|
.. أن يعيش بداخلك نورٌ بينما تعيش أنت في مدينة الظلام ..
السلام عليكم ورحمة الله وبركاته فكرة الموضوع ، بدي أحكيلكم قصّة أول إشي بعدين نشوف أمثلة :ShababSmile116: بيوم من الأيام كان الشارع مزدحم بالناس ، بس كان على حافة الطريق في رجل أعمى ، وكان في جمبيه طاقيّة ولوحة مكتوب عليها " أنا أعمى .. أرجوكم ساعدوني " ويمشو هالناس ولا حدا معبّره ، بالآخر وقف زلمة وقعد يراقب الموقف ما لاحظ بطاقيّة الأعمى إلا شوية مصاري ، فحطّله اللي قدر عليه وقبل ما يمشي أخد اللوحة من إيد الأعمى وكتب: " نحن في فصل الربيع ، ولكنني لا أستطيع رؤية جماله " فانتبه الناس لوجود الأعمى أكتر وحسّوا فيه ، وما خلص اليوم إلا وطاقيّته تملّت فلوس قولولي شو العبرة من هالقصّة؟ :ShababSmile116: STOP بس أخلّص الموضوع للآخر بتخبّروني :ShababSmile116: رح نحكي عن ناس انبثق النور من الظلام الذي في أعينهمْ ~ BRB http://files.shabab.ps/vb/images_cas...180806vvu6.gif |
رد: .. أن يعيش بداخلك نورٌ بينما تعيش أنت في مدينة الظلام ..
الشيخ/إبن باز إسمه: عبد العزيز آل باز بدأ الدراسة من وهوّي صغير ، وحفظ القرآن كاملاً قبل ما يوصل لسن البلوغ كان بصير في أول حياته ، لكن بعدين قدّر الله وأصابه المرض وصار نظره يضعف تدريجياً حتى فقده بالمرّة من مؤلفاته: العقيدة الصحيحة وما يضادها وجوب تحكيم شرع الله ونبذ ما خالفه الجهاد في سبيل الله وجوب لزوم السنة والحذر من البدعة ثلاث رسائل في الصلاة حكم الإسلام فيمن طعن في القرآن أو في رسول الله صلى الله علية وسلم الدعوة الى الله وأخلاق الدعاة وغيرها كتيـــــــــــر .. بعض المناصب التي تولّاها: القضاء في منطقة الخرج سنة 1357ه لأكتر من 24 عام نائب رئيس الجامعة الإسلامية بالمدينة المنورة ثم تولى رئاسة الجامعة الإسلامية في سنة1390ه الرئيس العام لإدارة البحوث العلمية والافتاء والدعوة والأرشاد عضوية هيئة كبار العلماء بالمملكة العربية السعودية عضوية الهيئة العليا للدعوة الإسلامية - أيضاً - في المملكة العربية السعودية بالإضافة إلى العديد من المناصب التي تولاها رحمه الله ، عميد الأدب العربي/طه حسين مصريّ الجنسية ، وُلد في عزبة صغيرة قريبة من محافظة المنيا عام 1889 أخ لـــ 12 ولد ! أبوه كان عامل في مصنع سكّر وهوّي صغير أُصيب بالرّمد ، وفقد بصره كليّاً لما كان يتعالج - الأخطاء الطبية يا مكترها! - إعاقة الطفل طه حسين كانت السبب في اكتشاف مَلَكته مبكّراً لأنه قدر يكوّن صورة حيّة عن كل فرد من أسرته معتمداً على حركتهم وصوتهم فـــ اللي صار إنه صمّم هالطفل إنه يطلق العنان لمخيّلته حتى توصل لـــ آفاق بعيدة فحفظ القرآن الكريم قبل ما يتمّم 10 سنين وفي عمر الــــ 14 بدأ رحلته الكبرى للأزهر بقصد طلب العلم تزوّج طه حسين سنة 1917 من امرأة أحبّها قلبه تعرّف عليها لما سمعها بتقرا شعر لــــ رايسين فحبّ نغمات صوتها ، وعشق طريقتها في الإلقاء ، وتعلّق قلبه فيها من مؤلّفاته: كتاب في الشعر الجاهلي: هالكتاب أحدث ضجة كتير كبيرة ، ورُفعت دعوة قضائية ضد طه حسين ، وأمرت النيابة بسحب الكتاب من أماكن البيع وأمرت بمنع توزيعه ! أيضاً كتاب حديث الأربعاء على هامش السيرة رواية الأيام رواية الحب الضائع رواية دعاء الكروان وكتير مؤلّفات تانية ، مساحة الموضوع ما بتسمحلنا نذكرها كلها ما كان طه حسين بس بيألف كتب بلغته ، كان كمان يترجم كتب جايّانا من دول أجنبية من الجوائز الحاصل عليها: جائزة الدولة التقديرية فى الأدب العربي - عام 1959 قلادة النيل الكبرى وهى أرفع وسام فى مصر - عام 1965 جائزة من لجنة الأمم المتحدة لحقوق الإنسان - عام 1973 ، الرسام/Esref Armagan هوّي رجل مشهور جداً في تركيا موجود حالياً في أميركا ، ولا زال العلماء والأطباء بحاولوا معالجته ودراسة حالته العجيبة ! اللّي حيّر العلماء إنو كيف ممكن الإنسان يرسم شي ما شافه أبداً في حياته لأنو هالرسّام انولد أعمى .. يعني ما شاف غير السواد بعينيه لكن أنا متأكدة إنو شاف حلاوة كل الألوان بمخيّلته :ShababSmile116: هادا رابط مباشر لكل أعماله ورسوماته http://www.armagan.com/paintings.asp صور لبعض لوحاته |
رد: .. أن يعيش بداخلك نورٌ بينما تعيش أنت في مدينة الظلام ..
الطبيب الأمريكي/ديفيد هارتمان كانت أمنيته دراسة الطب ، مع لإنو كل اللي بيعرفوه وبما فيهم أسرته كانو حاطين براسهم إنو هالشي مستحيل عام 1982 تخرّج ديفيد هارتمان من الثانوية العامة بمعدّل كاد أن يصل حدّ الكمال تقدّم بطلب الإنتساب لــــ 10 كليات طبّية تم رفضه من قبل 9 كليات ولكن وأخيراً قبلوه في جامعة تمبل وبدأ ديفيد مرحلة التّحدّي .. كان يدرس علم الأنسجة ، ولما كان زملاؤه بيشوفو الخلايا وبيفحصوها تحت المجهر كان يستعين فيهم ويخلّيهم يوصفوله شو شافوا وساعده أساتذته في تحضير رسوم محفورة على طريقة برايل حضّر ديفيد هارتمن مكتب خاص فيه ، بيضمّ إله كل المراجع اللي بتهمّه في دراسته مرت الأيام والسنين وأجى اليوم اللي تسلّم فيه ديفيد شهادة الدكتوراة في الطب رغم إصابته ، ورغم توقّع كل المحيطين فيه فشله بهالمجال ! لكن سبحان الله .. بالإرادة والعزم نقهر الصعاب ، نحن لدينا عيونْ وننظر بعين ضيّقة .. ولكن ما شاء الله بعض فاقدي البصر ينظرون بأعين من صنعهمْ ! :) ، بدّي أقولّكم كمان قصة طريفة ، بعدين نشوف فيديو مع بعض يُقال إنو هالقصة لـــ بشار بن برد ، وهو شاعر أعمى سأل رجل بشار: أنت أعمى ، أخذ الله منك فما عوّضك بنعمة غيرها؟ قال بشّار: عوّضني بألا أرى وجهك! http://shabab.ps/vb/images/icons/icon10.gif يلا نشوف الفيديو سوا http://www.youtube.com/watch?v=Cy6O0vhpo64 قطّع قلبي - على نفسي مش عليه والله :icon26: - . . ما شاء الله عليهم عنجد إن كانت الحواس لا تعمل ، فإن الروح تعمل والجوارح لا تكلّ ! انتهى الموضوع على بركة الله ما حبيت يكون كتير طويل مع إنو بين إيديّ مادة كتير طويلة وعريضة بس حبيت أنجزه بأسرع وقت عشان ألحقلي أنام شوي قبل الإفطار هالموضوع مقدّم إهداء إلى عاشقة غزة بمناسبة تولّيها الإشراف :icon26: وعنجد كنت حابّة أطلّعه بصورة أحلى .. بس الوقت http://shabab.ps/vb/images/icons/icon13.gif |
رد: .. أن يعيش بداخلك نورٌ بينما تعيش أنت في مدينة الظلام ..
اقتباس:
فهذا لا يعود كونه مستشرق غربي بدماء عربية ، لا ادري على ماذا التمجيد والتضخيم في شخصه وهو قد صدح بالكفر عيناً .. ومعظم مؤلفاته في محاربة الاسلام والتشبه بالغرب |
رد: .. أن يعيش بداخلك نورٌ بينما تعيش أنت في مدينة الظلام ..
آنـآ من آشد المعجبيـن بهذه الشخصيـآت خآصـه الشيح محمد العريفي الله يكثر من أمثاله :)
والله يرحم بن بأأآز من آشهــر شخصيــآت الدنيـه ^^ رآئــع ريتُــآ :ShababSmile240: |
رد: .. أن يعيش بداخلك نورٌ بينما تعيش أنت في مدينة الظلام ..
اقتباس:
من ذوقك والله العبرة اول شي ان نلون حياتنا ان نسعى التجديد والتغيير أن الاعاقة ليست بالجسد والطموح يفتح ابواب المستحيل رائع تسلم ايديك |
رد: .. أن يعيش بداخلك نورٌ بينما تعيش أنت في مدينة الظلام ..
أول شى كل عام وانتى بخير يا ريتا
دائما الغير عربي متطور علينا بالقيم والاخلاق لأنه مقدر الناس ومقدر نفسه ومقدر وجوده بالحياة وانه اله هدف وقلب وقلوب بتحيط فيه بحترمها وما بجرحها هذا للتنويه أمثلة وقصة حلوة وأمثلة عربية لقادة وأدباء عرب أتمنى أن نقتدي بهم وقصة معبرة ورائعة جدا أتمنى ان نستفيد منها العبر والحكم وان نحكم ضميرنا بكل شئ دمتى بخير |
رد: .. أن يعيش بداخلك نورٌ بينما تعيش أنت في مدينة الظلام ..
سبحان الله ....سبحان الله بوخذ البصر وبعوض بالبصيرة وقوة الارادة
شكرا لك عالموضوع الرائع |
رد: .. أن يعيش بداخلك نورٌ بينما تعيش أنت في مدينة الظلام ..
اقتباس:
ولكن في هادا الموضوع بالذات ما كنت بدي أقول رأيي لإني ما قرأت أي شيء من كتاباته ، وموضوعنا الأساسي عن فاقدي البصر الغير فاقدي للعزم والنجاح - بغض النظر عن صلاح سبيلهم من فساده - فاكتفيت بقول أنه هوجم في كتاب ما :) شكراً شهيد لأنك صاحب المقعد الأول http://shabab.ps/vb/images/icons/icon14.gif اقتباس:
شكراً فرفوشتي نوّرتي يا قمرة :ShababSmile116: |
رد: .. أن يعيش بداخلك نورٌ بينما تعيش أنت في مدينة الظلام ..
عاشقة غزة ، بس يكون عجبك هالجهد البسيط :ShababSmile116: اقتباس:
:ShababSmile116: لما كتبت القصة قصدت منها بشكل رئيسي إنو ممكن يكون الغلط في طريقتنا أو أسلوبنا في النظر للشيء تغيير استراتيجياتنا ممكن يحوّل الأمور ويقلبها للأحسن - نوّرتي عاشقة غزة http://shabab.ps/vb/images/icons/Shabab6.gif جريح منك يا زمن ، أول شي وإنت بخير وصحة وسلامة http://shabab.ps/vb/images/icons/icon12.gif كلامك دُرر وصحة مية مية ، لكن أنا ما بشوفو بينطبق ع كل العرب ، ولا كل الغربيين في كتير غربيين اللهم عافينا :ShababSmile224: شكراً خيي ، أتمنى ألا تكون هذه زيارتك الأخيرة لمواضيعي :ShababSmile116: أنس 1988 كنت زمان أسمع ستي بتقول نفس كلامك هاد " العمى عمى البصيرة مش النظر " ومكنتش أعرف إيش يعني نسأل الله ألا يعمي قلوبنا ، فذلك أخير من عمى أعيننا :) شكراً أخي |
رد: .. أن يعيش بداخلك نورٌ بينما تعيش أنت في مدينة الظلام ..
أنا أنا بعرف العبرة طلعيني مس ريتـآ xp العبرة أنو الحكي بيأثر ... فلمـآ حلى كلآمه النـآس عطوهـ فلوس آمم غلط بعرف المهـم p: موضوع رائع ما شاء الله و الصراحة أنا ما كنت بعرف أنو ابن بـآز الله يرحمه كآن أعمى، وهدآ التركي الي بيرسم وهو أصلآ مولود أعمى عجييب ! آستفدت الصرآحة شكـراً رورو حبيبتي ~ < و بخصوص الي حاطط تعليـق الغرب متقدميـن علينـآ بالله تدخلش الحابل بالنابل بالموضوع في عرب و تركي و أمريكي ! يعني مو بس أجانب ! بس كان لآزم أحكي p: شكراً مرهـ أخرى ريتـآ ! |
رد: .. أن يعيش بداخلك نورٌ بينما تعيش أنت في مدينة الظلام ..
هههههه عبّورة :icon26: سيبيكي من الزلمة يا وردي محمى دمّك ، إله رأيه زي ما إلك رأيك :) موضوع الرسّام الأعمى كتير لفت نظري ، وقعدت أقكر كيف فيه يتخيل ويرسم شغلات عمره ما شافها بس مش يمكن الناس اللي حوليه بيوصفوله الأشياء وهوي بيرسمها بخياله؟ شكراً عبّورتي (f) |
رد: .. أن يعيش بداخلك نورٌ بينما تعيش أنت في مدينة الظلام ..
صراحة موضوع اثر في
واحمد ربي على كل النعم ومساعدة الناس مو شيي غلط ويسلمو وتقبلي مروري لك ودي وكل الاحترااام |
| الساعة الآن 11:25 PM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas