|
بدي توضيح لهالصورتين؟
السلام عليكم جميعا
هاي الصور بغزة اثناء مسيرات يوم الارض بس ليش ؟؟ http://files.shabab.ps/vb/images_cas...235243SSaD.jpg http://files.shabab.ps/vb/images_cas...235243J1e0.jpg :ShababSmile258: |
رد: بدي توضيح لهالصورتين؟
وانا كمان استغربت لما سمعت ع الاخبار انه تم قمع المظاهرات بغزة من طرف الشرطة ؟؟؟؟؟؟؟؟؟ |
رد: بدي توضيح لهالصورتين؟
:ShababSmile225:
|
رد: بدي توضيح لهالصورتين؟
:s
ليش هيك :/ ؟ |
رد: بدي توضيح لهالصورتين؟
حتى انا استغربت
|
رد: بدي توضيح لهالصورتين؟
شيء مخزي فعلا...:)
|
رد: بدي توضيح لهالصورتين؟
غَرِيب بجْد :ShababSmile235:
|
رد: بدي توضيح لهالصورتين؟
مممم تعرفو ليشششش؟
لانو الشباب بدهم يروحو عالسك(الحدود) ويطبشوا عالدبابات حجار وساعتها بموت كم واحد وبتصاوب العشرات من الشباب وبنصير نحكى ونقول الحق ع الا خلاهم يروحو عالسلك عشان هيك تم منعم من الاقتراب من الحدود وكان الاتفاق والتنسيق على كمان معين للتجمع وهو عند دوار حموده بالقرب من بلده بيت حانون ولكن هناك بعض الشباب زهبت الى معبر ايرز لتقوم برجم الحجاره على اليهود |
رد: بدي توضيح لهالصورتين؟
اقتباس:
للاسف ليس بعذر هذا مشان تعيش اجيال لازم اجيال تموت ما في اهم من الارض المقدسة وتحريرها من ايدي المغتصب اي مبادرة المفروض تدعم مش العكس والا كل واحد يضل بيته ويستنا الفرج وبعدين نقول ما حدا دعمنا وعلى قولت جيفارا إن الطريق مظلم وحالك .. فإذا لم نحترق انت وانا فمن سينير الطريق |
رد: بدي توضيح لهالصورتين؟
وانا استغربت
مش حجة هاديك :) ان شاء الله تتعدل الاحوال |
رد: بدي توضيح لهالصورتين؟
=(
يعني كلكم زي مش بس انا !! الله يحسن الاحوال يارب انا بكره العنف بكل اشكاله .. |
رد: بدي توضيح لهالصورتين؟
للحكومة في غزة رؤية مختلفة عنا جميعـآ
وبعتقد انو نيجي نحكم على شي من برا من غير ما نشوف المضمون شي غلط ! وانا عندي ثقة كاملة بـ هالشــي : ) |
رد: بدي توضيح لهالصورتين؟
انا كمان عندي ثقة كبيرة ..
بس الناس كلها بتحكي .. في وحده بعرفها عندي ع الفيس عايشه بغزة بتحكي حكي كتيير !! مرات ما بصدقها وبقولها المقاومة فوق كل شي .. بس مرات معها حق !! |
رد: بدي توضيح لهالصورتين؟
صحيح نابلسية ،
نحن بنسمع حكي كتير و عن نفسي ما بصدق شيء .. لانو نحن مش شايفين الوضع هناك كيف ، لكن ازا كان في منو هالحكي فـ الله يهديهم ! |
رد: بدي توضيح لهالصورتين؟
الحكي كتير والناس الوسخة كتير الي بتطعن في المقاومة
وكل يوم ع الطالع وع النازل بنسمع حكي الناس لكن ما بضرنا كلامهم قال تعالى " وإن تطع أكثر من في الارض يضلوك السبيل " !!! المصلحة العامة فوق كل شي ! الي نظم المسيرات حماس و طلعت المسيرات من المساجد لكن بعض الشباب اتصرفو تصرفات غلط وحاولو يجتازو اماكن محظورة كان ممكن تؤدي لشهداء وفي شغلات كتيرة ما بنقدر نحكي فيها !!! لكن الجدار الي عملتو الحكومة ومنعت تقدم الشباب هو الصح ! وفهمكم كفاية !! |
رد: بدي توضيح لهالصورتين؟
اقتباس:
مبدئيا ، يللي ايده بالميا مش زي اللي ايده بالنار ! ويللي بياكل ضرب مش زيي اللي بعدو والغاية لا تبرر الوسيلة ، وضعي أمامك كل جملة هالمقولات يللي تلغي وتفند مقولة جيفارا هدف المسيرة كان مجرد احياء للفكرة ، بث الروح فيها ، بث الحياة فيها انو نحي ماضيننا ، انو احنا اصحاب حق واصحاب ارض مغتصبة واصحاب مقدسات مغتصبة لكن تطّور المسيرة بالشكل يللي صار مرفوض ، لسبب واحد أنو مش معقول بدنا نرجع 20 سنة لورا و نروح نحرر الاقصى بحجر ! شيء مش منطقي وشيء لا يتقبله عاقل ، ف كان لازاماً وحتى لو بالقوة ، انو يتم منع المتظاهرين من تجاوز الحدود ..! وبالمناسبة ، لو حماس أو الحكومة أياً كان المسمى ، سمحت للمتظاهرين بيدخلو الحدود كان ما لا يقل عن 100 شهيد ، ووقتها كان طلعت الأصوات من كل حدب وصوت تستهبل وتستنكر سخافة الفكرة ، انو رايحين يحروو الاقصى بالحجر لكن لما الحكومة منعت تصاعد وتطور الاحداث صارت الحكومة ضد المسيرة ، ترفض كل المسيرة ، تمنع المسيرة ، تضرب كل من يشارك بالمسيرة ، تم اقتباس هاي الصور ووضعها بالواجهة .. وجعلها عنوان المسيرة الاشمل تماماً ، كمن يقرأ " ولا تقربوا الصلاة " ويسكت :) طيب ع الاقل كمل الأية ووضح المعنى الكامل ! |
رد: بدي توضيح لهالصورتين؟
طبعاً وللأسف وشيء يعني لا يُشرف حقيقة ،
انو هاي الخزعبات والتطبيل والتزمير ينطلي عن ناس الأصل تكون ثقتهم بالحكومة وحركة حماس اكبر ! ونصير نجري مع التيار لا فاهمين راسنا من رجلينا ويا حرام ضربو المتظاهرين ، ولب لب لب .. :: شوي نضوج فكري ، نأمل :) |
رد: بدي توضيح لهالصورتين؟
بعدين يا نابلسية ، مش ازا في وحدة ع الفيس بتحكي خلص كلامها قران هههههه
عادي جداً ، في ناس مسيسة تحكي وتبرم وتقتبس وتشخص الصورة بالشكل يللي يفوع الشعب ضد الحكومة وضد حماس ! وطالما انك مش بغزة جعرافياً ، تقريباً الصورة الكاملة لن تتضح لالك لهيك باعتقادي الاحرى فيك ما تجعلي منها مصدر موثوق للاخبار :) |
رد: بدي توضيح لهالصورتين؟
خـآلص تحيـآتي لابومـآلكـ وخـآصــآتو
^_^ |
رد: بدي توضيح لهالصورتين؟
يسلم تمّك أخي شهيد،..
كفّيت ووفيت =) |
رد: بدي توضيح لهالصورتين؟
انا كتبت انو ما بوافقها بكل اللي بتحكي ..
وطبعا انا مش طفلة كلمة تجيبني وكلمة توديني لانو كل العالم شاف كيف كانت المقاومة وقت حرب غزة وكيف بفضلها تم تحرير الأسرى .. والحكي اللي بتحكوه تمام 100% وما عارضت .. انا ما حطيت الصور الا عشان فعلا اعرف شو السبب وهيني عرفت وخلصنا .. شكرا لردودكم .. |
رد: بدي توضيح لهالصورتين؟
عفكرة ::
من سنة تقريبا جارتنا رجعت من غزة .. بتقولنا انو الحمد لله الوضع تماام بس لو تبعون حماس ما ياخدو الفتحاوية ويعاملوهم هالمعامله .. لانو ناس بتطلع مقطعه ايديها ورجليها والمخلوقه حكيها ثقة مع انو عنا بالضفة باخدو تبعون حماس وبعزبوهم اشد انواع التعذيب .. والله اشي بشيب الراس .. بس ما بنرد الاساءة بالاسوء عكلن .. الكمال لله .. وحماس عالعين والراس .. هي الحكي اللي كان نفسي احكيه |
رد: بدي توضيح لهالصورتين؟
اقتباس:
يا أختي العزيزة ، في جنود مجندين ليل نهار للكيد لحماس والحكومة تماماً كما في الآية " الذين كفروا ينفقون أموالهم ليصدوا عن سبيل الله .. " وبالتالي ، أي فرصة أي وسيلة أي سبيل للكيد للطعن للتشهير للتنكيل بحماس والحكومة لا يدعونها تمر مر الكرام ، بكل السبل بيحاولو يشوهو صورة حماس المهم ، عودة لكلامك .. الواقع يقول التالي وهو ليس من تحليلي ولا تأويلي ، بل الجرائد تضج بهذه الأخبار ، أنو بيكون في واحد من تجار الحشيش ، المخدرات ، الترامال ، المنشطات الجنسية أو واحد فاتح بيتو اعزكم الله لنشر الرذيلة بيتجي الحكومة في غزة وبتحطها في السجن ، طبعا ولا أدنى شك بياكل ضرب لو توزع ع 20 واحد بخلص عليهم هههههه وقتها ، بتتحرك شياطين الانس ، الاعلام الفتحاوي ، أو بالأحرى " الاعلام الصهيوفتحاوي " وبصير هادا الحشيش تبع المخدرات والاترمال قائد كتائب شهداء الاقصى في اقليم غرب غزة كيف قلب بين ليلة وضحها لقائد مانتي عارفة ! وعد ساعتها بتوزع هالخبر وبنتشر ويا مسهلها هادي بحكي وهادي بحكي والمشكلة لا احد يمتلك دليل ، ما في حدا شاف بعينو ، ما ثوابت انو هالشخص يللي انضرب وتكسر هو مناضل مش تاجر مخدرات .. اللهم هادا بيسمع من هادا وبعيد ، وهادا بسمع وبعيد وهكذا لحد ما تلاقي انتشرت الفكرة انو حماس بتضرب ابناء فتح ! وإن كنت لا أجزم انو في نسبة من الخطأ ، ع اساس انو احنا بشر والحكومة بشر والامن بشر وحدوث الخطأ شيء متوقع ووارد جداً ، لكن فرق بين خطأ بنية مبيتة وخطأ بنية الاصلاح ! الجمع بين ما بصير بغزة واللي بيصير بالضفة احجاااااااااااف و طمس للحقيقة بالضفة باختصار شديد ، حرب على المقاومة ! |
رد: بدي توضيح لهالصورتين؟
اها .. شكرا عالتوضيح شهيد
الله يكون بعونكم يارب وينصركم على من عاداكم .. طبعا لايقارن مايحدث في الضفه مع اللي بغزة بس امبارح حطو بعينهم وكان هناك فرق 3 مقااعد بس بين الشبيبة وحماس .. وهاد نصر كبير لحماس ودليل ع نسبتها الكبيرة في الضفة =) |
| الساعة الآن 09:43 PM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas