|
« لـــيــآل » ضـيـف { لَـيالِي شـبابُ فـلسطِيـن و ثـرثـرةٌ حُـرة ~
{ صــبــآح || مـسـآء الـخ ــيــر ~ نـع ــود إلـيـكـم مـن ج ـديـد .. و مــع ضــيــف ج ــديــد :] فـرحـبـوآ مـعـي بــ { لـــيـــآل } http://rooosana.ps/Down.php?d=i20g بـع ـد الضيآفة أجيبي عن الأسئلة التالية ~ - كيفَ كان حالُكَ قبلَ دقائِق ؟ - مَا هُو شُعُورُكَ حينَ تتَجولُ فِي رئِيسيةِ شَبابِ فلسطِين وَ أقسَامِها ؟ - [ لـــيـــآل ] فِي أَسطُر ؟ - حِكمَة ، مَوعِظة، أو بيتُ شِعر، تنطَبِق على شخصِك ، تُطبِقهَا فِي حَيَاتِك أو تُحبُ تردِيدها ؟ - طُـمُوحاتُك و آهدافُكَ بينَ الحاضِر و المُستقبلْ .. حدثينَا عنهَا ؟ - لا بُد و أن لكَ هِواية ..دعنَا نستكشِفها معكْ ؟ - شَخصٌ أو جِهةٌ تخطُر فِي بالِكَ بِأولِ الفرَح و آخِر الحُزن ؟ - هلْ تنَاولتَ وَجبةَ إِفطاركَ وحيداً اليومْ ؟ أ مُعتاد عليها أم هِي حالَة طارِئة ؟ - مَا الذِي يدعُو حاجِبيْكَ للتقطِيبِ و العبس فجأة ؟ - متَى تغارُ بِشدةٍ وَ تُثيرُ القلقَ كفُوهة بُركان ؟ - نـمُرُ جَميعاً بِمواقف مُحزنة آومُفرحة آو مُضحكة ،، حدثـنَا عـنْ موقِف مرَ معـك ؟ - الموت ،، الحياة ،، النعيم ،، الجحيم ،، الوداع ،، اللقاء ،، الصداقة ،، الخيانة .. ماذا تعني لَكْ ؟ - رُوح في شَباب فلسطين .. تُصغِي إليها باجتهاد و اهتمام .. تطلُب مِن حروفِها المزيد و المزيد .. من يكون / تكون ؟ - تَوقيع عُضو من آعضاءِ شَباب فلسطين أعجبَكْ ؟ - مِصباحُ عَلاءِ الدين بين يديَكْ .. إِمسح سطحَه و ابتسم .. و تمنَ شيئاً ؟ - لديكَ ثلاثة كلمـآت وجههـآ لمَنْ شِئتَ مِنْ الآعضَاء ؟ يُسمح لمن لديه سؤال بالسؤال .. لكن حين تنتهي من اجابة هذه الأسئلة ~ |
رد: « لـــيــآل » ضـيـف { لَـيالِي شـبابُ فـلسطِيـن و ثـرثـرةٌ حُـرة ~
|
رد: « لـــيــآل » ضـيـف { لَـيالِي شـبابُ فـلسطِيـن و ثـرثـرةٌ حُـرة ~
انطلقي يا محروسة :ddd
|
رد: « لـــيــآل » ضـيـف { لَـيالِي شـبابُ فـلسطِيـن و ثـرثـرةٌ حُـرة ~
بالانتظار ^_^
|
رد: « لـــيــآل » ضـيـف { لَـيالِي شـبابُ فـلسطِيـن و ثـرثـرةٌ حُـرة ~
اختيـآر موفق ،
بانتظآرك ليـآل ، :))) |
رد: « لـــيــآل » ضـيـف { لَـيالِي شـبابُ فـلسطِيـن و ثـرثـرةٌ حُـرة ~
بانتظآرك ليـآل =) . .
|
رد: « لـــيــآل » ضـيـف { لَـيالِي شـبابُ فـلسطِيـن و ثـرثـرةٌ حُـرة ~
:ShababSmile109:
سعادتي غامرة بهالإستضافة وبصراحه مفتقدة جداً لإستضافات شباب فلسطين السخية وما بخبي عليكم إنو أروع ما بالموضوع الضيافة فديتها مها عارفة نقطة ضعفي :ShababSmile226: بتشكركم بشدة راجعه :$ |
رد: « لـــيــآل » ضـيـف { لَـيالِي شـبابُ فـلسطِيـن و ثـرثـرةٌ حُـرة ~
- كيفَ كان حالُكَ قبلَ دقائِق ؟
شكراً لأنكم سألتوني عن حالي ،،، مو كتار بحياتي الي بعملوها مزاجي ونفسيتي إجمالاً هالفترة متل مؤشر البورصه شوي فوق وشوي تحت لكن دائماً الحمد لله... وبكثرة - مَا هُو شُعُورُكَ حينَ تتَجولُ فِي رئِيسيةِ شَبابِ فلسطِين وَ أقسَامِها ؟ شباب فلسطين شيء مابيمس الذوق أو الحاله أو حتى الميول شباب فلسطين شيء مرتبط بعاطفتي،، وشكل ولا زال بيشكل جزء كبير من ذكرياتي برتاح كتير هون ،، وبحس اني عم بعيش حياه كامله بعصب وبفرح وببكي وبرتاح وبشتاق وبتوجع وبنقهر وبحلم .... أنا كتير إنولدت من جديد على إيد هالمكان :] يمكن تفكروني ببالغ ~ لكن هي الحقيقة دايما بتكون مره أو صادمة :ShababSmile224: - [ لـــيـــآل ] فِي أَسطُر ؟ بيكفيني أكون ليال الي بتشوفوها بعيونكم بدون ما أوصف نفسي و أهديكم عيوبي - حِكمَة ، مَوعِظة، أو بيتُ شِعر، تنطَبِق على شخصِك ، تُطبِقهَا فِي حَيَاتِك أو تُحبُ تردِيدها ؟ [كل شيء بقضاء ،، مابأيدينا خلقنا تعساء] - طُـمُوحاتُك و آهدافُكَ بينَ الحاضِر و المُستقبلْ .. حدثينَا عنهَا ؟ بالحاضر // عندي إلتزامات وتحديات كتير بهالفترة سواء على الصعيد المادي او المهني او حتى النفسي وبتمنى يسعفني الوقت لتحقيقها وتجاوزها بالمستقبل // بالمستقبل عندي أحلام كتير كبيرة .. أول شي أبني مسجد يكون وقف لروح بابا الله يرحمو وأمتلك بيت خاص فيني - أكمل تعليمي الأكاديمي - أسافر على مكان دايماً بحلم فيه - وأساعد خالي في تدريس ولادو وبالأخص ابنو حمودي وأقدر اساعد إخواني بكل شي بئدر عليه حتى يكونوا مبسوطين ... والقائمة تطول :) - لا بُد و أن لكَ هِواية ..دعنَا نستكشِفها معكْ ؟ بحب الرسم والقراءة والتأمل ~ زمان كتير كنت اعزف جيتار بس هلأ ناسي كل شي تماما وإجمالاً ماعم بمارس هوايات ئد ماعم ضيع وقت بالخربشه والكتابة :ShababSmile256: - شَخصٌ أو جِهةٌ تخطُر فِي بالِكَ بِأولِ الفرَح و آخِر الحُزن ؟ أحكيلكم سر :ShababSmile233: إكتشفت إنو أنا حدا نكد كتير ... ومعو كباية نصها مليان ونصها فاضي وبالنادر لما يفكر يطلع بالنص المليان أنا لما بحزن أو بفرح فوراً بفتقد بابا الله يرحمو :ShababSmile223: وما بعود أشوف إلا انو انا محرومه منو - هلْ تنَاولتَ وَجبةَ إِفطاركَ وحيداً اليومْ ؟ أ مُعتاد عليها أم هِي حالَة طارِئة ؟ مافطرت اليوم ،، بس شربت قهوة .. على مكتبي ولحالي بس اغلب الأحيان بفطر شي خفيف متل الكوكيز بس اليوم إشتريت بوزة واكلتها ئبل ما ابلش اجاوب ،،، مشان المصداقية :ShababSmile222: - مَا الذِي يدعُو حاجِبيْكَ للتقطِيبِ و العبس فجأة ؟ لما أحس إنو كل المبادئ والقناعات الي تربيت عليها ومؤمنه فيها مالها درب للتطبيق بالحياة أو انها مستنكره من قبل الآخرين لما أشوف الظلم والعوج هو السائد والمقبول والمستساغ لما احس انو كل شي حوالي غلط وانا لحالي صح ... بالتالي بيتحتم علي اكون جزء من هالغلط هالشي ممكن يدخلني بحاله تعاسة لا متناهية :ShababSmile256: - متَى تغارُ بِشدةٍ وَ تُثيرُ القلقَ كفُوهة بُركان ؟ الحمد لله ... الشي الوحيد الي بقدر اسيطر عليه واحدد وجهتو هي غيرتي ~ وازا حتكون غيرتي متل البركان وتثير القلق حتكون على ما حتكون من !!:ShababSmile109: رآجعة :) |
رد: « لـــيــآل » ضـيـف { لَـيالِي شـبابُ فـلسطِيـن و ثـرثـرةٌ حُـرة ~
عدنــــآ
:: نـمُرُ جَميعاً بِمواقف مُحزنة آومُفرحة آو مُضحكة ،، حدثـنَا عـنْ موقِف مرَ معـك ؟ المواقف بأنواعها كتير .. مش م يخطرلي شي هلأ بس أتزكر برجع بحكيلكم - الموت ،، الحياة ،، النعيم ،، الجحيم ،، الوداع ،، اللقاء ،، الصداقة ،، الخيانة .. ماذا تعني لَكْ ؟ الموت : معنى الوجع الحقيقي ،، طريق طويل ،، طريق للراحلين فقط لا يتسع لأكثر من شخص ولا مانع ان يحمل الكثير من الحقائب المحملة بأوجاع الباقيين . [الموت لا يوجع الموتى , الموت يوجع الاحياء ] قالها محمود درويش .. وكم صدق !! الحياة : رحلة تمل ولا تمل ،، تعشق وتكره ،، وتغزو قلوبنا بالتضاد ،، وكا أن ندرك حقيقتها حتى نكون قد تلوثنا بوحلها .. نسأل الله أن يملأ صرة الزاد بالتقوى . النعيم : ذلك الحلم الذي نعانقة في السجود .. المطل من كبد السماء . الجحيم : كلما حولنا .. وإن كان ملوناً . الوداع : ضيف ثقيل ،، زائر لا يعرف آداب الإستئذان ولا فن إيصال الأخبار،، ألم يلهم الأيد أن تستجدي الشلل حتى لاتلوح وتأذن بالرحيل ،، صدمة تلقمنا الخرس وقد نصاب جرائها باتأتأه مدى الحياة فلا نجيد من النطق سوى أسمائهم وعلامات الإستفهام ! اللقاء : نهاية سعيدة لحكايات لم تكتمل بعد .. فكل الجمال هو فصل لرواية لم يسدل ستارها . الصداقة : كنز وروعة أجهل كنتها . الخيانة : ليست شي للوصف ،، لا ترى ولا تسمع بل تستنشق رائحتها النتنة التي لا يغسلها إلى نشوة الإنتقام . - رُوح في شَباب فلسطين .. تُصغِي إليها باجتهاد و اهتمام .. تطلُب مِن حروفِها المزيد و المزيد .. من يكون / تكون ؟ ليست روح .. بل هي أرواح أذكر منها // ماهيناز - ليمار - شهيد-حفيظ - ام الوليد- إياد ~ أشتاقكم بحق وحالياً // المهندس - براءة - بيلسان - أحمد ~ أقلام تستحق تتبع خطاها ... كوكبة تزف في كبد السماء وحري بنا ان نباهي بها النجوم - تَوقيع عُضو من آعضاءِ شَباب فلسطين أعجبَكْ ؟ ما إنتبهت بصراحه ،، في كتير تواقيع بتعجبني بس مش متزكرة بس حالياً توقيعي هو أحلى شي :ShababSmile226: - مِصباحُ عَلاءِ الدين بين يديَكْ .. إِمسح سطحَه و ابتسم .. و تمنَ شيئاً ؟ مابحب هالنوع من الأسئلة ~ بتخليني احلم كتير لحد ما أخبط بالواقع لو فيني بتمنى يتوقف النزف الدموي في كل الوطن العربي وتتكلل كل ثوراتنا بالنجاح وتحصل كل الشعوب على حريتها ونتحرر من الظلم والطغيان تعبنا من شوفة الدم بكل مكان ،، كل الوطن بيبكي ،، ووين مالواحد يدير عيونو بيشوف وجع وألم طفل يتيم / شاب مقهور / ام ثكلى / شيخ متحسر ~ رحمتك بعبادك يا لطيف - لديكَ ثلاثة كلمـآت وجههـآ لمَنْ شِئتَ مِنْ الآعضَاء ؟ مش كلمات هي جمل :ShababSmile109: لإلك ،، يلي حتشوف هالكلمتين ~ - دير بالك عحالك . - لاتنسى آية الكرسي دايماً . - كون انت - انت بكل مافيك - لأنك أجمل من أي أحد بتحاول تكون بتشبهه :: وشكراً لألكم على الإستضافة الرائعة هالباقة لكل من يمر على صفحتي المتواضعة ~ :ShababSmile116: http://t0.gstatic.com/images?q=tbn:A...i_ixM7v5EXPDH- |
رد: « لـــيــآل » ضـيـف { لَـيالِي شـبابُ فـلسطِيـن و ثـرثـرةٌ حُـرة ~
أهلا أخت ليال ..
عمرك ؟؟ مدينتك ؟؟ كليتك ؟؟ شو أكتر داعية تحبى تستمعى ليه ؟؟ واكتر قارئ قرآن كريم ؟؟ ليش دايما حزينة .. " كن جميلا ترى الوجود جميلا " ؟؟ مواصفات زوج المستقبل ؟؟ ايه اللى استفدتيه من حياتك لحد دلوقتى .. ولو كان لقصة حياتك عنوان فى كلمتين .. تختارى ايش ؟؟ التواصل بين الشباب العربى .. إيش رأيك فيه ؟؟ راجع إن شاء الله |
رد: « لـــيــآل » ضـيـف { لَـيالِي شـبابُ فـلسطِيـن و ثـرثـرةٌ حُـرة ~
أهلا أخت ليال ..
أهلا بيك خيو حسام .. يارب تكون بخير عمرك ؟؟ ليكو عاليمين :ShababSmile221: عفكرة أنا من الإناث القلائل إلي ما بيتحسسو من مسأله العمر :ShababSmile224: عمري 24 سنة مدينتك ؟؟ أنا من مدينة المجدل - عسقلان ~ مدينة الشيخ الحبيب أحمد ياسين :ShababSmile109: كليتك ؟؟ بكالريوس تجارة دولية ^^ شو أكتر داعية تحبى تستمعى ليه ؟؟ واكتر قارئ قرآن كريم ؟؟ داعية : عمر خالد - محمد العريفي - خالد الجندي - محمد حسان - نبي العوضي - وختاماً عمر عبد الكافي مقرئ : عبد الرحمن السديس - عبد الله جابر - ماهر المعيقلي - فارس عباد ليش دايما حزينة .. " كن جميلا ترى الوجود جميلا " ؟؟ مابعرف ^^ برأيك هل موت الأحبة سبب كافي لنضل محزونين طول العمر ؟؟ أو انو انا ضعيفة جداً ؟؟ مواصفات زوج المستقبل ؟؟ مهم يكون إنسان خلوق ومشهود إلو بهالشي مؤدب وبيعرف يحترمني ويقدرني ويحتويني بكل حالاتي ضروري جداً يكون متعلم ومثقف مش ضروري يجي على فرس أبيض ممكن يجي على فرس أسود عادي ،، و حتى بسيارة أو باتيناج :ShababSmile221: المهم يكون فارس بجد وإزا بدي أزودها بحكيلك : يكون صوتو واطي - مابدخن - ووسيم عل الأقل بعيني -دمو خفيف - ومابيحكي لأ بدون سبب ومبرر مقنع ..... إلخ:ShababSmile222: وإن إجيت للحق هو هداك الرجال الي مالو وجود بالحياة ^^ ايه اللى استفدتيه من حياتك لحد دلوقتى .. ولو كان لقصة حياتك عنوان فى كلمتين .. تختارى ايش ؟؟ مش راح اكون مثالية وأحكيلك استفدت وإستفدت ....إلخ لكن ياحسام كل مالإنسان بيحتك بالناس أكتر وبيتعامل معهم وبينعجن بالمجتمع بيتعلم دروس كتير كل مايقرأ أكتر ويسمع أكتر بيستفيد من خبرات وتجارب هو ماعاصرها لكن ممكن تنفعوا :: حياتي إزا كان إلها عنوان مش راح يكون عنوان جذاب وملفت لكن حيكون بين الدفة فتاة إزدواجية سادية متلونة ومليانة تجارب وافكار ومشاعر ومن المغامرة إنك تقرأها :ShababSmile224: التواصل بين الشباب العربى .. إيش رأيك فيه ؟؟ بوجود مواقع التواصل الإجتماعي بظن انو تعزز التواصل لكن العيب مش في التواصل .. العيب في المتواصلين متحيزين ومنغلقين على ثقافة أنفسهم وكأنهم في منافسه او سباق وكل واحد بدو يثبت انو هو صاحب الأفضلية محتاجين ثقافة أكبر .. وكيفية في إدارة نقاش .. وترك للتحيز الجاهلي ... وتقبل الآخر راجع إن شاء الله مبسوطة بوجودك خيو حسام وبإنتظـــآرك |
رد: « لـــيــآل » ضـيـف { لَـيالِي شـبابُ فـلسطِيـن و ثـرثـرةٌ حُـرة ~
اقتباس:
ايوا انا خليت الضيافة بوظة لأني بعرفك بتحبيها كتيييير :ShababSmile226: منورانا حبيبتي ~ وأجوبتك حلوة وممتعة :] |
رد: « لـــيــآل » ضـيـف { لَـيالِي شـبابُ فـلسطِيـن و ثـرثـرةٌ حُـرة ~
منـورة للوش ^^
اممم اسئلتي حتكون خفيفة .. ما الي ع الاسئلة التئيلة هع * اي نوع ايسكريم بتحبي اكتر شي :ShababSmile221: * الك ع المطبخ ؟ ازا آهـ، شو اكتر شي بتحبي تطبخيهـ ؟ * بتشتغلي صح ؟ :ShababSmile250: شو طبيعة شغلك ، احكيلنا عنو ،، * اكتر حدا ئريب منك ؟ * كم ااخ و اخت عندك ، وكيف علائتك معهم .. انتي اكبر شي ؟ * كيف الشتا معك ، بتحبي المطر اكتر ولا الجو النآشف ؟ * اشي بالمنتدى كـآن موجود و بتتمني يرجع ؟ "كموضوع او فعالية" * من بناآت المنتدى مين الائرب الك ^^ * وصلك اي اخبار عن ليمار :ShababSmile111: ؟ * بتستخدمي الفيس بوك ؟ اممم راجعة :ShababSmile250: |
رد: « لـــيــآل » ضـيـف { لَـيالِي شـبابُ فـلسطِيـن و ثـرثـرةٌ حُـرة ~
هي اسئلتي حتكون أول شي اسئلة بتخص المنتدى :]
- أعضاء إشتقتيلهم ونفسك يرجعوا ع المنتدى ؟ - مين من أعضاء المنتدى بتعرفيه شخصياً ؟ - لو طلبو منك تغيري اسمك هاد لشو بتغيري ؟ - كم صرلك مشتركه بالمنتدى ؟ - مين اول شخص تعرفتي عليه هون ؟ و ع مين كمان نفسك تتعرفي ؟ احكيلي رأيك بهدول الأعضاء ~ - اسراء الفلسطينية - براءة - مرام - شهيد - ايمان - جورية القسام - قطعة حلا - كلارا - ابو مجاهد - وطن - محمود - اسد - المهندس - صوفي - حسام المصري - دموع الغربة واشواق العودة - حلا الروح - شموخ انسان لو صحلك فرصة تقابلي حد من المنتدى مين حابة يكون ؟ برأيك شو هو سبب الجمود والخمول الي أصاب المنتدى ؟ بتتمني ترجعي مشرفة ؟ { ليال } قلم ذهبي مبدع .. هاللقب لما تقرأيه بشو بتحسي ؟ هل بيعطكي دافع للأمام ؟! |
رد: « لـــيــآل » ضـيـف { لَـيالِي شـبابُ فـلسطِيـن و ثـرثـرةٌ حُـرة ~
اسئلة عامة :]
- شو هي أكلتك المفضّلة ؟ لونك المفضّل ؟ - امتى اخر مره بكيتي ؟ وليش ؟ - عندك 3 امنيات رح يتحققو , شو رح تطلبي ؟ - شو اكتر اشي بتحبي تعمليه ؟ - شو احلى هديه اجتك ؟ ومن مين ؟ - الصداقة بالنسبة الك ؟ - صداقة الانترنت هل ينوثق بها ؟ حاليا بس هدول .. لو خطرلي شي جديد راجعة :] |
رد: « لـــيــآل » ضـيـف { لَـيالِي شـبابُ فـلسطِيـن و ثـرثـرةٌ حُـرة ~
اقتباس:
هادا من زوئك والله :ShababSmile109: |
رد: « لـــيــآل » ضـيـف { لَـيالِي شـبابُ فـلسطِيـن و ثـرثـرةٌ حُـرة ~
السلام عليكم ورحمة الله وبركاته
سؤال واحد بدي اكون خفيف بلاش اسير نحيف ما موقف المسلمين في هذه الايام من الاسلام؟أو نظرتهم للاسلام؟ |
رد: « لـــيــآل » ضـيـف { لَـيالِي شـبابُ فـلسطِيـن و ثـرثـرةٌ حُـرة ~
اخت ليال إجاباتك .. زى ما بتحكوا .. خلتنى فرطت من الضحك .. ^^
ما فهمت صراحة تخصصك فى الكلية .. تجارة دولية .. يعنى المفروض الى بيتخرج منها بيشتغل ايش ؟؟ ^^ محاسب دولى .. ^^ قصة حياتك .. نوع المغامرات ايش ؟؟ أنا بشوف أن فراق أحد الأحبة ده .. الحياة متتوقفش بعده أو تصير حزينة .. لأن ده ابتلاء من ربنا والمفروض الواحد يشكر ربنا .. وربنا هيرزقه السعادة .. هو شعور صعب جدا أن يتوفى والدك .. ولكن اجعلى ذكى وفاة والدك .. دافع إيجابى لكى لسعادتك .. تذكرى أعماله الحسنة تذكرى مواقفه الجميلة معك .. ستبتسمى تلقائيا .. بالنسبة لزوج المستقبل واضح انك عايزة فارس وخلاص .. ^^ مو بتفرق .. :) عايزة أتجوز .. رواية ومسلسل اتعملوا .. شايفة فعلا المجتمع كده زى ما صورت الرواية وأن البنات كل همها الزواج ؟؟ كلام الناس .... اللى مش بيخلص فى كل شئ .. إزاى بتتعاملى معه ؟؟ احكيلنا .. موقف محرج حصلك .. وموقف مضحك ؟؟ وأنتى صغيرة كان نفسك تصيرى ايش .. ولما صرتى دلوقتى .. راضية ^^ ؟؟ |
رد: « لـــيــآل » ضـيـف { لَـيالِي شـبابُ فـلسطِيـن و ثـرثـرةٌ حُـرة ~
منورة الاستضافة حبيبتي
ماعنديش اسئلة بزآف :) - رايك بالربيع العربي؟ وهل يمكن نسموه ربيع؟ - وش كان حلم او احلآم طفولتك وهل حقيقتي جزء منها او لا؟ - نعرفوآ كلنا انو ليال = القلم المبدع : - اول مرة جربتي تكتبي فيها شيء ،متى؟ ومآهو الموضوع؟ - وماهو او من هو دآفعك للكتآبة؟ - اخيرآ رايك في نسمة جزآئرية :) |
رد: « لـــيــآل » ضـيـف { لَـيالِي شـبابُ فـلسطِيـن و ثـرثـرةٌ حُـرة ~
كتيـرْ إختيـآرْ مـوفَّق ^^..
ورح ننبسطْ بـ وُجودكْ كتيرْ .. أهلين ليـآل ^^ .. في كم سؤآل خفـآف نضـآفْ .. حبيبتي إنتِ جدْ روعة بـ كُل إشي ..بس ليش حزينةِ ؟..يعني والله مش معقول البني آدم يضل طول عمرو حزين وكئيب ..عشـآنْ شغلةِ صـآرتْ زمـآنْ ..بدي أشوفكْ مبسوطة ^^ وتـآني إشي إنتِ عندكْ أصْـدقـآءْ خـآرج عـآلم النت والمنتديـآتْ والفيس بوكْ ..في إلكْ رفقة ؟ .. لسـآ مخبيـآلكْ كومةِ أسئلةِ ..^^ ردي ع هدول وبرجعلكْ ..^^ |
رد: « لـــيــآل » ضـيـف { لَـيالِي شـبابُ فـلسطِيـن و ثـرثـرةٌ حُـرة ~
منـورة للوش ^^
نورك مراري ياغالية اممم اسئلتي حتكون خفيفة .. ما الي ع الاسئلة التئيلة هع أهلا فيكي يابطة شو ما سألتي ~ * اي نوع ايسكريم بتحبي اكتر شي :ShababSmile221: هههههههههههه هلأ بالعادة الإنسان بحب كل الفواكة إلا نوع معين وبحب كل الاكلات الا اكله معينة وهكزا اما انا بحب البوزة بكل أنواعها ونكهاتها وطقوسها لدرجه اني مستعدة اكل بوزة بنكهه البندورة الي مابحبها ابداً :ShababSmile237: هلأ في الآيس يلي بيكون بعمود وعليه شوولاتة قاسية من فوئ هادا مو كتير بحبو .. بس ازا مافيه غيرو مابحكي لأ:ShababSmile250: * الك ع المطبخ ؟ ازا آهـ، شو اكتر شي بتحبي تطبخيهـ ؟ لأ .. مو كتير بصراحة :ShababSmile250: بس بعرف اعمل بعض الأشياءيلي بتخص المكرونة او البطاطا وبعض الحلويات :$ * بتشتغلي صح ؟ :ShababSmile250: شو طبيعة شغلك ، احكيلنا عنو ،، آه الحمد لله شغلي مالو علاقة مباشرة بالشي يلي درستو بشتغل Data Entery بشركة على نظام الـ SAP إزا سمعتي عنو الحمد لله شغلي منيح بس مش ممتع ومابنمي المهارة يعني بتوصلي لمرحلة بتحسي انك خلص غطيتي كل جوانب هالشغل ومافي شي جديد حينضاف الك * اكتر حدا ئريب منك ؟ بكل بساطة ... مافيه :] * كم ااخ و اخت عندك ، وكيف علائتك معهم .. انتي اكبر شي ؟ ماعندي اخوات بنات ،، و4 إخوة الله يخليلي ياهم انا رقم 2 الحمد لله كتير صحبة انا واخواني وبحبوني وبيدللوني كتير وانا بسمع كلامهم يعني بدهم بوشار بعملهم - بدم قميص ينكوى - بدهم سلف - أداري عنهم ئدام ماما انتي أدرى عاد :ShababSmile226: احترام بيناتنا ولله الحمد ومافي غنى طبعاً عن الخنائ والمجاكرة * كيف الشتا معك ، بتحبي المطر اكتر ولا الجو النآشف ؟ بحب الشتا كتير ~ مع انو مرتبط بزكريات مش ولا بد بس الحر بيخليني منرفزة ومعصبة ومش طايئه حالي :ShababSmile108: عكس الشتا بكون هادية ورايئة || مع نو هو يادوب بيمر علينا فصل متنكر بالشتا كأنو بخلان علينا وبيراجع حالو يشتي ولا لأ وهالسنة يالطيف السما عنا ما نئطت ولا نئطة :ShababSmile111: * اشي بالمنتدى كـآن موجود و بتتمني يرجع ؟ "كموضوع او فعالية" مش موضوع ولا فعالية ~ بتمنى ترجع فترة . الفترة الي انا سجلت فيها // بتصور هديك الأيام هي احلى ايام المنتدى نشاط+ مواضيع مميزة + وأعضاء رائعين بتصور هديك الفترة هي العصر الذهبي اكيد كل الأعضاء خير وبركة وكل فترة الها متعتها الخاصة .. بس بتصور ديك احلى فترة 2008 كمان بتزر السنة يلي كمت فيها مشرفة على موضوع حفظ سورة مريم برمضان كان شهر رمضان فيها ممتع ومليان فعاليات ممتعة ومفيدة * من بناآت المنتدى مين الائرب الك ^^ كلهم حبيباتي وئراب لئلبي ~ من زمان صار التواصل بينا قليل لهيك صار فية متل فتور بعلاقتي معهم بس بحنلهم وبحبهم كتير :ShababSmile109: * وصلك اي اخبار عن ليمار :ShababSmile111: ؟ أبداً :ShababSmile111: * بتستخدمي الفيس بوك ؟ لأ .. بس فكرة قيد الدراسة رغم انو مابيقنعني أبداً :ShababSmile235: اممم راجعة نورتي ياغالية مبسوطة بطلتك وعن جد اسئلتك خفيفة واتسليت فيها بإنتظار رجعتك :ShababSmile109: |
رد: « لـــيــآل » ضـيـف { لَـيالِي شـبابُ فـلسطِيـن و ثـرثـرةٌ حُـرة ~
بتشكر كل من تواجد وسأل ورحب
ممنونة لوجودكم الرائع إلي رجعة إن شاء الله :) |
رد: « لـــيــآل » ضـيـف { لَـيالِي شـبابُ فـلسطِيـن و ثـرثـرةٌ حُـرة ~
~
استضافتك كتير حلوة للووش .. متاابعة بصمت :) |
رد: « لـــيــآل » ضـيـف { لَـيالِي شـبابُ فـلسطِيـن و ثـرثـرةٌ حُـرة ~
اقتباس:
كان ما صرلي بالمنتدى شهر وقتها .. واندمجت معكم كتيييير لحظتها كنا أنا واياكي وامتزاج وأمجد وماهيناز على ما أظن وغيرهم بنفس المجموعة جد جد بحن كتييييييير لهديك الأيام ~ كل فترة بفوت بقرأ الموضوع من أولو لأخرو حبيبتي مس ليال <3 :] |
رد: « لـــيــآل » ضـيـف { لَـيالِي شـبابُ فـلسطِيـن و ثـرثـرةٌ حُـرة ~
اقتباس:
وكان معنا كمان نابلسية وآرابيان بجد من المواضيع الي كل فترة بعملوا تحديث بزاكرتي أحلى طالبة والله :ShababSmile109: |
رد: « لـــيــآل » ضـيـف { لَـيالِي شـبابُ فـلسطِيـن و ثـرثـرةٌ حُـرة ~
هي اسئلتي حتكون أول شي اسئلة بتخص المنتدى :]
:ShababSmile229: - أعضاء إشتقتيلهم ونفسك يرجعوا ع المنتدى ؟ كتآآآآآر [ ليمار - سناء - ندوش - الحلوة- أجمل إحساس - ماهيناز - انتهينا - سويت سول وورم هارت - عجينة -نانا - روان-عين فلسطين - دودو - توين وفراشه - صدى الحب ودموع الحنين وجارة الوادي -لوليتا - أمل - عيون الوجد - امتزاج - أسمراني- إياد - فارس الوطن - ابو يقين - رعد - امجد- ياسين ] وغيرهم كتير والله :( :ShababSmile111: - مين من أعضاء المنتدى بتعرفيه شخصياً ؟ سناء وندى شفتهم عالطبيعة وكان لقاء حلو :$:ShababSmile229: - لو طلبو منك تغيري اسمك هاد لشو بتغيري ؟ هادا الإسم مش أنا الي إخترتوا هو الي اختارني ازا هو ماغيرني انا ما بغيروا:ShababSmile109: - كم صرلك مشتركه بالمنتدى ؟ بـ 15-08-2012 بيصير الي 4 سنين كاملة - مين اول شخص تعرفتي عليه هون ؟ و ع مين كمان نفسك تتعرفي ؟ اول حدا تعرفت عليه هي روان فلسطين ... وكتار نفسي اعرفم عن قرب بالزات امتزاج الله يسهل عليها - وحالياً بيلسان احكيلي رأيك بهدول الأعضاء ~ - اسراء الفلسطينية بنت راقية وهادية وكلاس بحب هدوئها وخفة دمها وبحب اقرأ ردودها بحب إنتماءها لدينها وبلدها وهي بالغربة ~ اهلها بيستاهلوا تحية كبيرة من هون لكوبنهاجن - براءة بنت مميزة وأثبتت جدارة قلمها بحسها بنت حساسة ومحتاجه حدا يكون جنبها - مرام فديتها مراري ~ عسولة وهادية كتير وبحس ضحكتها حلوة بس بعتب عليها انها مئصرة بالمواضيع وتواجدها مقتصر على مواضيع معينة - شهيد نموذج للشاب الفلسطيني الي بنفتخر فية .. مؤدب وخدوم ومثقف وواعي .. بيعرف حدودو كويس وملتزم - ايمان إيمان بنت عسولة كتير .. لطيفة وتلقائية وبتسلي بتب الي حواليها بتسمع الكلام والنصيحة - جورية القسام // حبابة كتير بس تواجدا قليل ~ بتزكر لما كنا نقرأ رواية أنت لي كانت دايما موجودة // إختيارها للمواضيع بيعجبني - قطعة حلا // للأسف مابعرفها منيح ،،، بتمنى اتعرف عليها واتشرف فيها - كلارا هههههههههه في سر بيني وبين هالبنت تخيلي يامها اني سجلت عن طريق الصدفة بتلات منتديات وتكون موجوده فيهم كلارا هههههههه عطول بحكيلها انتي موجوده هون وهناك وهونيك :$ لزيزة ودمها خفيف وصعب الواحد ما ينشد الها ولردودها اغلب الوقت بتعجبني العبارات الي بتوقيعها .. فديتها كلاريتووو - ابو مجاهد شاب محترم ومؤدب وخدوم كتير .. ومابيحكي لأ لحدا ابدا المنتدى مدين الو كتير - وطن // تصاميمة حلوة كتير وفيها لمسة رقي ... هادا الي بعرفو :) - محمود // مئصر كتير بحق المنتدى والأعضاء وبتصور الكل عتبان علية - اسد شاب محترم .. بيعطي معلومات وفوائد كتير .. أمرار بيكون متعصب شوي .. بيحب يثقف نفسة ويتحدى ظروفة - المهندس // من زمان ما قرأت روائع متل الي بيكتبها .. كتاباته لاتمل ..بيعجبني كتير اسلوبو وطريقتو في ترتيب افكاره بيشجع الإنسان انو يكتب ويبدع ومايخبي شي جواته .. مثقف وعلى دراية باللي حوالية - صوفي// بحس صوفي الي هلأ غير عن صوفي تبعت زمان ... عندها مسحه حزن بتخليني اغص مره كلمتها عالميل بس ماعرفتني :$ - حسام المصري حسام بحسو متناقض كتير وبحب يستفز بعض الناس .. بحب يناقش كتير بس مش بسهولة بيتقبل الرأي المختلف معو .. بحس انو انسان صبور ومثابر - دموع الغربة واشواق العودة عسولة ومثقفة وكلامها بيدل على رقي تفكيرها .. بحب وطنيتها كتير ونفسي اتعرف عليها :$- حلا الروح - شموخ انسان للأسف مابعرفهم منيح .. :( للجميـــ ع // مهما كان رأي فيكم ... إنتو رائعين وانا ممنونة لألكم لأسباب كتير انتو مابتعرفوها .. الله يوفئكم ويسعدكم ويعطي كل واحد فيكم على ئد نيتو :$ لو صحلك فرصة تقابلي حد من المنتدى مين حابة يكون ؟ معلش لو ماحكيت الإسم ؟؟ :ShababSmile109: ^^ برأيك شو هو سبب الجمود والخمول الي أصاب المنتدى ؟ شوفي ... الأعضاء هم العمود الفقري للمنتدى .. ميولهم ثقافتهم بتنعكس بشكل واضح على المنتدى وشكلو .. وبتأثر بالحركة والنشاط تبع المنتدى ككل لو تلاحظي اغلب الأعضاء هون أعمارهم من 21 وتحت هالشي بيأثر .. مابيعني انو العمر عيب لكن لسه مافي نضج واضح .. والأغلب بيتعامل مع المنتدى على انو مطرح للتسلاية وتضيع الوقت . إضافة لهيك إهتمامات الأعضاء غريبة شوية .. يعني في ناس بتفوت بس عشان تكتب شو عملت اليوم وتغير توقيعها وتقرأ كم من نكتة وتجمع صور للمسن والموبايل..يعني في تركيز على نوع معين من المواضيع ... هالشي في حد ذاتو مش غلط .. لكن تقصير كبير في حق المنتدى وحق انفسهم .. مش غلط انو نتسلى .. لكن بنفس الوقت نعطي ونستفيد ونترك أثر حلو :$ بتتمني ترجعي مشرفة ؟ بالفترة الحالية لأ ... مع انو أمرار بس أشوف موضوع معين ببئى اتخيل لو انا مشرفة شو راح أعمل :$ الإشراف تكليف مش تشريف وبدو تفرغ وعطاء مضاعف { ليال } قلم ذهبي مبدع .. هاللقب لما تقرأيه بشو بتحسي ؟ هل بيعطكي دافع للأمام ؟! مممم .. بحبو لأني أخدتو من مسابقة كانت هون بس بحس انو صلاحيتو انتهت .. وبطلت استاهلو .. وصار في غيري جدير فيه .. صار يحملني مسؤولية انا مش ئدها نورتي ياغالية |
رد: « لـــيــآل » ضـيـف { لَـيالِي شـبابُ فـلسطِيـن و ثـرثـرةٌ حُـرة ~
اسئلة عامة :]
:ShababSmile240: - شو هي أكلتك المفضّلة ؟ لونك المفضّل ؟ أي شي فيه بطاطا أو مكرونة :ShababSmile250:~ بميل للرمادي نوعاً مآ . - امتى اخر مره بكيتي ؟ وليش ؟ يوم الجمعة .. ^^ إختلفت أنا وماما على نفس الموضوع تبع كل مره << كأنك بتعرفي شو هو الموضوع !!:ShababSmile221: - عندك 3 امنيات رح يتحققو , شو رح تطلبي ؟ - ما اندم أبداً شو ماصار ولا أفقد الأمل . - أشوف بكرة شو مخبيلي . - ما أخسر آخر شي مراهنة علية . وما نيل المطالب بالتمني *** ولكن تؤخذ الدنيا غلابا :ShababSmile229: - شو اكتر اشي بتحبي تعمليه ؟ مافي شي معين .. على حسب الوقت والمزاج والمكان . - شو احلى هديه اجتك ؟ ومن مين ؟ من مين مش ححكي .. تيب ؟:ShababSmile222: كانت عبارة عن صندوق خشب زغير فية حجار وورق شجر ناشف وورئة صغيرة مكتوب فيها شي إلي - الصداقة بالنسبة الك ؟ ولا شيء :) - صداقة الانترنت هل ينوثق بها ؟ الإنترنت شو ماكان هو [وآآآقع] لازم نحسن التعامل معو ،، نحسن الظن فيه ونتوخى الحذر منه انا عندي صداقات على الإنترنت .. تشكلت من خلال هالمنتدى بينا اشياء كتير حلوة ... كان ممكن تكون غير هيك لو كانت عالواقع !! يعني إذا الإنسان أحسن الإختيار وماكان ساذج بزياده بيمشي لحال :ShababSmile229: حاليا بس هدول .. لو خطرلي شي جديد راجعة :] بتنوري بأي وقت أسئلتك حلوة ولطيفة متلك ياعسل:ShababSmile229: |
رد: « لـــيــآل » ضـيـف { لَـيالِي شـبابُ فـلسطِيـن و ثـرثـرةٌ حُـرة ~
من انت؟
2-متى اخر مرة ضحكت من قلب؟ وليش؟ 3- اخر مرة بكيت من قلب؟وليش؟ 4-هل حسيت في يوم من الايام بالضعف؟ومتى كان؟ 5-من الشخص الي تتمنى ياخذ فرحك علشان ماتشوفة حزين؟ 6-اذا كنت متضايق وش اول شي تفكر تسويه؟ 7-وش احلى ذكرى في حياتك ومستحيل تنساها؟ 8-آخـــر شخـــص تتـــذكــــره قبـــل ما تنـــــام؟!؟ 9-وش برنامجك امس؟ 10-وش برنامجك اليوم ؟ 11-كم شخص عندك في المسنجر ؟ 12-كم سـاعه تجلس ع الكمبيــوتر ؟ 13-هل فعلا انت مرتاح في تواجدك في المنتدي و مع الاعضاء ؟ 14-عضو يستحق الصداقه؟ 15-عضو شفتة و عضو ودك تشوفه ؟ 16-عضو شخصيته مثل شخصيتك؟ 17-عضو تعجبك شخصيته؟ |
رد: « لـــيــآل » ضـيـف { لَـيالِي شـبابُ فـلسطِيـن و ثـرثـرةٌ حُـرة ~
لنقل إنه كرسي الإعتراف كرسي تتربع على عرشه بجدارة صاحبة القلم الذهبي تتوسط الحضور كملكة صاحبة الحروف الصاخبة صاحبة الحضور المميز لو قال قلمي ما قال فيها لن يفيها حقها ليآل مع اني شخصيا أكره هذه المواضيع على الرغم أني دخلتها لتوجيه الأسئلة من قبل والآن أعيد الكره يمكن سبب دخولي على قولة البعض الإختيار كان موفق للضيف طالما انت عالكرسي في صدر البيت لابد من توجيه كم سؤال إذا حبيت تجاوبيها بصراحة بكون ممنوك وإذا ما حبيت كمان بكون ممنوك السؤال الأول ما رأيك بطبيعة الأسئلة المطروحة عليك وهل كان بينها أسئلة سخيفة ..؟ إن كان نعم لماذا أجبت عليها..؟ السؤال الثاني كيف تنظر ليآل لإدارة المنتدى سيما أنها كانت من طاقم المشرفين وهل من حق الإدارة إلصاق أي لقب بالعضو دون استشارتة وهو كاره له ولو حدث ذلك على ماذا يدل هذا التصرف..؟ السؤال الثالث أنتِ في منطقة حارة لذا أقدر عنفوانك وعصبيتك لكن سؤالي ما الشيء الذي يجعلك تثورين مع سبق الإصرار والترصد..؟ السؤال الرابع أين هي مدونة ليآل ..؟ وكيف تنظر للمدونات الموجودة..؟ السؤال الأخير ماذا تعني لك كثرة الإجتماعات العاجلة والضرورية والضرورية جدا جدا جدا والمستعجلة حينما تقرأي عناوينها..؟ أتمنى أن لا أكون سخيفا بأسئلتي حتى لا يكون جوابك على السؤال الأول نعم وخصوصا أسئلتك أتمناك بخير |
رد: « لـــيــآل » ضـيـف { لَـيالِي شـبابُ فـلسطِيـن و ثـرثـرةٌ حُـرة ~
اقتباس:
أهلا أخي أسد .. أنرت بحضورك ~ // سؤالك لابد أن تقف به على المنبر وتسأل المسلمين أجمع ~ ستعرف الإجابة من طأطأه الرأس ونظرة الخجل والخذلان وأظن أن كثير من الرؤوس ستتوارى عن الأنظار خجلاً من أن ترتب الأفراد أبجدياً وتبادرهم بالسؤال واحداً تلو الآخر :: كثر من ينظرون للإسلام على انة قيد يرجى الخلاص منه وأن إستقامة الحياه لابد فيها بالتضحية بقيم الدين ومبادئة وأن السعادة مرهونة بفصل الدين عن الدنيا :: قد نكون جيل الصحوة الدينية !!؟ لكننا لازلنا مقصرين .. فكم من مسلم يحمل الإسلام عنواناً لديانتة في بطاقة الأحوال الشخصية فقط وكم من رواد المساجد المؤذين لجيرانهم ؟ وكم من الصوامين كثيرين اللغو ؟؟ وكم من المتصدقين متتبعين للعرض والشهوات ؟ وكم من إنسان في هذا العالم لم يعرف عن الاسلام سوا اسمة .. وكم عدد الذين لم يصل لهم شي عن الإسلام مطلقاً ؟ وكم من أناس رأو إسلاماً بلا مسلمين ؟؟ فالدين ليس إقامة للصلاه والصيام والزكاه وإسقاط للفروض وكفى بل هو نور نهتدي به .. ثوب نستتر به .. حب نعيش فيه ويشبعنا هو ميزان العدل والرحمة ... صوت الحق الذي يعلو ولا يعلى عليه أرانا ندعي الإسلام بالإستسلام .. وكأننا أسأنا الفهم !! :: أذكر أن أحد السلف رأى عمراً بن الخطاب آتياً يوم القيامة يجر ثوبة ... فقيل ان ثوبة هو عزة ونصرة للأسلام !! فأين يا نحن ستكون أثوابنا ؟؟:ShababSmile223: :: أسأل الله أن يرزقنا نصرة دينة ويرضى عنه ويجعلنا ممن يقرأونحروف كتابة ويقيمون حدوده آميــــن أسعدني وجودك :) |
رد: « لـــيــآل » ضـيـف { لَـيالِي شـبابُ فـلسطِيـن و ثـرثـرةٌ حُـرة ~
ليــآلي أختي الكبيره هآي :ShababSmile109:
آولـآ : كيف حــآلك ؟ شــوو رأيك بجده :ShababSmile222: ليـآل بصـرآحـه بصـرآحـه زعلتي لمآ مآقدرت أشترك معك بالمشروع :ShababSmile237: عــآرفـه أنك مآزعلتي بس سوعال :ShababSmile224: راجعه بس اخلص دراسه :ShababSmile108: |
رد: « لـــيــآل » ضـيـف { لَـيالِي شـبابُ فـلسطِيـن و ثـرثـرةٌ حُـرة ~
ليال .. رأيك فى خاطئ وما حبيته نهائيا ..
|
رد: « لـــيــآل » ضـيـف { لَـيالِي شـبابُ فـلسطِيـن و ثـرثـرةٌ حُـرة ~
اخت ليال إجاباتك .. زى ما بتحكوا .. خلتنى فرطت من الضحك .. ^^
غريب !! .. ماحسيت إني خففت دمي لهالدرجة ~ ما فهمت صراحة تخصصك فى الكلية .. تجارة دولية .. يعنى المفروض الى بيتخرج منها بيشتغل ايش ؟؟ ^^ محاسب دولى .. ^^ هو تخصص جديد .. وبالجامعة كنت انا الوحيدة بدفعتي يلي درستو ... بيختص بكل العمليات الإدارية والإقتصادية لكن على نطاق دولي .. بالإضافة انو مش معني بدراسة مجال إداري واحد .. يعني بيجمع بين الادارة والمحاسبة والتسويق ... إلخ لو عملت بحث صغير عن طريق جوجل ممكن تتعرف عليه أكتر :$ قصة حياتك .. نوع المغامرات ايش ؟؟ مش مغامرات على ئد ماهي إنتقالات نوعية وعبثية إنتقلت من مدينة لمدينة _ من مدرسة لمدرسة _ من حياة منغلقة لحياه مفتوحة كل هالأشياء أثرت على نفسيتي وشخصيتي ^^ أنا بشوف أن فراق أحد الأحبة ده .. الحياة متتوقفش بعده أو تصير حزينة .. لأن ده ابتلاء من ربنا والمفروض الواحد يشكر ربنا .. وربنا هيرزقه السعادة .. هو شعور صعب جدا أن يتوفى والدك .. ولكن اجعلى ذكى وفاة والدك .. دافع إيجابى لكى لسعادتك .. تذكرى أعماله الحسنة تذكرى مواقفه الجميلة معك .. ستبتسمى تلقائيا .. الصبر والرضا شيء نسبي ... وعلى ئد تأثير الإنسان عليك ممكن يأثر فيك غيابه المشكله الأعظم إنك تكون محاط بمجموعة مابيسعوا إنهم يسدوا الفراغ أو بيسعوا بس ماعندهم القدرة !! يمكن ماعندهم حتى الحد الأدنى من الإحساس بوجود مشكله أو ألم ... هالشي بيخلي إحساسك يتصعد بالنسبة لزوج المستقبل واضح انك عايزة فارس وخلاص .. ^^ مو بتفرق .. :) بتحفظ على عبارتك وبشدة ^^ على مايبدو ماشفت الحكي الي كتبته باللون الفاتح عايزة أتجوز .. رواية ومسلسل اتعملوا .. شايفة فعلا المجتمع كده زى ما صورت الرواية وأن البنات كل همها الزواج ؟؟ المجتمع بيحمل البنت الي بيتأخر زواجها حمل فوق طاقتها .. وكأنها المسؤول الوحيد .. كمان الأهل إلهم دور كبير في تعزيز هالشي عند البنت هالشي بيخلي الزواج يتحول من حلم لهدف لحتى تسكت ألسنة الناس مع العلم انها ممكن ماتكون جاهزة نفسياً جسديا .. وتتنازل عن اشياء كتير بحياتها بس كرمال تحظى بلقب متزوجه :ShababSmile239: المسلسل كان كوميدي كتير ومبالغ فيه شوي لكن بيحاكي الواقع ... جزء كبير من الي كان بنحكى بصوت عالي بينحكي بين الأنفس كلام الناس .... اللى مش بيخلص فى كل شئ .. إزاى بتتعاملى معه ؟؟ ببساطة ... ببعد عن كل شي ممكن يخليني علكه بتم الناس :ShababSmile229: احكيلنا .. موقف محرج حصلك .. وموقف مضحك ؟؟ ححكيلك موقف محرج ومضحك بنفس الوقت ... وبالمره بيعتبر إجابة على أسئله الإستضافة نفسها هالموقف صار بأول يوم بالجامعة ... وحكيتو بموضوع المايك بنهاية الـ 2009 وصلني اخي على باب الجامعه ونزلت ،، فتت من هالباب بدي روح على الإداره شوف شو وضعي:ShababSmile250: حاكم ماكنت عارفه وين الله حاططني وصفولي وين مكان الاداره ،، وانا رايحه ما ألائي حالي الا صرت بالأرض:ShababSmile239: طلع في ئدامي باب ئزاز ،، وعلى ئد مو الباب نضيف مش مبين معي :ShababSmile221: موقف سخيف ،، ئديش انحرجت ايامها ،، بس هلأ بتزكرو وبضحك :ShababSmile221: وأنتى صغيرة كان نفسك تصيرى ايش .. ولما صرتى دلوقتى .. راضية ^^ ؟؟ ماكان نفسي بشي ... وانا زغيرة كنت بس ألعب وأرسم وأحكي مع حالي وأتخبى بالدواليب لما أزعل وأتدللعلى أهلي وهلأ الحمد لله راضيه عن حالي // نورت خيو حسام ،،، الله يسعدك يارب |
رد: « لـــيــآل » ضـيـف { لَـيالِي شـبابُ فـلسطِيـن و ثـرثـرةٌ حُـرة ~
اقتباس:
المهم تتقبله ^^ هادا رأيي وأكيد ما كتبته إعتباطاً ~ وردك هادا بيخليني أحول الشك ليقين نورت خيو ... بالأحرى إنت منور عطول :) |
رد: « لـــيــآل » ضـيـف { لَـيالِي شـبابُ فـلسطِيـن و ثـرثـرةٌ حُـرة ~
اقتباس:
|
رد: « لـــيــآل » ضـيـف { لَـيالِي شـبابُ فـلسطِيـن و ثـرثـرةٌ حُـرة ~
اقتباس:
عموما لأنك شخصية كويسة ما رح أحكى كتير فى ها الموضوع .. رأيك سليم بس أنا مو متناقض .. ( قبل هيك حكيت أن الإنسان اللى ما بيغير رأيه يبقى إنسان مو بيفهم ) .. ورح أسألك ؟؟ شايفة أن النت مقياس حقيقى أنه يكشف شخصية البنى آدم ؟؟ عن نفسى بظن مهما كان الشخص اللى على الواقع هو الشخص اللى على النت .. لكن التعامل الواقعى اشئ تانى خالص ؟؟ عمل المرأة .. ايش شروطه .. خصوصا الاختلاط بشوفه مشكلة صعبة جدا ؟؟ عالم الانترنت ايش رأيك فيه بصفة عامة .. وشايفة أثر بالسلب ولا الإيجاب على الشباب العربى ؟؟ كتير بنسمع .. ( انتم جيل فاشل أنتم جيل مرتاح .. ومتدلع ) .. أى دكتور بيحكهالنا فى الجامعة وحتى والدى بيحكيها .. بحكيله .. ( احنا اللى عملنا الثورة .. ) ؟؟ أنتى ايه رأيك .. هل احنا جيل دلع ؟؟ لفلسطين طريق واحد .. هو البندقية .. ما رأيك ؟؟ شايفة ايش دور الدور العربية تجاه قضية فلسطين .. والمسجد الأقصى اللى اليهود مستمرين بأنفاقهم وممكن فى أى وقت لا قدر الله ينهار .. وشايفة ايش بإيديهم ممكن يفعلوه ؟؟ العالم متوتر وكله صراع حاليا .. أمريكا روسيا إيران سوريا الصين مصر فلسطين إسرائيل ..تركيا .. شايفة ممكن تقوم حرب عالمية تالتة ؟؟ كيف بتقضى وقت فراغك .. ؟؟ بتمسعى أغانى أو لا ؟؟ شكرا أخت ليال .. بتمنى ما تزعلى منى لأنى حكيت رأيك بما عجبنى .. أنا كنت رح أرجع أمسحه والله بس لقيتك رديتى .. ورد راقى .. :ShababSmile111: |
رد: « لـــيــآل » ضـيـف { لَـيالِي شـبابُ فـلسطِيـن و ثـرثـرةٌ حُـرة ~
اقتباس:
شُكـراً كتير ع رأيـكْ ليـآلْ ..وأنـآ نفسي أتعرف عليكِ كتـير ^^ .. بستنـى تردي علي ليـآلْ .. ^^ |
رد: « لـــيــآل » ضـيـف { لَـيالِي شـبابُ فـلسطِيـن و ثـرثـرةٌ حُـرة ~
جميييل جدا الموضوع :))
منورة لياال الي رجعة إن شاء الله ^_^ يعطيكِ الف عافية وردتنا :))) |
رد: « لـــيــآل » ضـيـف { لَـيالِي شـبابُ فـلسطِيـن و ثـرثـرةٌ حُـرة ~
استضافة طيبة لشخصية مميــزة بتواجدهــآ ,, اختنــآ ليــــآل ~// اخبــــآركـ ؟ كيف كانت بداياتك في الكتابة ومتى ..؟ شاركتي في امسيات شعرية قبل هيك .. ؟ الك على كتابة السيناريوهات لو اعطيتك فكرة لشي معين .. ؟ شو اكتر اكلة بتعبي راسك .. ؟ رأيك في المصالحة "الوطنية" .. ؟ و خلص ^^ |
رد: « لـــيــآل » ضـيـف { لَـيالِي شـبابُ فـلسطِيـن و ثـرثـرةٌ حُـرة ~
اقتباس:
حبيبتي والله :$ |
| الساعة الآن 01:20 AM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas