منتديات شباب فلسطين - اب وام زهقانين وبيتفششو في ابنهم ؟؟؟

منتديات شباب فلسطين (https://shabab.ps/vb/index.php)

- الــوآحــة الـعــآمّــة (https://shabab.ps/vb/forumdisplay.php?f=4)

- - اب وام زهقانين وبيتفششو في ابنهم ؟؟؟ (https://shabab.ps/vb/showthread.php?t=2312)

اب وام زهقانين وبيتفششو في ابنهم ؟؟؟

اب وام زهقانين .. وبتفششوا في ابنهم ..
___________________________________ _____
الواحد لما بده اهله يرضوا عليه بيسمع كلامهم...
بس هما لما يكونوا زهقانين بيتفششوا فيه...

شوفوا أبو زهقان نادا على إبنه وشو عمل فيه ,,,

الأب : يا ولد
الابن :و بكل براءة) : نعم
الأب : نعامة ترفصك تعال
الابن: ليش إيش سويت؟
الأب : سواك ضرب يخلع رقبتك
الابن: إيشو فيه؟
الام : شوي يشوي عضمك رد على أبوك زي العالم المحترمة
الابن: هوة أنا حكيت شي؟
الأب : حكحكوا جنابك بالعصاية.. أوقف عدل يا حيوان
الابن: حاضر
الأم : يحضروا على قبرك.. لما أبوك يحكي إنت بتخرس
الابن: أخرس؟؟
الأب : أيوة إنشالله خرسة
الابن: ماشي
الأم : إجاك مشش بركبك ما تقوم منه
الابن : شو هاد مشش؟؟
الأب : أما إنك قليل حيا و بترد بتم إمك هات العصاية و تعال
الابن: انا رديت على إمي؟ يما احكي كلمه
الأم: موا يمويك ... حكيتلك إخرس
الابن (( غلب على امره و سكت))
الأب : أما جيل قليل حيا صحيح... إحكي ولك مالك إنخرست انشالله خرسه
الابن: شو احكي؟ إذا حكيت بتشوفوا كلامي غلط
الأب : ليش عُمي شايفنا و لا حوول؟
الابن: لا اله الا الله
الأم : الله ياخدك ويريحنا منك.. يا ريتني خلفت ابن جيرانا و لا خلفتك
الأب: انا مش عارف هادة الولد لمين طالع .. ولك وقتيش بدك تصير رجال..؟
الابن: طيب شو أعمل عشان تشوفني رجال؟
الأب : إن شالله ما تطيب.. اخرس
الابن: يا ربيييييييييي خلاص عاد ممكن أروح؟ ليش ناديتوني؟
الأم : آه صحيح انت ليش ناديت عالولد؟
الأب: بتصدقي يا مرة.... نسيت.. مش عارف... خلص إنقلع..