|
الحـلقة الـرابـعة .. مشـروع احيـاء أمة ... "بيـن الانـدمـاج والانغـلاق"
حلـقة اليـوم بتخـص المغتربيـن خـاصة .. والجـميـع عـامة .. مين فينـا مـا بتعـامل مع غير المسـلميـن .. طبيـعة العلاقة و التـعـامل .. كيف ممكن تكـون .. المحـاضر .. الاستـاذ عمرو خـالد .. والمحـاضرة كـانت في المـانيـا .. وجـدا مميـزة .. للتخزيـن بالزر اليمين ... تخزيـن باسم ملف صـوتي (اوديو) الحجم 4 ميجا >>> بيـن الانـدمـاج والانغـلاق <<< ملف مرئي (فيديو) الحجم 11 ميجا >>> بيـن الانـدمـاج والانغـلاق <<< اذا كنت بتحب تسمع او النت عندك بطيئ نزل الملف الاول .. اذا كنتم ممن يحبون السماع والنظر لحركات المحاضر وطريقة القاء المحاضر .. وكان النت عندك مرتب نزل الثاني ... مستني الردود يا حلوين :icon31: سلامي للجميع :s (43): |
رد: الحـلقة الـرابـعة .. مشـروع احيـاء أمة ... "بيـن الانـدمـاج والانغـلاق"
اسف على التأخير .. لكن جدا انشغلت اليوم :)) سـامحوني ..
أخوكم المحب .. أحمـد . |
رد: الحـلقة الـرابـعة .. مشـروع احيـاء أمة ... "بيـن الانـدمـاج والانغـلاق"
مشكووووووور احمد
هيني قاعدة بسمعها :) |
رد: الحـلقة الـرابـعة .. مشـروع احيـاء أمة ... "بيـن الانـدمـاج والانغـلاق"
شكرا الك احمدايكس .. نزلت الاولى مشان التانيه تئيله وانا بدي اسمعها من الموبايل ...
جاااااااااااااري التحميل |
رد: الحـلقة الـرابـعة .. مشـروع احيـاء أمة ... "بيـن الانـدمـاج والانغـلاق"
أوكي مستني ردود الفعل ..
وانا عندي حكي كثير بهاد الموضوع من خلال شغلي واحتكاكي بغير المسلمين .. |
رد: الحـلقة الـرابـعة .. مشـروع احيـاء أمة ... "بيـن الانـدمـاج والانغـلاق"
جري التحميل
|
رد: الحـلقة الـرابـعة .. مشـروع احيـاء أمة ... "بيـن الانـدمـاج والانغـلاق"
مااعرف ايش فيه خربان
|
رد: الحـلقة الـرابـعة .. مشـروع احيـاء أمة ... "بيـن الانـدمـاج والانغـلاق"
شكرا اخي احمد
انا هيني عم بسمعها |
رد: الحـلقة الـرابـعة .. مشـروع احيـاء أمة ... "بيـن الانـدمـاج والانغـلاق"
احمدكس المحاضره اكتير حلوه
احزر شو حكتلي اختي لما سمعتي عم اسمعها |
رد: الحـلقة الـرابـعة .. مشـروع احيـاء أمة ... "بيـن الانـدمـاج والانغـلاق"
اقتباس:
نزلي الاوديو ... الملف الصوتي واسمعي :)) |
رد: الحـلقة الـرابـعة .. مشـروع احيـاء أمة ... "بيـن الانـدمـاج والانغـلاق"
اقتباس:
فكرة محاضرة هاد الاسبوع كانت بسببك .. والكل حيستفيد منهـا .. بدنا نعرف منك خصوصا انك في قلب الحدث :)) وأكثر وحدة معنية بالموضوع وأدرى وحدة فينا :)) |
رد: الحـلقة الـرابـعة .. مشـروع احيـاء أمة ... "بيـن الانـدمـاج والانغـلاق"
اقتباس:
ويريت تسمعيها اياها ما تكوني انانية :icon15: |
رد: الحـلقة الـرابـعة .. مشـروع احيـاء أمة ... "بيـن الانـدمـاج والانغـلاق"
خلصتها هلالا ... الله يباركلك احمد ...
هوه صح المحاضرة باسم المتغربين بدول اجنبية بس رح ابدي رايي ... اول شي انا رح احكيلكم اقرب مثال الي .. عندي ابن عمي متغرب بالمانيا وتجوز وحدة المانية عشان الجنسية .. والله اعطاه بنت المهم هلا انفصلوو لانو ما توافقوا لاختلاف الدين والعادات والبنت مع امها واسمها مسلمة بس لا تمد للمسلمين بصلة زي امها بالزبط وابوها تاركها ولا بيعرف عنها شي .. رجع اتجوز وحدة تانية والله اعطاه بنتين وحتى بالمرة ما بحاول يحكي لمرتو عن دينا ولا بصلي وبخلي بناتوا يروحوا مع امهم عالكنيسة ... لدرجة انو مرة كانوا بالامارات زيارة وكان طالعين فاجى وئت الصلاه راح بابا صلى ادامنا صارت البنت تحكي لابوها ايش عموو بيعمل ؟؟؟ انو حتى ما بتشوف ابوها بصلي ... بالله احكولي ايش هاي بدها تطلع بس تكبر .. مسكوا بابا واعد معاه وصار ينصحو ويوعية بس ايش بدوا يعمل العطار بما افسده الزمان ... هيك الغربة ازا الشاب ما استغل ظروفوا منيح وما كان عأد حالو .. هاي القصة اتزكرتها لما حكى عن النوع التاني عمرو خالد ... كتير حلوة المحاضرة وانشالله معكوو بالنقاش ... سلام |
رد: الحـلقة الـرابـعة .. مشـروع احيـاء أمة ... "بيـن الانـدمـاج والانغـلاق"
بسم الله الرحمن الرحييم
المحاضره كانت كتيير حلويي و مفيده بارك الله فييك احمد انا بنظري في ثلاثة انواع من المسلميين في الغرب اول نوع يلي سكر على حالو البااب و كرهان البلد اللي عايش في,, و النوع التاني يلي مندمج بالمجتمع الغربي كليا يعني حتى بالعادات و التقاليد و بالزات الجيل هادا!!! اما النوع الثالث يلي مندمج بالغرب نص نص يعني بروح على مدارسهم و مخالط الغربيين بس بنفس الوقت معطي دينو حقه والله بعرف نااس هون ما بيقدرو يحكوا كلمة عربي و حياتهم حياة دنمركيه والله بشفئ عليهم مع انو اهلهم عرب و مسلميين! العيشه هون ما سهله زي ما كتيير من الناس مفكرينا الواحد بواجه كتيير من الصعوبات لما نسافر على بلد عربيي والله بكيف بقول يا ليتني عايشه هون بين المسلميين :icon5: في كتيير دنمركيين فاهميين دين الاسلام غلط كليا,,بيقولوا انو المسلميين ارهابيه و,,ووووو بس انا رئيي انو المسلمين يلي عايشيين بالغرب لازم يحسنوا صورة الاسلام بس انا هون بشوف العكس تماما بدال ما المسلمين يحسنوا صورة الاسلام بسوؤها انا ساكنه بكوبنهاجن و في كتيير من المسلميين ساكنين فيها,,بس بتلأي اللي بيسرقوا و بيعملوا مشاكل اغلبهم مسلميين ,, و تاني يوم مكتوب الخبر على اول صفحه بالجريده! ما بقول انو الدنمركيه ما بيعملوا شي ولا مالهم ,,! بروح على المدرسه بيسالوني عندكم بالاسلام مش حرام تسرقوا و تقتلوا و و و و لكان كيف بتعملوا كل هل اشياء اذا حرام؟ فانا بالصراحه ما بعرف كييف بدنا ننشر دين الاسلام و المسلميين بيتصرفوا هيك!! كيف بدهم يحترمونا و يسمعوا منا و نحنا هيك؟؟؟ ان شاء الله انا معكو بالنقاش يلا سلاام عليكم |
رد: الحـلقة الـرابـعة .. مشـروع احيـاء أمة ... "بيـن الانـدمـاج والانغـلاق"
بعد بسم الله الرحمن الرحيم والصلاة والسلام على اشرف المرسلين نبينا ونصيرنا محمدا بن عبد الله واله وصحبه اجمعين والسلام عليكم ورحمة الله وبركاته وبعد فعلا محاضرة غاية في الأهمية وغاية في الروعة واظنني قد سمعتها قبل اليوم :) عموما .. موضوع :مين فينـا مـا بتعـامل مع غير المسـلميـن .. طبيـعة العلاقة و التـعـامل .. كيف ممكن تكـون ! أنا لم اتغرب يوما خارج وطني ِ ولكني وستعجبون "مغترب في وطني" . كما تعلمون ومن خلال اسمي :ابن الجليل فأنا فعلا إبن الجليل وأحيا في الجليل الفلسطيني المحتل منذ عام 1948 . كـشعب وجزء لا يتجزأ من الشعب الفلسطيني نعتز بعروبتنا واسلامنا . ولكن الظروف طبعا تختلف . هنا وللعلم لن تستطيع أن تمارس حياتك الطبيعية أو حتى تمارس الأمور المتعلقة بالدين -كبناء مساجد مثلا - إلا إذا توجهت لسلطة الإسكان ووزارة الداخلية الصهيونيه .ليس حبا بهم ولكن لقلة الحيلة. هل تريد أن تدرس في المدارس والجامعات ? عليك أن تلتحق بمدارس تابعة لوزارة التربية الصهيونية . هل تريد أن تعمل بوظيفتك ? ستعمل في شركات صهيونية . هل تريد أن تشتري وتبيع ? ستتعامل بـ " الشيكل " العملة الصهيونية . يوم العطلة الرسمي هو يوم السبـــت ... لماذا? لأن هذا يوم العطلة الرسمي في الكيان الصهيوني اليهودي .. اخي هناك بعض الظروف التي تجبرك على القيام بأعمال وعلاقات لا تعبر عما تكمنه في داخلك وفي قلبك من شعور تجاه من تتعامل معه. لذلك فتجدنا مضطرين نعمل في شركات يهودية .. ندرس في جامعات عبرية والخ ..... نهاية القول .. ونتيجة لتجربة خاصة وشخصية فأني أقول أن الظروف أحيانا تحكم على الأنسان طريقة إدارة حياته فتجدك تدرس بجامعاتهم وانت غير معترف فيهم .ولكنك في نفس الوقت لا تستطيع أن لا تدرس دراسة جامعية . ربما ستقولون فلتبادروا لبناء جامعة ولكن ستكون هذه الجامعة غيرمعترف بها . ربما تستطيع التخلص من كل هذه الأمور والتعامل مع هذه المؤسسات بواسطة الهجرة ولكنك ستترك أرضك ووطنك وتهبها لهم فتعطيهم الأحقية بأن هذه الأرض لهم ولكننا هنا باقون على صدورهم كالجدار ... وفي حلوقهم زوبعة من نار هنا لنا ماض وحاضر ومستقبل .. شاؤوا أم أبوا ... فالجحيم لهم والجنه لنا أخيرا أحييك أخي على مجهودك .. واعرف أني مقصر . ولكني أشارك قدر المستطاع . والسلام عليكم |
رد: الحـلقة الـرابـعة .. مشـروع احيـاء أمة ... "بيـن الانـدمـاج والانغـلاق"
للاسـف يا فراشة الي بتحكو عنو في منو كثير بالغرب ..
بلهثو ورا الفلوس .. لانو الساعة بمصاري هناك .. فهمي هيك بحسبوها .. ساعة العبادة ممكن يشتغلها ويطلع من وراها شوية دولارات .. اتعلمو من هناك المادية .. أخدو أسوأ صفة في الغرب والي هي المادية .. لكن برضو في جانب حسن واهتمو بولادهم وربوهم منيح والدليل اسراء .. حتى اني استغربت لما مرة عرفت انها محجبة وعمرها 14 سنة ما شاء الله عليها .. احنا البنات في بلاد العرب والمسلمين بكون عمرها 16 بحكو لسا بدري عليها :)) انا شفت جوانب مشرقة من ناس راحو وما اتأثرو لكن للأسف الاغلبية بتأثرو .. طيب احكيلكو قصة بتضحك وبتبكي .. ابن خالت امي "حسن" اتجور امريكية .. وجاب منها ولد وبنت طبعا ما بعرفو عربي ولا بعرفو اشي عن دينا ..قبل سنتين زعلت منو مرتو فاتصلت بالشرطة وحكتلهم زوجي ارهابي .. تصورو بعد عشرة 15 سنة .. اشي طبيعي لانو ما سعى انو يغيرها .. بالعكس هي الي غيرتو وهي الي أثرت في .. طبعا انحبس كذا يوم تا ثبتت برائتو .. بس ايش خسر مرتو و خسر ولادو .. وصارت الفلوس بنظرو لا شيء وما الها قيمة .. |
رد: الحـلقة الـرابـعة .. مشـروع احيـاء أمة ... "بيـن الانـدمـاج والانغـلاق"
مع كل الحكي الي ذكرتو فوق .. ومهما صار
لازم انكون صورة حسنة للاسلام وبهيك بنكون دعاة للاسلام .. الان مافي رسل ولا انبيا .. وسيدنا محمد هوي اخر الانبياء .. فالاصل فينا احنا امة محمد انا نكون دعاة لدين الله .. وعلى فكرة الرسول امرنا بهاد الاشي بحدبث "بلغوا عني ولو باية" .. اجا بصيغة الامر .. دينا انتشر بأخلاق المسلمين في كثير من البلدان .. شرق اسيا كلو ما دخلنا فاتحين او بالسيوف لكنا دخلنا بالتجار .. تصورو لو عملنا حسبة عدد الي أسلمو بفتوحات مع عدد الذين اسلمو عن طريق أخلاق المسلمين وخصوصا التجار الي كانو يتاجرو ويوصلو لشرق اسيا واليمن .. حنكتشف انهم الي أسلمو عن طريق أخلاق المسلمين أكثر .. حتى الفتوحات بالمناسبة ما كانت تجبر حدى على الاسلام .. كان ممكن دفع الجزية والي بالمناسبة هوي بمقدار الزكاة ويمكن أقل .. القضية مش مادية ودينا عمرو ما كان مادي ..والدليل أهل فلسطين احنا .. كيف اسلمنا ..هل عمر ابن الخطاب اجبر اجدادنا يسلمو .. أكيد لا .. بالعكس حتى انو سمحلهم بالكنائس ومنع بناء المساجد مكان الكنائس .. والعهدة العمرية واضحة بهذا الشيء .. اذا باخلاقنا وتعاملنا مع الغرب وغير المسلمين احنا بنكون دعاة لدينا .. |
رد: الحـلقة الـرابـعة .. مشـروع احيـاء أمة ... "بيـن الانـدمـاج والانغـلاق"
ابن الجليل
أهلنا في القدس وفلسطين 48 حالة خاصة .. انتم واقعين تحت احتلال مش قضية غرب وبنتعامل معاه .. القضية هنا ارض سرقت و وضع انت مجبور عليه .. اذا تركتو البلاد بداعي الخوف على الدين والعادات وقتها هاي تهجيرة أفظع من تهجيرة ال 48 لانها بارادتنا وبختيارنا .. بالعكس وجودكو هناك جدا مهم وبيني وبينك هاد الي ضل ثابت النا كفلسطينين على الارض .. ان الي قرايب كثير عايشين تحت الحكم الصهيوني .. وعارف كيف بعانو .. لكن صدقاً اليهود كان عندهم فكر انها مجرد سنين بعد الاحتلال وحتذوبو فيهم وحتصيرو منهم .. لكن الغريب انو هاد الاشي ما تحقق وانو كل جيل بيجي بكره الاحتلال أكثر من الي قبلو .. اللـه يهونها علينا وعليكم... انا أصلا بلوم سيدي انو طلع وبيني وبينك انا بحملهم المسأولية لاجدادنا .. يعني لو ما قدرو كان استشهوا والشهادة انبل و أجمل شيء ممكن يحصل عليه المسلم .. |
رد: الحـلقة الـرابـعة .. مشـروع احيـاء أمة ... "بيـن الانـدمـاج والانغـلاق"
سمعت المحاضرة من المسا و اسفة كتير تأخرت بالرد
المهم بعد سماعي للمحاضرة و المقارنه مع الناس الي بعرفهم انا بالراي مع اسراء و هي طبعا ادرى لانها عايش بره بالفعل في ناس الي بتغلق على نفسها و بترفض اي احتكاك مع العالم الخارجي.........و هدول باغلب الاحيان بكون هدفهم حماية اولادهم مما في المجتمع الغربي من فساد وطبعا هاد الشي غلط لانه لما تمنع شخص عن الاحتكاك بالمجتمع الخارجي ممكن يسبب صراع داخلي للفرد و بالاضافة انه كتير من الغربيين ماخدين فكرة سيئة عن الاسلام فلو كل واحد طلع على اوروبة و انغلق على نفسة رح تم الفكرة كما هي و من هون النوع التاني الي عايشين بالمجتمع الاوروبي و مش متخالين عن دينهم و عاداتهم و تقاليدهم وبنفس الوقت عيشين الحياة الغربية و ملتزمين بشو امرهم دينهم و هيك همه عم بظهروا صورة حسنه عن دين و بتصرفهم هاد ممكن يكونوا داعيين في قصة بعرفها انه شبين طلعوا يدرسوا باوروبا فا مرة وهمه بمطعم طبعا الي بشتغلوا هناك عارفين انهم عرب فااجت فتاه بتشتغل هناك تسألهم اش طلبهم فقعدوا يتشاوروا بلغتها فهي استغربت و سألتهم ما انتو التنين عرب ليش ما حكتوا بلغتكوا ليش حكتوا بلغوتي فرد عليها واحد منهم وقلها: دينا ورسولنا امرنا بقوله صلى الله علية وسلم:((اذا كنتم ثلاثة فلا يتناج اثنان دون صاحبهما فان ذلك يحزنه))..فاوضحولها السبب من خلال الحديث و اسلمت فقصدت من هاي القصة انه من خلال معاملة بسيطة ممكن تظهر صورة حسنة عن دينا واما النوع التلات الي باع دينه و عاداته وهدول منهم كتير و المشكلة لما يرجعوا على بلادهم بحاولوا يغرسوا هاد الشي بشباب بلادهم ولي عودة تحياتي |
رد: الحـلقة الـرابـعة .. مشـروع احيـاء أمة ... "بيـن الانـدمـاج والانغـلاق"
:showoff: :showoff: :showoff: :showoff: :showoff: :showoff: :showoff: :showoff: :showoff: :showoff: :showoff: :showoff: :showoff: :showoff: :showoff: :showoff: :showoff: :showoff: :showoff: :showoff:
احمد اكس ..ممكن تكون مداخلتي خاشه عرررض .بس من جد حبيت اقدم لك هادي الورود:s (43): :s (43): :s (43): :s (43): :s (43): :s (43): :s (43): .لموقفك المحترم والرائع .في الرد على .الاخت جبهاويه . ماراح اطول الموضوع .لكن فعلا بهداك الموضوع في ناس طاحوا من عيني .وفي ناس ارتفعوا بعيني .مثلك .الله يزييدك اسلام .ويثبتك على مبادئك الاسلاميه العظيمه.:showoff: :s (43): :s (43): |
رد: الحـلقة الـرابـعة .. مشـروع احيـاء أمة ... "بيـن الانـدمـاج والانغـلاق"
احمد مااعرف لييش ما يشتغل .معيي معايا مااعرف لييش؟؟
ممكن توضحلي فكره المحاضره.. عشان اعلق عليهااا؟ |
رد: الحـلقة الـرابـعة .. مشـروع احيـاء أمة ... "بيـن الانـدمـاج والانغـلاق"
كيف ما يشتغلللللل ... بالزر اليمين وحفظ باسم :))
طيب بكرة بعمل ايمكيل على الجيميل وبحط فيه المحاضرة وأيا حد مش قادر ينزلها بنعطي اليوزر نيم والباس ورد .. انا مدطر امشي سلام :)) |
رد: الحـلقة الـرابـعة .. مشـروع احيـاء أمة ... "بيـن الانـدمـاج والانغـلاق"
هلا انا بدي اقللك تعليقي عليها بعد ما اسمعتها
انا درست بمدرسه كلها راهبات ومسحيه واسلام وما لقيت هناك فرق بالعكس اوقات المسحيه بيكون عندهم احترام للاسلام اكتر من المسحيه وانا كان عندي صاحبات مسحيات كنت نتعامل مع بعض عادي بس امور الدين ما كنا اناقشها بس بعد التجربه المسحيات محتؤامات في بعض الاوقات اكتر من المسلمات |
رد: الحـلقة الـرابـعة .. مشـروع احيـاء أمة ... "بيـن الانـدمـاج والانغـلاق"
احمد اكس حلوة كتير هالمحاضرة ,,,
احمد اعزرني كمبيوتري بلبيت خربان ... وعم بتضر اسمعها بلمكتب .. وبالشغل بروح وبرجع بكملها .. انا بصراحة ,, ما رح اضيف ولا كلمة بعد رد عموونغوم .. والبائي .. ما شاء الله ما قصروا .. محاضرة حلوة ....يسلمو واعزرني |
رد: الحـلقة الـرابـعة .. مشـروع احيـاء أمة ... "بيـن الانـدمـاج والانغـلاق"
اقتباس:
يعني صح في منهم منـاح .. وفي منهم مع قضيتنا .. وبالمناسبة سارة في جمعيات يهودية في العالم باتطالب باعادة فلسطين للفلسطينين .. وفي نصارى في العالم مؤيدين لقضيتنا العادلة .. لكن احنا بنتكلم عن الاخلاقيات الي وصلها الغرب من انحلال أخلاقي .. وفصل الدين عن الدولة .. احنا ما بنتكلم عنهم كـ"نصارى" احنى بنتكلم عن غرب فصل الدين عن الدولة .. والدين عندهم بالكنيسة وبس .. لكن لو نظرنا لتاريخ .. المسلمين حكمو الارض 1300 سنة بعدالة .. اما الغرب حكم العالم بال 100 سنة الاخيرة وكلها ظلم وتعدي على المسلمين .. احنا لما نحكم على جماعة بنحكم من كبارهم .. فأنا لما انظر للغرب باتطلع على رهبانهم وعلى كبيرهم الي هوي البابا .. والكل بعرف ايش خبص هاي السنة .. وكان باين حقدهم على دينا .. لكن تعالو نرجع لموضوعنا .. احنا هنا بنتكلم عن الغرب المادي العلماني .. مش الغرب النصراني .. بدليل انو عمرو خالد كان يحثهم انهم ما يتعاملو مع النصارى باحترام وتعاون .. |
رد: الحـلقة الـرابـعة .. مشـروع احيـاء أمة ... "بيـن الانـدمـاج والانغـلاق"
اقتباس:
واذا لقيتي وقت يريت تشارينا النقاش :)) |
رد: الحـلقة الـرابـعة .. مشـروع احيـاء أمة ... "بيـن الانـدمـاج والانغـلاق"
شغلة ثانية نسيت أحكيها ..
ايا تصرف غلط بتصرفو ايا مسلم فهوي بسيء للشخص الي تصرفو مش للاسلام .. الاسلام تعاليمو واضحة .. للأسف الغرب بنتقدنا بتصرفات المسلمين .. وللأسف في مسلمين بعطو مجال لهيك شغلة بتصرفاتهم .. في كلمة سمعتها زمان وهي حقيقة للأسف ..."الاسلام قضية عادلة .. لكن المحامين ضعاف".. بتمنى نكون محامين أقويا :)) |
رد: الحـلقة الـرابـعة .. مشـروع احيـاء أمة ... "بيـن الانـدمـاج والانغـلاق"
اقتباس:
انا كنت متأكد انو أخونا ابن الجليل مش حيرضى عن هيك شعر بالمنتدى وانو حيحذفو بس شاركت لسببين .. الاول انهم يعرفو انو المنتدى في ناس بتخاف ربنا وانهم مش قلال .. والثاني .. انو في ثار قديم بيني وبينها قبل اشهر اسهزأت على الدين و وصفت الاخوة بحماس وسمتهم بانهم تعون لحى ... يعني أصحاب لحى وعبرت يومها عن اشمئزازها من هاد الاشي .. انا اشتكيكت للادارة بهذاك الوقت .. وبتصور الادارة راسلتها .. لكن في بالي قلت "ربنا يمهل ولا يهمل" وجاييها يوم .. والحمد للـه أجا اليوم .. للي ما بعرف القصة .. باختصار احدى البنات كتبت شعر غزل "فاحش" وانا علقت عليه بأنو قلة أدب .. اجا أخوها .. وصديق الهم واتدخلو في الموضوع .. وكلهم من جماعة ماركس .. وعندهم جيفارا مثل النبي .. عاد جيفارا او قارنا برسولنا فهوي انسان ما بسوى .. لكن سبحان اللـه .. المهم كانت ردت فعلهم انو لا يوجد حلال وحرام في الشعر وانو هاي حرية !!.. فرديت عليهم انها الحرية مش معناها التحرر من الاخلاق .. رد أخوها انو هوي راضي اناه اختو تكتب هيك حكي.!! فرديت عليه انو اذا انتو بترضو خواتكم يكتبن هيك كلام.. احنا ما بنرضى خواتنا يسمعن هيك كلام .. لانو بجرح الحياء .. ردو الثنين .. انو ما جرح حدا وانو عادي ...!! فدخلت البطلة المسلممممة .. وكتبت تعليق على الشعر "ايش هذا عييييييييب" .. طبعا الجماعة انجنو من تعليقها .. فوق ما كانو منجنين من الكلام الي صار .. فكتبتلهم انو شايفين كيف جرحتو الحياء :b: وفي الاخر اتفقنا ان وأخونا ابن الجليل الحكم .. دخل ابن الجليل وحذف الردود .. وحذف الشعر وكتب كلمتين .. لو كتبناهم بماء الذهب ما اوفيناهم حقهم .. -------- علاقة الي صار بحلقتنا .. انو النوع الثاني الي بذوب في الغرب والي بجيبلنا معتقدات شاذة عن المجتمع وما الها علاقة بالدين .. جدا خطر علينا كمجتمع .. وصدقوني بالنسبة الي بشوفهم أخطر من اليهود علينا ... لانهم عملو الي اليهود الهم سنين بحاولو يعملو بأهلنا في فلسطين وهوي مسخ الدين .. واحلال القوميات مكانو .. |
رد: الحـلقة الـرابـعة .. مشـروع احيـاء أمة ... "بيـن الانـدمـاج والانغـلاق"
احمد انت شفت حواري مع العضو اللي بحرف الجيم...كانو اقتنع شوي .وقعد يتاسفلي..ايش رايك ؟؟
احمد شفت الحوار ولا لا؟ اللي بقسم الشعر والخواطر؟؟؟؟؟ |
رد: الحـلقة الـرابـعة .. مشـروع احيـاء أمة ... "بيـن الانـدمـاج والانغـلاق"
المسلمة ..
هنا عادي احكي اسماء .. لانهم الجماعة هدول ما بفوتو المنتدى الاسلامي :)) لكن ما شفت في عندك رابط .. أو بنفس الموضوع .. لكن على العموم ما أظن انو اقتنع لكن همي لما يوصلو للزاوية وينحصرو بأفكارهم الي ما أنزل اللـه بها من سلطان .. بصييرو يتفادو الحوار .. حاورناهم اكثير من قبل لكن لا حياة لمن تنادي .. وما تستبعدي يترك المنتدى اذا كثرة الحوارات .. أو على الاقل يبطل يشارك غير بمنتدى الاشعار .. اللـه يهديهم .. |
رد: الحـلقة الـرابـعة .. مشـروع احيـاء أمة ... "بيـن الانـدمـاج والانغـلاق"
السلام عليكم ..
حكيتو عن العرب المغربين انو معظمهم ما بيستغلو دينهم صحيحا بس ليش بعدتو هيك مهينا بالبلاد العربية بنشوف العجب من الشباب تقليد اعمى متل الغرب بتروحوا عمدينة بتلائوا مافي شي يمد لعادات العرب بصلة لما تئعد تدور نص ساعة عمسجد عشان تصلي ؟؟؟ لما تخاف تطلع بالشارع برمضان وئت الصيام ؟؟؟ وليش اصلا الغرب لما يجوا عنا ما يشوفوا صورة حلوة ... اي والله الواحد بستاء لما يمشي بالشارع شي اصوات عجب وشي اغاني الكاسيت عاعلى شي ... ازا هيك ببلدهم بيعملو منتظرين منهم بس يروحوا عبلد اجنبي يكونوا صورة مشرفة النا ؟؟؟ لا والله سلام |
رد: الحـلقة الـرابـعة .. مشـروع احيـاء أمة ... "بيـن الانـدمـاج والانغـلاق"
مزبوط معك حق فراشة هاد الشي كتير منتشر
لكن مش كل واحد اسمه مسلم عم بتحلى باخلاق الاسلام و مش كل تصرف غلط من انسان مسلم او بالحرى اسمه مسلم ننسبه للاسلام و في النهاية الانسان عليه يظهر دينه بصورة حسنه سواء هون و لا بالدول الغربية.....بس الفرق انه هون عارفه شو دين ا مرها و لكن همه مش عم تلتزم فيه يعني عارف شو تشاريع دينه بس بالغرب نسبه كبيرة ماخده فكرة سيئة عن المسلمين من غير يتعاملوا مع حد لذلك الي بتعامل باخلاق الاسلام ممكن يوضح شو فكرته و بتالي ناس تعرف اكتر ويكون انسان داعيه |
رد: الحـلقة الـرابـعة .. مشـروع احيـاء أمة ... "بيـن الانـدمـاج والانغـلاق"
جاري التحميل و الاستماع
لي عودة ان شاء الله بارك الله فيك و جزاك كل الخير |
رد: الحـلقة الـرابـعة .. مشـروع احيـاء أمة ... "بيـن الانـدمـاج والانغـلاق"
السلام عليكم ..
سمعت المحاضره من اول يوم بس حبيت اكتب رأيي بعد الاستماع الكم .. الغربه غالبا بتكون صعبه عالاشخاص وبعتقد انها هيه الي بتصنع الرجال الي بحق او كمان الي بتدمرهم متل الاختبار يعني يا بتنجح يا بتفشل .. وياريت لو يكونوا الشباب والبنات هناك نموذج حلووو عن العرب والاسلام لانه الشخص بياخد فكره من النموذج الي امامه وبيحكم من خلالها .. رح اذكر نموذج من حياتي لاني ماعندي كتير معلومات عن العرب الي متغربين بالغرب ... عندي صديقه لبنانيه امها ماخده ولادها تنين من همه اطفال عامريكا .. وابوهم من 19 سنه ما عرف شي عنهم .. بس لئوهم كانوا مثال كتير مشرف للعرب والاسلام مع انهم ما عاشووو ابدا ببلد عربي بس الانتماء والفطره سبحان الله وكمان التربيه من الاهل يعني امهم عرفت كيف تربيهم بالغربه وعشان ما لغتهم العربيه تندثر همه حبوا يدخلوا جامعات عربيه ويدرسوا شريعه ودين لحتى يضلهم متعلقين بلغتهم ودينهم ... اسفه عالاطاله ... شكرا احمدايكس عالمحاضراتك المميزه ... يعطيك العافيه .. |
رد: الحـلقة الـرابـعة .. مشـروع احيـاء أمة ... "بيـن الانـدمـاج والانغـلاق"
والله الي بتحكي صح يا فراشة
بس هاد موضوع ثاني مع انو الرابط بينو وبين موضوعنا كبير ... وانا ما اتذكرتو غير بعد المشكلة الي صارت هديكت اليوم والشعر السيء الي انكتب في منتدى الاشعار .. والغريبة انو أخو الي كتبت الشعر فرحان على الي انكتب وما حسيت منو أياي غيرة على أختو .. وهاد الاشي كنا نحكي انو بالاغرب وحاليا بنشوفو بينا .. لكن لو دققنا فيهم الي هيك حنلقاهم يا اما كانو بالغرب او تربو هناك .. او انهم اهليهم متبنين فكر غربي .. كل انسان بنولد على الفطرة لكن الاهل همي الي بغيرو في الاولاد .. لكن تعالو نتفرج على الجانب المشرق .. اسالوا ابائكم وامهاتكم لما كانو بجيلنا كيف كانت الدنيا .. انا والدي بحكيلي ماكان في صيام ولا قيام وكانو الشباب ضايعين وكانت الافكار القومية وأثرة عليهم وخصوصا الفكر الناصري وجماعة عبد الناصر .. كانت القوميات مسيطرة .. اي حتى بنت محجبة كان يدوب في .. كان الحجاب للختيرية .. وكانن البنات يلبسن فوق الركبة الا من رحم ربي .. موضة السبعينات .. صدقوني احنا بطريقنا للصلاح ... الفرق بين زمان وبين الان فرق كبير ... وما تصدقو الي بحكيلكو انو زمان الناس كانت أحسن .. والله ما كانو أحسن ابدا .. اما الان فشفتو التوجه الديني سوائا سياسيا او بمختلف جوانب الحياة .. صار في وعي .. وهاد ما صاربين يوم وليلة .. في ناس تعبت عشان توصل هاد الوعي ... أعطيكو مثال صغير الشيخ أحمد ياسين الي بقرا سيرتو حيلاقي انو ظهر بزمن كان الدين غايب عن الناس وانو هوي ومجموعة قليلة مثلو الي عملو جيل مؤمن بالله وهمو الدين والعقيدة .. جيل حول قضيتنا لقضية اسلامية بدل ما كانت قبل علمانية قومية .. أعطيكو مثال ثاني .. الشيخ أحمد البنا رحمة الله عليه .. عملك حركة اسلامية للان الها قوتها وهي سبب الانتشار الاسلامي والتدين في مصر ولولا التزوير في الانتخابات كان كسبو معظم كراسي البرلمان مثل ما حصل عنا بفلسطين .. التغيير ما بصير بين يوم وليلة .. لكنو بوخد وقت .. والتغير في امتنا بدأ من الاربيعينات .. وبدينا نحصد ثمارو بجيل مؤمن بالله متوكل على الله .. حتى نورالدين زنكي وصلاح الدين والجيل المؤمن الي ظهر بفترة كان العرب والمسلمين متفرقين .. لدرجة انها حمص كانت دولة وحلب دولة ودمشق دولة .. كانت الدول العربية أكثر من 50 دولة .. ما ظهر صلاح الدين فجاة لكنو كان نتيجة حركة اصلاحية بدت قبل ما ينتج الجيل الي حرر القدس ب 100 سنة على ايد علماء مثل الطرطوسي رحمة الله عليه ... عملو جيل مؤمن جيل اتربى على الجهاد وحب الاسلام .. مش جيل قوميات .. بتصور احنا بنمشي بالطريق الصحيح وانو الاوضاع بتتحن شوي شوي.. مافي تغيير بصير بين يوم وليلة .. |
رد: الحـلقة الـرابـعة .. مشـروع احيـاء أمة ... "بيـن الانـدمـاج والانغـلاق"
اقتباس:
لما واحد نصراني يعمل اشي ما بحكو نصراني .. اما لو مسلم بحكو مسلم شايفين شو عمل هيك المسلمين ... أمريكا يوميا بصير فيها الاف الجرائم ..الاف .. فشو يعني لو طلع من بينهم 100 مسلم .. وين المشكلة .. واحنا المسلمين في امريكا بنمثل جزء مش بسيط من المجتمع .. وجزء منهم مدتهض بسبب العرق .. انو بكون من اصول أفريقية .. سياسة الكيل بمكيالين هي سياستهم بالاعلام .. بس الي بتأمل في الموضوع .. الاعلام عندهم 90% منو صهيوني أو بأدارة صهيونية .. عرفو اليهود يتغلغلو في المجتمع الامريكي .. كانو أضطر من العرب الي هناك .. |
رد: الحـلقة الـرابـعة .. مشـروع احيـاء أمة ... "بيـن الانـدمـاج والانغـلاق"
اقتباس:
مر علي ناس محافظين لكن مقارنة بالي مش سائلين لا يذكرووو مر علي انا ؟؟؟ انا بالغت... الله وكيلك همي اثنين الي مرو واحد كان بفرنسا دكتور و ولادو ما شاء الله ما بقطعو صلاة بالمسجد .. والثاني كان باستراليا ولما كبرو ولادو شوي تركها .. بينما الي اندمجو فحدث ولا حرج وما أكثرهم .. صح و اسراء العزيزة علينا :)) صارو ثلاثة الحمد لله ... |
رد: الحـلقة الـرابـعة .. مشـروع احيـاء أمة ... "بيـن الانـدمـاج والانغـلاق"
السلام عليكم
اعتقد ان الاستاذ محق فيما يقوله فلو احسن المسلمون التصرف مع هذه المجتمعات لكان الوضع احسن ... لكن من جهة اخرى لا القي كل اللوم على الذين انغلقوا ... فهم مرفوضون و صورتهم مشوهة بسبب الاعلام هناك من لم يستطع مقاومة الفتن ... فانجر وراء الشهوات ... و ذاب كليا و اصبح الدين بالنسبة اليه مجرد عادات و تقاليد بالية ... اما المنغلق فهو ما انغلق الا خوفا من هذا الذوبان .... و هذا الجيل تائه و حائر .. يجذبه المجتمع الذي يعيش فيه ... و اصوله و دينه الذي لا يريد التفريط فيه ... فيقف بين نارين باحثا عن هوية بصراحة ... لا احبذ كثيرا الاندماج التام و التعامل مع كل الغربيين لان منهم من لو تكون انفع و اصلح الناس فلن يغير نظرته لك و يعاملك و كان القاعدة عائلتك !!! و لن يرضى الا اذا تخليت عن اصول دينك "عن تجربة" ... لكن بما اننا امة وسط و نريد الخير للجميع فمن المهم حمل هم هذا الدين و الصبر على البلاء و الايذاء .... بالنسبة لي اريد الرجوع لوطني فالمسلمون احوج الى الاصلاح من الغرب ... لكن بما انني هنا فعلي تطبيق واجبي و الدعوة الى الله ... ان لم يكن بالكلام فبالاخلاق و حسن السلوك .. اخيرا نحن قوم اعزنا الله بالاسلام ... فان ابتغينا العزة في غير دين الله اذلنا الله اكرر شكري على المحاضرة بارك الله فيك |
رد: الحـلقة الـرابـعة .. مشـروع احيـاء أمة ... "بيـن الانـدمـاج والانغـلاق"
بارك اللـه فيكي أختي نور ..
يعني انت في أرض الواقع .. وفي البلد الذي كنا نتوهم بأنه بلد الحريات .. الى ان اكتشفنا عكس ذلك في الفترة الاخيرة (أحداث احراق السيارات وثورة المقيمين) لكن تعقيب على ما ذكرتي .. اقتباس:
اقتباس:
ان كان منهم المتعصبين فمنهم أكيد المنصفين .. أقصد في الغرب .. وهذه الفئة يهمنا وقوفهم معنا .. نقطة أخيرة .. نحن من سيحاجج اللـه بنا الامم .. فلازم انقيم الحجة عليهم :)) والرسول قال بلغوا عني ولو باية .. التعامل الحسن والخلق الحسن يعكس الكثير من اليات في القران الكريم .. هذا في حالة كانت الدعوة العلنية تضر بالمسلم .. أكيد أختي نور انت مر عليكي حالات اسلام في الغرب .. طيب ليش كانو يسلمو ؟؟؟ هل بالدعوة بشكل مباشر ام بالتعامل ؟؟ لو اعملتي احصائية للذين أسلمو ممن تعرفين ؟؟ ايهما يغلب .. الجانب الدعوي المباشر .. ولا الجانب الاخلاقي والمعاملة ؟؟ |
رد: الحـلقة الـرابـعة .. مشـروع احيـاء أمة ... "بيـن الانـدمـاج والانغـلاق"
اقتباس:
لكن اريد ان اوضح نقطة ليس كل من يقرا هذا الكلام يفهمه ... اقصد من المغتربين ... يجب ان يكون هناك توعية دينية .. و هنا ارى ان الشباب ليس لديهم وازع ديني كاف لتحمل هذه المشقة في الاصل الرجوع للدين هو الحل للمشكلة ... لكن هل الجميع يفهم الدين ؟ المطلوب هو تحقيق التوازن بين هذين الامرين ... الاندماج و التمسك بالدين و اكيد الجميع سمع بالاحداث الاخيرة في فرنسا ... كان هناك حرق للسيارات و تخريب و نهب .. العرب المسلمون هو اول من وضعوا في قفص الاتهام ... مع ان السود و الفرنسيين كانوا ايضا مشاركين لو كان هؤلاء العرب المسلمون واعين و عالمين بدينهم لما ارتكبوا هذه الحماقات .. و لما زادوا الطين بلة ... اللهم اصلح حالنا اقتباس:
اقتباس:
بارك الله فيك |
| الساعة الآن 05:07 PM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas