|
واقترب الفالنتاين Day ( الهبلتاين Day )
مسا الخير يا جماعة الايام تمضي :icon6: . ويقترب ويقترب موعد ويوم يسمى بالفلنتاين day وترى الشوارع والمحلات حمراء ومطلية باللون الاحمر و والورود والقلوب والبائعون الذين يتفننون بكيفية جذب الناس والعشاق في هذا اليوم من اشكال القلوب والوروود وغيرها ويبدو الناس في هذا اليوم كالمجانيين ترى ما الذي اوصل الناس الى هذا المستوى؟؟؟ هل يا ترى قلة الوعي الديني؟؟ ام هو تقليد الاعمى للغرب ؟؟؟!!!!!!!!:b: ارجو سماع رددودكم وارائكم في هذا الموضوع الذي اصبح منتشر بشكل فظيع واصبحت ظاهرة سنوية وعيد سنوي مثله مثل عيد الاضحى والفطر المبارك بل اكثر شيوعا . :matrix: شاكرة لكم مقدما :s (43): :s (43): |
رد: واقترب الفالنتاين Day ( الهبلتاين Day )
مشكووورة اختي دالية الخليل الموضوع فعلا بحاجة الى نقاش لانه متل ما انا شايفه الوضع يزداد سوء سنه بعد سنه و السبب متل ما قلتي قلة وعي ديني طبعا بالاضافة الى التقليد الاعمى للغرب انا برايي انه الاحتفال بهذا اليوم قمة في التخلف هادا طبعا غير عن الحكم الشرعي اللي هو بالتاكيد حرااااااااااام في عدة قضايا لازم نحكي فيها اولا لازم نوصل للكل قصة هادا اليوم واللي هي طبعا معروفة للكل ما بدي اذكرها هون لاني بفترض انكم بتعرفوها و اذا ما بتعرفوها احكولي وتانيا و بغض النظر عن الحكم الشرعي فكروا بمنطق الحب من أسمى و أنبل المشاعر الانسانية اللي الله سبحانه و تعالى اكرمنا فيها فهل من المنطق ان نحجم و نقزم هذا الشعور بيووووم!!! اعذورني على الاطاله وشكرا مجددا لدالية الخليل |
رد: واقترب الفالنتاين Day ( الهبلتاين Day )
ولك آآآآآآآآآخ شو بدو يحكي الواحد بس ... انا بفسرها قلة عقل و فرااااااااااااااااااغ وين حالنا وين بالنا حبتهم الجرادة ان شاء الله ...لما بسمع هيك بأسف جد على حالنا و حال هالأمة العربية هو لاتقليد و لا قلة دين بس و فوقها كمان قلة عقل و تفاهة و سخافة ... الله يشفيهم هم الناس بتنحب بس بهاليوم
|
رد: واقترب الفالنتاين Day ( الهبلتاين Day )
مشكوره داليه
بس بصراحه انا بضطر احتفل في مع صحابي طبعا برا مو ببلاد العرب يعني كنوع من المشاركه الاجتماعيه شكرا الك |
رد: واقترب الفالنتاين Day ( الهبلتاين Day )
مشكوووورة اخت دالية على الموضوع .........
يعني مثل ما حكيتي قلة الوعي الديني وبعد الناس عن القرآن الكريم وتقليد أعمى للغرب . يعني أنا أستغرب نحن ليش ما نقلد الغرب إلا في الكلام الفارغ والحاجة المايلة المفروض نقلد الغرب في التطور في صناعة الأسلحة والطائرات والسيارات مش في الكلام الفاضي لكن خيبة تخيب العرب .أمة تعبانة ومريضة ........... |
رد: واقترب الفالنتاين Day ( الهبلتاين Day )
الله يهدي هالأمة يارب
والله اليوم كنت بالسوق اجا عبالي ادخل محل ورد وكان كله احمر شو هاد هلأ الي بحبو بعض ما بحتفلو الا بالفانتاين اما شغله ............ بكل حال الي بدو يحتفل يتذكر شو صاير بالبشرية لنشوف شو بيطلع معه |
رد: واقترب الفالنتاين Day ( الهبلتاين Day )
شكرا الك دالية على هالموضوع
للأسف صاروا هالأيام يهتموا بيوم الحب اكتر من يوم عيد الفطر او الاضحى ما بقول غير الله يهدي الكل ويعطيكي الف عافية |
رد: واقترب الفالنتاين Day ( الهبلتاين Day )
المشكلة اختي انهم عارفين انو غلط..
بتقعدي مع الواحد/ الوحدة فيهم.. و بيحكولك كلام عين العقل..انو حرام.. و غلط.. و لازم ما نقلد الغرب.. و بيوم 14/2 بتلاقيهم بيواعدو و بيهدو بعض الأشياء الحمرا اللي حكيت عنها.. فلا تعليق عليهم.. بسلمو الموضوع كتيييير حلو و موعدو كتييييييييييير مناسب.. |
رد: واقترب الفالنتاين Day ( الهبلتاين Day )
ميرسي ياحياتي على الموضوع
اصلا كل هالحكي كي فارغ وما الو طعم ايه ياريتهن بيهتمو بيلي بصير للشعب الفلسطيني اكتر من هالاشياء التافهة تحياتي الك بنت جبل النااااااااااااااار حماااااااااس وبس ودموووووووووووووش وبس |
رد: واقترب الفالنتاين Day ( الهبلتاين Day )
صح ...معظم اللي بيحتفلوا بهالمناسبه عارفين انها غلط و ما الها داعي ...
بس بتقدروا تقولوا انه هيه متل تسلايه .... او شي لعبه .. و في ناس بيحبوا يهدوا بعض بهاليوم خصوصاً (( الحبيَبه)) يعني بعبروا عن مشاعرهم ...و بضيعوا شوية وقت .. بينبسطوا بالهديه ^_* يعني جايه من شوية فراغ ... لاحظوا انه معظم اللي بيحتفلوا و بيلبسوا احمر بهالمناسبه . .اعمارهم صغيره يعني 15 >> 23 ((( تقريباً)))) يعني بالهم رايق ...و ما عندهم هالهموم الكبيره و فاضيين يعني الناس حره تحتفل و لا لأ .... كل واحد و حريته و أـفكاره حر فيها بس عند حد .... لانه صراحه كتير ببالغوا و فجأة بتلاقي كل شي أحمر.... حتى الطلاب بهاليوم بتلاقيهم حاطين شي أحمر مع زي المدرسه لـــــشو يعني ؟؟ و ما ننسى انه هالعيد للأجانب مو للعرب !! حتى المسيحيه ... ما اعتقد انه احنا اللي اخترعناه هاد عيد للاجانب ... مو النا يعني عمرك شفت شي واحد امريكي او فرنسي كافر عم يدبح يوم عيد الاضحى ؟؟؟!!!! شكراً عالموضوع الحلو ^_^ |
رد: واقترب الفالنتاين Day ( الهبلتاين Day )
مشكورة كتير دالية على الموضوع
|
رد: واقترب الفالنتاين Day ( الهبلتاين Day )
يسلمو لكل الي شاركوني بالاراء التي اقدرها واعتز فيها وكلامك كلو مزبوط وعين العين هيك هم العرب شاطريين يركضو وروا التفاهات والمسخرة وبتشاطرو فيها ونقيس على ذلك شوفو كيف بحتفلو كل سنه بسنة الميلاديه الجديدة والهجرية يوم عابر الناس بطلو يكون فيهم الاحساس بالغيرة على الدين الاسلامي وبدهم يشغلو حالهم باي اشي
وجيفارا يعني بما انك عايش برى بس برضو بما انك احضرت معهم هالعيد معناتو انتا كمان بتحتفل في زيك زيهم وشاركتهم بالاثم . يسلمو على مرروك هادي بس نصيحة كانت من اختك |
رد: واقترب الفالنتاين Day ( الهبلتاين Day )
ولا يهمك داليه نصيحتك وصلت
|
رد: واقترب الفالنتاين Day ( الهبلتاين Day )
تسلم يارب والله يهدي الجميع وانضلنا على الطريق المستقيم
|
رد: واقترب الفالنتاين Day ( الهبلتاين Day )
عمري هو حرام وغير هيك احنا لما نحب حدا لازم كل يوم نسال عنه ونحبه مش نعمل هيك بيوم طووووول السنة,,,,,,,,,,بس مو غلط مثلا تجتمع العيلة او الاصحاب لانه كل واحد يمكن ظروفه مابتسمحله يشوف احبابه كل يوم بسبب دراسة او شغل او او بس مش كل مرة بتاريخ هاد اليوم عشان مايكون وقع بالحرام
ويسلمو خيتو |
رد: واقترب الفالنتاين Day ( الهبلتاين Day )
انهيار القيم الاسلامية ففي تعلمنا الاسلامية كل يوم هو valentine days
فديننا الحنيف يدعو لنشر المحبة والسلم |
رد: واقترب الفالنتاين Day ( الهبلتاين Day )
شكرا ل مناقشتك للموضوع الحلو وانا بحتفل فيو مع خطيبي وهو مناسبه كتير حلوه وبتفرح القلب مرسي
|
رد: واقترب الفالنتاين Day ( الهبلتاين Day )
بتعرف شي صدق
الرسول الكريم حينما قال (بمعنى الحديث) :ولو دخلوا جحر ضب لدخلتموه شوف انت بهالايام هاي بكل شي صرنا نقلدهم وهاد هو الي بدهم اياه هم بحاربونا واحنا مش دارين وين الله حاطتنا واذا اجا واحد وطلع يحكي عن الاسلام صار متخلف ارهابي على قولة الخليجيين ماعنده سالفه فللاسف الشديد احنا ابتعدنا عن ديننا كثيرا لهذا ابتلانا الله ارجوا من الله المغفره والعفو وشكرا على الموضوع تقبل مروري دمت بحفظ الرحمن |
رد: واقترب الفالنتاين Day ( الهبلتاين Day )
الله يعين
|
رد: واقترب الفالنتاين Day ( الهبلتاين Day )
داليا اعترفي انك غيرانه منهم ههههههههه ,, هيي شغله هبله ,, وطبعا احنا العرب ما بنسدء نعمل متل الاجانب ,, خلص تقليد اعمى ,, والعرب بعجبوا اكتر من الاجانب بهيك يوم !! صحبيتي اجنبيه بتحكيلي انا ما بحتفل فيو ,, لانو انا مقتنعه الي بحبني ..بحبني كل يوم مش بهل اليوم بس .. ازا عيدهم ما بحتفلوا فيه ,, شوفي احنا كيف ’’ الله يهدي الشعب كلو ,, انا من جهتي بنام بهل اليوم هههههههههه متل كل سنه ,, http://files.shabab.ps/img-upload/up...724162c82f.gif |
رد: واقترب الفالنتاين Day ( الهبلتاين Day )
يسلمو لكل الي شاركنا برأيو الي بعتز فيه وبقدرو وفعلا انا منركض وراهم وهم بضحكو علينا وعلى ركضنا
يسلمو هيلين غيرااانيييي يا ريت على ايش محرز الله وكيلك هههههههههه يسلمو حبيبتي على المررو ر ويسلمو للكل |
| الساعة الآن 02:12 PM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas