|
والله بقرفو الواحد بعيشتو ( معي حق اعصب ولا لأ)
:icon28: :icon28: :icon28: :icon28: :icon28: :icon28: بسم الله الرحمن الرحيم السلام عليكم ورحمة الله وبركاته ياجماعة قولولي معي حق اعصب وانرفذ والا لأ اول شي دينا يسر مش عسر ياجماعة مبارح نزلت من البيت علي دورة المهم في وحدة كانت بالمسجد قاعدة وبتعطي درس دين والي قاعدين بالمجلس اغلبهم كتير عاديات بدون حجاب وهيك المهم المشكلة مو هون المشكلة في الي بتعطي الدرس كلامها حلو بس الي بسمعولها بينفرو منها لانه :icon5: :icon5: :icon5: حالها بأسي قاعدة لابسة جلباب حالتو بتحزن سامحني يارب مش معرفله لون من شكل (مو نظيف ) والشالة بيضا ومطبعة ومش مكوية منظرها جدا ملفت لانها مو مرتبة ومنظرها بجد يارب سامحني بخلي الواحد يبعد عنها ...... مابدي اطول بس الي زعلني انو البنت مؤمنة بالله ومتمسكة بدينها ماشي لكن ماتكون مرتبة وحسنة المظهر كتير عيب يعني الي بدهم يسمعو الدرس كيف بدهم يسمعولها اذا هي منظرها بخلي الواحد يبعد ويقرف طيب كيف بدها تجذب الناس لالها :icon9: :icon9: :icon9: ياجماعة والله الوحدة حلو تكون مؤمنة بالله وداعية بس ربنا مابقول نعتني بشي ونهمل شي النظافة والترتيب شي اساسي قبل الدعوة لما تكون الوحدة منظرها حلو ومرتب بتجذب الناس لالها اما اذا العكس بتنفر الناس منها يعني الداعية تكون حسنة المظهر مش طبعا مش طحت مكياج وتتعطر بس تكون لابسة شي نضيف ومرتب ومش ملفت شو رايكم ياجماعة ؟؟؟؟ :icon9: بالله عليكم لو كنتو محلي بتعصبو ولا لأ والله الي قاعدين قلبوها فوقاني تحتاني بدل ما يسمعو للدرس :icon5: :icon5: |
رد: والله بقرفو الواحد بعيشتو ( معي حق اعصب ولا لأ)
لا والله ما بعصب لدرجة اني اجي احكي عن هالمرة بالمنتدى
يعني انا ما بجامل حد أنا بحب الواحد يكون مرتب و نظيف و فعلا كلامك صح... بس يمكن المرأة هاي زاهدة في حياتها كثير |
رد: والله بقرفو الواحد بعيشتو ( معي حق اعصب ولا لأ)
صحيح كلامك اخي فلسطيني وممكن ايكون حالتها المادية صعبة اشوية والله يكون في عون هالناس ... احنا عندنا في المسجد شب يعني منظرو مش بزيادة وضعيف جدا بس ايش والله وجهه نور بياض مش طبيعي والشب روحاني اشوية اكثر شي بكيف عليه في خطبه بحب اسمعله والله انو شب قلق الكل بحبه ولكن اذا غريب شافو بقول عنو عالبركة بس هوا شب كلامو زي العسل ....
|
رد: والله بقرفو الواحد بعيشتو ( معي حق اعصب ولا لأ)
انا الصراحة بعصب من هذا الشيء لانه من عوامل نجاح الداعية الاسلامي هو حسن الخلق والخلق ( معلش حطوا ضمة فوق الخاء )
وتنسيش انك بتعطي لناس ممكن تكون اول مرة داخلة في مجال الدين يعني زي ما تشرفتي اختي اسلام وقلتي في بنات مش محجبات اوكي هلقيت البنت اللي مش ملتزمة لما تشوف قدوتها مش مرتبة وكالعادة البنات اللي مش محجات الواحدة اهم شيء عندها شوفوني يا شباب وطقسوا عليا يعني المنظر فقط والهبل وقلة العقل فلما تشوف هذه البنت الداعية الفهمانة اللي بتعطيهم دروس مش مرتبة اكيد راح ييجي في بالها منظرها لما هي نفسها تلتزم وممكن تتراجع عن كل فكرة الالتزام وعلى فكرة اختي اسلام الدعاة عنكم والداعيات بدهم لسا فت خبز كثيييييييييييييييييييييييييييي يييير لانه بجد سمعت انهم مقصرين تجاه نشر الدعوة وخصوصا في الحركة الاسلامية ومن اهم عوامل ضعفهم هم الخونة واولاد عمنا (اليهود) ما بنقول غير الله يجيب الي فيه خير ويهدي الجميع كلامي كثير لكن بتصور انه الصحيح والله اعلم |
رد: والله بقرفو الواحد بعيشتو ( معي حق اعصب ولا لأ)
ولي انا لما شفت اسم الموضوع حكيت ابصر ماله متعصب كل هدا عشان هيك وبعدين افرضي ظروفها المادية مش ولا بد كل واحد منا واله ظروفه المهم من جوة كيف مو من برة
|
رد: والله بقرفو الواحد بعيشتو ( معي حق اعصب ولا لأ)
مشكورين جدا لمروركم
بس الصراحة انا بعرفها المصيبة حالتهم المادية كويسة كتير مش القصة هون حتى لو وحدة فقيرة بامكانها تعتني بنفسها والله في ناس بعرفهم حالتهم المادية كتير سيئة بس كتير مرتبين وبيعتنو بحالهم يعني البجنن انها الاخت بتكون قدوة لغيرها من الاخوات فلازم تعطي صورة حلوة عن الاسلام مظبوط لربما اشعث اغبر غير عند الله من كثير من البشر باعمالو بس لما الانسان يكون ربنا منعم عليه بنعمة المال لازم يدير بالو على حالو ويااخواني المظهر الخارجي اكيد مو زي الداخلي ممكن الداخل للاخت يكون كتير نقي بس بردو ما بيمنع تعتني بمظهرها على الاقل شوي ومشكورين لتعليقاتكم |
رد: والله بقرفو الواحد بعيشتو ( معي حق اعصب ولا لأ)
اقتباس:
اختي سوسو حالتها الحمد لله كتير كويسة وهي المصيبة يعني بامكانها تكون افضل بس بجد شي بعصب :icon5: لما نشوف ناس زي هيك مشكورة كتير لمرورك الروعة |
رد: والله بقرفو الواحد بعيشتو ( معي حق اعصب ولا لأ)
هو صح ان الله جميل يحب الجمال..
بس زي ما حكو الشباب ما بتعرف يمكن حالتها ميسوره.. ويسلمو اخي.. |
رد: والله بقرفو الواحد بعيشتو ( معي حق اعصب ولا لأ)
اقتباس:
يااخي لو كان الانسان زاهد يعني الانسان يضل يعبد ربنا 24 ساعة وما يتطرق لاهله وللناس والعمل نفس الشي انا ما بقول طحت حمرة وبودرة طبعا حرام لكن حسنة المظهر بما انه لديها قدرة مالية |
رد: والله بقرفو الواحد بعيشتو ( معي حق اعصب ولا لأ)
اقتباس:
اخي مشكور لمرورك الرائع بس ذكرت انو حالتها المادية كتير كويسة |
رد: والله بقرفو الواحد بعيشتو ( معي حق اعصب ولا لأ)
اختي اسلام معك حق تعصبي
بس لازم تفهمي شغلة انو مش كل الناس مثل بعض يعني نحنا الحمد لله وبحمد ربي وبشكرو على النعمة الي فيها رغم اني مش داعي الا اني بجذب الناس لالي بمظهري وهذا معك انا فيه بس لازم تاخدي قناعه انو مش كل الناس سواسية في المعاش يعني نحنا بنحمد الله انو والدنا موفرلنا كل اشي لكن تعالي لناس اللبس الي عليهم بضل اسبوع لمن يغيرو وان غسلو بتلاقيه برجع يلبسو لازم تعرفي هالاشي بس طالما انك انتي انتقدتيها ليه ما انتي رحت الها على السكت وجبتيها بصورة غير مباشرة عن مظهرها يمكن معاها ومش منتبها لنفسها بس ما بظن انو في ناس ما بنتبهو لانفسهم وان يا اختي لقيتيها ما بتقدر حاولي تساعديها بشي من عندك ونحنا ان شاء الله في مشروع راح انقوم فيه وهو جمع دعم للمحتاجين بس بدي في حينها ناس ما بتخجل وربنا يجيب الي فيه الخير ويصبرنا ويعين الكل تحيتي الك اختي اسلام وروقي اعصابك وكوني كول دايما |
رد: والله بقرفو الواحد بعيشتو ( معي حق اعصب ولا لأ)
ياجماعة ما تفهموني غلط
لو هي حالتها المادية مو كويسة كان عذرناها بس الي بدي يوصلكم انو الانسان خصوصا الداعي والداعية مظهرهم لازم يكون حسن مو ضروري 100 % لكن مقبول مو عفشوكي وخصوصا الي حالهم كويس انتو لو شفتو شو عملو الي جالسين خلص الدرس وبلشو يحكو عنها ومش عاجبهم شي عليم الله طول الوقت يطلعو عليها ويغمزو بعض والقضية هون انو المسجد بيجي عليه ناس كتير بنات اشكال الوان باحثين عن القدوة او حبل للنجاة كيف بدهم يتخذو قدوة لالهم وحدة هيك مين الاولى يكون نظيف اكيد الي بتعرف ربنا لان الله جميل يحب الجمال واسلامنا حثنا على النظافة وهي القضية |
رد: والله بقرفو الواحد بعيشتو ( معي حق اعصب ولا لأ)
اقتباس:
و فعلا في ناس ماخذي الدين غلط لازم الواحد يكون مبهدل عشان يحكو عنو تقي و سوري أنا فهمتك غلط أول مرة |
رد: والله بقرفو الواحد بعيشتو ( معي حق اعصب ولا لأ)
اقتباس:
اخي ابن فلسطين مشكور لمرورك الرائع وردك الاروع وفي مسكلة اني ما بقدر اقلها لانها ما بتعرفني صعب اجيلها خبط لزق واقلها رح تخجل كتير وتصغر انا ما بدي هيك ان شاء الله في مجال نخبر حد قريب منها يحاكيها بس ببدي الاخوات تتعظ من الموقف ولو كانت حالتهم المادية مو كويسة بيقدرو يعملو ولو شي بسط الشي بالداخل صح مش الخارج لكن المظهر الخارجي بأثر نوعا ما |
رد: والله بقرفو الواحد بعيشتو ( معي حق اعصب ولا لأ)
ولا يهمك اخي فلسطيني عادي
مشكور لمرورك |
رد: والله بقرفو الواحد بعيشتو ( معي حق اعصب ولا لأ)
والله معك يا اسلام كل الحق ،، وخصوصي انو البنات يلي موجودات بالدرس مش متدينات كتير ،، يعني كإنو مخهن مسح عن الاسلام والمسلمين ،، فلما يشوفو داعية متل هيك ،، رح ياخدو فكرة مش منيحة عن الاسلام ،، وبالنسبة للحالة الميسورة واللي مش ميسورة .. بكلتا الحالتين .. ما بصير الواحد يطلع وشكلو مش مهذب ونظيف .. يعني لو شو ما كان .. لو بيعيش ع الدقة والزعتر اكيد رح يكون عندو ميـــــــة ودوا غسيل يغسل اواعيه .. واسلام ما اعترضت ع شكل الاواعي قديمة ولا جديدة اعترضت عن النظافة .. الله يعينا يارب ,,, يسلمو اسلام حبيبتي .. فعلا موضوع متل هيك بيعصب الواحد .. الله يهدي الجميع ^_^ |
رد: والله بقرفو الواحد بعيشتو ( معي حق اعصب ولا لأ)
صحيح والله كلامك لما الواحد يدين مش يعني ينسى حالو وخلص وهادا ما اسمو زهد مش لهدرجة يعني
يسلمو الك كتير |
رد: والله بقرفو الواحد بعيشتو ( معي حق اعصب ولا لأ)
فجر حبيبتي تسلميلي دوما فاهماني
تقبشي قلبي ياعسل احلى مايا يسلمو لتعليقك ومشكورة كتير لمرورك الروعة |
رد: والله بقرفو الواحد بعيشتو ( معي حق اعصب ولا لأ)
اكيد معاكي حق وانا دااااااااايما هاي الشغله بتجلطنيييي ..
وبجد دايما دايما هاي الشغله ببالي .. انو ليش هيك وكتير منهم انا بشوفهم مش مهتمين بحالهم ابدا .. يمكن بعتبرو زهد ؟؟ بس مش هيييييك يا جماعه الخير إنتو بدكم تعملو محاضرات لناس حيعتبروكم بنسبه إلهم قدوه وكل اشي .. ومشكوره حبيبتي اسلام موضوعك عجبني |
رد: والله بقرفو الواحد بعيشتو ( معي حق اعصب ولا لأ)
هههههههههههه
حياتي المعصبة انا:P صح كلامك والله شي بقهر لما يكونو بمثلو الاسلام وريحتهم واصله اخر الشارع ديينا بحث ع النظافه واللبس المرتب والنظيف ((نظفوا افنيتكم ولا تتشبهو باليهود)) للاسف فيه ناس بفكرو الزهد في الاسلام انو لازم نعفن ونلبس ابشع لبس يسلمو اسلام ع طرح هالموضوع المهم |
رد: والله بقرفو الواحد بعيشتو ( معي حق اعصب ولا لأ)
اقتباس:
تسلميلي ياغالية مرورك اسعدني كتتتتتتتتتير الحمد لله عجبك ولا تنجلطي حبيبتي خليها على ربنا والله يهدي الجميع يارب:s (43): اقتباس:
ياهلا بالعسل كلو منورة حياالله نورتينا بعين الله يا شو بدنا نعمل اكيد الزهد بالدنيا مو هيك الزهد ان الانسان يطبق جميع تعاليم الاسلام مو شي اه وشي لا بصراحة في كتير ناس بيحكو كلمة بتقهرني بضلو يقولو الشيوخة ماسكين الدين من دنبه وبخلا :icon28: وبحطو كل الشيوخة والشيخات بنفس الكفة بس شو بدنا نقول الله يهدي الجميع |
رد: والله بقرفو الواحد بعيشتو ( معي حق اعصب ولا لأ)
يعني يا اسلام انتي عارفة الناس اليوم و الواحد بدو ينفجر
بس شو نعمل الله يهديهم ويهدينا صحيح دليني على المسجد مشان افرجيكي شو بدي اعمل بمتل هالناس |
رد: والله بقرفو الواحد بعيشتو ( معي حق اعصب ولا لأ)
اقتباس:
شو بدك تعمل ادلك على المسجد وتطلع عند مكان النساء وتقلهم :icon6: :icon6: :icon6: ههههههههههههههههههه يقطع شرك الهي خليك مع الدكاترة احسلك :icon9: الله يبارك فيك يااخي مشكور لمرورك الطيب والله يهدي الجميع يارب |
| الساعة الآن 09:48 PM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas