أنا محتارة و محتاجة لنصائحكم..
 

:icon15: السلام عليكم يا أحلى أعضاء أحلى منتدى




أرجو منكم المساعدة..لأني محتاجة لنصائحكم..أنا محتارة..أنا طالبة سنة اولى هندسة حاسوب
و بفكر أحول من هاد التخصص لتخصص علوم الحاسوب..(computer science)...
شو بتنصحوني أحول ولا لأ ..لأني عنجد مش عارفة شو أسوي..شو رأيكم مين أحسن الهندسة و لا العلوم..
بليييييييييييييييييييز أعطوني آراءكم..و ليش .. عشان آخد قراري..و اذا بدي أحول ..أحول قبل ما ابدأ بتسجيل مواد التخصص..:icon5:

انا مستنياكم..و اللي رح أقتنع فيه منكم رح أعملوا..

رد: أنا محتارة و محتاجة لنصائحكم..
 

انا ما الي خص..

اسالي نشات او محمود ..

بس بعرف انو هندسة الحاسوب صعبه وبيهربو منها الشباب ..

^^

رد: أنا محتارة و محتاجة لنصائحكم..
 

أختي ..

خليك هندسة أفضـــل :)

في مجال العمل والخبرة والشهادة الجامعيـــة ..

الناس بتتمنى تفوت الهندسة وانتي هاربة منها D:

في النهاية لو درستي علوم الحاسوب ما في شركة

او مجال عمل راح يقبل بخبرتك الا لما تكون معك كم دورة في البرمجة الاساسية

(يعني راح تدرسي الهندسة خارج الجامعه غصب )

ويلا شدي الهمة واي مساعدة احنا موجودين ..

رد: أنا محتارة و محتاجة لنصائحكم..
 

السلام عليكم ورحمة الله وبركاته
مرحبا أختي عسولة الأقصى نصيحة أخ لأخته لابدك هندسة الحاسوب ولا علوم الحاسوب ( It ) أنا كنت هندسة حاسوب وحولت وأنا هلا هندسة مدنية وذا بدك نصيحتي حولي يا هندسة مدنية أو هندسة إنشاء هدول التخصصين ممتازات جدا وسألي مجرب أما إذا مصرة خليكي هندسة حاسوب أحسلك بكفي لما تخلصي أسمك بصير
م- عسولة الأقصى أما علوم الحاسب ما بنادوه بإسم محدد وهذي وجهة نضري وشكرا ......
أخووووكي
إ
ئ
ت
لا
ف

رد: أنا محتارة و محتاجة لنصائحكم..
 

وانا مع الأخ محمود إذا مصرة عاى واحد من التخصصين هدول وذا بدك أي سؤال كمان أنا ما بقصر معك إنشاء الله
في الخدمة وعلى فكرة الهندسة مممتعة جدا ممكن تكول أول سنه زنخة بس بائي السنوات حلوة كتير وشكرا
أخووووووووووووووووكم ....
إ
ئ
ت
لا
ف

رد: أنا محتارة و محتاجة لنصائحكم..
 

أهلاأخي محمود بس بيحكولي انو هلا احنا ما بنحتاج (hardware) لأنو كل شي صار يتحول ل(software)
و من نقطة تانية قال الهندسة ما بتناسب البنت(مجال العمل)مش عارفة و الله بلف و بدور و بينتهي الموضوع اني بدي اترك الجامعة..على العموم شكرا لانك نورتلي الصفحة..
<<thanks>>

رد: أنا محتارة و محتاجة لنصائحكم..
 

وعليكم السلام أخي ائتلاف..
أنا كنت حابة هندسة عمارة..من الهندسات..حكولي انها حلوة.بس للأسف الجامعة اللي انا فيها
تخصصاتها محدودة.. وما فيها و لا هندسة الا هندسة الحاسوب..
و بالنسبة للاسم..معك حق..لكان شو اللي خلاني اتردد
على قولتك م.عسولة ..
و شكرا كتييييييييييييير على اهتمامك ووجودك انت و الاخ محمود
و لا تفكروني..سهلة..رح اهلكو اسئلة..اذا كان عندي ..
بمزح..
<<thanks>>

رد: أنا محتارة و محتاجة لنصائحكم..
 

ههههههههههههههههههههههههههههههههههه ههههههه :>:> ( سامحينا عليها )

شو هالمعلومة الجديدة هاي .. الي حكالك اياها مش عارف معناهم ..

لأنو الهاردوير والسوفت وير جزئين بكلمو بعض وما بشتغل الثاني بدون الاول

الهارد وير :: يعني مكونات الجهاز ( الأحهزة :: هارديسك ، معالج ، مذر ، ماوس ، رام .... الخ )

السوفت وير :: يعني المادة البرمجية ( الدوس ، الوينوز ، وكل البرامج )

وانتي ما تقدري تتعاملي مع الجهاز بدون السوفت وير ،، والسوفت وير بحتاج هارد وير مشان يشتغل ..

المهم اختي .. خليك هندسة كمبيوتر ،، ومدامك شقيتي طريقة كملي ..

الهندسة المدنية ما بتنفع للبنـــــــت ،، اما هندسة الكمبيوتر أكثر مجال مناسب للبنت ..

لانها بدهاش طلوع ونزول ما فيها اختلاط كثير .. كل تعاملك مع الجهاز ..

وانتي وشطارتكــ ..

بتمنالك التوفيق اختي ..

ما تتركي الجامعه منيحة لانها ..

وتشاوو ،، وزي ما قولت الك اي مساعدة انا موجود ..

رد: أنا محتارة و محتاجة لنصائحكم..
 

يا أهلا وسهلا بتنورينا طبعا .

انتي مش سهلة بالاسئلة و احنا قدها ومش سهلين بالاجوبة ^_*

هههههههههههههه

رد: أنا محتارة و محتاجة لنصائحكم..
 

الله يخليك يل محمود..يعني أنا مش عارفة معانيهم..
حرام عليك هاد تخصصي..
بس الي حكالي فهمني انو:
1.السوفت وير في ابداع اكتر..
2.السوفت وير مجالات عملو اكتر..
3.هندسة الحاسوب هي عبارة عن تصميم الهارد وير و اللي هو و لله الحمد مش
موجود في الدول العربية..
بس شكرا كتييييييييييييييييييييييييييييييييي ر الك..
و انشاء الله بكمل طريقي اللي شقيتو..
انا متأكدة..
<<thanks>>

رد: أنا محتارة و محتاجة لنصائحكم..
 

يعطيك العافية أخي محمود ومبين عليك عندك خلفية بالهندسة وأختي عسولة الأقصى أسمعي كلام مشرفي ومشرفك محمود وتوكلي على الله هندسة الحاسوب حلوة صح إنها صعبة شوي بس حلوة كثير كملي فيها وهي محمود وهي أخوه الصغير أنا إذا بدك أي سؤال في الهندسة بعتيلي ياه وبجاوك إنشاء الله وشكرا .......
أخوووووووكم /
إ
ئ
ت
لا
ف

رد: أنا محتارة و محتاجة لنصائحكم..
 

اولا استخيري الله .. يعني صلي ركعتين استخارة
بعدين انتي سوي الي بتقدري عليه و الي بشدك اكتر .. مش مهم يكون التخصص صعب او سهل المه انك تحبي تخصصك عشان ما تندمي

هادا رايي المتواضع

رد: أنا محتارة و محتاجة لنصائحكم..
 

شكرا نور..
خلص يا جماعة قررت أضل بتخصص هندسة الحاسوب..
ومشكورييييييييييييييييييييييييييييي ييييين ما قصرتو...

رد: أنا محتارة و محتاجة لنصائحكم..
 

أيون هيك خليكي مؤدبة تسمعي الكلامك هندسة يعني هندسة ........هههههههههه
بمزح يالله بالتوفيق عسولة ......

رد: أنا محتارة و محتاجة لنصائحكم..
 

حبيبتي اوعك تحولي منها

انا بادرس هندسة حاسوب وهلا انا بسنة تالتة هي صعبه كتيييييييير اه بس حلوة و ممتعة

و صدقيني اللي بيتعب بينول بالاخر

الله يوفقك يا رب و اذا احتجتي اي شي انا موجودة اطلبي عادي زي خواتي و اكتر

تحياتي