|
هل ممكن ان تكون فلسطين بلد قوي؟؟
السلام عليكم
في عندي فكرة دايما بتدور في راسي في حال اننا تحررنا من الاحتلال الاسرائيلي واعطونا دولة كاملة السيادة هل نستطيع بناء دولة قادرة على ان تنافس تلك الدول الموجودة في هذا العالم هل نسطيع ان نؤمن احتياجات الشعب من متطلبات الحياة اليومية هل نستطيع العيش والانتاج والتصنيع والتعمير انا من وجهة نظري المتفائلة دائما ان هذا البلد سيبقى يعيش على المعونات الخارجة طوال عمره لانه لا يوجد اي مقومات للانتاج او التصنيع او الانجاز فلا يوجد مقدرات او اماكن نستطيع ان نبني عليها لنقول اننا سنمضي في هذا الطريق لنعمل ونصل تلك النقطة او المرحلة من التطور لا يوجد بنى اساسية ولا اظن انه من السهل ان تعمل اي بنى تحتية في ظروف كتلك التي يعيشها الشعب الفلسطيني لا اريد ان اثبط من عزيمتكم بس على ما يبدو ان ذلك هو الواقع ارجو من كان عنده فكرة او مشروع من الممكن ان نبني عليه امالا واحلاما ان يطرحه للناقشه سويا ربما نجد شيئا غائبا عنا انتظر مناقشاتكم |
رد: هل ممكن ان تكون فلسطين بلد قوي؟؟
الحقيقة دايما مرة
والي دخلو ما قدرو ا يكتبو شي لانها بصراحة حقيقة صعبة كتير |
رد: هل ممكن ان تكون فلسطين بلد قوي؟؟
والله يا أخي أنا أخالفك بالرأي لأنه بلدنا و الحمد لله بلد مليء بالخيرات يعني طبيعة المناخ و الموقع الجغرافي ممتاز و لو ما كان هيك كان ما تقاتلت عليه كل الأمم على مدى الزمان يعني بنقدر مش بس انافس الدول المجاورة بنقدر انافس اقوى دول العالم بس بشرط انه يطلعوا الحرامية من البلد و الناس يرجعوا لدينهم و للإسلام بعدين يا أخي ما تنسى انه اللي بنى الكويت و الأردن و معظم الوطن العربي هم الفلسطينيين و نسبة المفكرين و المخترعين و المبدعين الفلسطينيه عالية كتير أما بالنسبة للبنية التحتية و انه ما في مكان للمصانع و هالقصص انت يا اخي قلت انه تحررنا يعني اسرائيل برا البلد و الأراضي اللي معها هلأ راح تصير معنا يعني من هالناحية اطمن لانه اسرائيل من ارقى المناطق و متقدمة جدا جدا من ناحية البنى التحتية و المصانع و كل شي يعني باختصار شدوا حيلكم و حرروا هالارض و ما تقلقوا بالباقي ^_^ |
رد: هل ممكن ان تكون فلسطين بلد قوي؟؟
السلام عليكم و رحمة الله
موضوع يستحق مشاركة الكل و يستحق وقفة رغم اني مو فلسطينيي بس اكيد قلبي و ديني و شخصي عربيي و بتمنى من رب العالمين تحرر هالارض الطاهرة و يطلعو اليهود و بترجع الحياة كويسة بسسسسسسسسس في اشي ضروري يصير تتنضف البلد من الخونة و الناس يلي مو منيحة حتى نعمر الارض و البلد و كمان يصيرو الفلسطينيي ايد وحدة و ما يتقتلو ع شغلات تافهة و يحكو عن المناصب و الاحزاب بالاخر لازم تكون ايد وحدة بعدين ان شاء الله تتعمر فلسطين لانها ارض مقدسة و خير ارضها و مايتها طيبة تقبل مروري و مشاركتي ويارب ما كون طولت بس جد موضوع بحب شارك فيه حتى لو بهلكلمتين |
رد: هل ممكن ان تكون فلسطين بلد قوي؟؟
شكرا لكم على المرور
بس انا عند رايي |
رد: هل ممكن ان تكون فلسطين بلد قوي؟؟
اقتباس:
مــا بزيد ولا كلــمة !! جواهر .. والله مع هالشعب العظيم بإذن الله وما بعد اشتداد حلكة الليل الا بزوغ الفجر اان شاء الله |
رد: هل ممكن ان تكون فلسطين بلد قوي؟؟
لو انو كل واحد فسطيني اتحد مع اخوه الفلسطيني.....كان بتصير فلسطين دوله عظيمه....بس شو الفايده...مهم كل بيتخانؤو حماس وفتح..وفتح وحماس.....ليش ما كلنا نكون ايد وحده......
انا هيك بفكر لو نتحد ...بتصيير فلسطين دوله قويه.....وكمان الي حكتو صاحبة القلم الحزين مش غلط (*ــ*) مربى التوت |
رد: هل ممكن ان تكون فلسطين بلد قوي؟؟
ليش لا
إنت حكيتها خيو لمن تكون إلنا سيادة كامله يعني اللي معكر صفو الإنتاج ومقيد الحركة والحرية راح يزول حكاية الإنتاج والمقدرة على تأمين احتياجات الشعب اليومية هاي مبالغ فيها يعني مش معقول أي دولة ماتقدر تأمن احتياجات شعبها اليومية إلا لو كانت تحت وطأة أحتلال وظلم وحصار زي ماهو عنا حالياً لكنك بتحكي في حال لو ماكان في احتلال ثانياً لو اعتمدنا الاستقلالية في الانتاج راح نقدر نقوم بالدولة اقتصاديا وراح ينشأ نوع من أنواع القوة وهو الإعتماد على الصادرات و.....بدها شرح اقتصادي طويل بس برجع احكيلك ليش لا مش معجزة يعني كلشي جايز وكلشي بيصير وتفائلو بالخير تجدوه وتحياتي |
رد: هل ممكن ان تكون فلسطين بلد قوي؟؟
يا جماعة خليكم واقعين وشوفو الموضوع بعين الحقيقة
لا يوجد عنكم اي مقومات دولة لا يوجد بترول لا يوجد اراضي زراعية لا يوجد مناجم دهب لا يوجد اي شيء ممكن ان تبني عليه مقومات اقتصادية للبلد يعني من الاخر في حال دولة كاملة السيادة يعني فقط اضفنا دولة عايشة على المعونات الخارجية بنسبة 80% والي عنده اي فكرة من وين ممكن ننتج ولا نصنع وفي اي مكان يتفضل يوضح هالشي |
رد: هل ممكن ان تكون فلسطين بلد قوي؟؟
اقتباس:
شكرا لك خيتي على رايك |
رد: هل ممكن ان تكون فلسطين بلد قوي؟؟
انا برئي البلد الي طول فتره الاحتلال قويه وما خضعت للعدو هاي اقوى دوله
وانشالله الله بيسمع منك وتتحرر فلسطين وتكون اقوى الدول بهالكون ويسلمو على الموضوح الحلو ... |
رد: هل ممكن ان تكون فلسطين بلد قوي؟؟
اقتباس:
هلا فيكي خيتي نورتي الموضوع برايك بتمنى شوف ردك على باقي مواضيعي |
رد: هل ممكن ان تكون فلسطين بلد قوي؟؟
بسم الله الرحمن الرحيم السلام عليكم ورحمة الله وبركاته نعم لا يوجد بترول ولا يوجد مناجم للذهب ولكن يوجد لدينا الشيء الأهم والأقوى يوجد لدينا الأيمان ويوجد لدينا الأرض الطيبة التي تنازعت من أجلها العديد من الدول المحتلة هذه الأرض المقدسة التي أكرمها الله الخلل ليس في الأرض أو المقومات لكن فينا نحن أبناء الأرض الطيبة نحن الذين يجب أن نقاتل بكل ما نمتلك من قوة حتى نخرج الغاصب منها وبعد ذلك نفكر في إقامة الدولة وليس أن نعجز من قدرات هذا الشعب ونجرد أرضنا من خيراتها |
رد: هل ممكن ان تكون فلسطين بلد قوي؟؟
اقتباس:
شكرا لك على المرور سعدت كثيرا برايك |
رد: هل ممكن ان تكون فلسطين بلد قوي؟؟
بسم الله الرحمن الرحيم
أخالفك الرأي أخي أدهم فأنا أجزم أنه حتكون أقوى دولة في العالم من الناحية الإقتصادية والعسكرية ((إذا تمسك أهلها بدين الإسلام طبعاً)) ويكفي دليلاً على ذلك أن الله تعالى بارك في فلسطين و جعلها بلدا مباركاً قال تعالى في سورة الإسراء:((سبحان الذي أسرى بعبده ليلاً من المسجد الحرام إلى المسجد الأقصا الذي باركنا حوله لنريه من آياتنا إنه هو السميع العليم)) وقال في سورة الأنبياء:(( ونجيناه ولوطا إلى الأرض التي باركنا فيها للعالمين)) وقال رسول الله صلى الله عليه وسلم:((بورك لأمتي في شامها قالوا : وفي حجازها يا رسول الله قال عليه الصلاة و السلام : وفي حجازها .....الحديث)) أو كما قال صلى الله عليه وسلم وذكر الله في سورة المائدة أهل فلسطين أنهم قوماً أقوياء جبارين حيث قال تعالى:((قالوا يا موسى إن فيها قوما جبارين وإنا لن ندخلها حتى يخرجوا منها فإن يخرجوا منها فإنا داخلون)) فلم هذا الإحباط أخي أدهم فربما يكتشف فيها النفط كما قرأت في أحد المجلات أنه توجد بعض الدلائل على وجود النفط في الأردن وشكراً |
رد: هل ممكن ان تكون فلسطين بلد قوي؟؟
والله كل اشي بصير
يعني مهي أمريكا قبل 250 سنة كانت ولا اشي و هسه شوف كيف صارت و شكرا على موضوعك |
رد: هل ممكن ان تكون فلسطين بلد قوي؟؟
يا جماعة كلام المشاعر والعواطف لا بيقدم ولا بيأخر
الحديث من رابع المستحيلات قيام دولة كاملة السيادة ؟ شو معنى السيادة ؟ وشو معنى الدولة كاملة السيادة ؟ عم تحكو عن دولة وسيادة والضفة مقطعة ؟ والفلسطيني بينهان على الحواجز فيها ؟ اي سيادة ومعبر رفح المحرر ما بيدخل او يطلع حد منو بدون تصريح اسرئايلي ؟ اي سيادة رح بتضل بالقدس الشرقية بعد ضم معاليه ادوميم ؟ شو مقومات البلد ياللي 80% من الخزان الجوفي تبعها تم استهلاكو ؟ وباخر تقرير للبنك الدولي ... ما تم الحديث عن اي شي بخصوص قطاع الزراعة ف ي فلسطين ... يعني الاراضي ياللي ابتلعها الجدار انسوووها ... على اي شي بدكم دولة ؟ وينها الدولة ؟ |
رد: هل ممكن ان تكون فلسطين بلد قوي؟؟
اقتباس:
و كمان اي دولة هاي الي بدها تقوم ولي ماسكينها حرمية و عملة و بقتلو في بعض و هسا اصلا ما في دولة و مش قادرين يوقف والاقتتال كيف لما تصير دولة كاملة والله باعو القضية و صار همهم بس المناصب |
رد: هل ممكن ان تكون فلسطين بلد قوي؟؟
شكرا لكم على رايكم
|
| الساعة الآن 06:59 AM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas