|
هل تؤيد الاختلاط في الجامعات ؟؟
السلام عليكم ..
خطرلي هل موضوع وحبيت اتناقش معكووو فيه ... الي هوه اذا حبيت تدرس بجامعه ،، هل تقبل انها تكون مختلطه ( شباب وبنات ) او بمعنى هل تؤيد انوو الجامعات تكون مختلطه ... وبترضى انو اختك تدرس بجامعه مختلطه ؟؟؟ يلا ورونا ارائكوووو وانا راح ارد بعدكوووووو مع تحياتي Twin :s (43): |
رد: هل تؤيد الاختلاط في الجامعات ؟؟
الصراحة اسألي مجرب يا توين
أنا قربت أخلص الجامعة وعشت فيها 4 سنوات الصراحة الإختلاط سبب مشاكل كتيرة وطرد لطلاب وطالبات بسبب أفعال سيئة . وكمان فيه طلاب حبايب ما بدخلو المحاضرات عشان حبايبهم وإلخ . أما بالنسبة لأختي ، لو فيه جامعة ممتازة وقوية في التعليم ومش مختلطة ، أكيد برسلها لغير المختلطة ، لكن إذا كانت مضطرة تروح لجامعة مختلطة بسبب تخصص مش موجود إلا فيها بختلف الأمر شوي .. بس بعد التجربة الاحتلاط سيئ جدا ً وأضراره لا نشعر بها مباشرة يسلمو توين عالموضوع الحلو |
رد: هل تؤيد الاختلاط في الجامعات ؟؟
نوووو ميدو
انت مش فاهم باقي القصص نظام الجامعات بفلسطين مختلط لانو بدهم يعودو الشباب والبنات انهم كيف رح يتعاملو مع بعض بعد الدراسة يعني هون بالامارات مافي جامعات مختلطة لكن شوف النتيجة ازا بالمدارس وشوااااااااااااااز اعوذ بالله منهم كيف الجامعات حركات هبلة غير عن هبلهم مع الدكاترة والله ازا هيك المختلطة احسن بعدين هون لو شب حكا مع البنت كلمة وحدة بطيييير عقلها اما هناك بالضفة انا رحت وشفت ادام عيوني يعني هلأ الشباب لما يكونو معزولين عن البنات لما يشوفوهم بالسوق بلحقوهم وبلطشوهم كلام اما بصراحة بالضفة لانو الشباب والبنات متعودين على الاختلاط ما بتلاقي هالظواهر والي متربي منيح حتى لو كان بأميركا عمرو ما بفلت والي حاطت ادامو هدف عمرو مارح ينحرف عنو والي مستحضر رقابة الله ما بعمل شي غلط والي حاتط ببالو انو الجامعة مكان لطلب العمل مستحيل يطاوعو ضميرو انو يغلط ويسلمو كتير كتير توينووووووووو عهالموضوع : ) |
رد: هل تؤيد الاختلاط في الجامعات ؟؟
الحقيقة انو عندنا بمصر الجامعات كلها مختلطة مفيش جامعات للبنات وجامعات لشباب لكن انا عموما ضد الاختلاط
فى الجامعة الواحدة بين البنات والشباب لانة مهما يكن احنا فى مجتمع شرقى بيرفض شكلا وموضوعا هذا الامر مشكوورة توين على طرحك للموضوع |
رد: هل تؤيد الاختلاط في الجامعات ؟؟
هلا توين
يسلموووو على الموضوع الحلووووو انا برأيي انو الاختلاط اضراره اكتر بكتيييييير من فوائده هادا لو كان الو فوائد من الاساس لانو في كتير طلاب وطالبات ما بيعرفوا يتعاملوا مع الاختلاط وبالنسبة لكلامك قمر الخليل انا شايفة انو من هون لخمس سنين قدام لو قعدنا نحاول نوصل للطلاب كيف يتعاملوا مع الاختلاط كمان ما رح يعرفوا يتعاملوا معاه وهتسير مشاكل من ورا هالاختلاط لانو في عالم بيدخلوا الجامعات المختلطة مخصوص للمسخرة مو للدراسة بأختصار انا ما بأيد الاختلاط سلاموووووووووو |
رد: هل تؤيد الاختلاط في الجامعات ؟؟
والله انا بشوف انو مافي اي مشكله اذا ضل الاحترام موجود ويمكن لان الفكر العلماني مسيطر علي شوي
بحبذ هكذا موضوع وبراي الشخصي انا مع الاختطلاط بالجامعات |
رد: هل تؤيد الاختلاط في الجامعات ؟؟
يا عمو توين
انا مش مستحملة الشباب الي بالشارع وتعليقاتهم وتقل دمهم بدك كمان الجامعة تكون مختلطة لا يا عمووو ما بدنا بلا هبل انا مش مع الاختلاط انا بجامعة الاقصي لما تكون الجامعة مختلطة بروح اول بنت بالجامعة ههههههههههههههههههههههههه ناقصيين الشباب يكونوا بوجهنا 24 ساعة مش ناقصيين خفة دم منهم ههههههههههههههههههههه بايووووووووووو |
رد: هل تؤيد الاختلاط في الجامعات ؟؟
في كلا الحالات لاأويد التعليم المختلط سواء في الجامعات أوغيرها وكذلك الاختلاط في اي مكان كان بين الرجل والمرأة فهذا حرااااااااااااااااااااااااااام بدييننا الاسلام
لقول نبينا محمد عليه افضل الصلاة والسلام ( لايخلون رجل بامرأة الا وثالثهما الشيطــــان ) ومن ناحيه اخري كمان فيه مشاكل كتير بتصير بالجامعات المختلطة و مصايب سوده!!! و أولهم التحصيل الدراسي اللي يتأثر بشكل ملحوظ. و بعدين حتى اللي يفكر انه ممكن يحافظ على نفسه ، ما يأمن شو ممكن يصير له لما يشوف الفتنة اللي حواليه و طبعا لا تنسوا الاصحاب والخلان اللي لهم الدور الاكبر في التأثير ما بخلوك في حالك لحد ما تكون واحد منهم .. -------------------------- مؤيد: اكيد كلامك صحيح وبنفهم منو انك معارض .. قموره: اول كلامك عن البنات وعمايلهم بالمدارس ادى ببعض المدارس انهم يزرعو كاميرات تصوير وانو الكبت يولد الانفجار بس هادا ما بيمنع انو الاختلاط اسوا بكتير ... وشمس العروبه وزهئانه انتي : انا اكيد معكوووو ،، جيفارا نابلس : فيك توضح محاسن الاختلاط .. مع اظن انهم يطلعو اكتر من اضرارووو .. ----------------------- وشكرا الكوو كلكووو لابدائكوو ارائكوو الي كتير بتفيد ... |
رد: هل تؤيد الاختلاط في الجامعات ؟؟
اقتباس:
مش قصه بوشك او لا بس والله مش مقتنعه والله مش من دينا ولا عاداتنا انوو البنت تدرس وجمبها اعد شب .. شكرا الك يا عسل بس تعالي فهميني حكايه الاقصى هاي .. |
رد: هل تؤيد الاختلاط في الجامعات ؟؟
معلش عمتوو توين
غلطنا بالعنوان ههههههههههههههههههه لا جامعة الاقصي مش مختلطة بس احيانا بتكون مختلطة وبكون فيها شباب انا هيك بقصد هههههههههههههههههههههههههه بايووووووووووووووو |
رد: هل تؤيد الاختلاط في الجامعات ؟؟
هو هذا الواقع عنا انه الجامعات مختلطة .....
يعني اذا ما بدك تدرس في الجامعه عى شان مختلطه ريح راسك وما تدرس من الاساس..... |
رد: هل تؤيد الاختلاط في الجامعات ؟؟
انا بشوف انو الجامعات المختلطة ما بيمشي حالها عنا هون بفلسطين
حتى الجامعات الي مختلطة هون مش مختلطة 100 باالمية متل جامعة الازهر مثلا هي صحيحي مختلطة بس مش كل الاقسام وحتى الاقسام المختلطة منها في سنين الدراسة الاولى ما بتبقى مختلطة اصلا بصراحة شعبنا مش لابق الو اختلاط بتلاقي الشباب بيروحوا الجامعة يعلقوا ويرموا حكي مشان يتسلو وكما نالاختلاط بجيب كتير مشاكل احنا بغنى عنها |
رد: هل تؤيد الاختلاط في الجامعات ؟؟
الاختلاط ده ايه ؟
ولاد و بنات مع بعض في مكان واحد ايه اللي يخلينا نحكم عليه حلو و لا مش حلو ؟ النتائج بتاعو مين السبب في النتايج دي ؟ تصرفات الشاب و البنت و افعالهم يبقى لو انا كبنت كنت محترمة نفسي لبسي لبس محتش بتكم بطريقة تفرض احترامي و تصرفاتي كويسة و هو كولد كان محترم مراعي ربنا بيغض بصرو يبقى ايه المشكلة هو بحالو و انا بحالي يا ناس العيب مننا مش من الاختلاط كأمر مفروض علينا بعدين قولولي تقدرو تعيشو من غير اختلاط ؟ استحالة طبعا فليه منأقلمش نفسنا عليه بداية بالجامعة باعتبار الناس اللي فيها وعيين و متقفين و بعديها مع الوقت هيبقى عندنا عقلية بتخاف ربنا اكتر ده راي و وجهة نضري و اراءكم تحترم مرسي حبيبة قلبي توين موضوعك حلو كالعادة |
رد: هل تؤيد الاختلاط في الجامعات ؟؟
لا طبعا ما بدأيد لأنو لولاد ما بنعطوا وجه....
بجننو البنات وبفقعوهم .... |
رد: هل تؤيد الاختلاط في الجامعات ؟؟
صباح الخير ... شوفوا ياجماعة تحديدا " Twin " بخصوص الموضوع هدا قيم جدا صدقوني مابيخطر على بال احد الا عندنا وممكن القول انوا شائك بس !!! في شغلة مهمة صار ضروري تعرفوها شو هي :- اللي ماجرب الدراسة المختلطة وماعاش حياة الاختلاط في الجامعات سهل علية جدا جدا النقض والرد بكلمتين " لا للاختلاط " وهدا شي طبيعي جدا ..... على سبيل المثال :- الحالة اللي بنعبشها في فلسطين تحديدا قطاع غزة لو !!؟ كان الوضع العام واقصد " الامني + الاجتماعي + المالي + العلمي + الحضاري +....... الخ " خلينا نقول جيد جدا بلاش ممتاز راح يتغير الكلام وما راح الواحد منا يدق او يصب اهتماموا مختلط او مش مختلط ... . يعني اللي درس في جامعات وكليات خارج فلسطين وجرب الدراسة هون في فلسطين راح يحس الاختلاف الكلي بنسبة 100% وممكن مايعجبوا الوضع ويترك الجامعة .... فما بالك للي عاش طول عمروا خارج البلاد وتعلم وشاف شغلات لو الواحد ما متعود يشوفها ممكن يحكم علية انوا " كافر " . هدا الكلام ماهو مبالغة الحمد لله درست " في الاردن + مصر + رومانيا + اوكرانيا + السودان + العراق + قبرص + روسيا " وما في شخص او فرد فكر في قصة الاختلاط في الجامعات وحس بايتها مشكلة سواء هدا الكلام من اصدقاء لي او صديقات ... الوضع كان طبيعي جدا والكل في حالوا والدراسة ماشية والمجموعات مجموعات وكل شيئ على مايرام . خليني اكون انا مثال واقعية على كلامي :- لما فكرت الانتساب لجامعة في فلسطين بعد ماخلصت الدراسة من الخارج ... سجلت في جامعة القدس المفتوحة والجامعة مختلطة نوعا ما .... بس صدقوني يا خواني ماحسيت بالراحة النفسية والفرق في الجامعات وانا طالب الا في الخارج ... الوضع هون متغير الكل بيطلع للتاني ... عفوا افلان ماشي مع فلانة اكيد في حاجة بيناتهم فلان بتصل على فلانة ازا راح يقابلها افلا ن افلان افلان ...... .. وصلت لمرحة تمنيت العودة للخارج وعدم البقاء ولو لساعة في متل هيك وضع ..... لكن الوطن بيفضل وطن واحد والاشخاص مختلفين نرجع لموضوعنا فكانت قصة الاختلاط عادية جدا لان الطالبة او الطالب واثقين من نفسهم فلا يمكن باي حال من الاحوال يصير شئ خطاء الا اذا !!! وانا بركز على النقطة هادي كان الواحد من كلى الجنسين " مغلق " او بصحيح العبارة خرج من وضع مقوقع متل غزة الى وضع منفتح جديد وشاف شئ لم يراة في حياتوا وحب يقلد الغير ... هادي هي المشكلة وراح يقع في مشاكل لا تحمد عقباها ليش !!!؟ للانوا الواحد منهم تعود على حياة غير وكان يعيش فترة من الحرمان والقهر والخوف والقتل والدمار ... ومرة واحة لقى كل شيئ متوفر .. عفوا حتى النساء ... فاكيد راح بنزلق في مشاكل . طولت عليكم بس جوابي للسؤال انا مع الاختلاط بشرط عدم تجاوز الخطوط الحمراء طبعا الكل يعرفها تحياتي للجميع تعليقاتك |
رد: هل تؤيد الاختلاط في الجامعات ؟؟
مرحبا يا قوم وكبش مراحب والله
انا عن نفسي بقول انه الاختلاط لازم بس علي شرط انه يكون محدود يعني مثلا في الجامعة يكون الاختلاط علي اساس اخوة وزمالة للدراسة وبرة الجامعة خلاص كل واحد بحاله مو متل الايام هاي جو ا الجامعة وبرة الجامعة نفس الشي يعني نحن بالاصح مو فاهمين معني الاختلاط بالمعني الصحيح كل واحد بده نفسه وخلاص وما بهمه اي شي يعني علي الاقل لما نكون بالجامعة ويكون في اختلاط لازم علي الاقل نراعي تصرفاتنا مش خوف من الناس لا خوف من ربنا معلش طولت عليكم بنت اسدود |
رد: هل تؤيد الاختلاط في الجامعات ؟؟
اها هدا الكلام الصحيح " بنت اسدود " وانا بلدي الاصل اسدود تسلم اديكي تحياتي . |
رد: هل تؤيد الاختلاط في الجامعات ؟؟
انا مع مؤيد
|
رد: هل تؤيد الاختلاط في الجامعات ؟؟
تسلم ابن بلدي
علي ردك وتاييدك الي بس ما شاءالله مو مخلي بلد الا دارس فيها مفروض تكتب عن نفسك بالمنتدي بنت اسدود |
رد: هل تؤيد الاختلاط في الجامعات ؟؟
انا معكو انو الاختلاط الو سيئاتو وحسناتوو بس جوانبو السلبيه اكتر وبسبب انو الطلبه هالايام غير تصرفاتهم وحركاتهم وفاهمين الاختلاط غير،، اختلف الوضع يعني لو كل طالب يعرف حدودو وكل بنت كذلك والله حيمشي الوضع لكن بهيك حركات وهيك اوضاع ما اعتقد انو الجامعات المختلطة الها جوانب ايجابية صارت سمعتها سيئه ..
------------------------------------- نور اليقين ردك لفت شي وحبيت احكيلك صح انو اللبس المحترم شوي بقلل من المعاكسات بس والله المحترمة صارت هالايام تلفت نظر اكتر لانو بتكون مو معبره حدا والشاطر اللي بيادر عليها ... ------------------------------------ بنت اسدود كلامك اؤيده وعين العئل ------------------------------------ wow مشالله عليك بما انك لافف العالم كلو فاكيد كلامك حيكون عن خبره وتجربه .. تسلم على ردك الراقي ------------------------------------ ابو جروح هيك رايك انو ما ندرس احسن ... تسلم عمرورك .. ----------------------------------- تسلمووو اعزائي عمروركوو وردودكوو وتعليقاتكووو الاكثر من رائعه وبتنم عن تفكير راقي وفاهم ... |
رد: هل تؤيد الاختلاط في الجامعات ؟؟
ايووووووووووووووووووووووووااااااااا اااااااااا
اجينا للجد .............. اصلا اذا ما ضل اختلاط ..رح تنتهي الدنيا و اللي حابب يعرف.... يسالني.... و انا رح اجاوبو شكرا توين على الموضوع |
رد: هل تؤيد الاختلاط في الجامعات ؟؟
موضوع جميل ومثير
وانا بأيد كلام قمر الخليل لان التربية اساس كل شي وانا مقتنعة بكلامي مية بالمية وعن تجربة لاني درست بجامعة الازهر وطبعا مختلطة لكن الحمدلله متل ما فوتتها متل ما تخرجت منها بالاضافة للعلم الجديد اللي حملته والانسان اهم شي يؤمن بهدفه السامي بالحياة وعندها مستعد يعمل المستحيل حتى ما ينحرف عنه تسلم دياتك مواضيعك اكتر من مذهلة تحياتي |
رد: هل تؤيد الاختلاط في الجامعات ؟؟
لا حول ولا قوة إلا بالله
يعني تركنا رأي الشرع ، وأصبحنا نتبع أهواءنا وميولنا .... شاطرين بتقليد الغرب بس ، ييلا نطيع الغرب ونقلدهم ونسمع كلامهم ، أما كلام دينا ورسولنا ، لا هذا مش عاجبنا ... لا حول ولا قوة إلا بالله والي مع الختلاط الكلي والاختلاط الجزئي ، لا على فكرة مبدعين انتو ... والي بقول إنو مع الاختلاط بحدود ، حدود شو ، طيب مهو مختلط !!!! |
رد: هل تؤيد الاختلاط في الجامعات ؟؟
بصو لو جينا نشوف ه الاختلاط حلال او حرام
هنا ملناش راي فيه نصوص شرعية فيه ايات قرآنية فيه دين حرم الاختلاط ده بس تعالو فكرو معايا و قوولي لو فعلا كان حرام بالمطلق ازاي كان فيه مجاهدات في صفوف الجيش الاسلامي ازاي كان فيه نساء بتفتي على رجالة خدو كمتال ام المؤمنين عائشة رضي الله عنها خدو كمتال الرسول عليه الصلاة و السلام لما كانت اي امرأة تيجي تستشيرو كان بيقلها لأ الاختلاط حرام ؟ احنا مادام عايشين في كوكب بيسكنو نساء و رجال فاحنا مجبرين على الاختلاط ده و لو مكنش في الجامعة هيكون براها فهي مجرد متال و بكدة السؤال المطروح ازاي نقدر نتعايش مع الجنس التاني بحكم الاختلاط المفروض علينا ن غير اي مشاكل ؟ كلامي ده موجه للاخ مؤيد و انا بحترم رايو |
رد: هل تؤيد الاختلاط في الجامعات ؟؟
شكرا اخي توين علي موضوعك الرائع
ولا تحرمن من مواضيعك الشيقة بنت اسدود |
رد: هل تؤيد الاختلاط في الجامعات ؟؟
تحياتي لكي بنت بلدي " بنت اسدود " مهو صار الواحد منهم على كيفوا يحرم ويحلل ويقول الشرع وقت مابدوا خليهم براحتهم ... " ربا كلمة اودت بصاحبها في النار سبعين خريفا " الحلال والحرام صار بس في الجامعات ... طيب التلفزيون والاغاني الصاخبة .... والموضه الغربية .... والهوتف النقالة ... والمواقع المخلة بالشرف .... والخلطة في الاسواق .... وركوب النساء السيارات ..... اشتراك العربيات في العاب الرياضة والمنتخبات الوطنية .... الخ الخ الخ خلاص حللتوا الدين على كيفكوا حرام عليكوا .. خد قاعدة واحدة في راسك " البنت او الشب اذا كانوا واثقين من حالهم ماحدا بيقدريخبط على طرفهم " وبس ..... ياما سمعنا وشفنا مشاكل لناس كان الواحد منا بيقول عنهم ملائكة وفي الاخر بيطلعوا شياطين باقنعة ملائكة . والانسان عزة نفس وشكرا للجميع تعليقاتكم |
رد: هل تؤيد الاختلاط في الجامعات ؟؟
انا عن نفسي بأيد الاختلاط في الجامعات
يمكن اتهاجم بس فكرتي انو انا مقضية 12 سنة بالمدرسة بين البنات تنافست معهم بما فيه الكفايه حلو روح التانفس والتغير فيها والاشي التاني والاهم انو لنفرض انو ما في جامعة مختلط طيب الشغل كمان ما في مختلط طبعا في ازا لازم نأهب حالنا بغض النظر على الفساد الي بالجامعات بس الي بدو يحفظ حالو بيحفظها وين ما كان موفقين |
رد: هل تؤيد الاختلاط في الجامعات ؟؟
انا ضد الاختلاط وخصوصا بالجامعات لانو بقلل من المستوى الدرااسي للطلاب والطالبات غير انو بفسد اخلاق بعضهم
|
رد: هل تؤيد الاختلاط في الجامعات ؟؟
وانا كمان ضد الاختلاط ... ما حد يحاول يقنعني انو بيخلو الواحد بحالو واللي واثق من نفسه خلاص ما يهمة ... اي والله بالشارع بيعملو عمايل كيف لو كنا حدهم بالجامعة او بالمحاضرة ... اول شي رح يضل فكرالواحد مشغول والواحد بكونش عراحتو وحركاتو كلها محسوبه عليه .. يعني لو كنا بجامعة بنات بنضحك بنحكي بصوت عالي بناكل لو بدنا بس بالمختلط والله صعب البنت تضحك وتحكي وهيك كل شي محسوب ... وبعدين الشباب فوء مهمه لكوعين بصيروا يهملو دراستهم وبصير عندهم اهتمامات تانيه ... يعني انا مع انو فيه ايجابيات بس السلبيات تتطغى واكتر بمليون مره ... وفوء كل هادا حرام بالدين لليش نعرض حالنا لهيك شغلات منسجل بجامعة مو مختلطة ونريح راسنا وكمان بكون احسن دراسيا وكل شي ...
------------------------------------------------------------ تسلمي توينووووووووو |
رد: هل تؤيد الاختلاط في الجامعات ؟؟
اقتباس:
شطورة فراشة هادا هو الكلام المزبوط والله لما كانت في ايام مختلطة بجامعة الاقصى ما كنا ناخد راحتنا خالص فكيف لو الجامعة كل يوم مختلطة:icon9: سلامووووو:icon11: :s (43): |
رد: هل تؤيد الاختلاط في الجامعات ؟؟
اولا شكرا كل الشكر للعضو " ابنة الشتات " للثقة العالية بالنفس والتفكير الرزين والواقعي . الان الرد على الاعضاء " زهقانة انا " و " فراشة " و " haya " خلينا نرد على كل عضوا حسب الراي اللي هو بشوفوا صح ونحاول نعطية الصورة الحقيقية والواقعية ونضرب امثلة على ذلك لكن بشرط " احترام الراي والراي الاخر " .... اولا :-/ العضو " haya " الرد = انا ضد الاختلاط وخصوصا بالجامعات لانو بقلل من المستوى الدرااسي للطلاب والطالبات غير انو بفسد اخلاق بعضهم. التعليل :-/ اختي زي ما انتي بنت ناس برضوا الطلاب والطلبات اولاد ناس ومعلش مش انتي ولا انا ولا غيرنا اللي بحدد مستوى الشخص الدراسي ومش احنا اللي بنحكم عليهم هل هم صالحين اخلاقيا ام فاسدين لا لا ممكن في الجامعة تشوفيهم بصورة وبرات الجامعة صورة تانية !!! من حكم تجربتي في الخارج والدراسة مع الاجانب " اقسم بالله العظيم " كل المشاكل اللي كانت تحدث مع الطلبة كانت من عرب فقط ...... والباقي عندك . ومعلش برضوا الفاسد فاسد من يوموا . ومن تجربتي ايضا في جامعات غزة مش انا مابدي احكيلك اني شفت معيدين ودكاترة والله من ارذل مايكون ياللي هم بيدرسوا الطلاب والطالبات . خلونا عاد من الكلام الفاضي مهي واضحة زي الشمس الطالبة او الطالب المشيهم بطال ..." ابعد عنهم وخلاص " هو لازم يعني واحد او وحدة مش تمام اصبح الجامعة كلها فسدة لا خطاء .... ثانيا :-/ العضو " فراشة " الرد = اي والله بالشارع بيعملو عمايل كيف لو كنا حدهم بالجامعة او بالمحاضرة . التعليل :-/ اللي بيعمل العمايل اللي انتي بتحكيها ماعملها من الباب للشباك الا بيكون شاف حاجة " اما لبس ملابس او ضحك ومسخرة وقلة ادب في الشارع او عفوا تزويق من مكياج وخلافة وممكن ريحة عطر نو شاف حركة بين طالب او طالبة وكشفهم وحب يمسك علسها ممسك ....الخ الخ وفلتي كمان = والواحد بكونش عراحتو وحركاتو كلها محسوبه عليه ... التعليل :-/ معلش هو واحد رابطك بحبل وبجرك يعني عفوا في الكلام ولا انتي بتشكي في حالك مهي واحدة من التنين . وقلتي كمان =يعني لو كنا بجامعة بنات بنضحك بنحكي بصوت عالي بناكل لو بدنا بس بالمختلط والله صعب البنت تضحك وتحكي وهيك كل شي محسوب . التعليل :-/ الضحك للبنات بصوت عالي في مكان عام زي الجامعات حركات مشبوة قسيها على نفسك في الشارع شو الفرق الضحك في الجامعة عن الشارع لا والله لسى اضحك في الشارع بصوت عالي اهون من الجامعة ....... والاكل ليش مافي كفي " كفتريا " وكراسي واماكن مخصصة للاكل ولو الاماكن كلها مشغولة ممكن المجموعة تاخد جنب وتاكل براحتها باختي زي منتي بتاكلي هما برضوا بياكلوا صدقيني وماحدا راح يدور على حدا لو كانت شورمة ولا زيت وزعتر :wacko: قلتي كمان = بعدين الشباب فوء مهمه لكوعين بصيروا يهملو دراستهم وبصير عندهم اهتمامات تانيه التعليل :-/ ياختي اللي جاي يدرس راح يدرس واللي جاي للصياعة راح يصيع والحال بينطبق على كلى الجنسين والكل بيعرف هيك حكي ... وانا اكبر مثال شوفي لوين " الكتب كانت قدامي والصياعة والينات والسيارات قدامي " انا ارتكبت خطاء في حياتي مش راح انساة وانل في قبرص واول سنة بتغرب فيها لفيت ورى الحجات الفاضية وتركت دراستي لغاية ما ضاعت السنة الاولى هباء منيثى وانصرف عليا 18000$ وانا بندم على سنة راحت من عمري على الفاضي هيك ...لكن الحمد لله الدنيا مدرسة ثالثا :-/ العضو " زهقانة انا " الرد = والله لما كانت في ايام مختلطة بجامعة الاقصى ما كنا ناخد راحتنا خالص فكيف لو الجامعة كل يوم مختلطة . التعليل :-/ من اسمك باين العنوان لو انتي بتحكي الصراحة صحيح ما قعدتي في الجامعة ساعة واحدة شو اللي جابرك وكان رحتي درستي في " ايران ولا باكستان ولا افغانستان هناك عند اسامة بن لادن ...:wacko: " مشان الله ياعرب مشان الله يامسلمين لا تضحكوا على نفسكوا وعيلنا وخليكوا واقعيين ....هو انتي ماكنتيش تاخدي راحتك في الجامعة انا بتحداكي وبالرهان الا في حالة واحدة بس اذا كنت بتشكي في حالك :icon6: او مريضة نفسبا . ياعالم ياهو قسوها على نفسكم وانتوا مع ولاد عمكوا او قرايبكوا وجيرانكوا بلاش في اوقات الزفاف في الحفة في الصالة .... انا مش فاهم شو اللي بصير لو الاختلاط في الجامعة حرام كان نزلت فتوى فيها من مشايخنا ولا كيف ؟ لكن الحرام على سبيل المثال عدم لبس الحجاب وحجات تانية متل هيك يعني ... معلش يا جماعة انا ممكن ضد كل الحكي اللي بصير للاني جربت الدراسة بحق في الجامعات العربية والغربية والفلسطينة والله والله والله ثلاث مرات مافي بعد الواحد يكون صادق مع نفسوا ومع الغير الثقة في الله ثم الوالدين ثم النفس خلي خيط بينك وبين ربك وماراح يصير شي . تحياتي للجميع تعليقاتكم رجاء |
رد: هل تؤيد الاختلاط في الجامعات ؟؟
اقتباس:
انت مش ملاحظ انك طلعتنا كلنا معاقين انا خليتني مريضة نفسيا وفراشة بتحكي الها انو لو صدر من الشباب شي هي الي بتكون السبب في الكلام الي بيحكوه سواء بلبسها او الميك اب او ... الخ عموما انا بدي احكي الك شغلة مرة كنت بالشارع وكانت بنت منقبة مو ظاهر منها ولا شي ماشية قدامي وكان شباب ماشين معدومين الاخلاق طول وهما ماشيين وهما يرموا عليها حكي ويغنوا وهيك شغلات رغم انو البنت ما صدر منها شي لحتى يعملوا العمايل الي عملوها يعني بأختصار العالم الي ما عندها اخلاق ما بتحتاج لمبرر لغلطهم وطبعا الناس الي زي هااي البعد عنهم بيكون احسن والحل هو عدم الاختلاط |
رد: هل تؤيد الاختلاط في الجامعات ؟؟
اقتباس:
لا حول ولا قوة الا بالله:wacko: مريضة نفسيا وبشك بحالي:icon9: :wacko: :icon28: ليش شايفني ناكشة شعري و بجري بالشارع ولا شو:icon9: سوري يعني ومع احترامي الك انت ما اقنعتني بوجهة نظرك :showoff: :showoff: سلاموووووو |
رد: هل تؤيد الاختلاط في الجامعات ؟؟
انا مش راح اعلق الليلة للاني مرهق لكن لنا لقاء عماقريب مع خالص تحياتي |
رد: هل تؤيد الاختلاط في الجامعات ؟؟
اقتباس:
ههههههههههههههههههههههه مالك مش عارف ترد عليها هههههههههههههههههههههه شكلك بدك تبحث عن الاجابة بقوقل ولا بدك تقري كتاب مشان ترد وبتحجج انك مرهق من شو مرهق لتكون بتشيل حديد وانا مش دارية |
رد: هل تؤيد الاختلاط في الجامعات ؟؟
ههههههههههههههههههههههههه
|
رد: هل تؤيد الاختلاط في الجامعات ؟؟
اقتباس:
يا أخ قبل ما تعلق على أي مشاركة ، لازم تستوعب منيح وتفهم شو عم بحكي أنا في مشاركتي ،، ولا مش عاجبك أجيب سيرة الدين يعني ،،، طبعا ً انتو ما بتحبو الدين فيقلوبكم ، بس قدام الناس بتعملوا حالكم ، شوفو يا ناس عم بكفرونا .. يعني شو بدنا نتوقع من واحد رافع رايات الشيوعية الحمراء إنو يحكي ، شو بدو يحكي واحد زي هذا عن الدين وعن الإختلاط ... بعدين يا ريت لما تذكر نص أحاديث تنقلها كما هي بدون تحريف وتأليف ودبلجة كلمات ، ولما تقتبس حديث صع علامة الإقتباس ، واذكر أن الرسول محمد صلى الله عليه وسلم قال كذا ... قال شو يحللو ويحرمو على كيفهم ،، ليش أنا في مشاركتي قلت حرام ، ما قلت حرام ، كل الي قلتو أنا لازم نرجع للدين وما نخالفه ... لكن مشكلتكم حافظين بضعة كلمات ودائما ً بترددوها ، وهي لا دخل لها في حديثنا ، هههه . هههههههه ،حرام في الجامعات ، وفي الأسواق والفضائيات ، طيب شايف انك فتحت مية موضوع وشتت النقاش ، ؟؟؟ هذا أسلوب نقاش يعني ؟؟ قصدك واضح على مين بتتهجم ، لكن نحن سنترفع عن التهجم عليكم ، لإنو كل واحد بيعمل بأصله وبأخلاقه التي تربى عليها ، لذلك أترفع عن الرد المسيء على الإسلاميين ... الناس تقدموا ، والشيوعين تركوا الشيوعية ، ولسا بعض العرب بحلموا فيها ... |
رد: هل تؤيد الاختلاط في الجامعات ؟؟
يعني خلص المهم عندو هالواحد إنو يحلل الإختلاط ويسعى للترويج اله
صار هم عنده ، كيف يبرر الإختلاط ويطبقه خلص قال الإختلاط هو الحل لكل المشاكل عنده حط الشب مع البنت خلص بنتطور هههههههههه ويا أخ كفاك استخفافا ًبعقول الأعضاء ورجاء احترمهم ، والأخت زهقانة أنا يا ريت ترد عليها بكلام أفضل من هيك شو الناس مسخرة عندك يعني . |
رد: هل تؤيد الاختلاط في الجامعات ؟؟
يا بنات الاختلاف في الراي لا يفسد للود قضية
الاخ واو قال رايوو زي ما انتو قلتو رايكم مع تحفض صغير لو سمحتولي هو غلط لانو اخد راحتو في التعبير و قال كلام انتو فهمتوه غلط بس اكيد ده مش رايو فيكم و الا مكنش اخد من وقتو و اجهد نفسو و رد على اراءكم و انتو غلطتو لانكم اتسرعتو و رديتو عليه بطريقة طبعتها نرفزتكم و اللي صراحة معدورين عليها بس هدو النفوس يا جماعة و الله ما يسوا هيك |
رد: هل تؤيد الاختلاط في الجامعات ؟؟
اقتباس:
كأني مش عايشة هنا افادة و الله بس ا مؤيد بلاش نقومها حرب اللي غلط خليه منو لبرنا انت قول رايك و خلي غيرك يا يقتنع بيه يا يعمل ما بدالو هو الخسران مش اانت |
| الساعة الآن 02:15 AM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas