|
سؤال الي كل اعضاء المنتدي ارجو الاجابة من الجميع
مساء الخير للجميع انا يا جماعة المرة هاي موضوعي مجرد عن سؤال طبعا هاد السؤال الي كل اعضاء المنتدي طبعا مثل ما تعرفوا ما شاء الله كتير اعضاء بسجلوا في هادا المنتدي ويمكن كل يوم بيكون اعضاء جداد وطبعا الاعضاء معظمهم بيستمروا معانا وطبعا كتير في منتديات تانية وايضا محترمة بس الاقبال فيها لا يكون مثل منتدانا طيب السؤال ليش انتم يا اعضاء ضليتكم مستمرين في هاد المنتدي يعني شو الي عجبكم في هاد المنتدي وخلاكم مستمرين فيه وبدنا كل عضو من الاعضاء يحكيلنا ليش هوا عجبوا المنتدي وبشو عجبو هادا المنتدي بدنا من كل الاعضاء التفاعل والرد علي هاد السؤال بالنسبة الي انا مسجل في اكتر من منتدي وطبعا اسلاميات كلهم بس ما الي تواجد فيهم كتير مقارنة بمنتدي شباب فلسطين بس مش عارف ليش انا ضايل في هاد المنتدي مش قادر استغني عنو مع انوا ما باكون موجود دايما بس اول ما بدخل النت بدخل المنتدي يلا يا شباب كل واحد يحكي النا ليش هوا متمسك في هاد المنتدي هل لانوا المنتدي رائع ام الاعضاء اروع من المنتدي ام الاعضاء والمنتدي الاثنين اروع من بعض يلا بدي اترك الكم الردود وارجو يكون كلامي واضح والكل فهم قصدي تحياتي للجميع |
رد: سؤال الي كل اعضاء المنتدي ارجو الاجابة من الجميع
بصراحه
انا عرفت المنتدى صدفه اثناء التصفح ولكن اعجبت فيه كتير خاصه عريني الخاص الشعر والخواطر وكير الاعضاء حبابيين وحترمين وما بقدر اذكرهم لانهم كتار وشكرا على الموضوع الجميل |
رد: سؤال الي كل اعضاء المنتدي ارجو الاجابة من الجميع
اقتباس:
مشكور اخي علي ردك صدقت الاعضاء كلهم محترمين والمنتدي رائع ايضا نورتنا بمرورك |
رد: سؤال الي كل اعضاء المنتدي ارجو الاجابة من الجميع
لانــــــــــه منتدى شباب فلسطيـــن ومن خلاله بنعطي أحلى صورة عن شباب فلسطين
بالاضافة للناس الطيبين الي فيه وحياك الباري |
رد: سؤال الي كل اعضاء المنتدي ارجو الاجابة من الجميع
لأكثر من سبب
أول سبب أنه منتدى فلسطيني ثاني سبب أنه منتدى حيوي و نشيط جدا و هاض من أهم الأسباب اللي بتجذبني للمنتديات يعني أحياناً بكون لسه رادد على موضوع معين قبل ربع ساعة برجعله بلاقيه بالصفحة الثانية لكثرة الردود و التفاعل و شكرا لكم على الاهتمام برأي الأعضـــاء |
رد: سؤال الي كل اعضاء المنتدي ارجو الاجابة من الجميع
اقتباس:
صدقت اخي صحيح الناس الطيبين الي فيه مشكور علي مرورك اخي الكريم |
رد: سؤال الي كل اعضاء المنتدي ارجو الاجابة من الجميع
مممم والله مش عارفه اجاوبك ،، بس اول مره افكر فيها اني اسجل بمنتدى كان شباب فلسطين .. والي خلاني اسجل فيه انوو كان اول موضوع قرأتوو فيه ( افيقوو من غفلتكم شباب فلسطين ) عجبني الادب والاخلاق تبع الاعضاء والاحترام الكبير الي نادر ما نلائيه .. وطبعا الانضباط الكبير ..و كل واحد بيعرف حدودوو ، ولما سجلت فيه ماعمر حد اذاني او دايئني او زعلني بشي حسيت انكوو بجد بجد مربيين منيح وولاد ناس ..
الله يخليللنا ياه بعمري ما بفكر اشارك بمنتدى تاني .. شكرا قسامي |
رد: سؤال الي كل اعضاء المنتدي ارجو الاجابة من الجميع
اقتباس:
يا اخي هاد واجبنا اتجاه منتدانت انوا نوخد راي الاعضاء ونهتم فيهم والحمد لله انوا المنتدي رائع بوجودكم وايضا بتفاعل الاعضاء مع بعض تقبل خالص تحياتي |
رد: سؤال الي كل اعضاء المنتدي ارجو الاجابة من الجميع
اقتباس:
صحيح يا توين اهم شئ هوا احترام الاعضاء والانضباط الكبير وبعدين هوا مين الي يستجري يزعلك انت بس احكي مشكورة يا اختي علي مرورك ولا شكر علي واجب |
رد: سؤال الي كل اعضاء المنتدي ارجو الاجابة من الجميع
اولا دة هو المنتدى الوحيد اللى مسجل بية
واستمرارى فى المداومة على الدخول فية لانة اكثر حيوية من منتديات تانية وكمان عشان الصحبة الطيبة اللى بتلاقيها وانت موجود فية واللى صعب نلاقيها فى منتدى تانى يسلموا قسامى |
رد: سؤال الي كل اعضاء المنتدي ارجو الاجابة من الجميع
مفتكرش انو هيجي عليا يوم من غير منتدى شباب فلسطين
حتى في صديقة ليا بفكر ان هدية عيد ميلادها هتكون احلى لو انضافت ليها ورقة مكتوب عليها اسم عضوية هنا في منتدى شباب فلسطين مع باسوورد طبعا بس اكيد هتغيرو بعدين عشان ما اعملش عليها صطو زي عادتي المهم منتدى شباب فلسطين منتدى جميل جدا جميل بأعضاؤو اولا عشان لولاهم مكنش هيبقى فيه الجو الحميمي ده يعني بتحس كأنك بين اخواتك احترام و محبة و الأكتر تميزا ان فيه علاقات اجتماعية بتخليك تحس ان المنتدى حي انو بيتنفس بمواضيع اعضاؤو و بيتكلم و يسمع اراءهم مش عارفه انا حاسة كده حاسة ان اعضاؤو اولا صريحين و على طبيعيتهم فبنشوف منهم حجات تعجبنا و حجات متعجبناش يمكن السبب ان فيه وفاء فبنلاقي الاعضاء القدام اوي لسة متواجدين ده اللي بيخلينا احنا كمان متمسكين بيه اشمعنا هما ؟ مهم لو مكنوش حسو انو غير كل المنتديات كانو سابوه ’ بس عشان فيه حاجه غير الكل , هما متمسكين بيه بس انا اكتر منهم عشان بسبب المنتدى ده انا لبست الحجاب بسبب عضوين هنا مش هنسالهم الموقف الجميل بتاعهم معايا فاستحالة انسى المنتدى طول ما انا شايلا حجابي معايا و مدام جينا في سيرة الموضوع ده فادعولهم يا جماعة ’ ادعو للعضوين دول ربنا يجازيهم على أد تعبهم معايا اصل فيه شخص منهم استحملني جدا وخلونا نلخص كلامي انا متمسكة بالمنتدى عشان حساه مش بس شيفاه |
رد: سؤال الي كل اعضاء المنتدي ارجو الاجابة من الجميع
بصراحة انا تعرفت عالمنتدى بالصدفة من خلال بطاقة وصلتني عالاميل
ولما شفت مكتوب عليها شباب فلسطين .. زاد فضولي اني اسجل فيه وهوا اول منتدى اسجل فيه .. وكمان الوحيد .. خصوصا اني عايشة خارج فلسطين فحبيت اتعرف على شباب فلسطين .. وتفكيرهم .. وكتاباتهم .. و.. و... فلأيت حالي بينكم .. ومشالله عنكم .. اللسان يعجز عن الوصف.. وشكرا .. يسلمو اخي ابن القسام .. نقاشك رائع |
رد: سؤال الي كل اعضاء المنتدي ارجو الاجابة من الجميع
اقتباس:
اولا لانه يحمل اسم شباب فلسطين ثانيا المنتدى اكثر من رائع وله طابع مميز اكثر تفوقا من المنتديات الآخرى ثالتا كل الاعضاء محترمين ومتحابين ونحن نشعر بأننا أسرة واحدة ومتعاضدة رابعا انا مشترك في اكثر من منتدى ولكني اقضي اجمل الاوقات في هذا البيت الفلسطيني العريق والاصيل ومشكورا على هذه الفكرة ودي لك |
رد: سؤال الي كل اعضاء المنتدي ارجو الاجابة من الجميع
انا اول ما فتت هالمنتدى
اعجبت بالمواضيع الموجودة بس لما قرات الردود وشفت الاعضاء قررت استمر معاكم |
رد: سؤال الي كل اعضاء المنتدي ارجو الاجابة من الجميع
انا بالنسبة الي ما كنت استعمل النت بالمرة لاني ما كنت مقتنعة فيه
بس مرة كنت زهقانة وصرت اتصفح فلفت نظري اسم المنتدى (شباب فلسطين) خاصة اني بحب فلسطين كتيييييير فقررت اشارك وفعلا كل الاعضاء هون روعة واخلاق ونسيتوني الى حد ما حجم كبير من حزن وغربة بداخل قلبي شكرا لك على الموضوع |
رد: سؤال الي كل اعضاء المنتدي ارجو الاجابة من الجميع
اقتباس:
يا اخي انت منورنا بوجودك معانا والله انوا الاعضاء الي في المنتدي زي العسل معظمهم ومحترمين جدا والواحد متمسك بيه من اجل هادا تحياتي الك |
رد: سؤال الي كل اعضاء المنتدي ارجو الاجابة من الجميع
اقتباس:
صدقتي في كل كلمة حكتيها يا اختي والله ان الاعضاء زي العسل ومحترمين والكل يقدر التاني ويحترمه ان شاء الله يكون في ميزان حسنات من هم كانوا ورا الي خلاكي تتحجبي تحياتي الك وكل احترامي وتقديري |
رد: سؤال الي كل اعضاء المنتدي ارجو الاجابة من الجميع
اقتباس:
والله كانت هاي الصدفة انها شئ حلو هاي الصدف يا بلا مها يا اختي نحن لنا الشرف انوا نتعرف علي الي عايشين خارج فلسطين حياكي الله اختي ملكة الاحساس يلا مش مشكلة ابن القسام او قسامي غزة تحياتي الك اختي |
رد: سؤال الي كل اعضاء المنتدي ارجو الاجابة من الجميع
أولا مشكور أخي على سؤالك
وبعتقد انو سبب بقاء أغلب الأعضاء هو التواصل مابين الأعضاء نفسهم بكل أخوية وحب وأحترام وكمان المواضيع المفيدة والهادفة وأكيد أن الأعضاء كمان أكتر من رائعين |
رد: سؤال الي كل اعضاء المنتدي ارجو الاجابة من الجميع
يسلمو قسامي بصراحة الموضوع حلو
انا اخوي جيفارا*نابلس خلاني ادخل عليه عشان انشر خواطري وكنت متل الهبلة بالاول بس ادخل عمنتدى الشعر والخواطر وبعدين اخوي حكالي ادخلي عالاقسام التانية وشاركي فيها فصرت ادخل وعرفت الاعضاء اكتر وتعلقت بالمنتدى كتييييييييييييييييييييير |
رد: سؤال الي كل اعضاء المنتدي ارجو الاجابة من الجميع
اقتباس:
يا اخي حياك الله انا والله الي محترم هاد لانك محترم تشوف الناس محترمين واحنا سعداء بوجودك معنا تقبل تحياتي |
رد: سؤال الي كل اعضاء المنتدي ارجو الاجابة من الجميع
اقتباس:
يا سيدي حياك الله ونحنا بنكون سعداء بوجودك معانا وان شاء الله تستمر معنا |
رد: سؤال الي كل اعضاء المنتدي ارجو الاجابة من الجميع
يا اخي
هماحورين |
رد: سؤال الي كل اعضاء المنتدي ارجو الاجابة من الجميع
اقتباس:
الحمد لله انك ترفتي علي هاد المنتدي الرائع فعلا والحمد لله الي نسيناكي من الهم والغربة الي عندك واكدي يا اختي انك بين اهلك وناسك وتحياتي الك |
رد: سؤال الي كل اعضاء المنتدي ارجو الاجابة من الجميع
اقتباس:
اهلا وسهلا بيك اخي القوة التنفيذية صحيح التواصل بين الاعضا له من الاهمية ما يدعوهم للبقاء والاعضاء مثل ما حكيت اكثر من رائعين ومشكور اخي علي مرورك وزيارتك للموضوع |
رد: سؤال الي كل اعضاء المنتدي ارجو الاجابة من الجميع
اقتباس:
يا اختي نحن نشكر اخوكي جيفار نابلس لانوا دعاكي ااتسجيل في المنتدي حتي نتعرف علي قصائدك الرائعة والخواطر الجميلة وكويس الي حكالك روحي علي الاقسام التانية عشان ما تضلك مثل الهبلة تحياتي الك |
رد: سؤال الي كل اعضاء المنتدي ارجو الاجابة من الجميع
اقتباس:
احنا حابين نعرف شو راي الاعضاء اكيد كل واحد حر وانت كمان حر بدك ترد حياك الله واذا ما بدك كمان حياك الله |
رد: سؤال الي كل اعضاء المنتدي ارجو الاجابة من الجميع
انا عني بداية ما اعرفت المنتديات اشتركت بمنتدى فنانة فلسطينيه هي ممثلة حاليا يعني كان منتدى كئيب كئيب غيييير شكل ازا كتبت موضوع فيه واجالك رد عليه ساعيتها ببعتولك على الهوتميل رساله انو اجا رد على موضوعك ويلا يلا بين وين وين عبيل ما تجيلك الرساله ولا مفتخرين بعدد المشتركين 800 واشي وهاد الحكي مش من زمان يعني من لما اعرفت شو المنتديات بعدين اجت بنت الرمله الله يخليلياها دلتني على احلى منتدى بالكون وهي سجلتني فيه طبعا لانو كنت جديده على المنتديات ما بعرف شو هي سجلتني يكتر خيرها وانا مستحيل اسيبو لهالمنتدى لأسباب كتيييييره منها اكسبت احلى صداقه (مع طبعا بنات المنتدى) هادا اولا تانيا في حدا بسيب منتدى في اعضاء امامير متل هيك مستحيل طبعا
|
رد: سؤال الي كل اعضاء المنتدي ارجو الاجابة من الجميع
اقتباس:
يا اهلا وسهلا فيكي يا اختي حنوووو اليبناوية هوا بنت الرملة لما سجلتك سجلتك مشان عزوتها تكتر من اليبناوية وتسيطر علي المنتدي هي واليبناويات معاها يعني مش محبية فيكي هههههههههههه هوا انتي صدقتي انوا المنتدي رائع جدا والاعضاء متفاعلين مع المواضيع بشكل رائع بس في نقطة انوا كمان التواصل بين الاعضاء فيما بينهم هوا اله اثر كبير وسبب رئيسئ ومشكورة علي ردك يا حنوووووو يا يبناوية |
رد: سؤال الي كل اعضاء المنتدي ارجو الاجابة من الجميع
هلا قسامي بس على فكره بنت الرمله سجلتني بالمنتدى بعد الحاح كبيييير مني هي بالاول ما كانت بدها لأنو كانت في مشكله صايره بالمنتدى في هداك الوقت فما حبت اخد فكره سيئه عنو بعدين اصريت انها تسجلني لغاية ما سجلتني بس بعد ما انتهت المشكلة طبعا
|
رد: سؤال الي كل اعضاء المنتدي ارجو الاجابة من الجميع
^ ^
فـــــــــــديت بنت عمتي حنــــــــووو... وقســــــامي إلي رجعه عالموضوع ان شاء الله ^ ^... |
رد: سؤال الي كل اعضاء المنتدي ارجو الاجابة من الجميع
اقتباس:
طيب كويس الي عملت هيك مشان ما توخدي فكرة سيئة عن المنتدي ويلا بدنا نسمع ردها هاد اليبناوية الي ناوية تسيطر علي المنتدي هيه واليبناويات الي معها تحياتي الك اخت حنوووووو |
رد: سؤال الي كل اعضاء المنتدي ارجو الاجابة من الجميع
اقتباس:
بس ان ما بزعجك يعني لو فيك تطلب من الادارة تغير النك نيم تاعك لانو لو بتلاحظ انو اسمك مكتوب ابن الجليل وانا عارف انك ما بتقصد والجليل اسم من اسماء الله الحسنى والله يقول في اياته الكريم قل هو الله احد الله الصمد لم يلد ولم يولد فلذالك اخي ياريت تغيرو يا اما ابن منطقة الجليل او اي اسم تاني وتحيتي الك وياريت ما تزعل |
رد: سؤال الي كل اعضاء المنتدي ارجو الاجابة من الجميع
يكفي انني قد عاصرته
|
رد: سؤال الي كل اعضاء المنتدي ارجو الاجابة من الجميع
اقتباس:
شكور ابن فلسطين علي مرورك |
رد: سؤال الي كل اعضاء المنتدي ارجو الاجابة من الجميع
انا عرفت المنتدى عن طريق الجوجل .....
و عجبني اسم المنتدى .. و انا بصراحة بستعمل النت من حوالي 7 سنوات بس عمري ما اشتركت باي منتدى و الحمد لله انا بهني نفسي بهيك منتدى بمديره .. و مشرفينه ... و اعضاؤه .. و الله يخليلي اياكو .... قسامي حبيبي الله لا يحرمنا منك ... تحياتي الك ... |
رد: سؤال الي كل اعضاء المنتدي ارجو الاجابة من الجميع
اقتباس:
الله يخليك لينا وللمنتدي يا اخ رافت واحنا سعداء بوجودك بيننا وان شاء الله تستمر معنا |
رد: سؤال الي كل اعضاء المنتدي ارجو الاجابة من الجميع
انا سجلت في هذا المنتدى بسبب الدافع الوطني الكبير الي في قلبي
وحبي لوطني .... وحبيت اشوف طريقة تفكير الشباب الفلسطيني ولاقيتهم والحمدلله ونعم الشباب ويسلــــــــــــــــمو يا قســــامي |
رد: سؤال الي كل اعضاء المنتدي ارجو الاجابة من الجميع
اقتباس:
يا سيدي حياك الله وانا اكيد اخترت المكان الصحيح وانت منورنا يا اخي |
رد: سؤال الي كل اعضاء المنتدي ارجو الاجابة من الجميع
يمكن عن طريق الجوجل
|
| الساعة الآن 11:37 AM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas