Deprecated: Assigning the return value of new by reference is deprecated in /www/wwwroot/shabab.ps/public_html/vb/printthread.php on line 119
منتديات شباب فلسطين - رحلتى إلى البريمة ~
منتديات شباب فلسطين

منتديات شباب فلسطين (https://shabab.ps/vb/index.php)
-   حِكـــآيَة صــورةْ (https://shabab.ps/vb/forumdisplay.php?f=46)
-   -   رحلتى إلى البريمة ~ (https://shabab.ps/vb/showthread.php?t=130289)

حسام المصرى 08-17-2011 09:20 PM
رحلتى إلى البريمة ~
 
من أسبوعين .. طلعت تدريب فى شركة بترول مصرية .. إسمها جابكو .. الموقع بتاعها موجود فى رأس شقير على خليج السويس .. البحر الأحمر ..

وطبعا نزلنا هناك تدريب فى كذا قطاع .. قطاع حفر وقطاع انتاج وقطاع انتاج وقطاع معالجة وقطاع حقول .. والواحد استفاد جدا ..

نزلنا على بريمة .. لشركة امريكية اسمها trans ocean وكان مدير البريمة امريكى قعدنا نتكلم معاه كتير أوى وبجد شخص محترم جدا ورائع .. استفدنا منه ..


أدى البريمة .. طبعا الصورة صغيرة .. بس الحقيقة شئ تانى .. :ShababSmile226:

http://files.shabab.ps/vb/images_cas...183648ZO35.jpg

وادى بعض صورى .. هناك بس حذفت الوجه .. يعنى لأنى كنت مسمر منا لشمس جامد والخوذه بتاعة السيفتى بهدلت شعرى وكان حالتى حالة .. ^^ :ShababSmile111: .. كمان الأفارول مكنتش مظبطه كويس من الشغل بقى والهم .. ^^

المطار ..

http://rooosana.ps/Down.php?d=grll

.. ده المكان اللى الطيارة بتنزل عليه .. طبعا كنت أول مرة أركب طيارة هليوكبوتر وكنت خايف .. ولبست البتاعة بتاعة النجاة عشان لو الطيارة وقعت فى الميا والطيارة كان فيها قارب نجاه ترميه يفتح لوحده ..
معلومة الطيارة بتشيل 12 فرد .. ولازم ناخد الأوزان طبعا قبل الطيران .. وكان منظر الطيران فوق البحر شئ يهبل بجد .. أنا كنت فى عالم تانى .. الموبايل ممنوع كان .. فمنفعش أصورلكم البحر .. وصوت الهليكوبتر عالى أوى .. فكنا حطين سددات أذن ..

http://files.shabab.ps/vb/images_cas...183649D5Pc.jpg

ده برج الحفر ..

http://files.shabab.ps/vb/images_cas...183650UqkO.jpg

باخد صورة جمب أحد الرجول اللى مثبته البريمة فى أرض البحر .. ارتفاعها هائل ..

http://rooosana.ps/Down.php?d=e6i3

ده اسمه بوت .. بتعمله شركة ميرداايف البحرية .. ده مهمته أنه بينقل المعدات من البر للحفار وسعات بينقل أشخاص كمان .. فيه ونش من البريمة بيعلق الحجات اللى عايزها من عليه وبيطلع ..

http://files.shabab.ps/vb/images_cas...183651CeEc.jpg

ده بقى ال life boat او قارب النجاة بتاع البريمة .. بيشيل 45 فرد .. فيه 2 على البريمة .. وقت الغخلاء كله بيركبه وبينزل البحر .. وطبعا فيه إمكانية أنه لو اتقلب بيعدل نفسه تلقائيا ..

http://files.shabab.ps/vb/images_cas...183651vWW5.jpg

باين الونش فى الصورة والرجل ..
http://files.shabab.ps/vb/images_cas...183652DJ5e.jpg

ده بتصور بليل .. طبعا الأفارول منور ليه بقى .. عليه مادة لما الضوء بيسقط عليها بتعمل وميض جامد .. عشان لو مثلا لدنيا ليل والمهندس عايز يشوف العمال يبانوا أو لو حد وقع فىا لبحر بليل يشوفوه .. أنا كنت خايف فى الاول وكنت حاسس انى هطير فى البحر لان الرياح كانت جامدة ..

http://rooosana.ps/Down.php?d=b5QF

شايفين طبعا .. لو كنت اتزحلقت بس من فوق كنت وقعت ..

http://rooosana.ps/Down.php?d=hhMA8

ده بقى كنت لابس بتاع النجاه .. لأنى كنت نازل مع المهندس نشوف حاجة فى ال well head فى دور قريب خالص من البحر .. والمنصة ملهاش أسوار .. فلو وقعنا ده السيفتى بتاعنا ..

http://rooosana.ps/Down.php?d=LqaEa

دى بقى البريمة بليل ..

http://rooosana.ps/Down.php?d=QY8H

دى الغرفة اللى كنت قاعد فيها فى البر ..

http://rooosana.ps/Down.php?d=QobH

ده المطعم بتاع البر .. هو كبير اوى بيشيل 3000 واحد ..

http://rooosana.ps/Down.php?d=Ii6t

شوية مواسير على البريمة ..

http://rooosana.ps/Down.php?d=H1iZz

الملعب اللى على البر .. وكان فيه ملاعب سكواش هههههه .. وجيم وكافتريات والجو بليل أساسا رائع ..

http://rooosana.ps/Down.php?d=2j06

الملعب بليل ..

http://rooosana.ps/Down.php?d=Wxps

كنت طالع من الجامع بصور البحر ..

http://rooosana.ps/Down.php?d=yQ3w

زمايلى .. منهم مهندسين بترول زيى وناس ميكانيكا وناس كهربا وناس اتصالات .. شباب زى العسل والله .. وحشونى ..

http://rooosana.ps/Down.php?d=wbp7

هنا على السلم .. وأنا طالع ال rig floor <<

http://rooosana.ps/Down.php?d=pwaT

وإن شاء الله يوم 18/9 مسافر تدريب كمان لشركة مصرية بس هننزل على بريمة ألمانية تبع شكرة rwe >> بس يارب ميطلبوش تصاريح كتير أوى ..

كان فيه صور كتير أوى ليا ولصحابى تضحك بس يعنى مينفعش أحطها لأنى كنت هتعب فى إخفاء الوشوش ..

سلامو عليكو ..

دمع المطر 08-17-2011 09:28 PM
رد: رحلتى إلى البريمة ~
 
يعطيك العافية صور روعة
و مغامرة اروع كما يبدو

حسام المصرى 08-17-2011 09:42 PM
رد: رحلتى إلى البريمة ~
 
من أحلى المغامرات والله ..
بر وبحرا وجوا .. ^^

حنين وطن 08-17-2011 11:59 PM
رد: رحلتى إلى البريمة ~
 
جُهد رآئع تُشكر عليه ..

صور رآئعة وكأننا شاركناك رحلتك

يعطيك ألف عــآفيه ..أجمل تقييم ..

إستمر بجهودك وتميزك مُوفق

CoOl GiRl..~ 08-18-2011 12:19 AM
رد: رحلتى إلى البريمة ~
 
يعطيك العّ ــآفيهـ

.. ريتّـــا .. 08-18-2011 12:34 AM
رد: رحلتى إلى البريمة ~
 
ما شاء الله
يبدو إنو الرحلة كانت مثمرة
بالتوفيق يا رب
والحمد لله ع سلامتك :)

§عاشقة غزة§ 08-18-2011 12:44 AM
رد: رحلتى إلى البريمة ~
 
واااااااااو
صور روعة
اكيد الرحلة كانت ممتعة
لانه احنا استمتعنا من خلال الصور
يعطيك العافية

حسام المصرى 08-18-2011 02:03 AM
رد: رحلتى إلى البريمة ~
 
اقتباس:
المشاركة الأصلية كتبت بواسطة حنين وطن (المشاركة 1715326)
جُهد رآئع تُشكر عليه ..

صور رآئعة وكأننا شاركناك رحلتك

يعطيك ألف عــآفيه ..أجمل تقييم ..

إستمر بجهودك وتميزك مُوفق
ردك رفع معنوياتى ..
هو كان ترديب لمدة 8 أيام واخدت عليه مرتب رمزى كمان .. وما شاء الله كان فيه مهندسين فىا لبريمة بياخدوا 200 دولار فى اليوم .. ربنا يكرمنى يارب .. أنا كتير استمتعت

اقتباس:
المشاركة الأصلية كتبت بواسطة coo0ool girl (المشاركة 1715349)
يعطيك العّ ــآفيهـ
نورتى كوووووووول

حسام المصرى 08-18-2011 02:11 AM
رد: رحلتى إلى البريمة ~
 
اقتباس:
المشاركة الأصلية كتبت بواسطة .. ريتّـــا .. (المشاركة 1715357)
ما شاء الله
يبدو إنو الرحلة كانت مثمرة
بالتوفيق يا رب
والحمد لله ع سلامتك :)
كتير التدريب كان مثمر .. الواحد حس أنه مهندس فعلا .. واستفدت كتير ..

الله يسلمك ريتا :ShababSmile226:

.. ريتّـــا .. 08-18-2011 02:20 AM
رد: رحلتى إلى البريمة ~
 
ههههه أُوعك p:


:)

حيآة الروح 08-18-2011 02:21 AM
رد: رحلتى إلى البريمة ~
 
صور رائعة اخي حسام
اعجبني المطعم والبحر اكتر شي
يسلم ايديك يا رب
موفق ^_^

PaLeSt!Ne SouL 08-18-2011 11:23 AM
رد: رحلتى إلى البريمة ~
 
قاعدة بتخيل لو اجن موجة كبيرة بتروحوا فيها :)

الصور حلوة و شئ جديد حلو تجربه

الله يوفقك و تصير ملكلك و النا نسبة من الارباح :)

حسام المصرى 08-18-2011 06:19 PM
رد: رحلتى إلى البريمة ~
 
اقتباس:
المشاركة الأصلية كتبت بواسطة .. ريتّـــا .. (المشاركة 1715430)
ههههه أُوعك p:


:)
:ShababSmile226:

حسام المصرى 08-18-2011 06:23 PM
رد: رحلتى إلى البريمة ~
 
اقتباس:
المشاركة الأصلية كتبت بواسطة حيآة الروح (المشاركة 1715431)
صور رائعة اخي حسام
اعجبني المطعم والبحر اكتر شي
يسلم ايديك يا رب
موفق ^_^
مرورك الأروع ..

المطعم فعلا كان رائع .. ولا الأكل اللى كان بيتقدم ... كتير كان جميل جدا .. ^^

البحر برده كان صافى وأزرق .. بس منظره أحلى بقى من جوه فى الأعماق فى البريمة لما كنت ببص ألاقى الميه صافيه وجميلة جدا والعمق كبير وكان فيه أسماك كمان .. ومنظره من الطيارة الهليوكبوتر خرافى .. بس مكنش ينفع ننزل بقى عشان الصيام ..

البحر الاحمر .. أصل الموقع ده كمان قبل الغردقة ب 70 كم ..
عدينا على قرى سياحية كتير ..

حسام المصرى 08-18-2011 06:38 PM
رد: رحلتى إلى البريمة ~
 
اقتباس:
المشاركة الأصلية كتبت بواسطة PaLeSt!Ne SouL (المشاركة 1715703)
قاعدة بتخيل لو اجن موجة كبيرة بتروحوا فيها :)

الصور حلوة و شئ جديد حلو تجربه

الله يوفقك و تصير ملكلك و النا نسبة من الارباح :)
يا خبرأبيض عليكى ..

يعنى انتى سبتى كل ده وعايزة تشوفى ايها لطريقة اللى تموتينا بيها ..÷هههههه

بصى مبدأيا الأمواج مش بتأثر لان مهندسين ال design بيعملوا تصميم بحيث يقاوم ال wave action << ويفضل علطول فى موقعه .. بس أى نعم سعات بتحصل مشاكل فى بحر الشمال مثلا والأمواج بتخلى حفارات تتحرك من مكانها بس هى بتكون عايمة يعنى إلا بقى لو اتقلبت لا قدر الله ..

عموما أنا كنت زيك فاكر أنال حفار صغير طلع ضخم جدا زى سفينة كده .. يعنى اللى يغرقه موجه تسونامى .. ولو الموجه دى حصلت كلنا هنموت طبعا .. مش من الميا لأنى بعرف أعوم ..÷هههههه

ولكن من الحمم البركانية ..

وبعدين مخاطر العمل فى البترول كتيرة جدا بم اانك حبة موضوع المخاطر ..

ممكن مثلا لو الزيت الى بننتجده طله معاه h2s بتركيز عالى وهنسنتدل علىلا وجوده باجهزة بتتعلق علىال صدر بتعمل alarm لما التركيز بيكون عالى .. والعمال علطول بيلبسوا أقنعة التنفس وبيروحوا أعلى مكان فى البريمة لأنال غاز تقبل وبالتالى بينزل لتحت فالناس بتطلع فوق عشان تتنفس أكسجين ..

عندك مثلا ممكن يحدث حاجة إسمها blow out ودى أن الزيت اللى طالع من الأرض منقدرش نتحكم فيه وبتكون خطأ بشى من مهندس الكنترول .. والبريمة هتتحرق باللى فيها وحصلت الحادثة دى كتير أوى وأشهرها بئر فى الكويت قعد مولع لمدة 3 شهور تقريبا وناس كتير ماتت ..

كمان فيه مواد مشعه بتطلع ممكن تموتنا ..

كمان ممكن واحد ماسورة تقع عليه أو يقع فى البحر وسمكة قرش تكله يموت ...

وكتير بقى المخاطر ..

لكن العمر واحد الورب واحد ..

ههههههههه:ShababSmile237:

حيآة الروح 08-18-2011 08:13 PM
رد: رحلتى إلى البريمة ~
 
اقتباس:
المشاركة الأصلية كتبت بواسطة حسام المصرى (المشاركة 1715941)
مرورك الأروع ..

المطعم فعلا كان رائع .. ولا الأكل اللى كان بيتقدم ... كتير كان جميل جدا .. ^^

البحر برده كان صافى وأزرق .. بس منظره أحلى بقى من جوه فى الأعماق فى البريمة لما كنت ببص ألاقى الميه صافيه وجميلة جدا والعمق كبير وكان فيه أسماك كمان .. ومنظره من الطيارة الهليوكبوتر خرافى .. بس مكنش ينفع ننزل بقى عشان الصيام ..

البحر الاحمر .. أصل الموقع ده كمان قبل الغردقة ب 70 كم ..
عدينا على قرى سياحية كتير ..
اه
حلو جدا
كان صورت لنا سمكة طيب هههههه:ShababSmile221:
ولا الاكل اللذيذ الي تقول عنه:ShababSmile229:
بس فعلا مبين رحلة حلوة:ShababSmile237:
يا عم عيش واتهنى:ShababSmile240:
ان شاء الله تورجينا رحلة أحلى وأحلى:ShababSmile240:

عاشقة أرض جنين 08-19-2011 01:39 AM
رد: رحلتى إلى البريمة ~
 
يا الله ما أحلى البحر
:ShababSmile240:

يعطيك العافية

اسد 22 08-19-2011 05:21 AM
رد: رحلتى إلى البريمة ~
 
يا خبر ابيض

جميلة الرحلة


وربنا يوفقك وينجحك في حياتك الدنيا والآخرة وتتخرج باقرب وقت

ونشوفلك عروسة

:ShababSmile226:

حسام المصرى 08-19-2011 02:04 PM
رد: رحلتى إلى البريمة ~
 
اقتباس:
المشاركة الأصلية كتبت بواسطة حيآة الروح (المشاركة 1716019)
اه
حلو جدا
كان صورت لنا سمكة طيب هههههه:shababsmile221:
ولا الاكل اللذيذ الي تقول عنه:shababsmile229:
بس فعلا مبين رحلة حلوة:shababsmile237:
يا عم عيش واتهنى:shababsmile240:
ان شاء الله تورجينا رحلة أحلى وأحلى:shababsmile240:
المسافة بعيدة .. مكنتش هجيب .. السمك
أنا أساسا كنت خايف أقع فى الميه .. البحر الأحمر مليان قروش واسماك سامة .. قبل كده كنت فى العينا لسخنة والله فى شط .. والصيادين كانوا بيصطادوا من جوه اسماء غريبة منها اسماك قرش وقالونا أوعوا تدخلوا جوه ..

الأكل بقى كان رهيب بجد .... أجمل من أكل عاشقة غزة بكتير ..هههههههه

بعدين مكنتش رحلة .. انا بس اخترت اسم الموضوع كده ..

كان تدريب وطلع عينى من الشحم والمكن وصوت المواتير .. الشغل صعب جدا ..

ادعولنا انتم بس أشتغل وأصورلكم كل حاجة

حسام المصرى 08-19-2011 02:13 PM
رد: رحلتى إلى البريمة ~
 
اقتباس:
المشاركة الأصلية كتبت بواسطة palest!ne soul (المشاركة 1715703)
الله يوفقك و تصير ملكلك و النا نسبة من الارباح :)
البريمة دى بتتاجر فى اليوم ..
وتقريبا محدش من الدول العربية بيصنعها كاملة ..

شركة edc المصرية كانت مجمعة بريمة تقريبا أجمل بريمة فى الشرق الأوسط بس بريمة برية ..

بريمات البحر بيعملها الشركات الأجنبية ..

وعموما يا ستى إن شاء الله أنتى تؤمرينى يوم تعالوا مصر كل المنتدى وأعزمكم أحلى عزومة ..
بس الجلى عليكم ..هههههههه

حسام المصرى 08-19-2011 02:16 PM
رد: رحلتى إلى البريمة ~
 
اقتباس:
المشاركة الأصلية كتبت بواسطة عاشقة أرض جنين (المشاركة 1716230)
يا الله ما أحلى البحر
:shababsmile240:

يعطيك العافية
اها والله جميل ..
تسلمى أختى ..

حيآة الروح 08-19-2011 02:17 PM
رد: رحلتى إلى البريمة ~
 
اقتباس:
المشاركة الأصلية كتبت بواسطة حسام المصرى (المشاركة 1716368)
المسافة بعيدة .. مكنتش هجيب .. السمك
أنا أساسا كنت خايف أقع فى الميه .. البحر الأحمر مليان قروش واسماك سامة .. قبل كده كنت فى العينا لسخنة والله فى شط .. والصيادين كانوا بيصطادوا من جوه اسماء غريبة منها اسماك قرش وقالونا أوعوا تدخلوا جوه ..

الأكل بقى كان رهيب بجد .... أجمل من أكل عاشقة غزة بكتير ..هههههههه

بعدين مكنتش رحلة .. انا بس اخترت اسم الموضوع كده ..

كان تدريب وطلع عينى من الشحم والمكن وصوت المواتير .. الشغل صعب جدا ..

ادعولنا انتم بس أشتغل وأصورلكم كل حاجة
اهآآ
يلا الله بعينك يا رب
موفق بشغلك الصعب
:ShababSmile109:

حسام المصرى 08-19-2011 02:39 PM
رد: رحلتى إلى البريمة ~
 
اقتباس:
المشاركة الأصلية كتبت بواسطة §عاشقة غزة§ (المشاركة 1715363)
واااااااااو
صور روعة
اكيد الرحلة كانت ممتعة
لانه احنا استمتعنا من خلال الصور
يعطيك العافية
التدريب كان ممتع جدا ..
واتعلمت حجات كتير فى ال safety

نورتى

نسمة جزائرية 08-19-2011 06:56 PM
رد: رحلتى إلى البريمة ~
 
:)

بصحتك حسام

باين فوتت رحلة مليحة

العقوبة للمرات الجاية تكره منها :)

نابلسية كححح 08-19-2011 08:51 PM
رد: رحلتى إلى البريمة ~
 
اول صورة روعه

بتزبط لكتابي الجبولوجيا

=)

موفق

حسام المصرى 08-20-2011 12:39 AM
رد: رحلتى إلى البريمة ~
 
اقتباس:
المشاركة الأصلية كتبت بواسطة اسد 22 (المشاركة 1716276)
يا خبر ابيض

جميلة الرحلة


وربنا يوفقك وينجحك في حياتك الدنيا والآخرة وتتخرج باقرب وقت

ونشوفلك عروسة

:ShababSmile226:
التدريب اها كان جميل ...
يارب اتخرج والله امنيتى حاليا خصوصا بعد ما شفت طبيعة الشغل والمرتبات اللى الناس بتقبضها كتير فرحت .. ما شاء الله

العروسة حاليا مش بفكر فيها .. خلاص .. أشوف مستقبلى بالأول بعدين أختار بنت الحلال اللى تناسبنى ادعى بقى تكون دكتورة .. :ShababSmile226:

حسام المصرى 08-20-2011 12:41 AM
رد: رحلتى إلى البريمة ~
 
اقتباس:
المشاركة الأصلية كتبت بواسطة نسمة جزائرية (المشاركة 1716540)
:)

بصحتك حسام

باين فوتت رحلة مليحة

العقوبة للمرات الجاية تكره منها :)
مقصدتش رحلة بمعنى رحلة ..
كان تدريب لمدة 8 أيام .. :ShababSmile226:

ما فهمت اللى بالأحمر

نورتى يا غالية

Arche 08-20-2011 12:43 AM
رد: رحلتى إلى البريمة ~
 
ايش الخوخ هادا الي انا شايفه ، ايش هالمشمش ، بس اهنييييك على الصورة الاولى احترافية بشكل ، بس سؤال ،انا بصراحة مهتم بالهندسة بشكل عام والمعمارية بشكل خاص لو بتعرف حدا من صحابك معماري تسالي كيف التخصص ؟ وياريت تقلي هل هندسة البترول كويسة ؟ بس بصراحة انا استغربت انه التدريب كان بترانز اوشنز لانها شركة مشهورة جدا ، متشوق جدا جدا لاسمع القصة وشكرا ,
peace

حسام المصرى 08-20-2011 12:47 AM
رد: رحلتى إلى البريمة ~
 
اقتباس:
المشاركة الأصلية كتبت بواسطة نابلسية كححح (المشاركة 1716594)
اول صورة روعه

بتزبط لكتابي الجبولوجيا

=)

موفق
هههههههه .. ليش ..
دى بريمة ..

العبد لله درس جيولوجيا لمدة 3 سنين .. والسنة الأخيرة السنادة هندرسها كمان ..
الله يوفقك هى كتير مادة لذيذة بس محتاجة خيال واسع ومهارة فى الرسم وتركيز عالى .. وذكاء

حسام المصرى 08-20-2011 01:12 AM
رد: رحلتى إلى البريمة ~
 
اقتباس:
المشاركة الأصلية كتبت بواسطة Arche (المشاركة 1716982)
ايش الخوخ هادا الي انا شايفه ، ايش هالمشمش ، بس اهنييييك على الصورة الاولى احترافية بشكل ، بس سؤال ،انا بصراحة مهتم بالهندسة بشكل عام والمعمارية بشكل خاص لو بتعرف حدا من صحابك معماري تسالي كيف التخصص ؟ وياريت تقلي هل هندسة البترول كويسة ؟ بس بصراحة انا استغربت انه التدريب كان بترانز اوشنز لانها شركة مشهورة جدا ، متشوق جدا جدا لاسمع القصة وشكرا ,
peace
على النعمة أنا مش عارف ايه حكاية الخوخ والمشمش
يا عم .. هو معقول يعنى أنا هصور الصورة دى ..هههههههه
انا جايبها من موقع ترانس أوشن .. البريمة اللى كنا عليها إسمها sentafe rig 141 .. لأن التصوير كان ممنوع على الهليوكوبتر .. لو كنت طلعت الموبايل الطيار كان رمانى من البحر .. بعدين وقت ما كنا نزلين على الحفار .. انا كنت فى وضع دهشة .. مكنتش فايق للتصوير .. أول مرة أركب طيارة وأطير على البحر وانزل على حفار بالضخامة دى ..

معمارى تخصص معروف للجميع يعنى .. وليا صحاب كتير مش محتاج شرح كتير ..
بس مبدأيا العمارة مش مجرد .. فوتوشوب ومايا و 3d max وسينما والحوارات دى .. البرامج دى الطلبة بيدرسوها فى آخر سنتين ..

الأساس بقى .. بترسم بإيدك وبتاخد مبادئ التخطيط العمرانى كلها .. والرسم والتحبير والحوارات دى ..
وبتدرس مواد هندسة مدنية كتير فيها الخرسانة وال steel وعند بتدرس test كتير أوى و strength .. عموما دى مواد سهلة .. ومدام انتا حابب التخصص هتبدع فيه ..


هندسة بترول كويسة دى مش محتاجة سؤال صراحة .. لأن أساسا الحروب كلها بتقوم عشان البترول .. وكل يوم البرميل سعره بيعلى .. واللى خلى دول الخليج غنية البترول وحاليا ما شاء الله عليهم ..

الكلية رائعة بمعنى الكلمة فى أى مكان فى العالم .. والشغل مرتباته عالية جدا .. أنتا ونصيبك ...
بس الأمريكان دايسين أوى فى الموضوع دى وشركاتهم ملهاش حل .. halliburton و weatherford ,,, وترانس أوشن .. شركات ملهاش حل ..

عندك كمان من أعظم شركات ال service .. شلمبر جير ودى شركة فرنسية .. وعند شركة baker huges كمان رهيبة ..

البترول تخصصاته كتير أوى .. ممكن تبقى مهندس طفلة أو حفار أو مهندس إنتاج او مهندس خزانات ..
وفيه ناس بتاخد فى الشهر 15 ألف دولار .. عادى أنتا بقى ومهارتك .. ممكن تبقى supervisor فى سنتين .. ميزة البترول أنك لو كويس .. بتعلى بسرعة ..

بس فيه عيب .. الحوادث كتير .. وانك بتشتغل شهرين وتريح شهر مثلا أو تشتغل اسبوعين وتريح اتنين .. ولو متجوز بقى هتبعد عن مراتك وعيالك .. وأساسا القعدة فىال بحر وصت الأمواج او فىا لصحرا مع موقع كله رجال بتبقى الحياة ناشفة أوى ..

حوار ترانس أوشن ..
أفهمك القصة .. الشركات فى القطاع عبارة عن

1- شركة owner

دى بتبقى فى البلد اللى الشركات الأجنبية بتحفر فيها .. مصر مثلا الشركة اللى رحتها إسمها جابكو .. شركة مالكة ...

2- شركة contractor
دى بقى شريك أجنبى .. بيشترك معاك بنسبة طبعا لانه عنده خبرة أكتر منك وتكنولوجيا أكتر منك .. فيتستفيد منه .. وطبعا الشريك بتاع جابكو شركة bb أو بريتش بتروليوم .. ودى شركة كبيرة ..

الشركة دى بيبفقى ليها نسبة فىال بترول ممكن تخده أو ممكن تبعهولك .. وبيبقى ليها حقول زيها زيك .. فى ارضك ..

3- شركة service
دى بقى اللى بتخدم عليك ... بتأجرها .. بتقولها مثلا أنا عايز أحفر فى مكان كذا .. هتلنا بريمة . ولان شركة ترانس أوشن بتصنع بريمات شركة جابكو أجرت منها البريمة وخلال الحفر بيبقى فيها حجات اسمها جوبات .. jobs >> زى ال completion وزى ال cementing وال perforation وال work over بصفة عامة .. وده بتشترك فيه شركات كتير .. يعنى جابكو كانت مشغله عندها هاليبرتون وناس من بيكر وناس من شلمبر وناس من cameron كل مهندس جاى من شركة بيبقى جاى يخلص حاجة تخصه .. واحد valves مثلا واحد يعملك tests على ال tools >> كده ..

وعشان كده أنا قابلت ناس أمريكان وناس انجليز .. ونزلت على بريمة ترناس أوشن الأمريكية .. لكن مدربتش تبعها .. بتمنى طبعا اشتغل فيها .. بس عايزة وسايط جامدة أوى ..

عموما أنتا لو درست البترول بما انك ما شاء الله عندك إمكانية تعيش فى أمريكا ممكن تاخد الجنسية والإقامة وتشتغل هناك ومرتبك هيبقى خيالى .. وتبعتلى بقى اشتغل معاك ..


أتمنى أكون فهمتك وقصدت أنى أطول فى الشرح ..

Arche 08-20-2011 01:35 AM
رد: رحلتى إلى البريمة ~
 
اقتباس:
المشاركة الأصلية كتبت بواسطة حسام المصرى (المشاركة 1717011)
عموما أنتا لو درست البترول بما انك ما شاء الله عندك إمكانية تعيش فى أمريكا ممكن تاخد الجنسية والإقامة وتشتغل هناك ومرتبك هيبقى خيالى .. وتبعتلى بقى اشتغل معاك ..


أتمنى أكون فهمتك وقصدت أنى أطول فى الشرح ..
هههههههههه :ShababSmile221: ولا يهمك اول ما اروح مرة تانية ببعتلك دعوة هههههه

بشكرك جدا على الشرح الرائع والله لسا محتار بترول ولا عمارة بس لسا باقي سنتين ، خلال سنتين ربك بفرجها ،

سلامو يا كبير

حسام المصرى 08-20-2011 01:47 AM
رد: رحلتى إلى البريمة ~
 
اقتباس:
المشاركة الأصلية كتبت بواسطة arche (المشاركة 1717029)
هههههههههه :shababsmile221: ولا يهمك اول ما اروح مرة تانية ببعتلك دعوة هههههه

بشكرك جدا على الشرح الرائع والله لسا محتار بترول ولا عمارة بس لسا باقي سنتين ، خلال سنتين ربك بفرجها ،

سلامو يا كبير
لا عمارة مين يا جدع .. متأكلش عيش ..

انتا روح جامعة الملك فهد بتاعة البترول هلتاقى فيها كمان دكاترة مصريين كانوا بيدرسوا فى كليتنا .. وزمان كليتنا قبل ما الكلية دى تتعمل كانت عاملة للسعوديين عمارات هنا وكانت بتدرسلهم بترول .. وما شاء الله شطحين دلوقتى

خليك فى البترول .. أحسن بكتير

ولو رحت أمريكا مستنى الدعوة .. دحنا ولاد منتدى واحد برده .. والعشرة متهونش .. ^^

حسام المصرى 11-10-2011 03:58 PM
رد: رحلتى إلى البريمة ~
 
اقتباس:
المشاركة الأصلية كتبت بواسطة arche (المشاركة 1716982)
ايش الخوخ هادا الي انا شايفه ، ايش هالمشمش ، بس اهنييييك على الصورة الاولى احترافية بشكل ، بس سؤال ،انا بصراحة مهتم بالهندسة بشكل عام والمعمارية بشكل خاص لو بتعرف حدا من صحابك معماري تسالي كيف التخصص ؟ وياريت تقلي هل هندسة البترول كويسة ؟ بس بصراحة انا استغربت انه التدريب كان بترانز اوشنز لانها شركة مشهورة جدا ، متشوق جدا جدا لاسمع القصة وشكرا ,
peace
مشتاقنلك والله خيو

عازفة الاحزان 11-13-2011 06:06 PM
رد: رحلتى إلى البريمة ~
 
لالالا
فجأتني
بتعرف تصور منيح
ليه الحكي يعني

اول صوره بجد روووووووووعه

لا تنسى الاتفاق بدي صور لطنطا
........

حسام المصرى 11-14-2011 09:45 PM
رد: رحلتى إلى البريمة ~
 
هههههههههه ..
اها بحب أصور ..

خلاص إن شاء الله أول ما تجيلىا لفرصة للذهاب لطنطا رح أصورلك ..

وعد ..


عازفة الاحزان 11-16-2011 06:31 PM
رد: رحلتى إلى البريمة ~
 
وعد الحر دين عليه

بعينك الله علي
لو تعرف شو هو السر بكرا بتروح ع طنطا

ههههههههههههههههه


الساعة الآن 04:43 PM.

Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas