|
موضوع لمن يسكن خارج موطنه الاصلي
مساء الخير للجميع
انا حبيت اضع موضوع لاني بدي اعرف شو ردكم عليه هاد سؤالي موجه بالاخص للاشخاص الي عايشين خارج فلسطين او خارج وطنهم عندنا في فلسطين الكل بيعرف الاوضاع الاقتصادية الصعبة التي نعيشها والتي نمر بها يعني انا برايي بكون حال من يسكنون خارج فلسطين افضل علي الاقل من الناحية المادية ولكن السؤال هل انت تستغني عن وطنك الاصلي او ممكن تنساه وهل اذا جاءت لك الفرصة للعيش فيه هل تعيش فيه وانت تعلم ان الظروف التي تعيش بها افضل من ظروف بلدك الاصلية هل حب الوطن عندك افضل من الظروف المادية ام حب المال افضل من الوطن هل تحن الي موطنك الاصلي وتحب ان تعيش فيه |
رد: موضوع لمن يسكن خارج موطنه الاصلي
اه والله يااا قسااامي اني نفسي اجي عبلدي باقرب وقت ... يعني لو بدي اكل زيت وزعتر بس اعد فيهااا ما بئصر ...وانا لما اسااافر واصل هناااك بكووون ببكي مو عشااان اهلي بس عشااان شميت هوااا بلدي وشفته ... وان ابل ما اروح عالامارات بعبي بازازه رمل ومي من البحر وهيني محتفظه فبهم لهلا ...
|
رد: موضوع لمن يسكن خارج موطنه الاصلي
يا أخي كل إنسان لا يرتاح الا في بيته ..
وهذا مثال بسيط , بتروح على بيت أخوك أو بيت أهلك ولكن لا ترتاح أبدا مثل راحتك في بيتك الخاص.. والوطن ..مهما لفيت ودرت ...ما في أغلا من الوطن .. كما أن الفلوس ليست كل شيء ...وليس كل مغترب عن وطنه يعيش في وضع اقتصادي جيد ..والبيوت اسرار .. وبالنسبة للفلسطينية ,الغربة مفروضة علينا وليست بخاطرنا |
رد: موضوع لمن يسكن خارج موطنه الاصلي
بصراحة بصراحة لو طلعتلي فرصة اني اعيش بفلسطين بوافق من الصبح
يعني بصراحة بالنسبة لالي شوفة فلسطين متل الحلم عنديد تسلم قسامي غزة على طرح الموضوع |
رد: موضوع لمن يسكن خارج موطنه الاصلي
ان شاء الله يا اختي فراشة بترجعي علي بلدك الاصلية وبتعيشي فيها وتتجمعي انتي وكل احبابك واصحابك في بلدك يا رب
مشكورة لي مرورك الطيب |
رد: موضوع لمن يسكن خارج موطنه الاصلي
اكيد كلامك صحيح يا بنت الشرق الشخص لايرتاح الا في بيته حتي لو كان في بيت اخيه لا يرتاح بس شو بدنا نعمل لو مفروض علينا انا نعيش متغربين
مشكورة علي مرورك |
رد: موضوع لمن يسكن خارج موطنه الاصلي
ان شاء الله يا اخت ياسمينا بتروحي علي فلسطين وبتعيشي فيها
مشكورة علي مرورك الطيب |
رد: موضوع لمن يسكن خارج موطنه الاصلي
والله لو مال الدنيا كلها ما بيسوى رملة وحدة من رمال بلادي فلسطين
ونفسي أعيش بقية عمري فيها لو يصحلي والله غير من بكرة اروح وأعيش فيها والمال مش كل شي واني اقعد في بلدي وبين أهلي واكل من خير بلدي هيدي بتسوى الدنيا وما فيها وتسلم أخي على الموضوع |
رد: موضوع لمن يسكن خارج موطنه الاصلي
ان شاء الله يا اخي بترجع علي بلدك فلسطين الحبيبة وبتعيش بين اهلك واحبابك
مشكور علي مرورك |
رد: موضوع لمن يسكن خارج موطنه الاصلي
|
رد: موضوع لمن يسكن خارج موطنه الاصلي
صحيح الانسان بحن لبلده الأصلية وبحبهــا بس كمان بصير يحي البلد اللي هو عايش فيها وتربى فيها أنا مثلاً فلسطينية بس انولدت وتربيت وعشت طول عمري بالسعودية بحب فلسطين صحيح بس برضه بحب السعودية جداً وبعدها بلدي وبرضه اما بالنسبة لسؤالك .... بالطبع الوطن أهم من المال تحياتي أخي |
رد: موضوع لمن يسكن خارج موطنه الاصلي
اقتباس:
المال وسخ الدنيا وشقا الدنيا كلو من الماال واعلم انو كل وااحد متغرب عن ارضوا يا بنذل يا بحفظ كرامتوا من سلب حقوقوا يعني لو مش لو هوه الحاله الماديه للأغلب الحمد لله مافي عليها كلاام ولاكن يعاامل بشكل على مستوى دني صدقني عزيزي وهذه ظرووف دعتنا لنكوون بغيير بلدنا والله ثم والله اني كلي شوق لأعييش بموطني الاصلي وشااركهم افراحهم بشهداائنا واحزانهم بالهزيمه واكوون شهييد القسام ليفتخر بي اهي واكوون قد خدمت اولا في سبييل ربي وثانيه في سبييل الجهااد وان لم اكن اعشق بلدي بدااخلها فأنا اتألم وعشقها يئلمني واانا بخارجها لا همني مال ولا ناحيه ماديه ولا يحزنون قداام شيء اسمو موطني الاصلي وان شااء الله يووم لكي رااجع رااجع يا فلسطييين سلاامي قساام وموضوعك هااد بفكر فييه بكل وقت وحيين والله وسلاامي لكي مره اخرى ويعطيك الف عافيه |
رد: موضوع لمن يسكن خارج موطنه الاصلي
يااااه
والله يا اخي مستحيل يتقارنو التنين ببعض وخصوصي لو كان الوطن هادا فلسطين يمكن في كتير ناس وطنيين على هالكون بس ما بعرف ابناء فلسطين غير لأنو أمهم جريحه ولما يكون الوطن الأم جريح رح بتحبو وتتعلق فيه اكتر فشو حال لو انت بعيد عنها ؟؟؟؟؟؟ وبعدوك عنها قسراً منعوك من شوفتها ؟؟ تحس انها بحاجه الك وبتئن كل دقيقه وكل ثانية وانت بعيييييييد اي متاع واي مال ساعتها الي رح يمللي عينك ؟؟ وكمان والله أخي الفلسطنيه خارج فلسطين مش بكتير احسن من الي بالداخل من الناحيه الاقتصادية دائما اذكر أنو بمجرد انك فلسطيني يعني محروم من أقل حق الك على هالوجود فجأة المشاعر الإنسانيه والحقوق الطبيعيه جداً بتنعدم بمجرد انو تطلع انت فلسطييني غير عن هيك أخي هادا الشعور أنك تحس حالك عايش كل لحظه بحياتك ((ضيف)) والله والله الواحد يعيش جوا بلدو بظل الظروف الي عمتمر فيها يقدم يجاهد يكافح مشانها هاي اكبر عزة بدل من الاهانة والذل إنك وين رحت تحس إنك ضيف غير مرغوب فيه وكل شوي والتانيه بيمننوا عليك بإستضافتهم الك بأبشع العباراات كل هادا وانت بعيد عن وطنك الأم قسرا وبدك ما تشتاق الها مهما كان مهما والله لو يقدمو للواحد وسع الكون بحالو ما بتحضنك وبتحن عليك الا ارضك هي وحدها الي بتضم الانسان بحنان بدون اي منية وبدون اي ذل لا مال ولا جاه ولا اي شي تاني بيتساوى مع ذرة من تراب الوطن فما بالك اذا كان هالوطن فلسطين حلمي اني ارجع لبلدي ما بدي شيئ غير اني لو قبل ما اموت بيوم واحد بس اشوفها متحررة بظل حكم اسلامي والأقصى محرر واشم ترابها واشوف شعبي عايش متل بقية هالشعوب وما بدنا غير هيك من هالدنيا الأوطان ثم الأوطان ،، ثم الأوطان فبها يكون او لا يكون الانسان ومنقول حب الأوطان ما بعرف لذتو الا الي داقو يمكن لو حدا تاني سمعنا بيستغرب بس منقول الله لا يحرم حدا من وطنو انو يبعدو عنه رغم عنو الي داقوا الشعب الفلسطيني ما حدا داقوا والحمدلله رب العالمين أكيد أولاً واخراً مش مهم كله فدا قضيتنا بيهون بإذن الله مشكور أخي والله اسفه كتير عالاطاله لكن والله الواحد لو يكتب عن هالموضوع صفحات ما بخلص يعطيك الف عافيه |
رد: موضوع لمن يسكن خارج موطنه الاصلي
الغنا في الغربة وطنك والفقر في وطنك غربه
ما تفهم قصدي المال لا بقصد الاصحاب والاهل وكل من حوالي |
رد: موضوع لمن يسكن خارج موطنه الاصلي
|
رد: موضوع لمن يسكن خارج موطنه الاصلي
لولو اليبناوية
بيسان بو هبة دموع الرحيل مشكورين علي مروركم الطيب |
رد: موضوع لمن يسكن خارج موطنه الاصلي
بس تعرفوا ا جماعة الخير بدي احكيلكم نقطة ممكن انوا هاي غير موجودة عند كتير من الناس من سكان فلسطين تعرفوا بدي احكي معكم بصراحة
والله يا جماعة كلامكم تاثرت فيه كثير وانا صراحة لا اعلم لهاي الدرجة الغربة صعبة يمكن لاني ما عمري يوم تغربت او سكنت خارج قطاع غرة بس يا اخي بو هبة والله اني تاثرت بكلامك جدا جدا وايضا الاخت دموع الرحيل ولولو لان عندما قرات كلامكم احسست بشوق كبير لفسطين كنت بدي احكيلكم عندنا كثير من الناس عندما تساله هل تحب فلسطين ممكن تستغربوا من كلامي والله انوا ممكن يسب فلسطين واليوم الي عاش فيه في فلسطين انت تساله لماذا يقول لك كثي من الناس عايشين برفاهية ورغد وانا ظروفي صعبة لماذا لااكون واحد منهم انا قلت له انت في ارض الرباط وارض المحشر والمنشر وهذا شرف كبير يقول لي لااريد هذا الشرف لااريد فلسطين اريد ان اعيش حياة رفاهية وشو يعني اعيش برا فلسطين مش مشكلة وحكيتله طيب القدس تتالم لان اليهود يدنسونها كل يوم يقول لي من يقول لك فلسطين لنا فلسطين لمليار ونصف مليار منهم اقول له كثير منهم متخاذلين يقول لي شو يعني لما يزيدوا واحد صراحة انا استغرب من كلامه هذا الشخص لايوجد عنده انتماء لهذه الارض المباركة وانت في رباط ولك الاجر بذلك اقول له في اناس كثيرون يتمنون العيش في فلسطين ولكن عندما قرات كلامكم عرفت عظمة النعمة التي اعيش بها صحيح الظروف صعبة جدا والشعب محاصر لكن ربنا كاتب لنا هذا الجوع ولحصار والحمد لله علي كل حال وانتي يا اختي دموع الرحيل شوقها كبير جدا لوطنها وهذا ظاهر من كلامها وان شاء الله كلكم ترجعون الي اوطانكم وتعيشون فيها وبارك الله فيكم علي ردودكم الجميلة والماثرة |
رد: موضوع لمن يسكن خارج موطنه الاصلي
والله انو الواحد بيحن لوطنه لاكن في منا عاش طول عمرو ببلد الهجره
يعني انا عايش 18 سنه بالامارات و نص سنه بفلسطين وهيني الحين بالامارات تاني يعني الي متلي بعد كل هاي السنين بدو ينكر المكان الي عاش فيه ؟؟ والله صعبه انا بعتبر الامارات بلدي التاني و بحنلها كمان زي بلدي وبدي انبه انو المال مش كل شي وليس كل الي مغتربين حالتهم الماديه منيحه والله بعرف فلسطينيين بالامارات حالتهم بالويييييييل ربنا يساعدهم ويساعد الجميع بحب بلدي و بحب البلد الي عشت فيها كمان تحياتي قسامي غزه حلوه منك |
رد: موضوع لمن يسكن خارج موطنه الاصلي
صح لسانك قسامي غزة وانتو فعلا بنعمة اكبيرة واحمدو الله!!!
|
رد: موضوع لمن يسكن خارج موطنه الاصلي
مرحبا ابو ياسر
انا بشكرك كتير على هادا الموضوع الرائع وانا باختصار عندي مبدأ الي بطلع من دارو بقل مقدارو وبصراحة والله لو بكرا يحكولي روحي عفلسطين للأبد الا بدون تردد اوافق لانو مين بصحلو يعيش بأرض الانبياء حتى لو كان الظروف صعبة انا ما بهمني المصاري بالعكس انا بهمني بلدي وصدقني انا ما بدي اعيش براها واني بحكي لبابا يا بابا ليش تطلع منها وبابا بحكي اخرتنا رح نرجع للبلد مهما طولنا وصدقني انا بحسد كل قرايبي وبحسد كل الي هناك لانهم عاشو وتأقلمو مع اليهود ومع الوضع اما انا يمكن اخد فترة طويلة لاتأقلم بس ان شالله راجعة لفلسطين تحياتي الك اخوي العزيز واعزرني على تأخري بالرد والله ما بدخل عالنت الا قليل |
رد: موضوع لمن يسكن خارج موطنه الاصلي
خيو بالنسبة لي انا بدي ارجع فلسطين واعيش بين اهلي وناسي واقضي العمر كلوا هناك
حلمي اني ارجع لفسطين واشوف اهلي ولو لمرة لاني ما رحت يمكن من 6 سنين بس كمان بقول اني بحب فلسطين كتير كتير بس بكن في قلبي حب لبلد اتربيت فيه الي هو البحرين اما بالنسبة لسؤالك : بحب وطني فلسطين وهي عندي افضل من الظروف المادية |
رد: موضوع لمن يسكن خارج موطنه الاصلي
مشكورة اختي vip علي مرورك الطيب
وان شاء الله بترجعي لوطنك الحبيب |
رد: موضوع لمن يسكن خارج موطنه الاصلي
هلا اختي قمر الخليل كيفك ان شاء الله يا اختي بترجعي علي وطنك الحبيب وبلدك كمان
والله صحيح الي بطلع من دارو بنقل مقدارو كلامك صحيح بس شو بك تعملي هاي اشي مكتوب عليكم الواحد يصبر وان شاء الله ما بعد الصبر الا الفرج مشكورة علي مرورك |
رد: موضوع لمن يسكن خارج موطنه الاصلي
يا الله يا اختي وردة 6 سنوات ما رحتي فلسطين و الله انها صعبة
بس الحمد لله قولي دايما وان شاء الله بترجعي عن قريب جدا واكيد المال انا برايي اتفه شئء فيالدنيا المال مشكورة علي مرورك اختي |
رد: موضوع لمن يسكن خارج موطنه الاصلي
تسلم خيو
ادعيلي انوا هالعطلة اروح ع احلا فلسطين |
رد: موضوع لمن يسكن خارج موطنه الاصلي
انا نفسي ازور فلسطين ومو بس هيك اعيش فيها لاني وعيت على جدي وهو بحكيلنا عنها وكيف هي وقديش حلوة وفي كل حكاية بحس اني فيها ولو صحلي اعيش فيها بعيش شو ما كانت الظروف والمال مو كل شي بالدنيا |
رد: موضوع لمن يسكن خارج موطنه الاصلي
اه والله البعد عن ارض الوطن كتير صعبة وخاصة للدايق طعمها ,انا امنيتي ارجع اعيش على ارض فلسطين بس كل شي قسمة ونصيب بالدنيا
|
رد: موضوع لمن يسكن خارج موطنه الاصلي
والله الواحد ما بيسوى شي بلا بلادو
وشكرا كتير على الموضوع الحلو هاد مع انكم فتحتو جراح |
رد: موضوع لمن يسكن خارج موطنه الاصلي
اخي العزيز ...موضوع الرجعة ع فلسطين هاد صار شي بنحلم فيه و بنتمنى انو يصير.. وانا عن نفسي بعمري مش زاير فلسطين...يا رب يسهل الامور ونقدر ندخل فلسطين ونعيش فيها...
بالنسبة لقصة الاوضاع المادية.. يمكن الامور عندكم صارت كتير صعبة بس في الفترة الاخيرة..عنا هون انا معك يمكن دخل المادي منيح بس في عنا كتير التزامات من رسوم و ايجارات و اقامات وغيرو وغيرو... يعني هيك بالصريح الي بنوخدو من هون بيروح من هون... بس بنفس الوقت انا كتير بحب البلد العايش فيها هون الامارات يعني هون خلقت وهون درست و ربيت..ما بتصدق ازا بنزل على الاردن بكون مش مصدق على الله و انا ارجع على الامارات..بس اني اعيش بفلسطين هاد شي انا بتمنى و بدعي انو يصير... اسف على الحكي الكتير... ويسلمو ايديك اخي العزيز... |
رد: موضوع لمن يسكن خارج موطنه الاصلي
مشكورة يا اختي حنين فلسطين علي مرورك الطيب
صحيح يا اختي المال مو هوا كل شي المال انا عندي اتفه شي بالدنيا بس للاسف في ناس بيبيعوا انفسهم مقابل المال وان شاء الله بترجعي لبلدك يارب |
رد: موضوع لمن يسكن خارج موطنه الاصلي
اكيد يا اختي مانورا الواحد ما بيسوي شئ بدون وطنه اكيد كلامك صحيح بس والله يا اختي في كتير في فلسطين نفسها مو مقدرين هاي النعمة وبيستهينوا بفلسطين ويتمنوا يعيشوا خارج فلسطين بس كل هاد مشان المال والفلوس
ان شاء الله بترجعي يا رب وبيرجع كل واحد يحب تراب فلسطين مشكورة علي مرورك الطيب |
رد: موضوع لمن يسكن خارج موطنه الاصلي
اكيد يا اخي شهيد كلامك صحيح المال ليس كل شئ
صحيح احنا ظروفنا صعبة كتير بس الحمد لله صابرين علي الي من الله وبنقول الحمد لله وشاكرين الله احنا الحمد لله ما بندفع ايجار بيت او للمدارس يعني هادا الشئ موفر والحمد لله اكيد انت هتحب البلد الي انت عايش فيها لانك عشت فيها طول عمرك وقد ما يكون انت هتحن لبلدك الي عشت فيها وتربيت فيها مشكور اخي علي مرورك الطيب وربنا ينولك الي في بالك ويرجعك لفلسطين الحبيبة |
رد: موضوع لمن يسكن خارج موطنه الاصلي
يلا الي ما رد بد نا نشوف ردوا
|
رد: موضوع لمن يسكن خارج موطنه الاصلي
يسلمو على موضوعك الحلو بالنسبة الي انا كتيييييييير بحب انزل على فلسطين واعد فيها بس مافكرت انو ممكن يوم حروح اعد فيها على طول صحيح رح انزل ادرس 4 سنين بس مابعرف الي بعدها شو بدو يصير فيي وبالنسبة لاهلي والي نحنا حابين نعد فيها بس الوضع مابسمح الهم وخاصة انو خلص حياة ماما وبابا تاسست هون اكتر من 25 سنة وخواني الشباب شغلهم هون شكلو ان شاء الله ومتل ما ئالت اخت لولو الوضع الاقتصادي صحيح كتير اوكي بس كلو بروح على الاقامات والاجارات والبائي الي ئالتو واخر شي عنجد تراب فلسطين مابسوا اي تراب تاني طبعا هادا بالنسبة للفلسطينيين
|
رد: موضوع لمن يسكن خارج موطنه الاصلي
صحيح نسيت ائول شي انو انا مستحيل انكر انو مابحب بلدي التاني الي هي الامارات لانو عنجد بعتبرها بلدي التاني لانو عشت فيها وتربيت واكلت من خيرها ويسلمو الك مرة تانية
|
رد: موضوع لمن يسكن خارج موطنه الاصلي
اقتباس:
صحيح اخت مايا اكيد انتم تاقلتم علي العيشة بالامارات وتربيتوا فيها وصعب انكم تيجوا تسكنوا هون علي طول كمان انتم سكنتم عمر طويل بالامارات بس بالنسبة لفلوس الاقامات والجوازت دار خالي نفس القصة كل سنة بدهم مبلغ معين يجددوا جوازات وهما ماشاء الله كتار يعني كل سنة بدهم تجديد والي يخلص تجديد السنة هاي غيره بجدد مشكورة علي مرورك |
رد: موضوع لمن يسكن خارج موطنه الاصلي
والله يا قسامي انا ما جربت الغربه
بس بقوول الله يعين كل واحد برا وطنو لانو بجد صعب كتيررر والله يرجع كل بعيد عن وطنو لوطنووو ^_* بس لو انا بحس حالي ضاايعة بغير بلدي بصراحة |
رد: موضوع لمن يسكن خارج موطنه الاصلي
اقتباس:
لو اني ابيع فلسطين مقابل الدنيا لما وجدتني هنا معك بهذا المكان الي يحمل هم فلسطين ابدي رأي واستفيد منه وياليت تيجيني فرصه اني اعيش في بلدي فلسطين وطبعا ما ارفضها ولاكن اذا واحد مستقر بغير فلسطين ويروح يعيش فيها وبهيك اوضاع بضيع فيضل انو يكون بمكانو وطبعا ما بكون ناسي فلسطين هي بالقلب وطبعا لا تقارن اصلا فلسطين بالمال سلامي لك |
رد: موضوع لمن يسكن خارج موطنه الاصلي
أخي
قبل ما أرد عموضوعك نسبة إلى فلسطين... بدي أحكي انو بالقائمة الي تسمى مجازا قائمة حقوق الانسان وولا اشي منها مطبق... في بند بيحكي انو بحق لكل فرد انو يخرج من بلدة لعمل بأي بلد ويرجع لبلده الأصلي........ أما بالنسبة لفلسطين.... أنا ما بعرف ليش كتير من الفلسطينين الي بالداخل بجردو ا الفلسطينين الي بالخارج من وطنيتهم وانتمائهم وحبهم لوطنهم فلسطين لكل فلسطيني وين ما كان بأي دولة بالعالم ... لما الله يكتبلي وأشوف فلسطين رح أطبق التالي " أن لأسكن الجبل كهفوا وغاره و ما أخلي الوطن مهما العدا غاروه" أخي إحنا خلقنا لنعمل بلدنا مو بلاد الغرب يعطيك العافية |
رد: موضوع لمن يسكن خارج موطنه الاصلي
والله يا قسامي كأنك بتحكي عن جزء من قصة حياتي
انا عشت طول حياتي بفلسطين....بس قبل سنة و نص نقلنا أو بالأحرى للأسف هاجرنا للأردن.....انا معي هوية فلسطينية من أمي بس المشكلة أبوي ما معو...معو جنسية أجنبية و كان صعب عليه حسب الشروط للجنسية الغير فلسطينية انو يسافر كل شهرين على دولة فضطرينا نيجي على الأردن لأنها قريبة على حبيبتي فلسطين انا لسا بجي و بروح على الضفة........بس بدك الصراحة عمري بحياتي ما حسيت بغلاوة حبيبتي و أمي فلسطين الا لما طلعت منها والله يا قسامي بتذكر أمي ..اسمعتها بتتفق مع أبوي على يوم السفر و بكيت غير شكل......لحد هلا كل الناس هون بيستغربو اني بحكيلهم انو بلادي ترابها أحلا من أحلا جنة بالأردن....مو لأنو الأردن سيئة لأ طبعا .. بس لأنو فلسطين بلادي أولا و أخيرا حتى لو الحالة المادية صعبة حاولو...والله فقر و قلة أكل أهون بمليوووووووون ألف مرة من توديعية البلاد على جسر الأردن........نصيحة من مجرّب و بعدها حتقولو حورية قالت الله لا يفتّح جروح يا قسامي مشكور |
| الساعة الآن 08:45 PM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas