منتديات شباب فلسطين - الأنوثة لمن يريدها ||

منتديات شباب فلسطين (https://shabab.ps/vb/index.php)

- إيماني نبض حياتي (https://shabab.ps/vb/forumdisplay.php?f=7)

- - الأنوثة لمن يريدها || (https://shabab.ps/vb/showthread.php?t=136660)

الأنوثة لمن يريدها ||

http://files.shabab.ps/vb/images_cas...22412950Up.jpg

الأنوثة نعمة غالية..ربنا اللى إداها ليكى..

و بإيديكى تحفظيها..او تضيع من بين ايديكى..

احمدى ربك تملّى..و اشكرى نعمه عليكى..

اوعى تفتخرى بجمالك..كله زايل من عنيكى..

الانوثة مش مجرد..حبة أحمر ع الشفايف..

الأنوثة مش إنك تهوسى عقل اللى شايف..

ابعدى عن كل شبهة..دول بناتنا كتير عفايف..

الزهور بتكون جميلة طول ما لسه الشوك حاميها..

بس لو يوم شوكها سابها..ألف إيد تتمد ليها..

خلى نورك جوه قلبك و الإيمان هيكون ماليها..

خلى مكياجك إيمانك..مش باحمر ع الخدود..

طهرى دايما فى قلبك..بكرة نصبح أكل دود..

مش تعدى اى كلمة..قفلى كل السدود..

عطرى روحك بذكرك و ارضى ربك و امشى راضية..

لو فى مرة حد عاكسك..مش تردى بكلمة فاضية..

اوعى تدى فرصة ليهم..و ادى ليهم ضربة قاضية..

الانوثة مش بإنك تهوسى عقل الشباب..

الأنوثة هيا إنك تحمى نفسك م العذاب..

الأنوثة شىء و كامن جوه منك و انتى باب..

اوعى تتميعى بكلامك..او تقولى عادى دول صحاب..

تبقى تستهلى اللى يحصل..و السؤال ملهوش جواب..

اقرى فى القرآن و سيبك م الاغانى مع الصحاب..

اعرفى سنة رسولك..و البسى فرضك حجاب..

اوعى تلتفتى لكلامهم..مش ده ارحم م العذاب ؟؟

لو تقيسى الدنيا ديا..ايه هتاخدى غير تراب ؟؟

انسى مكياجك و سيبى..نور ايمانك يملى وشك..

بدلى مرايتك بقلبك..مستحيل قلبك يغشك..

كل شىء فى الدنيا لما بيداوره بيزيد جمال..

و العفاف للبنت يغلب..اى شكل و اى مال..

مش مهم الخلق ترضى..المهم هترضى ربك..

هو ايه فى الكون ده يغلب..لو إله الكون ده حبك..

هو احسن ترضى ربك..و لا ترضى الناس بحالها ؟؟

هوا ايه للبنت يشفع ؟ شكلها و لا عملها ؟

ده الجمال فى الجسم زايل..انتى شفتيه دام لمين ؟؟

و الجمال فى الروح بيفضل مهما بتعدى السنين..

سيرة البنت العفيفة..هى احسن شىء يدوم..

حبرها مكتوب بدينها..مش بمكياج او هدوم..

اوعى صوتك يعلى مرة..ده الرسول علم علوم..

انتى بإيديكى تكونى زى نور وسط الغيوم..

أحلى حياة لما تطيعى ربك..هتنسى كل الهموم..

رد: الأنوثة لمن يريدها ||

ياااا سلام يا سلام

والله اشي رووعة من الاخر

الله يهدينا ويهدي بنات المسلمين

راااق لي // يسلموو حسام

=)

رد: الأنوثة لمن يريدها ||

بصراحة هى فعلا أجمل أنوثة أى راجل يحبها والله ..

ربنا يهدينا

منور أخت ملك

رد: الأنوثة لمن يريدها ||

سلمت أناملك الرائعة أخي حسام..

شكرا لك

رد: الأنوثة لمن يريدها ||

هو يا حسام بنات اليوم فيهم أنوثة :ShababSmile225:
بنات اليوم قل وندر ما تلاقي فيهم أنوثة :ShababSmile250:
ههههههههه :ShababSmile226:

رد: الأنوثة لمن يريدها ||

والله منا عارفة مالك علينااا يؤ

رد: الأنوثة لمن يريدها ||

رائعة يا حسام ..

اشكرك

رد: الأنوثة لمن يريدها ||

حلوة جداً

الانوثة مش بإنك تهوسى عقل الشباب..

الأنوثة هيا إنك تحمى نفسك م العذاب..

الأنوثة شىء و كامن جوه منك و انتى باب..

اوعى تتميعى بكلامك..او تقولى عادى دول صحاب..

سلمت أناملك أخ حسام

رد: الأنوثة لمن يريدها ||

من اجمل ما قراااءت تسلللم :)

رد: الأنوثة لمن يريدها ||

نورتم يا جماعة

وياريت كل البنات تطبق الأنوثة ..

لأن هى دى فعلا الأنوثة الحقيقة ..اللى أى راجل بيتمناها ..