|
هل الدين ضد الرومانسية والعشق ؟؟!! سؤال بسيط
بسم الله الرحمن الرحيم .. السلآم عليكم ..جميعاً .. كيف الحال ..؟؟ .. ................................... ................................... ......... طيب نبدأ بالموضوع .. قبل فترة وحدة من أعز صديقاتي سمعتني ..(اغنية أو أنشودة) مابعرف شو بتسموها .. كانت للفنان ( ماهر زين ) :ShababSmile237: هو معروف كتير ..او بالأصح غني عن التعريف .. كان إسمها .. The Rest Of My Life . هي مش من زمان نازلة ..بس تعرف بما يُسمى .. أول أغنية أو أنشودة دينية رومانسية ..:ShababSmile109: هي كتير حلوة وكلماتها محترمة .. وبتحكي عن زوج يعبر لزوجتو عن مدى سعادتو بإنو الله إختارلو إياها ويحمد الله إنو وجدها ..ويعدها إنو رح يحبها للإبد .. الكلمات شوي غريبة ع كلمة إنشودة أو اغنية دينية .. وكلمةغريبة لا تعني خاطئة ..بالعكس ..تجعلها منفردة عن غيرها بسبب كونها اول طرح من هاذا النوع .. وهي مقطع من كلمات الأغنية وترجمتها .. I feel so blessed when I think of you And ask Allah to bless all we do You're my wife n' my friend n' my strength N' I pray we're together in gena All I know I found myself I feel so strong Yes! Every thing was changed when you came along oh And there is a couple of words I wana say أشعر ببركةٍ شديدة عندما أفكر بكِ وأسأل الله أن يبارك كل ما نفعله أنتي زوجتي.. وصديقتي وقوتي وأنا أتضرع أن نكون معاً في الجنة كل ما أعرفه أنني وجدت نفسي أشعر بأنني قويٌ جداً كل شيء تغير عندما ظهرتي وهنالك زوج كلام أريد أن أن أقوله:ShababSmile109: http://www.youtube.com/watch?v=PHbZ9SXHJwA&ob=av3n كلمات محترمة كتير وتليق بها كأغنية إسلامية .. بس انا طبعاً في البداية إستغربت شوي من الفكرة والموضع كيف تم وضعهما تحت الإطار الديني .. بعدين بعد التفكر في الموضوع ..لقيت بالعكس كتيير حلو .. بس الصدمة :ShababSmile225:كانت لما سمعهتا للي حولي ..( اهل ..أقرباء ..أصدقاء ..إلخ ) وجدت ردة فعل عنيفة ..إنو كيف اغنية زي هيك توضع تحت التصنيف الديني ما بعرف ليش ..يعني هل لأنو إحنا مش متعودين إنو الاغاني الدينية تخرج عن التالي ( النبي عليه الصلاة والسلام – الله – الأم – الأب –العيد – الحياة – وغيرها ) يعني إزا إجينا للدين ما فيها إشي يسيء للأدب أو الدين وبالعكس في ألفاظ دينية ..زي (الحمد لله ..يبارك الله ..نتلتقي في الجنة ..):ShababSmile224: ولا السبب إنو إحنا مش متعودين ع هيك نوع لهيك بنرفضوا .. ولا لإنو غلب دائماً ..التعبير عن الحب بالطريقة الخاطئة ..مثل الطريقة التي يستعرض بها الفن الهابط المشاعر والحب ..بطريقة مادية سيئة ..أساءت للحب فأصبح الحب حكراً لهم ..وكل من يفكر في عرض حبه ..أصبح في فكرنا ينتمي لـ هذه الفئة .. لدرجة أنْ التفكير في الحب أصبح غلطة وخطئاً ..وإنحرافاً فكرياً ..عند البعض .. ليس الخطأ هو التعبير عن الحب .. الخطا في طريقة التعبير ..:ShababSmile224: وفي النهاية بعرف إنو كل إنسان حر في وجهة نظروا الي بختارها .. ومش ححاول أثبتلكم إنهم ع خطأ ..بس لأنو ردة فعل البعض بتكون بلا تبريرات أو أسباب غبية ..فرح أضطر أثبت فشلهم :ShababSmile226: ................................... ................................... ... وبما إنوا أنا عندي شعور إنو في المنتدى بجد في ناس بيفهموا :ShababSmile224: فـ حابة إنو أسمع آرائكم ..:ShababSmile224: -وسيبوكم من ( إنو في الأغنية في موسيقى) -:ShababSmile235: هاي شغلة وموضوعي شغلة تانية ..:ShababSmile226: انا بسئل ع الفكرة وبس .. بنتظاركم :ShababSmile224: |
رد: هل الدين ضد الرومانسية والعشق ؟؟!! سؤال بسيط
الدين كله حب مش عارف ليش النظرة الخاطئة للدين علاقتنا تبنى على الحب
ما اسمعت الانشودة شفت الترجمة احنا عندنا اولويات في الاسلام العبادات تنقسم قسمين اساسيات وفرعيات اهتمينا بالاساسيات وما شغلتنا الاناشيد عنها ما في مشكلة بس المهم ما تكون سبب في تنأخرنا عن الصلوات وعن الفرائض وسبب في بعدنا عن قراءة كتاب الله والله اعلم تقدري تتوجهي للمفتي حتى تسألي عن الموسيقى وما عليك اي اثم بعد سؤاله |
رد: هل الدين ضد الرومانسية والعشق ؟؟!! سؤال بسيط
اقتباس:
كلامك كتير صح وانا معك ..الحياة أساساً مبينة ع الحب والإنسان مأمور إنو يحب الجميع ويتمنالهم الخير .. عجبتني طريقة تخطيطك لأفكارك .. بس انا شغلتي هون ..مش الأغاني الإسلامية حرام ولا حلال او الموسيقى حلال ولا حرام ( انا مقتنعة إنو الإغاني الإسلامية التي تحتوي موسيقى حلآل ) .. انا سؤالي ..هل الغناء عن هذا النوع من الحب ( الزوج - الزوجة) .. تحديداً ..تحت الإطار الإسلامي بكل رقي هل إنتو بتشوفوه عآدي ..ولا ..بتستهجنو وبتعتبروا من الخصوصيات وعيب الإنسان يحكي فيها .. وشكراً إلك ع رأيكْ :) |
رد: هل الدين ضد الرومانسية والعشق ؟؟!! سؤال بسيط
اقتباس:
وهي يعني الانشودة احسن من غيرها لانها تتحدث عن الزوجين وعن اشي مطلوب وإن شاء الله فيها خير وهو يتحدث لا بوصف زوجته من الناحية الي ممكن يطمع فيها المرضين هي عامة وبحث فيها على الحب الشرعي بين الزوجين باسلوب جديد وهو الانشاد |
رد: هل الدين ضد الرومانسية والعشق ؟؟!! سؤال بسيط
اقتباس:
صح ..كلآمك أخ أسد رآآئع .. مادام الموضوع مرغوب في الدين .. والإسلوب أوطريقة التعبير عنو.. لا تسيء لا للدين ولا للأدب ولا للعرف بالعكس ..يسد فجوة في عالم الأناشيد الإسلامية ..ممكن كتير الناس تستفيد منو ..فهو محْمود .. تعجبني طريقة ترتيبك لأفكارك .. شكراً إلك :) |
رد: هل الدين ضد الرومانسية والعشق ؟؟!! سؤال بسيط
كلام الاخ اسد منطقي جدا
يعني كمان متل ما انذكر انو بيسد فجوه لانو الحب موجود بكل مكان وممكن الانسان يحب شخص من كل قلبو حب حقيقي بس ما يصرح لطرف التاني بهالشي ويكتفي انو يتمناه ويدعيلو بالخير لانو الاسلام ما انكر الحب ولا ميل كل من الجنسين للأخر ولما يكون في حب حقيقي يحصل الزواج مو الشب ياخد بنات الناس لعبه والبنت تتعود تكون تحب هاد وهداك ومين ما اجى ع بالا الحب الحقيقي الطاهر هو الى بكون الهدف منو تكوين بيت واسره وتربيتها ع الاسلام وما زال النقاش مستمر فالآراء كثيره وانا اتابعكم تحياتي |
رد: هل الدين ضد الرومانسية والعشق ؟؟!! سؤال بسيط
كلام الاخ اسد منطقي جدا
يعني كمان متل ما انذكر انو بيسد فجوه لانو الحب موجود بكل مكان وممكن الانسان يحب شخص من كل قلبو حب حقيقي بس ما يصرح لطرف التاني بهالشي ويكتفي انو يتمناه ويدعيلو بالخير لانو الاسلام ما انكر الحب ولا ميل كل من الجنسين للأخر ولما يكون في حب حقيقي يحصل الزواج مو الشب ياخد بنات الناس لعبه والبنت تتعود تكون تحب هاد وهداك ومين ما اجى ع بالا الحب الحقيقي الطاهر هو الى بكون الهدف منو تكوين بيت واسره وتربيتها ع الاسلام وما زال النقاش مستمر فالآراء كثيره وانا اتابعكم تحياتي |
رد: هل الدين ضد الرومانسية والعشق ؟؟!! سؤال بسيط
لا حول ولا قوة إلا بالله ~~~
سؤال غبي هل الدين ضد العشق والرومانسية !!!!!؟ أنا حتى لسا ما فهمتوه ؟!! المهم ~ إا كان الحب والرومانسية في سبيل الشيطان فأف ثم تف لهذا العشق أما إذا كان في سبيل الله كعشق القران وحب الأم والزوجة فهو أمر محمود بدي أعطيكم شو معنى الحب ~~ أنا لدي فراغ عاطفي ... ماذا أفعل ~~~ لا لا تقلق سأعطيك الحل بإذن الله اسمعوا هذه الكلمات ولا تنسوها أبدا : لمعالجة هذه المشكلة ~~~ اتبع ما يلي بس يبيلها قلب جامد أولا : يجب عليك في الخطوة الأولى محبة الله ~~ إذا أحببت الله سوف تأتي جميع المحبوبات تيعا لمحبة الله كمحبة الزوجة والأم والأب وعدم الشعور بفراغ عاطفي لحظة مو بهذي البساطة تجي محبة الله عليك التأكد من أربع علامات إذا توفرت فيك فأنت تحب الله وإذا لم تتوفر فيك فبادر إليها أولا : عندما تذهب إلى فراشك للنوم هل تذكر الله ؟ ثانيا : عندما تستيقظ من النوم هل تذكر الله وتحمده وتشكره ؟ ثالثا : هل أنت تخشع في صلواتك !!!! ~~ ؟ هذه الخطوة صعبة فيجب أن نتقنها * فالكثير يسهو ويسرح ويذهب بعيدا وهو يصلي رابعا وهذه الخطوة في وجهه نظري أصعب خطوة : في مواجة المحرمات والشهوات والنظرات والشيطان ووسواسه والغيبة والنميمة والربا وقول الزور ~~ هل نتذكر عظمة الله وجبروته ونخاف منه ونكف عن تلك الأعمال والأقوال أم أننا نسير وراء أهوائنا ؟ ~ ؟ ثق تماما أنك إذا توفرت فيك هذه العلامات أنك لن تشعر بفراغ عاطفي سيكون مليئ ~ وكم وكم من الناس من يتمنى أن يدفع كل ما يملك حتى يرتاح عاطفيا س/ هل لديك حل لمشكلة الفراغ النفسي ؟ نعم بإذن الله فنحن المسلمون نتعوذ بالله من شرور أنفسنا هذا من الحلول والصدقة والأعمال الخيرة تدفع الفراغ النفسي ~ الفراغ العلمي ~ ما رأيكم بعلم الطب ؟ وما رأيكم بعلم الهندسة ؟ وما رأيكم بعلم الفيزياء ؟ والفلك ؟ طيب قولوا لي رايكم بعلم متعلق بالله الذي خلق وأوجد جميع العلوم أعلاه فالكل يجب أن يدرس ويطلب العلم في أمر دينه ومن أتقن العلم المتعلق بالله لن يشعر بفراغ علمي لا يشترط في ذلك أن يدرس في كلية الشريعة لا المقصود أن يتعلم هذا العلم بأي وسيلة والسبل حيال ذلك متوفرة والحمد لله أما قضية الأناشيد ~~~ فتنقسم قسمين : اذا كانت بموسيقى وعلى وتر الأغاني في لا تجوز أم غير ذلك أعني بدون موسيقى وغيره وذات كلمات دينية إن شاء الله جائزة والله أعلم تحيات / محمد أبو يونس |
رد: هل الدين ضد الرومانسية والعشق ؟؟!! سؤال بسيط
الدين ضد الرومانسية .
ما عجبنى عنوان الموضوع صراحة ... نهائيا .. حب الزوج لزوجته مهو مجرد رومنسية حب الزوج لزوجته شئ مقدس جدا .... الدين يدعوا إلى الحب الشرعى الذى بالتأكيد لا يخالف الدين .. ولكن استعمال هذا النوع من الاناشيد .. خصوصا كمان أنك ممكن تلاقى انشودة طالع فيها زوج وزجته وبيمثلوا الكليب وأولادهم وهيك .. يدفع الشباب إلى التفكير فى الرومنسية ويقول يااااااه .. يا ريت يكون عندى واحدة اتزوجها مثل هيك .. ونجيب ولاد وهيك أشياء .. هو شئ ليس عيبا على الإطلاق لكن بشوف أن فيه أناشيد ممكن تكون بناءة أكثر من هيك .. وحب الزوج لزوجته مو محتاج نعبر عنه فى الأناشيد والأغانى .. فالعلاقة الزوجيه .. قدسها الله ورسوله فى الكتاب والسنة .. أنا ما سمعت الأنشودة .. بس كنت سمعت انشودة .. زوجتى لأحمد بو خاطر .. وشايفها قيمة أكثر فى الكلمات .. ^^ بتمنى تتقبلى وجهة نظرى المتواضعه .. |
رد: هل الدين ضد الرومانسية والعشق ؟؟!! سؤال بسيط
اقتباس:
يآ اخي مش عاجبك ..إحكي مش عاجبني ..لكن رجائاً بدون شتم وسب ..!! ثانياً أنا قرأت ردك بالكامل ..وعندي كتير إعتراضات .. اولاً : إرجع إقرأ موضوع مرة تانية .. مش يعني شفت العنوان ورحت رديت ..على فكرة العنوان منفصل مية وتمانين درجة عن المحتوى .. وأنا سؤالي كآن هل دخول هالنوع تحت مسمى النشيد او الغناء الإسلامي بالنسبة إلكم عادي .. ولا في ناس عندها تحفظات شخصية .. هل هو مفيد ..غير مفيد ..او غير ذالك .. وماكان سؤالي عن الفراغ العاطفي وغيره .. فانا بعيده عن ذالك كل البعد .. ياريت ترجع تقرأ الموضوع وتفهم قصدي منيح .. شكراً إلك كتير بس ياريت بدون سب وشتم :) |
رد: هل الدين ضد الرومانسية والعشق ؟؟!! سؤال بسيط
اقتباس:
بالنسبة للموسيقى اختلف العلماء فيها وقال النبي صلى الله عليه وسلم(اسرعكم فتوى اسرعكم دخولاً للنار ) ومين احنا حتى نفتى المهم اذا الواحد سأل شيخ واخد برأيه بدليل باثمش لأن استجاب لقول الله تعالى (فسئلوا أهل الذكر إن كنتم لا تعلمون) |
رد: هل الدين ضد الرومانسية والعشق ؟؟!! سؤال بسيط
اقتباس:
معك حق |
رد: هل الدين ضد الرومانسية والعشق ؟؟!! سؤال بسيط
سوري ما فهمنا منيح
انا برأئي عادي ما فيها شي لانو حب الزوجه والاولاد من الاسلام وما فيها شي ازا عبر عن هاد الحب بطريقه الاناشيد تحياتي |
رد: هل الدين ضد الرومانسية والعشق ؟؟!! سؤال بسيط
اقتباس:
أنا بالعادة ..بيكون عنوان موضوعي منْفصل عن المحتوى ولا يمد له بصلة ..وذالك لـ سبب أولاً : عشان أشوف ..في ناس بتركز ع العنوان وبتنسى تقرأ الموضوع خصوصاً لما يكون العنوان عبارة عن سؤال ..بيروحوا بيجاوبوا ع السؤال ههه وبينسوا الموضوع .. ثانياً: بحب يكون العنوان جريء ومُستفزْ ..لحتى يجذب الأعضاء للموضوع ..يعني الشغلة فيها وجهة نظر .. اقتباس:
طيب .. رأيك تقريباً بيشبه وجهة نظري الشخصية التي لا أفرضها ع العامة .. يعني أنا لما سمعتها عجبتني كأغنية إسلامية ..لكنها كانت اولاً أكبر من سني بكتير ..يعني مش إشي أسمعو وأرددو ع طوول ..ثانياً زي ما حكيت بحس هالنوع خصيصاً من الحب خاص بين الزوجين .. وأنا حكيت وجهة نظري التي لا أفرضها او ( لا أُعممها) ع عامة الناس .. وذالكْ لـ سبب .. هالأنشودة بالتحديد تسد فجوة وفراغْ كبير كتير في عالم النشيد أو الغناء الإسلامي .. لأنو النشيد أو الغناء الإسلامي تقريباً حكى عن كل إشي من محبة الله والرسول عليه الصلاة والسلام ومحبة الواليدن ومحبة الوطن ومحبة الناس ..وغيرها .. ونسي أهم نوع في الحياة "الحب بين الزوجين" ..وهو إشي مطلوب ومرغوب عند الناس .. بينما هالنوع الي نسيه النشيد الإسلامي ..تبناه الفن الهابط بطريقة كتيير سيئة .. فأصبح الشباب يلجئون في التعبير عن الحب من هذا النوع إلى الأغاني الرديئة الهابطة .. وأنا بعْرف ناس زي هيك ..بيسمعوا أناشيد لكن في أغاني الحب بيلجأوا لهيك نوع من الغناء الرديء.. فلهيك حكيت النشيد في الحب بين الزوجين مهم ..لنوفر بديلاً للشباب عن" الأغاني غير الإسلامية .." اقتباس:
ولو على عيني وراسي .. شكراً إلك كتير :) |
رد: هل الدين ضد الرومانسية والعشق ؟؟!! سؤال بسيط
اقتباس:
يأمرونَ بالمعروف ..وينْسونَ أنفسهم ..!! اقتباس:
المُوسيقى زي ماذكرت ..موضوع مُختلف فيه ..وكل إنسان بتبنى وجهة نظر هو مُقتنع فيها وتتبع جهة معينة .. يعني مابيجوز آجاي أحكي الموسيقى حرام والي بيسمعها بيدخل النار .. وأعمم ع الجميع .. وبعدين " إن الله لا يُعذِب فيما أختلف فيه " هالكلمة مش معناها نتمادى ..ولكن لـ حتى نفهم .. أنا هيك بشوف .. شكراً إلك :) |
رد: هل الدين ضد الرومانسية والعشق ؟؟!! سؤال بسيط
اقتباس:
لحد الآن إنتي معي وفاهماني .. بس شكلكْ فهمتيني غلط برضوا .. :( لا تركزوا ع العنوان ..إقرأوا محتوى الموضوع :) شكراً إلك ..بإنتظاركْ حبيبتي :) |
رد: هل الدين ضد الرومانسية والعشق ؟؟!! سؤال بسيط
اقتباس:
اقتباس:
لازم يكون في بديل للأغاني الرديئة الي كل الناس بيلجأولها ..وهالبديل .. لا زم يكون محترم وعفيف ..وهالأغنية مستوفيه للشروط المذكورة .. :) شكراً إلكْ كتير .. منورة :) |
رد: هل الدين ضد الرومانسية والعشق ؟؟!! سؤال بسيط
مظبوط حكيك اختى ..
عن نفسى بسمع دايما أنشودة .. أنتى زوجتى .. وبعد اتخيل حبى لزوجتى مثل الكلام اللى فى الأنشودة .. ماهر زين على عينى وراسى .. بس معظم أناشيده الرتم سريع اشوى .. والموسيقى صاخبة .. اشوى http://youtu.be/a0-F4SVIPvo معك حق أن الموضوع مفت للانتباه ومستفز .. وفعلا اللى يقراه ممكن يحكى .. اش هدا .. رومنسية ايش ويروح ذهنه للحب الغير شرعى .. لكن المضمون بيوضح أكتر .. |
رد: هل الدين ضد الرومانسية والعشق ؟؟!! سؤال بسيط
اقتباس:
أنا مابسمع أغنية ماهر زين او أحمد ابو خاطر ..او أي إشي من هالنوع ..لأنو بحسها اكبر من عمري بكتير .. سمعت أنشودة زوجتي هي حلوة كتير بس هادئه زيآدة ههه.. بس كلماتها حلوة .. اقتباس:
يعني مش مقتنع إنها بتكون حلال ..لهيك مابتفضل ماهر زين ..صح :) وإنتا ذكرت إنكْ مابتحب أناشيد ماهر ..ماهر زين مش منشد ..ماهر مُغني إسلامي يغني أغاني إسلامية ..وليس أناشيد .. :) ع العموم .. نقاشي ماكان عن ماهر زين وأغانيه .. اقتباس:
ولا في ناس إختصروا الطريق ..ما قرأوا الموضوع وراحوا جاوبوا ع السؤال ع طووول .. هههههههه شكراً إلكْ كتيير ع المُتابعة :) |
رد: هل الدين ضد الرومانسية والعشق ؟؟!! سؤال بسيط
انا قرأت الموضوع بس ما مريت ع الردرود :)
هو فعلا بس لانه مش متعودين و زي ما قلتي مش قصة موسيقى هي كمان أبو خاطر اله نشيدة للزوجة أحبك مثلما انتي احبك كيفما كنتي ... زوجتي انتي حبيبتي انتي ... و بدون شي لا موسيقى و لا حاجة لكن بعض الناس ما بيتقبلوا هذا الموضوع اصلا يعيني لو سمعوا نشيد ابو خاطر رح يتقبلوه بس ماهر زين لأ ! / لكن الحب المشروع اكيد موجود بدينا و بلعكس بيجعله بميزان حسناتنا من احاديث الرسول : إن الرجل إذا نظر إلى امرأته ونظرت إليه نظر الله إليهما نظرة رحمة، فإذا أخذ بكفها، تساقطت ذنوبهما من خلال أصابعهما الراوي: أبو سعيد الخدري المحدث: السيوطي - المصدر: الجامع الصغير - الصفحة أو الرقم: 1977 خلاصة حكم المحدث: صحيح و سيرته عليه السلام و مواقفه مع زوجاته ! كلها من دينا لكن لانه شئ جديد م متعودين عليه فقط راجعة مرة تانية اقرا الردرود يعطيكي العافية لجين ~ |
رد: هل الدين ضد الرومانسية والعشق ؟؟!! سؤال بسيط
اقتباس:
العفو اختى .. |
رد: هل الدين ضد الرومانسية والعشق ؟؟!! سؤال بسيط
اقتباس:
صح ..هي قصة غنو مافي تقبل لنوع جديد زي هيك ..مع إنو المفترض يكون موجود من زمان لحتى مانفصل الدين والحب وعن الفن .. اقتباس:
لحد الآن كنا نتفقين إنو شغلة مش متعودين عليها ..وجديدة .. طيب ليش يعني ..هل لأنو ماهر زين بموسيقى ..او بلغة اخرى ..؟؟؟ في النهاية هالنوع مطلووب ومرغووب كتير كـ بديل للأغاني الهابطة والتعبير عن بطريقة محترمة مش غلط أبداً .. وزي ماحكيتي شغلة غنو مش متعودين ..لا اكتر ولا أقل .. شكراً إلكْ .. وبإنتظارك حبيبتي :) |
رد: هل الدين ضد الرومانسية والعشق ؟؟!! سؤال بسيط
اقتباس:
وآو .. لأ أنا عكسك تماماً ..بحس الأناشيد والأغاني الإسلامية ..هي كل الحياة .. وعلى فكرة في مُنْشدين ومُغنين غيرولي حياتي مية وتمانين درجةِ ..لـهيك بحس بالإمتنان لـ بعضهم .. وبحب المُوسيقى كتيير ..بحسها لغة خاصة .. شكراً كتير ع المُتابعة :) |
رد: هل الدين ضد الرومانسية والعشق ؟؟!! سؤال بسيط
اقتباس:
لو اختصرنا حياتنا فى سماع أناشيد فقط بدون العمل حتى بما فيها لن تكون هذه حياة .. الأغانى الإسلامية أو فن الإنشاد أكيد هناك فيه بعض القصور الكبير .. خاصة بعضها صاحب الموسيقى الصاخبة جدا .. يعنى الشيخ حسان اتكلم فى الفيديو ده إزاى .. http://youtu.be/SUaR9RrQcbo أنا معاكى بالتأكيد أن كلام الاناشيد بيكون حلو جدا .. فى المعظم .. وموافق على التدرج فى التغيير .. بمعنى أنا واحد مثلا كان عندى على الكمبيوتر يمكن 12 جيجا أو أكثر أغانى .. وكان أى شريط ينزل للمغنيين .. خصوصا حماقى وعمرو دياب فى يوم مسحت كل ده .. واستبدلتهم بالاناشيد الحمد لله .. كانت الاول معظمها بموسيقى .. لكن بعدين ابتديت أسمع أناشيد اللى بيسمعها السلف حماسية ومن غير موسيقى زى غرباء وأعباد المسيح .. وبجيب الأناشيد التانية بدون إيقاع .. وما زلت أقول .. أن الرومنسية فى الأناشيد وكده يعنى غير محبوبة خصوصا فى موضوع الزواج لانه المفروض بيخاطب فئة معينة .. ومش هيزود حاجة يعنى لما واحد يسمع أغنية عن مراته .. لكن لما أقول فى أنشودة يا مقاومة اشتدى هزى حصون العدا .. ناس هتتحمس ويبقى الأنشودة ليها هدف .. حاليا القنوات بقت تتاجر بموضوع الاناشيد ده للأسف .. وهذا لا أحبه .. |
رد: هل الدين ضد الرومانسية والعشق ؟؟!! سؤال بسيط
اقتباس:
أنا لما حكيت إنو الأناشيد أو الاغاني الإسلامية هي كل الحياة بالنسبة إلي .. كان قصدي كناية عن إنو في بعض الأناشيد لمآ بتسمعها بتعطيكْ أمل بالحياة وبتخليني أتفاءل .. وفي بعضها لما سمعتها غيرتلي حياتي بالكآمل ..لمُجرد كلمة انْشدها مُنْشِدْ ..ع حسب نوع الأنشودة .. آسفة إزا فهمتني غلط ..يمكن كان لازم اوضح أكتر ..بس والله باين شو قصدي :/ اقتباس:
أنا فاهماكْ منيح ..بس إنتا إتبعت رأي الشيخ محمد حسان والذي قبلو ..في إنو الأناشيد المصحوبة بالموسيقى لايجوز إنو الواحد يسمعها ..وأنا أعترف إنو هادا هو رأي الأغلبية من العلماء .. بس انا إتبنيت وجهة نظر أخرى .. أنا على قناعة إنو الأناشيد المصحوبة بـ موسيقى حلال ..وعادي جداً الواحد يسمعها .. مادامت هـ الأناشيد تُعيني وتبعثني على تقوى الله ..وانا هون مع رأي الأقلية من العلماءْ .. لأنو أقنعني جداً ..ومنطقي أكتر من وجهة نظري .. في هالحالة ..مش ممكن أحكي إنو إنتا والأغلبية على خطأ وأنا الأقلية ع صواب ..والعكس أيضاً غير صحيح .. هاي إجتهادات بشرية ..وكل إنسان حر بالطريق الي بيتبعو والرأي الي بتبناهـ .. ومش لآزم لحتى أقنعكْ إني ع الصواب أثبتلك إنكْ ع خطأ ..كل إنسان شايف رأيو صح .. الإمام الشافعي قال " إنْ الله لا يُعذب فيما أُخْتُلِفَ فيه" ..مش معناتو إنو نتمادى ..ولكن للإستشهاد .. اقتباس:
خطوة جريئة ورائعة ..وجزاك الله ألف خير .. بس إنتبه لا تفهمني غلط ..أنا لما احكي إني بسمع الأغاني الإسلاميةِ ..بيكون قصدي زي أغاني سامي يوسف ..وماهر زين ..ومعظم أغانيهم فيها موسيقى لكنها تتحدث بشكل عام عن الإسلام وقضاياه المتنوعة .. انا بعيدة كل البعد عن أعلام الفن الهابط الي ذكرتهم إنتا ..ومستحيل أسمعلهم ..مش بس لأنو حرآم ..بس لأنو أنا مابدي أنزل للمستوى الرديئ الي وصلولوا هما .. اقتباس:
هادا تطبيق وآضح ..يدل على إنكْ شديد الإقتناع بـ الطريق الي سلكتوا بإختياركْ .. بس مش ممكن تفرض هالرأي ع حدآ في العالم .. :) اقتباس:
هادا الموضوع إتناقشنا فيه ..ولا زلت أوافقك ..يعني أنا وحدة من الناسْ إلي أغنية أبو خاطر وماهر زين ..اكبر من سني بكتيير ومش مناسبين إلي ..يعني مُناسبة لـ فئة معينة بس .. بس لا يعني إنهم التنين مالهم دآعي أو غلط ..وهاي وجهة نظري الشخْصية التي لا أعممها ع الناسْ .. ولآزلت أكرر وأشدد واقول .. وأنا حكيت وجهة نظري التي لا أفرضها او ( لا أُعممها) ع عامة الناس .. وذالكْ لـ سبب .. هالأنشودة بالتحديد تسد فجوة وفراغْ كبير كتير في عالم النشيد أو الغناء الإسلامي .. لأنو النشيد أو الغناء الإسلامي تقريباً حكى عن كل إشي من محبة الله والرسول عليه الصلاة والسلام ومحبة الواليدن ومحبة الوطن ومحبة الناس ..وغيرها .. ونسي أهم نوع في الحياة "الحب بين الزوجين" ..وهو إشي مطلوب ومرغوب عند الناس .. بينما هالنوع الي نسيه النشيد الإسلامي ..تبناه الفن الهابط بطريقة كتيير سيئة .. فأصبح الشباب يلجئون في التعبير عن الحب من هذا النوع إلى الأغاني الرديئة الهابطة .. وأنا بعْرف ناس زي هيك ..بيسمعوا أناشيد لكن في أغاني الحب بيلجأوا لهيك نوع من الغناء الرديء.. فلهيك حكيت النشيد في الحب بين الزوجين مهم ..لنوفر بديلاً للشباب عن" الأغاني غير الإسلامية .." اقتباس:
هاي النُقطة بالذات اوافقكْ فيها ..وبشدة .. والمُشكلة إنو هالقنوات إنتشرت ..وصار عليها إقبال مُخيف ..وأغلب الناس مابتعرف إنها قنوات ربحية .. حولت النشيد الإسلامي من تراث إسلامي راقي ..إلى تجارة تعكس عدم عملهم بالقيم التي يدعون لها .. أنا بعرف إنو كلامي كتيير بس شكراً إلكْ ع المُتابعة والتفاعل .. :) |
رد: هل الدين ضد الرومانسية والعشق ؟؟!! سؤال بسيط
أنا تناقشت كثيرا مع الكثير فى موضوع الموسيقى ..
وبالنسبة لهم .. امر الموسيقى ليس فيه خلاف .. أين الخلاف فى الموسيقى .. هناك حديث صحيح ينهى فيه الرسول عن المعازف .. غير الأدلة الأخرى .. ماذا عن الأدلة التى تعطى خلافا ؟؟ عموما .. أكيد الاناشيد اللى بموسيقى أحسن من الأغانى والهلس .. بص صراحة الفن الهابط متبناش موضوع الزواج ده خالص .. أظن مفيش ولا إنية كده .. |
رد: هل الدين ضد الرومانسية والعشق ؟؟!! سؤال بسيط
الموضوع شكله قديم ،بس بصراحة أول مرة انتبهله
اممم هلأ ما بعرف رأيي الدين بهيك أشياء بس لمفهومي وأنا واعتقاداتي مادام الشعور نفسه رح نشعره وشي مانو ارادي وكانت كلمات مؤدبة ولعلاقة مشروعة ما في غلط وكل انسان وفكره ،يعني الموضع برجع لكل واحد ومدى تحررية غقله وتقبله لهيك شي ممكن يبدو بأول الموضوع غريب يسلمو دموع ع الطرج المثير |
رد: هل الدين ضد الرومانسية والعشق ؟؟!! سؤال بسيط
اقتباس:
إنتا حكيت الي عندكْ وساويت الي عليك ولو كنت مُذنبة إنتا عملت الي عليك ونصحتنا وجزالك الله ألف خير ..وأنا يآ اخي ما إقتنعت ..والشغلة مش بالغصب .. مش لازم لـ حتى تقنعني إنك ع صواب ..تثبتلي إني ع خطأ .. ولا زلت أقول شغلة مختلف فيها ..وإلي أسبابي الي دفعنتني أحكي هالحكي ..ورح اوضحلك هالأسباب فيما بعْد ..لأنو بعدنا عن الموضوع الأساسي كتيير .. اقتباس:
وبشوف إنو كل الأغاني الي بيسمعوها ..بتحكي عن الحب بين الرجل والمرأة .. حب شرعي ..ولا مش شرعي ..بـ زواج ..ولا بدون ..المهم إنهم بيحكوا عن موضوع الحب .. وشكراً ع المُتابعة .. :) |
رد: هل الدين ضد الرومانسية والعشق ؟؟!! سؤال بسيط
بما انكم فتحتو الموضوع بدي اعلق ع شغله
انارحت امبارح ع فرح وكان الفرح اسلامي اكتر من الاغاني العاديه فيها ايقاع وايقاع مرتفع جدا يعني نفس لحن الاغاني العاديه بس مغيريين الكلمات يعني شي مو منطقي وبيسمو هالاغاني اسلاميه اي شو هاد هيك هو الاسلامي صار كل هاد انحرافات مش اكتر صحيح بالاغاني الكمات الها دور وخاصه الاغاني الى بتكون فيها كلمات مش كل هاد(فاهمين قصدي) وكتير بسمعها بالشوارع وخاصه بتاعت هالايام شي بشع عنجد وانا ضد كلامك اخ حسام بنحاية انو مو لازم تدخل الرومنسيه للأناشيد عادي جدا طريقه من الطرق ليعبر لزوجته عن حبو وامتنانو الها في ناس ما بتعرف تعبر بتلجأ لهيك طريقه وهي حياة زوجيه الحب اساسي فيها مو غلط بكلمات لطيفه شي موسيقى رايقه وسؤال ليه شايفها حضرتك غلط؟ |
رد: هل الدين ضد الرومانسية والعشق ؟؟!! سؤال بسيط
اقتباس:
الموضوع قديم !! ..قبل كم يوم بس .. اولآ خطكْ زغييير ..حولتي عيوني ..ههههه المهم .. صحيح إذا بعدنا عن الدين ..او تركنا رأيو ..فهادا بيرجع للإنسان لمدى تحرر عقلوا زي ماذكرتي .. والبيئة الي تربى فيها والترباية الي ترباها .. وإذا كان كل إشي مُحترم ..فـ بعتقد إنو يجب ع العقل المُسلم المُتحرر أن يتقبلوا في نهاية الأمر ..بشكل عام .. يمكن بيكون غريب في البداية ..لكن حيتقبلوه لو إنتشر شكراً إلك كتيير نورتي الموضوع .. :) |
رد: هل الدين ضد الرومانسية والعشق ؟؟!! سؤال بسيط
اقتباس:
فلا تصدق انه لم يختلف عليها ومن المجيزين يوسف القرضاوي و عبد الفتاح محمد الحلو. الشيخ / أبو عبد الرحمن الظاهري. الشيخ/ محمد الغزالي. ذهب الجمهور اي اغلبية العلماء لتحريمها معرفة الدليل للاتباع شيء مهم حتى لا يصبح اتباع هوى |
رد: هل الدين ضد الرومانسية والعشق ؟؟!! سؤال بسيط
اقتباس:
وآآو بعْدنا عن الموضوع ..كتييير ... أولآ أهلين فيكي مرة تانية .. بس مافهمت هل الأناشيد الي كانت في الفرح زي لحن والموسيقى الي بتكون في الأغاني والتغيير في الكلمات بس ..يعني حولوها من كلمات بايخة إلى كلمات مُحترمة ..؟؟ أو لأنو كان فيها موسيقى ..أو لإنو الموسيقى كانت عالية كتير ونفس موسيقى الأغاني ..؟؟ آسفة بس مافهمتْ :( شكراً إلكْ كتير ع المُتابعة كتييير بس يآريت توضحي اكتر .. بإنْتِظَارِكْ .. ..^.^.. |
رد: هل الدين ضد الرومانسية والعشق ؟؟!! سؤال بسيط
اقتباس:
ولو إنو بعدنا عن المَوضوع كتير .. بس صح ..تقريباً هما هدول العلماء إلي إستندت على أقوالهم في البداية كُنتْ أطنش الإدلة ..وبس كبرت صرت اعرفْ أهميتها .. شكراً إلكْ كتير :) |
رد: هل الدين ضد الرومانسية والعشق ؟؟!! سؤال بسيط
بسم الله الرحمن الرحيم كيفكم ؟؟ أولا حابه أعلق عالموضوع الأساسي بالنسبه الي مافي مشكله بهادي الأنشودة لانو الرجال بغني لزوجته بشرع الله مش بغني لحبيبه أو صديقه مش متزوجها متل الأغاني لكن في اشي مش عاجبني بهالأنشودة ( الموسيقى ) حبيبتي دموع الموسيقى حرآم ولاتحكيلي في اختلاف لانو ربنا سبحانه أعطانا عقل نفكر فيه وأدله نستند عليها من كتاب الله وسنة الرسول صلى الله عليه وسلم وهي الدليل قال صلى الله عليه وسلم "يكونن أناس من أمتي يستحلون الحر والحرير والخمر والمعازف " بالنسبه للأخت الي بتحكي راحت فرح اسلامي ولقت مافي فرق بينو وبين الي مش إسلامي !!!! بحكيلها مع إحترآمي انتي غلطانه ميه بالميه أولا بالنسبه للكلمات الأغاني كلماتها فاحشه وفيها حلف بغير الله والأناشيد عكس هادا تماما تانيا الأغاني فيها موسيقى صريحه وممكن يكون في مقطع بالأغنيه موسيقى بحته بدون كلمات ومدة الموسيقى ربع ساعه !! أما الأناشيد مابكون فيها موسيقى بتكون ايقاع فقط وفي فرق بين الإيقاع والموسيقى ياريت الي مابعرف الفرق يكتب باليوتيوب مسلا .. أنشودة توأم هنايا بموسيقى .. وبعدين يرجع يكتب توأم هنايا ايقاع فقط ويلاحظ الفرق ( : أنا ضد الموسيقى انها تكون بالأناشيد والحمدلله انا مابسمع أناشيد بموسيقى لانو ايش سبب تحريم الأغاني ؟؟ سببين .. الموسيقى والكلمات الفاحشه آسفه عالإطاله شكرا للجميع هدآنا الله واياكم |
رد: هل الدين ضد الرومانسية والعشق ؟؟!! سؤال بسيط
اقتباس:
نُشْكُر ألله.. اقتباس:
اقتباس:
بالضَبطْ ..اتفق معكْ بـ هالنُقْطَة ..إذا الأُغنية مافيها إشي يُخَالفْ الدِينْ ولاَ الأَدَبْ .. فمافي مُشْكِلة في سَمَاعْها ..ولا غِنَائهَا ..وزي مآ حكيتي بيغَني لـ زوجته .. وبالعَكْس بيعطينا بديل ..للأغاني الفَاحِشه ..أَنَا أتَفِقْ معِكْ .. اقتباس:
اقتباس:
حبيبتي شروق إنتي بتشوفيها حرآم أنا بَشُوفْهآ حلآل :) .. اقتباس:
اقتباس:
وأنا بحْكِيلكْ بسبب هالعَقِل إلي ألله أعْطانا إياهـ .. إستنتج كتير علماء إنو هي حلآل ..وكتير عُلَماءْ اجِلاْءْ إنهآ حرآم .. فإذا في رأيين مُتَضادِين ..بالتالي ..بديهي ..يكُونْ في خِلافْ .. :) إنتي بتحكي إنو في كتير أدلة صًريحة تؤكد إنو الموسيقى حلآل .. طيب .. أنا رح اعطيكي شو الأشياءْ إلي إستندتْ عليها في رأيي ومن فِهْمي .. مش مُمكن في نَظري تحريم المُوسِيقى بالجملة ..بل لِحَسبْ ما أُستًخْدِمتْ له .. يعني التَحْريم مآ أجا في الحديث الي ذكرتيه لـ ألبوم مَاهر زينْ ..الألبوم الي يُعْتَبر" ديني" .. عندما دخل الإسلام إلي الجزيرة العَربية ..كَانَتْ المَعَازف كمَا سمْاها الرسول صلى الله عليه وسلم .. تُسْتَخْدَمْ في مَجَالِسْ اللهو والطرب ..وإستعراض الفواحِشْ والمُجاهرة بالمُنْكَرْ وشُرب الخَمْر والرَقْص مع النِساءْ .. فَعِنْدها رأى الإسلام أنْ في تحليلها سيكُونْ نَشِر للرَذيلة وخطر يُهَدِدْ الإسْلامْ بالزَوال .. فعِنْدَها قال الرَسُولْ مَاقَالْ في الحَدِيثْ الَّذي ذَكَرْتِيه .. يعْني بِلُغَةٍ أُخْرَى ..إنْ التَحْريمَ جآءْ لِفِئةٍ مُعينةَ مِنَ الناس " اللذينَ يَسْتَخْدِمُونَ المزامير أو المَعَازفْ أو الآلات المويسقيى فيمآ لا يُرّضي الله ولا يجلِبُ مَنْفَعَة ً للمُسْلِمينْ .." .. ولما تكون الموسيقة بآعِثة ع الخَير وين الغَلطْ ..؟؟؟!!! عن عائشة"رَضِيَ اللهُ عَنْهَا" أن جاريتين كانتا تغنيان فدخل أبو بكر فنهرهما وقال : أبمزمور الشيطان في بيت رسول الله فقال الرسول :" دعهما يا أبا بكر فإنها أيام عيد". و من المعلوم أن العيد لا يحل الحرام.وقد رد بعضهم الاستدلال بهذا الحديث بأن هذا غناء بلا آلات. وهذا خطأ لقوله : أبمزمور الشيطان , إذن هي مزامير. ولو قبلنا أن المقصود هنا هو الدف لتوجب أن تحمل النصوص التي يحتج بها المحرمون على نفس المحمل واستدل ابن حزم بأثر صحيح الإسناد عن عبد الله بن عمر و عبد الله بن جعفر رضي الله عنهما أنهما استمعا للعود. واحتج أيضاً بحديث أن ابن عمر سمع مزمارا فوضع إصبعه في أذنيه و نأى عن الطريق , وقال: يا نافع هل تسمع شيئاً ؟ قال: لا , فرفع إصبعيه وقال: كنت مع الرسول عليه السلام فصنع مثل هذا. قال ابن حزم: فلو كان حراماً ما أباح رسول الله لابن عمر سماعه ولا أباح ابن عمر لنافع سماعه أنَها هيكْ إقتنعت .. وبَعْدينْ أنا فكرت فيها ..لما كُنت أسمع لـ سامي يوسف وهو مُغَني إسلامي وموسيقار مشهور كل اغانيه عن الله والرسول عليه الصلاة والسلام والأمة ومَشَكلْها ..وكانت كل أغانيه أو اناشيده فيها موسيقى ولما كُنْتْ بَسْمعها بحِس إني بدي أَطير ..وبالعكس هالإنسان بسبب صوتوا وأغانيه تغيرتْ حياتي بالكآمل .. فَفكْرْتْ بمآ إنو أغانيه تحتوي على موسيقى ..وموسيقاه ما ضرتني أبداً ..بالعَكْسْ فَتًّحْ عيوني عَ أشياءْ كُنْتْ أنا غآفلة عَنْها ..فـ ليش ألله رح يمنع عني إشي ما ضرني أبداً وفادني كتييير وبالعَكْسْ لمَّا كُنت أسمع أغانيه بدون موسيقى وبإيقاع ..مَاكَانتْ تِعْجِبْنِي أبداً.. فمن هون كان المُفتاح الي وصلت فيه (إنو الموسيقى حلال مادامت تعيني وتقويني على طاعة الله) أنَا هيكْ مُقْتنعة ..إنتي مُقْتنعة بالعكس ..أهلاً وسهلاً ..مش غَلطْ أبداً .. الشَّغلة فيها خلاف ياشروق وخلاف كبير دوري في آراء العُلماءْ ورح تعرفي .. :) وفي النهاية .. " إنَّ الله لا يُعَذِّبُ فيما أُخْتُلَفَ فِيهْ " أنا بـ هالعبارة ما بتمادى ولكن للتأكيد إنو مش لازم لحتى أبينلك إني ع صوابْ أثبتلك إنك ع خطأ .. كل العُلَماءْ إجتهدوا ..وكلهم مأجورون في إجتهادهم ..وبعْدِين في علمآء حللوها مش ممكن نتجاهلهم .. محمد الغزالي ..الإمام أبو حامد الغزالي ..يُوسِفْ القَرَضَاوي ..الإمام الشَافعي ..الإمامْ المالكي ..وغيرهم حرَّم فإذا كِبار العُلماء إختلفوا ..يتَّضِحْ إنو أكيد في خلآف وخِلافْ وجيه .. شكراً إلكْ كتير ع المُشَاركة .. نورتي :) :ShababSmile224: |
رد: هل الدين ضد الرومانسية والعشق ؟؟!! سؤال بسيط
يعني اخت دموع
نفس الاغاني العاديه بكل موسيقاها والايقاع كلو بس الكلمات تغيرت يا اخت الى علقتي ع كلامي صحيح غيرو الكلمات الفاحشه بس شو الموسيقى كلها ضلت ما تغير منها شي وبيسموها اسلامي بالله عليكي شو الاسلامي فيها اساسا ما بيصير يصنفوها انها اسلاميه |
رد: هل الدين ضد الرومانسية والعشق ؟؟!! سؤال بسيط
السلام عليكم ( : أولا حبيبتي دموع تعقيبا عبدايتك ما إسمها أغنيه ( أنشودة ) لكن بموسيقى ( : تانيا لحد الآن ماجبتيلي حديث صحيح عن الرسول صلى الله عليه وسلم نصه التحليل للموسيقى تالت اشي افتحي بالنت أحاديث صحيحه عن الرسول تدل على تحريم الموسيقى وحتشوفي أديش في أحاديث للتحريم رابع اشي بالنسبه لحديث الجاريتين عن عائشة ـ رضي الله عنها ـ قالت: دخل عليّ رسولُ الله ـ صلّى الله عليه وسلّم ـ وعندي جاريتان تغنيان بغناء بُعاث، فاضطجع على الفراش وحوّل وجهه، ودخل أبو بكر فانتهرني، وقال: مزمارة الشيطان عند النبي ـ صلّى الله عليه وسلّم ـ! فأقبل عليه رسول الله ـ عليه السلام ـ فقال: " دعهما ". فلمّا غفل غمزتهما فخرجتا.. 1. أنّ المغنّيتين كانتا جاريتين، والجارية هي البنت الصغيرة ( الطفلة ) التي لم تبلغ. 2. أنّهما كانتا تغنيان بغناء بُعاث، وهو يوم كان بين الأوس والخزرج في الجاهلية تقاتلا فيه، فهو غناء جادّ حماسي من فخر أو هجاء ونحوه. 3. أنّ غناءهما كان عارضاً لأجل تلك الأيام ( أيام العيد ) وليستا بمحترفتين للغناء، لقول عائشة: ( وليستا بمغنّيتين ). يوضّحه الوجه: 4. أنّ هذا الغناء مخصوص بيوم العيد وليس دائماً طوال العامّ. 5. أنّه مخصوص بعيدنا الشرعي ( الفطر والأضحى ) دون أعياد الكفّار، والأعياد المبتدعة , وإن لم تسمّ أعياداً!. 6. أنّ النبيّ ـ صلّى الله عليه وسلّم ـ حوّل وجهه ولم يشهد هذا الغناء. 7. إنكار أبي بكر ـ رضي الله عنه ـ لهذا الغناء وتسميته بمزمور الشيطان، ممّا يدلّ على أنّ الأصل في الغناء بالصوت الجميل الملحّن المنع، إلا ما استُثني كما في هذا الحديث. لأنّ المزمار يطلق في اللغة على الصوت الحسن، ومن ذلك قول النبيّ ـ صلّى الله عليه وسلّم ـ لأبي موسى الأشعري ـ رضي الله عنه ـ لمّا قرأ عليه القرآن: " لقد أوتيت مزماراً من مزامير داود ". قال القرطبي ـ رحمه الله ـ: " أمّا الغناء فلا خلاف في تحريمه؛ لأنّه من اللهو واللعب المذموم بالاتفاق. فأمّا ما يسلم من المحرّمات فيجوز القليل منه في الأعراس والأعياد وشبههما ". 8. أنّ النبيّ ـ صلّى الله عليه وسلّم ـ لم ينكر على أبي بكر هذه التسمية، وإنّما نبهه على أنّ ذلك مستثنى في أيام العيد لإظهار الفرح والسرور. 9. أنّ هذا الغناء كان بالدفّ دون غيره من آلات اللهو والغناء، حيث لم يرد ذكر شيء من ذلك في روايات الحديث سوى الدف المعروف. 10. أنّه كان في مكان محصور: في بيت النبيّ ـ صلّى الله عليه وسلّم ـ ولم يكن أمام الملأ. 11. أنّ هذا الغناء يقدّر بقدره، لقول عائشة ـ رضي الله عنها ـ: " فلما غفل غمزتهما فخرجتا ". ................................. بالنسببه للأخت عازفة الأحزان يجوز إنك ما قرأتي ردي منيح أو ما ركزتي ( : تانيا الأغاني فيها موسيقى صريحه وممكن يكون في مقطع بالأغنيه موسيقى بحته بدون كلمات ومدة الموسيقى ربع ساعه !! أما الأناشيد مابكون فيها موسيقى بتكون ايقاع فقط وفي فرق بين الإيقاع والموسيقى ياريت الي مابعرف الفرق يكتب باليوتيوب مسلا .. أنشودة توأم هنايا بموسيقى .. وبعدين يرجع يكتب توأم هنايا ايقاع فقط ويلاحظ الفرق ( : أنا ضد الموسيقى انها تكون بالأناشيد والحمدلله انا مابسمع أناشيد بموسيقى لانو ايش سبب تحريم الأغاني ؟؟ سببين .. الموسيقى والكلمات الفاحشه |
رد: هل الدين ضد الرومانسية والعشق ؟؟!! سؤال بسيط
اقتباس:
يعني الموسيقى تاعته هي الي بتشجعك عطاعة ربنا ؟؟؟ :ShababSmile225: غريبه !! هوا المفروض الكلمات الي ممكن تشجع عطاعة ربنا يعني لكن الموسيقى ايش دخلها !! بعدين احكي من الأول انو الموسيقى عجبتك أكتر من الايقاع ( : ولاتحكي انه الموسيقى ازا كانت بتحث عطاعة ربنا فهيا حلال لانو ياحبيبتي ياعيني فهمني كيف الموسيقى بتساعد عطاعة ربنا زي ماحكيتلك الكلمات ممكن يكون الها دخل بعدين لاحظي وتأمل كيف كان السلف يتورعون عن سماع الغناء : عن نافع أنه قال: كنت مع ابن عمر رضي الله عنهما في طريق فسمع زمارة راع فوضع أصبعيه في أذنيه ثم عدل عن الطريق؛ فلم يزل يقول: يا نافع أتسمع ذلك؟ حتى قلت: لا ؛ فأخرج أصبعيه وقال: هكذا رأيت رسول الله صلى الله عليه وسلم صنع هادا دليل عشو ؟؟؟؟؟؟؟؟؟؟ تعليقك |
رد: هل الدين ضد الرومانسية والعشق ؟؟!! سؤال بسيط
اقتباس:
مع انو هالتفكير بحد زاتو غلط!! مش غلط اننا نحب او حتى نعبر بطريئة صح ممم بالنسبة للأغنية او النشيد فأنا كتير بحبها وما حاسيتها غلط تتصنف "اسلامية" لأنو هادا هدفها الأساسي لأنها متل ما حكا الكل للزوجة يعني علائة حلال بس معمولة بإطار "الدارج" عشان الناس تتئبلها،، لأنو انا وحدة من الناس ما بسمع اناشيد الا بالصدفة مش منشان شي بس هيك ما بحب! بس هاي سمعتها، فلو انا من النوع اللي بتأسر بالكلمات فرح اتأسر بهاي وغيرها من اناشيد حتى لو احسن مش حسمع وما حتأسر،، يعني هاي في امل الكل يسمعها،، بعدين حتى ازا حدا اعترض وحكا مش اسلامية اصلو فيها موسيئى وتصوير و و و،، طيب مش بالآخر وصلت لنفس هدف الاناشيد؟؟ وصلت المعلومة المطلوبة؟ فليش نرفضها؟؟ هاي اولا، تانيا معلش بدي ارد ع كم مشاركة استفزوني اقتباس:
مش حيوصلي الفكرة هاي، اما ماهر زين سمعتها لأنها غير عن الاناشيد يعني وصلت للكل اللي بسمع اناشيد واللي ما بسمع، واصة الكلمات فهاي بحسها بتختلف من شخص للتاني انو انت بتشوف هالجملة احسن من هاي غيرك لأ، وانا ما بعرف بس بحس التعبير بالانجليزي بعطي المعنى او بوصل الحكي والاحساس احسن، ورجاءا ما حدا يدخلني بنقاش لغة القرآن لأنو حتكونو فهمتو كلامي غلط (: اقتباس:
ههههههههههههههههههههه اقتباس:
انو احترنا يا أرعة، انتو بتحرمو الكلمات ولا اللحن؟؟ من الآخر؟!! ازا الكلمات فالأغاني اللي كلماتها مش مزبوطة اخلاقيا بتنعد ع الاصابع البائي كلام حب ما فيو إلة ادب او او، فـ عنجد شو هالهبل! والله عازفة الأحزان انا ما بئهرني الا هالحركة، انو هيك طلعو فاهمين الدين بالاخر؟؟؟ xd اقتباس:
مع العلم انو يكون العرس مختلط وبنات وشباب يئومو يرئصو، بس شو تزكرو الدين عند كلمات الاغنية!! ماشي الأغاني الي فيها حلف بغير الله او كلماتها مش مزبوطة هدول بس اللي في داعي مسلا تتغير الكلمات بس مش اي اغنية لأنو لسه عم نحكي الحب بالدين مش حرام! ليه بناقض حالنا؟! بنئول حلال بس لما تكون كلمات اغنية بنئول انها حرام لمجرد انها تحت مسمى اغنية مش نشيد؟؟ اقتباس:
او كلمات مش منيحة.. شو الفرء؟؟ بعدين انا سمعت حديث بس والله ما حافزيتو نصاَ بس بمعنى انو الموسيئى الحرام اللي هي بتأسر بالواحد وبتخليه يتمايل ويطرب لها، بمعنى آخر اللي بتشدك لتؤمي ترئصي او بتنئلك لحالة تانية من الهيمان وما بعرف شو، هادا اللي حرام بس طبعا انا ما بفتي بهيك امور، متل ما حكا اسد (اسرعكم فتوى اسرعكم دخولا للنار) بس انا بئول اللي بعرفو، ومتل ما حكيت دموع، الموسيئى مش موضوعنا بس حبيت اعلئ لأنو بصراحة النقاش مستفز وكل واحد بيفتي من عندو من دون حتى ما يراجع الاحاديث هاي صحيحة ولا حتى ضعيفة! يعطيكو العافية واسمحولي (: |
رد: هل الدين ضد الرومانسية والعشق ؟؟!! سؤال بسيط
أهلا ياسو ( : حبيبتي مابسير تحكي عن مشاركات الأعضاء انها مستفزه لانو زي ما انتي الك وجهة نظر احنا النا ولا شو رأيك ؟؟ بعدين انا بردي استندت عحديث واحد فقط والكل عارفه ( : بالنسبه لموضوع انشودة ماهر زين انتو حرين سموها أغنيه بكون أحسن ولابقلها أغنية أكتر من انشودة لانها بموسيقى لكن انا بسميها انشودة بموسيقى لانه كلماتها للزوجه لكن ياحبيبتي ياسو في فرق بين الأغنيه والأنشودة بغض النظر الأنشودة بموسيقى أو بدون ( : قوليلي ليش ؟؟ لانو انتي بتحكي انو أغنية اليسا عن الزواج صح ؟؟ بحكيلك اوك ممكن يكون اه لكن انا سمعت هالأغنيه بفرح بنت عمتي وبعدين حرمت أروح افراح أغاني هالأغنيه فيها كلمات متل ( غمره مجنونه .. لمسه حنونه ) !! يعني ياروحي عيب تنقال هادي الكلمات أو تنسمع قدام كل الناس برضو الإسلام حث عالحياء بالمقابل لايمكن لايمكن لايمكن تلاقي هادي الكلمات بأي أنشودة من أناشيد الأفراح او اي انشودة عن الزوجه حتى هادا دليل انو الاغاني الي عن الحب بتختلف اختلاف تام عن الاناشيد الي للزوجه او عن الزواج لانو الاغاني كلماتها غييييييييييييير بعدين اغلب الاغاني ماجيبو فيها سيرة الزوجه شوفي حبيبتي أنا أكره ماعندي أسمع أنشودة بموسيقى لاني بحسها صحيح كلماتها كويسه ومحترمه لكن كلها موسيقى وهيك بتسير الها علاقه ولو بسيطه بالأغاني وبتكون الأنشودة والأغنيه مشتركين بالموسيقى لكن أنا ححكيلك عن الأناشيد الي بايقاع فقط وبدون موسيقى هي هادي الي حطيتها بفرحي يعني كلماتها حلوه ومحترمه وبدون موسيقى أنا ضد الأناشيد بموسيقى والأغاني حراااااااااااام يا ياسو بعدين عدكم حتحكوا انو الأغاني حلال ؟؟؟؟؟؟ :ShababSmile225: لا الـــه الا الله محمدا رسول الله السلام عليكم !!!!!!!!!!!! |
| الساعة الآن 02:33 PM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas