|
شو رايك بهاد الظاهرة
:sh70:
انا يا جماعة اليوم بدنا نناقش ظاهرة في مجتمعاتنا بل وتكثر هذه الظاهرة طبعا هي ظاهرة التسول في الاسواق والشوارع طبعا الكل بيعرف انوا هاد الظاهرة سيئة جدا بل تسي لجتمعاتا وطبعا الي ظاهر انوا مش الي يشحت ما بيكون فقير لدرجة كبيرة تخليه يمارس الشحدة بس خلاص هما يعتبروها مهنة يعني يتعتبر عمل كباقي الاعمال ولكن الي بلاحظه انوا رواد هذه المهنة القدر الاكبر من النساء وانا بتصوري لو شو م صار معي وما كان معي اكل ولا كان معي ولا فلس ما هييجي الي تفكير اني اشحد بيوم من الايام حتي لو اني بدي اموت من الجوع وتكثر السرقات بين هؤلاء النساء يعني بتكون تشحت وكمان سراقة طيب بدي احكيلكم شغلة يوم الجمعة الي فاتت رحت علي السوق اشتري طبيخ والله يقطعهن والله لو بدي اعطي كل وحدة منهم شيكل بدي 100 شيكل كل ما امشي مترين تيجي وحدة تقعد تدعي الي الله والله والله مشان اعطيها وانا عارف انوا هدول النسوان معها الوحدة مصاري اكتر مني حتي اني مرة سمعت شيخ بقول الواحد يؤثم لما يعطيهم لانوا انت بتساعدهم وبتخليهم يستمروا اكتر واكتر وانا من هاد المنطلق ما بعطي ولا وحدة فيهم لانوا عارفهم كلهم نصابين والنسوان شاطرات في الحاجة هاد الي بدي اياه منكم نناقش هذه الظاهرة وتنعرف شو الاسباب الي تقف وراء هذه الظاهرة وشو الحل من هاد ظاهرة وهل من الصح انك تعطيهم او ما تعطيهم وليش يلا بدنا الكل يناقش |
رد: شو رايك بهاد الظاهرة
السلام عليكم ورحمة الله
اولا يا اخي في ناس محتاجين والله اعلم شو في نية الواحد كاذب او سارق او محتاج عن جد .....لان نسبة الفقراء في فلسطين عالية ويمكن متل ما قلت انو في ناس عم بتضحك على الواحد واسباب الفقر من كثرة افراد العائلة وفي اسباب عدة لهذ الظاهرة ................ وشكرا لك على هالموضوع ............... مع احترامي فلسطينية 100%. |
رد: شو رايك بهاد الظاهرة
والله مش س عندكم حتى في النرويج في اغنى بلد و فيها شحادين و مافي حد ما بنزلو مصاري من الكبير و مقمط بالسرير و مع زالك بشحادو خصوصا في اوسلوو انا بعطي لانهم بشفقو مع اني بعرف انو معهم بس ما بعرف شو حكم الاسلام من هيك اشي مشكورعلى طرح هاد الموضوع المهم
تقبل مروري |
رد: شو رايك بهاد الظاهرة
اولا انا داخل المنتدى علشان اطمن على الشباب لانه التصفح عندي بطيء وقاعد بنزل لعبة حجما 8 قيقا
يمكن انتحر لو ما اشتغلت المهم بالنسبة للتسول انا بقول لك حج قسامي المراة قبل الزلمة اللي بتشوفها بتتسول اضربها كف وقولها ببلغ ام يوسف جلو وصدقني لو معها مصاري غير تعطيك يا سيدي هذول معروف اسمهم وساكنين عندنا ولهم لقب النور يعني الغجر وشغلهم رقص وخلع بالليل وشحدة وقرف بالنهار وانا بقول لك اللي بتشوفها بتشحد او بتشوفه قوله بس يا نوري وعيب عليا ان ما شرد منك الطريقة مجربة ومضمونة مليون بالمية |
رد: شو رايك بهاد الظاهرة
الله يعين كل الناس ع حالها والله كل يوم بتئعد وحده عباب جامعتي وانا كانت تصعب علي واعطيها بس بالاخر زهئت حسيت انها صارت كانهها شغلانتها .. طيب بدل ماهيه بتشحت تشتري علبه بسكوت وتبيعها ادام باب الجامعه .. مو احسن !!
ع العموم الله يساعد كل الناس .. وتسلم .. الله يعطيك العافيه |
رد: شو رايك بهاد الظاهرة
بالنسبه لكل الناس التسول عيب وحتى من الناحيه الدينيه بعتقد انو مكروه
لانو الرسول صلى الله عليه وسلم امرنا بالبحت عن لقمة العيش بالتعب وعرق الجبين لكن فيه ناس ليس لديهم اعالات ماديه يعني يمكن تكون فيه اعاقه جسديه او اي شي يمنعه من الشغل هنا يجب على الناس الاغنياء توفير طرق سهله لاجل التعرف على الفقراء واعانتهم وبصراحه فيه قصة عننا هون في المغرب لساتها قصه جديده كانو اصحاب الجمعيات بيدوروا وبيجمعوا المتسولين مشان يساعدهم فقابلو متسوله وبعد البحت لقوها رابطة ببطنها اموال تستطيع ان تشتري بها بيت الاحلام بالنسبة لها يعني فيه اشخاص بيكونوا عندهم مرض نفسي يعني بيتعودوا التسول ينعني انا بقول انو المساكين والفقراء معروفين وحتى من غير ميستولوا اكيد الناس راح يساعدهم بس فيه كمان ناس متهمشه مو ممكن حدا يشوفهم او يتعرف عليهم يعني القضيه شائكه ولا يمكن في الموضوع ان يحكم احد غير الدين والدين انا بعتقد انو ضد هالتسول مهما كان الامر احنا عننا هون بنعرف انو اليهودي لما بيشوف متسول مسلم وجنبو متسول يهودي بيدي المسلم وبيسيب اليهودي مشان ما يعلمو التسول فبيخلوه يقوم يتعب ويجتهد مشان المال بس احنا المسلمين طبعا عاطفتنا قبل كل شي وبنفكر باحوال الناس وهيك طبعا شي رائع على العموم هو موضوع شائك وهاي رائيي ومشكور اخي قسامي غزة على الموضوع الروعه دمت بسلام |
رد: شو رايك بهاد الظاهرة
لي عودة إن شاء الله مع الموضوع
|
رد: شو رايك بهاد الظاهرة
اولا يا قساامي
انما الاعمال بالنيات يمكن يكونو بجد بدهم مصاري ومضطرين يشحدو ويمكن يكونو معهم اكتر منا معهم مصاري منقول الله اعلم.... والله العظيم انو بالقدس الظااهرة كتير كتير كتير منتشرة خصوصا اولاد زغااار بكونو عند الرمزون اشارة المرور وببيعو مسكة او بطلبو ينضفو السيارة مقابل شيكل اتخايلو بتكون الدنيا شتا و حر كتير وبكونو واقفين والله وايام التلج مرا فضولي خلاني أسال ولحد بحط فيه 7 سنين انت ليش بتبيع هييك والله دموعو نزلو صار يقولي ازا ما بشتغل وببيع بكيت المسكة هادا ابوي بضربني انا واخوتي بقولو ابوك شو بشتغل بقولي ابوي قااعد بالدااار !!! الله اكبرررر الكبير بالدار وولادوووو بشتغلوو ! بس بجد يعني بهالدنيا في كتير اشياء خطاا وفي ناس بستاهلو اشياء منييحة وما بتجيهم وفي ناس بستاهلوو ينحرقوو .... طيب ظاهرة تانية برمضان بالمسجد الاقصى كل شبر بسطااات اللي مش عارف شو البسطات يسالني ^ ^ والله في ناس ما بنزلو ليصلو التراويح بقولو منشتري مونة واغراض للدار من البسطات ارخصلنا ^ ^ يا ررررب هما رايحين يصلوو ولا يتسوقو ! المسجد الاقصى غلط ينحط فيه بسطاات لانو الناس بنسو الصلاة بروحو يتسوقو :( بعدين كلو صفين عالشقتين كلو شحاااااااااااااااااااااااادين والله العظيم الواحد ما بعرف يمشي منهم كل واحد بترجا من شقة بس منقول انما الاعمال بالنياات مشكوور قسامي موضوع روووعة بس يمكن انا طلعت عن الموضوع شووي ^ ^ |
رد: شو رايك بهاد الظاهرة
ههههههههههههههههههههههههههههههههههه
يسلمو قسامي الموضوع حلو اول شي...بس ضحكني اسلوبك كيف محموق بالحكي.. ممم بالنسبة لهدول فعلا همة مش شرط يكونو جعانين فعلا او ما عنهم فلوس... في كتير بتلاقيهم بشحتو لانهم اول شي ما تربو على مبادئ تبني فيهم عزة النفس وغيره.. غير هيك في ورثوها من امهاتهم ...مع انو للاسف تعتبر هاي الظاهر جديدة تقريبا.. لانها ما كانت بالزمنات.. غير هيك مش بس النسوان قسامي...انا بتزكر لما كنت انزل كنت اشوف اولاد ازغار كمان... واكيد متل ما حكى الرسول صلى الله عليه وسلم...انا ما نعطيهم فلوس..لختى ما تزيد الظاهرة.. وبنفس الوقت (اما السائل فلا تنهر)...ما نصرخ عليهم...او على قولة سيد الظلام هههه(نعطيهم كف)..لأ ونسوان كمان..^^ يعني قوللهم الله يبعتلك...وامشي..^^ يــســلــمــو |
رد: شو رايك بهاد الظاهرة
اقتباس:
عليكم السلام اختي فلسطينية اختي الكريمة انا بوافقك الراي انوا نسبة الفقر عالية وانوا في ناس محتاجة بس يا اخت نريمان الفقر ما بعمل الشحدة يعني مثل ما حكيت هاد صارت شغل او مهنة مش قصة جوع او فقر واالانسان الشريف الي نفسه عزيزة عليه ما ممكن بيوم من الايام يعمل هيك بس يا اختي انا لا اظن انهم محتاجين بهاد القدر مشكورة اختي علي ابداء رايك |
رد: شو رايك بهاد الظاهرة
اقتباس:
اختي ريتا انا معاكي بكلامك انوا في كل البلاد في هاد ظاهرة التسول بس هاد غلط وانا متاكد انوا ما في حد بيتسول بيكون محتاج وانتي لما تعطيهم بتشجعيهم علي انهم يعملوا هيك اعملي مثلي ما تعطي ولا واحد منهم اما راي الاسلام انا حكيت انوا الشيخ حكي الواحد محاسب لو بيعطي فلوس لواحد ما بيعرف انوا محتاج او لا او بيكون شاكك انوا لا يستحق الصدقة تصدقي لناس تعرفيهم او في المسجد مشكورة اختي علي مرورك |
رد: شو رايك بهاد الظاهرة
موضوع خطير يسلموو قسامي على طرحه ... بالنسبه للتسول هوه اصبح ظاهره مخزيه ومعيبه لنضال شعب ما زال يعاني من ويلات الاحتلال ..فبرأي ان ظاهرة التسول هي عاده وبعيده عن الحاجه وقل ما ندر..ولكن انا برأيي ان تخطأ 100 مره بعطائك على ان تصيب مره واحده ..
وأريد ان اتحدث بقصه حقيقه في بلاد الحجاز... حيث قتل شاب اخر والقاتل من عائله عريقه ومترفه.. ووقع عليه الحد .. وشرط اهل المقتول اما اقامة الحد او ان يجمع بما قيمة 2 مليون ديه المقتول تسولا من امام المساجد .. على ان يراقبوه .. فوافق الطرف القاتل على الشرط.. ليبدأ بجمع المال حتى تمكن فعلا بكد يومي من امام المساجد وعفو عنه.. الا ان ذلك القاتل بات لا بتمكن التخلص من عادة التسول فاذا به يوميا يذهب الى المساجد حتى غلبت العاده على الحاجه.... ولا اريد ان اطيل اذا اصبت وان اخطأت بمتسول فاجرك على الله واكتفي بهذا التعليق ودمتم بود |
رد: شو رايك بهاد الظاهرة
اقتباس:
يا سيد باشا انت كلامك في منو بس مين هاي ام يوسف جلو صحيح هدول نوريين وانا بعرف وحتي اشكالهم معروفة بس ما بيصير اضرب وحدة كف انا بقلها الله يسهل عليكي بس |
رد: شو رايك بهاد الظاهرة
اقتباس:
والله يا اختي كلامك سليم وصحيح والعمل مش عيب بل انه شرف وبدل ما تسحت تروح تبيع اي شي بس الناس هدول صاروا يعتبروها شغل ليش يغلب نفسه ويبيع هيوا بتيجي الوا مصاري وهوا قاعد مشكورة علي مرورك وعلي اضافتك تحياتي الك اخت فراشة |
رد: شو رايك بهاد الظاهرة
السلام عليكم
هذه الظاهرة المستشرية في الدول الغنية قبل الفقيرة قد أصبحت ضرباً من ضروب التجارة وفي أغلب الأحيان يقف ورائها شركات خفية تدير مجموعة من المتسولين وهي في نظرهم أسرع طريقة لكسب المال حيث القليل من البكاء والأوراق المزورة لديون و قسائم علاج وغيرها يدعون بأنهم عجزوا عن دفع تكاليفها أو بعض من يشكون الإعاقات وهناك من يسرق الأطفال ويبتر طرف من أطرافه ليتسول عليه وهناك من كان لديه قِصاص سرقة فيستغل الأمر في التسول وحيل التسول لا تنتهي , ولما كان من قدرة المرأة على استدرار عطف المجتمع واستعدادها لفتح سيول من الدموع الجارفه والضعف الذي تتصف به فقد باتت مهمتها أسهل من مهمة الرجل في هذا المجال وكذلك الأطفال حيث يتم استغلا براءتهم في تلك الأمور (فاكرين طبعا فيلم أمنا الغوله هههههه ) . بنظري واعتقادي أن إعطائهم والرضوخ لحيلهم أكبر جريمة بحق المجتمع لأنهم أناس طفيليون يقتاتون على أموال غيرهم بلا تعب وقد تجدهم من أغنياء البلدة لكن للجشع ضروبه ولابد من قطع السبل عليهم والتبليغ عن أماكن تواجدهم للجهات المختصة . لكن هناك قضية كيف لي أن أعلم المحتاج فعلا من المتسول الكاذب ؟ وهنا تبدأ حيرة الشخص هل أعطيه هل يستحقها ؟ أم أنني أساهم في زيادة عدد المتسولين ؟ لا أدري لكن برأي أن المحتاج فعلا لن يمد يده حتى لو كان محتاجاً حيث ذكرهم الله تعالى في كتابه {لا يسألون الناس إلحافا} لكن هناك من يكسره الزمن والظروف وقد تكون امرأة ظلمها المجتمع قد تضيق بها السبل لتهون عليها نفسها وتمد يدها للغير . ومع ذلك لنا دورنا الكبير في التقليل من ذلك حيث مثل هذه المرأة من رأها أو يعرفها لا بد منه أن يعينها ليس بإعطائها المال إنما بالبحث عن مصدر رزق وتيسير ذلك لها حيث يحد من احتياجها للناس وفي فعل الرسول صلى الله عليه وسلم في قصته مع الرجل الذي جاء ليشكي الفقر ويطلب المال من الرسول فماذا كان رد الرسول عليه أفضل الصلاة والسلام, اشترى له فأسا وقال له خذ واحتطب . لحد هنا وخلصنا حكي جد نيجي للمواقف اللي بتصير مع الشحده وغيرها هاد ياحبايبي كنت في مكه وهناك الشحادين أكتر من العبّاد خصوصا عند الحرم كنت كل ما أمر عوحده أطنشها مش عارف ايش لعب براسي وخلاني اعطي وحده منهم ولما راحت ماشفت إلا اللي جايه وحده تانيه وعطيتها وراحت وبعديها كمان وحده مش عارف من وين بنبعو أتاريهم شله وكل مابتعطي وحده بتحكي لصحبيتها وبدلها عالمكان وهن بيجن وأنا أعطيييي وهن يجن وأعطيييي ......ههههه أخرتها حكيت لآخر وحده إزا بتجريلي حدا وراكي وبتحكيله ياااااويلك :icon11: صارت مع اختي برضو لما كانت في مكه بتحكي كنت جالسه وشايفه وحده على الأرض و رجليها مقطوعه مش عارفه تمشي وبتشحد بعد فتره شافت محدش معبرها ولما شافت مكان تاني عليه إقبال أكتر والله ماشافت إلا هاللي بقوم ولقيت عندها رجلين :icon8: مش عارفه وين كانت مخبياهم وراحت للمكان التاني وجلست وصارت تشحد هناك وكله وإلا اللي بتيجي تشحد وهي ناسيه تشلح أساورها الدهب من إيديها كخخخ وصار معي موقف أنقهرت من جد وحده بتشحد في السوق و تلحق وراي وتحكي وإلا بدها أعطيها وطنشت بعد شوي شفت ولد صغير أجا يطلب ويتمسكن وصار يعيط بصراحه رحمته وعطيته وشفت وين راح ................................... ....... القهر راح عند الحرمه اللي مارضيتش أعطيها من الأول أتاريه إبنها يعني مجنده العيله كلها في هالشغلانه إن غلبت هي بترسل غيرها يمكن تسمم بهالقرشين اللي اخدهم من كتر مانقهرت يومها من عملتها هههه :icon11: وحكاوي ومواقف الشحده مابتخلص والله ومعلش دوشتكو معي وشكرا |
رد: شو رايك بهاد الظاهرة
اقتباس:
مشكورة علي مرورك وعلي الاضافة الي اضفتيها والله انها فكرة منيحة لما تتبني جمعية المتسولين وانا لم اتفاجا لما حكيتي انوا لقوا المراة معها مصاري كتير لانوا هدول ناس جشعين ما بعرفوا يستكفوا اختي هذه القضية لا تحتاج الي العاطفة بل تحتاج للعقل للتفكير واعملي مثلي الي يقلك اعطيني احكيله الله يبعتلك نورتي |
رد: شو رايك بهاد الظاهرة
اقتباس:
مشكورة اختي علي مرورك وما تخافي انا بعرف شو يعني بسطات انا مش جاي من جزر القمر بس انتي كلامك في منو وهاد ظاهرة الاولاد الصغار منتشرة عنا هون في غزة نفس القصة ويمكن الاسباب التي تدفعهم هي نفسها مدامك حكيتي قصة بدي احكي كمان انا قصة عندي في شب بيحكيلي في كان عندهم جار الهم وهاد الراجل بتاع مخدرات تصوري شو كان بيعمل مشان يجيب مصاري هوا عنده بنات كبار يعني سن 16 او يزيد او ينقص بقليل من العمر المهم كان يحكي لبناتوا ومرتوا كل يوم بدي 3 علب دخان ما الي دعوة من وين تجبوهن تسرقوا تشحدوا المهم دبروا حالكم بدي مصاري وهوا كان قاعد بالبيت انا ذهلت لما سمعت بنات بالسن هاد يحكي الهم هيك والله انها مصيبة بل كارثة بس يا اختي انا لما تطرقت لهذا الموضع انا اقصد النساء الي يكونوا بالاسواق بس بالغالب هما ما محتاجين انا بشكرك علي مرورك الطيب |
رد: شو رايك بهاد الظاهرة
اقتباس:
هههههههههههههه انا صحيح محموق من هاد الظاهرة لانها ظاهرة غلط وانا معك انوا هاد يعتبروها شغل وورثوها عن الاهل وهاد اكبر غلط انتي لما كنتي تيجي كنتي تشوف صغار بس اليوم تغير الحال صار كلوا نسوان ويلا مشان تتاكدي تعالي لعنا وشو في كيف تغير الحال |
رد: شو رايك بهاد الظاهرة
اقتباس:
العفو قساامي اه الواحد بعيش بسمع قصص غير شكل وبشوف ااشياء بقشر الها البدن بس انا عارفة اني طلعت عن الموضوع شووي بس انا كنت حابة اتوسع تقبل مروري ... |
رد: شو رايك بهاد الظاهرة
رورو عمرك اطول من عمري :icon11: والله و انا بقرأ بالموضوع اول شي خطر ببالي و اتذكرته الشحدات في رمضان اخ بس والله العظيم بيجلطوني و الأدهى و الأمر انهم مش بس بيشحدوا لا و في الاقصى كمان حسبي الله عليهم بس انا ما كنت احب ارد اي حد هيك بدون مساعده بس لما عرفت حقيقتهم حقدت عليهم الله يعين الجميع بس برأيي في الف شغله بيقدروا يعملوها بدل الشحده لو عنجد محتاجين الله يهديهم و شكرا أخي قسامي على اثارة هالموضوع |
رد: شو رايك بهاد الظاهرة
والله يا اخي موضوع مهم
بتعرف انا في الاول كنت بتخانق مع امي واخلي لانهم ما بيرضوا يعطوا للشحاتين لكن من 3 سنين تقريبا حصل معي موقف غيرلي تفكيري وهي انه مرة وانا وامي ماشيين شوفنا واحدة قاعدة عمالة تبكي وشايلة طفل ومادة وايدها وتقول والنبي ... فأمي ما عبرتها وفي نفس اللحظة اجا واحد بيدخن وراح لامي يقلها لو سمحتي اعطيني .. فمن كتر الحاحه امي اعطته وبعدين مشينا بس واحنا بنروح انا بصيت وراي فلقيت الرجل بيقول للت اتعملي كيف تشحتي فراحت هي بصلته بصات احتقار ففهمت بعدها انكم كذابين وخاصة انه تعابير وجهها بسرعة اتغيرت وهاد دليل على انها ما كانت بتبكي بجد شي كمان انا كنت بعرف واحد كانوا الشحاتين بيخبوا الفلوس عنده لما تيجي الشرطة وتحاول تمسكهم هاد غير انهم بالشحاتة بيكسبوا بالهبل :( بعتذر على الاطالة وشكرا على الموضوع |
رد: شو رايك بهاد الظاهرة
أسوأ ظاهرة في كل العالم
|
رد: شو رايك بهاد الظاهرة
اول شي انا حؤلك يا حاقد ع النسوان انت يعني بدك تقنعني اول شي انو ما في رجال شحادين حؤلك الاسباب اول بيكونو ولادها ميتين من الجوع وزوجها سوري في التعبير هامل ما بيءوم يشتغل وهيه اصلا مش ملاءيه مؤسسات تشغل الفقراء لذلك هي بتطر النها تلجاء للشحده بعدين مساله الي بيجوز نعطيهم او ما نعطيهم هاي الابله بتاعتنا التلنا انو الاعمال بالنيات وكمان ما بيجوز نحرج الشحات بس انا من هبلي مرة عملتها هاد في مرة الها من ايام حرب التنك بتشحت في الشوق هي وبنتها صبيه منيماها في الشارع صورة للرايح والجاي وانا رايحه ع السوء التلي الله يرضى عن الله يبعتلك والمهم تدعي طيب اعطيناها الي في لنصيب وهاي المرة دريت صارت كل مرة هيك الا انا اخر مرة رحت حكيالها اؤلك المرة الجايه بدي اجيبلي حصيرة واءعد جنبك
مشكور ع الموضوع وموفق |
رد: شو رايك بهاد الظاهرة
ان ما يدفع الناس للتسول هو قمة الفقر و عدم دفع الناس لزكاة أموالهم
لكن هذا لا يعني أنني أشجع التسول [IMG]http://www2.0zz0.com/2007/04/28/14/93749637.jpg[/IMG] |
رد: شو رايك بهاد الظاهرة
اقتباس:
اهلا بيك اخي نورت الموضوع مع اني طولت في الرد عليك بس كلامك صحيح والله انوا شي مخزي انوا الشعب العريق يكون بينه هاد الظاهرة بس يااخي وين ما تروح بتلاقي كتير نفوس مريضة تحب الشغلة هاي لانها من دون تعب وهاد الشب الي حكيت عنوا في قصتك لقي الشغلة حلوة والشحدة شي جميل فقرر انوا يستمر بيها هههههههه مشكور اخي علي مرورك |
رد: شو رايك بهاد الظاهرة
اقتباس:
اختي كلامك منطقي جدا من ناحية انتي دوشتينا فانتي دوشتينا ههههههههههههههههههههههه بمزح بس انا ضحكت بجد علي المواقف وعلي المراة الي نسيت تخلع اساورها او المراة الي صار الها رجلين فجاة يعني انا بفهم من كلامك اانوا معظمهم نصابين وما يستحقوا الشحتة مشكورة اختي علي مرورك |
رد: شو رايك بهاد الظاهرة
اقتباس:
اهلا بيكي اختي لمرورك اكيد انا بوافقك الراي في الكلام وكمان بوافق رورو في الكلام وهدول حقيقتهم انهم لا يستحقوا الاموال هاد كلوا كلاك فاضي والي يعطيهم يعينهم علي هاد الظاهرة يعني تاني مرة لما واحد يحكيلك اعطيني شيكل احكيلوا روح روح ما بشحد اعملي زي قسامي غزة |
| الساعة الآن 09:48 PM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas