يحق للأهل أن....؟؟!! @@
ممممممم .. لا شك انو الاهل يحق الهم انهم يفتشو الجوالات .. لشــو الــزعل يعني ! مثـلا اقرب مثال جيجتي .. ما بتمسك جوالها هههههههههههههه دايما رميــا ولا بدور علي .. طبعا في بنات بيضلهن مسكاتو وقعدات على اعصابهن ههههههههههه والله معنــاتو انهن بيعملن شي غلط .. وخيفات يتركنو لحظة ولا ثانية وينشكف امر مــا ! فيعني الابن هوا يلي بيفرض الثقة على اهلو .. مش اجي احكي لاهلى ثقو فيي وانا مش عامل يلي يبين الهم هيك ^_^ وبشكل عام عنا بالبيت اهلي ما بيفتشو بجوالات حدا .. بتجيهم اوقات بيصيرو يحكولي مين رعش عليكي الصبح وهيك .. بس للاحتياط مش شــك يعني والله يخليلنا اهالينا .. والله من دونهم بنضيع :( يسلمــــــــو حبيبتي .. الموضوع حلــو *_^ |
رد: @@ هل يحق للأهل أن....؟؟!! @@
انا بشجع انه الاهل يجي مثلا انا تعال شو عندك اشي جديد نزلي اياه اشاياء متل هيك مش تعال ويمسك الجوال وتفتيش وتفتيش يعني مش هيك
|
رد: @@ هل يحق للأهل أن....؟؟!! @@
كلام عبق الياسمين 100%
هوا إلي بدي احكي يسعدك وفرتي عليه ^^.. |
رد: @@ هل يحق للأهل أن....؟؟!! @@
يعني زي ما حكت عبق الياسمين وميمي ^^
إنـو بحقلهـم يراقبـوا أبنـاءهم بس من بعيــد لبعيــد لإنــو أغلب الأبنـاء برفضــوا حد يدخـل بخصـوصيـاتهـم والأفضــل مراعـاة مشـاعرهـم ^^ ومن جهـة تانيـه الآبـاء يحرصـوا على صداقـة أبنـاءهم وهيـك الثقــة بتكــون متبــادلـه وكلـو تمــام ^^ الأبنــاء مستحيـل يعملـوا شي غلط وأي شي بصيـر بحكـو للأهـل والأهـل بنفـس الوقـت بتكـون متفهمــه وبتعـامل أبنـاءها بكـل حرص وانتبـاه ^^ والسلام عليكم :) موضوع مهم والله شكرا إلك ميــرو يخليلنـا يـاكي يـا عسـل ^^ |
رد: @@ هل يحق للأهل أن....؟؟!! @@
تحية يسارية حمرا
اول شي مشكورة على الموضوع بس في نقطة عندي اين الحرية التي نتكلم عنها ما دام الاهل يفعلون هاذا بوحة نضري لا يحق لاي انسان التفتيش في اي شي يخص الغير |
رد: @@ هل يحق للأهل أن....؟؟!! @@
انا من راي انو من حق الاهل انهم يفتشوا جوالات ابنائهم لانو في اولاد وبنات جوالاتهم بدهم تفتيش
مشكورة خيتو على موضوعك الحلو |
رد: @@ هل يحق للأهل أن....؟؟!! @@
نعم ... بكل الاحوال نحن نعيش في زمن صعب .. زمن يجعل ابنائنا محاطين بالفساااد من كل الجهااات لذا علينا ان نكون حرصين اكثر عليهم من ناحيتي فلا مشكلة لدي .. هاتفي بين ايديهم وقت ما يشاؤن فليس هناك ما اخفيه عنهم .. غاليتي صاحبة القلم الحزين لكـِ جزيل شكري نقاش جاد وراقي تقبلي مودتي سلام |
رد: @@ هل يحق للأهل أن....؟؟!! @@
هلئ الصراحة الواحد بضايق من هالشغلة لانو بعتبرها خصوصيات بس لازم الأهل يفتشو و مو دايما معنى التفتيش قلة ثقة لا سمح الله بس مرات بتكون من باب الفضول و المعرفة مو أكتر ويسلمووو ع الطرح خيتووو بنت صفوري |
رد: @@ هل يحق للأهل أن....؟؟!! @@
لا طبعا لا يحق لهم ...اذا كانوا مربيين بنتهم تربيه اسلاميه سليمه
اما اذا كانت البنت لعوبه بتستاهل هو شئ بدايق بس الانسان هو اللى بيحط نفسه فيه تحياتى يا صاحبه لقلم الحزين |
رد: @@ هل يحق للأهل أن....؟؟!! @@
انا رأيي انو لازم الاهل يعطوا ثقه للاهل اما اذا شكو في شغله لازم يفتشو عشان يتأكدو من هالشغله
شكرا على سؤالك صاحبه القلم الحزين |
رد: @@ هل يحق للأهل أن....؟؟!! @@
انا باعتقد انو يحق للاهل انو يفتشوا بالجوالات ازا لاحظوا على ولادهم تصرفات غريبة وانهم بيستخدمو الجوال غلط و مش مستخدمينو صح .
بس لما يكونو على قد المسؤولية وبيستخدمو صح فابدا لا يحق الهم هدا الشي |
رد: @@ هل يحق للأهل أن....؟؟!! @@
اكيد لأ . ما بحق للأهل انهم يفتشو بجوالات او اي اشي خاص بالابن لأنو هاي خصوصيات ولازم الاهل يحاولو يبنو شخصية اولادهم بطريقة صحيحة مش يقمعوهم و يمنعوهم و ما يثقو فيهم . هاد هو رأيي.
|
رد: @@ هل يحق للأهل أن....؟؟!! @@
نورتوووووووووووووووا
كلكم كلكم من كبيركم و صغيركم سواء أكنتم عضو أو عضوة ^_^ |
رد: @@ هل يحق للأهل أن....؟؟!! @@
والله من وجهة نظري ان ازا كان الاهل عارفين حالهم شو مربيين وازا كان الولد او البنت من النوع يلي بخلي اهلون هن دفتر اسرارهم فاكيد مو من حقهم
بس ازا هن بشكوا بتربايتهم لابنهم او حاسين ان ابنهم مخبي شي فمنحقهم بيحث ان ما يعرف عشان يضل في ثقة بيناتهم بس لازم ابل هيك يسالوا عن اخباره او ازا ابنهم او بنتهم عاملي شي ومخبيته عن الاهل فلازم يخلوا تفتيش التلفون اخر الحلول وشكرا على هل الموضوع الرائع |
رد: @@ هل يحق للأهل أن....؟؟!! @@
أنا مع تفتيش الجوالات ولكن بطريقة لا تجعل الابن يفقد الثقة بأهله وبنفسه
ويجب تشجيع الاهل لابنائهم على الاعتماد على انفسهم وخصوصا في مرحلة المراهقة ومشكوووورة على طرح الموضوع |
رد: @@ هل يحق للأهل أن....؟؟!! @@
موضوع روعة
اولا: أكيد بيحق للآباء اذا شافو شي مش كويس على ابنهم او اذا شكوا لأنو الموبايل الو سلبياتو و ايجابيتو فمفروض يكونوا حريصين ع ابناءهم بس مش لدرجة تخلي الاين يفقد ثقتو فيهم يسلمووو عسولة |
رد: @@ هل يحق للأهل أن....؟؟!! @@
يحق
لا يحق يحق بشروط لا يحق يعني لا يحق *********** نورتوا كلكم على راسي من فوق و آراءكم كل الاحترام الها ^_^ |
رد: @@ هل يحق للأهل أن....؟؟!! @@
بجميع الحالات يحق للاهل ذلك
وذلك طبعا من منطلق الحرص على عدم انحراف ابنائهم وبناتهم تفتيش الجوالات ما راح يكون من فراغ طبعا. وتحياتي للجميع... |
رد: @@ هل يحق للأهل أن....؟؟!! @@
كل الاحترام الك و لرأيك
نورت ^_^ |
| الساعة الآن 02:33 PM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas