منتديات شباب فلسطين - :: تعـــالو نحكي مع محمـــود ::

منتديات شباب فلسطين (https://shabab.ps/vb/index.php)

- الــوآحــة الـعــآمّــة (https://shabab.ps/vb/forumdisplay.php?f=4)

- - :: تعـــالو نحكي مع محمـــود :: (https://shabab.ps/vb/showthread.php?t=40904)

:: تعـــالو نحكي مع محمـــود ::

بسم الله الرحمن الرحيم ..

السلام عليكم ورحمة الله وبركاته

مش راح أكتب الا بالعاميـــة :) ،،

بس والله طرحت هالموضوع لأني بحبكم و كلكم في مثابة اخوتي

وبتأسف لضيق وقتي وخصوصا بعد ما اتوظفت والتضاربات ما بين الجامعه

والعمل ووقت الفراغ ،، فما بلاقي وقت كافي اني أعيش معكم الجو الي كنت عايشه

من فترة اني معكم 24 ساعة ،، بس هلا صحيح اسمي ما بنشال من الصفحة الرئيسية

وما بنكر اني بشوف أغلب المواضيع الي بتنزل وبتابعها ,, لكن صعب اني ارد على بعضها ..

بصراحة حبيت اكتب هالموضوع لأتقرب من الأعضاء الجداد أكثر و أكثر ،، كثير منهم ما بعرفوا

محمود ،، يمكن اسم في المنتدى او رمز للإدارة فقطـ ..

اخوتي انا محمود عضو مثلي مثلكم انسان مسلم بسيط لاجئ بعيش بمخيم جباليا

عمري 19.4 طالب في كلية هندسة الحاسوب وتكنولوجيا المعلومات ( أو الـ IT )

بشتغل موظف في شركة ( مبرمج ) .. الحمد لله كان الي الدور في برمجة العديد

من المواقع الفلسطينية والمهمة الآن في الساحة الفلسطنية ..

موضوعي اليوم كتبته حتى أتعرف عليكم أكثر ونوطد العلاقة بينا أكثر ..

لانه كثير من الأعضاء ما بعرفوا محمود وبعضهم بعتقدوا انو محمود قاسي وصعب التعامل معاه

او متكبر و الخ ..

بس يا اخواني صدقوني مضطر كثير اني اكون اداري حتى يمشي المنتدى بنظام صح اني ما بطلع

في وجهكم الا وقت ما يكون في مشكلة او في حذف انو نقل موضوع .. والله هاي المهنة ما بحبها :icon5:

بس مضطر الها ^_* ،، طبعا كلكم متفهين عليي مشانكم ومشان الجميع منا بقولكم بكون متواجد

في المنتدى كمراقب ،، بس مشان المشاغل ، في اجازاتي راح تزهقوني :showoff: وتقولو يا ريته

يرجع مدير ما بدنا ياه من كتر ما رح تزهقو مني :icon11: ..

بكتب في الموضوع ومبسوط وانا بكتب فيه بفرغ من الكبت الي أنا فيه ومن الضيق وحاسس بصراحة اني

قريب منكم ما في بعد اني اعيش بينكم كعضو ^^ .. اتحملوني هلا ^^

بس سامحوني يمكن الكلام الي بخطر عبالي هلا هوي الي بحكيه بس هلا في نقطة ادارية قطعت نص كلامي ..

بس ما بحكيها لاني مدير ،، بحكيها لاني عضو مثلي مثلكم بحبكم وبحب المنتدى ..

طيب .. بالنسبة للمنتدى حابب نكون ملتزمين فيه جميعا بشريعتنا الاسلامية و قوانينها وقوانين المنتدى

غير هيك يا جماعة الخير المنتدى للجميع مو لشخص واحد او اثنين وكلنا لازم نحط ايدينا في ايدين بعض

لندعم ونساهم في تعمير هالمكان الي احتوانا جميعا ً ..

بلزمنا كثير من الحيوية في الأقسام الاسلامية والأقسام الفلسطنية بصراحة نوركم فيها ما في

بعده نور ،، وهما واجهتنا قدام العالم ..

وكل واحد يحط مخافة ربه في كل كلمة بكتبها وكل حركة بساويها هون ..

اخوتي .. المنتدى روحه عامرة بأخوتكم و نفسوكم الطيبة ،، فما تحاولو تسمموا هالنفسيات الطيبة

بسوء تفاهم أو خلاف ,, احنا الشعب الفلسطيني والشعب المسلم بنقصنا كثير من نفوسكم الطيبة

وكثير محتاجين هالنفوس الطاهرة ،، هيي الي بتساهم في اعمار هالمكان في طيبة قلوبهم وكرم اخلاقهم

خلينا يا عمي نبعد شوي عن العشوائية في تصرفاتنا خلينا دايما ننظر نظرة أخوية بكل جدية ،،

غير هيك قضية كثير مهمة ،، وكثير خطيرة قصة نقل المواضيع من المنتدى للماسنجر ..

كيف يعني قصة (القال والقلنا ) أكيد هالحاجة عيب ومش من شيمنا . ازا شب بساوي شي في المنتدى

بروح يعملي قصة في الماسنجر انو عمل وساووا واحرج وانو فلان غلط بحقه الخ *

او يعملو تكتلات في الماسنجر وتحالفات ضد بعض الاعضاء ،، او تصير عملية التوشيب والتخريب

من الماسنجر ونقلها في المنتدى ،، هالحكي والله ما بليق فينا ،، يا جماعه الخير انا بعدني بحكي

في العامية و متريح فيها ،، خلينا نكون أكثر مصداقية مع بعض و أكثر اخوية ،، حتى لو حدا غلط

في مليون طريقة وطريقة لاصلاح الامور مش دمارها .. :showoff:

قال نازل اتعرف صرت مدير ههههههههه بس هالشخصية يا جماعه اندمجت فيي وانا بحكي شو ما بخطر

ع بالي عم بحكي (( شخصية المدير وقت التوجيه وفي زمن الادارة فقط اما طول اليوم عضو والله )) ،

و لأول مرة بحياتي اعمل مثل هيك موضوع بس لقيتها طريقة حلوة ^_* ،، يعني كل مرة

بكتب عن مشكلة بشكل مباشر او خطأ ..

يارب يكون كلامي واضح ومش صعب :showoff: ..

بس اخواني جملة اخيرة وخليني اروح اكمل دراسة ،،

(( عندي كل أعضاء المنتدى واحد المسجل جديد نفس المدير العام والمشرف ،، و المحقوق راح ياخد

حقه و الغلطان راح يتم اتخاد الاجراءات اللازمة معاه حتى لو كان اخوي ابن امي و أبوي ))

يا خوفي يجي واحد ويرد علي بكلمة مشكور او حدا يرد وما يكون قاري الموضوع :icon9:

يلا الي بده يسأل عن شي انا موجود في خدمتكم كلكم ^_*

و تصبحو ع خير ،، بتردوا ع الموضوع بعد ما تقرأوه حرف حرف وراح تبقوا عيلتي :icon26:

:s (43):