|
هـــل تـــقـبـل بــالـــزواج مـمـن أكـبـر مـنـك سناً ؟؟؟
-------------------------------------------------------------------------------
حبيت من موضوعي هذا أن أعرف أراء الشباب والفتيات في الزواج ممن هم أكبر منهم سناً فكثيراً من الشباب لا يرضى الزواج من فتاة أكبر منه سناً بل يريدها صغيرة بالسن ولا يهمه بكم تصغره بالسن حتى لو كان هو أكبر منها بـ10 سنوات ولكن أخي لو أعجبتك فتاة محترمه ولكنها أكبر منك سناً فهل ستتزوج بها ؟؟؟؟ ويا أختي هل ستقبلين بالزواج من رجل هو أصغر منك بالسن ؟؟؟؟ لن أطيل عليكم وسأترككم لأسمــع أرائكم ومناقشتكم في هذا الأمــر __________________ |
رد: هـــل تـــقـبـل بــالـــزواج مـمـن أكـبـر مـنـك سناً ؟؟؟
بارك الله فيكى اختى فراشه
|
رد: هـــل تـــقـبـل بــالـــزواج مـمـن أكـبـر مـنـك سناً ؟؟؟
لا مستحيل أقبل تكون أكبر مني
أصغر من بحوالي 7 -5 سنوات وبس هيك شكرا يا فراشة ، يسلمو كتير |
رد: هـــل تـــقـبـل بــالـــزواج مـمـن أكـبـر مـنـك سناً ؟؟؟
وانا كمان ما حابه يكوون اصغر مني ... يعني باكم شهر ماشي لكن بسنوات لا .... بحس هيك اني امووو وبربي فيه ....
|
رد: هـــل تـــقـبـل بــالـــزواج مـمـن أكـبـر مـنـك سناً ؟؟؟
و الله انا عن نفسي استحالة ارضى بكده حتى لو كان الفرق يوم واحد عشان ساعتها , مش عرفه , مهحسش ان ليه خبره في الحياتة اكتر مني و اني اقدر اعتمد عليه في اي حاجه |
رد: هـــل تـــقـبـل بــالـــزواج مـمـن أكـبـر مـنـك سناً ؟؟؟
انا بئووول انووو ما حلووو تكون اكبر منه .. يكووون عالاقل قدهااا لحتى يكوون عائل بما فيه الكفايه .. مش اصغر منها ...
|
رد: هـــل تـــقـبـل بــالـــزواج مـمـن أكـبـر مـنـك سناً ؟؟؟
الشرع ما بمنع... بس الشب بحب يكون أكبر ومسيطر هههه والبنت بتحب تكون أصغر ومسيطر عليها...
والله يا جماعة من 3 شهور كانت في مؤامرة يخطبولي وحدة اصغر مني بشهرين -قال دكتورة حتصير- بس ما رضيت ... انا شخصيا بفضل اتكون اصغرمني بسنة سنتين على الاقل و على الاكثر خمسة ستة تحياتي للجميع... بس وينكووو الدين ما بمنع... وما تنسو فارق السن بين سيدنا محمد عليه السلام و خديجة بنت خويلد.. يعني ما حرمت ولا خبصت.. انا قلت بفضل.. بفضل... بفضل... سلام :-) |
رد: هـــل تـــقـبـل بــالـــزواج مـمـن أكـبـر مـنـك سناً ؟؟؟
هههههههههههههه
يلا مبرووووووك يا احمدكس بتعزم كل المنتدى على عرسك ههههههه والطيارة على حسابك سامع هاا انا الصراحة يعني ولا مرا اخد واحد ازغر مني ليش لعدة اسباب حلو انو احس انو اكبر مني بقدر يتحمل المسؤولية متجوزة رجال مش ولد زغير بدي اقعد اربي فيه هههههههه بعدين حلو انو اتحسي انو هو اللي ينصحك مش انتي تنصحية ويحميكي يعني احلى انو يكون الشاب اكبر مني عشان انحس انو ماخدين رجالل وبالنسبة للفرق يعني مش مشكلة سواء بيني وبينو سنة لل7 سنين بس بس مش اكتر يسلمووووووووووو |
رد: هـــل تـــقـبـل بــالـــزواج مـمـن أكـبـر مـنـك سناً ؟؟؟
يسلمووووووووووووو فراشة !!!!!!!!!!!!
|
رد: هـــل تـــقـبـل بــالـــزواج مـمـن أكـبـر مـنـك سناً ؟؟؟
الله يسلمك يا احلى رورو ....... علئت يااا احمد يلااااا اعزمناااكلناااا ....
|
رد: هـــل تـــقـبـل بــالـــزواج مـمـن أكـبـر مـنـك سناً ؟؟؟
مش تا يصير في عروووس.. أعزمكو على فرح بدون عروووووووس ما بصير...
خلص دورولي وانا راضي بحكمكن ههههه والله يستر... |
رد: هـــل تـــقـبـل بــالـــزواج مـمـن أكـبـر مـنـك سناً ؟؟؟
انا بالنسبة الي شايف مو حلوة انة الواحد يتزوج وحده اكبر منة ...يعني ليش قلة بنات اصغر منة الواحد ههههههه...يسلمووو على الموضوع الرائع يا فراشة
وهاي الصورة الفراشة الك على مواضيعك المتميزة http://rooosana.ps/uploading/f5fa7ac496.jpg |
رد: هـــل تـــقـبـل بــالـــزواج مـمـن أكـبـر مـنـك سناً ؟؟؟
ياااااااااااااااااااااااي ماااا احلاااااهم .... تسلم عيسووووووووووووووووووو
وانت تعااال يا احمد .... نئيتلك وحده ورح احكيلك مواااصفااتهاا .... سوودا مفحمه وشعرهاا منكوووش وسنانهااا مكسره وبرجل وحده ..... بس زااكيه ....ههههه ايش رأيك بزووووئي .... يالله بكره الفرح ... من غير مواافئة العريس ... هو واثق من زووئي .... |
رد: هـــل تـــقـبـل بــالـــزواج مـمـن أكـبـر مـنـك سناً ؟؟؟
أنا بفضل تكون أصغر مني على قولت أحمد
تكون اصغر مني بسنة سنتين 3 4 5 6 7 أكثر أشي 7 تحياتي مش الكم |
رد: هـــل تـــقـبـل بــالـــزواج مـمـن أكـبـر مـنـك سناً ؟؟؟
ههههههههههههه
أهم اشي الاخلااااااق.. بس شو هاد.. بدك اتجوزيني من اموات.. شبح هههههههههه انا الحق علي الي طلبت منك ههههههههههه والله بتضيعونا على هييك ههههه حتى لو بكرة الفرح حهرب... بعدين كيف زاكية بدي أفهم... بطلت خلص توبة... |
رد: هـــل تـــقـبـل بــالـــزواج مـمـن أكـبـر مـنـك سناً ؟؟؟
ههههههههههههههههههههههههههههههههههه هههههههه ايوه هيك بفكر ....
عشاان تتعلم مره تااانيه تعتمد عنفسك بالاختيااار يا شااطر .... ال نئوولي ال ... |
رد: هـــل تـــقـبـل بــالـــزواج مـمـن أكـبـر مـنـك سناً ؟؟؟
الشرع ما بيمنع بس لو جينا للمطق يعني يفضل انه البنت تكون اصغر من الشب وهيك بشوف براي
اما اذا حدث العكس في شي اسمه نظرت مجتمع و تفسيرات مجتمع بس بتعرفوا عمالي بتخيل انه وحدة تزوجت واحد قد ابنها هههههههههههه كيف بدو يكون الموقف ماما ههههههه |
رد: هـــل تـــقـبـل بــالـــزواج مـمـن أكـبـر مـنـك سناً ؟؟؟
هههههههههههههههههههههههههههه الله يهد شرك نغووم .... تعد تربي فيه وتتحكم فيه .... ماااااااااااااااااااااامااااااااااا ااااااااااا
|
رد: هـــل تـــقـبـل بــالـــزواج مـمـن أكـبـر مـنـك سناً ؟؟؟
ليش لا... بصير ترباية اديكييي ههههههه
عجينة طرية بتعجنيها على كيفك.... مش أحسن ما يتحكم فيكي.. |
رد: هـــل تـــقـبـل بــالـــزواج مـمـن أكـبـر مـنـك سناً ؟؟؟
ههههههههههه والله بتربه كمان مرة و تحكيلو ماما ما شربت العصير ما في السيارة اليوم
ه و طبعا و حده غنية ولا شو بده في وحدة قد امه و مفلسه ههههههههههههههههه |
رد: هـــل تـــقـبـل بــالـــزواج مـمـن أكـبـر مـنـك سناً ؟؟؟
هههههههههههههههههههه الله يهد شرك يا نغووومي .... ولك كني........ ضحكتيني
|
رد: هـــل تـــقـبـل بــالـــزواج مـمـن أكـبـر مـنـك سناً ؟؟؟
انا بفضل يكون فرق بالعمر لانه فرق العمر بيمكنهم انهم يتفاهمو اكتر
|
رد: هـــل تـــقـبـل بــالـــزواج مـمـن أكـبـر مـنـك سناً ؟؟؟
وبعدين بيني وبينكوووو .... لما يكوون ادهااا او اصغر منهااا بضل يعااايرهاا ويئووللها يا عجوووزه ... بتكرمش ابلووو .... ههههه شفتووو وجهة نظري .....
|
رد: هـــل تـــقـبـل بــالـــزواج مـمـن أكـبـر مـنـك سناً ؟؟؟
اقتباس:
شوو هي كاينة رغيف خبز... هههه من وين بتجيبو هيك خراف بدي أفهم... كال بتكرمش كال... :icon11: :icon11: :icon11: |
رد: هـــل تـــقـبـل بــالـــزواج مـمـن أكـبـر مـنـك سناً ؟؟؟
ههههههههههههههههههههههههههههههههههه ههههههههههههههههههههههههههههههههههه ههههههههههههههههههههههههههههههههههه هه حلوه رغيف خبز ههههههههههههههههههههههه
الله يهد شرك بس ... ضحكتني عالصبح |
رد: هـــل تـــقـبـل بــالـــزواج مـمـن أكـبـر مـنـك سناً ؟؟؟
فراشة شو هاد الحكي هو انا بدي اخد واحد اعد اربي في ههههههههههههههههههههه والله مو مربية الي عندي ميرسي الك فراشة |
رد: هـــل تـــقـبـل بــالـــزواج مـمـن أكـبـر مـنـك سناً ؟؟؟
ههههه الردود بضحك ,, بالصدفة لقيت هالموضوع :s بالنسبة اللي لازم يكون اكبر مني اقل شي 3 سنين :D شكرا فراشة ع الموضوع |
رد: هـــل تـــقـبـل بــالـــزواج مـمـن أكـبـر مـنـك سناً ؟؟؟
يااااااااااه ذكريااااات ..
والله أيام حلوة :) |
رد: هـــل تـــقـبـل بــالـــزواج مـمـن أكـبـر مـنـك سناً ؟؟؟
لا ما بئبل انو اتزوج واحد ائل مني بكتير ممكن سنة اكتر شي اما بكتير لا طبعا لانو اصلا المجتمع ممكن يصير يحكي
يسلمو الك كتير |
رد: هـــل تـــقـبـل بــالـــزواج مـمـن أكـبـر مـنـك سناً ؟؟؟
لا طبعا مش هقبل لية يعنى من قلة العرسان بس عاوزة واحد اكبر منى بشهريت 3 4 او سنة سنتين 3 سنين بلكتير مش عوزاة اكبر منى بكتير |
رد: هـــل تـــقـبـل بــالـــزواج مـمـن أكـبـر مـنـك سناً ؟؟؟
هههههههههههه
والله حلو الواحد ينكش مواضيع قديمة ذكرتوني بأعضاء غاليين علينا غابو عنا بس من وين لقيتيه هالموضوع!!! على كل حال انا ما بقبل اتزوج واحد اصغر مني بس بعرفش ليش!! يسلموو فراشة ^_^ |
رد: هـــل تـــقـبـل بــالـــزواج مـمـن أكـبـر مـنـك سناً ؟؟؟
انا شايفة أغلب الصبايا بحكو اخد واحد ازغر مني مشان أربيه
وليش ما نفكر بطريقه مغايره عن هيك انو ممكن واحد يكون ازغر منك وبفهم اكتر من واحد اكبر من عمره ويكون هالزغير لافف الدنيا كلها وعندو خبره فيها اكتر من هالكبير!! يعني الشغله مش بالعمر انا بشوفها،،الشغلة شغله شخصية بتكون في الانسان بغض النظر عن عمره،، مش شرط لما يكون الواحد اكبر من التاني افهم منو ،،مو قاعدة هاي^^ فيه كتير كبار وهبايل :P مع احترامي لجميع طبعا.. الوحدة لما تيجي تتجوز بهمها الشخصيه والدين والاخلاق وانو يفهما وغيره.. شو الفايدة لما يكون كبير وما عنده اخلاق متلا!! حسستوني انو الزغير واحد مش متربي ورح تربوه انتو ،،ليش ما عنده اهل مربينو قبل ما ياخدك؟؟ ع العموم احنا تريبنا بمجتمعاتنا انو عيبة لما الوحده تاخد ازغر منها مشان هيك ما بلومكم.. بس اكبر مثال واكبر قدوه النا صلى الله عليه وسلم اتجوز وحده اكبر منو بكتير كمان،،ع هيك ما بنقدر انعارض هيك كلام.. خلصت من الصبايا انتقل ع الشباب هلا :P بدي أعلق ع كل الي حكو مستحيل ياخد وحدة اكبر منو كانها مصيبة ولا شي وليش مش ممكن الي اكبر هاي تهنيك وتعيشك احلى عيشة وووووو من أي وحدة ازغر منك؟ والي بعلقو ع الشكل انو رح تكبر وتكرمش بدري هههه هاي مش قاعدة برده يعني مش ممكن تكون الي اكبر جمالها واهتمامها بحالها اكتر من اي وحدة زغيره ما الواحد بشوف كتير بتكون زغيره اول ما تتجوز بتبطل تهتم بحالها ولا بشي وبتصير كانها اكبر بالشكل من سنها عشر سنين،، هالشغله ما دخلها بالعمر،،يعني ممكن تكون اكبر واضل محافظه طول العمر وتبقى كانها ازغر من عمرها.. الخلاصة الشغلة مش بالسن الشغلة بتكون في الانسان نفسه والعمر مش دايما بحدد شي اخير كلام احمداكس هون اقتباس:
وسوري ع الاطالة سلام.. |
رد: هـــل تـــقـبـل بــالـــزواج مـمـن أكـبـر مـنـك سناً ؟؟؟
akeed ma b2bl 7ta lw kan a5r wa7d balkoon l2no altfahm w2tha bkoon mst7eel w marci 7beebti 3la almwdoo3 |
رد: هـــل تـــقـبـل بــالـــزواج مـمـن أكـبـر مـنـك سناً ؟؟؟
بصراحة انا مستحيل ارضى اني اتزوج واحد اصغر مني بالسن لاني رح احس اني امو مو زوجتو
على الرغم انو في كتير بيتزوجو شباب اضغر منهم وهاي بتصير بمجتمعات كتيرة بس بالنسبة الي مستحيل شو ما كانت الظروف تقبلي مروري تحياتي سووونة |
رد: هـــل تـــقـبـل بــالـــزواج مـمـن أكـبـر مـنـك سناً ؟؟؟
اتزحلقت من القسم العام القيت حالي هون قلت بعلق على الموضوع :- الراجل بحب الاصغر بالعمر دايما وبينفرض عليه اللي بعمره ومرات بوخذ وحده اكبر منه لأسباب المهم انا حاس انه في عنصريه وعقد ؟؟؟؟؟؟؟؟؟؟؟؟؟؟ الراجل حر شو ما بده بوخذ كبيره ولا صغيره هاد منطق غلط امير امير بعرف خصوصي حكيت هيك تحياتي |
رد: هـــل تـــقـبـل بــالـــزواج مـمـن أكـبـر مـنـك سناً ؟؟؟
ابدا مابقبل واحد اصغر مني ولا اكبر مني بعشر سنين اوتسع سنين
ممكن اكبر مني بتمن سنين كتر من هيك لاااااااء والف لااااااااء بدي رجااااال افهموا ويفهمني مو عئلاتي ماتيجي على عئلاتوووووو ولابدي ياه ولد صغير لسه حبيب ماما وبابا لا بدي يااه عصامي وشهم شكرا فراشة |
رد: هـــل تـــقـبـل بــالـــزواج مـمـن أكـبـر مـنـك سناً ؟؟؟
انا الصراحة بفضل تكون اصغر مني
|
رد: هـــل تـــقـبـل بــالـــزواج مـمـن أكـبـر مـنـك سناً ؟؟؟
انا تقريبا شبه مستحيل اقبل بشاب أصغر مني لأنو البنت بتحب تحس انو أكبر منها يعني بجد رجال و سندها......... أبصر الآراء بتختلف بس الأكبر عمرو مين ما يكون بيضل الو مكان و هيبة اكتر من العمرو أصغر......خاصة الزوج أبصر على كل انا بقبل يكون اكبر مني لحد 7 سنين يعني و ان طارت 8 و بس ...و النصيب بيصيب يسلمو http://www.files.shabab.ps/vb/images...8.imgcache.gif |
رد: هـــل تـــقـبـل بــالـــزواج مـمـن أكـبـر مـنـك سناً ؟؟؟
تسلمو جميعا ع مروركو الظريف ووجهات نظركو بحترمها جميعا ... سبحان الله الله خلئ الناس اشكال والوان وكل واحد الو كمان وجهة نظر مختلفة ... تسلمو يا غاليين عنجد زكرتوني باللذي مضى حزنتوني ربي يسامحكو ..
|
رد: هـــل تـــقـبـل بــالـــزواج مـمـن أكـبـر مـنـك سناً ؟؟؟
اقتباس:
اقتباس:
سلمي على توين وذكريها بالوصايا القديمة (رفرش للميموري يعني هه) وان شاء الله ربنا يوفقكن بالدراسة وترجعن سالمات غانمات .. |
| الساعة الآن 12:38 PM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas