|
ماذا ستفعل لو علمت ان هناك فتاة تتمناك زوجا لها ؟!
نعلم بأن الكثير من الرجال قد يعجب بفتاة ثم ما يلبث ان يخطبها ويتزوجها ويحقق الله مراده .. ولكن هل تعلمون بأن هناك الكثير من الفتيات يقدر الله عليها بأن تعجب بشخص سواء لدينه او اخلاقه او سعة ادراكه.. الخ من الصفات التي تكون كافيه بأن تجعلها تتمناه زوجا !... فالحب والكره والمودة من الله سبحانه وتعالى لم يختص بها جنس معين .... ولكن في مجتمعنا الحالي نجد ان هذا الشيء مرفوض كون ان فتاة تتمنى الارتباط بشخص ما ...فهي تعلم يقين العلم انه ان لم يكن يفكر بها فهو بداية طريق عذاب لمشاعرها.... ماذا لو علمت بأن بنت عمك او خالك او احدى اقرباءك او معارفك تتمناك زوجا ؟ هل ستصغر في عينيك كونها قد احبتك ؟.. ماذا لو ان هذه الفتاة ارادت لفت نظرك لها بأي وسيله سواء بالتلميح لاحدى اخواتك او حتى ارسلت لك رسالة وقالت لك انا معجبة بك بسبب تدينك او اخلاقك ... واريد الارتباط بك على سنة الله ورسوله ... بصراحة ماذا سيكون موقفك ؟؟؟؟ وكيف كنت تتمنى الطريقة التي تشعرك برغبتها بالارتباط بك ؟ وايش هيكون تفكيرك عن هادي الفتاه.؟؟!! // // اريد تفاعلكم وارائكم>>> |
رد: ماذا ستفعل لو علمت ان هناك فتاة تتمناك زوجا لها ؟!
بالنسبة إلي شخصيــا شي عادي من حق البنت تعجب بشاب او تتمناه زوجا إلها زيها زي الرجل من حقها الاختيار المناسب لها ..! والاسلام نص على هذا الشي من حق المرأة الزواج من إلي يعجبها . من ناحية تفكيري فيها البنت راح يكون كمان عادي راح تكـبر في عيــــيني وابدا البنت ماعملت شي غلط .. والشي الاهم حسب تربية ونظرة الرجل للمرأة في هذا الموضــــــــــوع ..! وشكرا كتيير عالموضووع الحلو يااا رورو موفقة انشاالله ..! |
رد: ماذا ستفعل لو علمت ان هناك فتاة تتمناك زوجا لها ؟!
اول شئ شكرا الك رورو على هالموضوع
معلش اسمحيلي ابدي رأيي ..كتير بنات بيمروا بهيك حالة وبيحاولوا يعملو المستحيل بس ما بيقدروا لأنه وللأسف في مجتمعنا العربي اذا البنت اعترفت بمشاعرها بتكون عملت شي فظيع ولو تجرأت وقالت لهذا الشب انها بتحبه او انها بتتمنى يكون زوجها فراح يقول عنها انها انسانة خفيفة |
رد: ماذا ستفعل لو علمت ان هناك فتاة تتمناك زوجا لها ؟!
موضوع جميل جدا اختي بارك الله فيكي انا راح استنى ردود الاخوة معك دمتي لنا |
رد: ماذا ستفعل لو علمت ان هناك فتاة تتمناك زوجا لها ؟!
اول شي
موضوعك رائع وغريب بنفس الوقت بس اذا البنت باحت بأسرارها للشاب اظن تختلف المعايير بالنسبه لي شوي طبعا هاد بالمجتمع العربي رح اعطيك مثال من الدول الغعربيه كوني عايش فيها البنت الي بتطرح حبها على الشاب هي التي تدوم وللاسف عكس مجتمعنا تماما وهذا ما بيعني اني مع هيك شي بمجتمعنا لا بالعكس بس يكون عند الانثى العربيه شويه قوه لتغيير الصوره الي رسمها الها التاريخ بأنها مضطهضه وغبيه ومأكوله الحقوق شكرا الك |
رد: ماذا ستفعل لو علمت ان هناك فتاة تتمناك زوجا لها ؟!
على فكره ما حلوه البنت تتصرف هيك لانه اهانه الها
|
رد: ماذا ستفعل لو علمت ان هناك فتاة تتمناك زوجا لها ؟!
في البداية اشكرك كثير رورو علي طرح هذا الموضوع
المشكلة في مجتمعنا فعلا لا يرحم لا من بعيد ولا من قريب وهذا الشئ حسب تصوري متروك للشاب نفسة كيف يري هذة الفتاة في نظرة صراحة الفتاة للشخص باعجابة او حبة هذا لا يعني انها فتاة منحرفة او غير لائقة بالعكس شجاعتها ومصراحتها تدل علي اخلاصها وحبها وتضحيتها لذلك الشخص تحياتي لك رورو |
رد: ماذا ستفعل لو علمت ان هناك فتاة تتمناك زوجا لها ؟!
بجد موضوع غريب..
ههههههههههههههه اخي وليف بارك الله فيك.. كلامك 100 % خلينا نحط موضوع الحب والغرام والبطيخ الاصفر هاد على جنب,, لما تكون البنت جدية زي ما قال الاخ وليف,, شجاعتها تدل على وفائها بالمستقبل,, بس بتظل مش اي بنت تقدر تكون بهالشجاعة ,, بس ممكن تكون بطريقة غير مباشرة,, وصدقا الرجل اللي بلاقي زوجه تحبو لهاي الدرجة بعتبره محظوظ.. من ناحيتي انا ليش لا ,, ما دام الدين والخلق موجود. ^^ مشكورة اختي رورو. |
رد: ماذا ستفعل لو علمت ان هناك فتاة تتمناك زوجا لها ؟!
على فكرة حصلت كتيييييي كتييييييييير
وعندي قصص بالهبل واسماء ولليوم عايشيين وبالمختصر كان مجمع القصص انو البنت هييللي خبت الولد صارت عنا كتير في غزة وعلى فكرة في كمان من القيادات الكبيرة في قطاع غزة حصلت معهم نفس القصة والبنت ططلبت الزواج منو وما بعرف شو يعني انا في جعبتي قصص كتيييييييير والحب دايم بينهم والزواج صارلو سنين طويلة |
رد: ماذا ستفعل لو علمت ان هناك فتاة تتمناك زوجا لها ؟!
احترم مشاعرها واقدرها واحترمة
وأحاول تفهمها يسلموووووووووووووووووو |
رد: ماذا ستفعل لو علمت ان هناك فتاة تتمناك زوجا لها ؟!
بالنسبة إلي
إزا كانت جادة أحترمهــــــا وبالعكس حتكبر بعيني يسلمـــــــو أحلى رورو |
رد: ماذا ستفعل لو علمت ان هناك فتاة تتمناك زوجا لها ؟!
اولا بالصراحة راحة طبعا
اذا فعلا البنت اعجبت فيا احاورها اناقشها اعرف السبب الذي جعلها تعجب فيا واحيانا الاسباب ولربما هي التي تجعلني احكم على علاقتي معها مثلا لو انها اعجبت فيا لاني مثلا موسوع الرزق او لانني مثلا وسيم او شيء كهذا فانا ارفض رفضا تاما علاقة معها اما اذا كان سبب اني ملتزم او لاخلاقي فهنا شيء اخر ويحتاج الدراسة وبارك الله فيكي اختي رورو الموضوع حساس وما خطر ببالي |
رد: ماذا ستفعل لو علمت ان هناك فتاة تتمناك زوجا لها ؟!
لا لا ما بظن انو تكون فكرة حلوة لما تحكيلو .. لأنو بالنهاية رح يزلها ويعاير فيها (( ساعة المشاكل :icon11: )) ورح يصير يحكيلهاا مش انتي معجبة فييي يختي وبتحبيني وما بعرف شو ويعني من هالردح :icon11: :icon11: عنجد الاحسن اضلها ساكتة بكفي .. |
رد: ماذا ستفعل لو علمت ان هناك فتاة تتمناك زوجا لها ؟!
نورتوووووووووووو
انتو الاحلى ولو واجبنا ^ ^ |
رد: ماذا ستفعل لو علمت ان هناك فتاة تتمناك زوجا لها ؟!
يسلموووووووووووو
|
رد: ماذا ستفعل لو علمت ان هناك فتاة تتمناك زوجا لها ؟!
اقتباس:
والله الرجال ما الهم أمان خصوصي بعد الزواج رح ياخدها عليها ممسك ويقاهرها فيها عالكبيرة والصغيرة ويطلع عيونهـا عشان هالحركة الهبل الي عملتها ههههههههههههههه بس ما بيمنع اذا كان هي حاسة انو هوي ميال إلها وبيستاهل تضحي هيك تضحيه عظيمة مشانه :P إنها تخللي حدا يلمح إله تكون بتوثق فيه أنه مش رح يحكيلو انه الكلام طالع منهـا وما ننسى أنه ستنا خديجة هيي الي بعتت واحد يلمح للنبي عليه الصلاة والسلام عشان موضوعها بس ضمن حدود وبحياء وضلت بقيمتها مش وقاحة متل ما بيصير بأايامنـا مش ناقص إلا تطلب إيده من اهله ..:icon28: يعني الخلاصـــــة ،، إنها هيي تروح تحكي بنفسها بطريقه مباشرة نوووو ومية نووو كمـان شكرا يختي يا رورو عالموضوع الي مشيب الراس فعلا هالأيام |
رد: ماذا ستفعل لو علمت ان هناك فتاة تتمناك زوجا لها ؟!
لرجــــــــال ما بنعطوا وجه وإزا تقبلو فكره إنها تحبهم الحين...
بعدين حينعن ابو يومها وحيزلوها زلة البين ... وبعدين هيه غلطت انها حبتو كمان تغلط وتقلو شو هالهم هاد خخخخخخخخخ... |
رد: ماذا ستفعل لو علمت ان هناك فتاة تتمناك زوجا لها ؟!
اقتباس:
اقتباس:
|
رد: ماذا ستفعل لو علمت ان هناك فتاة تتمناك زوجا لها ؟!
هههههههههههههه ..
الموضوع ضحكني ! مممم .. بعتقد انو عادي البنت تعجب بشخص معين .. الاعجاب بيختلف تماما عن الحب طبعا .. مثلا انا معجبة بشخص لاحترامو مثلا الوقت .. مش ضروري احكيلو هالشغلة .. بتعود لالي .. بس الحب .. بعتقد احسن الها تسكت .. وبلاش فضايح ^^ يسلمو رورو .. موضوع خطيييير .. احنا السبايا ممنوع نرد فيه :) |
رد: ماذا ستفعل لو علمت ان هناك فتاة تتمناك زوجا لها ؟!
اقتباس:
شو يا سيد الظلام بدك تحاور وتناقش لسا والله البنت حتكون ميتة من الحياء والخجل انا بالنسبة الى اعتقد انه الشباب ما بدوروا عليها لانهم بعرفوا انه فى اكتر منوحدة معجبة فيهم فما بهتموا كتييييييير لهالشغلة ولو عليا انا ما بحكى ابدااااااااااااااااااااااااااااااام ستحيل |
رد: ماذا ستفعل لو علمت ان هناك فتاة تتمناك زوجا لها ؟!
فى عنا شب شفته اكممن مرة حليوة كتير هو وبدرس هندسة البنات بتصلوا على امه يخطبنه
صارت مو لهالشخص بس كتير بتصير اصلا البنات هبل بتشوف السب مشخص وحاطط جل على شعره ومهبل بحاله على طووووووووول بتحبه وبتنهبل ما بدورن على الاخلاق الله يشفيهن يا رب |
رد: ماذا ستفعل لو علمت ان هناك فتاة تتمناك زوجا لها ؟!
امين
|
رد: ماذا ستفعل لو علمت ان هناك فتاة تتمناك زوجا لها ؟!
والله انا ماالي دخل لسة انا عمري 16
مهل على الجيزة تحياتي |
رد: ماذا ستفعل لو علمت ان هناك فتاة تتمناك زوجا لها ؟!
اقتباس:
اقتباس:
اقتباس:
اقتباس:
هههههههههههههههههههههههه ههههههههههههه هههههههههه يقطعكم 4 مصايب مع بعض,, انتو ممنوع تجتمعو بموضوع, |
رد: ماذا ستفعل لو علمت ان هناك فتاة تتمناك زوجا لها ؟!
البنت مو حلو تلاحق الرجال وترمي جثتها عليه..ابدا ..وخصوصا الرجال العربي...<<مايحب كدا بنات
البنت احسن تكون تقيله ...وتبتعد عنه ..صدقوني ..لو انها مش جميله ..وهو ملك جمال ..راح هو يروح ويخطبها...انا كدا رايي....بس الاعجاب مو حرام....شكرا احلى رورو عالموضوع الحلو.... |
رد: ماذا ستفعل لو علمت ان هناك فتاة تتمناك زوجا لها ؟!
أتوقع انه كل شب دخل هون ورد .. مش حتكون هاي وجهة نظره الحقيقية ..
هو رح يحتقرها .. أنا متأكدة .. ورح ياخد بحاله مقلب كمان .. شكرا أختي .. |
رد: ماذا ستفعل لو علمت ان هناك فتاة تتمناك زوجا لها ؟!
نوررررررريوو
يسعدلي هالمناقشاات :)) |
رد: ماذا ستفعل لو علمت ان هناك فتاة تتمناك زوجا لها ؟!
اذا ببالي اتزوج وعندي القدرات وهي مناسبة وجميلةوووووو...وما في حد بحياتي ليش لأ ولكن برجع وبقول كل شيئ نصيب.
|
رد: ماذا ستفعل لو علمت ان هناك فتاة تتمناك زوجا لها ؟!
الصحيح هدا موضوع واقعي و غريب عن عاداتنا في طرح المواضيع
أنا من و جهة نظري ، ما في رجل ما بيتمنى زوجته تحبه كل هدا الحب ، بالعكس وقتها بيكون في قمة السعادة ، لكن في نفس الوقت الرجل لا يختار زوجته بمجرد عرض الفتاه حبها عليه هناك عدة شروط لا يستطيع أي رجل تجاوزها في انتقاء زوجته من أهمها ( الجمال ، الأخلاق العالية ، الالتزام بالدين و لو كان هو نفسه غير ملتزم ، النسب ، العلم ... و امور كثيرة ) أما برأيي اذا ارادت أن تبدي اعجابها ، فباستطاعتها اشعاره بطرق غير مباشرة ( و الفتيات أدرى بالطرق الغير مباشرة ) ، لا أن تصارحه و تطلب منه الزواج لأنه هذا لا يعد جرأة و شجاعة أما سؤالي في نفس الموضوع للفتيات ماذا ستفعلي لو علمتي أن هناك شاب يتمناكي زوجة له ؟؟ |
رد: ماذا ستفعل لو علمت ان هناك فتاة تتمناك زوجا لها ؟!
برأيي ومن وجهة نظري ما بحب البنت تتصرف هيك
لانه رح تسمع حكي مش لصالحها والافضل والاحسن انه البنت تحافظ على حيائها وخجلها وبالنهاية كله برجع للنصيب ويسلمو عالموضوع |
رد: ماذا ستفعل لو علمت ان هناك فتاة تتمناك زوجا لها ؟!
ما بتصور انو في بنت بهالشجاعة انو تروح تحكي هيك؟؟
بس انا بنزري شي عادي بس بنزر المجتمع العربي للأسف لالالا بشوفوها عيب وانو البنت ارتكبت جريمة وبعدين السيدة خديجة طلبت من النبي الكريم الزواج ما فيها شي وهاد اكبر مثال على هاد الموضوع شكرا طرح مميز |
| الساعة الآن 11:35 AM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas